رواية سراب الفصل السابع بقلم جمانه السعيدي
سراب...طلعت من البيت واني ادعي الكي شغل وسكن لان وضعي كلش تعبان
ساعه اشيل أنمار وساعه اشيل مصطفى
وساعه اشيلهم ثنيبنهم
المشكله اي واحد يشوفني يرفض يوضفني
لان شكلي تعبان لا ملابسي بيه خير ولا الجهال ملابسهم حلوه
لابسه دشداشه تعبانه وفوكه رداء شحاله اخذته من بت خالي ونعال ابو الإصبع ورابطه شعري ليوره
شكلي كلش تعبان
ولا عندي شهاده ولا اعرف اي صنعه
عبالك مجديه افتر بلشوارع
رحت هواي بوتيكات ملابس ومكياج وماقبلوني
لان شكلي تعبان
يردون وحده لابسه ضيك ومكيجه وتعرف تسولف وتضحك
واني ابد هاي الموصفات مو يمي
رحت الوحده ام صالون
كالت شتعرفين كص شسوار مكياج بدي كير ومنكير حفافه
شيره
كتله كلشي مااعرف
ردت عليه لعد على شنو مشغلتج ماتكليلي
جمانه السعيدي
بقيت افتر طول النهار كتلني الجوع والتعب والجهال هم تعبو وجاعووو
وماكو اي شغله اشتغله
رجعت للبيت مهدود حيلي
بس دخلت زوجت خالي كالت هاا رجعتي
خالي...مالكيتي شغل
سراب...ماكو اي شغل ماكو وكل الي يشوف الجهال وياي
مايقبل يشغلني
باجر ارجع اطلع ولله كريم
اكلت لكمه شلون مجان وكلت الجهال وغسلتلهم
خليتهم واحد منا وواحد منا نمت من لتعب
اديه يوجعني وركبتي توجعني لا ن شايلتهم وافتربيهم
كعدت ثاني يوم وقررت اطلع ادور شغل كعدتهم ثنيبنهم
طبعا همه بنفس الملابس ماعندي اي ملابس اللهم
همزين صيف اغسل الملابس بسرعه تنشف
لبست الرداء فوك الدشداشه وطلعت
المهم ردت اطلع جان زوجت خالي تصيح عليه
زوجت خالي...عود ارجعي نامي على كلبي اشتغلي اي شي
ولا ترجعين هنا حتلو اجدين بلجهال بس لا ترجعين عليه
سراب...درت وجهي ودموعي نزلن
ليش يمه ليش هيج تخلين اليسوه والي مايسوى يحجي عليه
مجان عدنا بيت ولله ساترنا ليش ضيعتيني وخليتني
بعازة الناس
ماالوم زوجت خالي ابد اني امي رخصتني وزوجي شمرني ليش هي تحافظ عليه
اكيد ماتريدني بيته
مسحت دموعي وكلت الله كريم رب العالمين مراح ينساني ابد
بقيت افتر طول النهار والتعب اخذني وكلشي ماحصلت
محد يقبل يشغلني
فتنا اني والجهال من يم سوبر ماركت والجهال عطشانيين كامو يبجون يردون ماي وعصير
أنمار فلت ايدي ودخل جوا جاب عصير ويصرخ افتحي اليه
اريد اخذه من ايده وارجعه مايقبل يصرخ
عطشان اريد عصير
جره اليه وجره اله انشك باكيت العصير والعصير صار على الكاع
كعدت يمه وكمت ابجي
هو يبجي واني ابجي ومصطفى حاضني ويبجي
اجاني رجال جبير لابس دشداشه وخال جفيه على راسه
الرجال...هااا عمي ليش تبجي
سراب...اهي اهي كمت ابجي بلزايد مااكدر احجي
راسا صاح على العامل جيب مي بارد وعصير للجهال
جمانه السعيدي
جابلي مي مسحت دموعي وشربت شويه
والجهال فرحو بلعصير
سراب...اريد ماسحه امسح مكان العصير
الرجال...لا هسه العامل يمسحه
ماكلتليلي ليش تبجين
سراب... الدنيا ساده كل البيبان بوجهي تعبت ولله تعبت
الرجال.. كومي تعاي اكعدي هنا على المبرده
واحجيلي
سراب...كعدت على المبرده وحجبتله كلشي صار وياي
الرجال...الله يساعدج
سراب...اريد شغل اي شغل حتلو عاملة نضافه فدوه اي شغل اقبل
حتلو عاملة بناء ميخالف بس اصرف على ذوله الجهال
الرجال...اني عندي شغل اللج انتضري هنا
سراب..بقيت كاعده كبال المبرده والجهال يمي
شويه وهذا الرجال دزالعامل جابلنا لفات كباب ورجع انطانا مي بارد
كعدنا اكلنا وشبعنا
الجهال لان تعبانيين وشبعو نامو ثنيبنهم
جابلهم فراش خلا الهم ونامو واني بقيت كاعده منتضره رحمة الله
شفته يتصل ويحجي وياشر عليه
بعدين اجو ناس يشترون والتهى شويه اني تمددت بصف الجهال ونمت هلكد ماتعبانه مادريت بنفسي
ماحسيت اله الرجال يكعدني
الرجال....عمووو عموووو اكعدي
فتحت عيوني راسا كعدت على حيلي
سراب...اسفه ماادري بنفسي ونمت لان تعبانه
الرجال..ميخالف
سراب..باوعت اكو حجيه واكفه بصفه وتباوع عليه
مره جبيره ولا بسه نضارات
لابسه جبة سوده وشال اسود وشايله بيده جنطه سوده
لبسه حلو وريحته طيبه مبينه بت عز
الرجال...مو تردين شغل هاي الحجيه ادور وحده تشتغل عامله بيته
جانت موصيتني على بت حلال واني كلبي ارتاحلج مو تفشليني وياها
سراب..وكفت اهلا وسهلا
الحجيه...شسمج
سراب..اسمي سراب
الحجيه...ذوله جهالج
سراب..الجبير ابني والزغير اخوي
الحجيه..اهلج وين
سراب...ماتو ابوي وامي ثنيينهم ماتووو وزوجي طلكني وشمرني بلشارع
وماعندي مكان اعيش بي
اذا اشتغل عندج حتلو ماتنطيني راتب بس اريد مكان
انام بي اني والجهال ولكمه ناكله
واني اخدمج بعيوني واي ضمانات تردين اني مستعده
الحجيه...اني اريد وحده تسكن عندي ماااريد وحده تطلع وتدخل اني ماعندي احد بلبيت
بس اني وابني معوق
ونريد وحده تخدمنا تكون بت حلال
ترا اني ناصبه كامرات بلبيت ديري بالج تغلطين اي غلط وياي
سراب...اخدمج بعيوني وتدللين جربيني وشوفي
جمانه السعيدي
الحجيه...اني راح انطيج غرفه انتي والجهال واللج راتب
نتفق علي بس بلبدايه اريد اشوف شغلج شلونه
سراب...اني بخدمتج
الحجيه...يله امشي وياي
سراب...كعدت الجهال وشلتهم ثنيينهم لان بعيونهم نعاس ومايقبلون يكعدون
طلعنا برا جان اكو سياره منتضرتنا سياره حلوه
صعدت الحجيه بلصدر وياا السايق
واني والجهال كعدنا ورا
مشينا تقريبا نص ساعه ووكفت السياره يم واحد يبيع مخضر نزل السايق وصعد صناديق مخضر وفواكه
الضاهر متسوكه قبل لا تجي عليه
رجعت مشت السياره ثلث ساعه
وصلنا المنطقه تخبل كلش راقيه والبيوت بيه فد شي
نزلت هي وفتحت الباب والسايق دخل الصناديق
اني نزلت وبقيت واكفه
الحجيه...تعاي ادخلي
دخلت للبيت بلبدايه حديقه اجنن وجبيره
وبعدين دخلنا للبيت مو بيت تحفه يجنن
الحجيه..تعاي وراي مشيت طلعنا من باب ثاني ورا البيت اكو غرفه وصحيات
فتحت بالمفتاح ودخلنا غرفه بيه سرير والكاع مفروشه
بيه ثلاجه زغيره وشاشه بلحايط
وبرا صحيات
الحجيه..انتي والجهال هنا تسكنون هسه ارتاحي وغسلي
انتي وياهم واليوم اللج راحه وباجر الصبح تبدين شغل
انتي ماعندج ملابس
سراب...لا ماعندي زوجي طردني وحتى ملابسي مااخذتهن
هسه اسبح واغسل دشداشتي لا تخافين اني مو وصخه بس الوكت عذبني
الحجيه..هسه اجيبلج ملابس
راحت واني والجهال كعدنا على الجربايه
الف الحمد لله والشكر واخيرا لكيت شغل يناسبني
رجعت عليه وبيده دشداشه وتراك
الحجيه...ذني بقن عندي من هدايه الحج مقسومات اللج
وباجر ترحين تشترين ملابس للجهال
هسه اسبحي وارتاحي
هاي الثلاجه بيه فواكه واني راح ادز على اكل جاهز
واحسب حسابكم للعشى
سراب...دنكت ابوس ايدها وماقبلت
الف رحمه على والديج حجيه
