رواية مريضه نفسيا الفصل السابع بقلم ملك ياسر
اللهم صل و سلم و بارك على سيدنا محمد صل الله عليه و سلم🌺
في عز الزحمة، وسط دوشة العربيات وهدير الشارع، مراد وقف قدام ليلى بعنين كلها غضب وانكسار. صوته كان عالي ومبحوح:
مراد:
"إنتي عايزة تلبسيني مصيبة أنا ماعملتهاش يا ليلى؟!"
ليلى (بصوت مرتبك وعنيها بتلمع من الدموع):
"أنا... أنا مش فاهمة حاجة، مش عارفة إيه اللي معايا، ولا إيه اللي حصل... أنت جيت ورايا إزاي؟ مش كنت في الشغل؟"
مراد (بيقاطعها بحدة):
"نسيت اللابتوب، رجعت أخده من البيت... لقيت الهانم بتركب تاكسي وماشية، كإنها مش متجوزة، ولا مسؤولة من حد!"
ليلى وقفت مصدومة، مش عارفة ترد، بس فجأة قالت بصوت منخفض وهي بتحاول تواجهه:
ليلى:
"مراد... أنت قت*لت سالي؟ إزاي؟ وليه؟ وإمتى؟"
هنا مراد سكت، عنيه اتغيرت، وبص بعيد كأنه راجع بالزمن لورا، وبدأت الذكريات تضرب في عقله...
(فلاش باك يبدأ)
في يومها، كان كل شيء بيولع... فيديو فا*ضح اتسرب ليا ولسالي، وصل للشركه فجأة ، واتفضحوا على النت.
اتجنن. راجع الكاميرات و لقاها كانت حاطه فون في اوضه المكتب بتاعتهم
خد عربيته وراحلها، قلبه مولّع نار، كان ناوي يزعق ويكسر الدنيا بس... مش يق*تل.
فتحتله الباب ، لقاها واقفة، سالي، في نص الصاله، و انا بقرب منها لقيتها مسكت السك*ينة، عنيها مرعوبة:
سالي (بتصرخ):
"لو قربت هموت نفسي! ما تلمسنيش!"
مراد صرخ فيها، قرب منها، شالها من إيدها بالعافية:
مراد (بغضب):
"إنتي اتجننتي؟! سيبي السك*ينة يا مجنونة!"
خد السكي*نة من إيدها بالعافية، رماها على الأرض، كتّفها علشان متأذيش نفسها.
زعقوا... اتخانقوا... بس في الآخر مشي وسبها.
تاني يوم الصبح، لقى الشرطة على بابه، وخبر مو*ت سالي منتشر!
(فلاش باك ينتهي)
مراد (بصوت مكسور وهو بيرجع للحاضر):
"ما لمستهاش... خدت السكينة ورميتها، وسبتها عايشة! واللي حصل بعد كده معرفوش!"
ليلى (بصوت متهدج):
"أنا... أنا عارفة مين اللي عمل كده... وخطف أختي... عشان كده كنت هنفذ اللي بيطلبه، بس ماكنتش أعرف إن كل ده حصل، كنت فاكرة إنك فعلاً موتها... بس هو، هي دي اخرت القذا*ره..."
مراد شدها من إيدها بقوة:
مراد:
"مش وقته الكلام ده! وريني الكيسه اللي معاكي."
ليلى طلعت الكيس اللي كانت ماسكاه، مراد فتحه بعصبية...
السكينة!
هي هي... نفس السكينة اللي شافها في إيد سالي يومها.
عينيه توسعت، قلبه وقع في رجليه.
مراد (بذهول):
"مين اللي بعتها؟! مين بعتهالك يا ليلى؟"
ليلى (بخوف):
"أيمن... أيمن بعتلي واحد سلّمهالي وقال إن لازم احطها في بيتك."
مراد عَض على شفايفه، عنيه مولعة نيران:
مراد:
"أنا هوريه! هقلب السحر على الساحر... وهيشوف أنا ممكن أعمل إيه!"
سحب ليلى من إيدها، وركبوا عربيته بسرعة، راحوا على البيت.
في الطريق ليلى كانت بتبكي:
ليلى:
"مراد... أختي... عايزة أختي، عايزاها ترجعلي، مش قادرة أستحمل!"
مراد (وهو سايق بعزم):
"هترجع، أنا عارف هرجعها إزاي، متخافيش..."
وصّلها البيت، ونادى على الحارس:
مراد (بهدوء مخيف):
"نفّذ اللي قلتلك عليه... دلوقتي."
وطلع على أوضته بسرعة، بيجهز لخطة عمره.
بعد شوية، خالد، أخو ليلى، دخل الشقة راجع من الدرس.
خالد:
"ليلى، رضوى لسه مرجعتش؟"
ليلى (بسرعة):
"آه، عند صاحبتها... هتيجي بليل."
خالد صدّق، ودخل أوضته.
مراد نزل من فوق، خد نفسه وراح على الشركة.
بذكاء وهدوء، مضى صفقات، وكسب عملاء، وبدأ يرجع اسم شركته في السوق.
بالليل رجع البيت...
سمع صوت جرس الباب...
الشرطة!
الضابط:
"معذرة، إحنا جايين بتفتيش رسمي."
فتشوا البيت بالكامل، دوروا في كل حتة، لكن...
مافيش حاجة.
بعدها مراد وقف قدامهم، وقال بصوت قوي:
مراد:
"أنا عايز أبلغ عن شخص... اسمه أيمن، هو اللي مشتبه فيه بق*تل سالي... كان عندها يومها، وبعدين الكاميرات اتقفلت لما نزلت.
وهو كمان اللي خطف أخت مراتي... ودي الرسايل اللي كانت بتتبعت لها، تثبت ده."
الضابط أخد الرسايل وبدأ التحريات.
بعد ساعات، الشرطة داهمت فيلا أيمن...
فتشوا المكان...
و لقوا السكينة...
وعليها بصمات أيمن!
قبضوا عليه فورًا، والتحقيقات أثبتت تورطه.
وفي خلال يوم، الشرطة رجعت رضوى لأختها، ووقفت ليلى تبكي وهي حضناها، ومراد واقف جنبهم، عينه فيها ندم، وفي قلبه وعد...
"كل اللي فات مش هيتكرر... واللي آذانا، دفع التمن."
و بعدين مراد لقى والدته داخله عليه و حضنته....
شكرا لزيارتكم عالم روايات سكيرهوم
