رواية مليكه الفصل السابع بقلم جمانه السعيدي
مليكه...تعشينا كص وببسي ورجعنا
هواي فرقتلي هاي الطلعه غيرت نفسيتي
رجعت فرحانه
بس وصلت جدي اتصل عليه يطمن وحجيتله على طلعتي
وصاني أدير بالي على نفسي
وانتبه من هاجر اكيد راح ادور طريقه حتى تخليني
ماأخذ حصتي كامله منهم
فرحانه بلملابس واقيس بيهن
بغرفة نورهان
الساعه ١٢ بليل رجعت الغرفتي
هاي السفره هواي غيرت اشياء بداخلي احس نفسي تغيرت
مو مليكه القديمه
مااعرف شنو تغير بس احس نفسي غير
للساعه وحده وماكدرت انام حسيت نفسي جوعانه
مشتهيه طماطه لاجعه
هنا مايكلون طماطه ابد احنا بيت خالي طبق الطماطه
طبق رئيسي بكل الوجبات موجود
بلريوك والغدا والعشى موجود
نزلت على كيف
فتحت الثلاجه طلعت طماطه
بعدين رجعته كلت هسه شيكولون عليه كاعده تكلي نص اليل
رجعت فتحت الثلاجه يله شبيه قابل اني شمسويه
هي طماطه
فتحت الثلاجه ودنكت اطلع طماطه بس رفعت راسي اريد اسد الثلاجه
جان اشوف سند واكف على راسي
مليكه...يمه
سند....فتحت عيوني ورفعت حواجبي شسوين
مليكه...موو مووو مووو
سند...هاا تحولتي بزونه كمت تمووو موين
مليكه...اريد اكلي طماطه جوعانه بس خلاص راح ارجعه اذا ماتقبل
سند...اصلا اني اجيت للمطبخ لان جوعان هي طيبه
مليكه...شنووو
سند..الطماطه
مليكه...تخبل تاكل
سند...اي احسبي حسابي وياج
جمانه السعيدي
مليكه...كعد على ميز الطعام واني قطعت الطماطه وخليت الطاوه على النار وخليت الزيت وشويه بصل بعدين صفطت الطماطه بلطاوه
جان تطلع هاجر من غرفته وزمخت عليه شكاعد تسوين بهليل البيت انترس ريحة تكلا
سند...اني جوعان وطلبت منه تكلي طماطه
هي ماله ذنب
هاجر...شغل المفرغه خل تطلع الريحه اففف وين اكو واحد ياكل طماطه هيج وكت
سند...جوووعان بعدين انتي ماتكلين طماطه ابد
هاجر...براحتك وانتي نضفي اي شي توصخي وراج فهمتي لو لا
مليكه....اي طلعت من المطبخ وسند شغل المفرغه
طلعت خبز حميت
بعدين خليت الطاوه على ميز الطعام
سند...شو بلطاوه
مليكه.. الطعم بلطاوه خرافي يجنن ماله مثيل ابد
سند...لو تشوفج ماما تخلين الطاوه على ميز الطعام جان رمتج طلقه
مليكه...خل تجي تضوك الطماطه وهي تدعيلي
جمانه السعيدي
بدينا ناكل ومن اول لكمه خلاها بحلكه
سند...الله صدك طيبه عاشت ايدج
مليكه...وانت العايش الف عافيه
سند..مبين طباخه ماهره
مليكه...حقك ماشايفني بيت جدي اميره وعلى راسي ريشه
اي شي مااسوي والناس تخدمني اقصد زوجت خالي وبناته
جدي مايقبل اي واحد يقرب عليه لو يضوجني
سند...ومنيبن تعلمتي الطبخ
مليكه..انت تسمي البيض السلك والطماطه تكلا طبخ
هاي ابسط شي الكل يعرفه
سند...وليش جدج مايقبل اي احد يقرب عليج
مليكه...لان يتيمه امي توفت بلولاده وابوي ماسئل عني ابد ممكن اسئلك سوال
سند...اكيد تفضلي
مليكه...ممكن تحجيلي شويه عن ابوي شلون شكله
شلون جان يعاملك ويعامل اخواني
سند...شكله كلش عادي يشبه اغلب الوجوه العراقيه
وانتي تنطينه شويه شبه
وكان يعاملني احسن معامله ابد مايفرقني عن نورهان
لو محمد
مليكه...قهرتني
سند..ليش
مليكه...يعني كلكم يعاملك احسن معامله واني شامرني ولا بيوم سئل عني الله لا يسامحه
سند...لا خطيه لاتكولين هيج
مليكه...الله لا يسامحه اليوم القيامه
امي ماتت بسبب القهر تعرف على امك ولمن عرفت امي
كانت على وجه ولاده
ومن القهر صار عدها نزيف حاد وهبوط بلدوره الدمويه
ورجع كمل جريمته لمن اخذ واحد مو ابنه يربي
واني بنته من لحمه ودمه عايفني
اعذرني مو قصدي اجرحك بس اني ضايجه منه
سند...حقج اني لو بمكانج هم اضوج
مليكه...انت ماتعرف شعوري من اشوف بنات خالي كل وحده عدها مشكله او تحتاج شي
تروح الامه وابوها وجود الام والاب بلحياة ضروري
مايعوضه اي احد
جدي كلش يحبني هو وبيبي بس بيني وبينهم جيل او جيلين
يعني لا نفس افكاري ولا تصرفاتي
صح هو ماضاغط عليه ومعيشني اميره بس
مو نفس امي وابوي
تعرف اني طول عمري حاسبه نفسي ولد والبس مثل الولد
واتصرف مثلهم
الحد قبل فتره يله قللت حركه ولعب
كل هاي الاشياء وتكول خطيه سامحي
ابد ماراح اسامحه طول عمري
جمانه السعيدي
سند...ولا تبين هيج تفكرين عبالك طفله
مليكه...شنو طفله دخلت ١٩ سنه
سند..بس شكلج طفله
مليكه...انت شتدرس
سند...اني كلية رياضه مرحله اخيره واعشق الملاكمه
وعندي مداليات ثنيبن دائما اشارك بلدوري المحلي
مليكه...يمه ملاكم
سند...وشبي الملاكم هم انسان حاله حال الناس
تعاي اشوفج غرفتي عندي كيس ملاكمه شوفي شلون اللعب
مليكه...خل اغسل الطاوه واغسل اديه واجي
سند..اني هم اغسل بس عاشت ايدج تخبل هاي الطماطه
مليكه..بس لا تطلب مني شي ثاني ترا هاي مواهبي كله تمام
سند...تمام
غسلت الطاوه ومسحت ميز الطعام وغسلت اديه ورحت ورا
لكيته فاتح الباب ولا بس كفوف الملاكمه
بس دخلت كال تعاي اكعدي اكو كرسي كعدت
سند...اولا لازم الضرب بطريقة الخطف يعني الضربه
تكون خاطفه وسريعه
هيج وكام يضرب بكيس الملاكمه
ثانيا تحمين وجهج من المقابل لان كلما ايده تلمس جسمج هاي نقطه
والوجه اهم شي تحمي لان اذا ضربج الخصم بوجهج تفقدين التركيز والتوازن
لازم تكون الحركه خفيفه وسريعه باعي رجليه كل اشويه
انزل على وحده بطريقه سريعه
مثل الرقص لازم اشتت نضر الخصم
مليكه...حسيت نفسي كدام معلم جاي يشرحلي
وخصوصا هو يشاركني لعبته المفضله
بدا يضرب البوكس ويتحرك يمين ويسار بخفه مو طبيعيه
مليكه...انت محترف
سند..عندي فريق اطفال اعلمهم ملاكمه طول الصيف افتح دورات وهيج اجمع مصرف الكليه
بالاضافه اني مسجل بلنادي الرياضي والي راتب
مليكه...حلو الانسان يخلي الشي الي يحبه مصدر رزق اله
سند..اني اعشق الملاكمه
مليكه...اروح انام صارت الساعه بلثنتين وربع ورانا كعده بلسته ونص حتى نتسابق
سند..مانسيتي
مليكه...هاا تريد تنسحب خاف اسبقك واخذ الهديه
سند...بس اذا اني فزت يمته مااريد طماطه تسويلي
مليكه..بس هاي بسيطه تصبح على خير
سند..وانتي من اهل الخير
جمانه السعيدي
صعدت خليت كريم الوجهي هاي ثالث مره اخلي بس وجهي حيل فرق علي
صار صافي وناعم وابيض ولله اني حلوه بس ضالمه نفسي حيل
خليت المنبه الساعه سته الصبح
بس دك كمزت راسا دخلت سبحت ومشطت شعري
ربطه ليوره ولبست بوند
والتراك والحذاء الجدد وخليت عطر
خليت شويه كحله وحمره خفيفه
مااعرف اني ليش هيج متحمسه
نزلت لكيت باب الغرفه مسدود معقوله بعده نايم لو غير رائيه دخلت للمطبخ شربت ماي راسا طلع من غرفته
شافني وابتسم
سند..صباح الخير شنو هلنشاط
مليكه...صباح الخيرات طبعا الشغله بيه تحدي
سند...ابدل واجي
شويه وطلع لابس تراك تشريت وشورت وحذاء رياضي
شرب مي واخذ بطل كال يله هذا البطل اذا عطشنا نشرب منه
طلعنا صعدنا بسيارته وصلنا للملعب راسا دخلنا الضاهر يعرفونه هناك
سند...هسه نركض داير الملعب ٣ مرات اشربي ماي قبل لا نبدي
مليكه...شربت مي خله البطل بلكاع وكال
من احسب لل ٣ نبدي تمام
مليكه... تمام
سند...واحد ثنيبن اتلاثه
مليكه بدينا نركض بس اني بعد ربع ساعه حسيت كلبي راح يوكف وكمت الهث
وهو عبالك فهد يركض ورا غزااله طاير
كملت فره وحده ووكفت
سند..هاا وكفتي
مليكه...كلبي راح يوكف
سند اشربي ماي وارتاحي علما اكمل
مليكه...كعدت على المصطبه اباوع علي وهو كلما يوصل يمي يضحك
خلص واجاني
مليكه...برافوووو مستواك محترف
اني كنت أتوقع محد يلحكني طلعت ماخذه مقلب بنفسي
سند...هسه شراح تسوين
مليكه...كبل للمطبخ اكلي اكبر طاوة طماطه
سند..اعترفي خسرتي
مليكه...باجر نعيد التمرين وافوز
سند..لا تدخلين تحدي انتي مو كده
مليكه...شنو موكده اصلا اني اليوم عفتك تفوز كسرت خاطري
سند...هاا هيج صار الحجي اوكفي
مليكه راسا ركضت
هو ركض وراي وكمشني شالني من خصري لف ايده على خصري راسي ورجليه يدندلن
لان هو طويل واني ناعمه عبالك شايل لعابه
راسا كام يفتر حسيت الكاع تفتر بيه
لان راسي ليجوه
مليكه....عوفني نفسي تلعب راسي يوجعني
سند...منو فاز
مليكه...انت فزت بشرفك عوفني
عافني حسيت الكاع تفتر بيه كعدت بعدين تمددت
سند...هاااا
مليكه...دخت من الفره
سند...يله كومي خل نرجع للبيت عندي تمرين بلنادي
مليكه...مد ادي لزمتهن وكعدت بعدين كمت
ومشينا سوا
صعدنا بلسياره ورجعنا للبيت
