رواية دعني احطم غرورك الفصل السابع
الحلقة السابعة:
-دارين: بقى كده يا أنطي ، ده اللي مضايق عز؟
-عايدة : ايوهرواية دعني احطم غرورك الفصل السابع 7 بقلم منال سالم يا حبيبتي ، باباه عاوز يفرح بيه ، بس هو مش عاوز ...
-دارين: طيب أنطي ، انتي كلمتيه عني ؟؟
-عايدة بتردد: ممم ... آآآآ.... يعني ..... لسه يا بنتي.
-دارين: أنطي ديلة بليز ، كلمي انكل يوسف انه يخطبني لعز ، انا بحبه أوي ، بس هو تقيل عليا
-عايدة: بصي يا دودي ، انتي عارفة عز مش هيعمل إلا اللي في دماغه ، وهو متخانق مع والده عشان بس بيفاتحه في موضوع انه يشوف عروسة و......
-دارين باستغراب : يشوف عروسة !! معلش انطي ممكن توضحيلي أكتر ....!!!
-عايدة: غامضة ايه بس ، كل الحكاية إن .......إن ...............
وفجأة دخل يوسف ثم قال بغضب: عايدة .. تعالي عاوزك !! ، ازيك يا دارين
-عايدة : حاضر ، عن اذنك يا دودي خدي راحتك
-دارين : it's okay انطي ، هاي انكل
وامسك يوسف عايدة من ذراعها : ايه يا عايدة انتي اتجنني ولا ايه ، هتحكي مع دارين عن عروسة ابنك اللي لسه مش موافق اصلا انه يخطبها ... !!
-عايدة: سوري يا يوسف ، انا مقصدش هي بتقولي ان عز مضايق وعاوزة تطمن عليه ، وهي بتحبه ، ما انت عارف
-يوسف بعد أن ترك ذراعها : مش كده برضوه يا عايدة ، احنا مش عاوزين حد يعرف حاجة إلا لما ابنك يوافق أصلا ، وبعدين انتي بتقولي بتحبه ، وهتقوليلها رايح يخطب غيرك ، مش تفكري شوية ، فكرك هي هتعديها بالساهل ؟
-عايدة: آآآخ ، فاتتني دي ، معلش يا يوسف أنا هخلي بالي بعد كده.
-يوسف: خلاص يا عايدة ، روحي اقعدي معاها ، وقفلي على أي حوار خاص بعز
-عايدة: حاضر يا حبيبي ، روح انت ارتاح ، وانا هحاول أخليها تمشي
وفي تلك الأثناء استغلت دارين انشغال عايدة بزوجها وقررت الصعود إلى غرفة عز ، كي تبحث عن شيء ما يفيدها في معرفة ما الذي يحدث مع عز ، ولكن دخل عز الغرفة ....
-عز بغضب: دارين !!! بتعملي ايه هنا ؟؟
-دارين: آآآآ .. ولا حاجة .. ولا حاجة يا عز ,, انا بس ..... أصل.......
توجه إليها عز وأمسكها من ذراعها بغضب : في بنت محترمة تدخل اوضة نوم واحد ميقربلهاش حاجة
-دارين: ايييه يا عز ، سيب ايدي بليز ، انا معملتش حاجة غلط ، وبعدين انت الـ (بوي فريند) بتاعي
-عز: نعم ياختي ، بوي فريند بتاعك !!
-دارين : أه شوور ، انت ناسي ولا ايه ، كل الناس عارفة اننا لبعض من زمان ، اومال انا مانعة اي بنت تقربلك ليه ؟ انت بتاعي وبس .....
-عز باستهزاء: بتاعك ، لأ فوقي لنفسك يا دارين ، انتي بتحلمي!
-دارين بدلع: عز ماي بيبي ، انا بحبك ، ليه مش حاسس ، ليه مش معبرني ، بليز يالا نتخطب ..
-عز: دارين ، انسي مش هيحصل ،ولا حتى في خيالك !
-دارين بتحدي: ليه ان شاء الله ، هو انت ناسي انا مين
-عز بعصبية: اطلعي بره يا دارين ، برررررره
فجاء يوسف وزوجته عايدة على صوت الخناق
-يوسف بتعجب: دارين بتعملي ايه في اوضة عز.
-دارين بسهوكة: عز يا اونكل هو اللي جابني الأوضة معاه عشان يقولي حاجة مهمة.
-عايدة: ايه يا عز ينفع كده ، في شاب يجيب بنات الناس في اوضته برضوه ، مش في صالون تحت تقعدوا فيه، ولا احنا علمناك تعمل كده ؟؟؟
-عز بغيظ : بقى كده يا دارين بتحرجيني مع أهلي وتركيبني الغلط..
-دارين بدلع: سوري يا انكل ، سوري يا انطي ، you know me and Ezz are couples now وفي حكم المخطوبين
-عز بتحدي: لأ سوري انتي يا دارين ، احنا مش مخطوبين أصلا ، وبعدين في واحدة تجي تخطب واحد already خاطب !!
-دارين بعدم فهم: قصدك ايه ؟؟
-عز وهو يحدث والده : بابا كلم البشهمندس حسين ، وحدد معاد معاه عشان اخطب بنته
-يوسف بسعادة: بجد يابني ، الف مبرووووووك
-عايدة وهي تحتضن عز: حبيبي يا بني ، اخيراً فرحت قلبي ، ربنا يتمملك على خير
-دارين: بقى كده ، مبروك يا عز ، عن اذنكوا
-عز لدارين: متلعبيش مع الكبار يا حلوة وتقولي كلام مش أده
-دارين: الموضوع لسه في اوله يا عز، ومش هينتهي لحد كده ، مبروك
ثم تركت الفيلا وهي تتوعد بأن تفسد حياة عز وعروسته المستقبلية واخذت تردد في نفسها ( طالما مش هتكون ليا ، يبقى مش هتكون لغيري)
...........
-حسين: سهير يا حبيبتي ، يوسف اتصل بيا الوقتي وحدد معايا ميعاد عشان يفاتحني في موضوع خطوبة دينا ان شاء الله
-سهير: الف مبرووووووووك يا حاج ، قالك ع الميعاد امتى؟
-حسين: اه بكرة بالليل ان شاء الله هيجوا يقعدوا معانا ، ونتفق على التفاصيل كلها ، جهزي نفسك والبنات ، وخلي دينا تتوضب
-سهير بدلال: بنتك زي القمر مش محتاجة
-حسين: برضوه ، دي عروسة ، شوفي ناقصها ايه وخليها تجيبوه
-سهير: حاضر يا حاج ، يخليك لينا يااااا رب
ثم توجهت سهير لتخبر البنات بميعاد الاتفاق ، وفرحت دينا لهذا الخبر بشدة ، بينما شعرت جانا بالضيق
-دينا: ااااخيراااااااااااا ، انا مش مصدقة نفسي
-جانا: why? ، جيبتي الديب من ديله
-دينا: انتي مش عارفة يا جانا ، عز ده جان ، وحكاية كده ، تقيل وكل البنات هتموت عليه
-جانا: وده حد يطيقه أصلا ، وبعدين tell me انتي عرفتي كل ده منين
-دينا: تحرياتي الخاصة يا بنتي ، سألت عليه ناس أصحابي وجابولي الـ cv الخاص بيه ، ده غير اني دخلت ع الفيس بوك ادور عليه وعلى صوره ، ياااااي يجنن يا جو يجنن.
-جانا: ربنا يكملك بعقلك
-دينا: ها ألبس ايه بقى ، ساعديني ، مش انتي اختي حبيبتي ، تقترحي البس ايه ، ها ده ولا ده ، ولا أقولك البس الفستان ده .. ها قوليلي
-جانا بعدم اهتمام: anything Dody, do what you want ، اعملي اللي يريحك
-دينا: بطلي غلاسة بقى وتعالي ساعديني
-جانا: اوك ، تعالي اما نشوووف
.......
-ياسين: بتقول ايه هتخطب ، اومال ايه بقى جو النكد اللي كنت مصدرهولنا ده
-عز: اعمل ايه يعني ، اهو يومين كده هخطب البت وافركش واخلص من زن ابويا ومن لزقة دارين
-ياسين: يعني انت عاوز تقنعني ان البت مش حلوة
-عز: ولا تفرق معايا أصلا، بس حبيت أرد لدارين اللي عملته معايا
-ياسين: طيب وذنب الغلبانة دي ايه بس تعمل معاها كده ليه ؟؟
-عز: نصيبها بقى ....
.........
وفي مساء اليوم التالي كانت كل من العائلتين تستعدان للمقابلة التي سيتحدد عليها مصائر الكثيرين ،،،،
-حسين: أهلا وسهلا يا جماعة ، نورتونا والله
-يوسف: أهلا بيك يا سحس ، البيت منور بأصحابه
-سهير: أهلا يا عايدة هانم ، انا من زمان كان نفسي اشوفك واتعرف عليكي
-عايدة: وأنا كمان يا سهير هانم ، كنت عاوزة أقابلك
-سهير: ازيك يا عز يابني ، عامل ايه في شغلك؟
-عز بكلمات مقتضبة: الحمدلله يا طنط
ولكنه كان يردد في نفسه:(معرفش ليه حاسس ان قلبي مقبوض)
-حسين: قومي يا سهير هاتي بسرعة حاجة للضيوف يشربوها
-يوسف: وهو أحنا ضيوف برضوه يا سحس ؟؟؟
-حسين بعشم: لأ طبعاااااااااااا مقصدش، انتو أصحاب بيت !!
-سهير: طبعاً طبعاً أحلى حاجة للغاليين ، منورين والله
-عايدة: ميرسي لذوقك سهير هانم
وساد جو من الهدوء في المكان ،،،،،
بينما في الداخل وتحديداً في حجرة دينا حيث كانت ترتدي فستاناً رقيقاً من اللون الوردي
-دينا: ها يا جو ، ايه رأيك ؟ أنفع؟؟
-جانا: awesome ، شكلك تحففففة يا دودي !!
-دينا: بس انتي ليه مش لبستي زيي
-جانا: هو مين فينا العروسة أنا ولا أنتي؟
-دينا: لأ برضوه ، انتي اختي ولازم تكوني شيك زيي ، ده احنا واحد
-جانا: ما أنا لابسة اهوو ، وبعدين أنا برتاح في الستايل ده
( كانت ترتدي سلوبيت أسود اللون ومن أسفله تي شيرت أبيض اللون عليه رسومات كرتونية)
-دينا: as you like جو
دخلت سهير في تلك اللحظة
-سهير: يالا يا بنات ، الجماعة جوم بره ومنتظرينك يا عروسة
-دينا: حاضر يامامي ، قربت أخلص أهوو
-سهير وعينها تدمع: كبرتي أوام يادودي ، هتوحشيني يا حبيبتي
-دينا: ليه يا مامي بتعيطي ، ده لسه يدوب هيتفقوا
-سهير وهي تمسح دموعها: عقبالك يا جانا يا بنتي
-جانا: ثانكس أنطي
أعطت سهير صينية العصائر لدينا كي تحملها ولكنها كانت ترتدي حذاءاً ذو كعب عالي فخافت أن تسقط منها الصينية
-دينا: جو حبي ، بليز ممكن انتي تشيلي الصنية لأحسن اخاف تقع مني ، انا متوترة موت
-جانا: ليه ان شاء الله ؟ وانا مالي!
-دينا: بليز جو ، أنا خايفة اوي، بليز بليز بليز !
-جانا: اوك يا دودي ، عدي الجمايل ...
دخلت سهير ومن بعدها دينا ورحبت بالجميع
-سهير: تعالي يا دينا يا بنتي متتكسفيش ، سلمي على عمك يوسف ، وأنط عايدة ، والبشمهندس عز
-حسين: يالا يا دينا
-يوسف: أهلا بعروستنا الحلوة ، بسم الله ماشاء الله قمر
-عايدة: تعالي يا بنتي جمبي ، ماشاء الله جميلة، انت مقولتيش يا يوسف انها بالحلاوة دي
-يوسف: عشان تعرفي بس يا ديلة
-دينا بخجل شديد: ميرسي
-يوسف موجهاً حديثه لعز: سلم على دينا يا عز ولا هتتكسف انت كمان؟؟
-عز ببرود: أهلا آنسة دينا ..
-دينا بحياء: أهلا يا بشمهندس
ثم ساد جو من الصمت مرة اخرى ، ولكن قاطعته سهير بالخروج وبالنداء على جانا واحضارها
-سهير: تعالي يا جانا ، ايه يا بنتي كل ده بتجيبي الصينية
-جانا وهي تأكل: سوري أنطي كنت جعانة ، وبعدين مش المفروض دودي هي اللي تشيلها أنا مالي بقى
-سهير: معلش يا جوجو ما انتي عارفاها لخمة ، وممكن تعملنا كارثة ولا حاجة
-جانا بعدم اهتمام: اها ...
-سهير وهي تحمل الصينية: يالا بقى انا هديهالك على باب الأوضة ولما اغمزلك انتي دخليها واسنديها على التربيذة اللي في النص متنسيش
-جانا: اوك
وفعلا جاءت سهير حاملة للصينية وناولتها لجانا على باب الغرفة ، ودخلت معتذرة عن التأخير
-سهير: سوري يا جماعة ، اتفضلوا شيوكلاته
وغمزت لجانا كي تدخل
وبالفعل دخلت جانا وحينما رأت عز تملكها الغضب ولكنها تجاهلته، وكذلك الحال معه واستغرب تماما من ملابسها والتي لا تبدو أنها مهتمة بزيارة اسرته فشعر بالضيق
-يوسف: اهلا يا جانا ، ازيك يا بنتي
-جانا: هاي اونكل
-يوسف موجهاً حديثه لعايدة: دي جانا بنت اخو البشمهندس حسين ، هي عايشة معاهم هنا وزي بنتهم بالظبط
-عايدة: اهلا يا بنتي
-جانا: هاي يا انطي
ثم توجهت جانا لتضع الصينية كما أخبرتها سهير ولكنها سمعت عز يهمس لها بشيء
-عز بسخرية: احم .. بلية .... !!
-جانا باستغراب وتركيز شديد: ايييه؟؟
-عز: بلية !!!
فقامت برفع الصينية وتوجهت ناحية عز والقتها فوقه بالكامل وسط دهشات الكل !!!!!!
-جانا بخبث : اوووه ، سوري يا جماعة ، مقصدش ، كنت حابة اقدم الـjuice للعريس ، اووووبس
-حسين مسرعا بالمناديل: مش تحاسبي يا جانا
-يوسف: حصل خير يا جماعة ، دلق العصير خير
-سهير وهي تحضر المنشفة: معلش يا بني ، متضايقش نفسك ، ياما بتحصل
-عز بغل موجهاً نظره لجانا : ولا يهمك يا طنط ، حصل .. حصــــــل خير
(واخذ يجز على أسنانه من شدة الغيظ)
وجلست جانا في الكنبة المقابلة يعلو ثغرها ابتسامة نصر لما فعلت
حاول يوسف تلطيف الجو ، واحضرت سهير بديلاً للعصائر التي سقطت وناولتها لكلتا العائلتين ، ثم بدأ يوسف الحديث مع حسين
-يوسف: شوف يا حسين ياخويا ، انت مش غريب ..
-حسين: طبعاً يا يوسف ، ده احنا اكتر من الاخوات والله ، ده احنا عشرة عمر
-يوسف: ربنا يديم المحبة مابينا، بص من غير لف ولا دوران إحنا جايين النهاردة عشان ........................!!!
هنا قاطعه عز قائلا: أسف يا بابا إني هقاطعك ، بس أنا اللي هكمل ، ده بعد اذنك طبعاً
-يوسف وهو مبتسم وفخور بعز : ولا يهمك يابني ، كمل انت ..
- عز موجهاً نظرة تحدي لجانا: شوف يا عمي ، احنا النهاردة جايين عشان نطلب ايد الآنسة المحترمة .... (( جـــانا )) !!!
............................
