رواية جعلوني عاهره الفصل السابع بقلم محمود محمد
.
.
.
-
-ونسمع القاضي يقول الحكم حكمته المحكمه حضوريآ علي المتهمه بسمه بالسجن سنهانصدمت حسيت روحي في كابوس وقعدت قريب ربع ساعه وانا منصدمه وساكته ومش مستوعبه شي بكل طبعا صعب نستوعب اني مزال بنقعد سنه كامله في المذله هدي
-
-
-
-
-
.. وبعدها بدن ادوعي ينزل مني عيوني زي المطر نبكي لاكن منغير صوت دموع وبس البنات يلي كاينات معايا قعدو يصبرو وانا اصلا مش معاهم كل الموضوع اني كنت نفكر كيف بنقعد سنه كامله ف الحبس وليش اصلا انا شن درت هدا كله بيش قلت لا حسبي الله فيهم روحونا للحبس ومن هنا بديت نفكر بالعكس قلت في نفسي انا توا كان قعدت هكي ديما نمسح ونضف ونغسل ونرقد قدام الحمام معناها بنموت قبل ماتكمل السنه وقتها حسيت الدنيا هدي ماتسوا شي والناس الي فيها حتا هما مجرد حشرات فقط لا غير حسبتها يمين يسار وقلت انا اصلا ليش عايشه وشن بتفرق معايا لا عندي حد نخاف عليه ولا عندي شي نخاف منه شرفي وخدوه مني وبالقوه هلي وباعوني بالفلوس والي كنت نحبه طلع كداب ورماني رميه اكلاب من هنا حسيت روحي قويه مش قويه ع خاطر انا قويه لا بس حسيت روحي قويه ع خاطر ماعندي شي انخاف عليه حتا الموت مش خايفه منه بالعكس كان نموت نتريح ع الاقل بنوت مره وحده مش كل يوم نموت الف مره
-
-
-
-
-
-..كان في وحده اسمها اوزه كانت هيا الي ماسكه الدار الي انا فيها وديما كانت تهزب فيا وتضرب فيا خليتهم كلهم رقدو ولعت سخان الشاهي وخليت الميه تغلي وتفور وجيت لي اوزه وهيا راقده وعلي وجهها ونكب الميه وهيا تغلي ناضت وهيا تعيط بي اعلي صوت وجهاا ساح من الميه جو الشرطه وفتحو الباب وخدوها بالاسعاف ع المستشفي البنات الي كانو معانا ف الدار كلهم قعدو يبحتو فيا ومستغربين بحتت فيهم وانا نضحك بي استهزاء وقلتلهم بصوت عالي من هنا وغادي انا الي ماسكه الدار هنا والكلمه الي نقولها تمشي ع الكل فهمين يابقروالي عندها اعتراض تسمعني صوتها
-
-
-
كلهم سكتو في وحده قالتلي ههههه مغير انتي وتي روحك توا بيجو الشرطه ويحطوكي ف الانفرادي بروحك ع سبع الي درتيه في اوزه
-
جيت قربت منها ومسكتها من شعرها وقلتلها عارفه ياحلوه انهم بيحطوني ف الانفرادي بس هما كلهم 3 ايام وحيرجعوني هنا اخره وحنربيكم اخره من اول وجديد حنخليكم ترقدو وانتم واقفين حنخليكم تحلمو بيا كل يوم ياكلاب هيا كل وحده تشد سريرها يابقر
-
-
فعلا كل وحده مشت شور سرسيها زي الكلبه بالضبط هكي يبو الكلاب مشيت انا خديت سرير اوزه وقعدت نلف ع السراير كلهم الي عنده دبش واجد ناخد منها ماكانش عندي دبش طبعا كلهم قعدو يقودولي زي الكلاب الي تجيبلي سروال والي تجيبلي بلوزه والي تعطيني انسوله والي جابتلي منشف كنا 48 بنت ف الدار بس طبعا كانت دار كبيره وفيها 40 سرير
-
-
المهم دخلت الحمام دوشت وطلعت قلتلهم وحده منكم تنوض تنضف الحمام وحده تديرلي طاست شاهي بسرعه المهم دارولي الشاهي وشريته وقعدت شويه جاني الشرطي اول مافتح الباب انا برحي صبيت وطلعت بحت فيا وهوا مستغرب قالي وين ماشيه قلتله للانفرادي قالي وكيف عرفتي قلتله مش شورك هيا شوف شغلك وحطني في الانفرادي المهم خششني الانفرادي وسكر عليا الباب ومن هنا بدا عقلي يفكر كيف ننتقم كيف ننتقم من كل الناس الي دمرولي حياتي قعدت تلات ايام وانا عقلي مايرقدش بكل المهم طلعت من الانفرادي ورجعت لي داري مره تانيه لقيت البنات كلهم يرحبو بيا طبعا من خوفهم مني يرحبو عارفتهن زين ولقيتهم موتينلي السرير خشيت درت دووش وطلعت تعشيت وشربت شاهي وقعدت ع سريري نفكر
-
-
-
-
تاني يوم جابولنا بنت جديده ف الدار خشت البنت صغيره ف العمر مش كبيره وشكلها بنت ىناس ومحترمه البنت قالت السلام عليكم وقمزت في مكان بروحها هكي وقعدت ساكته طبعا البنات كلهم جوني والي تقولي خليها تقعد قدام الحمام والي تقولي خليها تنضف الدار والي تقولي شكلها قواده باعتينها لنا الشرطه بيش توصلهم كلام انا قلتلهم ماحد يجي شورها ولا يكلمها خلوها في حالها فاهمين
-
-
-انا قعدت نراقب في البنت من بعيد لقيتها سارحه بكل وتفكر وشكلها مهمومه بكل شويه ولقيت دموعها ينزلو ع خدها وهوا هايمه بكل عرفت انه جوا قلبها جرح كبير بكل اكبر من عمرها
-
-
المهم
الدار كلها رقدت وانا مارقدش نبحت ف البنت حتا هيا مارقدتش ونبحت فيها نلقاها سارحه وتبكي مسكينه الحق وجعتني بكل وكانت مقعمزه ع الوطا السراير كانو جن بعضهم يعني في مساحه صغيره بين كل سرير وسرير تقريبا زليزه وحده والسرير يلي كان جنبي كانت ترقد فيه بنت من سبها اسمها اسماء المهم كانت راقده نوضها وقلتلها انزلي ارقدي ع الوطا نبي السرير اليوم نزلت رقدت ع الوطا وانا ضبحت ع البنت الجديده بس من كتر ماهيا هايمه ماسمعتنيش لين انا نضت ومشيتلها وهزيتها بيدي قلتلها كنك ليا ساعه وانا نضبحلك بحتت فيا وهيا مستغربه ومسحت دمعتها وقالتلي اسفه والله ماسمعتك تفضلي خيتي قلتلها مغير بس نوضي اغسلي وجهك علي ما انا درت طاستين شاهي وتعالي نبيكي بنهدرز معاكي
-
-
-
-ياجماعه نحس فيكم انسجمتم حتا انا انسجمت والله تصدقو ع المهم شن رايكم ف الحركات وهكي ع المهم نكملكم توا ولا الجايه مش عارف بس خايف تزعلو نكملكم وخلاص
-
-
-
المهم جت البنت وانا درت الشاهي وقعمزت ع السرير الي جنبي بحتت فيا وقالتلي تفضلي نسمع فيكي قلتلها لا اشربي الشاهي قبل وبعدها نحكو شربنا الشاهي وقلتلها توا هدرزيلي انتي ليش هنا
-
بحتت فيا وقالتلي نصيب وسكتت
-
قلتلها خيتي انا راهو مانبي منك شي بس انا شفتك مهمومه قلت خليها تفضفضلي بالك تتريح وصدقيني انا اعتبريني زي اختك وسرك في بير واطمني بكل
-
بحتت فيا ودمعتها نزلت من عينها وقالتلي وبعد مانحكيلك شن بيصر بيطلعوني من الحبس ولا الي صار بيرجع زي قبل بالله عليكي ياخيتي خليني هكي خير
-
-
قلتلها بالعكس لما تحكيلي والله حتتريحي وصدقيني انا زي اختك الكبيره
-
اول ماقلتلها انا زي اختك الكبيره ناضت وجتني وهيا تبكي واضبطتني وقعدت تقولي ياريتها عايشه اختي ياريتها كانت عايشه راني توا مش هنا وتبكي مسكينه
-
قعدت نطبطب عليها وقلتلها الله يرحمها هدي روحك واحكيلي بشويه
--
-
-
وبدت تحكيلي قالتلي انا الي جابني هنا هوا اني يتبع
منورين وحتا انا منور ماعلينا استنوني في الحلقه 8 نشالله مش حنطول علكم واسف ع التاخير عارف روحي طولت عليكم واجد لاكن والله مش بيدي اقسمبالله هي تصبحو ع خير نحبكم واجد هلبا بكل
-
