رواية الضابط واليتيمة الفصل الثامن 8 بقلم مجهول

(حياة جديدة (الامل موجود )3)

طب هو قبلي التفت علية و

- انتضري هنا 

طب واني التفت شفت الحديقة اتجنن صح صغيرة بس كلش مرتبة ومتعوب عليها العشب مكصوص واشجار الورد بالجوانب ومستخدمين الاحجار شي كلش مرتب واكو مرجوحة ام نفر واحد صغيرونة وملمومة الي يكعد بيها يغطس احس هههه اتذكرت المرجوحة الي سويناها بالميتم جانت بس حبل واتاذي الي يكعد عليها واتذكرت البنات نور وسارة يا ترى وين صفى بيهم الوكت وهم همة ما مرتاحين 

طبيت للبيت وحدي مردت اصدم اهلي شفت ريهام بالمطبخ 

- رهومة وين اهلي 

-هلة وليد جوة بالغرفة 

- الولد وين 

- فوك استوهم اجوي من الدوام 

- صيحيهم وتعاي للهول 

- ماشي عيني 

طبيت للغرفة شفت امي وابوية كاعدين يتفرجون على التلفزيون 

- سلام عليكم 

- هلو يوم طب طب 

رحت يم امي وبوست راسها وكعدت يمها 

- شلونة الحلو 

- الحمدلله 

- شلونك يابة 

- الحمدلله 

- حجي شلون جايبلك مرة اتجنن 

- يااا صدك ولك وخر من يمي جاي يبوس عود عرفت من جاي من وكت وراك مصيبة 

- هههههه حجي امي بعدها اتغار عليك 

- مالك علاقة بيها وين المرة ولك 

- يا كوموا ثنينكم برة يلى  

- ههههههههههه 

- ههههههههه 

طبوا الولد 

- وعليكم السلام شوكت تتعلمون اتسلمون 

- والله تعبانين وليد بريك 

- دكعدوا دكعدوا ورهومة سدي التلفزيون من يمج 

- شنو يمة هما سالفة المرة صدك 

-هههههههه لا يمة شنو القصة بس عدي سالفة وياكم اكو بنية برة بالحديقة جبتها تشتغل الكم بالبيت واتراعيكم انتي وابوي اوقات الادوية وكلشي بس مو اتضغطون عليها 

-شنو يمة منو هاي شنو قصتها 

سوالفتلهم بشكل محتصر عنها وعن معاناتهة شوية 

كامت ريهام 

-اكعدي ريهام 

-اريد اشوفها اطببها خطية 

-عوفيها اني ادخلها 

- بس قبلها لازم متبينون الها اي شفقة ابد كانكم متدرون عنها شي وتخلوها اتكمل شغلها طبيعي 

-تدلل يمة الله يوفقك ويرزقك ببنت الحلال 

-يلى اني گايم ادخلها 

طلعت برة شفتها كاعدة على الدچة واتباوع على الحديقة رحت كعدت يمها محست بية اريد اعرف شنو الي اتفكر بي 

انداريت وشفت وليد يمي من الفزة وكعت ليورة سمعتة يضحك كمت اضحك على ضحكة 

- انتي شدعوة هلكد اتصفنين 

- لا هيج 

- يلى كومي طبي اتعرفي على اهلي 

كمت وجان 

-عفية بس نسيت الوردة والرواية بالسيارة 

- ماشي 

راح جابهن واجة انطاني غراضي وشايل الوردة الحمرة ويا 

معقولة متزوج وزوجتة جوة او خطيبيتة 

طب قبلي واني طبيت وراه شفت بنية صغيرة بالمطبخ وبصفها ثنين ولد طوال وحلوين حيل دا امشي وهم انضربت بشي باوعت لكيتة وليد باوعلي وحط ايدة على راسي 

- بس لو اعرف عقلج وين 

-اسفة وبصوت ناصي انت وكفت اني شعلية 

- اي انتي لو جنتي اتباوعين على دربج جان انتبهتي ليش وكفت 

رفعت راسي واكو اثنين اكبار بالعمر عرفت ذولة ابو وامة شكلهم كلش حلوين ومعدلين الام لابسة كلابية خليجية والاب دشادشة مال بيت بس كلش حلوة 

-السلام عليكم اني مينا بخدمتكم 

-هلة يمة هلة شنو هلجمال هاي هيج اخاف على رجلي منج 

- عيونج الحلوة 

-اني ريهام ويدلعوني رهومة 

-واني ايمن الجبير 

- واني زين الصغير 

- اتشرفت بيكم 

-طبي يمة طبي ارتاحي رهومة دليها على غرفتها ابنيتي وجهج تعبان 

-لا يمة نتغدة لتخذوها 

-اي والله يمة لا تواخذني نسيت 

كعدتني ريهام على ميز المطبخ وراحت اتصب غدة هي وام وليد اني حاولت اساعدهم مقبلوا جان ايمن وزين يتشاقون سوة افتريت بعيوني شفت وليد ماكو ضليت ادور علي بعيوني شفتة كاعد على گرويتة وتلفونة بيدة وبصفة الوردة الحمرة 

- وليد ايمن زين تعالوا الغدة صار 

اجة وليد ويا الوردة وراح يم امة حظنها من ورة وخلة الوردة كبال عيونها 

-يمة هاي شنو 

- هدية  

-بس مو عيد ميلادي 

- قابل الة عيد يلى اجيبلج وردة 

-يمة فدوة الك يا بعد روحي الله يحفظك لشبابك 

باوعلي واجة كعد بالكرسي الي بصفي وهو قريب على امة ومقابيلنا زين وايمن وريهام واجة ابو وليد كعد 

وبدوا ياكلون ومحد يطلع صوت كمل كل واحد وكام وبقيت اني وامة ووليد اني طولت لان ما اكدر اكل ووليد يگلب بالفون وامة كاعدة تشرب چاي كملت شلت ماعوني ورحت ستوني بديت اغسل المواعين اجتي ريهام تركض 

-عوفي عوفي شدسوين 

-شكو دا اغسلهن 

- ماكو هذا الحجي 

وجرتني 

- تعاي تعاي اشوفج غرفتج رتبتها الج وحطيت فرشة اتجنن 

اخذتني للغرفة شفتها صغيرة بيها كنتور اسود وجرباية صغيرونة سودة والفرشة اتجنن بيضة ولون الغرفة بنفسجي فاتح 

-هاي غرفتي القديمة 

-اتجنن شكرا شكرا 

وحظنتها

الفصل التاسع من هنا