رواية أيتام أبوين الفصل الثامن بقلم دنيا
"قُل للذي قَتلَ البراءةَ عَامدًا:
شُلتْ يَداكَ وفي الجَحيمِ سَتُحرقُ"
..........................................
طول هاي الفترة واني مرمرة تمرمر جبت عمري كله ما مرتاحة وكيفت هاي الايام وضحكتلي الدنيا بس بين يوم وليلة اختفى نور بيتنا من بيناتنة
.. ابجي مثل الطفلة وعيوني وگلبي وسمعي واذني كلهن يم الاخبار كل حواسي بالتلفزيون الوضع مو زين والجنود انذار والناس صارت تبيع غراض من بيوتها حتى تشتري السلاح وتلتحق لسه اتذكر جارتنا ام خلف وهيه تبجي على ابنها ورجلها التحقو وعافوها طلعو يركضون حتى يجيبون عدتهم رغم ما ابو خلف رجال جبير كلش بس غيرتة ما سمحتلة الموصل وأهل الموصل يصيرون بيدين نكسة مثل الد. واعش
.. حسين.. تعب حيل بين الشغل والبيت واحنه لازم يكعد ويانه وصابرين كل فترة يمر عليها يطمئن لأن اخوي وصاة يعرف امها مو زينة كل يوم مطلعة سالفة
كاعدة على الاخبار وحور مخلية راسها بحظني وتباوع وياي اتصل موبايلي وفزيت عبالي اخوي الي صارله اسبوع ماكو
.. الوو ها صابرين
.. جانت تبجي وتحجي كلشي مافهمت من عندها بس
.. تعالووو اخذونييي علما يجي باباااا تعالووو
.. فزيت من كالت وكل الافمار السودة صارت براسي كمت من مكاني للغرفة جان حسين ذاب روحة سودة علية يابعد گلبي اخيي تعبان
.. حسون حسين حسونييي
.. حسين.. همممم
.. كوم احاجيك
.. حسين.. شكو شصاير بعدها على الخط انطنياها
.. كام وهو يحجي وياها ويلبس بقميصة
.. مااعرف مااعرف متقبل ادخل وابوي ماهوه يومين ويرجع والشارع فارغ حسين والله خايفة
.. صيري يم الباب هسع اجيت ها اها
.. اخذ موبايلي وطلع يركض طار بالدراجة والله خطية وصعبة سودة علية صبورة متستاهل نظلمت والله نظلمت ويا امها
..................... صابرين
كاعدة بالصالة نتعشى اني وخواتي مكيفة اليوم طلعت اني وخالتي واشتريت غراض الي وملابس الاخواتي وجبت فستان حلو الامي اعرفها تحب هيج اشياء
.. ججك.. منيلج هلكد فلوس الله طيبب الاكل
.. اسراء.. اكلييي واسكتي صبورة جيبيلنة دائما
.. صابرين.. لعد يخلص مصروفي لازم اشتري العرسي
.. ججك.. الله عبوسيي حباب
.. خلي يسمعج تكوليلة عبوسي ههههههه
.. دخلت امي وجان وجهه مگلوب تباوع للاكل معاجبها وسألت منين حجيت لها الكليشة
بابا طلع البغداد يطول يلا يرجع راح البيت عمو سنان لأن مريضة بيبي وكال يتأخر لان ياخذها للدكتور
.. ايمان.. هو ابوج صرفة بس على الناس ويصير عندة فلوس بس يم اهله يمي فكر وماعندة
.. وانتن مثلة همين الجن بالساس نداس على ابوجن فكر مااجاني ولد يشيل كبرتي سطرتهن ثلاثة امداني اي والله
.. محد جبرج تخلفينا اذا مو كد المسؤولية انتي امنا تحملينا اني بالله فترة واطلع من هذا البيت يبقن هذني الصغار بلكت تخافون الله بيهم خطية
.. اي طلع السانج طلع خطبج الفكر ابن الفكر ليش ما يطلع السانج ولج انتي المفروض تسكتين مهرج ٥ منووو ترضى بهيج مهرر وين عايشين احنه شتسوين بيهن تطلعين طلعة وحدة يخلصن متعودة على الفكر لدرجة عندج هذني هواي
.. صابرين.. اهييي والله عباس هو ذهب صافي ولو كايل بدون مهر لو ماعندي همين اقبل واروح بهدومي العلية لأن الي عندة فلوس هواي نفسيتة تصير سودة واني كافي عليه العشتة بس عباس مكضي امرة وهم ماكو منه ثنين الله يخلي ويحفظة الي
.. ميفيد وياج شي ابقيي موتي على الفكر اوييي شعلية اني اريد عشى
.. طلعت للغرفة واني كمت صبيتلها ورجعت وهيه ما بطلت حجي وتذمر وسم بدن بس مطنشة اصلا عباس ملالي كل حياتي خلاني مااطلب اهتمام منها وسمعني كلام ينسيني كل هذا التحجي گلبي يمه حبيبي
.. اليوم وياي موظف مداينة من عندة يريد فلوسة مني ميدري وين عايشة علي بالمنظر
.. باوعتلها وضحكت كوه. كدرت اسكت
.. ايمان.. خيرر؟؟ شكووو
.. لا ماكو شي بس صدك الناس عليها بالمظهر ماما
.. وين مظهرج انتي جنج مهرج ياربي سامحني بس حمرتها تعبرها للكويت والله حتى استحي من تطلع وياي
.. هههه تداينين حتى تسدين دين
.. متكدرين تنطيني مليون اسد حاجتي بي وارجعة الج
.. صفنت عليها؟ هستوها تكول شيمفن ال٥ وهسع تريد مني
.. لا يمه مااكدر لو اكدر بعيوني بس مااكدر ميكفني
.. انطيني وارجعة اكلج واكفيلي وكفة هذول شبيج
.. يمه خمسة اخذتيها مني مراجعتها تريدين انطيج مليون بالله سألني عباس شنو اكلة بعدين تعبة هو جان يريد يبني طابق ثاني واني عجلتة. تريديني احي بدم بارد اضل اوزع بيهن يمه حبابة لا تحرجيني
.. وحقققق تربيتيييي ويننننه انطيني حق تربيتي يلاااا شكددد صرففففت عليييج هسععع صرت مو زينه وتحسبيلي ال٥ جيبييي فلوسي الصرفتهن عنج
..
.. باوعتلها بغضب واني گلبي مورم منها صدك قهرتني.. -
.. يا تعب يمه؟؟ كضيت عمري اتحسر على البسة وعلى الكمة وعلى الطلعة كضيت عمري بالبيت مكابلة الاربع حيطان وفوك هذا كله تجين ما راضية عليه خلف الله على بنات عمي من اجن يمي لبسني وطلعني والا جان ضليت تحت رحمتج يا ماعندج كل رحمة كضييييت عمرييي واني اباوع الابوي الي صاير مدمغة بأيدج متأملة بيوم يكول بناتي نظلمن شصرفتي علية اذا احسب ترا ينعدن على الاصابع الفلوس الي صرفيتهن
.. بكل مراحل عمري جانن عندي لبستين قديمات ابدل من هاي الهاي لحدما تصير مناسبة وتشتريلي وهم ابقى بيهن الثاني مناسبة ومرة سويتيها وطلعت حلوة علية وحرمتيني من الطلعة يااا حق يا فلوس يما انيي جنت ميتة وعباس حياني عباس صارلي ضوة بوسط ظلامي وانتشلني من ظلمج وجورج علياا
.. اراويج الظلم تكولين ما مسويتلج شييي؟؟ هسع اراويج شو دتعالي
.. جرتني من اذني وسحبتني والبنات وراي يبجن ويجرن بيه طلعتني للشارع وتفلت عليه
.. شوفيي ايمان الي ما راضية عليها شمسويتلج عود تعالي كليلي الي اجة من تالي هو الزين
.. اسمع صوت اخواتي من برا يبجن وهي بعدها برة بس شوي وسمعت ججك واسراء يم الباب يحاولون يفتحنه
..
.. لا تفتحتن روحن جيبلي موبايلي حبابات الوقت تأخر واني صرت اخاف الشارع كل اليجي يباوعلي
. جنت فرحانة بلبسي بنطلون جان حلو عليه وقميص طويل وهمزين ربي حجابي شامرتة على راسي وما ذبيتة لأن عدها عاادي هيه تطلعني بدون حجاب وما استغربت لأن هيه اكثر من مرا تسويها
.. ججك.. هاج حبيبتي ثابرين خابري عباث يجي ياخذنا.
.. انطتني الموبايل واديها الصغيرونة تجرحت من حاشية الباب دنكت بستهم ودموعي تنزل على أخواتي الظاهر راح يعيشن نفسي
.. اول رقم صار حسين اتصلت عليي شكددد وماارد بجيت وحجيت بقهررر.. اييي ليششش مترددد
.. اتصلت على زينب عسى ولعل يجون يشوفلي حل لأن ابوي ماهوه ويخليني ادخل من تنام هالمرة
.. انطتني حسين الي جان نايم كالي ابقى على الخط وماعندي رصيد خلص وفصل فجأة شوي واتصل عليه من موبايلة
.. بجيت وعلى صوتي.. خفت خفت اكون كبرتها واتصلت بي اعرفه ميسكت ومياخذ الامور بهدوء مثل عباس
.. حسين حباب كلشي لا تسوي بس اخذني اليوم وباجر اذا رجع ابوي ارجع ويا
.. اوصل ويصير خير اذا ما خليت امة محمد كلها تعرفها وتعرف طينتها هالخايسة هاييي الله عايف الناس التتباجى وتخسر فلوس الدنيا علمود خلفة ومنطيها الامج
...
.. مسحت دموعي ونزيت من صوت الجلاب الشارع بعده بي ناس كل شوي ومرة واكفة تسولف وياي واكللها منتظرة بيت عمي يجونه مااكدر شحجيي ها شحجيي اكللهم امي طردتني تريد فلرس مهري. والله حتى فشلة من حسين والبنات مستحيل اكوللهم السبب
..وكفت الدراجة ونزل منها حتى ما وكفها عدل طاحت باوعلي بغضب احس عيونه تريد تطلع من مكانها
.. صار يدك الباب بقوى حسيتك راح يوكع من كدما دكة والناس كلها تتهامس لو يجي واحد يسأل شكوو
.. ماكو شي عمي توكل
.. وكفت يمه ولزمت ايدة ابجي على فضيحتي
.. كافي حسين والله نفضحنا عليك الحسين كافي
.. اشششش انتيييي شنووو بعقلج هااا شنووو بعقلج واكفة بالشارع وهو متروس زلممم
.. وهسع انتتت شدتسويي مو تلمهم علينااا وتخلينا فرجة لوو الي دتسوييي غيييير
.. نفتح گلوب المطبخ وطلعت وصوتها وصلني وهيه تغلط وتفشر على حسين
.. شعنددددك الباب اذا لكيت بي شلعة وحدة تدفعلي فلوس باب جديدة شتريد
.. دفعها بكل قوتة وكأنما يريد يضربها وجرني للبيت
.. امشي استري روحج بجبة وصيحي اخواتج بسرعة يلا مرا ماالها رداد كلشي تسوي طردتج هسع تطرد اخواتج يلااا
... متاخذ بناتيي اذا تريد اخذذ هااااي بس بناتيييي ميطلعن اشتكييي علييييك واخليك تفتر هسه بالسجون
.. روحييي حاجيي عمي جاسم اذا قبل اخليهن اني ماعندي مانع هوه وداني لأن جنت يمه من اتصلت عليه بتج كال هاي مرت عمك وحدة بربوك وماتستحي وغاسلة كصتها ببولها روح جيب بنياتنه وتعال
.. ايمان.. وشعندددك كاتل روح هيييج هاا شمسويتلك صابرين لو شمطيتك وهيج تريد تموت عليها
.. صابرين.. خليت ايدي على حلكي مصدومة من امي ومن كلامها الي يفشل سودة بوجهي يا عين بعد اخليها
.. بوجوهم
.. باوعلي حسين.. وضحك.. موو اكلج امج وحدة ساق... ما ترضين بس عمري كله مثلج بهالسقو... ما شفت اول وحدة بربوك بحياتي هيه انتي
مرت اخوي انعل والد والدي الي يحجي وياها وقبل ما تكون مرت الغالي هيه بت عمي فهمتي حتى لو جانت مو مرتة بت عمي وهسع انتي لا تضلين صافنة بوجهيي روحييي بسرعةةةة
.. دخلت للبيت اركض لبست جبتي واخذت فلوس المهر كلهن وجنطتي الصغيرة والبنات طلعن كبالي مكيفات ما راح اعوفهن
.. لوما طالعه جان جسين خانك امي والله الصياح بيناتهم واصل الراس الشارع
.. ميطلعنننن ميطلعننن
.. بسيطة اخابر عمي واحجي ويا
.. امي من سمعت اسم عمي جاسم سحبت بوش وكالت
.. اني اعلمكم يا فكور اني الكم
... طلعنا للشارع الي مادة راسها من الباب والي بالباب والي واكف يم بابنا والي من السطح صارو مطافر من طلعنا
حسين... خلصتتت المسرحية نامووو يلا باجر
نوافيكم يلااااا
ججك.. ههههههههه باجر نسولكم مسريحة ممدوح وايمان
.. صابرين كرصتها من متنها وهيه تضحك مثل الهبلة عدل الدراجة واحنه واكفين
.. صابرين.. حسين وين نصير بدراجتك
.. انتي واسراء ورا وججك حبيبتي لكدام تكعد. مووو ججكي
.. يسسسس اول مره اركب دراااجة
.. صعد وشال ججك كعدها واحنه هم اسراء صعدت يمة واني وراها خايفة لا اوكع لورة عدلت كعدتي وحظنت جنطتي الصدري
.. صابرين بخوف.. حسين عليك الحسين لا تسرع والله بعدنا واكفين وخايفة
.. صدك هو يمشي على كيفة ويسولف ويا ججك وهذيج فضحتنا الله شارع الله سيارات الله طايرين بالهوى تكول ما شايفة وهيه صدك. ما شايفة
وصلنا بعدما كمت اخوط وخربط بالآيات حتى راحن عن بالي اول مره بحياتي اصعد بيها رغم تخوف بسسس تجنن وخصوصاً بليل
البنات جانن منتظراتنا بالباب
.. نزلت ورحت لذت بحظن زينب الحنين اهرب من الي صار واريد انسى كل كلام امي
.. تعالي تعالي حبيبتي
.. دخلنا لجوة كعدو بالصالة وحسين بحظنة ججك يعدللها بشعرها ويحجي وياها
.. باوعلي وكال.. انطقييي يلا
.. ها وياي
.. لا ويا حور شتعشيتو اليوم
.. حور.. مو تعشيت
.. انجبي انتي وحدة اثول من الثانية بت ايمان احجيي ليشش امج سوت هيج؟؟. شعندها مطلعتج
.. تعاركنة اني وياها وعود تعاقبني هية كل مرا تسوي وياي هيج وابوي يدخلني بس هلمرة ماهوه واتصلت عليكم
.. اهاا زين شنو السبب
.. اسراء..امي ر
.. صابرين.. دتكولي نطلع اني والبنات واخليج هنا واني اعترضت وصرت احجي عليها وهيه عود عاقبتني وبسس
.. حسين.. تمام طلعلي فراشي الهنا وانتو نامو بالغرفة اخذو راحتكم الوقت تأخر
.. كامت حور رتبت الفراشات وفرشتلنا
.. حور.. هسع كون يجي عبيس ويشوف حبيبتة يمناا
.. زينب.. حويرة الصمي تعالن حبياتي ججك تعالي هنا نامي دافي هنا
.. تمددت وطفو الضوة حسيت بگلبي يدك بقوة من الي صارلي اليوم
يخوف والله لو باقية بالشارع لو ما جايبات الموبايل الحمدلله والشكر
امي ياامي شكد كاسرتني وشكد صعب حجيها نمت واني غركانة بأفكاري
.. زينب.. اباوعلهن بقهر سودة علية شكد تعبت هاي البنية الله يسامحج يا ايمان ليش هيج بناتج مجهولات طلعت اسويلهم ريوك حسين كاعد برة يشرب جاي مديت راسي من الشابك وصحتلة
.. حسون باردة تعال ادخل جوه
.. لا هنا زينه
.. طفيت الطباخ وطلعت
كعدت يمه
.. حسين.. ما حجيتو ترا ما مصدك اكو شي متعاركات عليي هي وامها
.. لا جانت كلش تعبانه ماكدرت احجي وياها اليوم نفتح الموضوع انت لا تكول العباس يضل باله خطية
.. لا مااكول راح اطلع اني وانتي ديري بالج واذا اجت امهن الحبابة لا تخليهن يروحن منا لمن يجي عمي
.. تمام.. بس تريك
.. مااريد مااشتهي
.. طلع واني والبنات بقينا طول اليوم احاول اعرف بس ماقبلت تحجي وجان جوابها
.. احب احتفظ بهذا الشي النفسي لا تضغطين علية
.. العصر كاعدين ودك الباب عمي جاسم ويا حسين
.. جاسم.. صدك بوية هيج تسوي هاي المااعرف اسمها
.. حسين.. عمي اسمها ايمان
.. صابرين اي عمو هيه لأن عصبية من تعصب بعد متعرف شنو تتصرف لذالك هيج سوت
.. امشي يلا جيبي خوياتج وتعالي وياي هنا ماترهم كعدتج بيت عمج الجبير فارغ
.. صابرين.. ها لا عموو مااريد ابقى على واهس البنات
.. جاسم.. هناك نورس همات وابقي على واهسا يلا بوية يلااا
.. ماكدرنا نعاندة لأن اذا صار عصبي يشرنا على الحبل لذالك سكتنا اخذت اخواتي وطلعت لحكنا حسين
.. ها وين شعندك
.. اوصلكم عمي
.. ارجع ما محتاجين هذاك هوه بيتنا
.. ااا لا عمي اوصلكم يلا يلا تعاي حبيبة اخوج
.شال ججك حتى عمي ميحجي استغربت الحاحة وصلنا للبيت جان جبييير كلششش كلش جبير لكن داخلة كئيب وكأن ما عايشين ناس بي مظلمة اغلب اماكنة ومابي فرش بس اثاث عمتي جانت كاعدة على التلفزيون بالصالة من شافتنا كامت سلمت بكل برود ومستغربة جيتنا وصلت تسأل تطولون
.. جاسم.. عسما العمر كله يكعدن شنهي دخلج انتي جفينا شرج سليمة ماالنا خلك نعيد نفس الحجي
.. اباوع العمي رغم هو سؤوال ماقبل شوي تطمنت لأن ايمان وسليمة ثنين لا يمكن يجمعهن بنفس المكان مثل الفارة والبزون ف شلون بناتهم حسين جانت عينة على الدرج درت وجهي اشوف شمو بس ما جان شي غريب هوه درج شبي هذا
.. سمعت صوت نورس الناعم وهي تتثاوب وهستوها كاعدة من النوم باوعتلنا مستغربة وما عاجبها ولا اني عاجبني اصلا لأن اني وياها على كولة زينب ضراير ما نكدر نكعد بمكان واحد بدون ما نتعارك وطبعاً هذا بسبب امهاتنا
.. هلاو
. صابرين.. وعليكم السلام عيني
نورس.. مكلت السلام عليكم
.. صابرين.. والله اني هذا السلام الاعرفة هلو شنو وين كاعدين احنه
..
.. اهووو شنو جاية تسيارة منو جاب.. هلووو حسييين
.. اباوعلها عيونها لمعت وابتسامتها المسمومة وياي غيرتها من صدت لحسين
.. عقدت حاجبي باوعت لحسين الي. كام وكف وصار يتحرك منا ومنا يريد يسلم ومبتسم الها
.. هلا نورس شلونج
.. اني الحمدلله انت شلونك من خلصت الجامعة بعد ما شفتك شسالفه
لما اعرفك جان كلت نسانا
.. جاسم.. اكعدي يباا اكعدي
.. عمو جاسم ماعندة بس نورس وحيدر مدللهم دلال وواضح على جسم ووجه نورس المملوء هذول الاثنين عندهم شييي هههههاي لكيت شي استفزها بي
ياربي يم نورس افثد السيطرة واصير انسانك ثانية اريد بس استفزها اقهره لأن مدرستنا كضيناها كله عرك واني ماكدرت اكمل جامعة بس هي سجلت
.. جاسم..يلا روح الاخواتك
.. حسين.. ها
.. اخواااتك
.. ايي اي رايح اني يلا صابرين ديري بالج على نفسج اخواتج عميي لا تردها ويا امها منا لمن يجي عمي
.. اني باجر اروح لها واطيح حظها وممدوح وياها
.. تمام يلا في امان الله
.. ججك.. حثين اخذني وياك هنا ماكو بطوطات مثلكم
.. صابرين.. لا عيني تكوم تبجي هناك اذا ما شافتني
.. حسين بهمس.. اخذكم كلكم
.. ابتسمت وجاوبتة على كيف لا يسمعنا عمي
.. روح عيني منجيي نريد نكعد يم عمتو سلملم
.. الله شكد تحبنا سلملم
.. هههه جيب حور وتعالو بليل حباب
.. مو تدلل غالية والطلب رخيص
.. ابتسمت ودرت وجهي صارت عيني بعين نورس الي تباوعلنا بأستغراب من شافتني اباوعلها خزرتني ودارت وجهه بتكبر اييع شيصبرني وارجع البيتنا من خيسة للاخيس بس شسوي
.. طلع حسين وعمي ضل يسولف ويانه لحدما تعبت كلش
سليمة.. جاسم ترا هاي مو حسين لو عباس عيني البنت تعبت كومي نورس وصليها للغرفة ترتاح عيوني صابرين ديرو بالكم على الأثاث لا تكسرون شي الزمي اخواتج
.. جاسم.. فدوا الج الاثاث عمو براحتج سوي الي يعجبج البيت بيتج انتي واخواتج سلييييمة وراي عندي جلمتين وياج
.. طلعو واني والبنات ضلينا نفر بروسنا مثل الثولان
.. نورس.. من صغرج وانتي هيج هسع خليتهم يتعاركون وتريدين يصير بيتنا جحيم مثل بيتكم اعتقينااا
.. باوعتلها بأستهزاء ودرت وجهي شلت جنطتي الفلوس خليتهم يم زينب احسن اضل. افتر بيهن منا لمن يجي عباس ونتصرف اني ويا بيهن
.... اوكفييي
.. شكووو
.. ترا عيب عليج واكفة وتتبسبسين ويا حسين وهو راح يصير حماج وتتمضحكين عباس يدري بهالشي لوو.....
شكرا لزيارتكم عالم روايات سكيرهوم
