رواية اخذوني دفع للدار فصليه الفصل الثامن بقلم زينب الموسوي
ماتلـگه وطن مثـلي
تعال وسافر بروحي
أنـه وياك واحد وطن لــ ثاني . .
..............
في بيت ابو عبدالله
سامر : صباح الخير بابا
علي : صباح النور وليدي شلونك شلون صرت
سامر : والله يابابا زين صرت بس عندي وياك موضوع
علي : كول ابني
سامر : تدري بيه انه خريج هندسه ومن الاوائل ف يابابا طلع تعييني استاذ جامعي بجامعه بغداد
واريد اروح حتى انسى الانه بيه وانسه قهرتي على اختي شوي ولو هيه ماتنسي يابويه
حجه ايمن : اي يعني راح تجي وياي مو 🫤
سامر : اي وياك وعلى كلبك
محمد واحمد اي بس احنه ندرس بمنطقتنه لاسافرنه ولاشي
علي : بسكم شكد تتناكرون ساهر وين
ردو نايم يبه وعمار طالع وي امي للسوك
علي : وانت يابويه روح شوف مستقبلك وانشالله موفق
سامر : انشالله بويه اطلع يوم السبت منا والاحد ابلش دوام
علي : انشالله
ليث : كاعد فوك اريد ابدل وتذكرت حجي عباس يكلي
عباس : ولك شيخ شفتها بالمطبخ هنيالك شهالجمال انه ادري بيك ماتحبها وتكرهه طلكها وانه واخذه
ليث : خل تخلص السنه واخذها عود هسه يلا ولي
ليث : رجعت لواقعي وانه اتذكر واحس بنار شتعلت بصدري من كلامه وكلت هسه انه شعليه اي انه ماحبها من اطلكها خلي ياخذها انه شكو ورجعت فرت من الحركه الي صارت بصدر خليت وبدلت ونزلت جوه صارت بوجهي باوعتلها حجيت بداخلي اخ بس اخ خليت ورحت بوجهي للديوان تعده الوكت وتعشينه وخلصنه وكاعد وصلتني رساله
عباس 💬: وينك ابن عمي انه جوه بيتكم وخوش كمر كاعد كبالي
ليث : قريته وشتعلت شعل نار وكلت لجدي يلا جدي ماندخل تعبته
شيخ عكاب : اي والله بويه تعبنه كلش
شيخ فهد : بويه وبن غضب
ليث : ذكرتني يابويه بيه وحجيتلهم السالفه ورفضو بالبدايه بس قنعت جدي حيل وسولفت ويا بالنص ساعه ورد عليه
شيخ عكاب: الله كريم هسه خل دور سنه اخوك علوان ويصير خير
ليث : يعني اعتبرها موافقه
عكاب : انشالله
فهد: فرحت وكتله يعني بويه نقره الفاتحه هسه
عكاب : نقراها يابو ليث ليش مانقراها
ليث : قرينه الفاتحه ودزيت رساله لغضب كتله جدي وافق كمنه ودخلنه جوه وشفته كاعد كبالها صافن بيها بس هسه مارافعه راسها ابد
سالها : اي ماكملتي ماجاوبتي على سوالي شكد عمرج وشنو سبب الي سموج اهلج هذا الاسم
قبل لاترد كتله اي وشكو انت تريد طلعها حنسيه اباوع الصدف تخزر بنهر
شويه وكالت استاذن انه وهنا حسيت براحه موطبيعيه من كامت هف شويه وراحو بيت عمي وكلها كامت وصعد فوك فتحت بلكونتي وكعدت اشرب جكاير وجان اشوف نهر طلعت وكعدت ع الميز من برا وبيدها شي تكتب بيه اخذني فضولي ورجليه ونزلت جوه بس صحت بصوت عالي ولج شسوين هنا ها لتفتت عليه وياريت مالتفتت
احس حيلي نشل جان شعرها شوي طالع ونازله خصله منه ولابسه دشداشه حمرا وشال اسود لايك عليها كلش شويه وصحيت رجعت صحت وثول ليش كاعده هنا وجان ترد عليه
نهر : اسفه شيخ بس حسيت نفسي مختنكه وطلعت اعتذر ماتتكرر
ليث : لاعوزها تتكرر حتى اكسر رجليج يلا فوتي دنيا ضلمه
نهر : صار شيخ
ليث : خلت وكامت وشالت بيدها اوراق وعبرت من يمي وجان تجي بخشمي ريحتها وحيل جريت نفس من عبرت مادري ليش تصرفت هيج وياها خلت ودخلت جوه وانه صعدت فوك وتمددت وبالي كله وتركيزي يمها لدرجه صدف الجنت مانام اذا مافكر بيها ماجت على بالي ابد خليت ونمت ....
////.........
عباس : مرحبا انه عباس ابن عم الشيخ ليث عمري نفس عمره بس اكبر مني هوه باشهر يعني تقريبا انه 37 سنه وهوه بدايه ال38 اني خريج قانون نفسه بالضبط بس هوه فضل يعوف سالفه الحقوق والتدريس بالجامعه ويلتفت للديوان هواي حجيت ويا ومارد اني عندي شركه قانونيه تخص كل القضايا وعندي هواي موضفين جوه ايدي وبنفس الوقت اساعد الشيخ باعماله الحره كلها من يكون مشغول بالديوان اني شخصيتي رغم اضحك واسولف بس جاد بعملي وعصبي كلش وانسان واقعي ماحب اللف وادور كاعدين بيوم وصلنه خبر موت ابن عمي فهد علوان وجان السبب كلش تافه بس هوه هم مايكعد راحه وراها خلصت الفاتحه وسوينه كعده عشائريه وتفقو ع فصليه وطريقه طلبها كلش حز بخاطري وكلت هيه مالها ذنب بشي وتعدت الايام واجت الفصليه وسمعت من ليث هواي ماذيها وضاربها كتله اذا متريدها انه اخذها بيوم دخلت اخذ ماي من جوه للديوان لان الصبي مال بيت جدي عكاب مودينه للسوك وشفتها سبحان من صورها تربعت بروحي عيونها وشكلها وبراءتها وطولها الي يخبل رغم كدمات وجهه بس حيل حلوه زايداتها جمال عود مثل بنات عمي وخالي الصخول ههههههه ضليت اتحجج حتى ادخل واشوفها وبينت ليث شكد هيه محترمه وحبابه حتى كلي اي عود انتضرني من اطلكها اخذها واشبع بيها كتله ياريت انتضر ع نار بس وراها سمعت ضاربها لحد ماكاسر بيه عضم حيل تاذيت وتمنيت اكسر ايده بس يبقى ابن عمي وهاي جاي اعد الايام حتى تخلص الفترا عبالكم هسه عيني زايغه لا موزايغه ادري بيه مايريدها ومايحبها لذلك اطمئنيت واصلا انه ماعندي سوالف الجهال المكسره مال اصاحب واحب اني جدي كتلكم وقبل 11 سنه حبيت وماصارتلي اختارت غيري فتركتها وضليت بدون زواج ولتهيت بشغلي ومستقبلي واعمالي تعدت الايام وصارت عشر ايام وماشايفها كلبي نار خليت ورحت دخلت كبل للبيت بدون مامر على الديوان وشفتها اخ لابسه وردي وشال ابيض والعيون تموت شويه وديت رساله الليث وكتله شلون كمر كاعد ع الكرسي كبالي وراها بنص ساعه اجه بس اشوف وجهه احمر حيل تعمدت اسئلها كباله
عباس : اي نهر سالت ماجاوبتي شكد عمرج وليش سموج هيج اسم رد كبل لاترد
ليث : وشنو تريد طلعلها جنسيه ضحكت وسكتت
شويه وستاذنت وردت احرك عشيره ليث لان ماشبعت منها خلت وراحت وشويه ورحته لبيتنه ودخلنه للبيت كبل صدف كالت
صدف : اف يمته نخلص من هايا كاعده على كلبي همزين شيخ مايحبها
عباس : انه اسمع وساكت ورتاحيت اكثر من كالت الشيخ مايحبها احجي بكلبي واكول يايمه ابنج ضاع بعيون النهر بس وراها كالت
صدف : بس بوشوفين حتركت من شفت الشيخ يداوي جرح رجلها ويهتم بيها بس ماسكتلها جريتها من شعرها لوماداخل الشيخ جان موتتها
عباس : نقهرت وغرت هواي هواي بس العصبني اكثر ماده ايدها عليها اليوم الا اكسرها الها ماحسيت بروحي وعطت ولج صدف شلون تمدين ايدج هيه لايمج لاكرباج طايحه الحظ اذا مديتيها بعد اكسرها خليت وصعدت فوك فاير وكلما اتذكرها ابتسم وتبرد ناري اخ يا نهر اخ يانهري شوكت تخلصين واجيبج يمي اخ ..........
........////
في بيت ابو عبدالله
سامر : كعدت الصبح واصلا انه محضر هدومي قبل يوم خليت ونزلت لكيتهم كاعدين صبحت عليهم ورد ايمن
ايمن : هايخويً جاهز
سامر: اي خويه جاهز كلش . تريكنه وطلعنه برا البيت وصعدنه السياره وكل بالي يم اخيتي جاي ع بالي احضنها السويته بيها موشويه وهيه محبوسه واحنه نفتر ع طولنه اخ يانهري كون ميت ولا شايفج هيج حجه ايمن
ايمن : شفته الحزن بعيونه وحيل نقهرت عليه فقطعت صفنته وكتله ها يخوي مبين فرحان بتدريسك بجامعتنه رد
سامر : همزين مادرسك جان جلطتني ومايضل واحد ماتكله هذا اخوي خلص الطريق سوالف وضحك لان بغداد قريبه على السماوه وصلنه لبيت خالي ونزلنه اغراضنه واصلا انه جنت ناوي اسكن بالسكن الداخلي يم اخوي لان مازاحمهم خلص اليوم عادي ورحت ثاني يوم الصبح للكليه حتى اكمل اوراقي وانه جاي امشي وجان تنضرب بيه بنيه ويطيحن اوراقي كلها عصبت بالبدايه بس بعدين من رفعت وجهه وصارت بوجهي سحرني كلشي بيها عيوها السود وبشرتها وغمازاتها ضليت صافن ع ماعتذرت وكالت
البنت : اسفه استاذ ماشفتك مستعجله
سامر : حجت وياريت ماحجت صوتها غركني بيها اكثر شويه ورجعت حدي كلت عيب انت استاذ رديت وكلت كتلها لا عادي بس مرا ثانيه نتبهي خوش
البنت : انشالله استاذ
سامر : خلت وراحت وكلت معقوله طالبه بالهندسه هاي خليت ومشيت وراها كملت اوراقي ورحت للبيت حتى اخذ اغراضي سويت اوراق سكن الطلاب ونوب رجعت للسكن وخلص اليوم عادي ثاني يوم كعدت ولبست طبعا لسوء حضي خلوني وي ايمن اخوي ههههههه بنفس الغرفه بدلت وهوه كعدتة كوه يلا كام خليت وطلعت للجامعه مشيت وجانت حصصي بالمرحله الثانيه نطوني والثالثه ادرسهم ماده رياضيات هندسيه جنت كلش شاطر بيها لذلك نطوها الي ف اول مادخل للقاعه صبحت وجان اشوف .......
