.jpg)
رواية جرائم ظالمه الفصل الثامن
ﻧﺪﻯ : ﻧﺎﺿﺖ ﻣﻦ ﻧﻮﻣﻬﺎ ﺭﺍﺳﻬﺎ ﻳﻮﺟﻊ ﻓﻴﻬﺎ ﻧﺰﻟﺖ ﻣﻦ ﺍﻟﺴﺮﻳﺮ ﻗﺮﺑﺖ ﻉ ﺍﻟﺒﺎﺏ ﺗﺴﻤﻊ ﻓﻲ ﺣﻜﻴﻢ ﻳﻬﺪﺭﺯ ﻣﻊ ﺍﺻﻴﻞ ﺣﺎﻭﻟﺖ ﺗﺘﺴﻤﻊ ﻋﻠﻴﻬﻢ
ﺣﻜﻴﻢ : ﻭﺍﻟﻠﻪ ﺧﺎﻳﻒ ﻋﻠﻴﻬﺎ ﺍﻟﺤﻖ ﻫﻴﺎ ﻣﺮﻳﻀﻪ ﻳﻌﻨﻲ ﻋﻨﺪﻫﺎ ﻣﺸﻜﻠﻪ ﻓﻲ ﻋﻘﻠﻬﺎ ﻓﻬﻤﺖ ﻋﻠﻴﺎﺍ
ﺍﺻﻴﻞ : ﻓﻬﻤﺖ ﺍﻱ ﻳﻌﻨﻲ ﻛﺒﻴﺮﻩ ﻻﻛﻦ ﻋﻠﻘﻬﺎ ﻣﺶ ﻛﺎﻣﻞ ﺯﻱ ﺍﻟﺒﻮﺭﻳﻜﻪ ﻟﻤﺎ ﺗﺒﺪﺍ ﻃﺎﻳﺒﻪ ﻣﻦ ﺑﺮﺍ ﻭﻣﻦ ﺩﺍﺧﻞ ﻧﻴﻪ
ﺣﻜﻴﻢ : ﺍﻫﺎﺍ .… ﺍﻱ ﻳﻤﻜﻦ ﺍﻟﻤﻬﻢ ﺑﺎﻟﻠﻪ ﻛﺎﻥ ﺷﻔﺘﻮﻫﺎ ﻭﻻ ﻗﺎﺑﻠﺘﻜﻢ ﻛﻠﻤﻮﻧﻲ ﺍﻧﺎ ﺑﻠﻐﺖ ﺍﻟﺸﺮﻃﻲ
ﺍﺳﻜﻨﺪﺭ : ﻃﻠﻊ ﻣﻦ ﺍﻟﺤﻤﺎﻡ ﻳﻨﺸﻒ ﻓﻲ ﺷﻌﺮﻩ ﺑﻲ ﺍﻟﺒﻮﻃﻪ ..… ﻣﻨﻮ؟ !
ﺍﺻﻴﻞ : ﺟﺎﺭﻧﺎ ﺍﻟﻠﻴﺒﻲ
ﺍﺳﻜﻨﺪﺭ : ﺍﻫﻠﻴﻦ ﺗﻔﻀﻞ؟ !
ﺣﻜﻴﻢ : ﺯﺍﻳﺪ ﻓﻀﻠﻚ ﻋﻨﺪﻱ ﻣﺮﺗﻲ ﺍﻧﺨﻄﻔﺖ ﻭﺍﻟﻠﻪ ﺍﻭﺿﺎﻋﻲ ﻣﻔﺮﻛﺴﻪ ﺷﻮﻱ
ﺍﺳﻜﻨﺪﺭ : ﻟﻪ ﻟﻪ ﻟﻪ ﻛﻴﻒ ﺻﺎﺭ
ﺣﻜﻴﻢ : ﻣﻌﺮﻓﺘﺶ ﻣﻨﻮ ﻭﺷﻦ ﻣﺼﻠﺤﺘﻪ ﻓﻲ ﻣﺮﺗﻲ ﺍﻟﺤﻖ ﺿﺮﺑﻮﻧﻲ ﻋﻠﻰ ﺭﺍﺳﻲ ﻭﻣﻌﺶ ﻟﻘﻴﺘﻬﺎ
ﺍﺳﻜﻨﺪﺭ : ﺍﺍﺍﺍﻫﺎ ﺭﺑﻲ ﻳﺠﻤﻌﻜﻢ ﺍﻥ ﺷﺎﺀ ﺍﻟﻠﻪ
ﺣﻜﻴﻢ : ﺗﺴﻠﻢ ﻳﺒﺎﺭﻙ ﻓﻴﻚ ﻳﺎﺭﻳﺖ ﻛﺎﻥ ﺷﻔﺘﻮﻫﺎ ﺗﻘﻮﻟﻮﻟﻲ
ﺍﺻﻴﻞ : ﺑﻪ ﻋﻼﺵ ﻣﺘﺸﻮﻓﻮﺵ ﺍﻟﻜﺎﻣﻴﺮﺍ ﻓﻲ ﻣﻤﺮ ﺍﻟﻌﻤﺎﺭﻩ
ﺍﺳﻜﻨﺪﺭ : .… ﻓﻀﺤﻨﺎ
ﺣﻜﻴﻢ : ﺍﻱ ﺻﺢ ﺍﻟﺸﺮﻃﻪ ﺟﺎﻳﻪ ﺑﺘﺸﻮﻑ ﺍﻟﺸﻘﻪ ﺍﻛﻴﺪ ﺭﺡ ﺗﺸﻴﻚ ﻉ ﺍﻟﻜﺎﻣﻴﺮﺍ ﺻﺤﻴﺘﻮ ﻣﻘﺼﺮﺗﻮﺵ
ﺍﺻﻴﻞ : ﺳﻠﻤﻚ ﺳﻠﻤﻚ ﻭﻛﺎﻥ ﻣﺤﺼﻠﺘﺶ ﻏﺪﻱ ﺗﻔﻀﻞ
ﺣﻜﻴﻢ : ﻳﺒﺎﺭﻙ ﻓﻴﻚ .… ﻭﻃﻠﻊ
ﺍﺻﻴﻞ : ﺳﻜﺮ ﺍﻟﺒﺎﺏ ﻭﺗﻠﻔﺖ ﻟﻘﻲ ﺍﺳﻜﻨﺪﺭ ﻗﺎﺭﻥ ﺣﻮﺍﺟﺒﻪ ﻭﻫﺬﻳﻚ ﺍﻟﺸﺒﺤﻪ ﻳﻠﻲ ﺗﺨﻮﻑ
ﺍﺻﻴﻞ : ﺧﻴﺮﻙ ﺗﻘﻮﻝ ﻭﺍﻛﻞ ﺑﻄﺎﻃﺎ ﻧﻴﻪ
ﺍﺳﻜﻨﺪﺭ : ﻉ ﻃﻮﻝ ﺣﺴﻪ … ﺣﻤﺎﺍﺍﺍﺍﺍﺭ ﺍﻧﺖ؟ ! ﻭﻻ ﺗﺴﺘﺤﻤﺮ ﻋﻠﻲ ﻓﻴﺘﻲ ﺍﻟﺰﺯﺯﺯﺯﺡ ﺧﻴﺮﻙ ﻋﺒﻴﻂ ﻣﺮﺍﺕ ﺗﻮ ﻋﺎﺭﻑ ﺍﻧﺎ ﻳﻠﻲ ﻃﻠﻌﺘﻬﺎ ﻣﻦ ﺍﻟﺸﻘﻪ ﻳﻌﻨﻲ ﺑﺘﻜﻮﻥ ﺍﻟﻜﻤﻴﺮﺍ ﺻﻮﺭﺗﻨﻲ
ﺍﺻﻴﻞ : ﻭﺗﺴﺤﺎﺑﻨﻲ ﻏﺒﻲ ﻭﺭﺍﺳﻲ ﻓﺎﺭﻍ ﺯﻱ ﺍﻟﻤﺒﻄﻨﻪ ﻳﻠﻲ ﺑﺪﻭﻥ ﻣﻔﺮﻭﻡ؟ ! ﺍﻟﻜﻤﻴﺮﺍ ﻛﻤﻴﺮﺗﻨﺎ ﻭﻣﺴﺤﺖ ﺍﻟﺴﺠﻼﺕ ﻣﻦ ﺑﻜﺮﻱ
ﻧﺪﻯ : ﻃﻠﻌﺖ ﻣﺸﺒﻜﻪ ﻳﺪﻳﻬﺎ ﻓﻲ ﺑﻌﺾ ﻭﻣﺮﺗﺒﻜﻪ ..… ﺷﻦ ﺻﺎﺭ؟ !
ﺍﺻﻴﻞ : ﺍﻧﺎ ﺑﻨﻤﺸﻰ ﻧﺪﻳﺮ ﺣﺎﺟﻪ ﻧﺎﻛﻠﻬﺎ ﻭﺗﺮﺗﻠﻲ ﺍﻋﺼﺎﺑﻲ
ﺍﺳﻜﻨﺪﺭ : ﺍﻓﻔﻔﻒ .… ﻭﻳﻠﻲ ﺍﻋﺼﺎﺑﻪ ﻳﺘﻮﺗﺮﻭ ﻳﺎﻛﻞ ﻳﻌﻨﻲ
ﺍﺻﻴﻞ : ﺍﻟﺒﻄﻦ ﺑﻄﻨﻲ ﻣﺪﺧﻠﻜﺶ ﻓﻲ ﺍﻣﻌﺎﺋﻲ … ﻭﺧﺶ ﺍﻟﻤﻄﺒﺦ
ﺍﺳﻜﻨﺪﺭ : ﻗﻌﻤﺰ ﻉ ﺍﻟﺼﺎﻟﻮﻥ .… ﺗﻌﺎﻟﻲ ﻳﺎﺑﻨﺖ ﺍﻟﻨﺎﺱ ﻋﻄﻴﻨﻲ ﺭﻗﻢ ﺣﺪ ﻣﻦ ﻋﻴﻠﺘﻚ ﺧﻠﻲ ﻧﻜﻠﻤﻬﻢ
ﻧﺪﻯ : ﻗﻌﻤﺰﺕ ﺟﻨﺒﻪ ﻭﻛﺘﺒﺖ ﺭﻗﻢ ﺑﻮﻫﺎ
ﺟﻨﺎﺕ : ﻓﻴﺼﻞ ﺧﻴﺮﻙ ﻣﻀﺎﻳﻖ
ﻓﻴﺼﻞ : ﻳﺪﺧﻦ .… ﺧﻴﺮﻧﻲ
ﺟﻨﺎﺕ : ﻗﺼﺪﻱ ﻣﻌﻘﻮﻟﻪ ﻋﺮﻳﺲ ﻳﻮﻡ ﺻﺒﺎﺣﻴﺘﻪ ﻫﻜﻲ ﺟﻮﻩ ؟ !ﺧﻴﺮﻙ ﺿﺎﻳﻘﺘﻚ ﻓﻲ ﺷﻲ ﺍﻧﺎ ؟ !
ﻓﻴﺼﻞ : ﺍﻳﺎﺍﺍﺍﺍﺍﻩ ﻋﻠﻴﻨﺎ ﻋﺎﺩ ﻗﺘﻠﻚ ﻣﺨﻴﺮﻧﻲ ﺷﻲ ﺧﻴﺮﻙ ﻣﺼﺮﻩ ﺗﻨﻜﺪﻱ ﻋﻠﻴﺎ
ﺟﻨﺎﺕ : ﺳﻜﺘﺖ ﻭﻭﺟﻌﻬﺎ ﺧﺎﻃﺮﻫﺎ ﺑﻌﺪ ﺷﻮﻱ ﻃﻖ ﺍﻟﺒﺎﺏ
ﺟﻨﺎﺕ : ﻟﺒﺴﺖ ﻃﺮﻑ ﺍﻟﺮﻭﺏ ﺍﻟﻔﻮﻗﻲ ﻭﻓﺘﺤﺖ ﺍﻟﺒﺎﺏ
ﻧﺎﺩﺭﻩ ( ﺍﺧﺖ ﻓﻴﺼﻞ ) : ﺭﻭﺭﻭﺭﻭﺭﻭﺭﻭﻱ ﻣﺒﺮﻭﻭﻙ ﻋﻠﻴﻜﻢ ﺍﻥ ﺷﺎﺀ ﺍﻟﻠﻪ ﺭﺑﻲ ﻳﻬﻨﻴﻜﻢ
ﺟﻨﺎﺕ : ﺗﺴﻠﻤﻴﻠﻲ ﻭﻳﻬﻨﻴﻚ ﻳﺎﺭﺏ ﺗﻔﻀﻠﻲ ﺗﻔﻀﻠﻲ
ﻧﺎﺩﺭﻩ : ﺧﺸﺖ ﺳﻠﻤﺖ ﻉ ﻓﻴﺼﻞ ﻭﻗﻌﻤﺰﺕ
ﻓﻴﺼﻞ : ﻃﺎﻟﻌﻊ ﺍﻧﺎ ﻣﺪﻭﺭﻳﻨﻴﺶ
ﺟﻨﺎﺕ : ﻫﺰﺕ ﺑﺮﺍﺳﻬﺎ ﻭﻗﻌﻤﺰﺕ ﺟﻨﺐ ﺣﻤﺎﺗﻬﺎ
ﻓﻴﺼﻞ : ﺧﺬﻱ ﺑﻌﻀﻪ ﻭﻃﻠﻊ
ﻧﺎﺩﺭﻩ : ﺧﻴﺮﻩ ﺟﻮﻛﻢ ﻣﺶ ﺗﻤﺎﻡ؟ !
ﺟﻨﺎﺕ : ﺷﻦ ﺑﻨﺤﻜﻲ ﻭﺷﻦ ﺑﻨﻘﻮﻝ ﺑﺎﻟﻠﻪ
ﻧﺎﺩﺭﻩ : ﺷﻦ ﻓﻴﻪ ﻣﺘﻬﻨﻴﺘﻴﺶ ؟ !
ﺟﻨﺎﺕ : ﻻ ﺗﻬﻨﻴﺖ
ﻧﺎﺩﺭﻩ : ﺑﻪ ﺍﻟﺤﻤﺪ ﺍﻟﻠﻪ ﺍﻟﻒ ﻣﺒﺮﻭﻙ ﺧﻴﺮﻙ ﺍﻣﺎﻻ؟ !
ﺟﻨﺎﺕ : ﻣﻔﻬﻤﺘﺶ ﺧﻴﺮﻩ ﻣﺶ ﻃﺎﻳﻘﻨﻲ ﻭﻻ ﻣﺘﺤﻤﻞ ﻣﻨﻲ ﺣﺘﺎ ﻛﻠﻤﻪ ﻣﻌﺮﻓﺘﺶ ﺧﻴﺮﻩ ﺭﻏﻢ ﺍﻧﻲ ﻣﺰﻋﻠﺘﻪ ﻓﻲ ﺷﻲ ﻧﺤﺲ ﻓﻴﻪ ﻗﺎﻋﺪ ﻳﻔﻜﺮ ﻓﻲ ﻧﺴﺮﻳﻦ ﻃﻠﻴﻘﺘﻪ
ﻧﺎﺩﺭﻩ : ﻻ ﺷﻨﻮ ﻳﻔﻜﺮ ﻓﻴﻬﺎ ﺧﻼﺹ ﻃﻠﻘﻬﺎ ﺑﻲ ﺍﻝ 3 ﻛﺎﻥ ﻳﺒﻴﻬﺎ ﺭﺍﻫﻮ ﻗﻌﺪ ﻣﻌﺎﻫﺎ
ﺟﻨﺎﺕ : ﺑﻪ ﻋﻼﺵ ﻳﺘﻌﺎﻣﻞ ﻣﻌﺎﻱ ﻫﻜﻲ؟ !
ﻧﺎﺩﺭﻩ : ﻭﻻ ﻳﻬﻤﻚ ﺗﻮ ﻧﻜﻠﻢ ﺍﻣﻲ ﺗﻌﻄﻴﻪ ﻋﻠﻲ ﺭﺍﺳﻪ ﻭﺗﺮﺑﻴﻪ
ﺟﻨﺎﺕ : ﺧﻠﻲ ﺍﻧﻮﺽ ﻧﺪﻳﺮﻟﻚ ﻗﻬﻮﺍ
ﻧﺎﺩﺭﻩ : ﺍﺗﻜﺖ ﻉ ﺍﻟﺼﺎﻟﻮﻥ ﻭﻫﻴﺎ ﺗﻔﻜﺮ ﻓﻲ ﻓﻴﺼﻞ ﺧﻮﻫﺎ
ﺟﻨﺎﺕ : ﻧﺎﺿﺖ ﻟﻠﻤﻄﺒﺦ ﺩﺍﺭﺕ ﻗﻬﻮﺍ
ﺭﻭﺍﻳـــــــﺎﺕٌ ﺑــــــــَﻨُــــــــﻮﻭﺗِــﺓْ ﺍﻟــــﺸِـــﻴــــﺦْ
ﺍﺭﻭﻯ ﺍﻟــــﻄــــــﺎﻫــــﺮ ﺍﻟﻤــــﺴـــﻼﺗــــٰــﻲ
ﺍﺳﻜﻨﺪﺭ : ﺧﺬﻱ ﺍﻟﻔﻮﻥ ﻣﻦ ﻧﺪﻯ ﺑﻌﺪ ﻛﺘﺒﺖ ﺭﻗﻢ ﺑﻮﻫﺎ ﻭﺩﺍﺭ ﻣﻜﺎﻟﻤﻪ ﺩﻭﻟﻴﻪ ﻭﺍﺗﺼﻞ ﻻﻛﻦ !!! ﻣﻘﻔﻞ ﺣﺎﻭﻝ ﻣﺮﻩ ﻭﺍﺛﻨﻴﻦ ﻭﺛﻼﺗﻪ ﻣﺴﻜﺮ
ﺍﺳﻜﻨﺪﺭ : ﻳﻤﻜﻦ ﺍﻧﺘﻲ ﻏﺎﻟﻄﻪ؟ !
ﻧﺪﻯ : ﻻ ﻣﺘﺄﻛﺪﻩ ﻫﺎﺫﺍ ﺭﻗﻤﻪ
ﺍﺳﻜﻨﺪﺭ : ﺑﻪ ﻫﺎﺗﻲ ﺭﻗﻢ ﺣﺪ ﻣﻦ ﺧﻮﺗﻚ
ﻧﺪﻯ : ﻣﺶ ﺣﺎﻓﻀﺘﻬﻢ
ﺍﺳﻜﻨﺪﺭ : ﺷﺒﺤﻠﻬﺎ ﻉ ﺟﻨﺐ .… ﻓﻲ ﺣﺪ ﻣﺶ ﺣﺎﻓﺾ ﺭﻗﻢ ﻋﻴﻠﺘﻪ
؟
ﻧﺪﻯ : ﻋﻼﺵ ﺑﻨﺤﻔﻀﻬﻢ ﻛﺎﻧﻮ ﻣﺴﺠﻠﻴﻦ ﻓﻲ ﺗﺎﻟﻔﻮﻧﻲ ﻣﺶ ﺣﺎﻓﻀﻪ ﻏﻴﺮ ﺭﻗﻢ ﺑﺎﺑﺎ
ﺍﺳﻜﻨﺪﺭ : ﺍﻣﻴﻼﺗﻬﻢ ﻉ ﺍﻟﻔﻴﺲ؟ !
ﻧﺪﻯ : ﻣﻌﻨﺪﻳﺶ ﻓﻴﺲ ﻣﺎﻧﻌﻴﻨﻪ ﻋﻠﻴﺎ ﺧﻮﺗﻲ
ﺍﺳﻜﻨﺪﺭ : ﺳﻜﺖ ﻭﻫﻮﺍ ﻳﺸﻮﻓﻠﻬﺎ ﻭﺧﺶ ﺍﻟﺸﻚ ﻟﻲ ﻗﻠﺒﻪ
ﻧﺪﻯ : ﺧﺎﻓﺖ ﻣﻦ ﻧﻀﺮﺓ ﺍﺳﻜﻨﺪﺭ ..… ﻟﻞ ﻝ ﻟﻮ ﻋﻨﺪﻙ ﻧﺖ ﺍﺑﺤﺖ ﻋﻠﻲ ﺍﺳﻢ ﺧﻮﺗﻲ ﺑﺎﻟﻚ ﻳﻄﻠﻌﻠﻚ
ﺍﺻﻴﻞ : ﺍﻟﻤﺎﻛﻠﻪ ﺟﺘﺘﺘﺘﺘﺘﺘﺘﺖ ﻳﻼ ﺳﻴﺒﻮ ﻛﻞ ﺷﻲ ﻭﺍﺭﺧﻮ ﺭﻭﺣﻜﻢ ﻭﺟﻬﺰﻭ ﺣﻮﺍﺳﻜﻢ ﻭﺗﻤﺘﻌﻮ ﺑﻲ ﺍﻟﻄﻌﻢ
ﺍﺳﻜﻨﺪﺭ : ﺷﻦ ﺍﺳﻢ ﺧﻮﻙ؟ !
ﺍﺻﻴﻞ : ﺧﺬﻱ ﺍﻟﺘﺎﻟﻔﻮﻥ ..… ﻧﺘﻜﻠﻢ ﺍﻧﺎﺍﺍﺍ ﻛﻤﻠﻮ ﻣﺎﻛﻠﻪ ﺑﻌﺪﻳﻦ ﺩﻳﺮﻭ ﻳﻠﻲ ﺗﺒﻮﻩ
ﺍﺳﻜﻨﺪﺭ
ﻧﺪﻯ : ﺿﺤﻜﺖ ﻋﻠﻲ ﺗﺼﺮﻑ ﺍﺻﻴﻞ
ﺍﺻﻴﻞ : ﻣﺪﻱ ﻳﺪﻙ ﻣﺘﺘﺤﺸﻤﻴﺶ ﺧﻠﻲ ﻭﺟﻬﻚ ﺻﺤﻴﺢ ﻓﻲ ﺍﻟﻤﺎﻛﻠﻪ ﺑﺬﺍﺕ ﺭﻩ ﻣﻔﻲ ﺷﻲ ﻳﻨﻔﻌﻚ ﻏﻴﺮﻫﺎ
ﻭﻗﻌﺪﻭ ﺍﻟﺜﻼﺛﻪ ﻳﺎﻛﻠﻮ ﻭﺍﺳﻜﻨﺪﺭ ﻳﺨﻄﻒ ﻓﻲ ﻧﻀﺮﺍﺗﻪ ﻉ ﻧﺪﻯ ﻣﺶ ﻟﺴﺒﺐ ﺗﺎﻧﻲ ﻏﻴﺮ ﺍﻟﺸﻚ ﻓﻴﻬﺎ
ﺍﻣﺎ ﻧﺪﻯ ﻛﺎﻧﺖ ﺗﺎﻛﻞ ﺷﻮﻱ ﺷﻮﻱ ﻭﻋﻘﻠﻬﺎ ﺳﺎﺍﺍﺍﺍﺭﺡ ﻭﺗﺴﺄﻝ ﻓﻲ ﺭﻭﺣﻬﺎ ﺷﻨﻮ ﻣﻤﻜﻦ ﻳﺼﻴﺮ ﻓﻴﻬﺎ؟ !
ﻧﺴﺮﻳﻦ : ﻫﻲ ﺍﻣﻲ ﺍﻟﻐﺪﻱ ﻭﺍﺗﻲ
ﻫﻨﻴﻪ : ﺗﻨﻬﺪﺕ ..… ﺍﺍﺍﺍﺍﺍﻩ ﻭﺍﻟﻠﻪ ﻣﻌﻨﺪﻱ ﻧﻴﻪ ﻭﻻ ﺧﺎﻃﺮﻱ ﻓﻲ ﺣﻮﻳﺠﻪ
ﺻﺒﺮﻯ : ﺗﻲ ﺗﻌﺎﻟﻲ ﻳﺎﻣﺮﺍﺀ ﺧﻴﺮ ﻣﺘﺪﻫﻮﺭ ﺻﺤﺘﻚ ﺍﻛﺘﺮ ﻣﻦ ﻫﻜﻲ
ﻫﻨﻴﻪ : ﺷﺎﻓﺘﻠﻪ ﺑﻨﻀﺮﺕ ﺣﻘﺪﺩﺩ .… ﻓﺆﺍﺩ ﻭﻟﺪﻱ ﺷﻦ ﺻﺎﺭ ﻓﻲ ﻭﺧﻴﺘﻚ ﻣﻜﻠﻤﻜﻤﺶ ﻳﻠﻲ ﻣﺎﻳﺘﺴﻤﻰ
ﻓﺆﺍﺩ : ﻃﺎﻳﺢ ﻓﻴﻬﺎ ﻣﺎﻛﻠﻪ .… ﻻﻻ ﻣﺘﺨﺎﻓﻴﺶ ﻳﻤﺎ ﺧﻴﺮﻙ ﻣﺘﺰﻭﺟﻴﻦ ﻭﺳﺎﻓﺮﻭ ﻋﺎﺩﻱ
ﻫﻨﻴﻪ : ﻗﻠﺒﻲ ﻣﺶ ﻣﻄﻤﻦ ﺑﻨﻬﺒﻞ ﻋﻠﻴﻬﺎ
ﻓﺆﺍﺩ : ﻻﺯﻡ ﺗﺨﺘﺮﻋﻮ ﺣﺎﺟﻪ ﻫﻜﻲ ﺑﺎﺵ ﺗﻨﻜﺪﻭ ﻭﺗﻘﻠﺒﻮ ﺍﻟﺤﻮﺵ
ﻧﺴﺮﻳﻦ : ﺍﻃﻤﻨﻲ ﺍﻣﻲ ﺗﻮ ﺗﻜﻠﻤﻨﺎ ﺍﻥ ﺷﺎﺀ ﺍﻟﻠﻪ ﻫﻴﺎ ﻛﻮﻟﻲ ﺣﺘﻰ ﻓﻤﻴﻦ ﻭﺭﺍﺳﻚ
ﻫﻨﻴﻪ : ﻗﻌﻤﺰﺕ ﻣﻌﺎﻫﻢ ﻭﺗﺎﻛﻞ ﺑﺴﻴﻒ ﺍﻣﺎ ﻧﺴﺮﻳﻦ ﺗﺎﻟﻔﻮﻧﻬﺎ ﻣﺴﻜﺖ ﻛﻞ ﺷﻮﻳﻪ ﻣﺴﺠﺎﺕ ﻣﻦ ﻃﻠﻴﻘﻬﺎ
ﻓﻴﺼﻞ : ﻣﺶ ﻗﺎﺍﺍﺍﺩﺭ ﻧﺘﺨﻴﻞ ﻏﻴﺮﻙ ﻣﻌﺎﻱ ﻭﻻ ﺗﻘﺒﻠﺖ ﻋﺮﻭﺳﺘﻲ ﺭﺩﻱ ﺭﺍﻧﻲ ﻧﺎﺩﻡ ﺑﻨﻤﻮﻭﻭﻭﺕ
ﻓﻴﺼﻞ : ﻗﺎﻋﺪ ﻧﺬﻛﺮ ﻓﻲ ﺍﺧﺮ ﻟﻴﻠﻪ ﻣﻊ ﺑﻌﺾ ﻧﺬﻛﺮ ﻟﻲ ﻛﻞ ﻧﻔﺲ ﺑﻴﻨﺎ ﻟﻲ ﻛﻞ ﻟﻤﺴﻪ ﺑﻴﻨﺎ ﻛﻞ ﻣﻜﺎﻥ ﻓﻲ ﺟﺴﻤﻚ ﻗﺎﻋﺪ ﺑﻴﻦ ﻋﻴﻮﻧﻲ ﺭﺩﺩﺩﺩﺩﺩﻱ ﻋﻠﻴﺎﺍﺍﺍ ﺣﺘﺎ ﺑﻲ ﺍﻟﺤﺮﺍﻡ ﻧﺒﻴﻴﻴﻴﻴﻴﻚ
ﻧﺴﺮﻳﻦ : ﺍﺭﺗﺒﻜﺖ ﻣﻦ ﺍﻟﻤﺴﺎﺝ ﻭﻗﻔﻠﺖ ﺗﺎﻟﻔﻮﻧﻬﺎ
ﻉ ﺍﻟﺴﺮﻳﺮ -:
ﺍﺣﻤﺪ ﺭﺍﻗﺪ ﻉ ﻣﻨﺘﻬﻰ
ﺍﺣﻤﺪ : ﺧﻴﺮﻙ ﻣﺘﺸﻨﺠﻪ ؟ ! ﺍﺭﺧﻲ ﺭﻭﺣﻚ
ﻣﻨﺘﻬﻰ : ﺣﺎﺳﻪ ﺭﻭﺣﻲ ﻣﻀﺎﻳﻘﻪ ﻭﺧﺎﻳﻔﻪ
ﺍﺣﻤﺪ : ﺑﻌﺪ ﺷﻮﻱ ﻣﻦ ﻋﻠﻴﻬﺎ ..… ﺧﻴﺮﻙ ﻋﻼﺵ
ﻣﻨﺘﻬﻰ : ﻣﻨﻌﺮﻓﺶ
ﺍﺣﻤﺪ : ﺍﺑﺘﺴﻢ .… ﻋﺎﺩﻱ ﺩﻳﻤﻪ ﺍﻳﺎﻡ ﺍﻟﺰﻭﺍﺝ ﺍﻻﻭﻟﻰ ﺗﻜﻮﻥ ﺍﻟﺒﻨﺖ ﻣﻀﺎﻳﻘﻪ
ﻣﻨﺘﻬﻰ : ﻓﻲ ﻗﻠﺒﻬﺎ ﺍﻟﻒ ﻛﻼﻡ ﺑﺲ ﻣﺘﻘﺪﺭﺵ ﺗﻘﻮﻟﻪ
ﺍﺣﻤﺪ : ﺧﻼﺹ ﻧﺨﻠﻴﻚ ﺗﺮﺗﺎﺣﻲ ﺍﻟﻴﻮﻡ ﻭﺑﻜﺮﺍ ﺳﺎﻫﻞ
ﻣﻨﺘﻬﻰ : ﺣﻀﻨﺖ ﺍﺣﻤﺪ ﻭﻏﻤﻀﺖ ﻋﻴﻮﻧﻬﺎ
ﺭﻭﺍﻳـــــــﺎﺕٌ ﺑــــــــَﻨُــــــــﻮﻭﺗِــﺓْ ﺍﻟــــﺸِـــﻴــــﺦْ
ﺍﺭﻭﻯ ﺍﻟــــﻄــــــﺎﻫــــﺮ ﺍﻟﻤــــﺴـــﻼﺗــــٰــﻲ
ﺟﻮ ﺍﻟﺸﺮﻃﻪ ﺧﺬﻭ ﺍﻗﻮﺍﻝ ﺍﺳﻜﻨﺪﺭ ﻭﺍﺻﻴﻞ ﻟﻮ ﺳﻤﻌﻮ ﺷﻲ ﻏﺮﻳﺐ ﺍﻭ ﺷﺎﻓﻮ ﺣﺪ ﺑﺎﺵ ﻳﺤﻘﻘﻮ ﻓﻲ ﺧﻄﻒ ﻧﺪﻯ ﻉ ﺍﺳﺎﺱ ﻭﺧﺬﻭ ﺍﻗﻮﺍﻝ ﺍﻟﻨﺎﺱ ﻳﻠﻲ ﻓﻲ ﺍﻟﻌﻤﺎﺭﻩ ﻭﻣﺸﻮ
ﻧﺪﻯ : ﻣﻘﻌﻤﺰﻩ ﺟﻨﺐ ﺍﺳﻜﻨﺪﺭ ﻭﺍﺻﻴﻞ ﻓﻲ ﺍﻟﻤﻄﺒﺦ ﺯﻱ ﺍﻟﻌﺎﺩﻩ
ﺍﺳﻜﻨﺪﺭ : ﻓﺆﺍﺩ ﺻﺒﺮﻯ ﺍﻝ .… ﺗﺮﺍ ﺷﻮﻓﻲ ﻫﺎﺫﻱ ﺻﻮﺭﺗﻪ؟ !
ﻧﺪﻯ : ﻻ ﺍﺳﺘﻨﻰ ﻧﻌﺪﻝ ﺍﻟﻠﻘﺐ ﻛﺎﺗﺒﻪ ﻏﻠﻂ .… ﻭﺯﺍﺩﺕ ﻗﺮﺑﺖ ﻣﻨﻪ
ﺍﺳﻜﻨﺪﺭ : ﺟﺖ ﻋﻴﻨﻪ ﻋﻠﻲ ﺭﻗﺒﺘﻬﺎ ﻭﺟﺰﻱ ﻣﻦ ﺻﺪﺭﻫﺎ ﺑﺪﻭﻥ ﻣﺘﻨﺘﺒﻪ ﻻﻥ ﻛﺎﻧﺖ ﺍﻟﺒﻴﺠﺎﻣﻪ ﻣﻔﺘﻮﺣﻪ ﺷﻮﻱ ﺷﺎﻑ ﺍﺳﻜﻨﺪﺭ ﻋﻼﻣﺎﺕ ﻭﻛﺎﻧﺖ ﻭﺍﺿﺤﻪ ﺍﻧﻬﺎ ﻋﻼﻣﺎﺕ ﺿﺮﺏ ﻧﺰﻝ ﻋﻴﻮﻧﻪ ﻭﺗﻠﺨﺒﻂ ﺷﻌﻮﺭﻩ ﺑﻴﻦ ﺍﻥ ﻳﺼﺪﻗﻬﺎ ﺍﻭ ﻳﺸﻚ ﻓﻴﻬﺎ
ﻧﺪﻯ : ﺍﻫﻮﻭﺍﺍﺍﺍﺍﺍﺍ ﺍﻫﻮﺍ ﺧﻮﻱ ﻫﻮﺍﺍﺍﺍ
ﺍﺳﻜﻨﺪﺭ : ﺍﻧﺘﺒﻪ ﻟﻲ ﺭﻭﺣﻪ ﺑﻌﺪ ﻋﻴﻮﻥ ﻭﻓﺘﺢ ﻉ ﺻﻔﺤﺘﻪ ﻭﺑﻌﺘﻠﻪ ﻣﺴﺞ ﻃﻮﻳﻞ ﺣﻜﻲ ﻓﻴﻪ ﻭﺷﺮﺡ ﻭﺿﻊ ﻧﺪﻯ
ﻧﺪﻯ : ﺑﻪ ﺗﻮﺍ ﺍﻣﺘﻰ ﺑﻴﺮﺩ ؟ !
ﺍﺳﻜﻨﺪﺭ : ﻟﻴﻦ ﻳﻔﺘﺤﻪ ﻭﻳﺸﻮﻑ ﺍﻟﺮﺳﺎﻟﻪ
ﻧﺪﻯ : ﺗﻨﻬﺪﺕ ..… ﻳﺎﺭﺑﻲ ﻟﻴﺶ ﻣﺶ ﻗﺎﺩﺭﻩ ﻧﻮﺻﻞ ﻓﻴﻬﻢ ﺗﻌﺒﺖ
ﺍﺳﻜﻨﺪﺭ : ﻣﺪ ﻳﺪﻩ ﻭﺭﺍﻫﺎ ﺑﻴﺎﺧﺪ ﺍﻟﺸﺤﻦ ﻭﻓﺠﺂﻩ ﻧﺪﻯ ﺭﻋﺸﺖ ﻣﻊ ﺑﻌﻀﻬﺎ ﻭﺗﺨﺎﻳﻠﺖ ﺍﻥ ﺍﺳﻜﻨﺪﺭ ﺑﻴﻀﺮﺑﻬﺎ
ﺍﺳﻜﻨﺪﺭ : ﺧﻴﺮﻙ؟ !
ﻧﺪﻯ : ﻳﺪﻫﺎ ﻉ ﻗﻠﺒﻬﺎ …… ﺍﻩ ﺍﻩ ﻛﻚ ﻛﻨﺖ ﻛﻨﺖ ﻧﺴﺤﺎﺑﻚ ﺑﺘﻀﺮﺑﻨﻲ ﺍﻭ ﺷﻲ
ﺍﺳﻜﻨﺪﺭ : ﻋﻼﺵ ﺑﻨﻀﺮﺑﻚ
ﻧﺪﻯ : ﻻ ﻭﻻ ﺷﻲ ﺍﻧﺴﻰ .. ﻭﻧﺎﺿﺖ ﻭﻗﻔﺖ
ﺍﺻﻴﻞ : ﻃﺎﻟﻊ ﻣﻦ ﺍﻟﻤﻄﺒﺦ ﻓﻤﻪ ﻣﻌﺒﻲ ..… ﺷﻨﻮ ﺳﻮﻛﺎ ﻭﻳﻦ ﺑﺘﺮﻗﺪ ﺍﻟﻴﻮﻡ
ﻧﺪﻯ : ﺗﺤﺸﻤﺖ ﺣﺴﺖ ﺭﻭﺣﻬﺎ ﺣﻤﻞ ﻋﻠﻴﻬﻢ
ﺍﺳﻜﻨﺪﺭ : ﻋﺎﺩﻱ ﺣﺘﻰ ﻓﻲ ﺍﻟﺼﺎﻟﻪ ﻭﺧﻠﻲ ﺍﻟﺒﻨﺖ ﻓﻲ ﺩﺍﺭﻱ
ﺍﺻﻴﻞ : ﻗﻌﻤﺰ ﻉ ﺍﻟﺼﺎﻟﻮﻥ ﻭﺭﺟﻠﻴﻪ ﻉ ﺍﻟﻄﺎﻭﻟﻪ ..… ﻭﻭﻭﻩ ﻣﺒﻌﺪﻙ ﺑﺘﺮﻗﺪﻱ ﻓﻲ ﺩﺍﺭﻩ ﺍﻟﺤﻮﺍﻳﺞ ﻓﻲ ﻛﻞ ﻣﻜﺎﻥ ﻭﺻﻨﺘﻬﺎ ﺗﻘﻮﻝ ﻣﻘﻌﻤﺰﻩ ﺗﺤﺖ ﺑﺎﻁ ﺍﻟﻜﻮﺭﻩ ﺍﻻﺭﺿﻴﻪ
ﺍﺳﻜﻨﺪﺭ :
ﻧﺪﻯ :
ﺍﺻﻴﻞ : ﺷﻦ ﺻﺎﺭ ﻭﺻﻠﺘﻮ ﻓﻲ ﺍﻫﻠﻬﺎ
ﺍﺳﻜﻨﺪﺭ : ﻋﻴﻮﻧﻪ ﻓﻲ ﺍﻟﻼﺏ ﺗﻮﺏ .… ﻗﺮﻳﺐ
ﻧﺪﻯ : ﺍﺳﻔﻪ ﻟﻮ ﺛﻘﻠﺖ ﻋﻠﻴﻜﻢ ﺍﻭ ﺣﻄﻴﺘﻜﻢ ﻓﻲ ﻣﻮﻗﻒ ﺻﻌﺐ ﻳﻌﻨﻲ ﺍﻧﺎ ﻓﻲ ﻧﺺ ﺑﻼﺩ ﻣﻨﻌﺮﻓﻬﺎﺵ ﻭﻣﻠﻴﺎﺵ ﻏﻴﺮﻛﻢ ﺑﻌﺪ ﺭﺑﻲ
ﺍﺻﻴﻞ : ﻋﺎﺩﻱ ﻣﺪﻭﺭﻱ ﺷﻲ ﺍﺳﺘﻨﻲ ﻣﺘﻤﺸﻴﺶ ﻗﻌﻤﺰﻱ … ﻭﻧﺎﺽ ﻳﺠﺮﻱ
ﻧﺪﻯ : ﺍﺳﺘﻐﺮﺑﺖ
ﺍﻣﺎ ﺍﺳﻜﻨﺪﺭ ﻛﺎﻥ ﻳﺘﻜﻠﻢ ﻣﻊ ﺷﺨﺺ ﻓﻲ ﺍﻟﻼﺏ ﺗﻮﺏ ﻭﻣﺶ ﻣﺪﻭﺭ
ﺍﺻﻴﻞ : ﺟﺎﺏ ﻣﻌﺎﻩ ﺷﻜﺎﺭﺓ ﺳﺎﻣﻴﻨﺴﺎ ﻭﻗﻌﻤﺰ … ﺍﺣﻜﻴﻠﻲ ﻣﻨﻮ ﺍﻟﺮﺍﺟﻞ ﻫﺎﺫﺍ ﻭﻋﻼﺵ ﻳﻀﺮﺏ ﻓﻴﻚ
ﻧﺪﻯ : ﺍﺏ ..…
ﺍﺳﻜﻨﺪﺭ : ﺍﺻﻴﻞ ﺑﻼ ﺗﻔﺎﻫﺎ ﺧﻠﻲ ﺍﻟﻤﺪﺍﻡ ﻓﻲ ﺣﺎﻟﻬﺎ ﺗﺒﻲ ﺗﺮﺗﺎﺡ
ﺍﺻﻴﻞ : ﺟﺪﻳﺎﺕ ﺭﺍﺟﻠﻚ ﻫﻮﺍ؟ ! ﺣﺴﻴﺘﻪ ﻛﺒﻴﺮ
ﺍﺳﻜﻨﺪﺭ : ﺑﻲ ﻧﻀﺮﻩ ﻉ ﺍﻟﺠﻨﺐ … ﺍﺻﻴﻴﻴﻴﻴﻞ
ﺍﺻﻴﻞ : ﻳﻨﻘﺐ ﻓﻲ ﺍﻟﺴﻤﻴﻨﺴﺎ .… ﺩﻳﻤﺎ ﻭﺍﻧﺖ ﻣﻨﻜﺪ ﻋﺪﻭ ﺍﻻﺑﺘﺴﺎﻣﻪ ﺗﻮ ﺑﺎﻟﻠﻪ ﻫﺎﺫﺍ ﺗﻮﺃﻡ ﻫﺎﺫﺍ
ﻧﺪﻯ : ﻣﻌﺮﻓﺘﺶ ﺷﻨﻮ ﺗﺮﺩ ﺑﺲ ﺿﺤﻜﺖ … ﻧﺴﺘﺄﺫﻧﻜﻢ ﺍﻧﺎ ﺗﺼﺒﺤﻮ ﻉ ﺧﻴﺮ ﻭﺻﺤﻴﺘﻮ ﻉ ﻛﻞ ﺷﻲ
ﺍﺻﻴﻞ؛ﺳﻠﻤﻚ ﻳﺎ ﺣﻨﺎ ﺗﻮ ﺗﺮﺩﻳﻠﻨﺎ ﺍﻟﺠﻤﻴﻞ ﺗﺨﺎﻓﻴﺶ
ﻧﺪﻯ : ﺍﺑﺘﺴﻤﺖ ﻭﺧﺸﺖ ﺍﻟﺪﺍﺭ
ﺍﺻﻴﻞ : ﻳﻨﻘﺐ ﻓﻲ ﺍﻟﺴﺎﻣﻴﻨﺴﺎ ﺟﺖ ﻋﻴﻨﻪ ﻓﻲ ﻋﻴﻦ ﺍﺳﻜﻨﺪﺭ ﻳﺸﺒﺤﻠﻪ ﻉ ﺍﻟﺠﻨﺐ
ﺍﺻﻴﻞ : ﻭﻙ ﻋﻠﻴﺎ ﺷﺒﺤﺘﻚ ﺍﺣﺮﻑ ﻣﻦ ﺍﺳﺘﺎﺫ ﺣﺪﻳﻔﻪ ﻣﺘﻊ ﺍﻟﺘﺮﺑﻴﻪ ﺍﻻﺳﻼﻣﻴﻪ ﺯﻣﺎﻥ
ﺍﺳﻜﻨﺪﺭ : ﻣﻔﻴﺶ ﺩﺍﻋﻲ ﺗﻌﻄﻴﻬﺎ ﻭﺟﻪ ﻫﻠﺒﺎ ﻣﻬﻤﺎ ﻛﺎﻥ ﻣﻨﻌﺮﻓﻮﻫﺎﺵ
ﺍﺻﻴﻞ : ﺑﻪ
ﻧﺪﻯ : ﻣﻘﻌﻤﺰﻩ ﻉ ﺍﻟﺴﺮﻳﺮ ﻣﺶ ﺟﺎﻳﻬﺎ ﻧﻮﻡ ﻣﺶ ﻣﻄﻤﻨﻪ ﻓﻲ ﺣﻮﺵ ﺯﻭﺯ ﺷﺒﺎﺏ ﻋﺎﻳﺸﻴﻦ ﺑﺮﻭﺣﻬﻢ ﺧﺎﻳﻔﻪ ﻳﺼﻴﺮﻟﻬﺎ ﺷﻲ ﺍﺣﺮﻑ ﻣﻦ ﺣﻜﻴﻢ ﻣﻦ ﻛﺜﺮ ﺍﻻﻏﺘﺼﺎﺏ ﺍﻟﻴﻮﻣﻲ ﻳﻠﻲ ﻋﺸﺎﺗﻪ ﻣﻊ ﺣﻜﻴﻢ ﺑﺪﺕ ﺧﺎﻳﻔﻪ ﻣﻦ ﺍﻱ ﻭﺍﺣﺪ ﻣﻦ ﺟﻨﺲ ﺍﺩﻡ ﺍﻟﺤﺎﺟﻪ ﺍﻟﻮﺣﻴﺪﻩ ﻳﻠﻲ ﻛﺎﻧﺖ ﻣﺼﺒﺮﺗﻬﺎ ﻫﻮﺍ ﺍﻻﻣﻞ ﻳﻌﻨﻲ ﺍﻣﻞ ﺍﻧﻬﺎ ﺗﺮﺟﻊ ﻟﺤﻮﺵ ﺍﻫﻠﻬﺎ ﻋﺸﺎﻥ ﺗﻜﺸﻒ ﺣﻜﻴﻢ ﺍﻧﻪ ﻣﺮﻳﺾ ﻧﻔﺴﻲ ﻭﺗﺘﺨﻠﺺ ﻣﻨﻪ
)) ﺣﻜﻴﻢ ﻣﺮﻳﺾ ﻧﻔﺴﻲ ﻭﺍﻟﻤﺮﺽ ﻋﺒﺎﺭﻩ ﻋﻠﻲ ﺍﺩﻣﺎﻥ ﺍﻟﺠﻨﺲ ﻣﻦ ﺍﻟﻨﻮﻉ ﺍﻟﺴﺎﺩﻱ ﺷﻨﻮ ﻳﻌﻨﻲ ﺍﻟﺴﺎﺩﻱ؟ ! ﻳﻌﻨﻲ ﺍﻟﻌﻨﻴﻒ ﻓﻲ ﺑﻌﺾ ﺍﻟﺮﺟﺎﻻ ﻋﻨﺪﻫﻢ ﺍﻟﻤﺮﺽ ﻫﺎﺫﺍ ﻓﻲ ﺍﻟﺴﺮﻳﺮ ﺑﺲ ﻳﻌﻨﻲ ﻓﻲ ﺍﻻﻭﻗﺎﺕ ﺍﻟﻌﺎﺩﻳﻪ ﻳﻌﺎﻣﻞ ﻣﺮﺗﻪ ﺑﺤﺐ ﻭﻋﺎﺩﻱ ﺟﺪﺍ ﺑﺲ ﻓﻲ ﺍﻟﺴﺮﻳﺮ ﻭﺍﺛﻨﺎﺀ ﺍﻟﻌﻼﻗﻪ ﺑﻴﻨﻬﻢ ﻳﺤﺐ ﻳﻀﺮﺑﻬﺎ ﻟﻴﻦ ﻳﺨﻠﻲ ﺍﺛﺎﺭ ﻉ ﺟﺴﻤﻬﺎ ﺍﻣﺎ ﺍﻟﻨﻮﻉ ﺍﻟﺘﺎﻧﻲ ﻭﻫﻮﺍ ﻧﻮﻉ ﺣﻜﻴﻢ ﻛﺎﻥ ﻳﺤﺒﺒﺒﺒﺐ ﻳﻀﺮﺑﻬﺎ ﺣﺘﻰ ﻓﻲ ﺍﻟﻮﻗﺖ ﺍﻟﻌﺎﺩﻱ ﻭﻳﺤﺐ ﻳﺸﻮﻓﻬﺎ ﻛﻴﻒ ﻣﺬﻟﻮﻟﻪ ﻭﺗﺘﺮﺟﻰ ﻓﻴﻪ ﺣﺘﻰ ﻓﻲ ﺑﻌﺾ ﺍﻻﺣﻴﺎﻥ ﻳﺴﺘﻤﺘﻊ ﻟﻤﺎ ﻳﺸﻮﻑ ﺍﻟﺪﻡ ﻋﻠﻴﻬﺎ ﻭﻳﺒﻴﻬﺎ ﻋﺒﺪﻩ ﻟﻴﻪ ﻭﺑﺲ ﺭﻏﻢ ﺍﻥ ﻳﺤﺲ ﺑﻲ ﺷﻮﻳﺔ ﻣﺸﺎﻋﺮ ﺣﺐ ﺍﺗﺠﺎﻫﺎ ((
ﺭﻭﺍﻳـــــــﺎﺕٌ ﺑــــــــَﻨُــــــــﻮﻭﺗِــﺓْ ﺍﻟــــﺸِـــﻴــــﺦْ
ﺍﺭﻭﻯ ﺍﻟــــﻄــــــﺎﻫــــﺮ ﺍﻟﻤــــﺴـــﻼﺗــــٰــﻲ
ﻧﺴﺮﻳﻦ : ﺳﺎﻫﺮﻩ ﻟﻴﻠﻬﺎ ﺣﺘﻰ ﻫﻴﺎ ﺑﻴﻦ ﺍﻧﻬﺎ ﺗﺘﺤﺴﺮ ﻋﻠﻲ ﺣﻀﻬﺎ ﻭﺑﻴﻦ ﻗﻠﺒﻬﺎ ﺍﻟﻤﺤﺮﻭﻕ ﻛﻴﻒ ﻓﻴﺼﻞ ﻳﺘﺰﻭﺝ ﻋﻠﻴﻬﺎ ﻭﻳﻄﻠﻘﻬﺎ ﺑﻲ ﺍﻝ 3 ﺍﻟﻤﺸﻜﻠﻪ ﻣﻌﺎﺩﺵ ﺗﺮﺟﻊ ﺧﻼﺹ ﻭﻛﻞ ﻣﺘﺬﻛﺮ ﺍﺧﺮ ﻟﻴﻠﻪ ﻣﻌﺎﻩ ﻭﻛﻴﻒ ﻛﺎﻧﺖ ﺑﻠﺤﺮﺍﻡ ﺗﻤﻮﺕ ﺍﻟﻒ ﻣﻮﻭﻭﻭﺗﻪ ﻭﺣﻄﺖ ﻓﻲ ﺑﺎﻟﻬﺎ ﺍﻥ ﻫﺎﺫﻱ ﻧﻬﺎﻳﺔ ﻗﺼﺘﻬﺎ .… ﺑﺲ ﻫﺎﺫﺍ ﻛﻠﻪ ﻣﺘﻌﺮﻓﺶ ﺍﻥ ﺣﻜﺎﻳﺘﻬﺎ ﺗﻮﺍ ﺑﺲ ﺑﺪﺕ
ﺣﻜﻴﻢ : ﻳﺨﺒﻂ ﻭﻳﻜﺴﺮ ﻓﻲ ﺍﻟﺪﻧﻴﺎ ﻗﺮﺭﺭﺭﺭﻳﺐ ﻳﻬﺒﻞ ﻉ ﺧﺎﻃﺮ ﻧﺪﻯ ﻣﺶ ﻻﻗﻴﻬﺎ ﻣﺨﻼﺵ ﺍﻋﻼﻥ ﻭﻻ ﺷﺮﻃﻰ ﻭﻻ ﺍﻱ ﺷﻲ ﻣﻤﻜﻦ ﻳﻮﺻﻠﻪ ﺑﻴﻬﺎ ﻭﻣﺶ ﻗﺎﺩﺭ ﻳﺮﻗﺪ ﺑﺪﻭﻧﻬﺎ ﺟﺮﺏ ﻳﻮﺻﻞ ﻓﻲ ﻣﻨﺘﻬﻰ ﺍﻟﻒ ﻣﺮﻩ ﻭﻛﺎﻧﺖ ﻗﺎﻓﻠﻪ ﻓﻮﻧﻬﺎ
ﺍﻟﺴﺎﻋﻪ 3 ﻓﻲ ﺍﻟﻠﻴﻞ -:
ﺍﺳﻜﻨﺪﺭ : ﺳﺎﻫﺮ ﻉ ﺍﻻﺍﺏ ﺗﻮﺏ ﻭﻋﻘﻠﻪ ﻳﻔﻜﺮ ﻓﻲ ﻧﺪﻯ ﻫﻞ ﻳﻠﻲ ﺩﺍﺭﻩ ﺻﺢ؟ ! ﻭﻻ ﻏﻠﻂ؟ ! ﻭﻛﻴﻒ ﺑﻴﺤﺎﻓﺾ ﻋﻠﻴﻬﺎ ﻟﻴﻦ ﺗﻮﺻﻞ ﺣﻮﺵ ﺑﻮﻫﺎ
ﺍﻣﺎ ﺍﺻﻴﻞ ﻣﺘﻠﻮﺡ ﻉ ﺍﻟﺼﺎﻟﻮﻥ ﺭﺍﻗﺪ ﻭﻓﻲ ﻳﺪﻳﻪ ﺑﻄﺎﻃﺎ ﻭﻋﺼﻴﺮ
ﺍﺳﻜﻨﺪﺭ : ﺳﻤﻊ ﻧﺪﻯ ﺗﻌﻴﻂ ﻟﻮﺡ ﺍﻟﻼﺏ ﺗﻮﺏ ﻭﻧﺎﺽ ﻳﺠﺮﻱ
ﺍﺻﻴﻞ : ﻧﺨﻠﻊ ﻭﻧﺎﺽ ﻣﻦ ﻧﻮﻣﻪ .… ﺍﻟﺠﺒﻨﻪ ﺗﻤﺖ ﻫﺎ ﺧﻴﺮﻛﻢ ﻣﻦ ﻳﻌﻴﻂ
ﺍﺳﻜﻨﺪﺭ : ﻓﺘﺢ ﺍﻟﺒﺎﺏ ﻭﻳﺸﻮﻑ ﻧﺪﻯ ﺣﺎﻃﻪ ﺭﺍﺳﻬﺎ ﺑﻴﻦ ﺭﺟﻠﻴﻬﺎ ﻭﻻﻓﻪ ﺭﻭﺣﻬﺎ ﻭﺗﺒﻜﻰ
ﺍﺻﻴﻞ : ﻭﻗﻒ ﻭﻫﻮﺍ ﻣﺶ ﻓﺎﻫﻢ ﺷﻲ
ﺍﺳﻜﻨﺪﺭ : ﺍﻧﺘﻲ ﺑﺨﻴﺮ؟ﻓﻴﻚ ﺷﻲ؟ !
ﻧﺪﻯ : ﺗﺒﺒﺒﺒﺒﻜﻰ ﻭﻣﺮﺩﺗﺶ
ﺍﺳﻜﻨﺪﺭ : ﻭﺍﻗﻒ ﻓﻲ ﻣﻜﺎﻧﻪ ﻣﻘﺪﺭﺵ ﻳﻘﺪﻡ ﻭﻳﺸﻮﻓﻬﺎ ﺧﻴﺮﻫﺎ ﻣﻬﻤﺎ ﻛﺎﻥ ﺍﻟﺒﻨﺖ ﻏﺮﻳﺒﻪ ﻋﻠﻴﻪ ﻭﻣﻘﺪﺭﺵ ﻳﻄﻠﻊ ﻭﻳﺨﻠﻴﻬﺎ ﻻﺯﻡ ﻳﻌﺮﻑ ﺷﻨﻮ ﻓﻴﻬﺎ .… ﻳﺎﺑﻨﺖ ﻓﻴﻚ ﺷﻲ؟ ! ﺗﺤﺴﻲ ﺑﺤﺎﺟﻪ
ﺍﺻﻴﻞ : ﺑﺎﻟﻚ ﺟﻌﺎﻧﻪ
ﺍﺳﻜﻨﺪﺭ : ﻣﺶ ﻛﻞ ﺍﻟﻨﺎﺱ ﺯﻳﻚ ﻟﻤﺎ ﺗﺠﻮﻉ ﺗﻌﻴﻂ ﻭﺗﻘﻠﺐ ﺍﻟﺪﻧﻴﺎ
ﻧﺪﻯ : ﻣﺴﺤﺖ ﺩﻣﻮﻋﻬﺎ ﻭﻧﺘﺒﻬﺖ ﻟﻲ ﺭﻭﺣﻬﺎ ﺷﻌﺮﻫﺎ ﻋﺮﻳﺎﻥ ﺧﺬﺕ ﺍﻟﻮﺷﺎﺡ ﻭﺣﻄﺎﺗﻪ ﻉ ﺭﺍﺳﻬﺎ
ﺍﺳﻜﻨﺪﺭ : ﻧﻘﺪﺭ ﻧﻔﻬﻢ ﺷﻦ ﻓﻴﻚ؟ !
ﻧﺪﻯ : ﻛﺎﺑﻮﺱ ﺍﺳﻔﻪ ﺧﻠﻌﺘﻜﻢ
ﺍﺳﻜﻨﺪﺭ : ﻣﻌﺶ ﺗﻜﻠﻢ ﻭﻣﻘﺎﻣﺶ ﻋﻴﻨﻪ ﻋﻠﻲ ﻧﺪﻯ ﻳﺘﻔﺮﺝ ﻋﻠﻴﻬﺎ ﻛﻴﻒ ﺗﻤﺴﺢ ﻓﻲ ﺩﻣﻮﻋﻬﺎ ﻭﺗﺤﺎﻭﻝ ﺗﻠﻤﻠﻢ ﻧﻔﺴﻬﺎ
ﺍﺻﻴﻞ : ﻫﻲ ﺧﻠﻲ ﺍﻟﺒﻨﺖ ﺗﺮﻗﺪ
ﺍﺳﻜﻨﺪﺭ : ﻳﺸﻮﻑ ﻟﻨﺪﻯ ﺯﻱ ﺍﻟﻤﺴﺒﻮﻩ
ﺍﺻﻴﻞ : ﺳﻮﻭﻭﻭﻛﺎ ﺍﻟﺒﻨﺖ ﺑﺘﺮﻗﺪ ﺍﻃﻠﻊ
ﺍﺳﻜﻨﺪﺭ : ﺍﻩ ﺍﻱ ﺍﻛﻴﺪ ﺍﺀﺀﺀ ﻟﻮ ﻟﻮ ﺍﺣﺘﺠﺘﻲ ﺷﻲ ﻧﺎﺩﻳﻨﻲ
ﻧﺪﻯ : ﻫﺰﺕ ﺭﺍﺳﻬﺎ ﻭﺗﻤﺴﺢ ﻓﻲ ﺩﻣﻮﻋﻬﺎ
ﺍﺳﻜﻨﺪﺭ : ﻃﻠﻊ ﻭﺳﻜﺮ ﺍﻟﺒﺎﺏ ﺑﺸﻮﻳﻪ
ﻧﺪﻯ : ﻧﻬﺎﺭﺭﺭﺭﺭﺕ ﺑﻲ ﺍﻟﺒﻜﻰ ﻻﻧﻬﺎ ﻛﺎﻧﺖ ﺗﺤﻠﻢ ﺑﻲ ﺣﻜﻴﻢ ﻳﻐﺘﺼﺐ ﻭﻳﻀﺮﺏ ﻓﻴﻬﺎ ﺣﻜﻴﻢ ﺧﻼ ﺍﺛﺮ ﻛﺒﻴﺮ ﻓﻲ ﺣﻴﺎﺗﻬﺎ ﻭﺻﻌﺐ ﺗﻨﺴﺎﻩ ﺧﻼﻫﺎ ﺗﺨﺎﻑ ﻣﻦ ﺿﻠﻬﺎ ﻭﻛﻮﺍﺑﻴﺴﻪ ﻣﻼﺣﻘﺘﻬﺎ ﻓﻲ ﻛﻞ ﻣﻜﺎﻥ
ﻧﺎﺿﺖ ﺟﻨﺎﺕ ﻓﻲ ﺍﻟﻠﻴﻞ ﺑﺘﺨﺶ ﺍﻟﺤﻤﺎﻡ ﻭﺍﺳﺘﻐﺮﺑﺖ ﻓﻴﺼﻞ ﻣﺶ ﺟﻨﺒﻬﺎ ﻃﻠﻌﺖ ﻟﺼﺎﻟﻪ ﻭﻛﺎﻥ ﻣﻘﻌﻤﺰ ﻉ ﺍﻟﺼﺎﻟﻮﻥ ﻭﺍﻟﺘﺎﻟﻔﻮﻥ ﻓﻲ ﻳﺪﻩ ﻭﻫﻴﺎ ﻛﺎﻧﺖ ﻭﺭﺍﻩ ﻗﺮﺑﺖ ﻣﻨﻪ ﻭﺗﻜﺘﺸﻒ ﺍﻥ ﻓﻴﺼﻞ ﻳﺘﻔﺮﺝ ﻉ ﺻﻮﺭ ﻧﺴﺮﻳﻦ
ﺟﻨﺎﺕ : ﻋﺮﻓﺖ ﺳﺒﺐ ﺟﻮ ﻓﻴﺼﻞ ﺍﻟﻤﻌﻜﺮ ﻫﻮﺍ ﻧﺴﺮﻳﻦ ﻭﻣﺶ ﻗﺎﺩﺭ ﻳﻨﺴﺎﻫﺎ ﺑﺲ ﺑﺮﻏﻢ ﻣﻦ ﻫﺎﺫﺍ ﻣﺘﻜﻠﻤﺘﺶ ﺧﺬﺕ ﺑﻌﻀﻬﺎ ﻭﺭﺟﻌﺖ ﻟﺪﺍﺭ ﺑﺪﻭﻥ ﻣﻴﻨﺘﺒﻪ
ﻧﺪﻯ : ﻃﻠﻌﺖ ﻣﻦ ﺍﻟﺪﺍﺭ ﻭﻓﻲ ﻃﺮﻳﻘﻬﺎ ﻟﻠﺤﻤﺎﻡ ﺷﺎﻓﺖ ﺍﺳﻜﻨﺪﺭ ﻳﺼﻠﻲ .… ﻗﻠﺒﻬﺎ ﺍﺭﺗﺎﺡ ﺷﻮﻱ ﻭﻗﺎﻟﺖ ﻳﺼﻠﻲ ﻣﻌﻨﺎﻫﺎ ﺑﻴﺨﺎﻑ ﺭﺑﻲ ﻓﻴﺎ ..… ﺭﻏﻢ ﺍﻥ ﺍﺳﻜﻨﺪﺭ ﻟﺒﺴﻪ ﺍﻭﭬﺮ ﻫﻮﺍ ﻭﺧﻮﻩ ﺟﻮ ﺳﺮﺍﻭﻳﻞ ﻣﺸﺮﻛﻪ ﻭﻃﺮﺣﺎﺕ ﻭﺍﻟﻮﺍﻥ ﺻﺎﺭﺧﻪ ﺑﺲ ﻣﺘﻮﻗﻌﺘﺶ ﺍﻧﻪ ﻳﺼﻠﻲ
ﻭﻛﺎﻥ ﻣﻨﻀﺮﻩ ﻳﺠﻨﻦ ﻉ ﺍﻟﺼﻼﻳﻪ ﻳﺎﺣﻠﻴﻠﻲ
ﺛﺎﻧﻲ ﻳﻮﻡ
ﻉ ﺳﻔﺮﺓ ﺍﻟﻔﻄﻮﺭ
ﻫﻨﻴﻪ : ﻧﺴﺮﻳﻦ ﻭﺗﻲ ﺭﻭﺣﻚ ﻧﻤﺸﻮ ﻟﺤﻮﺵ ﺧﺎﻟﺘﻚ ﻏﻴﺮﻱ ﺟﻮﻙ ﻣﻊ ﺍﻟﺒﻨﺎﺕ
ﻧﺴﺮﻳﻦ : ﻣﻦ ﺍﻟﻤﻄﺒﺦ .… ﺍﻥ ﺷﺎﺀ ﺍﻟﻠﻪ ﺣﺎﺿﺮ
ﻓﺆﺍﺩ : ﻣﻔﻴﺶ ﻣﺸﻲ ﺑﺮﻯ ﺑﺮﻭﺣﻚ ﻳﻤﺎ
ﻫﻨﻴﻪ : ﻭﻋﻼﺵ؟ !
ﻓﺆﺍﺩ : ﺷﻦ ﺗﺒﻲ ﺍﻟﻨﺎﺱ ﺗﻘﻮﻝ ؟ ! ﻣﻄﻠﻘﻪ ﻭﻃﺎﻟﻌﻪ ﺗﺪﻫﻮﺭ
ﻫﻨﻴﻪ : ﻭﺷﻦ ﺩﺧﻠﻬﻢ ﻓﻴﻬﺎ ﺍﻟﻨﺎﺱ ﻫﺎﺍﺍﺍ؟ ! ﻛﺎﻥ ﻣﻄﻠﻘﻪ ﺗﻤﻮﺕ ﻳﻌﻨﻲ ﺧﻼﺹ؟ !
ﺻﺒﺮﻯ : ﺻﺢ ﻛﻼﻡ ﻭﻟﺪﻙ ﺧﻠﻴﻬﺎ ﻣﻔﻴﺶ ﻃﻠﻮﻉ ﺗﻜﻤﻞ ﻋﺪﺗﻬﺎ ﺑﻌﺪﻳﻦ ﺳﺎﻫﻞ
ﻫﻨﻴﻪ : ﻳﺎﺍﺍﺍﺍﺍﺭﺑﻲ ﺑﺲ ﺻﺒﺮﻧﻲ ﻭﻻ ﺧﻮﺫ ﺍﻣﺎﻧﺘﻲ ﻭﺭﻳﺤﻨﻰ
ﻓﻴﺼﻞ : ﻃﻠﻊ ﻣﻦ ﺍﻟﺤﻤﺎﻡ ﺍﻟﺼﺒﺢ ﻭﻳﻠﻘﻰ ﺟﻨﺎﺕ ﻣﺠﻬﺰﺗﻠﻪ ﻓﻄﻮﺭ ﻳﺠﻨﻦ ﻭﺍﻭﻝ ﻣﺨﺶ ﺍﻟﻤﻄﺒﺦ ﺣﻀﻨﺎﺗﻪ ﻭﺑﺴﺎﺗﻪ ﻉ ﺧﺪﻩ
ﺟﻨﺎﺕ : ﺻﺒﺎﺡ ﺍﻟﺨﻴﺮ ﻻﺣﻠﻰ ﺭﺍﺟﻞ ﻓﻲ ﺍﻟﺪﻧﻴﺎ ﻛﻠﻬﺎ
ﻓﻴﺼﻞ : ﺑﺪﻭﻥ ﻧﻴﻪ … ﺻﺒﺎﺡ ﺍﻟﻨﻮﺭ
ﺟﻨﺎﺕ : ﻗﻌﻤﺰﺕ ﺟﻨﺒﻪ ﺍﺩﻳﺮﻟﻪ ﻓﻲ ﺗﻮﺳﺖ ﻭﺗﺪﻟﻊ ﻋﻠﻴﻪ ﺑﺲ ﻫﻮﺍ ﺟﻤﺎﺍﺍﺍﺩ ﻭﻻ ﻳﺤﺲ ﺑﺤﺎﺟﻪ
ﻧﺪﻯ : ﻭﺍﻗﻔﻪ ﺳﺎﻋﻪ ﻉ ﺍﻟﻤﺮﺍﻳﺎ ﻣﺘﺤﺸﻤﻪ ﺗﻄﻠﻊ ﻗﺪﺍﻡ ﺍﺳﻜﻨﺪﺭ ﻭﺧﻮﻩ ﺑﻌﺪ ﻣﺨﻠﻌﺘﻬﻢ ﺍﻣﺲ ﻭﺑﺪﺕ ﻣﻌﺶ ﻓﺎﻫﻤﻪ ﻛﻴﻒ ﺗﺘﺼﺮﻑ
ﺍﺳﻜﻨﺪﺭ : ﺧﺬﻱ ﺭﺷﻔﻪ ﻣﻦ ﺍﻟﻘﻬﻮﺍ ..… ﻛﻠﻤﻨﻲ ﺍﻣﺲ ﺧﻼﺹ ﻛﻠﻬﺎ ﺍﺳﺒﻮﻋﻴﻦ ﻭﻧﺮﻭﺣﻮ
ﺍﺻﻴﻞ : ﻭﺍﻟﺒﻨﺖ؟ !
ﺍﺳﻜﻨﺪﺭ : ﻣﺶ ﻋﺎﺭﻑ ﻋﻠﻤﻲ ﻋﻠﻤﻚ ﺑﺎﻟﻚ ﻣﻦ ﻫﻨﻲ ﻻ ﺑﻌﺪ ﺍﺳﺒﻮﻋﻴﻦ ﻳﺠﻮﻫﺎ ﺍﻫﻠﻬﺎ
ﺍﺻﻴﻞ : ﻭﻟﻮ ﻣﻮﺻﻠﺘﺶ ﻓﻴﻬﻢ ﻧﺮﻭﺣﻮ ﺑﻴﻬﺎ
ﺍﺳﻜﻨﺪﺭ : ﻛﻴﻒ ﺑﺘﺮﻭﺡ ﺑﻴﻬﺎ ﺣﺘﺎ ﻛﺎﻥ ﺧﺸﻴﺖ ﺍﻟﺸﻘﻪ ﻭﺟﺒﺖ ﺯﻭﺍﺟﻬﺎ ﺑﻴﺸﺪﻭﻫﺎ ﻓﻲ ﺍﻟﻤﻄﺎﺭ ﺍﻟﺮﺍﺟﻞ ﻣﺒﻠﻎ ﻋﻠﻴﻬﺎ
ﺍﺻﻴﻞ : ﺍﻱ ﺻﺢ
ﺍﺳﻜﻨﺪﺭ : ﺩﻳﻤﺎ ﻛﻼﻣﻲ ﺻﺢ ﺍﺻﻼ ﺗﺴﺤﺎﺑﻨﻲ ﺯﻳﻚ ﺭﺍﺳﻚ ﻓﺎﺿﻲ ﻣﻔﻴﺸﻲ ﻏﻴﺮ ﺍﻟﻤﺎﻛﻠﻪ
ﺍﺻﻴﻞ : ﻧﻴﺎﻫﺎﻫﺎﻫﺎ
ﻧﺪﻯ : ﻃﻠﻌﺖ ﺑﺨﻄﻮﺍﺕ ﺑﻄﻴﺌﻪ ﻭﺧﺠﻮﻟﻪ .… ﺻﺒﺎﺡ ﺍﻟﺨﻴﺮ
ﺍﺻﻴﻞ : ﺻﺒﺎﺡ ﺍﻟﺰﻧﺠﺒﻴﻞ ﻳﺎﻗﻤﻴﻞ
ﻧﺪﻯ : ﺿﺤﻜﺖ …
ﺍﺻﻴﻞ : ﺗﻌﺎﻟﻲ ﺍﻓﻄﺮﻱ
ﻧﺪﻯ : ﺻﺤﺘﻴﻦ ﻣﻌﻨﺪﻳﺶ ﻧﻴﻪ … ﺍﺀﺀﺀ ﺍﻧﺎ ﻧﺒﻲ ﺍﺍﺍﻩ ﺍﻧﻲ
ﺍﺳﻜﻨﺪﺭ : ﻗﺎﻡ ﺣﺎﺟﺒﻪ .… ﺷﻦ ﺗﺒﻲ؟ !
ﻧﺪﻯ : ﻧﺒﻲ ﻧﻨﺰﻝ ﻟﺼﻴﺪﻟﻴﻪ ﺑﻨﺎﺧﺬ ﺣﺎﺟﻪ
ﺍﺻﻴﻞ : ﺷﻨﻮ ﺗﻨﺰﻟﻲ ﻳﺸﺪﻙ ﺍﻟﻤﺘﺨﻠﻒ ﻫﺎﺩﺍﻛﺎ ﻭﺟﻬﺎ ﻣﺸﻘﻖ ﺯﻱ ﺍﻟﻐﺮﻳﺒﻪ
ﻧﺪﻯ : ﻣﻘﺪﺭﺗﺶ ﺗﺸﺪ ﺭﻭﺣﻬﺎ ﻣﻦ ﺍﻟﻀﺤﻚ
ﺍﺳﻜﻨﺪﺭ : ﺍﻧﺘﻲ ﻗﻮﻟﻲ ﺷﻦ ﺗﺒﻲ ﻭﺗﻮ ﻳﻨﺰﻝ ﺍﺻﻴﻞ ﻳﺠﻴﺒﻠﻚ
ﻧﺪﻯ : ﺍﺭﺗﺒﻜﺖ ﻭﻭﺟﻬﺎ ﺍﺣﻤﺮﺭﺭ … ﻋﻊ ﻋﺎﺩﻱ ﺗﻮ ﻧﻐﻄﻲ ﻭﺟﻬﻲ ﺿﺮﻭﺭﻱ ﻧﻨﺰﻝ ﺍﻧﺎ ﻧﺎﺧﺬﻫﺎ
ﺍﺳﻜﻨﺪﺭ : ﻛﺄﻧﻪ ﻓﻬﻢ ﻋﻠﻴﻬﺎ … ﺧﻼﺹ ﺗﻤﺎﻡ ﺑﺲ ﻣﺶ ﺗﻮﺍ
ﻧﺪﻯ : ﺑﻠﻌﺖ ﺭﻳﻘﻬﺎ … ﺗﻤﺎﻡ ﺍﺀﺀﺀﺀ ﺭﺩ ﻋﻠﻴﻚ ﺧﻮﻱ؟ !
ﺍﺳﻜﻨﺪﺭ : ﻻ ﺷﻜﻠﻪ ﻗﺪﺍﺵ ﻟﻴﻪ ﻣﺶ ﻓﺎﺗﺢ ﺍﻟﻨﺖ ﻭﺍﻟﻴﻮﻡ ﺍﻟﺼﺒﺢ ﻋﺎﻭﺩﺕ ﻉ ﺭﻗﻢ ﺑﻮﻙ ﻣﺴﻜﺮ
ﻧﺪﻯ :
ﺍﺻﻴﻞ : ﻻﺣﺾ ﻋﻼﻣﺎﺕ ﺍﻟﺤﺰﻥ ﻭﺍﻻﺣﺒﺎﻁ ﻋﻠﻴﻬﺎ .… ﻋﺎﺩﻱ ﺗﻮ ﺍﻛﻴﺪ ﻳﺸﻮﻓﻬﺎ ﻭﻻ ﻳﻬﻤﻚ
ﻧﺪﻯ : ﺍﺑﺘﺴﻤﺖ .… ﺍﻥ ﺷﺎﺀ ﺍﻟﻠﻪ ﻳﺎﺭﺏ
ﺭﻭﺍﻳـــــــﺎﺕٌ ﺑــــــــَﻨُــــــــﻮﻭﺗِــﺓْ ﺍﻟــــﺸِـــﻴــــﺦْ
ﺍﺭﻭﻯ ﺍﻟــــﻄــــــﺎﻫــــﺮ ﺍﻟﻤــــﺴـــﻼﺗــــٰــﻲ
ﺣﻜﻴﻢ : ﻭﺍﻟﻌﻪ ﻓﻴﻪ ﻧﺎﺍﺍﺍﺍﺍﺍﺭ ﺑﺪﺍﺕ ﻟﻤﺎ ﻋﺮﻑ ﻣﻦ ﻣﻨﺘﻬﻰ ﺍﻥ ﺍﻫﻞ ﻧﺪﻯ ﻣﻠﻴﻬﻤﺶ ﺍﻱ ﺩﺧﻞ ﺑﻲ ﺍﺧﺘﻔﺎﺋﻬﺎ ﻭﺍﺻﻼ ﺍﻫﻠﻬﺎ ﻧﺸﻐﻠﻮ ﻋﻠﻴﻬﺎ ﻛﻴﻒ ﻟﺘﻮﺍ ﻣﺘﺘﺼﻠﺶ ؟ !
ﻓﻲ ﺍﻟﺼﻴﺪﻟﻴﻪ؛ -
ﺍﺻﻴﻞ : ﺍﻣﻤﻤﻢ ﻟﻮ ﻛﻨﺖ ﺍﻧﺎ ﺑﻨﺖ ﻭﺧﺸﻴﺖ ﻟﺼﻴﺪﻟﻴﻪ ﺷﻨﻮ ﺭﺡ ﻧﺎﺧﺪ؟ !!!
ﺑﻨﺎﺧﺬ ﻓﻴﺖ ﻭﻭﻭﻩ ﻣﺶ ﻣﺘﺨﻴﻞ ﺭﻭﺣﻲ ﺑﻨﺖ
ﺍﻓﻔﻔﻒ ﻏﻴﺮ ﻫﻴﺎ ﻓﻜﺮ ﺟﺪﻳﺎﺕ ﻳﺎ ﺍﺻﻴﻞ ﺷﻦ ﻧﺎﺧﺬ ﺷﻦ ﻧﺎﺧﺬ
ﺍﺳﻜﻨﺪﺭ : ﻛﻤﻞ ﺗﺨﻠﻴﺺ .… ﻫﻴﺎﺍﺍ
ﺍﺻﻴﻞ : ﺷﻦ ﺧﺬﻳﺖ
ﺍﺳﻜﻨﺪﺭ : ﻳﻠﻲ ﺗﺒﻴﻪ ﺍﻱ ﺑﻨﺖ ﻣﻦ ﺍﻟﺼﻴﺪﻟﻴﻪ ﻭﺗﺘﺤﺸﻢ ﺗﻘﻮﻟﻪ
ﺍﺻﻴﻞ : ﻭﺭﻳﻨﻲ
ﺍﺳﻜﻨﺪﺭ : ﻓﺘﺢ ﺍﻟﻜﻴﺴﻪ ﻭﺷﺎﻑ ﺍﺻﻴﻞ ﻗﻄﻦ ﻧﺴﺎﺋﻲ
ﺍﺻﻴﻞ : ﻻﺍﺍﺍﺍﺍﺍ ﻳﺎﺭﺑﻲ ﺗﻔﻮﻗﺖ ﻋﻠﻲ ﻣﻬﺎﺭﺍﺗﻲ ﻓﻲ ﺣﻔﺾ ﺍﻟﺒﻨﺎﺕ ﻭﻭﻭﻭﻭﻩ ﻋﻠﻴﺎ ﺧﻴﺮﻧﻲ ﻣﻔﻜﺮﺗﺶ ﻓﻴﻪ ﻻﺯﻡ ﻧﺪﻳﺮ ﺣﻞ ﻟﺮﻭﺣﻲ ﻗﺒﻞ ﻣﻨﻀﻴﻊ ﻣﺴﺘﺤﻴﻴﻴﻴﻴﻞ
ﺍﺳﻜﻨﺪﺭ : ﺿﺤﻚ .… ﺭﺑﻲ ﻳﻬﺪﻱ
ﺧﻄﻢ ﺍﺳﻜﻨﺪﺭ ﻉ ﺍﻟﻤﺤﻼﺕ ﺧﺬﻱ ﻛﻢ ﺑﺠﺎﻣﻪ ﺟﺪﻳﺪﻩ ﻭﻣﻼﺑﺲ ﺩﺍﺧﻠﻴﻪ ﻭﺷﻮﻳﺔ ﺣﻮﺍﻳﺞ ﻭﻃﺒﻌﺎ ﺍﺻﻴﻞ ﻳﺨﺘﺎﺭ ﺗﻘﻮﻝ ﻫﻮﺍ ﺑﻴﻠﺒﺴﻬﻢ
ﻭﺭﻭﺣﻮ
ﻓﺘﺤﺘﻠﻬﻢ ﻧﺪﻯ
ﺍﺻﻴﻞ : ﻣﺪﻟﻬﺎ ﺍﻟﺸﻜﺎﺭﻩ .… ﺍﻥ ﺷﺎﺀ ﺍﻟﻠﻪ ﻳﻌﺠﺒﻚ ﺫﻭﻗﻲ ﻻﻥ ﻛﺎﻥ ﻣﻌﺠﺒﻜﺶ ﺍﺳﻒ ﻣﻌﻨﺪﻛﺶ ﺫﻭﻕ
ﻧﺪﻯ : ﻉ ﺷﻦ ﺗﺤﻜﻲ
ﺍﺻﻴﻞ : ﺗﻮ ﺗﻌﺮﻓﻲ ﺧﺸﻲ ﺍﻟﺪﺍﺭ ﺷﻮﻓﻴﻬﻢ
ﻧﺪﻯ : ﺷﺎﻓﺖ ﻟﻲ ﺍﺳﻜﻨﺪﺭ … ﻳﻨﺤﻲ ﻓﻲ ﺟﺎﻛﻴﺘﻪ ﻭﻣﺶ ﻣﻬﺘﻢ ﺑﻴﻬﺎ
ﻧﺪﻯ : ﺧﺸﺖ ﺍﻟﺪﺍﺭ ﻭﻧﺼﺪﻣﺖ ﻟﻤﺎ ﺷﺎﻓﺖ ﺍﻟﻘﻄﻦ ﻭﺍﻟﺤﻮﺍﻳﺞ ﻭﻣﺎﺍﺍﺍﺍﺍﺗﺖ ﻣﻦ ﺍﻟﺤﺸﻤﻤﻢ ﺳﺎﺍﺍﻋﻪ ﻣﻘﻌﻤﺰﻩ ﻉ ﺍﻟﺴﺮﻳﺮ ﻣﺶ ﻣﺴﺘﻮﻋﺒﻪ ﻳﻠﻲ ﺗﺸﻮﻑ ﻓﻴﻪ
ﻫﻨﻴﻪ : ﻟﺒﺴﺖ ﺣﻮﺍﻳﺠﻬﺎ ﻭﻃﻠﻌﺖ ﻣﻊ ﺻﺒﺮﻯ ﻭﻓﺆﺍﺩ ﻭﻗﻌﺪﺕ ﻧﺴﺮﻳﻦ ﻃﺒﻌﺎ ﻭﺟﻌﺘﻬﺎ ﺍﻟﻠﻘﻄﻪ ﻭﻛﻴﻒ ﺧﻮﻫﺎ ﻳﻌﺎﻣﻞ ﻓﻴﻬﺎ ﻛﺄﻧﻬﺎ ﻋﺎﺍﺍﺍﺭ ﻋﻠﻲ ﺍﻟﻌﻴﻠﻪ ﻻﻧﻬﺎ ﺍﻃﻠﻘﺖ ﺑﺲ ﻣﻔﻴﺶ ﺷﻲ ﻓﻴﺪﻫﺎ
ﻛﻤﻠﺖ ﺿﻤﺎﻥ ﺍﻟﺤﻮﺵ ﻭﺑﺨﺮﺍﺗﻪ ﻭﻃﻠﻌﺖ ﻟﻲ ﺍﻟﺠﻨﺎﻥ ﺗﻜﻨﺲ ﻓﻴﻪ ﻭﻋﻘﻠﻬﺎ ﺳﺎﺍﺍﺍﺍﺭﺡ ﺟﺴﻢ ﺑﺲ ﻳﺨﺪﻡ ﻭﺩﻣﺎﻏﻬﺎ ﻣﺶ ﻣﻌﺎﻫﺎ ﺑﻜﻜﻜﻜﻞ ﺳﻤﻌﺖ ﺍﻟﺒﺎﺏ ﺍﻧﻔﺘﺢ ﺗﻠﻔﺘﺖ ﺑﺲ ﻣﻠﻘﺘﺶ ﺣﺪ
ﻛﻤﻠﺖ ﻛﻨﻴﺴﻬﺎ ﻭﻟﻤﺖ ﺍﻟﺘﺮﺍﺏ ﻳﻠﻲ ﻉ ﺍﻟﺰﻟﻴﺰ ﺩﺭﺍﺗﻪ ﻓﻲ ﻛﻴﺴﻪ ﻭﺣﻄﺎﺗﻪ ﺟﻨﺐ ﺍﻟﺴﻮﺭ ﻭﺟﺖ ﺑﺘﺴﻜﺮ ﺑﺎﺏ ﺍﻟﺤﻮﺵ ﺣﺴﺖ ﺑﻴﺪ ﻟﻔﺖ ﻋﻠﻴﻬﺎ ﻣﻦ ﺗﺎﻟﻲ ﻗﺒﻞ ﻣﺎ ﺍﺩﻳﺮ ﺍﻱ ﺭﺩﺕ ﻓﻌﻞ ﺳﻜﺮﻟﻬﺎ ﻓﻤﻬﺎ ﻭﺟﺒﺪﻫﺎ ﻟﻴﻪ
ﻧﺴﺮﻳﻦ : ﻧﺼﺪﻣﻤﻤﺖ ﻟﻤﺎ ﺷﻔﺎﺗﻪ ﻓﻴﺼﻞ ﻭﺑﺪﺕ ﺗﺒﻜﻲ ﻭﺗﺤﺎﻭﻝ ﺗﻔﻚ ﺭﻭﺣﻬﺎ ﻻﻛﻦ ﺑﺪﻭﻥ ﺍﻱ ﻧﺘﻴﺠﻪ
ﻓﻴﺼﻞ : ﺣﻀﻨﻬﺎ ﻛﺎﻥ ﻣﺴﺘﺎﺣﺸﻬﺎ ﻣﻮﻭﻭﻭﺕ ﻭﻧﺴﺮﻳﻦ ﺗﺒﻜﻲ ﻭﺗﺒﻲ ﺗﺒﺎﻋﺪ ﻋﻠﻴﻪ ﻻﻧﻬﺎ ﻓﻲ ﺍﻟﻌﺪﻩ ﻭﺣﺠﺎﺕ ﺯﻱ ﻫﻜﻲ ﻏﻠﻠﻠﻠﻠﻂ ﻣﻌﺶ ﺣﻼﻟﻬﺎ ﻫﻮﺍ ﺧﻼﺹ
ﺳﺮﺍﺝ : ﺟﺎﻱ ﻣﻦ ﺑﻌﺪﻱ ﻭﺟﺎﻳﺐ ﻣﻌﺎﻩ ﻛﻴﺴﻪ ﻟﻲ ﻓﺆﺍﺩ ﻭﻗﺒﻞ ﻣﻴﻨﺎﺩﻱ ﺍﺳﻢ ﻓﺆﺍﺩ ﻛﺎﻥ ﺍﻟﺒﺎﺏ ﻣﻔﺘﻮﺡ ﻭﻳﺸﻮﻑ ﻧﺴﺮﻳﻦ ﻛﻴﻒ ﺣﺎﺿﻨﻬﺎ ﻓﻴﺼﻞ ..…
