رواية أزمة ثقه الفصل الثامن بقلم جمانه السعيدي
عشتار....أخذهم ابوهم اني بقيت انتضره
يرجعهم اليه
اعرف اني وضعي مو طبيعي وياا ذوله الاطفال
بس ولله مو بيدي مجاي اكدر اسيطر على مشاعري
اتمنى اخذهم ويصيرون اليه
ومحد بعد يطالب بيهم
اريد اسمع كلمة ماما منهم اريد أسد هذا النقص الي جاي اعيش بي
احساس الامومه ما يتعوض ابد
شويه وطلع ادم واني جنت انتضر برا
عشتار... هااا ادم وين يوسف
ادم....بحضن بابا
عشتار...ليش ما تروح اجيبه اليه
ادم....هسه اروح اجيبه
دخل ادم واني قربت اريد اسمع شراح يكول
ادم...بابا خاله تريد يوسف
اركان...منو خاله
ادم...خاله المعلمه نسيت اسمها كاعد بيت عمو شهاب
اركان...اي تعال اخذه الها
جابه ادم واجا بس شافني بلباب اجا يركض وحضني
شلته وطلعنا اني وياا وادم للحديقه
ادم يغار يريد اعامله مثل يوسف
يوسف زغير وكلشي مايعرف وامه ماكوووو
كمنا نلعب اني وياهم ثنيينهم يركضون وراي بس يوسف
كل شويه يوكع
اني اخلي يوسف يلزمني قبل ادم
يفرح ويكوم يضحك بقينا نلعب تقريبا نص ساعه
الحد مااني فحطت
وكفت وشلت يوسف وكمنا نضحك التفتت شفت اركان واكف باب المدخل ويباوع علينا
استحيت من هذا الموقف اني موزغيره واللعب واكمز
عمري بوقتها ٢٩ سنه
شلت يوسف ولزمت ادم بايدي ورحنا للبيت الثاني
بس ميته احراج لان اركان يباوع عليه
جمانه السعيدي
بلعشى تجمعنا ناكل النسوان والأطفال وحد والزلم وحد
اني عشيت يوسف وغسلتله
يلعب وياا الجهال كبالي واني نسيت كل هذا العالم
وعيني علي
البنات ونجوى وام اركان يسولفن ويضحكن
واني بغير عالم بس اباوع على يوسف وشلون يركض وشلون يلعب
اجا حضني بسته حيل وخليته بحضني
تعب من اللعب كمت اسولف علي طبعا هو ما يحجي هواي كلام بابا ماما دادا يسمي ادم دم
نام بحضني وادم اجا كعد بصفي
اجت نجلاء يله نرجع للبيت
عشتار....خاله اخذ يوسف بنام يمي حتى لا يكعد بليل يبجي ويزعجج
ام اركان...ولله اسوين فضل اني تعبانه واريد انام
بس مو ترجعين بليل ترجعي عليه
اني راح اقفل الباب مال البيت يعني تحتارين بي مالي شغل
عشتار....لا ولله ابد مااجيبه اني اريده يبقى عندي
ادم...اني هم انام يم خاله
عشتار...تعال
ام اركان...انت ابوك مايقبل غير تنام بحضنه
ادم...مااا اني اربد انام وياا خاله بس يوسف
ام اركان...لا حبيبي ثنيينكم ما تتحملكم خاله
عشتار...عوفي عندي مالج شغل بي
رحنا البيتنا فراش الضهر بعده بلكاع تمدد ادم ويوسف غافي
ادم...يوسف نايم خلي وجهج عليه تعرفين تقصين قصه
عشتار...اي اعرف اقص قصه
ادم...يله قصيلي قصه حلوه لان بابا مايقبل يقصلي قصه
حافظ بس قصه وحده وكلما ابقى اللح علي يقصه اليه نفسها
عشتار...مو تدلل
بديت اقصله قصه وهو مندمج وياي الحد ماخلصت القصه
ادم...بعد اريد قصه هلي القصه حلوه
عشتار...اي مو تدلل
بديت اقصه القصه على النص وغفا
غطيته وعدلت نومتي
سمعت واحد يصيح ادم ادم عرفت هذا اركان اجا وراهم
لفيت الشال على راسي ونزلت
فتحت الباب
اركان....السلام عليكم
عشتار...عليكم السلام
اركان...اريد ادم
عشتار...قريتله قصه ونام
اركان...اني متعود اخذه بحضني ونام اني ويااا
عشتار. .بعد نام خطيه اكعده
اركان....يوسف هم عندج
عشتار...اي ثنيبنهم نايمين وياي بلغرفه لاتخاف عليهم
اني حريصه عليهم
اركان...لامو قصة خايف عليهم بس ما متعود انام اله ادم بحضني من امه الله يرحمها حملت بيوسف
واني انومه بحضني بس هو غدار شبسرعه باعني
جمانه السعيدي
راسا اجا ابو احمد واحنا واكفين برا
اركان...عوفيهم نايمين
..انحرج من ابو احمد
ابو احمد....تفضل ليش رايح
اركان....لا الجهال اليوم نايمين يم عشتار اجيت اخذهم بس ما قبلت تكول نايمين اسف على الازعاج
ابو احمد....اي ادخل شويه
اركان...لا اروح انام تعبان
عشتار بقيت واكفه لمن اجا ابو احمد
ابو احمد...هااا عشتار
عشتار....عيب خليت الجهال عندي لو عادي بس همه يردون ينامون يمي
ابو احمد...لا كلش عادي ليش عيب اصلا اللج اجر لان جاي اداريهم
عشتار....يعني عادي مو عيب لان ابوهم اجا وراهم ورجع
ابو احمد... كلش عادي
عشتار صعدت الغرفتي وحضنت يوسف ونمت
تقريبا الساعه ثنتين ونص كعد يوسف يبجي
عشتار...فزيت خليته بحضني وكمت افرك ببطنه
بعدين كلبته على بطنه وطلعت كريم من جنطتي وكمت افرك بضهرا حتى يرجع يسترخي
بقا شويه يبجي بعدين سكت
عشتار...اجيبلك عم تاكل
يوسف...اي
شلته ونزلت جوا طلعت تفاح وبرتقال
كال مااريد
جبت سجينه وكطعت التفاح وسويته مكعبات
وكمت اوكله
اكل شويه وكال كافي جبت مي شربته
رجعنا صعدنا للغرفه يجيب ايدي ويخليه على ضهره عود سويلي مساج
نومته على بطنه وكمت افرك بضهره على كيف
بعدين خليته بحضني وكمت اهز بي
ماقبل ينام
شلته وكمت امشي بي هو حضني وخله راسه على كتفي
شويه وغفه
خليته بفراشه ونمت بصفه
الصبح بس فز اني كعدت حاولت ارجعه ينام بس ماقبل
لزمني من ايدي عود كومي ننزل
اخذته ونزلنا لكيت الجماعه ماكووو
رايحين الذاك البيت
رجعت كعدت ادم اخاف علي يبقى بلبيت وحده
غسللتلهم ورحنا للبيت الجبير
ام اركان...صباح الخير
عشتار...صباح الخير
ام احمد....البارحه سمعت يوسف يبجي
ام اركان...هااا ضوجج
عشتار...لا ما ضوجني كعد اكل وشرب مي ورجع نام
ام اركان....لو جايبته اليه
عشتار....لا رجع نام بسرعه خاله اريد ملابسهم اريد اسبحهم
ام اركان...اني اسبحهم
عشتار...لا اني ماعندي شي
ام اركان..هسه اجيب ملابسهم
عشتار...اخذت ملابسهم شلت يوسف وادم يمشي كدامي بس طلعت لا كاني
اركان
اركان...صباح الخير
عشتار...صباح الخير
اخذ يوسف مني ودنك بأس ادم
اركان....البارحه ماكدرت انام ولك ادم ليش عفتني
ادم...اريد انام يم خاله
اركان...مو ثنيبنكم بابا تعبون خاله تعال انت نام وياي
ادم....مااا خاله تقصلي قصص حلوه
اركان....لازم البارحه دوختها
عشتار...بلعكس ادم ذكي وسوالفه حلوه
جمانه السعيدي
اركان...ولله اشوفهم يدوخونج ثنيبنهم
عشتار...ولله اني احبهم ومجاي اكدر افاركهم
اركان...وين رايحين
عشتار...اسبحهم بذاك البيت
اركان....بعد شتردون يله روحو ادم مو دوخ خالتك
ادم...اي بابا
عشتار.. اخذتهم سبحتهم وبدللتلهم ورجعنا طلعنا برا
لليل اتعشينا وادم صمم يروح وياي
بعدنا بلبيت الجبير واجا اركان
سلم وكعد
ردنا نطلع من البيت
اركان...بابا ادم تعال وياي
ادم...ماا مااا اريد يم خاله
اركان...عيب بابا مايصير يوسف زغير ويبجي انت جبير
ادم...ماا مااا اهييي اهييي اريد يم خاله
عشتار...عوفه يمي ترا مابي اي اذيه
اركان...اني مااعرف انام اذا هو مو بصفي
عشتار...خل ينام وتعال اخذه
ادم...ماا انام يمج مااروح ويااا
عشتار.. اي يله تعال اخذتهم ثنيبنهم وأركان بقه عينه علينا
اركان...يمه فدوه ليش الجهال ثنيبنهم يم عشتار
ام اركان....يمه خليهم يمها مداريتهم شعليهم
اركان...زحمه منها جايه خطار لو كاعده تغسل وتبدل
ام اركان....ولله يايمه هي ميته عليهم
اختها تكول زوجها طلكها لان مايصير عدها اطفال
مسكينه هاي
اركان...خطيه مايصير عدها اطفال
ام اركان....اي الله يكون بعونها
عشتار...لليل كعد يوسف يبجي هلمره مصخن اني لزمته مصخن واني تخبلت
يااا يمه مصخن نار يمكن لان اني سبحته صخن
شلته ونزلت دكيت الباب على ام احمد
عشتار....نجوى تعاي اريدج
فتحت الباب النعاس بعيونها شكووو
عشتار...يوسف مصخن يمكن لان اني سبحته اليوم بس ولله نشفته وماخليته يطلع برا اله لبس ملابسه
نجوى...شبيج خايفه عادي الجهال كلها تصخن
طلعت نجوى دورت خافظ حراره مالكت وهو كب نار
أخذنا ورحنا للبيت الثاني
دكينا الباب طلعت ام اركان
نجوى...يوسف مصخن عدكم خافظ حراره
ام اركان...اي جيبي دخلنا كلنا بيتهم دورت مالكت خافظ حراره أخذنا ورحنا بيت ابو
دكينا الباب طلع علينا اركان لابس بدي وبجامه اسود يفرك بعيونه
اركان...شكو يوسف بي شي
عشتار...بس سمعت اركان كال يوسف بي شي كمت ابجي
خفت على يوسف لان اني ماعندي خبره بلاطفال
اتوقعت راح افقده اموت إذا صار بي شي
صار اسبوع ينام عندي تعودت علي مااكدر بليا
دخلنا بيت اركان واني افرك باديه وابجي هم مالكينا علاج
ام اركان راحت البيت اخو الثاني اتشوف عدهم خافظ
واني خليته بحضني وابجي
اركان راح لبس دشداشه واجا
ام احمد...ليش تبجين عادي الجهال كلها تصخن
عشتار....اهييي خايفه علي
اركان....لاتخافين مابي شي لا تبجين
رجعت ام اركان وبيدها الشراب شربته وهو بحضني
بعدين راحت جابت مي وكمنا نسوي كمدات
شويه فتح عيونه كام يبجي وجها احمر من الصخونه
ام اركان...روحي نامي انتي وام احمد اني راح ابقى كاعده وياااا
عشتار...اهييي مسحت دموعي اني اريد ابقى مااكدر انام اذا مااطمن علي
ام احمد...اني اروح واذا احتاجيتو شي بس دكو الباب عليه
بقينا اني وام اركان وأركان كاعدين بيت اركان
نص ساعه ونزلت حرارته
عشتار.. اني خليته بحضني وكل شويه اشوف حرارته
ودموعي تنزل منا ومنا
ام اركان...صار زين ولله صار زين لا تخافين روحي نامي
عشتار....اكيد خاف تصعد حرارته مره ثانيه
ام اركان..مابي شي لا تخافين اني راح انام هنا بيت ابو
وانتي روحي نامي واطمني مابي شي
تعاي الصبح اخذي
طلعت من بيتهم اجا اركان يوصلني
عشتار...اسفه إذا اتمرض بسببي اني ماعندي خبره بلجهال
اركان....شنو بسببج ترا عادي احنا متعودين
الجهال تتمرض كل يوم وليش بسببج
انتي اصلا معتنيه بي اكثر منا كلنا
انتي مالج ذنب هو من كد اللعب والحركه تمرض
روحي نامي وتعاي الصبح تلكي يركض مثل القرد
وصلني اركان للبيت ورجع
صعدت حضنت ادم ونمت
شكرا لزيارتكم عالم روايات سكيرهوم
