رواية سجينة أبو أسد الفصل الثامن بقلم فاطمه كريم
هلا قبل لا نبدي التصويت ليش هيج قليل والله ماكو تشجيع اكمل كتابه
عهد... شكد حلوو هيج بغداد حلوه
فدك... تجنن شوي هاي الصوره
عهد... حلووه منو هذا اللي وياج
فدك... هذا سمسم
عهد... سمسم
فدك... يي اخوي مسلم بس ندلعه ونكله سمسم
عهد... هه بس حلوو
فدك... هااا زحفتي ع اخوي
عهد... لا يابه شسوي بي
فدك... حاصلج تاخذين دكتور
عهد... حلفي دكتور
فدك... والله دكتور أسنان
عهد... ولج هيج أطباء الأسنان حلوين
فدك... ولج مره رحت وياه للكليه غير كلهم يموتون
عهد... اااخ اريد دكتور
فدك... ههه شسوين بي
عهد... ولج حلوين اريد جهالي هيج
فدك... ان شاء الله تاخذين ابن الحلال
عهد... اسم الله خليني اكمل دراسه وبعدها أخذ ابن الحلال عود
فدك... ان شاء الله إذن صلينه واتعشو عهد نامت من وقت لان عدها كليه اني ضليت كاعده أخذت جهازي وكعدت العب بي Hay Day ضجت كمت لبست جاكيت وطلعت للصاله ضليت كاعده سمعت صوت رحت ع مصدر الصوت بغرفه ازاد دكيت الباب
ازاد... منوو
فدك... اني
ازاد... دخلي
فدك... شبيك ازاد
ازاد... موجوع فدك راح اموت من الوجع
فدك... سلامتك شنو اكدر اسوي
ازاد... فتحي الثلاجه طلعيلي مسكن
فدك... ان شاء الله اخذت المسكن وماي ورحت عليه شلون يشرب وهوه نايم خليت ايدي وره ضهره وعدلت كعدته انتبهت عليه صافن كتله... شبيك اخذ العلاج يلا
ازاد انتبهت ع نفسي صافن عليها... هاا يي انطيني اخذت من عدها وشربته ضلينه ساكتين اثنينه
فدك... ازاد
ازاد... هممم
فدك... اكو امل ترجع تمشي
ازاد... ان شاء الله عمليتي بعد 3اشهر
فدك... يعني تكدر تمشي
ازاد... ان شاء الله
فدك... مااعرف شلون اعتذر منك بس كل هذا بسبب أخوي
ازاد... لا الغلط مو من اخوج الغلط من اخوي هوه اللي غلطان
فدك... شلون اخوك اخوي هوه اللي ضربكم
ازاد... بس اخوي هوه اللي غلطان
فدك... شلون يعني
ازاد... غياث ابد ما يتبع القانون وهذا السبب اللي سوه بينه هيج
فدك... الله يرحمه
ازاد... يلا روحي نامي
فدك... لا ماكو ماروح لحد ما انته تنام اخاف ترجع تتاذه
ازاد... لا روحي نامي
فدك برطمت... هيج اني ازعجتك وماتريدني يمك
ازاد بقلبي ليش اني ما اريدج تضلين يمي لو بيدي احظنج وانام بس غير حظي ما كاعد... لا فدووك شلون ما اريدج بس اتأخر الوقت لازم تنامين
فدك كمت من السرير ورحت ع التخم وكتله... وهاي كعده ما اكوم لحد ما اتنام
ازاد... ولج روحي نامي
فدك... عناد بيك ما اكوم وانشوف راس منو اكبر
ازاد... طفله ماتكبرين
فدك... عود تريد تضوجني
ازاد... لا
فدك سكتنه اثنينه والمكان هادء
ازاد... فدك
فدك... همممم
ازاد... اذا ابوي راد يرجعج الساهر تقبلين
فدك... ليش هوه اخوك ميت لو اخو ساهر
ازاد... مادام الماخذج من نفس العشيرة مايهم
فدك... اكييد لا
ازاد... يعني تقبلين تبقين ع ذمتي واني مقعد
فدك بضحكه... عادي انته قبل عقده وهسه مقعد ماكو فرق
ازاد... لا فدك جديات انتي مقتنعه
فدك... ازاد اسمع اذا اني هنا علمود خواني وربك ماراد اوكع بيد ناس ضلام صار الحادث بيكم وانته طلعت ابو اسد اللي الكل خوفني منه عصبي وماعرف شنوو اني اذا راح اساعدك اساعدك ك ازاد مو ابو اسد
ازاد... يعني من باب الصداقة
فدك... يي
ازاد... اوك بس اكيد باجر راح ينفتح الموضوع وانتي احجي اللي تردينه ابوي يسمعج
فدك... اوك ضلينه نسولف شوي ونام اني طلعت من الغرفه ورحت نمت كعدت يوم ثاني عهد بس تركض بالغرفه كتلها... صباح الخير
عهد... صباح النور اسفه كعدتج
فدك... عادي هاا راح تطلعين
عهد... لا وين اطلع بعدني مامغيره ملابسي
فدك... يلا لعد يمته تطلعين
عهد... ما هوه اني شنو معطلني غير ملابسي
فدك... اذا تردين اخذي من عندي
عهد... لا ما حاجه
فدك... دتعالي اخذي
عهد... لا انتي ملابسج مو مال محجبات
فدك عقدت حواجبي... لا والله كالو مو محجبة لس ملابسي مستوره اخذي فستان طويل ولبسي
عهد... اوك انطيني
فدك... هاي يمج اخذي اللي يعجبج
عهد... طلعت ملابسها كلهن حلوات ونازكات احتاريت شنو اخذ بعدها شفت فستان طويل اسود ومشجر بابيض كتلها... فدووك راح اخذ هذا
فدك وهيه فاتحه تك عين... براحتج يلا روحي خلي اكمل نومتي
عهد... نامي نامي ماعدنه شي الكل راح يطلعون للشغل
فدك... راحت عهد ورجعت نمت للساعه ب9 كعدت رحت للحمام بعدني ما دكيت الباب انفتحت طفرت من مكاني وكتله بخجل... احممم ما جنت اعرف موجود هنا
زين... ستري نفسج مو تفترين هيج
فدك انتبهت ع نفسي بس بالكيمونه يمه وجهي كام ينطي الوان
زين... اذا الك... اهلج يقبلون تلبسين عيج احنه ما يصرف عدنه
فدك... حجه هيج ومشه دخلت للحمام اخذت شور وطلعت بسرعه هسه هذا شلون وياه اخذ علي فكره مو حلوه اني ثوله شلون اطلع هيج بس عهد كالت يطلعون للشغل هذا شنو ماعنده شغل ضليت افكر لحد ما دخل اسد
اسد... صباح الخير
فدك... صباح النور
اسد... ليش كاعده هنا كومي يم ماما
فدك... عمو زين طلع
اسد... يي طلع
فدك... اوك امشي طلعت وياه رحنه للصاله الحجيه كاعده رحت عليها وبست راسها وكتلها... صباح الخير
الحجيه.... صباح النور اليوم متاخره
فدك... اسفه بس نسيت اوقت الجهاز وما كعدت
الحجيه... عادي يمه كلشي ماعدنه البنات مو هسه يطبخن والبيت كله نضيف
فدك... البنات وين
الحجيه... زهور بغرفتهت وزينه بالحديقه
فدك... هاا لعد اني طالعه يم زينه
الحجيه... طلعي ماكو احد
ازاد و فهد... صباح الخير يمه
الحجيه... هلا يمه صباح النور
فهد... شلونج يمه
الحجيه... الحمدلله وليدي عايشه وانته ازاد شلونك
ازاد... الحمدلله ع كل حال
فدك... من رخصتكم
ازاد طلعت فدك للحديقه... تلوموني لان احبها بربكم هاي ما تنحب
الحجيه... والله يمه خوش بنيه بس ناقصها شي واحد
ازاد... شنو
الحجيه.. حجابها لو تتحجب تطلع تجنن
ازاد... ان شاء الله يمه تتحجب بس مو هسه
فهد... يي يمه خلي هيه تلبسه برضاها
ازاد... يي لان اذا اني افرضه عليها راح تكرها وتكرهني خليها شوي شوي
فهد... تعال انته امس نسيت انطيك العلاج شلون اخذته
ازاد... فدك انطتني اياه
فهد... يمته
ازاد.... بليل اجت للغرفه وانطتي اياه
فهد... اكلك ليش ماتنامون بغرفه وحده
ازاد... لا والله
فهد... يي والله البنيه مرتك وحلالك تنام وياك وتساعدك
ازاد.... لا ماكو مااكدر
الحجيه... كلام اخوك صح انته وياها تنامون بغرفه وحده اني راح احجي وياها
فهد... واني باجر طالع البغداد لازم واحد يعينك
ازاد... بس مو تنام وياي مره وحده
فهد... احسن علمود تتعلم عليك
ازاد... مادري اللي تشوفه
فهد... حجيه شوفي شغلج
الحجيه... ان شاء الله
فدك طلعت للحديقه شفت وينه كاعده رحت كعدت يمها... هلا
زينه... هلا بيج فدك
فدك... انتي زوجه فهد
زينه... يي
فدك... هنيالج عليه
زينه... ليش
فدك... استاذ فهد حباب وحلو وشخصية واهم من هذا كله هيبه
زينه... هذا بس كدامج يمي غير
فدك... شلون يعني
زينه... يبقى بينه الكلام
فدك... يي اكيد
زينه... فهد انسان عصبي ومتحكم ويغار من كلشي حته ملابسي هوه يختارهن ومن يطلع البغداد يطلع روحي يوميخ شلابسه شمسويه وهذا وذاك
فدك... الغيره الزايده تقتل
زينه... حته الجهال يموتني بيهم يطلع روحي
فدك... عادي تره كل الرجال هيج هسه عندج اخوي هم هيج ويه زوجته
زينه.. بس تعبت
فدك... عادي اتحملي الخاطر جهالج
زينه... محد مخليني اصبر غير جهالي
فدك... عيشي حياتج لا تنقهرين وتضوجين همه الرجال كلهم هيج والله استاد فهد يحبج من جنه بغداد دائما يحجي عنج ويكول بدونها مااكدر اعيش
زينه...🙂🙂
فدك... يي ابتسمي ويلا كومي ندخل دخلنه للبيت ورحنه للمطبخ كعدنه نطبخ الغده شوي ودخل زين للمطبخ شافني وخزرني
زين... خويه ام جهاد مي من يمج
زينه... اتفضل خويه
زين... رحمه الله والديج
زينه... بالعافيه
زين... عهد ما رجعت؟؟
زينه... لا بعدها،،
زين... هاا ازاد وين؟؟؟
زينه... بالغرفه وفهد يمه،،
فدك... عافها ومشى شكد مغرور شوي واجت عهد اتفاجئت ما لابسه عبايه وهمه شيوخ
عهد... سلام عليكم
الكل... وعليكم السلام
عهد... يمه دعواتج اسمي ما يطلع
الحجيه... وين
عهد... يوم سفره الجامعه دهوك اسبوع
زين... وان شاء الله قدمتي
عهد... مو اني العميد
زين... تره مصخها هذا كل سفره لازم تشاركين
عهد... اني شبيدي
زين... ان شاء الله خير هسه يلا غداجن
ازاد... هذا مو مال فدك
عهد... شنو
تزاد... الفستان
عهد... يي مالها
ازاد... من هسه بداً يشاركن لعد راح تعلك عليه
عهد... لا يابه ليش تعلك يلا اروح اغير ملابسي عما يكمل الغده
فدك تغدينه واني اشوف زين بس يخنزر حته عهد انتبهت
عهد بهمس... هذا شبي
فدك... منو
عهد... زين بس يخزر بيج
فدك... اني الج عدني وياج ثار
عهد... ياستار شكو
فدك... نكمل غده واحجيلج
عهد بصوت شبه مسموع... لعد وراج مصيبه
موسى... شكو شصاير
فدك... لا شيخ ماكو شي
عهد... احجي شصاير
فدك... وعمه كتلج بعدين كملنه الاكل وغسلنه المواعين ورحت للغرفه
عهد... يي احجي
فدك... انتي مو كلتي الولد طلعو للشغل
عهد.. يي
فدك... كعدت وكمت رأسا للحمام وجان يطلع بوجهي زين وخزني ولا المصيبه بس بالكيمونه
عهد... عزه بعينج انفضحتي كدام الولد
فدك... ومن الصبح لحد هسه بس يخنزر
عهد... صوجج ليش تطلعين من بدون ملابس وانوب الكشه والوجه مابي مكياج خرعتي أخوي
فدك... من طيح الله حظج وحظ اخوج
جهاد... عمه ماما الجبيره تريدج
عهد... يي هسه اجي روح
جهاد... مو انتي هاي الثانيه
فدك... اني
جهاد... يي
فدك... اوك هسه اجي
عهد... شنو تريد
فدك... مادري امشي وياي طلعنه رحنه الغرفه الحجيه كاعده دخلنه ... السلام عليكم
الحجيه.. هلا يمه
فدك... خير حجيه خو ماكو شي
الحجيه... لا يمه ماكو شي بس اريد منج شغله
فدك... عيوني الج حجيه اطلبي
الحجيه... سالمه عيونج يمه اسمعي باجر فهد راح يطلع البغداد
فدك.. يي حجيهالحجيه... اريدج اليوم تاخذين هديماتج وترحين تنامين بغرفه ابو اسد
فدك من كالت هيج حسيت واحد ضربني ع رأسي ماعرف شنو اسوي... هااا
الحجيه... يي يمه لان بليل يحتاج يطلع للحمام يريد شي ومحد يمه وبعدين انتي مرته وتحلين عليه
فدك... بس
عهد... هذا هوه يمه فدك اليوم تنام بغرفه ابو اسد لا تفكرين يلا نترخص
فدك طلعنه من الغرفه... انتي خبله شلون تكولين هيج
عهد... عادي نايمه يم زلمتج مو حرام
فدك... لا مستحيل
عهد... اسكتي وانتي كعدي هنا اني هسه ارتب ملابسج بغرفه ابو اسد
فدك... لا كعدي
عهد... تكسرين كلام الشيخه
فدك... لا بس هسه شيكول علي
عهد... مادخلج اني هسه اخذ ملابسج واروح لميت ملابسها كلهن و كتبها اجه كدامي كتاب اسمه سخريات صغيرة لمحمد قطب فتحته بأول ورقه مكتوب"""عش محاطًا بتلك الأشياء التي تجعل منك رائعًا.
أنتي في صف الأشخاص المتمسكين بالتفاصيل القديمه والمشاعر القديمه اللي كانت ومازالت الجانب الحلو من كل شيء مُر
☆ازاد ☆""
ماحبيت افتحه واقرا اللي بي تخذت الملابس وطلعت الغرفه ازاد جان كاعد هوه وفهد
ازاد... شكو شنو هاي
عهد... ملابس فدك
ازاد... شيسون هنا
عهد... تمي كلتلها تجي هنا تنام
ازاد... زين هيه وين
عهد... بالغرفه ماتقبل تجي
ازاد... ليش نعض
عهد... تستحي منك تكول شلون انام وياه
ازاد... هاا
عهد... رتبت الملابس بس احس اكو مغامز بين فهد وازاد كملتهن ورحت كعدت ع التخم وكتلهم... وهاي كعده ما اكوم اذا مااعرف شنو اكو
فهد... بطلي هذا الطبع فضوليه
عهد... احس اكو شي احجو تره اموتكم
ازاد... ماكو شي ولي
عهد... هاا اكيد
ازاد... اكييد
عهد... جذابين اكو شي
فهد... يي اكو بس مو شغلج سوالف زلم
عهد... واني بنت الشيخ عن الف رجال احجو
ازاد... هاي ماراح تسكت يابه ماكو شي
عهد... احجي حباب احجي
فهد... احجي ازاد هيه راح تساعدنه
ازاد... هيج تكول
فهد... يي
ازاد... سمعي السالفه ومابيها..... كتلها كلشي
عهد... يعني هيه نفسها
ازاد... يي هيه
عهد... هاا وهسه شنو راح تسوي
ازاد... مااسوي شي هسه هيه خلي تتعلم علي وبعدها افكر شلون ادخل قلبها
عهد... اوك تركتهم وطلعت رحت للغرفه كعدت ادرس لليل طلعنه تعشينه ونضفنه وكل واحد راح الغرفته ينام فدك اجت للغرفه
فدك... مااكدر اروح
عهد... ولي يم زلمتج
فدك... طرديني
عهد... يي روحي خطيه اخوي محد يمه روحي انتي
فدك... صلبت متردده بعدها رحت دكيت الباب
ازاد... منو
فدك... انب
ازاد... دخلي
فدك... هلا
ازاد كلت خلي احرجها... هلا هاا محتاجه شي
فدك يمه شلون خجلني... هممم الحجيه كلتلي
ازاد... شنو كلتلج
فدك... انام هنا
ازاد... يي وهسه تردين تنامين هنا
فدك... اذا ماتريد اطلع
ازاد... لا تعالي نامي لا تخجلين
فدك... ضليت واكفه مااعرف وين انام
ازاد... راح تبقين واكفه
فدك.. وين انام
ازاد... براحتج وين ماتردين نامي
فدك... زين وين ملابسي
ازاد... بالكنتور الاخير
فدك... فتحته ماعرف شنو البس متعلمه ع الكيمونه مستحيل البس هيج كدامه كلت اخذخا البسها والبس قميص من ينام انزعه
ازاد... شبيج واكفه
فدك... لا ماكو شي بس
ازاد... بس شنو
فدك... مااعرف انام غير بكيمونه
ازاد... هه عادي لبسيها ما اباوعلج
فدك... لا شلون البس كدامك هيج
ازاد... لبسي اني راح انام وطفي الضوى كلشي مانشوف
فدك... فعلا بدلت بالحمام طلعت لابسه قميص طفيت الضوى ونزعت القميص وتمددت ع التخم نمت ماحسيت غير صوت ازاد وهوه يون طفرت من مكاني وكتله... بيك شي
ازاد... المسكن فدك انطيني
فدك رحت بسرعه طلعته من الثلاجه واخذت مي ورحتله حظنته وكعدته اخذ العلاج
ازاد اووف يمته تحظنيني حظنه حب مو مساعده كتلها... شكرا
فدك... ع شنو
ازاد... ع كلشي
فدك... بعيوني انته
ازاد انتبهت عليها شلون لابسه كيمونه سوده وهيه جسمها ابيض تموت عليها كتلها... رجعي نامي
فدك انتبهت ع نفسي ول يابه هاي شجاني اليوم ناسيه روحي رحت نمت كعدت يوم ثاني من وكت نضفت ويه البنات واسد كل شوي يجي يمنه الضهر جنت نايمه كعدت ع ايدين أسد ع وجهي فتحت عيوني شفته واكف يمي كتله... هاا حبيبي شنوو تريد
اسد... انام يمج
فدك... تعال نام يمي حظنته علمود لا يوكع
ازاد... ادري شنو ماكو مكان نايمين ع التخم وبس اسوي بز توكعون اثنينكم
فدك... عادي
ازاد... تعالو نامو هنا ع السرير
فدك... لا هنا مرتاحين مو اسد
اسد... لا امشي نام يم بابا
فدك... اهاا مامرتاح روح انته نام يم بابا
ازاد... فدك شبيج تعالي نامي هنا
فدك... هاا لا
ازاد... تعالي
فدك... رحت نمنا يمه ع السرير واسد بالوسط حظنت اسد وهوه هم حاظني
ازاد... كمت اغار
فدك... من شنو
ازاد... منكم انتم الاثنين واحد حاظن الثاني واني محد يحظني
اسد... بابا حبيبي اني احظنك
ازاد... بعد انتي حظنيني
