رواية زواج إجباري عشق السيد الفصل التاسع بقلم جمانه السعيدي
اماني.....حددنا يوم العرس اني ماردت اي مضاهر عرس
لان اني مامقتنعه ابد
بس بابا صمم مااطلع من البيت اله واني عروسه
لابسه بدلة عرس ويسولي احلى زفه
قصده يريد الناس كله تعرف اني طلعت من بيت اهلي
وأخذت السيد وهو رفع راسه
القصد الثاني اني بنيه والسيد لو مايعرف اني بنيه وشريفه مايتقدملي
السيد...دز علينا تجيكم ام الصالون للبيت
هم هاي طريقتهم نسوانهم اذا تربد تحف لو تسوي شعرها تجيه ام الصالون للبيت وتأخذ الأجر الي تريده
فعلا اجت ام الصالون وجابت بدلة العرس وياها
وبدت تمكيج وتسوي تسريحه
طلعتني حلوووه واني بيضه المكياج عليه يخبل
اجت ام السيد وعمته لان السيد يستحي يجي بلزفه
وطلعني من بيتنا بس طلعت بابا طلع مسدس وكام يرمي
طلقات حتى الناس كله تعرف بعرسي
هاي المشكله الاخيره سببتله عقده رغم هو يعرف اخلاقي زين
دخلنا البيت السبد ....اول مادخلت اكو ولد واكف ولا زم خروف ذبحه على رجلي
ماكان اكو اي احد عدهم غير كم مره من اقاربهم
واسمع صوت زلم بلمضيف
واني اجن وياي امي ولمى وزينب زوجة جاسم
واكو كم وحده فضوليه من الشارع اجن حتى يتفرجن
على العرس
جمانه السعيدي
دخلوني بغرفتي كانت غرفه بالطابق الثاني
الطابق الثاني مبني مثل الطابق الاول
يعني بيت كامل
كعدنا اني كلش ضايجه واندب حظي الاغبر
بعد ماكنت انتضر هاي اللحظه اني واحمد تالي شوفي القسمه والنصيب وين خلتني
بعد المغرب صعدوو العشى النا كان عشى فاخر
تمن علي حشوه وفخذ لحم كامل ولبن وخبز وفواكه
امي ولمى وزينب اتعشن واني مالي نفس ابد بلاكل
ماكدرت اكل مااشتهي
جمانه السعيدي
بعدين ورا ساعه ونص تقريبا كالو راح يزفون العريس
امي واختي وزينب طلعن وامي توصي بيه
نزلن وصعد السيد
كال...يالله بصوت جهوري دخل وكال شلونج بويه
اماني....اهلا وسهلا
جان لابس دشداشه بيضه وعبايه صفره وعكال وحالق
طالع شكله حلو وشخصيه وهيبه
نزع العبايه وعلكه واجا كعد بصفي وبد يحجي بدون مايركز على شكلي
السيد....مااعرف شراح احجي هاي الزواجه انفرضت علينا ثنيبنه بعد ماخلتنا سكنه بموقف محرج
والا اني كنت اعتبرج مثل بنتي وعمري مافكرت اخلي عيني بعينج
وانتي والشهاده الحق تنكال مربايه احسن تربيه
بس تستاهلين واحد شاب ومن عمرج بس هاي قسمتنا من رب العالمين
اريد احجيلج سر
اني هاي ثاني زواجه اليه مو اني الي اختاره تنفرض علبه فرض
سكنه صحيح بت عمي وشريفه واعرفه واعرف اصله
واني وياها دم ولحم واحد
بس هي جانت اكبر مني ومامخلصه دراسه واني بعمري مافكرت بيه زوجه ابد
بس ابوي فرضه عليه فرض وماكدرت اخالف امر ابوي
وزوجته حاولت اتعايش وياها بما يرضي الله
بس هي من بداية زواجنا عصبيه وشكاكه حيل
وتخلق المشاكل خلق ولا يوم يعبر اذا ماتسوي مشكله
تعبت منه حيل
لا اكدر انفصل عنه بت عمي وصار عندي ٣ زلم منه
ولا هي حاولت تصلح حاله وياي
دائما تشك بيه رغم اني هاي سالفة النسوان مااحبه
طبعا معروف على الساده يحبون النسوان ويزوجون هواي
الا اني سكنه سدت نفسي من كل النسوان الي بلدنيا
يابت الناس اني مااريد اضلمج وياي راح نبقى سوا
منا لمن نشوف حل الهاي المشكله
وانتي هم ترتاح نفسيتج وتصيرين احسن
جمانه السعيدي
اماني...اني مدنكه وبس النفس يصعد وينزل ماحجيت ولا كلمه
السيد....اتعشيتي
اماني...اي
السيد....يله بدلي وأخذي راحتج واذا تردين تنامين نامي
اني عندي شغله شويه وارجع
طلع السبد وهو حتى ماشافني زين يحجي وياي وهو يفر بلسبحه ويباوع ليكدام
طلع وطبك الباب اني قفلته ورا كنت كلش خايفه
بس بعد ماسمعت كلامه حسيت براحه
اول نزعت البركع نص ساعه انزل بلماشات
وفتحت شعري بعدين بلكوه فتحت السحاب ونزلت البدله
طلعت دشداشه فانيله نص ردن وطويله لبسته
جبت كلنس وبديت امسح بلمكياج احسه ثكيل على وجهي
خوب عيوني عبالك اكو ثكل عليهن
فتحت الباب هدوء ماكو صوت باوعت باب السطح مفتوح واكو تواليت بلسطح ويمه مغسله
دخلت للتواليت وغسلت وجهي ورجعت للغرفه
علكت البدله والبركع وكعدت
لو قبل اسبوع واحد كايلي تزوجين السيد جان ضحكت عليهم اني وين والسيد وين
مااعرف حضي وين راح يوديني بعد
بقيت كاعده وافتر بلغرفه شويه وسمعت السيد صعد
راسا صعدت على الجربايه وتغطيت وغمضت عيوني
استحي منه ومااعرف شحجي ويااا
احسه جبير وفاهم واني مااعرف افتح مواضيع ويااا
فتح الباب..دخل كبل فتح الكنتور طلع دشداسه
وبدل ورجع طلع غسل ودخل طفا الضوا ونام بصفي
اني تخشبت لا اكدر اتحرك حتى النفس كطعته اتنفس بصوت ناصي اخاف يسمعني
ياربي هاي اليله شلون راح تخلص ماادري
مااعرف يمته نمت
جمانه السعيدي
مااحس اله واحد غطاني
اني مغمضه عيوني نسيت اني ازوجت السبد كل توقعي
امي جاي تكعدني
اماني...هسه راح اكعد يمه
السيد...براحتج
اماني....سمعت صوت السيد راسا كمزت هي كمزه هي كعده على حيلي
شعري مفتوح رجعته ورا وسحبت الغطه غطيت صدري
السيد....اسم الله لا تخافين
اماني....اسفه توقعت امي
السيد....بعدج مامتعوده على المكان راسا سكت
طالت السكته
واني بعدني كاعده ولازم الغطى على صدري
رفعت عيني لكيته يباوع عليه
راسا نزلت عيوني متت من المستحه
وهو مستمر يباوع عليه
اماني....انزل احضر الريوك
السيد....لا ام حيدر هسه تحضره
حسيت هاي الحظات ماتقبل تخلص راح اموت من الخجل
السيد ...تعرفين انتي كلش حلوه
اماني....يابويه عبالك طلقه ونزلت بكلبي هو اني بلا هالكلام
مستحيه النوب يغازلني
وين اروح اتمنيت الكاع تنشك وتبلعني
السيد....الله ينطيج الصحه والعافيه ام حيدر ويبارك بيج
راسا نزل مشى خطوتين وكال
السيد...هاي انتي كلما تخجلين تصيرين حمره هيج
اني النطق عندي توقف مااعرف احجي ولا كلمه
طلع من الغرفه وكال
السيد.... بدلي وانزلي خل نتريك سوا
هزيت راسي طلع وطبك الباب
حسيت اديه يوجعني هلكد ملازمه الغطه قوي
اتنفست بصوت عالي كنت اتنفس ربع نفس
طلعت غسلت ورجعت بدلت لبست دشداشه
طويله وردن ورفعت شعري وعدلت جرجف الجربايه
لبست حجابي
طلعت وطبكت باب الغرفه ونزلت لكيته كاعد بلمطبخ
وأم حيدر تحضر الريوك
اماني....صباح الخير
ام حيدر ماردت عليه عبالك كاتله ابوها
السيد....ياصباح الخيرات شنو هلصباح الحلووو
اماني....ياربي شلون بيه ولله استحي من كلامه
ام حيدر خلت الريوك كدامه واني جبت المي
السيد...تعاي اكعدي خل نتريك سوا
اماني....اني اتريك بعدين
السيد....قسما بجدي محمد مااكل اله تاكلين وياي
اماني...اي هسه ياربي شلون اكل ويااا هو اني مااكدر ارفع عيني بعينه
كعدت كباله وصبيت جاي
السيد....لا تشربين جاي بلاول اكلي
راسا سوا لفه كيمر وانطاني اخذته وكمت اكل
السيد....اكلي لان عرفت البارحه بقيتي بدون اكل
كلما تخلص الفه يسويلي غيرها
حسيته حنيين وطيب واني هاي الحنيه مامحصلته بيتنا لا من ابوي ولا من اخواني
خلصنا ريوك اني شلت الصينيه وهو دخل للمضيف
شويه واجت امي شكد فرحت من شفته
امي...صباح الخير شلونج حبيبتي
اماني....هله يمه شلونج
امي...انتي شلونج
اماني.. الحمد لله
طلع السيد وشاف امي
السيد...هله ام جاسم شلونج
امي ....صباح الخير والعافيه
السيد..خير الي يصيبج
امي....رحمله والديك
السيد....ام حيدر...ام حيدر وين ام حيدر
اماني...طلعت خاف راح اجيب شي من برا
السيد....زين من تجي خل تكوي دشداشي البيضه معلكه بلكنتور
اماني...اني اكويه هسه تريدها
السيد...اي الضهر جايين ناس واريد البسه
اماني...صار عفت امي وصعدت نزلت الدشاشه
لكيت السيد يسولف على امي
اماني...بس مااندل الاوتي وين
السيد....بلملحق مال الكاونتر
رحت فتحت الملحق بس مااكدر انزله
التفت وشفت السيد وراي
السيد...هاا لكيتي اني انزله اللج
نزله ونطانيا فرشت جرجف بلكاع وامي كاعده يمي وكويت الدشاشه
بعد اكثر من نص ساعه يله وصلت ام حيدر
راسا زمخ بيه السيد وين جنتي
ارتبكت وكامتت اتائتى
ام حيدر.....العلويه دزت عليه تريدني
السيد....هي تريدج لو انتي رحتي تنقلين الاخبار بلتفصيل اله
اني مو مانعج من هاي السوالف
طبعا انتي سبب كل المشاكل بلبيت
ام حيدر.....سيد اني ليش شمسويه خادمتكم بعيوني
السيد....اي جاي تاخذين اجور الخدمه
بس ماتلزمين السانج تنقلين كلام وزودين بكيفج
انتي سبب كل المشاكل بلبيت
السيد....يله الولد ذبحو خروف وجاي يطبخون جهزو
الاكل والفواكه
خاله ام جاسم انتي ابقي عدنا اليوم
ام جاسم ...بيتكم عامر اروح لان مرت جاسم وحدها بلبيت
طلعت امي ووصلته للباب
امي...نسيت ماكتلج زوجة جاسم طلعت حامل
اماني...مبروك اي خل يجي طفل ياونسكم بلبيت
بدينا نحضر الزلاطه والطرشي والفواكه
نقلون لاكل واني طلعت كتلي جبير وخليته على النار للجاي
كملنا كلشي والزلم تغدو وشربو جاي
طبعا جايين من غير محافظه علمود يباركون للسيد
جمعنا المواعين وبدينا نغسل بيهن اني وأم حيدر
جمانه السعيدي
دخل السيد وشافني اغسل
السيد...شجاي تسووين
اماني ...عدلت حجابي اغسل وياا ام حيدر ماتكدر وحدها
راسا اتقدم عليه
وسحبني من ايدي
السيد....عوفي كلشي تعبتي من الصبح الهسه
اصعدي بدلي وارتاحي
اماني...بس
السيد....ماكو بس كلامي يتنفذ بدون نقاش
صعدت فوك اخذت دشداشه ودخلت سبحت وطلعت
دخلت للغرفه
امشط بشعري وخليت معطر
صعد السيد وراي...
راسا خليت الخاولي على شعري
السيد....ممنوع تشتغلين بلبيت هذا الشغل على ام حيدر وجاي تاخذ على اجر
اماني....بس اساعدها
السيد....انتي عروس ماتساعديها
اماني....وين الولد ماشفتهم
السيد....راحو الامهم اليوم بليل يرجعون
اماني...عندك ملابس اغسلهن
السيد....اي هاي الدشداشه البيضه توصخت اغسليه وكويه
اريد البسه خاف يجونا ناس
اماني...صار هسه اغسله
طلعت اغسل الدشداشه رجعت لكيته نايم
ماكدرت انام خاف يكعد من اصعد الجربايه
تقريبا ساعه وكعد اجو علي ناس تبارك وناس تريد حرز
راسا بدل ونزل
