رواية المتمرد والصغيرة الفصل التاسع بقلم رسل
ما اريد اضل بالسجن
شگد جنت ارسمك گمر
و اتخيلك عالي
و شگد بأسمي تغلط چنت و دگلي حسبالي
_____
-شو هذا يغلط و ماخذ راحتة يعني شنو حتى ابو حيوان ؟
الملابس عفتهن ما غسلتهن كملو الغدة رحت غسلت المواعين لحد ما هلكت رحت للمخزن وكلت حتى اجيب جنطتي يم هيفاء لان هو كال خلي تبقى تنام يم هيفاء طلعت ملابس
و اجاني احساس اشوف الفلوس كلبت الجنطة كلاب ماكو ولا فلس كمت ابجي اني ماريد الفلوس بس خاف يكولولي منيلج ويدرون احنة حالتنة المادية ضعيفة وبس لا يروحون
لابوية صخام بعيني
وعلي ميرحموني ذولة قريت سورة الفاتحة لام البنين و دخلت اسبح وضلت فكرة تجيبني و فكرة توديني كل ما واحد يصيح اسمي احس الرجفة تموتني
ثاني يوم كاعدة اغسل الطرمة وما احس الا واحد جرني من شعري انصدمت هذا ابو فهد و شمر علية علاكة الفلوس ذني منين ادبسز
- من عندي والله من عندي
- منو الجنتي تحجين ويا الصبح و انطاج هاي الفلوس گ... بنت الكو** و غلط مينلبس عليه ثوب
-ضليت صافنة مصدومة يحاجيني ما اجاوب بس دموعي تنزل ع خدودي سحلني من شعري صعدني لغرفة فوگ والبيت كلة واكف بالصالة هم مصدومين دخلني للغرفة وقفل الباب
- لج عاار هسة تحجين منو النطاج هذا المبلغ اليوم اني تالي عمري فصلية تنزل راسي انااااااا خوك
-والله مادري عمو والقرآن مادري شنو دتحجي
-لتحجين بغدادي لا اكسر ضلوعج
هاي الفلوس مالتج لو لا
- اي مالتي و ما احس الا راشدي انضرب راسي بالجرباية شاغت روحي من الوجع ضلن دموعي ينزلن
-لتتبچبچين هذني سوالف الساقطات ميعبرن علية احجي منو هذا
- والله ماكو احد .. عزت نفسي ما خلتني اگلة والله جنت اشتغل ومبين حتلو كتلة ميصدگني
-لج بابا شنو زمال اني تردين اصدكچ ساقطة احجي هذا منووووووو
-ضليت ساكتة ودموعي تنزل عشرة عشرة گام يضربني راشدي منا وراشدي منا لحد ما صارت الدنيا سودة بعيني كعدت الغرفة ضلمة اتذكرت من كام يضربني ضليت ابجي
نوب كمت ادك الباب محد يفتح و تلمست نقط الكهرباء اشغل بيها متشتغل بس الشباك بي شوية ضوة مال اضوية الحديقة
ضليت ادك بالباب و اصيح سراااب هيفاء حبابين تعالوو اخاف من الضلمة وضليت اضرب بالباب حيل محد فتحة من كثر ما صيحت تعبت ونمت الصبح كعدت اكو ضوة بالغرفة من الشمس
الفلوس شعدهن يمة زين هو شيقصد من يكول منو الي تحجين ويا الصبح منو هيج يسوي زين حتلو يكرهوني بس هاي سالفة متخطر ع البال
رجعت ادگ بالباب هم ماكو لا حياة لمن تنادي نوب متت من الجوع لحد المغرب يلا سمعت الباب انفتح اجتني هيفاء جانت الغرفة ضلمة كومتني بدون كلام طلعنة للممر شافت وجهي شهگت
- دهر دهر هاي شنو
-اني خفت ركضت ع المراية يم المغسلة شفت وجهي عبارة عن اثار اصابع والاثر صاير ازرگ وجروح بوجهي اني هم شهگت
هيفاء : الله يعثرة بعافيتة الجان السبب
-اخذتني للحمام و انطتني ملابس احس وجهي يحرگني كلششش بحيث ضليت ابجي من الحرگ طلعت و گتلها هيفاء فدوة اريد شي وجهي راح يموتني يحرگني
طلعت من المجر عصارة وحطيت على وجهي احس وجهي برد كالتلي جوعانة ماكدرت اكول لا ضليت ساكتة صاحت لسراب كلتلها صبيلي عشة ورا شوية جابت صينينة اكلت لحد ما شبعت
-نامي ولتطلعين من الغرفة ابد حبيبتي
- هزيت راسي
نمت وكعدت الصبح طلعت غسلت وجهي شوي صاير احسن سمعت ام محمد و سهام يسولفن
سهام:والله اذا ما اهججهة بلليلة ضلمة ما اطلع اني ام فهد
ام محمد : والله كدها و اكدود انتي
سهام:شوفي وجهة شوفي
اديان : شفتهن يباوعلي و طگنها ضحكة
مرن يومين سمعت اشكال الكلام هذا اليكول بت شوارع وطاحت بروسنة وهذا اليكول هاي ذبحهة حلال عاقد عليها شيخ ابو فهد وهي تدور زلم
الله اليعلم شمسوية وهلكد انطوها فلوس
ورا اليومين اجتي بيبيتهم فدعة هاي نفسها قبل كم يوم جانت بالعزيمة تصير ام ابو ابراهيم جانت عايشة عند بتها وهسة اجتي تريد تعيش هنا و ابن امة و ابو اليعارض
بس اني حبيتها مادري ليش مرر اسبوع كامل و ابو فهد ماكو لا ردة ان شاء الله العصر اجة وهو الدنيا مشايلتة اجة لابس دشداشة و لاف الشماغ و جسمة ضخم بحيث شوية بعد وتطگ الدگم مال الدشداشة وعطرة ترس البيت
زين هذا وين جان وهيج راجع كاشخ معقولة متزوج
ما خليتة يشوفني دخلت بالمطبخ كلهم التمو سلمو عليه
فدعة: خايب انا هنا مچاني بعد ما اطلع
ابو فهد : البيت بيتچ حجية صدگ جذب
فدعة : طبعاً بيتي چا بيتك ولك
ابو فهد : لا يا بوي بيتي شنو انا بيش الكيلو
فدعة : صدك ولك هاي الحليوة صارت حظك دهر فرك يالمچنص
ابو فهد : ياحليوة هاا قصدج الفصلية
فدعة : اي يخايب
ابو فهد : لا اطمني البالج ميصير اني چم دوب واردها لاهلها
فدعة : صحلها رجل گالت اعور دلصم لا اگطع هاي السبحة ع ضلوعك
ابو فهد : هههههههههههههاي والله فدعة احبج
فدعة : لا عليك روح امك عود شني صگد ماتريدها
چا طلگها اضن حويدر حاط عينة عليها من يوم العزيمة يسئلني عليها
ابو فهد : شنو شجاج حجية لعد انا شنو هنا طرطور وهذا حيدر الگواد شنو و انتي شون كدامي دكولين حاط عينة عليها يابة وحق القرآن حيدر بعد ميلفي للبيت
وحاضركم يگل لغايبكم وانتي فدعة لتخليني اشوفلچ رجل و ازتچ ورا الشمس انتي ويا
فدعة : يا يا دهر فرك بس يلة علوا
اديان :البيت كلة كام يضحك اني واكفة بالمطبخ و اسمعهم شفت ابو فهد مثل الضايج اترخص و صعد فوگ گلت ليش ما اروح احاچي ع سالفة الفلوس
عاد اخلص من هذا التفكير المحاوطني واخلي يفهمني السالفة مادري منين اجتني الشجاعة صعدت فوگ دكيت باب غرفة
-ادخل
دخلت للغرفة جان نايم بملابسة الداخلية ويشرب جكارة كعد
-خيرررررر
-بس اريد احج...
-طلعي براااااااا
-بس دقي..
- برااا و هاي اخر مرة اشوفج تلفين لهنا
-درت وجهي وطلعت صارت كبالي مرتة ابتسمت ابتسامة خفيفة ودخلت للغرفة اني ما احجي على الموقف حسيت برخص ع هضمة ع خنگة نزلن دموعي
مشت الايام و ماكو شي جديد و ابو فهد ابد ما نطق وياي كلمة بس سهام يومية متخربطة اول شي كالو حامل راحت حللت بس جانت صدمة
طلع بيها مرض السرطان باالامعاء
صح هي تغلط علية وتضربني بس هذا المرض ما اتمنى لاكبر عدو
حالت البيت توترت بناتها يبچن مر اسبوعين هي بالمستشفى بعدين طلعوها و ضلت شهر بالغرفة مال هيفاء نايمة و الناس تروح و تجي و حالتها للأسوء مرة چانو كاعدين كلهم اني بالمطبخ بس اسمع
سهام : ابو فهد انا ارد احجيلك سالفة و اريد تبروني الذمة
ابو فهد : احجي ام فهدد
سهام: اديان ما الها غرض بالصار انا لگيت فلوس بجنطتها صحيح بس انا غرت منها وتدري غيرة نسوان وكلت اصعب شي الشرف خل اتهمها بي
هلبت تطلگها
اديان : اني ضليت مصدومة ضليت واكفة يم باب المطبخ باوعتلها واني مهضومة شفت الموجودين كلهم مصدومين ويباوعولي
ام محمد : نفس الشي خالة لا تبچين چا دام الفلوس بجنطتهة منين جابتهن اكيييد عدها شي
ابو فهد : هشششششششش گصري حسچ انتي بالاخص لا اگص السانچ
ام محمد :چا هي حچاية الحگ صارت ما تنراد
ابو فهد : كاااااااااااااافي
ابو سراب : يمة شجاج خل نفتهم لا تضلمين بختچ
انتي بابا منيلج هاي الفلوس انتو حالتكم المادية النعرفها مو زينة منيلچ احچي لتخافين انا وياج
ابو فهد : كافي سدو الموضوع اذا انفتح مرة ثانية ماخسر وحق محمد بس چم طلقة
مسح گصتة وصعد فوگ ورا ربع ساعة
زهراء : ابوية يريدج
-شيريد
-چا دكليلي انا هم شمدريني
-هو وين
-بغرفتة
هاي صار 3 اشهر اني عدهم اول مرة يصيحلي حسيت روحي رخيت كلت خل اعوفة اخاف منة والله مبين عصبي واني من يوم الراشديات كرهتة و ما باوعت بوجهة ورا سمعتة صاح
-انااا مو كلت صيحيهاااااا
زهراء : يابة والله صحتها
هيفاء :صعدي يمة مو جاي تسمعي يعني الا يضربج
صعدت و اني اقرا ايات دكيت باب الغرفة
-طبي جوا
دخلت بالغرفة شفتة واكف يرش عطر
-كعدي
اكو قنفة تصير من ضمن الجرباية
- اييييي يبت كتالين اخويييي
شكرا لزيارتكم عالم روايات سكيرهوم
