رواية نهوة صقر الفصل التاسع بقلم جمانه السعيدي
صكر...بقت زينه تبجي اكثر من ساعتين
حتى صوته راح وعيونه ورمن بلزايد واني كاعد يمه اهديه
مسكينه الله يساعدها
صعب واحد يفقد اهله كلهم مره وحده من حقه تحس بلوحده
جانو اهله حيل مدلليه وعايفيه براحته
اني لازم ايدها وكاعد يمه الحد ماتعبت من البجي ونامت
كنت كلش خايف من ردت فعله من تسمع اهله ماتووو
الحمد لله عدت على خير
ثاني يوم رجعت ماتكدر تفتح عيونه مورمات من البجي
وصوته مبحوح
جابو الريوك كعدته غسلت وجهه وكلته شوربه حاره وجاي حار حتى بلاعيمه يصيرن احسن
غسلت وجه ومشطت شعرها
وانطيته التراك حتى تغير ملابسه
اليوم كلش حزينه وحتى ماتحجي وياي
صكر....هااا زينه محتاجه شي
كالت لا ورجعت تمددت وتغطت جبت كمدات ماي حار
وخليت على عيونه وخليتله قطره
لكته حجه من خليت قطره لعيونه كامن يدمعن راسا بجت
صكر...ليش تبجين عيونج
زينه....اني ليش بقيت مارحت وياهم
صكر...استغفر الله رجعنا الهاي السالفه
جمانه السعيدي
احمدي ربج واشكري انت بقيتي حتى اسم عائلتكم مايضيع ويبقى ابوج وامج ينذكرون طول العمر
زينه...مااكدر بعدني مامصدكه
صكر...مسحت دموعها الخاطري كافي بجي اذا اني الي خاطر عندج كافي
زينه....مسحت دموعي
صكر....اي هسه تمام
بقت يومين وهي حزينه كلش وكوه تحجي والاكل كلش قليل
خلص اسبوع بلمستشفى وعيون زينه رجعن انفتحن
بس بعدهن يوجعنها ويهملن وصاخه
اليوم الثامن تفاجئت جدي جاي وراي
خطيه واكف ساعتين برا يله مدخلينه
جايب اشكال واللوان اكل وفواكه وملابس اليه ومعطر
حتى كيكه وكليجه
وشامبو وصابونه وليفه ومكينة حلاقه
شفته دخل للغرفه واني كمزت وحضنته
صكر...شكد مشتاقلك جدي
جدي...يابويه انشلع كلبي عليك ولك اني مامفاركك ابد
صكر...واني هم مشتاقلك
جدي...امك تريد تموت عليك
صكر...واني هم اريد اموت واشوفه
قرب جدي على زينه ودنك باسه
جدي...شلونج جدو شلون صرتي البقيه بحياتج
زينه...الله يسلمك جدو حياتك الباقيه
جدي...شدي حيلج جدو لان احنا مامتعودين نفارك صكر
زينه...انشاء الله
صكر...بعد يومين لو اتلاثه ويفتحون رجله واذا كالو كلشي تمام نطلع
جدي...الله كريم انشاء الله الشفاء العاجل
جدي بقه يمنا تقريبا ساعه من طلع انطاني مصرف
#جمانه_السعيدي
صكر....سويتو فاتحه العمي وعائلته
جدي...اي سوينا فاتحه ٣ ايام والناس انكلبت علينا كله
الحد يوم السبعه والناس كاعده بيتنا تعازينا
صكر...الله يرحمهم
جدي....يمته عرفت اهله ماتو
صكر...صار اربع ايام وكلبت الدنيا كوه سكتته يوميه تكعد تبجي عليهم
جدي...الله يساعدها مصيبته مصيبه
صكر...فعلا الي مرت بي مو قليل
جدي...اني اترخص ولا تتأخر علينا امك ماعدها سالفه غيرك طول النهار
صكر اكل شرب نام عبالك كاعد بجزيره
صكر...هواي سلملي عليه
جدي...يوصل انشاء الله
بس طلع جدي ركض للحمام سبحت يمكن بقيت نص ساعه اسبح مامصدك نفسي
غسلت ملابسي وشريتهن بلحديقه مشطت شعري وتعطرت
ورجعت على زينه
زينه...كل هذا سبح اتاخرت عليه نعيما
صكر...ودي مااطلع من الحمام حلوه النظافه
زينه...اني هم اريد اسبح
صكر...اي يله تعاي ادخلج للحمام طبعا الحمام كلش قريب على غرفتنا
زينه...ورجلي
صكر...اغلفه بعلاكه وهذا الخاولي والشامبو والصابون
حتى ليفه جدي جايب
زينه...يله
صكر..دنكت شلته خلت راسه على ركبتي وحضنتني حيل
زينه...ريحتك طيبه
صكر...شكرا
خليته على الكرسي المتحرك ودخلته للحمام
بعدين جبت كرسي نايلون من الممر وشلته وخليته علي
لفيت رجله حتى لا يوصله الماي
صكر..اني واكف هنا اذا احتاجيتي شي بس صيحي عليه
زينه...تمام
صكر..فتحت الماي وطلعت بقيت واكف برا
اتاخرت بلحمام وقلقت عليه
صكر...دكيت الباب زينه زينه
زينه...هسه اطلع
صكر...براحتج بس قلقت عليج
زينه..كملت سبح ووكفت على رجل وحدا حتى البس ملابسي لان الكرسي تبلل بدلت ولفيت شعري
وفتحت الباب واني منتجيه على الحايط
صكر...فتحت الباب وطلعت صايره ورديه من السبح والريحه تخبل
باوعت الكرسي المتحرك ماكو ماخذي
جمانه السعيدي
رحت بلمرر ورجعت ماكووو
صكر...ماكو الكرسي تعاي اشيلج
زينه..ماتكدرلي اسندني وامشي على رجل وحدا
صكر...افا شنو مااكدرلج
دنكت شلته وهي خاله اديه على ركبتي منا لمن وصلنا
زينه....شكرا يااحلى ابن عم بلوجود
صكر...هيج اني حلووو لعد منو الوحش
زينه...اني الوحش لان ماكنت شايفتك على حقيقتك
صكر...اذا هيج الوحش حلو كون الدنيا كله وحوش
زينه...لو كل الناس مثلك صدك ماخربت هاي الدنيا
صكر...خل امشطلج اسويلج تسريحه
زينه..وتعرف تسوي تسريحه
صكر...اني عندي احلى تسريحه واحبه كلش الضفيره
مااحس البنيه بنيه حقيقيه اله تكون ضافره ضفيره
يصير شكله حلو ونازك
زينه...يله اضفرلي ضفيره
صكر...مشطت شعرها وضفرته بس اني مااعرف اضفر زين
طلعت مجعمقه
صكر...ماطلعت حلوه
زينه...ميخالف سحبته ليكدام الله تخبل
صكر...ادري اجذبين لان موحلوه
زينه ..اني عندي حلوه تخبل لو اكو كامرا جان اخذت صوره بيه
صكر...الله يجبر خاطرج
زينه...يمته نروح للبيت ضجت من المستشفى
صكر...هانت يوم او رومين ونطلع
خل ناكل من الاكل الي جابه جدي
زينه...الله ريحت الاكل تخبل
صكر...طبعا لان امي طابخته امي عليه نفس بلطبخ
مو معقوله
سويت لفه وخليته بحلكه
زينه...ولله هواي عليه هذا الدلال اني اكل
صكر...لازم ادللج حتى تتحسن حالتج بسرعه
زينه...شوف الكيكه ريحته تخبل
صكر..خليه للعصر وياا الجاي
زينه...سويت لفه ووكلته
صكر...تفاجئت منه وكلتني وبقيت اباوع عليه
زينه...ليش تباوع ترا خجلتني اتمنى اكدر اردلك جزء من فضلك عليه
صكر....اذا تردين اجازيني ساعدي نفسج حتى تتحسن حالتج
ونرجع البيتنا ترا انكسر ضهري من نومت الكرسي
زينه...اليوم انت نام على الجربايه واني انام على الكرسي
صكر...مستحيل نومة الكرسي تعب واني مااريدج تعبين
زينه...بس هلمره
صكر... سويت لفه وخليته بحلكه اس ولا كلمه
زينه...سكتت
جمانه السعيدي
صكر ...بعد اربع ايام الدكتور فتح الجبس او الجبيره
من رجله وطمنه على حالته رجع صبه صبه خفيفه
وكال بعد عشر ايام تفتحوها
ويشوفه دكتور اختصاص اما بلنسبه الجرح الي براسه
صار زين وعيون كلش زينات حتى مايهملن مثل قبل
اما الجرح الي بوجه صار زين بس الاثر ماراح
اثر واضح
جمعنا اغراضنا وقررنا نرجع للبيت بلبدايه نزلت الأغراض وخليتهن بلاستعلامات
وأخذت كرسي متحرك وصعدت للمصعد نزلت زينه
وصلته للباب الخارجي ورجعت جبت الاغراض وبقيت واكف اريد سياره اطلعنا
اجا ابو حسن بسيارته الجيب الرجال الي رحت اسوكت وياا فتح الجامه وكال هاا عمي
صكر...اريد نطلع
ابو حسن..اصعدو اوصلكم للسيطره وهناك اكو سيارات
صكر...بلاول صعدت زينه وبعدين صعدت الغراض وصعدت ويااا
وصلنا للسيطره ونزلنا
خليت الجنط كعدت عليهن زينه واني واكف اريد سياره
السيارات كلش قليله
لان الوضع يخوف والناس ماتجي البغداد
ساعتين وربع واني واكف وماكو سياره
الصراحه خفت لا ماكو سياره وشلون نبقى بلشارع
هسه لو عليه عادي بس زينه شلون
بعدين وكفت سياره عسكريه بيه واحد يسوق ويا واحد ثاني اشرتلهم ووكفو
صكر...السلام عليكم
...عليكم السلام
صكر...طلعنا من المستشفى ووياا مريضه وماكو سياره تشيلنا
...اصعدووو نوصلكم المنطقه امان ومناك اصعدو
صكر...مشكورين
صعدت زينه ورا وصعدت بصفه والجنط خليتهن ورا
مشا بينا هواي تقريبا ساعه وربع
ونزلنا على الشارع هواي سيارات تفوت من الشارع
نزلت وشكرتهم نزلت زينه
طبعا زينه تمشي بس على كيف وتعرج تخاف تنزل رجله حيل خاف توجعه
#جمانه_السعيدي
وكفنا ياسياره الي ااشر اله ماتوكف هاي شلون مصيبه
الدنيا عصر خاف اتضلم ومانلكه سياره
شكد وكفت ولا سياره تقبل توكف
هاي شلون مصيبه ياربي سهله منك يارب
بعدين وكف النا سايق وطلب مبلغ خيالي حتى يوصلنا الاهلنا وافقت أمري الله اريد بس اوصل الاهلي
اكثر شي اخاف على زينه
صعدنا حسبت المبلغ الي وياي مايكفي انطيته وكتله بس نوصل اكملك المبلغ
وصلنا للبيت الساعه بلتسعه بليل نزلنا بس دخلت وشافتني امي راسا عاطت وكامت تبجي
حضنته واني هم ابجي شكد مشتافله
سلمت على جدي وانطيت السايق باقي حسابه
دخلت زينه للبيت مستحيه غريبه ساكته
رغم جدي سلم عليه بحراره
..امي ...هله بيج حبيبتي البقيه بحياتج الحمد لله على سلامتج
زينه...الف شكر حياتج الباقيه تعبتكم وياي
امي..ماكو تعب احنا اهلج
زينه...رحمله والديج
صكر...امي دخلي زينه بغرفتج خل ترتاح
امي...اي تدلل تعاي يمه ندخل جوا
صكر...رحت سبحت وبدلت ورجعت كعدت يم جدي
شكد مشتاقلك البيتنا والجدي وامي
عبالك صار سنه ماشايفهم
الحمد لله رجعت البيتنا
الحمد لله
