رواية إبن دار الايتام الفصل التاسع بقلم جمانه السعيدي
قصي بقيت بس
مذهوله من تصرف لمى طلعت على حقيقته
وكل كلام محمد عليه قبل طلع صح
اول مره يحب كلبي بس حب الانسانه الغلط
معقوله اني ما عرفت اختار
معقوله كدرت تخدعني بهل السهوله
المشكله كلبي يحبه ومتعلق بيه
اول حب بحياتي وواول انسانه تدخل حياتي
ولله نفسيتي تعبانه بسبب التفكير بهذا ااموضوع
لمى بديت ادز رسائل غرام اليه من الخط الي جابه محمد باسمه
وارجع ارد عليهن من صفحتي
اغلط على محمد واكول مو عيب تخون صديق عمرك
ليش هيج تسوي
حرامات ثاق بيك وامنك على كلشي
رجعت للتليفون الثاني وكتبت باسم محمد
معليج بي تعاي نقشمره وناخذ كلشي منه ونزوج اني وياج شنو هذا اللقيط ويمتلك هلكد فلوس
احنا اولى بيهن
رجعت رديت الرساله من تليفوني
انت شكاعد تكول اني ما ابدل قصي بكل أموال الدنيا
رجعت كتبت رساله من الخط الجديد
بس اني احبج ومتعلق بيج اليوم الي ما اشوفج بي
ما ينحسب من عمري
رديت من تليفوني
بس اني ما احبك واذا ما تبطل تعاكسني اوصل خبر القصي عنك
رديت من الخط الجديد
محمد قصي يثق بيه ومراح يصدكج ابد وما تخوفيني منه
رجعت رديت من تليفوني
اسمع محمد خلي الله بين عيونك ترا قصي مايستاهل هاي الحركات منك واني معتبرتك مثل اخوي عيب هاي الشغلات تطلع منك
رجعت رديت من الخط الجديد
محمد فكري زين قصي ما يستاهلج وهمزين ماصار عدكم اطفال حتى نتخلص منه بكل سهوله
فكري ورجعيلي خبر
لمى ضميت التليفون الجديد
خل انتضر يومين وادز بعد كم رساله حتى قصي يقتنع صديقه يخونه
وساعته هاي الرسائل الدليل على كلامي
قصي بس يشوف ذني الرسائل مستحيل بعد يباوع بوجه محمد
اكيد راح يطرده من المحل والشقه
وساعته اني راح استفرد بي واخلي يسجل كلشي باسمي
وبعدها اكوله بيباي
بيباي حبيبي بيباي مع السلامه
شلون ثنيين واحد لقيط وواحد من الريف
كومه فلوس كدامهم وميعرفون يتصرفون بيه
هاي الفلوس من حقي اني وبس بس يصير كلشي اليه
ابيع المطعم واصفي كل املاك قصي
واطلع للخارج اتونس
واشوفلي واحد توب غني وابن عائله كون حسب ونسب
واتزوجه
لمى بقيت تقريبا اسبوع ادز رسائل من الخط الجديد الي باسم محمد
وحبكت القصه كلش حتى يقتنع قصي
وقررت افضحه بلمطعم حتى بعد ماله وجه يرجع
مره ثانيه
وبيوم رحت اريد افجر المفاجئه
واخرب كلشي واهد المعبد على رأس محمد
اخذت التليفون الجديد وضميته بلمكتب الي يشتغل علي محمد
محمد مكتبه بلباب يحاسب على الطلبات
وصعدت ابجي القصي
لمى اهي اهي قصي الحكلي
قصي شكوووو شصاير ليش تبجين
لمى صديقك الي مامن بي وما تقبل اي واحد يحجي علي
جاي يتحرش بيه مو هسه من زمان
قصي منو يتحرش بيج
لمى محمد لعد منو غيره
قصي محمد يتحرش بيج
لمى اي محمد لعد منو غيره
قصي شلون اتحرش بيج بله
لمى يوميه يدزلي رساله ويكول احبج وعوفي قصي وخل نزوج اني وياج
قصي ههههه محمد كال هيج
لمى اذا ما تصدقني هاك شوف هاي الرسائل الي جاي يدزها اليه
هاي تالية الثقه والخوه واحد مثل هذا مو مال احترام ابد
هسه تطرده من المكان
من المطعم ومن الشقه واحد مثل هذا مو مال احترام
لو اني لو هوووو
اذا ما تطرده هسه كدامي من المكان
اني اروح الاهلي
جمانه السعيدي
قصي اهدي اهدي واكعدي خل اصيح محمد وافتهم منه
قصي اتصلت على محمد كتله اصعدلي فوك بسرعه
صعد محمد وهو مستغرب خير شكووو شصاير
قصي انت ليش تتصل بزوجتي وتتحرش بيه
محمد اني اتصل بزوجتك واتحرش بيه
زوجتك مثل اختي ومستحيل أقرب عليه
لمى اي تمسكن تمسكن الي يشوفك يكول بس هو وبس
صارلك اسبوع يوميه مسج
عوفي قصي قصي ما يفيدج اني احبج
تعاي نتزوج قصي ما يستاهلج
محمد نزلت حواجبي انتي جاي تحجين عليه
اني سويت هيج
هذا تليفوني واذا اكو رساله اني دازه الكم حق عليه
لمى طبعا ضميت التليفون الي تتصل منه وجايب هذا التليفون
اني هسه راح ادور التليفون الثاني واجيبه
لازم اليوم تنكشف على حقيقتك
كافي مخدوعين بيك كل هذا الوكت
جمانه السعيدي
لمى نزلت جوووا وطلعت التليفون لان اني ضامته
وجبته واجيت
لمى هاك هذا التليفون الي يتصل منه صاحبك
الي خلاك آمنت بي ويريد يطعنك بضهرك
قصي محمد اكعد اريد احجي وياك ويه لمى
لمى شنو يكعد اطرده برا ما اريد اشوفه بعد هنا ابد
قصي كمت سديت باب المكتب
ورجعت المكاني
قصي همزين حجيتي اني جنت منتضر هاي الفرصه
لمى شنو قصدك ما فهمت
قصي هسه راح تفهمين كلشي لمى كاعده ومحمد كاعد كدامه واني بديت احجي
باعي لمى من اول مره شفتج حبيتج وجنت مستعد اضحي بعمري اللج وما اندم
وشكد فرحت من كلتي احبك
ومن شفتج انتي واهلج جايين تبلغيني بلموافقه على الزواج
كان اسعد يوم بحياتي
بس بعد الزواج بديت اكتشفج على حقيقتج
لمى بصوت عالي شنو تقصد
قصي اقصد انتي ما تستاهلين حبي ولا تستاهلين كلشي سويته علمودج
لمى بس
قصي لا تحجين ولا كلمه
من بدا موضوع الحمل يتاخر بديت اشك بيج وكلما اسئلج تكولين رزق رب العالمين
وانتي ماخذه ابره مانع حمل
اني بلبدايه شكيت ودورت بلكنتور ومالكيت اي موانع حمل
بس اخر مره اخذتج للتحليل
اتفقت ويه ابو المختبر يسويلج تحليل ويشوف اذا تاخذين موانع
وفعلا طلعتي ماخذه ابرة مانع
ممكن اعرف ليش ماتردين جهال مني اني بيش قصرت وياج
لمى سكتت ودنكت
قصي ليش دنكتي احجي اني شنو ناقصني وماتردين جهال مني بيش قصرت وياج
لمى اني ما مستعده للحمل والولاده بعدني زغيره
قصي كذابه واكبر كذابه هاج شوفي رسائلج ويه امج
نسيت اكلج اني ربطت الواتساب مالتج
وكل مكالماتج تطلع عندي
جمانه السعيدي
خل اني اقرالج بعض الرسائل
.لمى... يمه قصي يلح على موضوع الاطفال
امي... هذا من كل عقله
.لمى...عوزي اخلف من واحد لقيط والمشكله كله تعرف بي لقيط وباجر الكل يعير جهالي بي
....لا طبعا ما نريد جهال منه
....ولله مللني يوميه ماخذني للتحليل
...خلي يضرب راسه بلحايط لا تحبلين ولااجييبي جهال
بس بسرعه همي ايدج لميلج كم فلس
قبل لا يكتشف الحقيقه
....شلون وهو كلشي باسمه ويحسب الوارده والشارده
...هو مو يحبج اضغطي علي
...يمه السياره كوه حصلته منه بعد اريد الشقه يسجله باسمي بس محمد كاعد بيه
...شنو محمد مشاركم
...خل ادبرله مصيبه واتخلص منه
جمانه السعيدي
قصي هاي المصيبه الي دبرتيها هاج شوفي شلون طالع بلكامره وانتي اضمين التليفون
وعلى فكره محمد مايضم شي عليه
بيوم دزيتي يشتريلج شريحه خابرني
واني اتصلت عليج اسئلج على المواد الي دزيتهن وصلن
وانتي رديتي
ساعته عرفت خطج ما احترك بس تردين تحضرين مصيبه
مع الاسف عليج ما تستاهلين حبي وتقديري
صار فتره من كشفتج بس كلت خل انطيه فرصه بلكت تتغير يجوز تتندم وتعتذر
بس انتي ما منج فايده ابد
لمى اي اني ما احبك وراح انفصل عنك واخذ كل حقوقي منك كمت اريد اطلع من الغرفه
قصي اوكفي عوفي مفتاح السياره
لمى هاي سيارتي وباسمي
قصي لا هاي الأوراق الي عندج مزوره طمعج ما خلاج تتاكدين من الحقيفه عوفي المفاتيح واطلعي برا
راح ادزلج ورقت طلاكج
وبعد ما اريد اشوف وجهج ابد فهمتي
