رواية تاج مصر الفصل التاسع بقلم ليل ادم
بعد مرور أسبوع كان تاج والصياد على ميعاد لمغادرة المستشفى
الصياد: حمدالله على سلامتك يا تاج
تاج : الله يسلمك يا فارس كانت هتكون احلي لو كان الواد ده خرج من المزرعه على القطاع
الصياد: ولا يهمك يا بطل المهم انك بخير وبعدين هيروح مننا فين
تاج: حقك ياعم ما بقا في جيبك
الصياد: حظه وحش اوي راح على سيناء بيتي التاني
تاج : راجع سيناء ولا قاعد معانا شويه
الصياد: لا بقا مبقاش وجودي هنا ليه لزوم والوحده النهارده بعتتلي علشان ارجع
تاج : هتوحشني يا صياد والله
الصياد: أبقا تعالي سيناء في الاجازه ياعم عايز اوريك جمال بلدك
تاج : فين بس الاجازه ياعم ما انت عارف اللي فيها
الصياد: ياراجل دا انا مش عارف اقعد مع العيال
تاج: اديك راجع اهو ياعم اقعد معاهم لحد ما ترجع الوحده
الصياد: منا هعمل كده دكتور القطاع خد مني الإشاعات وقالي هتابع معاك في التليفون
تاج : ومستني اي ع البيت يا وحش
الصياد: اشوفك على خير يا تاج
تاج: (حضن الصياد) اكيد لينا رجوع مش كده
الصياد: طبعاً يا بطل سلام
تاج : سلام
ركب الصياد عربيته متجه الي سيناء وبعد الخروج من القاهره مباشر
سعد : ابو القاسم خرج من القاهره اعمل اي
ابو القاسم: اوعي يحس بيك أنا عايز الترتيب زاي ما قولت بالظبط كل واحد منكم يسلم اللي بعده بدون ما يشعر أنه تحت المراقبة
سعد : تمام يا أمير أنا وراه اول ما اوصل ل ابو سعيد هختفي
ابو القاسم: بالظبط كل واحد يسلمه بهدوء خالص لحد ما يوصل
سعد : تمام يا أمير
الصياد: (رفع تليفونه يبعت رساله الي العراقي )
أنا رجعت الوحده يا عراقي أن شاء الله اول ما أنزل اجازه المره الجايه هجيب فيروز تقعد معاك يومين تلاته
عراقي : ياريت المرادي تطلع أد كلامك فيروز و جميله وحشني جدا
الصياد: وانت كمان والله فيروز طلبت تنزل تشوفك كتير بس انت اكيد عارف الوضع عامل اذاي الوقتي بس مش هغيب عليك تاني متقلقش
العراقي: خلي بالك من نفسك يا صياد
الصياد: وانت كمان يا عراقي لا اله إلا الله
العراقي: محمد رسول الله
بعد مرور ست ساعات كان وصل الصياد الوحده نزل من عربيته
ياسين : حمدالله على سلامتك يا بطل والله العكاز ده تعب معاك
الصياد: لا ياعم دا واحد جديد
ياسين : الكلب بتاعك من أول امبارح عامل مصيبه مش عايز يسكت ولا المدرب عارف يتعامل معاه
الصياد: حاسس بيا
ياسين : رايح فين كده
الصياد: جاي اخد هولمن وطالع للقائد وراجع البيت
ياسين: القائد لسه طالع من القطاع حالا
الصياد: خلاص أجيله بكره أن شاء الله
ياسين: خليك قاعد في العربيه هكلم المدرب يجبلك هولمن
الصياد: حنين من يومك أنا أصلا مش قادر اطلع ومش معايا رقمه
ياسين : ولا حنين ولا بتاع انت شكلك يقطع القلب هو الواد ايده تقيله اوي كده يا وحش
الصياد: اه شوفت عامل ذاي ابو حبيبه كده لما روق عليك في عيون موسى (وبيضحك)
ياسين : دمك يلطش اترزع في العربيه
الصياد: طب خد متزعلش
ياسين: ملكش دعوه (وبيضحك)
بعد مرور عشر دقائق كان هولمن نازل جري على الصياد وكأنه عايز يحضنه
الصياد: خلاص بقا بروح امك اركب وخلي الاحضان دي في البيت
المدرب : بصراحه يا قائد الكلب مش طبيعي ولا كأنه متربي على أيدي رافض اي امر وكأنه عامل إضراب لحد ما ترجع
الصياد: معلش يا كابتن محمد تعبك معايا
كابتن محمد : ولا يهمك يا قائد والف سلامه عليك
الصياد: الله يسلمك مع السلامه
كابتن محمد : في رعاية الله
وبعد ساعه كان الصياد في منزله
الصياد: ياله ياعم انزل (وكان الكلب ينبح بصوت مرتفع جدا)
الصياد: ياض اسكت عامل مفاجأة للعيال فضحتني
جميله: فارس مالك (وبتجري تحضنه)
الصياد: اه بالراحه رجلي في ذمه الله يخربيتك
جميله: مالك في اي
الصياد: وقعت على رجلي وقعه بسيطه فيروز فين
جميله: لسه نايمه من نص ساعة
الصياد: لا تصحا دي وحشني جدا جدا
جميله: طب الأول بس تعالي اشوف رجلك وبعدين اعمل اللي انت عايزه
الصياد: أنا لسه جاي من المستشفى يا دكتوره جميله متقلقيش
جميله: فارس من فضلك وريني رجلك
فارس: يابنتي في اي
جميله: فارس بقولك عايزه اشوف رجلك انت خايف من اي وريني
الصياد: لا ابدا اخاف من اي يعني بس الموضوع بسيط وأنا تمام
جميله: حضرتك كنت بره سيناء صح
الصياد: حصل
جميله: على ما اعتقد انك قولتلي انك مسافر القاهره يعني انت خارج من مستشفى في القاهره سايق العربية لحد هنا يعني ممكن يكون حصل في رجلك حاجه نتيجة المجهود ممكن اشوف رجلك بقا
الصياد: خدي العكاز طيب خلي عندك حبه احمر
جميله: البيت بقا صيدليه بسببك نفسي تطلع معاش بقا أنا قلبي وجعني اوي كل يوم رعب
الصياد: بعد الشر عليا اطلع معاش اي
جميله: ينهار اسود اي ده يا فارس دي وقعه انت شايفني عبيطه دي رصاصه وبعدين دي سنان اسد دي ولا اي
الصياد: لا دي سنان تمساح خرج عن السيطرة في التدريب عضني
جميله: والطلقه برضوه خرجت عن السيطرة
الصياد: شكلها كده البت فين بقا
جميله: هطلع اجيب فيروز خليك مرتاح انت
الصياد: لا استني اخد شاور والبس مش عايز فيروز تشوف رجلي كده تفتكر ابوها مليجي ولا حاجه
جميله: فشر وحياتك أنا متجوزه وحش سيناء
الصياد: اه بحب أنا الكلام ده
جميله: (بتضحك) منا عارفه هطلع اجيب فيروز والحمام جاهز كمان خش
الصياد: انتي كنتي عارفه اني جاي ولا اي
جميله: لا أنا كنت داخله اخد شاور بس انت جيت يبقا تدخل الأول
الصياد: بنت حلال والله بنت حلال
جميله: هو هولمن ماله من ساعه ما جه نازل دوشه
الصياد: روحي شوفي فيروز انت ياله
جميله: حاضر
بعد خروج جميله راح الصياد تجاه باب المنزل فتح الباب بص على هولمن كان شكله غير مطمئن الكلب عمال يتحرك بسرعة شمال ويمين وينبح بصوت عالي دا ممكن يكون بالنسبة لأي شخص طبيعي بس الصياد شك أن في حاجه بتحصل بره المنزل طلع تليفونه ودخل المنزل
ياسين: نعم يا سيدي انت مش رجعت البيت فكك مني بقا
الصياد: ياسين شكلي حد عرف مكان بيتي
ياسين: اذاي يعني انت بتهزر
الصياد: (فلاش باك يفتكر من وقت خروجه من المستشفى لحد وصوله البيت وبدأ يربط احداث ببعض)
ياسين: فارس فارس روحت فين أنا جايلك حالا
الصياد: كنت متراقب
ياسين: جميله وفيروز عندك ولا فين
الصياد: (مش مركز في كلامه من الضغط النفسي والتوتر على جميله و فيروز)
ياسين: فارس العيال معاك في البيت
الصياد: اه معايا (وقفل المكالمه وطلع جري على جميله و فيروز
