رواية كريات الدم السوداء الجزء الثاني الفصل التاسع بقلم زحل شريف
××××××قدر××××××
_بعد ما رفضت تنازلي لبيت فاروق زادت مخافي
الوحدة الانه بيها قست كلبي بالاخص بعد ماعرفت
سونه رجعت عله مود راضي .وشكد حاول يبرر
تصرفها بس مااقتعنت.رغم رحت وقابلتها بس
ماسامحتها .من يومها تجردت من ضعفي ودست
عله كلبي وصرت كتله غضب وحقد ورجع فتح
موضوعها .
ثابت::الله يصفي كلبوبكم تبقون اخوات.
_ماجني اسمعه كل هذا مو سبب مقنع لتخليها
عني غير بس ماحسابتني اختها . تصرت عيوني
بسبب غيض كلبي والغل مله روحي بحيث
كرهت كل الناس .
ثابت::انه اترخص. محتاجه شي.
_سديت الباب ورا وكعدت
احس عقلي تعب الوحده تجبرني عله التفكير
داهم وحدتي دخولهم هو وبنين .تلكيتها مجامله.
بنين::مشتاقتلج مووووت.
_اكتفيت بهز رأسي .الحلو بيها ماتلح.
بنين::اليوم نسهر جبت نمنمات
اويلي قطيت مولي .قطه .
_تحجي وطلع بالحلويات
قاطع فوضتها بطلبه .
ثابت::دكومي سويلنا جاي
وخليلي من هذا البسكت.
_رفعت راسي لكيته يباوعلي
هزيت راسي بمعنى شكو .عدل جلسته
رد وهو يرسم ابتسامه كذابه عله وجهه.
ثابت::النضر الج مثل دخول متاهه مضلمه
بنائها يدل عله وجود كنز ثمين .وتعرفين
الفضول غريزه فطريه عند الانسان
رغم الخوف بس متعه الاستكشاف .تجبرك
للمجازفه .
_رفعت حاجبي . بعدم رضى
ضحك بثكل . ومااعرف ليش احسه يستفزني
حجيت بعصبيه . مااضن اكو شي يضحك؟
ثابت::يابه شبيج عصبيه
_يعني كاعد تضحك عليه وتريدني
اصفكلك.انه احجي وهو يحاول يكتم ضحكته
نرفزني حيل.
ثابت::ماعاش اليضحك
عليج بس اذكرت سالفه .
_رديت بعصبيه. خو سولفها وضحكنا
وياك . هز راسه اي .
ثابت ::كان اكو بيت بطريق مدرستنا يسمو بيت المسيحي اصحابه مهجارين ماعرف ماتو. تعرفين بسبب عوامل الطبيعه تلقائيه صار شكله قديم يخوف وكثرت عنه الاقاويل ناس تكول نسمع مرة تصرخ والي يكول صوت طفل.
_شدني الموضوع .رفعت رجليه
تربعت وجريت الكوشه مال التخم خليتها بحضني
استمع بتركيز . اجت بنين خلت الصينيه قدمتله الجاي
وانضمت للكعده . وهو مستمر يسولف.
ثابت::وانه حجيتلج عن الباشا من كان زغير
هو متقمص دور الضابط الشجاع . الي يطارد المجرمين
_ابتسمت . وانه اتخيل شكله .بهذاك العمر.
ثابت::كل مرة امنعه من دخول بيت
المسيحي. وبيوم عاند اله ندخل .
_هزيت راسي .اي.
ثابت::خفت اعوفه والحجي
يرزلني . انجبرت ادخل ويا .
_قطع حديثه .صوت نقاله رد.
وعينه عليه.
ثابت::هلا بيك اي موجود تمام
دقايق واكون بالبيت ..
_نهى اتصاله والتفت عليه .
هزيت راسي شكو .
ثابت::عمام فاروق جايين للحجي.
_كام وهو يوصينا نقفل الباب
ضجت لان ماكمل السالفه وبفضول سالته
تجي بليل لو لا. باوعلي ونضراته تربكني
ابتسم بمكر .ورد
ثابت::محتاجه شي؟
_ لا بس عله مود تكمل السالفه
مال بيت المسيحي .جاوب وهو يغمزلي
ثابت::غير مرة اسولفها الج .
_كامت بنين قفلت الباب
ورجعت تحجي بحماس.
بنين::دوريلنا فلم اكشن رعب
كون من الخوف انام .
_رغم حالتي الزفت بس ضحكتني
بنين::ضحكي .
_مااضن الي نصيب اضحك.
بنين::كل شي اله نهايه واكيد رب العالمين
وضعج بهذا الاختبار .لاجل يمتحن صبرج.
_خلصتها وياي سالفة تجر سالفه
سوينا اكل وتوني احاول اطلع من هوسه
تفكيري وضلام روحي . ودك نقالها ردت بقلق.
بنين::ها يمه .يا شعدهن شعجب كلهن جايات.
اي اي دزي عليه مولي . خوش لا اكلهن جنت
يم صاحبتي ادرس .
_سدته وكامت لبست حجابها
وهيه تتذمر.
بنين::يوووو اكيد هسه تشتغل
الهوسه وماطايح بيها غيري جاي ماي.
_وليش ترحين . شنو ماكو غيرج
مو مريم موجوده واريج ونغم.
بنين::لازم اروح اكيد يسالون عليه
وهنه اصلا مبينه جيتهن بسبب .
_ اجه عليها مولي عرفت.الموضوع يخصني
ومنا بدت الافكار تهجم عليه.كل صفناتي مااستنتج منها غير انو الزمان يعيد نفسه . وكفتي بالشباك
ونضراتي للباب هزيت راسي طارده افكاري
شكد مااحاول ارسم حياة مختلفه ماترهم
ايام توجع الروح .فززني صوت الباب
كمت بعجز فتحه واتفاجئ بالباشا
الباشا::بيها مجال تضيفين استكان جاي.
_ابتعدت مسويتله مجال
دخل وانه توجهت للمطبخ .سويت جاي
خليت الكوب كباله اشرلي اكعدي . كعدت.
الباشا::ياقدر انه مااحب الف وادور
من الاخير دزني عليج الحجي .
_عرفته عله مود بيت فاروق. سكتت محتارة.
رديت اونه اعصر بااديه . هايه الي يشوفه صح.
قاطعني بااعتراض.
الباشا::الصح ماتتنازلين.
_لو عندي اهل لو مامحملتكم
همي ابوكم حقه . يخاف من المشاكل.
الباشا::لان اعرف كلامج بدون قصد
ماراح اعاتبج . بس خلي ابالج مانخاف
واذا متردين تتنازلين محد يجبرج .
_ضروفي تجبرني.
يعني لو انته بمكاني شتسوي.
الباشا::استغل الضرف . قدر بيدج
سلاح وهو ثابت. ثقي لو اطلبين منه
يمحي اثرهم . وانه اعتبريني اخ وداعت الحجي
لو يجيبون فاروق من كبرة هم مااخليج تتنازلين.
_رغم كلامه مابي اي سوء
بس مااعرف ليش نرفزني رديت بقهر . جا ماحميت سونه الي استجدت بيك تدري انته سبب ضياعها.
الباشا::لو مطلعها جان قتلوها
وطاحت براسي قدر اكو امور ماتعرفيها
يمكن هيه ماحجتلج الصعده وناسها بؤرة اجرام
انه وياها جنه عله الحافه.
_اعذارك ماتفيد بعد.
الباشا::جانت الانضار عليه
بوقت المهمه واعدائي جانو منتضرين الزله
لو مطلعلكم مناك جان اتهموني بالتعاون وياكم
وهيج انه وياها تتلفقنه تهمه تودينا ورا الشمس.
_الكلام بعد مايفيد . هيه راحت.
الباشا::وانتي كلتيها هيه راحت
ياقدر هيه الي عافتنا مو شوفت عينج ترجيتها
ايام وانه ادور تالي فضلت عليه شخص ماتعرفه.
_بسبب اهلك . همه بعدوها
شوف مو عبالك ادافع عنها .بس ابوك رفضها
عاقبتونا عله ذنب مو ذنبنا. لاانه اختاريت اكون
وليدة غلطه من شخص نذل. ولا هيه جانت
رايده حياتها ويه سليمه وابوها الطبال
موذنبنا انولدنا بهيج ضروف ليش تعاملونا
وكأنو بينا مرض معدي اسمه نسب اسود .
الباشا::غلطانه والدليل هاي انتي
طردج ابوي مو متحمل مشكله ورثج
واكف وياج .زين ليش مامنعو ثابت يعقد عليج.
_انته تختلف عذرهم منصبك.
الباشا::وهيه مشت بكلامهم.
_وحته زواجي من ثابت بأتفاق
يعني ابوك ماوافق لحد تاكد بس اخذ ورثي اطلك
الباشا::ولو نفرض كلامج صح.
جان يكدر يحل مشكلتج كدخيله بدون مايعقد
عليج ولا يدخلج بنص بيتنا وعائلتنا اختج مالها عذر جان كالت خلولونا مكان انه واختي وساعدونا . ماضن انتي غبيه ياقدر . ثابت لو مارايدج .
_قاطعته حته لو رايدني
مستحيل اقبل انه كتلكم بس اكمل اموري
يطلكني .
الباشا::اذن انتي واختج نفس العجينه
_باوعتله بغضب . رد
الباشا:: اي جنتن تكولن انريد
بس ننستر اي شخص يطلعنا من الصعده
ويحمينا . ودزلج رب العالمين ثابت ارقى الرجال.
_يارجال انته تضحك عله روحك
شنو فرقه عنك من تزوجت سونه. والدليل
ضامني بيت محد يعرف بوجودي.مستنكف يعلن
زواجه بيه وحقه اكيد راح يتعير لا والمصيبه
لو انه راقصه عادي يكول تابت بس نغله شلون يبررها
الباشا:؛توج كلتي موذنبنا . اسمعي يابه الانسان
هو يحط قدر لنفسه ويفرضها عله الناس نصيحه
لله لاتخسرين ثابت ترى رايدج .
_حته لو رايدني . راح ابقه العمر كله
بعين اهله بت راضي العبد.جانت هيه واختها
يركصن ويغنن .
الباشا::خايبه ياهو مايحب الركص
كفيلج الله دخل يصير عرس وشوفي النسوان
خيرتنهن تهز ركبه . ومنو مايتمنه عنده صوت مثل صوت السمرة .وصوتج غير ابوج اليل كله كاعد يكتبلج
_نزلن دموعي. باوعلي وتحسر
رديت بعبرة. عافتني تخلت عني لو هيه وياي
جان ماتحتاريت . جان عشنا بعيد وحدنا مانريد
بشر ولا ناس .هيج جنه متفقين.
الباشا::والي عافني اعوفه واحاول
اصير افضل منه. ادعيلها تستقر هيه هم تعبت
رغم زعلي عليها بس عاذرها طفله والضروف اكبر
من استيعابها .
_احس داس عله جروحي
صرخت . ضلمتونا حيل .عساها بعافيتكم
ان شاء الله ماترتاحون مثل ماسلبتو الراحه
منا اختي اتحطمت تدري لو لا.
الباشا::يجوز زواجها بي خير الها
يمكن الله بعدها لاجل ترتاح .
_ولك شترتاح وهيه شابعه ضيم
تدري ماخذيها بس حته تخلفلهم طفل.
فقدت ماحسيت اله وانه حاجيتله كلشي عنها
ضل مصدوم . حاول يهدئني .كام جابلي ماي.
الباشا::بس فهميني يعني شنو .
_احجي واشهك وهو كل ماتخلص جكارته
يشعل غيرها . اخر شي كتله كلكم زواجكم منا مصلحه.
الباشا::المرأءة تفوق الرجل بدهائها
وانتن تملكن عقول وجمال . استغلنها.
_اشكد ماتكون احجام عقولنا
ماتوصل لكبر حقارتكم . دنك يتحسر.
وانه مستمرة احجي وتفاجئت بي مايعرف
بيها جايه للعراق.
الباشا::سهله اعلمها هيه وثابت
خير ان شاء الله بس خلينا نحل موضوعج.
_مافهمت.
الباشا::مو لان هو عمي وانتي عرفتي مكانته
عدنا . وحبنا اله ترى نعتبرة اخونا الجبير
ثقي ياقدر ماتكلين افضل منه.
_خو كول مايلكه مثلي
صيده تايهه مالها احد تقبل تبقه بالضلام.
الباشا::ارجع واكلج الانسان هو يحدد
الي يريده. فرضي نفسج وخلي يفرضج
عله الكل وان رفض معناها مايستحقج.
_باوعتله بحيرة.
الباشا::الي يركص بعرسي مايكدر يعيرني
والي يطربه صوت اختي بعد ميكول عنها
تغني والي يباركلي مايكدر يتجاهلني .
_وسونه .
الباشا::تتعاقب هيه وثابت.
انتي شرطي عليه يعلن زواجه وشرط
يخطبج منها وهيج تخلين الكل يتقبل وجودج.
الحياة فرص لاتضيعيها وتبقين تتحسرين
فكري بعقل بنيه حلوة زغيرة مستحيل تكدر تعيش
لوحدها ماتسلم من الناس وبيت فاروق اذا عرفو
بطلاكج ينبشون جدج .دسجلي رقمي و فكري ورجعيلي خبر
_طلع وانه اليل كله افكر
اي كلامه صح ماكو غير حل فرصه
واجيب سونه يمي . ايام وثابت محتار
بسكوتي اتصلت عله الباشا كتله موافقه
بس فاجئني من كال.
الباشا::افضل قرار اتخذتي
اتمنالج التوفيق . هيج انتي ترتاحين
اختج رفضت مساعدتي ومتفقه ويه زوجها
يخليها بيت بالعراق وهو موافق .فيا قدر حاولي
تتقبلين ضرفج وتعيشين ان ولبه شروط ثابت
وان لا فتبقين يمنا معززة مكرمه.
_رديت بنحيب
لا انه طفله واتقبل الوضع وبيها مجال تتبنوني
واتعايش ولا انه كبيرة بالعمر وغريتكم كرجال
جنوبين تلمون كبرتي لحد مااموت
انه حاله شاذه ضاهرة غريبه .
الباشا::القدر انتي .
وثابت ماعقدج اله عبط ولا متفضل عليج.
غير يريد ينفجر من الغيرة.
_نهيت مكالمتي ويا .وانه كارهه
نفسي حقدت عله سونه حيل . وردت اي شي
اذوقها مرار العشته .ضل ثابت يروح ويجي
لحد مااتفقنا واخذني الها . وعبالي من اشوفها يذوب
جليد الزعل بس ماعرفت ليش هيج سويت والغثني
جيت زوجها وشريجتها . غيرة صابتني
حسيت خذوها مني حاولت جاهده اخرب بينهم .بس هيه جبل مااهتزت اباوع عليها حليانه حيل وكبرانه لبس الخليجي لايك الها والخصل الشقرة الي مسويتها لشعرها زايدتها جمال . بعد ماراحو بيت ابو اسعد
كلت اقنعها تعوف فيصل .نايمه وفزيت عله صوت الباب رفعت راسي شفتها طلعت شويه وكمت وراها
لكيتها بالديوان هيه وابو بشاير الرجال مدنك يمسح بدموعه وهيه مثل الضايع تتلفت . ماانكر نقهرت عله
بشاير بس حسيت بيهم مستغلين سونه .
ابو بشاير::وهذا الي خلاني اجي
مو هين احجيها . بس اشوف بعد ماكو مانع
_ردت مقاطعته .
سونه::لا لا ان شاء الله تتعالج
انته مو كتلي سبب جيتكم للعراق من تمرضت والدتك
ومن زورتوها طابت كوم ناخذها للامام وهم تطيب.
_تحجي ودموعها تصب
وهو صوت شهكته واضح.
ابو بشاير::كله شي بحكمه
يجوز لقائنا فيج كان مدبر بأامر الهي .
_ضلو واحد يواسي الثاني
لحد ماصار الصبح . كامت وهيه تحجي
سونه::لاتعتبروني زوجة فيصل
خلوني بتكم واوكف وياكم بهاي المحنه
خل ارد جزء من فضلك عليه .
ابو بشاير::ان كان حاسبتني اخ
تلبي طلبي ترجعين ويانه والك عليه
اخليك بعيني ومايمسك غير العافيه.
_ماكدرت اسكت . رديت عليه
ماصار معلوم بنتك تموت بعد شهر
خو ماتبقه اختي حقل تجارب . ويجوز بشاير
تتعالج هنا شنو مصيرها ترى حرام عليك مستغلها.
سونه::اسكتي قدر لاتدخلين
_باوعتلها وضحكت بقهر
هزيت راسي تمام وكمت لحكتني
تتعذر دفعتها . خلص حياتج وانتي حرة بيها.
سونه::شنو هل قسوة ولج يكلج
ايامها معدودة. تحجين ويا بصلافه.
_ضلي مثلي دور الضحيه
ماعرف ليش حابه تبقين مذلوله.
سونه::ماكو ذل . بشاير تتصرف
حالها حال اي شريجه. وهسه تشوفين
زوجة ثابت من تعرف بي تزوجج.
_درت وجهي منها طبج مرض.عافتني وطلعت
كم يوم وانه الوب خابرت ثابت مارد عليه
هذا هم يرادله ضبه. لكيتها فرصه اتصل بالباشا.
وحجتيله عن بشاير .
الباشا::كملي امورج اذا ماربطتها
بسله السيارة وجبتها . بس لاتحسسيها
تصرفي وكأنو ماهامج .امرها ضلي بزعلج.
_شمرت النقال وطلعت
لكيتهم بالصاله من شافوني
كامو فيصل وابو بشاير
ابو بشاير::حنه رايحن للسوك خذو راحتكم
_التفت فيصل عله بشاير.
فيصل::تمشين ويانه؟
بشاير::لاه ابي اريح شوي.
_تصرفاتها تنرفزني. راحو وسونه طلعت
تنضف الديوان . كعدت اباوع لبشاير الي ماهامها مرضها صفنت الي مثلها هسه تنوح ليل نهار مجرد تفكير بالمرض وسلبياته امر كافي يخلي الشخص يتعب نفسيا بس هيه عبالك تريد تنتقم من الناس حته ويه زوجها وابوها سلوبها زفت .نبهتني من تفكيري بسؤالها.
بشاير::اله ابي اسالك . انتي تشبهين
امك واله ابوك . اكصد لونك .
_رديت برود انه وسونه نشبه
عمتي. ترى واضح الشبه بينا .
بشاير:لاه اهي بلكه جمالها جاف
وسمرة ماهي بلونك.
_ضليت ساكته افكر برد كون يشفي
كلبي وهيه مستمرة.تحجي.
بشاير::زين ام سونه حلوة وله
مثل سونه .
_التفتت عليها متفاجئه من حقارتها
وماجانت متوقعه ردي كتلها تدرين
قليل بحقج السرطان حجيتها وكمت.
بشاير::سرطان بكلبج ان شاء الله
يالطكاكه يبت اليل .
_باوعتلها وانه احجي بكلبي فرصه
ماتتفوت. مادام محد دخل افوخ كلبي بيج
ابتسمت بمكر . ورجعت وكفت كبالها حجيت
بصوت ناصي. الضاهر فيصل ضام عليج
موهبه ثانيه غير الطك . فاجئتني بردها
بشاير::ههه ركاصه .
_لاه عله كولتكم . اله في شي ثاني
الي خله فيصل مايطلكها.
بشاير::اصلها وشهادتها.
_لاه صوتها . غير ماتدرين
سامعها تغني . ومتخبل .فكت عينها بصدمه
غمزتلها ودخلت للغرفه. شويه واجت سونه
اخذتلها ملابس راحت سبحت واجت انتبهتلي اباوع عليها درت وجهي .ضحكت .
سونه::ترى ادري بروحي حلوة.
_وشنو الفايدة وفيصل حاظن بشاير.
سونه::هذا الشي الي مخليني مرتاحه
لان مالي نفس بحظن رجال.
_عوفي ورجعي للباشا .
سونه::وهذا سبب زواجي
منه فيصل حته الباشا يعتقني.
_تدرين هسه تأكدت انتي
جذابه وماحبيتي واحد منهم
لا هو ولا محابس.
سونه::الحب مو كافي
حبيت الباشا وجنت اموت غيرة
من اشوفه ام طيبه بحظنه بس اتاكدت
حته وان حظني . مؤقت يجي يوم ويعوفني.
_بس هو رايدج ومستعد.
سونه::ولج شمستعد
يتخله عن اهله . خوش والناس نكول
مايهتم . بس منصبه تعرفين شنو منصبه.
_انتي مو احرص منه عله
نفسه ورتبته.
سونه::اول ايام حب وغزل
وياخذنا اشتياقنا . بس بعدها راح
يتعب بسبب لوم اهله والمشاكل الي يواجها
عبالج هينه تدرين عنده اعداء يردون الزله حته يسقطونه واولهم علاء الي يصير اخو زوجة ثابت
واكيد من راح يعرف بيهم خطبوج وكسرو
بااخته مايسكت .
_ تاكدت ثابت هو الي حاجيلها
هذا اسلوبه بالكلام .كتلها خوش يولي
الباشا اطلكي ونعيش انه وياج.
سونه::وثابت الي جاب اهله
وفرضج عليهم قدر . الولد خوش ولد
وماتلكين مثله لاطارق ولا غيرة .
_يولي مااتزوج . نبقه بس انه وياج
سونه::مايستحق منج هل
نكران . ولج جاب الكل وسوالج
قيمه واكف سيف لاجل يطلع حقج.
_غصبن عليه بسببهم
ضعنا. وخاف ابالج جبرته يجيبهم
بس هو خاف يطلع طارق واروحله
يعني لو حالتي مثل حالتج هم جان استغلني
وكال ازوجج بالسر واستر عليج .بس همزين
استغليته قبل لا يستغلني والله لطلع الهم كلب
سونه::يحبج لاتخسرينه
وحته انتي هم تردينه لاتنكرين.
_الدنيا مصالح والشاطر الي يغتنم
الفرصه .
سونه::وثابت فرصه ماتتكرر
_انه منج اطلك واخذ
الباشا واخلي يحطني فوك روسهم.
سونه::زوجته بت عمته
واكيد ابو ماينطي بيها ولا يخسر اخته
سدي الموضوع . وفرصتي فيصل الي
من خلاله راح اصعد فوك الكل .
_تمام بس انه اريد اطلب
منج طلب .
سونه::عيوني .
_اريدج تحضرين عرسي .
سونه::اكيد غير اخت العروس.
_وتغنين اريد اثبتلهم
خطبتوني وتدرون بينا شنو.
سونه::هيج تحرجين ثابت.
_حته لايحرجوني بيوم
اليركص عله صوتج ماله حق يعيرني.
سونه::تمام اتفقي ويا وسهله.
_قاطع حديثنا صوت دخول بشاير.
بشاير::سونه ساوي لفيصل شاي.
_كمت وانه احجي
جاماسويتي انتي لو بيج سرطان.
جرتني سونه وهيه تخلي ايدها عله حلكي.
بشاير::يابت الزنا ياطكاكه
اليوم اريد اربيج.
_هدت تريد اطكني صارت سونه بينا.
سونه::امسحيها بوجهي
يبشاير اطلعي حبيبه وانه هسه
اسوي جاي من عيوني .
_طلعتها تجر بيها
دنكت اخذت نقالي اتصلت بالباشا
حجيتله كل شي.
الباشا::انتي بس خلصي حفلتج
ومعليج اذا ماجبتها سحل من اعطوبها.
_وهيج ايام واحنه نحضر للحفله
ثابت كال اجي عليجن قبل يوم. طلعت ادور سونه .لكيتها كاعده يمهم . اشرتلي شكو كتلها
باجر نطلع للبصرة جاي احجي وطفرت بشاير
بشاير::حنه نبي نسافر لديرتنا
_التفتت عليها
وماتنكسحين منو لازمج.
بشاير::سونه تمشي معانا.
_باوعت لسونه بعتب.
والضاهر فاض الكيل كامت وهيه موجها
كلامها للكل. وشكد تعجبني من تشغل عقلها
سونه::اكمل زواج اختي
واذا مستعجلين روحو واجي وراكم
اعتقد يابشاير مالج حكم عليه ومن الاساس
انه متفقه ويا فيصل اسكن العراق وان رحت وياكم
فترة وارجع يعني ماله داعي كلامج.
_رفعت حاجبي لبشاير
الي سكتت . وابوها وفيصل ايدو سونه . جريتها وطلعت ثاني يوم اجه ثابت اخذنه وتفاجئت من
جابنه لبيته .
سونه::وين راح تكون حفلتكم.
ثابت::بالمزرعه.
سونه::شمعنه؟
ثابت؛؛غير المدام تريد دك وركص.
_من تزوجت مريم. شغلتو لطميه
وزعتو ثواب .دنكت سونه تخفي ضحكتها.
ثابت::لا شغلنه اغاني وركصنا
بس مريم .ما شرطت اختها تغني
ولا طلبت داكوكات .
_كلمن و ذوقه انه مايركصني غير الداكوكات
لازم تعرف كلشي يتغير اله الجينات الوراثيه
مستحيل تكدر تخفيها . والاصل غلاب
تدري السمر اصحاب كيف وطرب .
ثابت::بعد عندج معلومه تردين
اعلم عشيرتي بيها.
_حجها وتقدم عليه جرني
متوجهه بيه للغرفه . خرب عوفني
شبيك منا سونه . بحركه سريعه صفطني عله
الباب وترني قربه مني انفاسه تلفح بوجهي غمضت
متهربه من نضراته الجسرة بلعت ريكي وحجيت
ترى عيب الجاي تسوي . رد بصوت واهن.
ثابت::وين العيب وانه ماصار كم يوم
من ساحل اهلي وخاطبج .
_وهاي انته كلتها خطوبه
يعني بعدنا مامتزوجين .
ثابت::لازم تعرفين الخطوبه .هيه الفترة الي تقرب بين الازواج ومن خلالها يتم القرار لو يستمرون لو يفسخون.
غير اتعرف عليج اعرف شتحبين شنو .
_يحجي ويمرر اصابعه
عله وجهي . كتمت انفاسي من حسيت
بشفايفه عله خدي . شهكت بخجل وتوتر ادفع بي عبالك جبل ماتحرك . نقذني صوت نقاله أبتعد عني
ردت اطلع جرني وهو يرد .
ثابت::خير شعدك؟
_حاولت اتملص منه نوب شددت
قبضته ايده اكثر وجرني محتظني
وبسبب قربي عليه سمعت الدار بينه وبين الباشا.
الباشا::ردت اسال قدر وين تحب
احجزلها يامركز تجميل.
ثابت::اعتقد هاي المهمه مال نسوان.
_ضحك الباشا ورد
الباشا::مو صوجك دروح خل يقطونك
ترى البدله والمكياج تكلفتها اكثر من فلوس العشى.
_سكت ثواني وعبالك يفكر
ثابت::خوش اذا هيج اطينا
الي تريد تدفعهن واحنه نحجز بالمكان الي يعجبنا.
الباشا::لا مو هذا المركز
مال صديقي يتساهل ويانه بالسعر
__دفعني ورد بعصبيه.
ثابت::دمشي لك تريد توديها لصاحبك
يمكيجها سافل.
الباشا::لا يابه شبيك بس قصدي
مال زوجة صديقي.
ثابت::امممممم كتلي زوجة صديقك
اكول لو تهتم بااريج افضل .
الباشا:: غير اريد اوكفلك
قابل يوميه انته معرس .
ثابت::نخدمك بالافراح.
الباشا::ترى جاي تضلمني
ثابت::عود ندفع ردو مضالم.
الباشا::وحته اثبتلك حسن نيتي
افتريت عله عماتي وحده وحده
وبلغتهن عن لسانك . الي ماتحضر العرس
من يصير عندك طفل لاتجي وتبارك.
ثابت::عود صدك؟
_الفضول خلاني اغض النضر عن الصار بينا
وزحت الخجل . بسبب الفضول اتقربت عليه
رفع حاجبه مستنكر تصرفي .. غلست وذاك
مستمر يحجي.
الباشا::وروح امك.
_ضل يرزل بي وذاك يضحك تالي كاله.
الباشا::دنطيني قدر خل نتفق.
_ اشرتله اطيني النقال خزرني .
صحت مسمعه الباشا اي احجزلي انه واختي .
الباشا::تدلل قدرنا .
_حجاها وسده الخط
درت وجهي اريد اطلع جرني ثابت.
ثابت::اشوف طلعلج لسان
_ليش جنت خرسه. قبل.
ثابت::هذا الي ادعيتي اول يوم شفتج.
_والله عاد كيفي .
شوكت مايعجبني احجي.
_دفعني بنرفزة.
ثابت::انتبهي ياقدر وخلي ابالج ماحب
المرة الي لسانها طويل .
_توجهت للباب وقبل مااطلع
كتله اخر همي تحبني . طبكت الباب وراي.
لكيت سونه عله كعدتها. اووو وانتي شبيج
عبالك خطار دكومي غيري ملابس وارتاحي .
سونه::خل يروح ثابت.
_كعدت وعيني للغرفه حسيت بروحي جفصت
واتاكدت من طلع وجه مغيم . بدون ميباوعلي
وجه كلامه لسونه .
ثابت::حيا الله سلاسل .
سونه::رحم الله والديك.
_كعد متجاهل وجودي. وندمجو يسولفون
عن بشاير . ادخلت بنقاشهم بس ابد ماعار اهميه
وجنه مايشوفني احس فحمت شويه وترخص
لحكته للباب متحججه منو يودينا للصالون.
ثابت::مولي يجي عليكم.
_حجاها وطلع .هزيت ايدي عود شنو
مسويله زعله . يابه دروح. التفت لكيتها تباوعلي
بعدم رضا. غلست خلص الوقت بسرعه همزين همه
حاجزيلي بدله .
سونه::هسه انه المن رايحه وياج.
_رجاءا مالي خلك اداهر تحملينا بس
اليوم ومثلي انج اختي وفرحانه بزواجي.
سونه::تمام .
_ثاني يوم اجه عليه مولي
وطول الطريق هو مشغل اغاني ويركص
مولي::اسمر والعيون وساع جتاله.
_خزرته وسونه دنكت تخفي ضحكتها
رد سألها .
مولي::بروح ابوج لازعلين
بس الفضول موتني . هو سؤال ضال يحوس بكلبي.
ماعدكم بت عم بت خال اخت ابوجن مامعترف بيها.
_ريت عليه . اي عدنا شلون وحده.
مولي::كون تشبه سونه.
_فكيت حلكي بصدمه يا عينك عينك
شكد جريئ . ضلت سونه تتلفت من الفشله.
مولي::ها بشري شطلع وياج.
_اي احله من سونه . صوله ام الباكله.
سونه::خرب عقلج .
_وصلنه المركز نزلت وسونه شالت البدله
وقبل مانمشي صاح ورانا التفتت عليه شكو يمعود
تقدم وهو شايل بيده كيس مبين بي ملابس . عكدت حاجبي شنو هذا.
مولي::فستان دزته امي للسمرة قصدي لاختج.
_اخذته ومشيت استقبلونه بالمركز همزين البنات حبابات وسونه بسرعه مانت عليهن ضحك وشقه وهنه يتغزلن بيها بلشن بيه وقبل ماخلص اشرتلها تقربت
كتلها ام اسعد دازتلج فستان .
سونه::لا ياقدر اترجاج لاتحرجيني
انه البس صايه.
_ترى ماكو غريب بس اهل بيتهم
والحفله النا مابيها زلم اكشخي خل احرك كلبهن
بيج لخاطري اخر طلب والله .
سونه::ماشي .
_كامت جابت الفستان وتفاجى بي يخبل
لون ذهبي عدل وردن طويله بالجانب فتحه لبسته
طلع يموت عليها صح ظهر سمارها بس حلو ام المركز مكيجتها رادن يلبسنها عدسات رفضت .
سونه::احب لون عيوني .
_وهمزين عدهم قسم تصوير صورت انه وياها .
اكثر من صورة كملنا خابرت مولي اجه علينا
مولي::ترى وصاني تلبسين بركع
سونه::اي موجود ويه الفستان.
_لبستني وطلعنا . صعدت ورا وبسبب
البدله هيه صعدت بالصدر .عيوني للشارع
اذكرت من اجينا بيوم عرفنا الخال .ابو محابس
تحسرت . التفتت عليه وعيونها مدمعه .
مولي::لاتبجن يخرب المكياج.
_صدك ضحكني .كل شوي مغير الاغنيه.
مولي:: تيرشر رش تيرشرش.
_وصلنه المزرعه انقبض كلبي
فتحو الباب دخل السيارة تلكانه ثابت
اباوع شو محد .عبالي قشمرني لو محد جاي
نزلت اتلفت . سالته جا وينهم .رد وهو يعدل
البرنص مال البدله .
ثابت::جوى .
_التفتت عله سونه
والكاها صافنه باوعت والكه الباشا.
بكامل اناقته . واكف ونضراته تردي تختصر
المسافه يمكن لو بيده يمحي وجودنا ويحظنها .
حجه ثابت منبهنا .
ثابت::يله يابه دخلو
سونه::اطيتني كلمه.
ثابت::افى وانه اخوج .دخلي.
_كامن ام اسعد وبنين تلكني
ام اسعد::صلوات عين البارده .
_ وشكد محترمه هل انسانه رحبت بسونه تفاجئت بعدد النساء اتقربت والضاهر بمين فهمت نضرتي
تقربت وهيه تعددلي صلت كل وحده بيهن.
بنين::هذن الاربعه الي حاجزات
ذيج الزاويه خوات ثابت عماتي .
_كعدت وهنه كامن بالسرة سلمن
عليه سونه واكفه عله صفحه تعصر بااديها
اشرتلها تعاي كعدت يمي.
بنين::لا بروح ابوج سونه ابعدي لان
طفيتي نشعت عروستنا.
_ضحكت بنين لسانها واسلوبها ماكو منه .شغلن الديجي وكامن يصفكن بيهن الي فرحانه وبيهن الي تجامل
بنين::هذن بنات عمي محمد .
وهذن بنات الخال وهاي زوجة الخال .
_كل شوي جايبتلها مجموعه وانه بس اوزع ابتسامات
ركصن وهلهلن تقريبا ساعه . وصاح عليهن مولي.
مولي::عماتي الماجايبه بس كون
جبتن حبوب المفاصل وياجن ترى ماكو صيدليه هنا
_رزلنه وهنه يضحكن.
مولي::اذا ماخليت الداكوكات اطيح رجليجن
فلا اطلع ابن ابوي . وعله طاري ابوي عود
باجر من تكعدن يمه لاتكولن ركصنا عيب.
_متت ضحك .كامت امه طردته
شويه وانصدم بدخول مجموعه عرفت فرقه الدكاكات التفتت عله سونه هزت راسه لاتهتمين .نصبن الاتهن
وبده الردح كامت سونه اخذت المايك منهن وغنت .
بنين؛:ربي جا كلهن جامعهن بيها سمرة
عيون ملونه طول وجسم وشعر وجه
وصوت فدوى رحتلك الهي .
_تندمت حسيت بيها انحرجت
بس كلام الباشا جان بمحله الكل ركص اخر شي مولي ماصبر دخل بالنص كعدن البنات وبقه هو وامه وعماته
مولي::خشابه يبو العود.
البصرة .
_وهنه يردن ورا وسونه ماقصرت .
سونه::يامولي
وتفاجئت كلهن رد يالممرض
بنين::يابو الابر.
_وصدك لو كالو وراثه
ثاري مو بس الباشا يحب الركص والطرب مولي كسر عليه . اريج ونغم اول بدايه عود متنكات تالي كوى كعدوهن .
بنين::كومي قدر خاب هيه الفرحه الج.
تدرين لو هذا عرسي جا ماخليت احد يركص غيري.
_جرتني هيه وامها اتمايل بدون فرح
كامت سونه نزلن دموعي وانه اباوعلها شلون
تفتر جنها فراشه اجمل من الكل ليش استنكفو منا.
سونه::لاتبجين .
_دنكت فشلانه منها . جريتها كعدتها يمي وهمه مستمرين.ماحسينا بالوقت كالو خل يتعشون البنات والفرقه . وعشه عله حسب الاصول ماتوقعت يسوون كل هذا . وقبل لا يطلعن الداكوكات اجه مولي كالهن.
مولي:: طلب اخير اغنيه بس تعالو .
_شهكت سونه. بس الي فاجئنا اريج
الي ايدت طلبه.
اريج::اي فدوى حته انه احب هل اغنيه
لان زوجي يحبها ودوم يغنيها.
_بدون ماتلتفت عليه اشرت لبنين جابتلها المايك وغنت دخل ثابت وهو يخزر بيه صاح عله مولي
والضاهر مرزله.
ثابت::اخذ الفرقه وصلهم.للشارع
ومناك سايقهم يتلكاك .
_خزراته الي بتوعد . نقذتني ام اسعد
ام اسعد::كومي ماما يله زوجج تعب
احنه حاجزيلكم فندق وجهزتلج ملابس .
_ضلت سونه تتلفت. تالي كالت
سونه::جا لو مخلين مولي يوصلني
للكراج بدربه .
ام اسعد::لا ماما اصلا غرفتج.
انحجزت قبل العرسان. وباجر غداج يمنا
ونوب نوصلج لزوجج معززة مكرمه.
_طلعني هيه وسونه الخوف شتت تركيزي
همزين ماطحت عله وجهي تلكاني هو صعدني
والتفت عله سونه اشرلها يله. صعدت تحت انضار
الباشا الي مبين مغثوث .طلعنه المزرع
سونه؛:لو تمرني عله بيتكم اغير ملابسي
ثابت::اوصلك للفندق واروح اجيبهن
ادللي يابه وانه اعتذر ومسحيها بوجهي عبالي اختج تخجل مني منج وتغير رايها بس غلطت من ماشيتها.
سونه::لاتهتم عادي ويمكن افضل.
_رغم اعرف غلطت بس مانطيت بروحي
صحت بيهم شكو . مسوينها قضيه ترى جان الي قصد حته مايكولن . ماخلاتي اكمل كلامي صاح مسكتني.
ثابت::ولجججج شنوووو من بشر انتي
فوك شينج كوات عينج.
_وصلنه للفندق دخلني للغرفه وانطه سونه مفتاح غرفتها . وراح.الندم اكل كلبي متت قهر انوب نقالي مدرين وين خرب ضل بالجنطه ونسيتها بالسيارة ضليت انتضرة بجيت لحد ماغفيت . عبالي حلم
كعدت اباوع بمكاني معقوله مارجع كمت وانه احجي
لا مستحيل يعني خلاني لوحدي سهله اعلمك
نزعت البدله وسبحت وجهزت نفسي . فتحت الباب
وطلعت دكيت باب غرفه سونه اجاني صوته .
ثابت::لحظه.
_اتجمدت بمكاني بثواني الفت الف فلم لا لا ثابت وسونه اموت روحي .فتح الباب دفعته ودخلت وانه ارجف وهو يباوعلي بعدم اهتمام صحت وينها.احجي يالمتدين. جا وين صلاتك ماحسيت اله راشدي طرش اذني فكيت حلكي بصدمه.
ثابت::الضاهر نغشيت . انقلعي لمي غراضج.
_طلعت وكأنو جنت مغيبه مو انه
_كل الخسارات تتعوض بس تخسر نفسك
كأنسان هذا الي حسيت بي بيومها بس شيفيد الندم كوى وصلت الغرفه.ماعرفت شسوي . دخل لكاني واكفه اريد الدمعه تنزل من عيني اريد اصرخ شبيه تبنجت دنك لم البدله وباقي الملابس طلع واشرلي اتبعه .مشيت بطاعه لحد ماوصلنه البيت هو مانطق حرف .دخلت وهو نزل الجنطه شمرهن بنص الصاله .
ثابت::كومي غسلي وجهج
اهلي جايين انه كتلهم مالها خلك لان
اختها سافرت .
_رفعت راسي اباوعله
يعني راحت .
ثابت::ليش عندج شي بعد ماهنتيها بي.
_صرخت . ماقصدي اهينها
بس ردت .
ثابت ::شردتي قدر تتهمينها وياي.
_لا لا موهيج بس خليك مكاني
وانه اشم ايدي هيه رايحه خو حاسب نفسك
ليش عفتني لوحدي المن حجزت غرفه خو جان
اجينا هنا .
ثابت::لان عرفت مااهمج .
_خو كول لان عرفت بالباشا يريد يرجعها
سفرتها . شكد اناني . هز راسه بأاسف
كمت نفشت جنطتي طلعت النقال دكيت
عليها ردت برود .
سونه::مبروك .أنه ماخابرتج كلت بعدها
نايمه بس وصيت ثابت .
_قاطعتها بصوت عالي
شوصيتي يعوفني نايمه ويوصلج شكد ندمانه
لان حسبت بيوم تكونين اختي انانيه وماعندج
محنه مثل ابوج .بعد لاتتعذرين بالضروف
هاي انه كتلج تعاي نبقه سوى.
سونه::ليش انتي حاسبتني اختج
ركصتي اعيالج عله اجروحي زغرتيني.
وبعدي عنج لاجل تستقرين نصيحه ياقدر
حاولي تكسبين ثابت لان رجال بمعنى الكلمه
_واذا حاسبته رجال وتثقين بي
ليش رحتي.
سونه::حته ماانحرجه اكثر نعم الله عليه
فرضج عل الكل وجودي راح يسبب مشاكل
عيشي بينهم بااحترام . وكسبي ابو اسعد الي تقبلج
ترى زواج ثابت بيج خسرة ابن عمه كافي حقد .
_صرخت بهستريه وفري نصايحج
لنفسج ومن اليوم انسي شفتيني لاتكولين
عندي اخت. سدته بوجهي ثواني ودت صوتيه
سونه::غريبه انه غريب انه
واهلي انكروني يابويه
بعد ماغني بس تعالو .
_ رديت دكيت لكيته مغلق شمرت النقال بقوة
كل هذا وثابت واكف يباوعلي احس نار واشتعلت
بكلبي كمت دست عله النقال قاصده افلشه
ثابت::اذا كملتي لمي الهوسه.
_طلع وعافني الطم . طفرت من سمعت صوت
ام اسعد بسرعه شلت النقال الي تفلش جريت
جنطة الملابس شمرتها بالعرفه وركضت للحمام
غسلت ورجعت للغرفه دخلت ام اسعد هلاهل وثابت وراها دنك باس راسها جرتني بوستني وانه مثل الالي .
ام اسعد::يا ماما شبيج .
_تحجي وتباوعله بتساؤل.
ام اسعد::شبيكم احجي .
ثابت::تحاجت ويه اختها
.لان سافرت بدون متودعها.
ام اسعد::يووو ليش هيج خطيه يمعوده غير مردت كلبي امس اباعلها عيونها عليج والدمعه بطرف رمشها.
_دنكت خجلانه من نفسي
اخ شلون هيج سويت.
ثابت::كومي الحجي برا .
_لبست شالي وطلعت كوى طلعت
الكلمه سلمت . عليه .
ابو اسعد::مبارك بابا انشا الله زواجة
الدهر وربي يسعدكم .
_مدري شرديت . من كثر مامتوترة
شويه ترخصو .
ابو اسعد::يله ننتضركم عله الغده
قدر بابا اريد ارفع راسي بيج .
_هزيت راسي اي وانه مافاهمه شيقصد.
ام اسعد::هيه معدله ماتحتاج وصيه
وبالنسبه لمريم حقها وطبيعي لو صدر منها
تصرف فترة ونوب تصاحبن وتصيرن حبايب .
_انوب فوك الضيم هاي السالفه الي ماحسبت حسابها . وعبالك نبهوني مدري انه عماني حقدي . طلعو سد الباب والتفت عليه رجعت بخوف هز ايده بااستهزاء دخل بدل وتمدد عله التخم.
ثابت::اذا مو حابه تحضرين العزومه
عادي اكلهم تعبانه ونامت.
_رديت بفشله . خاف يضلون يحجون
ثابت::بطلي ضن السوء
قدر نصيحه صفي كلبج ترى تخسرين.
_مايهمني بعد اكثر من الخسرته.
ثابت::تمام تعاي نتفق . حته لانتعرض
للاحراج . كدام الناس احنه متصافين واحد
ميت بالثاني . فاهمتني.
_لشوكت .
ثابت::لحد مااصير اول
اهتماماتج. وان ماتقبلنا بعض فترة
بس اكمل شغلة بيت فاروق اطلكج.
_بلعت غصتي . ودخلت للغرفه
غيرت ملابسي وحاولت اخفي ملامح التعب
طلعت كتله يله .
ثابت::بس نتغده نرجع اكلهم تعبانين.
_هزيت راسي اي
تلكونا هلاهل رفعت راسي الباشا واكف باوعتله نزلت دموعي.وانه احجي بكلبي وكانو اسمعه شفت راحت تخلت عني مرة ثانيه وعبالك فهم نضراتي دنك سحبني ثابت دخلنه. اول خطوى لبداية حربي ويه مريم الي ماتوقعت وجودها بهيج يوم.
ام اسعد::يله مدو السفرة.
_طول الكعده وهيه تضحك وتشاقه
اباوعلها معقوله مامهتمه لو تمثل .
ثابت::اكلي حته نروح.
_التفتت عليه .احس نفسي بدوامه
شنو الفلم . والضاهر الكل مستغرب تصرفها.
كح ابو اسعد وعرفت يريد ينبها لان كبل هيه
التفت تباوعله .واشارت راسه كانت دليل توقعي
سكتت وانتهى الغده . صداع فتت راسي ضليت
حايرة احس عيوني اشتعلت نار .همزين كام ثابت
واشرلي يله اريد بس الزم الفراش . افترت بيه الكاع
غوشت عيوني .حس بيه دخت جرني للجربتيه
تمددت وانه اون راسي فدوى اروحلك اطيني اي مسكن
ثابت::اي هسه اجيبلج .
_طلع ورجع بيده حبايه وماي
شربتهن وره شويه سكنت سحبت الغطه
وشردت من واقعي بالنوم اتمنيت لو كل هذا يطلع حلم
فزيت على صوته
ثابت::كومي اكليلج لكمه
حته تاخذين هاي البندوله.
_ماجوعانه. التفتت لكيت نقال جديد عله
ميز عرفت هو جابه .خله الصينيه يمي وطلع
انوب دمرني بااسلوبه.
ثابت::شويه بس عله مود الحبايه.
_احس الاكل مر .عضيت الصمونه
جبرت نفسي كوى بلعت الكمه . اجه شال الاكل وخله
الحبايه عله الميز وطلع متت قهر .بجيت وانه العن بروحي وبحظي ليش هيج سويت. دخل باوعلي
ثابت::الندم مايفيد حاولي
تعتذرين من نفسج بالاسغفار.
_كافي تعاملني وكأنو اجرمت
ليش ماحاسبت نفس انته الي مامنعتني.
ثابت::لو مانعج جان كلتي ماكدرت
تنفذ طلبي تخاف من اهلك ماراح تفرضني عليهم
جبت الفرقه وماجنت متوقع الي سويتي كلت مستحيل قدر عاقله وتخجل وتحب اختها هسه
يتونسن ويركصن وينتهي الامر .
_بيش احلفلك وتصدك ماجان غايتي
اهينها بس ردت الكل يعرف انته وابو اسعد تدرون
بينا بنات الصعده وسونه جانت تركص وخطبتوني منها . كلت اثبتلهم انو احنه حالنا حالهم.
ثابت::ومحد علق ترى الكل
يحمد بيها والكل متعاطف وياها لعلمج
اخواتي متفاجئات يكولن شلون بنيه حبابه
من غير اعجابهن بشكلها وصوتها.
_اذا هيج ليش سوتها مشكله
وهيه زعلت وانته عزلت نفسك بغير مكان.
ثابت::لان تصرفج غلط المفروض اختج
تجي هيه وزوجها تحضر كأاخت العروس
_يازوج فيصل الي بشاير
محرمه عليه النضر لسونه.
ثابت؛؛ حجيت وياها وجنه متفقين تطلك بس من عرفت بمرض بشاير كالت يجوز رب العالمين اضهر
هل شي من ردت اطلك لان بشاير من زمان
مريضه .وهسه يله اكتشفو الامر.
::ضغطت عليها وردتها
وكتلها ماارضه عنج حته تتراجع عن قرارها
مااكرها والله صدك احس فاقده جزء من روحي.
كل السويته علمود تطلك .
ثابت::شسويتي
خليتها تلبي طلب الباشا . ولج كوى لزمته من سمعها تغني جا سوالي مصيبه تدرين جان ناوي يخطفها من المزرعه وهذا الحقير مولي مخطط ويا.
_جان خليته يحجي وياها
يجوز يقنعها .
ثابت::انتي تفهمين شجاي احجي
مرة بذمة رجال حته وان كان مو خوش
انسان بس ثق بيه ودزها وياي . مافكرتي شنو موقفي .ترى الف مرة كتلها خلي الباشا يامنلج
مكان ورجعي.رفضت خو مااجبرها. خلص عوفوها
تعيش شنو هل انانيه البيكم .
_طلع وطبك الباب حيل.ايام وليالي وهو يتصرف برود
تعب نفسيتي احسه لابسني اتحجج اطلب منه اروح
يم بنين . رفض كتله ها تخاف مريم تنقهر من شوفني.
ثابت::اذا انتي ماتنقهرين
من تشوفيها لان ماهمج فهيه تختلف.
قدر اكعدي واسكتي ترى مافارغ لتزعطط مالج.
_اذا هيج خايف عليها ليش تزوجتني
رفع راسه باوعلي . هزيت راسي شكو .
ثابت::من الاخير شتردين.
_مدري ليش حسيت سؤاله بغير معنى ارتبكت
رديت وانه احاول اخفي توتري . شنو شريد ترى سؤالي واضح المن تزوجتني.. كام متوجه عليه
مالحكت اشرد لزمني .
ثابت::تعاي اكلج ليش تزوجتج
_يحجي ويجر بيه للغرفه
حاولت اتملص منه احتاريت شحجي
ومدري شلون اجت ابالي كتله صدك اذكرت
ابتعد يباوعلي .
ثابت::شنو .
_ماكملتلي سالفة بيت المسيحي
انه كلت هيج وهو ضحك اريده يسكت
ماكو يضحك من كل كلبه.
ثابت::نعلعله بليسج
_ترى احجي صدك.
غمزلي بمكر ودار طبك باب الغرفه
تبسمرت بمكاني جرني وهو يحجي
ثابت::دتعاي اسولفها الج.
_يهمس بصوت ناصي
ثابت::غمضي واسمعيني
_ومثل الثوله غمضت .
ثابت::جنت اسوق وحسيت بحركه وانفاس خايفه
لحد ماوصلت الشركه ونزلتها انصدمت . شكيت بيها مدفوعه او وحده من بنات اليل . شفت وجها حسيت شيء داهم صفوت مشاعري شكلها غريب جمالها يجذب النضر البراء وصدق ادموعها شغلت تفكيري
حاولت ابعدها من راسي. بس هيه شيطانه جانت
تتعمد تثير انتباهي لوجودها بطكت الجداحه .
_استمع وكأنو جاي يسولفلي قصه.
لحد ماخطفني بوساتةجريئه مااعرف الخوف
مدري خجل بجيت . رفع راسي يباوعلي مستغرب.
ثابت::تمام براحتج.
_كام وهو مزعوج وعرفت
عباله ماريده . بس خجلت افهمه. اشكد احتاجيت
امي اختي احد مقرب مني ردت بس شخص يسمعني.
لليل اجه وكأنو ماصاير شي .
ثابت::نطلع نتعشه برا.
_هزيت راسي لا . باوعلي متفاجئ
ثابت::ليش يابه نغير جو مامليتي
من البيت.
_تعبانه خليها باجر .
ثابت::تمام جا خليني اروح يم الحجي شويه.
_اخذني وياك اريد اشوف بنين
ثابت::مو تعبانه؟
_كول ماتريد تاخذني
حته لاتنزعج مريم .
ثابت::لج بابا انتي شبيج ليش هيج اعصابج تجدح .وبعدين قابل ماتدري بيه تزوجتج لو انتي ماتعرفين افهمي عيوني ولازم تتقبلن هل شي
ثنينجن نسواني وان شاء الله ماقصر بحق وحده.
_اذا هيج يهمك انو ماتضلمها ليش
تزوجت عليها؟
ثابت::وانتي هسه يله تذكرتي تسألين
هل سؤال.
_لان زواجنا بالبدايه جان بااتفاق
وكتلي هيه متفهمه الموضوع وقتي.
ثابت::ولو ماااضن انتي غبيه
بس هم راح افهمج .احنه صار فترة متزوجين
وحاولنا حته نسوي طفل ماصار . اخر شي
تعرفين الاهل يلحون وقال وقلت وانه هم
بنفسي جاهل .تعبنا من العلاج اخر شي كالت
تزوج بس بشرط تخليلي بيت وحدي واكمل تعليمي.
_هو يحجي وانه فاكه حلكي بصدمه
يعني حالك حال فيصل . لا ومسوي عليه
فضل ومنيه انته واهلك شنو انتم لك الله ينتقم
منكم يعني ماخذني بس حته اخلف اي ومو بعيده
مفكر تاخذه وتسربتني . بس لا عيني غلطان.
ثابت::حيل كل هذا الفتي بثواني
لا فعلا انتي تحتاجين دكتور.
_استفزني بكلامه . هاي ثاني مرة يكول
تحتاجين دكتور. صحت اييي حته تثبت
انو انه مو كد مسؤلية الطفل وهيج تكدر
تاخذه . كمت للغرفه وانه افور تبعني
ثابت::هو وينه يمعوده شبيج
اهدي يابه ارتاحي ترى تعبتيني .
_اسمع مال اخلف كطنه وشيلها من اذنك
ثابت::تمام . بس اهدي .
_وهسه تاخذني لبيت ابو اسعد
ثابت::البسي .
_طلعنا وهو يستغفر . تلكتني بنين
بنين::هلا بقاده هلا هلا ومية هلا.
ثابت::يابه انتي دتعاي شكد ارتاح
من اشوفج .
_جرها لحظنه ضحكت بخجل
طلع مولي شافهم.
مولي::والله حيه بنينه ولوكيه.
ثابت::ها سيد مولي شخبار خططك
انته وسيادة الباشا.
_دنك مولي . يخفي ضحكته
دخلنه والكه مريم عله حبايه ونص هاي شنو فلمها دوختني وزادت شكوكي اي اكيد ماتهتم غير متفقين عليه بس والله لروايكم الويل .باوعتلي بنضرة استزغار
هزيت راسي تمام. وهو نضراته علينا . حاول يشتت
انتباهي الها.
ثابت::كوم مولي جيب النا كعك
من فرن السيد .
مولي::من خطط اختطاف لعامل توصيل.
_لان اعرف بالسالفه ضحكت
واهله مافاهمين الموضوع باوعلي بزعل
انوب زدت ضحك . نبهني كلام مريم الي خله الكل
مصدوم .
مريم::الضحك بدون سبب
_صاح بيها ابو اسعد
ابو اسعد::مررريم.
_دنكت وهيه تحجي.
مريم::اعتذر عمو بس هيه تحاول تستفزني
ماشفتها شلون تضحك.
_باوعت لثابت الي عيونه
صارن بكصته ومولي ضل محرج
وابو اسعد يحجي وياها.
ابو اسعد::منو يكول متقصده
مغثتج .
_بسرعه حجيت مبررة موقفي لا عمو والله ماقاصدتها واسال مولي ترى انه ضحكت لان الموفق الي يحجون عنه ثابت ومولي صار كدامي وروح امي
مولي::صح بالعرس نتشاقه
انه وقدر كتلها راح اخطف اختج.
_رأسا غيرو الموضوع
كامت مريم شويه وتبعها ثابت فصلت عنهم يسولفون
وانه بالي يمه احتاريت شسوي نوب المصيبه من اجن
اريج ونغم . واول مادخلن سألن عنه.
اريج::ها اليوم قدر منورتنا
جا ثابت وين.
_نقذتني ام اسعد وهيه ترد
ام اسعد::توه كام للغرفه .
_همزين وجود ابو اسعد
ماخلاههن يزيدن بالكلام . لحد ماطلع
الافندي احس بروحي هلكت . بس اجه كتله
يله نروح حس بي عله اخري .
ثابت::كومي قدر نعست وباجر عندي
شغل لازم اكعد من وكت.
_رغم جلبو بينا للعشه تعذرنا
وبس طلعنا التفتت عليه. ان الله راضيتها
باوعلي متفاجئ لان ماتوقع احجي بصوت مسموع
ثابت::نوصل بيتنا ونسولف.
_من ثولي نزعت الشحاطه باب البيت
دخلت امشي وادفر شمرت حجابي وكعدت
منتضرته دخل وهو يحاول يخفي ضحكته
نوب خبلني بالزايد . صحت ان شاء الله
راضيت مريم .
ثابت::ترى عيب هل تصرف.
_جا ماكلت من دخلت والكل كاعد.
ثابت::شكو يابه شنو هل كلام
واذا دخلت خو ماكو شي .
_مافكرت بموقفي كدامهم جان خليتها
من ارجع وروح راضيها .
ثابت::قدر قدر اسمعي يابه
الي بالج ماصار.واهلي يعرفني ويدرون
دخلتي للغرفه لاجل احجي وياها لان تصرفها
غلط . شبيه طفل لو مراهق وهيج توازيت الكل
كاعد وانه.. استغفر الله العظيم طلعتيني من طوري
_يابه شسالفه
ترى ادري جنت اتسولف الها
عله بيت المسيحي. انه حجيتها وهو طفر عليه.
ثابت::شو دتعاي اسولفها الج ليش ضاله
بنفسج .
_الغيرة توصل الانسان لجنون
حسيت فقدت توازني انهزت شخصيتي
ضعفت قوتي . حسيت ممكن افقده وتاخذه مريم
الي اصلا انه اخذته منها . بثوني سيطر عليه
ماكدرت اتملص منه .
ثابت::قدري.
_جريت الحاف غطيت راسي
تفهم خجلي بدون مايحرجني . ايام وانه عايشه
بحظن احس عوضني الحرمان بس ماكدر يسد مكان
سونه الي زعلها طول وشكد حاولت اتواصل وياها
ماردت عليه بس هو ينقلي اخبارها .
ثابت::ادعيلها بالتوفيق وستر الحال.
_مرة فترة الباشا تقبل الامر
لان مابيده حيله.
الباشا::هيه الي باعتني
وفضلت البعد . اتمنى تنسعد .
_وهيج يخلصها كل مايجي يمنا
قالقني ثابت . دوم متنرفز ومكالماته الي يحاول يجريها بعيد عني . شكيت بيت فاروق مهددينه
سألته .
ثابت::لا يابه اصلا هذا الشهر تنحصر
الاملاك وانه ماردت ابينلهم انو انتي مستقتله
عله الفلوس.
_جا شبيك ليش احس اكو شي
وضامه عليه.
ثابت::لا بس عدنا مشكله بالشغل.
_رغم مااقتنعت وكلبي كارصني
بس سكتت .نايمه وفززني صوت نقاله
شلت راسي لكيت يباوعلي اطه رفض سالته بيش،الساعه؟
ثابت::ب٥
_حجاها وجرني لحظنه رد نقاله دك
دفعته وحجيت بااصرار ليش ماترد.
ثابت::يمعوده واحد بطران دخل اكمل نومتي
_تضاهرت بالنوم حسيت كام باوعت النقال ماكو
خليته يأمن وتبعته امشي عله اطراف اصابعي
باوعت ماهو بالصاله . فتحت باب المطبخ وطلعت
للكراج اضلم الجو بعده ماكاشف.مشطت المكان
بنضرات سريعه .مالكيته
كلت يمكن بالحمام اريد ادخل واستوقفنتني
صرخه مكتومه احس كلبي وكف من الخوف
ثواني وسمعت صوت ركزت بشك هذا مو صوت
ثابت رجعت اباوع للكراج ركزت بالزاويه مال الحديقه
شفته واكف عكدت حاجبي هذا منو يمه توجهت عليه اباوع بفضول واتفاجئ بوجود اياد .
اياد::احجي وينها
ليش تخليني اخذج للمركز اعلكج
من اذانج.
_ مشيت بخطوات سريعه
وصلت يمهم التفتو عليه
راسا ثابت دار لااياد وكف وكأنو
يخفي شيء بظهر هزيت راسي شكو .
ثابت::ماكو شي يابه.
_حجها وتقدم جرني ناويه يرجعني
لدخل البيت دفعت ورجعت اباوع والهيئه ادل هل كأن انثوي بس بسبب الضلام وسواد العبايه وانحنائها للكاع
ماميزت شكلها دنكت ارد اعرف منو هاي حاول ثابت يبعدني
ثابت ::ادخلي يابه انه احجيلج.
_صرخت شتحجي منو هايييي
حجيتها ودنكت عليها شهكت بخوف
وصدمه . مدييييحه .
!!وماتحمل لنا البارتات الجايه من مفاجئات
صدمات اسرار خفايا.حب همسات عاشقه
اغنيات لامرأة في حالة غربة
ومعاناة رجل
عاشق حد الجنون .
هل سيحظى بما اراد قلبه ام سينتهي
به المطاف كأي حكايه في سطور القراء .
شكرا لزيارتكم عالم روايات سكيرهوم
