رواية زواج حياة الفصل التاسع بقلم جمانه السعيدي
حياة...كعدت افكر اليل كله ومنتضره الصبح بفارغ الصبر
فكرت اذا رحت وحجيتله اني عرفت اكيد راح
يشوف مكان بعيد ويخلي ابني وبعد مااشوفه ابد
لان مستحيل يسلمنيا بهاي السهوله
ماكو غير اشتكي علي واخلي الشرطه تفاجئه حتى مايكدر يسوي اي شي
لان اني وحدي مراح اكدر علي ابد الي فكر بهاي الخطه الشيطانية ومارحم وحده فقيره مثلي ممكن كلشي يسوي
ماله امان ابد
مراح اخلي يغدر بيه ابد ابني لازم يرجعلي مهما كان الثمن
جمانه السعيدي
ياربي هاي اليله شطوله يمته يجي الصبح
سمعت الاذان اذان توضيت وصليت وكعدت ادعي يارب انت ثقتي ورجائي مثل ماخليتني اعرف ابني عايش
رجعه الحضني رحيم يملك السلطه والفلوس واني مااملك
بهاي الدنيا غيرك انت سندي اني داخله بحماك اريد تحميني منهم ومن مكرهم وترجعلي ابني يارب يارحيم
بس طلع الضوه لبست عباتي وجواريبي والبوشيه وطلعت
للشارع وكفت اجت سياره بيكم بيه رجال ومره وياهم بنيه
اشرتلهم
...اخذوني وياكم للولايه
...ماكو مكان
...اكعد بلبدي بس اخذوني وياكم الله يخليكم
صعدت بلبدي ورحت للولايه
نزلوني اشرت السياره تكسي
...من رخصتك اريد المركز الشرطه
وصلت كلش خفت اول مره ادخل مركز شرطه بحياتي
اقدم رجل واخر رجل خايفه مو شلون مجان
لان كلشي مامبين مني الكل يباوع عليه
سئلت شرطي كتله اريد الضابط عندي قضيه تزوير وخطف
الشرطي...اكعدي الضابط بعدا نايم نص ساعه ويكعد
...بس اني مستعجله
...مراح بكعد قبل نص ساعه
...كعدت على الكرسي واني ادعي رب العالمين يوكف وياي
ومايخذلني ابد
الوكت كلش بطئ واني كاعده على اعصابي بعد اتلث ارباع ساعه
شفت الضابط كعد وطلع يغسل وجه وجابوه ريوك
واني كاعده وانتضر ياربي خلص صبري شلون بيه
نص ساعه يتريك
كمت للشرطي الي بلباب فدوه اروحلك قضيتي ماتتحمل التاجيل
الشرطي...اي هسه ادخلين
شويه وصاح كال تعاي ادخلي
دخلت والضابط شافني كال ارفعي البوشيه
رفعت البوشيه كال اكعدي واحجيلي شنو مشكلتج
حجيتله كلشي صار وياي
جمانه السعيدي
الضابط...وشنو الدليل كلامج صحيح
حياة...اذا ابني فعلا ميت وين كبره واطلب تطلعون الجثه
وتسوون تحليل مطابق اني وجثة الطفل
واطلب شهاده دكتورة التوليد الي ولدتني لان هي تعرف الطفل كلشي مابي وصحته تمام
اسمه سناء ام ايمن اني بس اشوفه اعرفه
وهاي أوراق التحاليل والسونار من دكتورتي الي كنت اراجع عدها وهي تعرف الطفل مابي شي وهي الي كالت اشتكي
على الدكتوره والسستر السستر هسه سافرت للهند عدها عمليه
بس توصل اكيد راح تتصل باهله ممكن ناخذ رقم التليفون وتتصل عليه وهي راح اتاكدلك كلامي
زوجي رحيم خطف ابني مني وزور شهادة الوفاه
فدوه اروحلك ممكن الإجراءات بسرعه كلبي مثل النار على ابني
الضابط. اذا كلامج صحيح رحيم يتحاسب بس على قضية التزوير لان هو أبو والأب مايخطف ابنه
وأقل شي ينحكم عشر سنوات سجن
روحي هسه للبيت واحنا نستدعيج
حياة...وين اروح واي بيت اكعد باب المركز منا لمن اجيب ابني اني داخله على رب العالمين وعليك اريد ابني ابوس رجلك اني ماعندي احد يدافع عني اعتبرني اختك
واريد حقي فدوه اروحلك
الضابط...تدللين
اطلعي انتضري برا
جمانه السعيدي
حياة..رجعت بوشيتي على وجهي وطلعت كعدت برا
دزو استدعاء على رحيم وراحو جابو من العلوه
من عرف اني مشتكيه علي
رحيم...هاي مخبله فقدت عقله من مات ابنه
الضابط.. اريد اعرف مكان الكبر وراح اجيب امر افتش الكبر واطلع الجثه ونسوي تحليل مطابق وذاك الوكت كول
مجنونه مهووسه بس تعرف اذا كلامه طلع صحيح
راح تروح للسجن وعيب على هاي الشيبه تحرم ام من طفله
ارتبك رحيم من سمع يطلعون الجثه وخاف
طلع برا شافني اجا عليه
رحيم...انتي مخبله شلون تقبلين ينبشون قبر ابنج ماتخافين من الله
حياة. لا عاقله لان هذا كبر وهمي وابني عايش ابيتك ياما تخاف من الله ولله اله اخليهم يبذهلونك وسمعتك تصير على كل السان
رحيم.. اسحبي القضيه واني اخليج تشوفينه
حياة...شنو اشوفه اريد ابني يعيش وياي
رحيم...وين يعيش وياج بيتج الي جنه كبر ومنيين تعيشينه
حياة...رب العالمين مراح ينسانه ابد الله ينتقم منك ياضالم
تستقوي عليه لان ماعندي احد يدافع عني لان يتيمه وفقيره
بس رب العالمين مراح يقبل بلضلم مثل ما اجت ام ايمان واعترفت هسه راح يجيبون الدكتوره
ويتصلون على ام ايمان من الهند هي كالت اشهد وياج
والمصيبه اذا فتحو القبر ومالكو جثه
ساعته راح تروح ورا الشمس يامسكين
جمانه السعيدي
رحيم.. ماتخوفيني مراح تحصلين مني شي ابد
حياة...راح ابقى وراك ورب العالمين وياي منا لمن اخذ حقي منك
رجع دخل على الضابط والضابط امر يدخل السجن
على ذمة التحقيق
ودزو استدعاء للدكتوره الي جيبتني واكدت الطفل طلع سليم ومابي شي وصحته ممتازه
والشرطه راحت الاهل ام ايمان واكدت عليهم بس توصل للهند وتتصل عليهم ينطوهم خبر
ودزو يردون موافقه من مديرية الأمن العامه حتى يفتحون الكبر ومنتظرين الموافقه
تعرفون الموافقه مراح تطلع بسرعه
للمغرب يله ام ايمان اتصلت باهله وحجوله الي صار وافقت تعترف للشرطه على كلشي صار
والشرطه دونت اقواله وحتى الدكتوره الي جنت اراجع عدها هم اجت واخذو اقواله
صارت الدنيا ليل واني بعدني كاعده بلمركز
طلع الضابط شافني انتي بعدج هنا
حياة.. داخله عليك اريد ابني اخذه بحضني واروح
الضابط...تأكدي راح تاخذينه الكل اعترف والحقيقه رحيم مدان واكيد ابنج راح يرجعلج
اني راح اتوسطلج واستعجل بفتح القبر
جمانه السعيدي
بقيت كاعده على الكرسي الضابط دزلي لفه وبطل ماي
اكلت اللفه وشربت الماي ونمت واني كاعده على الكرسي
الصبح الضابط دزلي على ريوك بس ماقبلت اكل
رجعته وتشكرت منه
بلعشره ثاني يوم اجا الأمر بفتح القبر اخذوني اني ورحيم وياهم وفتحت القبر ومالكو بي أي شي
اعترف رحيم ...إن الكبر هذا وهمي هو سوا علمود يسكت حياة
رجعنا للمركز ودونو اقوال رحيم بعد مااعترف بكلشي
وحولو اوراقه للمحكمه
واني والضابط وأربعه شرطه رحنا البيت رحيم
طبعا هم عدهم خبر بس وصلنا طلعت زوجته مره جبيره
وشايله ابني بس شفته كام جسمي يرجف
حلو يخبل يشبهني نسخه مني سمين وابيض
بس شافني ضحكلي
حضنته...هااا يمه عرفتني ضحكتلي يابعد امك وكلبه
جسمي كله يرجف من الفرحه والانفعال ماكدرت اوكف على حيلي كعدت وحضنته حيل وبقيت اشم بي
ياربي رحمتك وفضلك ابني رجعلي
كمت اصيح ياناس ابني رجعلي اهلهل وابجي بنفس الوقت
حتى الشرطه كامت تبجي عليه
الضابط يكلي وقعي هنا استلمتي ابنج
ايدي ترجف ومااكدر الزم القلم الضابط لزم ايدي حتى اوقع
كمت رجليه مايشيلني دنكت ابوس ايد الضابط بس ماقبل
اجرلي تكسي توصلني للبيت
خليت ابني على كلبي وبقيت حاضنته ومامصدكه
الحد مانزلت بلباب
السايق كال اجرتي عشره انطيته ٢٥ الف كتله تستاهل
وكفت بلباب وكمت اصيح ياناس ابني رجعلي
تعالو شوفو ابني حاضنته وادك بيبان الجوارين بيت بيت
الجوارين طلعو ناس تبجي وناس تهلهل
رجال جوارينه كام يرمي حسيت روحي رجعتلي
جمانه السعيدي
قررت من هاي اللحضه اشتغل واعتمد على نفسي واعيش ابني احسن عيشه
بعت ذهبي وبنيت محل زغير بيتنا وخليت بي حلويات
وخمره ومواد غذائيه
وابني يمي وعيني علي والجوارين ابد مامقصرين وياي
يذكروني ويسئلون عليه
اخذت ابني الكبر امي وكتله علي رجع الحضني واني زينه لا تخافين عليه ابد
اما رحيم انحكم عشر سنوات سجن بسبب تزوير شهادة الوفاة
اليوم عمر ابني ١٢ سنه صار ولد شاب وشاطر بلمدرسه
والجوارين كله تحبه وصار يكعد بمكاني بلمحل ويبيع
رحيم طلع قبل سنتين من السجن بس طلع مريض كلش
وصحته تعبانه اجا يشوف ابنه ويطمن علي
بس اني ماطلعتله كعد شويه يم علي بلمحل وراح
علي يكول ابوي يريدني اروح ويااا ويكول تعال وافتحلك احسن محل واشتريلك سياره
بس اني ماقبلت كتله اني مااعرف امي ابد
ياربي ابني صار رجال واكدر اعتمد علي
الحمد لله والشكر على كل حال
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
