رواية الخباز والاميره كامله جميع الفصول بقلم جمانه السعيدي
اولا قبل لا ابدي بهاي القصه احب اوضحلكم شي
كل وحده اتابع القصه راح تحكم عليه من وضعها الي هي عايشه بي
اقصد اذا وحده اهله زيينين وياها والقصه تحجي عن الاهل الصعبين راح تكول وين اكو هيج اهل
ولي زوجه يعنفه او بخيل راح تعتقد كل الراجل هيج
والي اهله ناس مستورين ومحافضين
وتقرا قصه عن تحرش الأخ او الاب او العم
راح تكول قصه خياليه وين اكو اهل يتحرشون ابتهم
بس حياتنا بالواقع كلشي بيه
اني اختار القصص الغريبه وانشرها
كون قصه بيه عبره بيه هدف
وان كانت حياتج ماتشبه حياة البطله بس ممكن نستفاد من تجربت صاحبة القصه
اتمنالكم متابعه حلوه
#الخباز_والاميره
البارت الاول
جمانه السعيدي
يمكن اسم القصه يشبه قصص الاطفال
بس القصه حقيقيه
بنيه من عائله متمكنه تحب ولد شاب خباز
اني إياد الخباز الي تحجي عنه هاي القصه
اني مواليد ٩٢ حنطاوي طولي ١٨٢ عيوني كبار شعري اسود جسمي عضلات لان اللعب حديد
يمكن تستغربون اذا كتلكم اني الصبح بلكليه والعصر اشتغل
خلفه بمخبز وبليل بعد العشى اروح القاعة الحديد
مرتين اوتلاثه اروح بلاسبوع للقاعه
جمانه السعيدي
كل جماعتي حاسديني منيين اجيب هاي الطاقه العجيبه
شلون تدرس وتشتغل وتروح للقاعه
اني اكلكم اني ابد مو من النوع المتكاسل
احب الشغل احب الدراسه
انام قليل واشبع نوم اني هيج جيناتي الوراثيه
كلي طاقه
احب العمل احب المسوليه
ماأحب الكسل وتاجيل العمل ابد
بس اسوء صفه بيه هي الفضول
يعني احب اتعلم كلشي اي جهاز خربان كدامي افتحه واخلي روحي بي منا لمن اصلحه
اي مشكله اسمعه أضل ادور منا لمن اعرف الحقيقه
اي عمل كدامي مااكول صعب اله اجرب واحاول الف مره
واذا ماكدرت اكول صعب
جمانه السعيدي
اني ابوي عسكري استشهد بأحدث الموصل
وعندي خوات ثنيين
ثنيينهن اكبر مني متخرجات ومزوجات
عايشين بيت جدي اني عندي عمام ثنيين وعمه وحده
الكل مزوج وطالع
عايشين براتب ابوي والدوله وزعت قطع اراضي جديده
استلمنا القطعه وصار اكثر من سنتين نبي بيه
المنطقه الي وزعل بيه القطع شويه بعيده عن الولايه
ومابيه خدمات
مو كل الناس بنت بيوت بيه
اكو باعو قطعهم اكو عايفيهن
اما الناس الي كاعد تبني كلش قليله
يعني كم بيت الشارع الي احنا بي بس بيتنا مبني
واكو بيتين بس مصعديهن
بيت منهن بس مصعدين الاساس
والبيت الي بعده كامل بناء بس بدون كلشي
يعني لا كهرباء واصلته ولا مكملين ارضيته والحيطان بدون لبخ
احنا بيتنا سحبنا سلفه على راتب ابوي وصار اكثر من سنتين نبي بي الحمد لله هسه كمل
جمانه السعيدي
اني السنه اخيره كليه كلية اداره وقتصاد
بيتنا كمل من كلشي بس امي متردده تكول المنطقه بعيده
وانت تعوفني النهار كله
استاحش وحدي
وماتقبل ننتقل البيتنا رغم هو كامل من كلشي
يوم الجمعه عطلة المخبز ومااروح للكليه
اروح للبيت اكمل اذا اكو نواقص بي
مثل احك الصبغ من الجام اعدل الحديقه
اصبغ الباب الخارجي
اتمنى ننتقل البيتنا صحيح احنا محد مضايقنا ابد
بس مهما يكون بيت جدي ملك الكل
يعني مو ملكنا ابد
جمانه السعيدي
المهم اني صعدت على السطح افتح البوري اخاف تمطر ومي المطر يجمع
طبعا اني كلما تمطر الدنيا اصعد اتأكد الماي يجري
ينزل من السطح اخاف رطوبه أضل بلسطح
باوعت من فوك المنطقه شبه فارغه حقه امي تخاف
تسكن هنا
المنطقه وحشه ومابيه ناس
شويه واشوف سياره حديثه سوده اجت وطبكت
كبال بيت
البيت بينا وبينه بيت واحد
البيت الي بصفنا بس مصعدين الحيطان
والبيت الي بصفه
مبني كامل وبي بيبان وشبابيك بس باقي بس طابوك
لا ملبوخ ولا مصبوغ
المهم بقيت اراقب السياره
الفضول دفعني ابقه اباوع عليه
دخلوها بلطرمه ونزلت منه بنيه لابسه بنطرون وستره
اسود وقميص ماروني شعرها نازل على كتفه
رابطين اديه وعيونه وحلكه
نزلوه وهي تحاول تخلص نفسه من اديهم
ودخلوها بلبيت جوا بعدين واحد طلع وكف يم السياره وشعل جكاره
شويه وطلع الثاني وكف بصفه وكامو يسولفون
جمانه السعيدي
إياد ياترى شنو قصة هاي البنيه
مبينه مخطوفه ايجوز بت مسول لو واحد مهم
يجوز يردون يطلبون فديه
ولله خطيه شلون جايبيه هنا بهاي المنطقه حتى محد يشوفه
بقو واكفين ويسولفون بعدين اجاهم تليفون بس ماكدر اسمع اي شي
نزلت جوه وماكدرت اشتغل ابد
عقلي يجيب ويودي الفضول كتلني
طفرت على القطعه الي بينا وبينهم
على كيف رحت امشي باوعت على الغرفه الاخيره
الشباك بدون جام ولا برده
شفت البنيه كاعده ومربوطه ايده وعيونه وحلكه تحاول تفك اديه وماتكدر
مشيت ويه الحايط على كيف واني مدنك
وصلت للبيت من كدام
اريد اسمعهم شيكولون
جمانه السعيدي
الاول خالد يكول لحد يقرب عليه مجرد ماناخذ الفديه انعوفه
الثاني بس كون بسرعه تنحل هاي المشكله لان هاي المنطقه بعيده
ولا اكو مطعم ولا مول شنو راح نبقى هنا محبوسين علمودها
الاول انت ابقى هنا واني اروح اجيب اكل ومي واجي
بس خل اتصل بخالد
اكيد حساب الاكل علي
مو خطفناها وجازفنا بروحنا والاكل علينا
الثاني وجيب وياك جكاير
الاول اني اريد جاي
شويه وجتهم مكالمه
الاول هلو استاذ خالد
خالد ديرو بالكم احد يقرب عليه
...لا استاذ محد مقرب عليه بس احنا نريد اكل وجاي
خالد واحد منكم يروح يجيب اكل وجاي
واني راح ازود يوميتكم لا تخافون
بس اقفل الباب عليه زين مو تطلع
ولا تجيبون اسمي كدامه ابد
الاول لا مانجيب اسمك كدامه ولا راح تعرف منو خطفه
خالد تمام من اتصل عليك افهمك شتكول
...تمام
قفل التليفون
الاول يكول لا تجيبون اسمي كدامه ابد
وواحد منكم يروح يجيب اكل والحساب على استاذ خالد
الثاني اروح هسه بلسياره اجيب اكل وارجع
الاول جيب وياك غلايه وجاي وشكر وجيب كوابه نشرب بيهن جاي كله على حساب استاذ خالد
الثاني تمام
إياد فهمت من كلامهم هاي البنيه تعرف خالد معرفه
زينه وهو خايف لاتعرف هو خاطفه
ماادري ليش عقلي يكلي ساعده ولا تعوفه بديهم
سمعت واحد منهم شغل السياره وطلع
جمانه السعيدي
بقيت واكف ورا الحايط
متردد ساعه اكول اخلصه من اديهم ماطول بقه بس واحد هاي خوش فرصه
وساعه اكول اني شعليه ليش ادخل
ايجوز عصابه ويلزموني
اذا لزموني امي تنجلط
بقيت متردد والوقت جاي يمشي مو بصالحي ابد
رفعت راسي من ورا الحايط
شفت الولد الي بقه كاعد برا يدخن
مشيت على كيف ورحت يم الغرفه الاخيره رفعت راسي
شفت البنيه من الشباك مربطه وممدده
ترددت مااريد اروح انقذه
لان سمعتهم كالو مراح اناذيه ابد
ياخذون الفديه ويعوفوها
ليش ادخل نفسي بمشكله ايجوز مااطلع منه ابد
بس خاف اهله مايدفعون الفديه وتبقى هنا محبوسه لو يقتلوها
ماكدرت ارجع البيتنا خطيه اكيد خايفه منهم
سمعت تليفون الولد البرا دك وكام يسولف ونسجم بلكلام
على كيف صعدت على الحايط ونزلت بيتهم على كيف
الولد من كد مامنسجم بالمكالمة ماحس بيه ابد
دخلت من باب الترك امشي على كيف
لكيت الغرفه مقفوله والمفتاح بلباب من برا
