رواية الوجه الاخر للحقيقه الفصل العاشر بقلم جمانه السعيدي
كوثر....اني راح احجي كلشي الضاهر اني مراح اكدر اخلص من هذا الموضوع اله احجي الحقيقه
محمد...افتح تسجيل الاعترافها
.. حاضر سيدي
كوثر....اني من دخلت بيت حجي عداي انبهرت بلخير الي عدهم اصلا احنا حياتنا لا شي بلنسبه الهم
عاملوني احلى معامله بلدنيا
مثل مايعاملون بتهم واحسن بعد
بس اني جنت طماعه وعندي عقدت نقص
بلجامعه حالي حال كل البنات حبيت زميلي ولد وياي
كنت متلهفه ادخل بعلاقه حالي حال باقي البنات
طلع حميد كدامي ولد شاب قرب عليه وبدا يهتم بيه
واني ماصدكت
الصراحه اني من دخلت الكليه لمن طلعت محد عبرني غير حميد تعلقت بي وحبيته ضروفه تشبه ضروفي
فكر وحالته انكس من حالتي
كان يشتغل عامل توصيل من بعد الدوام
الولد من البدايه كان صريح وياي كال اني ضروفي صعبه
اشتغل عامل توصيل بس حتى اكمل دراستي
صح اني جنت اتمنى اخذ واحد.شبعان واحد عنده فلوس هواي حتى اعدل وضعي والبس حالي حال باقي البنات
بس ماكو غير حميد
الوحيد الي قرب عليه الوحيد الي حبني وحبيته
كنت اتمنى ارتبط بي واتباها كدام البنات اني ارتبطت
بس ماعنده منيين يجيبلي
بنفس الوقت جنت اشوف بيت حجي عداي والفلوس الي يلعبون بيها لعب واشوف اثير وزوجته شلون مدللها
تلبس ذهب وملابس راقيه وعايشه بيت يخبل
بهاي الفتره اتعاركنا اني وحميد وزاعلنا
اني كنت سبب هذا الخلاف كنت اريد ابتعد عنه بلكت
اشوفلي واحد غني ازوجه
لان بعد الدلال الي شفته بيت حجي عداي مااريد ارجع للفكر بيت اهلي جمانه السعيدي
بقينا اني وياا مزاعلين ومانحجي سوا
الحد ما اثير انفصل عن زوجته وهنا عقلي تلقائيا كام يرسم على اثير
ليش ماازوج اثير عنده فلوس وبيت وموظف
قابل اني شريد من الدنيا اما موضوع الاطفال مااجه ابالي ابد اهم شي اعيش مرتاحه
بقيت امشي ورا اثير واهتم بي حتى يزوجني
وابقه عايشه بهذا العز وماارجع الاهلي
الحد مااعترفت الاثير اني احبه بنفس الوقت جنت أبين اليلى اني نسيت حبيبي وعفته خاف تكشفني كدام اثير
ويبطل مايزوجني
ازوجنا اني اثير اول عاقبه صارت بطريقي حجي عداي
مايقبل اسكن وحدي وين اطلع يروح وياي
عبالك مخلينا شرطي عليه اني ازوجت حتى اطلع وادخل واعيش بكيفي لو حجي عداي يراقب تصرفاتي
جمانه السعيدي
خنكني مااكدر اخذ راحتي
اما بلدوام رجع حميد يتواصل وياي
الصراحه اني جنت اتحارش بي كنت اريد اخلي يغار
كنت اتعمد البس واكشخ وامشي كدامه
اريده يشوف الفلوس والذهب
الوضع الجديد جنت اريد اكوله اني ازوجت واحد احسن منك
رجعنا اني وحميد نحجي سوه ورجع الحب القديم اجدد
دائما يكول اني ماكدرت انساج
ولا اني كدرت احب اثير وانسى حميد
اثير كان بلنسبه اليه كنز ولكيته
كان حميد يطلب مني نلتقي برا وحدنا حتى ناخذ راحتنا بلكلام
بس عمي واكفلي مثل العظم بلعومي
هنا طلبت من اثير نطلع بيتنا وخاصه اني خلصت جامعه
يعني بعد مااكدر اشوف حميد براحتي
زعلت بيت اهلي حتى اجبر اثير يطلعني بيت وحدي
اثير خطيه ماكدر على زعلي
طلعنا بيت وحدنا وهيج كنت اشوف حميد براحتي
جان يجيني للبيت من اثير يطلع
جمانه السعيدي
غلطنا اني ويااا وعرفت نفسي حامل ماكدرت اتخلص من الطفل قررت اكول اكو سيد يعالج الحالات الصعبه مثل حالتنا اثير ما قبل لان يعرف نفسه زين
بس اني صممت حتى اخفي الفضيحه
رحت للسيد واني حامل بداية الشهر الثاني
من رجعنا ورا كم يوم كلت اني حامل
وهنا كمت أأمر وانهي وصرت العب بلفلوس لعب
الحد ما ولدت واني علاقتي بحميد مستمره وانطي فلوس
حميد ضاج من هذا الوضع
عرض عليه انفصل من اثير ونزوج اني وياااا
بس اني ماقبلت لان راح اخسر كل هذا الخير
جمانه السعيدي
اتفقنا اني ويااا نقتل اثير ويصير هذا الخير النا وحدنا
بوقتها حميد يشتغل عامل توصيل
فتح رقم الدراجه وتلثم وتفقنا اني ادز اثير يشترلي شغله وقت متاخر
بليل بس ينزل اثير من السياره حميد يدهسه بلدراجه
فعلا دزيت اثير واتصلت على حميد حتى يحظر نفسه
اثير نزل من سيارته وحميد اجا من ورا ودهسه ووكع راسه على حافة الرصيف ومات
جنت خايفه ميته خوف خاف ننكشف
قطعت اتصالاتي بحميد لمدت ٣ اشهر وغيرت رقم تليفوني
خاف احد يشك بيه
بس عدت ومحد فكر اصلا اني السبب بموت اثير
اعتبرت نفسي محظوظه كلشي عدا على خير وما نكشفنا اني وحميد
مرت سنه كامله ومحد عرف شي كنا اني وحميد نتواصل خلال هاي السنه بلتليفون واذا اريده اشوفه
نلتقي بمكان محد يعرفنا بي
كنت خايفه عمي يشوفه يدخل بيتي
خصوصا عمي جان يزورني دائما حتى يطمن عليه وعلى ابني
الحد ما قررنا نزوج وكلشي جان تمام
جريمتنا ما نكشفت ومحد فكر بينا خلاص ليش ما نزوج
كنت اعتبر نفسي ذكيه ومحد يكدرلي
عمي ماقبل بهاي الزواجه بس اني مايهمني عمي اريد ازوج حميد حميد حبي الاول حميد ابو ابني
ابد ابد ابد ماكان يخطر على بالي عمي يدقق بملامح ابني وزوجي ويكشف كلشي
اي شي ممكن اتوقع بس عمي يكشف هاي اللعبه ما توقعت ابد
والمصيبه تفاجئت مشتكي عليه ويطلب تحليل تطابق
حاولت ابين اني قويه كلت ابني يشبهني حتى اضلل
العداله وكلت مااخاف من التحليل
حتى اهز عمي وارجعه عن الشكوى ضدي
بس عمي مصمم مايقبل يتراجع ابد بقيت افكر شلون راح اطلع من هاي المصيبه
اذا انكشفت راح ادخل السجن قضية زنا وقضية قتل
بقيت افكر تعبت من التفكير كلش
حسيت نفسي راح انكشف خلاص بعدين اذكرت
اكو عندي جنطه جمعت بيها ملابس اثير والفرجه مال شعره
بعد ما مات وخليتها فوك بلغرفه ويا الغراض الزايده اريد انطيها الواحد فقير
صعدت لكيت فرجة شعره بلملقط سحبت منها شعر
بس كلش قليل وخليته بكلنسه وحضرته
وقررت اكول ابني مريض ومااروح وياهم وانطيهم شعر
اثير خفت اروح ويكصون شعر ابني وساعته شلون بيه
امي كانت تعرف كلشي عني حتى اخوي اني حجيتله
بس سكت لمن انطيته فلوس وطلبت منه يساعدني حتى لا انكشف
سكت لان اني اذا انفضحت هو راح ينفضح وياي
سمعتي هي سمعته
من وصل المحظر صح اني كصيت شعر ابني كدامه
بس اني كنت محضره شعر اثير بلكلنس ونطيته اله
جمانه السعيدي
هنا حسيت نفسي شاطره ومحد يكدر عليه من طلع التحليل
رحت اركض لان متاكده من التطابق
بس عمي ماقبل وصمم نعيد التحليل وهلمره يريد ياخذ ابني بايده
بقينا نماطل وطلبنا مهله من الضابط يااخر الاعتراض
دزينا ناس على عمي ماقبل
ماكان كدامنا غير نحاول نقتله نفس ما قتلنا اثير
بس هلمره بطلقه تنهي حياته اذا مات عمي راح تنسد هاي القضيه للابد
بس فشلت هاي المحاوله وحميد ماكدر يقتل عمي
ماكان كدامنا حل غير ننهزم من المنطقه
وهيج عمي مراح يكدر يلكانه لان مراح نسكن قريب بيت اهلي نسكن بمنطقه شعبيه
منا لمن عمي ينسى هاي السالفه ونخلص منها للابد
بس الضاهر اثير مايقبل يعوفني اله ياخذ ثاره مني
هاي اني حجيت كلشي صار وياي
تكدرون تحكمون عليه اني مستعده
جمانه السعيدي
بدت إجراءات المحكمه اول شي
ثبتت عليها قضية الزنا وهيج الطفل مو ابن اثير
والثانيه التحريض على القتل قتل اثير
والتحريض على قتل حجي عداي
والجريمه الثالثه تزوير التحليل والتلاعب على السلطه
انحكم على كوثر ٢٥ سنه سجن
اما حميد....انحكم اعدام لان علي ٣ قضايا
زنا وقتل ومحاولة القتل مع سبق الاصرار والترصد
هيج حجي عداي اخذ حق ابنه
حق اثير رجع رجع حق المظلوم
مستحيل واحد ينظلم وماياخذ حقه اذا مو بلدنيا بلاخره
كوثر اتوقعت بعد سنه من قتلها الاثير
محد راح يعرفها ولا واحد راح يشك بيها
بس رب العالمين جان عنده تدبير ثاني
طلع الطفل نسخه من حميد حتى تنكشف كل الاعيبهم
ويرجع حق اثير
انتصر حجي عداي
ماضاع حق ورائه مطالب
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
