رواية عشك فلاح الفصل العاشر 10 بقلم ورود الخالدي

جنة::

رجعنا للبيت..اني..طبعا ممصدكة الي صار..حيل متفاجئة..ومﻻمح علي وكﻻمة..كل شويه ..تجي ابالي..اكول لنفسي..معقولة هالكد..يحبني..كﻻمة حسسني..الي..فد..مكان جبير بحياته حسسني بمشاعر حلوة مجنت اعرفها..وﻻ.حسيتها.او عرفته ..طول عمري جنت محبوسه ابيتنا..بعمري مسمعت كلمة حلوة من احد..وﻻاي شخص اهتم..بيه لو بمشاعري..عشت حياة كلها خوف من جية بابا كل يوم بالليل شارب لو يتعارك ويه الناس..لو يضرب ماما..وماما تنتظرةينام....وتخلص الليل تبجي....اي هيه هاي حياتي..كلها دموع..ولهذا صارت دمعتي قريبة اي ..شي حتى لو..بسيط..يخلي دموعي يجرن...بس اليوم من حجه ويايه علي..حسيت..بأمان موطبيعي..عيونة كولها حنية كلبة..يفيض حب..احس كل كلمة كالها طلعت من كلبه ..وصلت لكلبي واخذت..... مكان بيه..صار الليل مكدرت انام..اتذكر. كلماته وعيونة الحنينة وابتسم..احسن نفسي..اميرة..احس نفسي..عايشة بحلم حلو..ومن كلي فكري..بكﻻمي..وضلت بعد يم كلبج..كلت لنفسي ليش ما افكر..بيه..علي ينحب..صح ضوجني بالبداية صح بجاني هوايه بس..خطية هو حقة..ميثق بأي بنية لان الصدمة لعاشها..هواية مأثرة..بيه..علي..تركيبة..غريبة من البشر..شخصية..تتحمل كولشي حتى مسؤولية اهلة كولها شايلها على..جتافة..وبيت خالي بدونة ميسوة شي....كﻻمة الي..خله.بكلبي فرحة مجنت متخيلتها فد

.يوم من اﻻيام ..يكولي عاشكج عشك..ماصار وﻻيصير..وبعد..هواية حجة..الله شكد حلو..كﻻمة الدافي..بعدين اني وين الكة احد بهالدنيا يحبني كل هالحب..الصادق..الشريف..وين اكو بهالوكت هيج انسان..مشاعرة..فياضة..حسسني باﻻمان..و اذا صرت اله كل سعادة الدنيا راح الكاها..يمه..بقيت 3 ليالي ما انام بس افكر بكﻻمة الي..وهو.هم بعد مفتح.... الموضوع ويايه بس احس..عيونه تراقبني كل لحظة من يدخل للبيت يدور عليه بعيونه ومن يشوفني احس مﻻمحة ترتاح..من نكعد ناكل اشيل عيني الكه عيونه بعيوني..خﻻني احس اني عايشة بداخلة من اهتمامه بية وبنفس الوقت..مجان يبين ﻻ احد من اهلة شديصير بيناتنا...صح منكعد نحجي بس عيونه تبادلني هواية كﻻم..كﻻم..احلى من كل..كﻻم الحب..والغزل الي الناس تكتبه..وتكوله..وبنفس الوقت احس عيونه تسالني..احسه منتظر مني كلمة ع نار..اﻻيام تمر..وصار موسم الزرع ...وصار من يطلع يتأخر هو والولد..وصرت انتظر جيته..ومن يدخل للبيت تعبان احس روحي ترتاح بشوفته..ومرات افتقدة اطلع اتمشة ويه زهورة وزنوبة بالبستان اسمع صوته من بعيد يغني..شكد حلو صوته شكد حنين..ويلمس الكلب..وحسيت نفسي مهتمة بيه يمكن ما اعرف اعبر مثله عن الحب..بس هو يستاهل احبة رجال شهم..وابن اصول..وشخصيته تخبل..مو بس شخصيه حتى مﻻمحة ..حلوة طول وجسم..ووجه..تفاصيله.جذابة يعني..... بعد شأريد من رب العالمين..يمكن الله سبحانه وتعالى راد يعوضني بيه عن اﻻب واﻻخ..والعائلة..الي..جنت افتقد الها..ومر شهر وقررت اكوله وافتحلة كلبي واشرحلة كولشي..واخلصة من اﻻنتظار..اريده يفرح..ﻻن احس باﻻنتظار..ديعذبه.

علي:::

الدنيا ليل تقريب الساعة بالعشرة..جنت بغرفتي مثل كل ليلة كاعد بس افكر..بيها..محمد نايم ع جربايتي..وانه كاعد...وروحي مو عندي روحي هناك فوك الصطح يم حبيبة كلبي..سمعت دكات خفيفة ع باب غرفتي كلت:

ياهو..يدك..ماتفوت:

شفت الباب انفتحت ماصدكت عيوني..جنة جايتني شني..صاير شي بالدنيا لو جاي اتحلم..

فاتت وكالت:

علي::اكدر احجي وياك؟؟

تكدرين ليش ماتكدرين يبعد رويحتي..تعالي كعدي 

ﻻ ماكو داعي اكعد خليني واكفه هنا!

ولج تعالي كعدي يمي واحجي شني وحش انه؟

ﻻ ..العفو..

يمة...اروح فدوة للمأدبة..المعدلة..تعالي كعدي يمي وسولفي..

ماشي..

اجت كعدت يمي..خطية اشوفها مرتبكة كوة تجر النفس..مستحية..كتلها:

باﻻول سمي بالرحمن..واخذي نفس ..ماكو شي ورانه من تهيسين روحج..تكدرين تحجين ..احجي:

علي..انت..انت من..حجيت وياية..ع الشط وكتلي احبج..وكتلي كل ذاك الكﻻم الحلو..الي غير كولشي بداخلي..واثر حيل بيه..وكتلي بعد كﻻم ثاني..

كﻻم ثاني شني..ماافتهمت؟؟

كتلي انت مناسي كلامي الي جرحك..مناسي..اني كتلك..اكرهك....واني هم...اني هم مناسية كﻻمك من كتلي انتي معندج اصل وفصل وابوج سكير وقمرجي.....

جنة..بس انه!!

اوكف علي بس خليني اكمل كﻻمي..اني مناسية كﻻمك مو ﻻن جان قاسي وجرحني..بس ﻻن كﻻمك جان كوله صح..اي علي كوله..صح..اني متربيت بداخل عائلة مثل كل العوائل..فتحت عيوني للدنيا..ع بابا يجي..سكران ويتعارك ويه الجيران لو يضرب ماما وهي تبجي..واني ابجي وياها..لدرجة عيوني تعلمت ع البجي...اي كلمة زغيرة ممكن تبجيني..وتخلي عيوني..يجرن دمع..علي..اني حتى طفولة مثل الجهال معشت ماما جانت تخاف تخلف بعد حتى متضل حايرة بكومة اطفال عشت محبوسه بالبيت وحيدة معندي ﻻ اخت..وﻻ اخ..واﻻكثر من هذا معندي اب..مثل اﻻباء..يحسسني بحنانة ويجي من برة مشتريلي..حلويات..لو شي يفرحني..اصﻻ وﻻمرة بحياتي..شفته خله ايده على شعري..وحضني.. وحسسني بحنانة ..فتحت عيوني ع المشاكل وعلى دموع ماما..صرت اخاف..من كولشي..ومن جانن النسوان الي يجن يخيطن يمي..اعجبهن ويخطبني..... جنت ارفض..اخاف تتكرر..حياة ماما..اخاف اعيش الي عاشته...اخاف اتزوج..ويطلع زوجي واحد ظالم..ويعيشني بعذاب....فجنت ارفض..اي..شخص يتقدملي..ورافصة اي..ارتباط بأي رجال بهالدنيا..لهذا محبيت..واصﻻ ما اعرف شنويعني حب..بس..من جيت انت وشرحتلي مشاعرك..تفاجأت..مصدكت اكو شخص يحبني كل هالحب..شفت بعيونك..حنية ودفه..وامان..مشفتهن..قبل..

هي تحجي..ودموعها يجرن..اااوف عمت عين كلبي عليها..شكد..جانت متعذبة من ورة هذا ابوها الكلب ابن الكلب..تحجي وتباوع بعيوني ودموعها..ذبحني ذبح بودي هيج اشبكها..واكلها..خلص البجي..بعد ماتشوفين دموع انه ابوج..وانة اخوج..وانه حبيبج...بس كلت ﻻ...بس ادنه واشبكها..تخاف مني..وبعد ماتكمل حجيها..وردت تحجي:

علي..كﻻمك حسسني انت اﻻنسان الى الله عوضني بيه شأريد من هالدنيا غير رجال مثلك شهم..وشريف وابن اوادم..وحنين..واكدر..اخلي..كل..ثقتي..بيك.... حسيت انته الي راح تسعدني صدوك..علي اني ما اعرف الحب قبل..ﻻن محبيت..وﻻ اعرف مثلك ارتب الكﻻم الحلو..بس اريد اكولك كلمتين علي..اذا رايدني..اني..اني هم رايدتك..واني فخورة..وفرحانه بحبك الي

ماصدكت من كالت رايدتك..كبل كتلها:

تحجين صدك..تحجين صدك..جنة..تكولين رايدتك..اروحلك فدوة ربي..ع هالحجاية الحلوة ربي محمودمشكور..من خليتها تجي..وتكلي اريدك..

هيه تبسمت..من حجيت..ادنيت مسحت دموعها..وبستها بكصتها..واخذتها بحضني..هي مستحية بس كضيتها حيل حتى ماتوخر ايدي..وكتلها:

وانه يجنه اطيج وعد طول العمر..اخلي روحج..بروحي..واضمج جوة رمش عيني..ودموعج هاي ماتنزل ابد..منا لمن يشيلون جنازتي..

هي..راسا..كالت:

ﻻ..ﻻ..لتكول..هيج اسم الله عليك...ربي يخليك الي..

ويخليج الي بيعد رويحتي..يبعد النفس..اليصعد وينزل..... بسدري..

رادت تكوم..كتلها:                                         

وين رايحة؟؟

كالت:

خلي اروح اخاف ماما تكعد..وتنزل ادور علية؟؟

ﻻ...خليج شويه بحضيني..مو الصبح انه رايح البغداد..وخاف..ابات ليلة..لو ليلتين..

تروح لبغداد؟؟

اي..اروح..للسجن ﻻبوج..غير اخذموفقته هي هاي اﻻصول؟

تاخذ..موافقتة؟

اي..حتى ارد مناك...واعقد عليج..جاشني..حسبالج الحب بس حجي..اريد اعقد عليج..وتصيرين حﻻلي..ولج..انه صارلي شكثر..متاني..تجين وتفرحين..كلبي وتكولين اريدك..

ياااااتحجي..صدوك يعني هيج بسرعة تريد تعقد..  

انه لو بيدي..اعقد عليج من اول يوم..شفتج بيه..

صدوك..تحجي..

اي صدك...جاجذب؟؟

اي بس ميصير تقرر..بسرعة تروح البغداد الصبح اي غير تحجي ويه ماما..ويه خالو بالموضوع!   

ولج انتي مصخنة ..ياخالو..ياماما..اني مايهمني احد..كلهم مكدور عليهم اصﻻ حتى ابوج اذا ماقبل ..اكتله هناك..كتلة معدلة...واجي اخذج..مادام..انتي راضية..الدنيا هاي كلها ماتهمني بعد..

هههههه..هاي انت شكد مستعجل ومندفع..اهدأ شويه قابل الدنيا..طارت                                       

يامستعجل..يامندفع..انت ماتعرفين شبيه انه ابو ابوي مسموط..من وره عشكج..بت الكلب.....♥♥♥♥♥

ضلت بحضني شويه..اشوفها مستحية وكلبها يركض..وانه هم كلبي يركض مثلها..بس خفت عليها من روحي..كلت ما اريد..اخوفها مني هسه هديتها..كامت..مشت للباب..التفتت..وتبسمت:

مو تتأخر..ابغداد؟

انه اتعطل..شمالني قابل مسودن!!

وراحت..كعد الفجر لكيت ابوي يصلي بالديوانية خلص..صﻻه..بساع كتلة:

بويه بدل..وامش وياي:

خير بوية وين امشي وياك؟؟

لبغداد لبو جنة؟؟

ﻻ بوية مانمشي هسه امس خابرني المحامي بعدهة محاكمتة بطية؟؟

بويه يامحاكمة ماتخلهم يعدمونه شلي غرض.انه رايح اخطب جنة منه؟؟

تخطب..شني تريد تعرس..ولك ثمن سنين صارلي انحش عليك..حتى اخذلك مرة وانت ماترضه..

بوية..عاشكها..احبها..اله اكلك هيج!!

هااا..عاشكها..هيج الحجي..جااا امشي وياك ليش ما امشي؟؟

جنة:::

وراح علي..البغداد..بس اتأخر.3 ايام..وباليوم الرابع..سمعت محمد..يركض ويكول:

اجه..جدي...اجه ابوي..

كلبي صار يدوك حيل احس نفسي حيل مشتاقتلة

هو فات للهول الباقين ملتمين على خالي جايبلهم غراض..واني وعلي واحد يباوع للاخ..بعدين اجه وكف..يمي وكال..لماما:

عمة..العصر اعقد على جنة

هي كامت ممصدكة:

تعقد على جنة شنو؟؟

هااا..عمة ماراضية اخذها؟

هي ابتسمت..

ﻻ عمة ..شو اني ما ادري..بالسالفة شنو هيج بسرعة تعقد العصر..غير البنية نشوفها راضية ﻻ؟

عمه..ﻻتشلعين كلبي..كتلج العصر اعقد...

امي باوعت عليه اني استحيت دنكت..

عمه على كيفك..شو ماخذني ع الحامي..ميخالف اعقد..بس العرس مو هسه من انشوف ابوها شيصير بمحاكمته؟؟

عمه خلني اعقد ويصير خير..

عمه ام علي وحميدة وانعام..صافنات بس عمتي بسرعة هلهلت..وبجت..ادنه يمها..علي باسها بكصتهاوكلها..                                 

افه يمه تبجين هاي بمكان ماتفرحين مو صارلج سنين ادكين براسي..عرس..ماعرس!

يمة فرحانه كلش فرحانه حتى كلبي كام يوجعني من الفرحة..

ماما كالت:

عمة خليها الباجر خلي جنه تحظر نفسها يعني تشتري..مﻻبس للعقد تروح للصالون ترتب نفسها..وتسوي شعرها؟؟

ترتب نفسها..شني..هي مرتبة من كاعها..وشعرها..ماينجاس.اذا كصيتن منه شعرة وحدة.....

الدنيا اكلبها:

ياااا..شبيك عمه غير عقد وتريد تفرح..بس لتخاف منكص..من شعرها..هيج بس ترتيب..بالصالون

يا لله كومن بدلن..خلني اخذجن للوﻻية تشترن هدوم..ومدري شني..

عمه توك جاي من بغداد بعدنا على اول الصبح استراح شوية؟

اهووووعمة ليش تعطليني وتشلعين كلبي ماترحين ..كولي..

اي عمه كايمه..شبيك..صاير..بارود

اباوع ع علي..ياالله شكد مستعجل اشوف عيونه كولهن فرح ممصدك..راح اصير اله..رحنا للسوك مشتريت بدله..ﻻن الجو حارومتفيدني اشتريت نفنوف كولش حلو..ورحت..اني وماما للصالون..سوتلي تسريحة بسيطة..ومكياج هم بسيط ﻻن اني ما احب..الطوخ والمبالغة.. طلعنا من الصالون هو باوعلي:

وكل لماما:

عمه غطي وجهها ليش تخلني اطلع من طوري!!!

هههه..اعرفه يغار..ميريد الناس تشوفني   امكيجه..ماماكالت:                           

شنو عمه هيج تعقدون ﻻحلقات ﻻشي:

عمه..باجر..باجر ننزل انه وانتي وامي وجنة ونشتري ذهب..وكلشي بخاطرجن..بس خلني اعقد العصر..والله كريم!

بكيفك..عمه والله ما اكدر احجي وياك كلمه اشوفك..مستعجل ماخذنا حاصل فاصل

ورجعنا..للبيت عقدنا..اجه كعد يمي اشوفه طاير..طاير من الفرح..عيونه تسولف كولشي..كعد يمي شويه وطلع ..البنات خطيه حتى ملحكن يتشترن مﻻبس ويفرحن بس هنه بدلن بلي عدهن..ويهلهن..ويغنن..صار الليل..اني رحت خسلت وجهي..امي صعدت فوك..وردت اخذ..مﻻبس حتى..ابدل النفنوف..ﻻن شفت كولمن دخل لغرفته..بعدني دا تفتح بالجنطة..حسيت..بيه لزمني..... من ايدي..ودخلني لغرفته..

وسد الباب:

علي..هاي شنو ليش..دخلتني لغرفتك..هسه احد يحس علينا؟؟

ماتخلينهم يحسون علينا..شعليهم مريتي..وحﻻلي..

اي شتريد هسه..

تكول شتريد..ولج تغشمين روحج..

محسيت اله ..عصرني ع الباب بقة يبوس بشفايفي حيل..متلهف..وايديه..شلون مخليهن على جسمي..يا الله..شكد تخجل..متت من المستحة..كلبي احسه   حيوكف بس لكفت الهوة..كتلة..

علي..فدوة كافي ليروح محمد يكعد..

بس هو موكف كلي:

ولج اسكتي..

ورجع يبوس بيه وحاضني..بعدين كام يبوس بركبتي على كيفه..كتله:

علي فدوة الله يخليك كافي والله كلبي حيوكف؟

باوعلي وضحك:

يمة بعد كلبي كلبج..ولج شبيج شبيج راح تموتين صرتي مريتي..انه حﻻلج..وانتي حﻻلي جا انه عليمن كاتل روحي واركض ركض..غير..بس اريد..الكفج؟؟

اني ارجف:

علي يعني انت..انت تعرف ﻻزم هاي الشغﻻت ورة العرس مو؟؟

اووووف ولج والله ادري..بس ماعندي صبر كتلج روحي ثاكبة وكلبي طك؟؟

ميخالف علي فدوة اصبر للعرس..خليني اروح هسه..

اجة يبوسني..بعد خليت ..ايدي على حلكة..ضحك:

بطلت..بطلت ما ابوس..بس خلني اشوف بس بعيوني عاد...

جان يجر النفنوف من يم صدري..عزززة عزززة شكد عيب باوع على جسمي وكال:

بووووووووويه راح اموت...راح اموت..وعلي..ههه..هاي امج مسودنه تكول العرس..وره المحاكمة..يامحاكمة..يادهر..

فدوة علي عوفني خلي اروح هسه:

روحي..جنة..بس..شوفي ثلث ايام ﻻيزودن وﻻ ينكصن..وتصيرين بحضني العمر ..كله..

طلعت من غرفته..ميته من الخجل حتى مﻻبسي مبدلتها..صعدت حضنت ماما ونمت بالنفنوف..  

    

علي:::                                               

تريكنا..ورحت يم ابوي بالديوانية:

بوية ثلث ايام..وتزفني على جنه؟؟

شني..ثلث..ايام..شني هيه لعب..لو كوترة..بويه انحظر ارواحنا..نجهز..البت..تبدل غرفتك..البت هم خاف بخاطرهة شي تسوي..شمالك مستعجل..جنك..راح تموت..ع العرس..اثكل يبويه..

بوية ﻻ اثكل..وﻻ دهر..ثلث ايام وتزفني على جنه..تره كفيلك..الحسين..اسويلي نايرة بيكم..؟؟

هاااا..ولك...تسوي نايرة..انت موصاحي:

اي بويه مو صاحي..اكلك..عاشكها..ما اكدر اصبر..

ههههه..جا ماطولك هيج..هم ايدك..وحظر كلشي بساع...

من هسه ابدي..

اي بويه من هسه ابدي..

رحت العصر..اشتريت غرفة..وجبت النجار..خليته طلع غرفتي اﻻوليه ونصب الجديدة..ورحت اشتريت باقي الغراض..ثاني يوم اخذت امي..وعمتي..وجنه ومن الصبح لليل نسوك الدرب كله يضحكن عليه جا مستعجل..وجنه مدنكة مستحيه من حجيهن..وبسرعة لفلفت العرس ماصدكت..يزفونا..فتت..للغرفة هي كاعدة ع الجرباية..

كبل..وعدل.جيتت..ابوس بيها:

ع كيفك علي..فدوة دتأذيني شبيك..ليش هالكد..متلهف..يعني صرت مرتك..قابل راح انهزم..بس خلي اخذ نفس

ولج سكتي..سكتي..كلشي ﻻتحجين؟؟

وماطولت يمكن..ربع ساعة واخذتها..هي بجت..خطيه كتلها..

اعذريني..ولج..مامصدك..وعلي..

فتحت الباب امي وعمتي فاتن.يهلهلن عمتي تلوم عليه:

شافت جنة تبجي:

يمه بنيتي..ترجف..شنو القصة عمه..شبيك..مشايف..مصار نص ساعة..من زفيناكم..

وحضنت جنة:

اسم..الله اسم الله يوم..شوف شلون ماخذها الرجيف.طلعت من يمهن اضحك..سلمت ع الوادم..وراحت الوادم..ابوي خله محمد بحضنه ونومه رديت للغرفة لكيتها سابحة وﻻبسه دشداشه بيضة خفيفة..بس اشوفها تتشرد مني..

ادنيت كضيتها..

ها يروحي شو تتشردين مني:

مو انت..انت تخوف وتوجع!

ههههه...ﻻ تخافين بعد ﻻ اخوف وﻻ اوجع..هيه بس اول مرة هيج

لعد محمد وين 

نايم يم جدة

وليش مجبته ينام هنا؟

شني ينام هنا بعد منا وغاديم جدة ينام...

ﻻخطية؟؟

شوفي..موتحبلين بساع وتلتهين عني بالفروخ!

هاي شنو يعني متريد جهال..وين اكو رجال ميريد جهال؟؟

بويه انتي طالبتني بطﻻبة ما اريد فروخ هسه ولج اريد اتونس..اريد..اخلصها تشكلب هيج ع الجرباية سنتين ثﻻثة ﻻحكين على دوخة..الفروخ..دتعالي هسه..تعاليلي..وخلي السوالف بعدين♥♥♥

يمكن عشت ملك ﻻ والله احسن من الملك احبها وعشكها ينغمش بروحي..بس هيه مابطت ست    اشهر..وحبلت..ومكيفة..بالحبالة..هههه....كل يوم اطلع الصبح اشوف شمس الله تطلع..واكول ربي احمدك..واشكرك..ماقصرت وياي جبرت بخاطري.وفرحت..كلبي..