رواية بنت الحرام الفصل العاشر بقلم جمانه السعيدي
جمانه:::
ونفذ الي كاله ضرار..وسوالنا عرس يجنن..بالقاعة. عزم كل منطقتهم..وعزم خواله بس مجوي خواله لان يعرفون والدته زعلانه فمكدروا يجون حتى متزعل منهم..بس اجه سلام واسيل..طبعا عمو..واكف بصف ضرار..وضرار..شطالع طلع يخبل..بالعرس احس الناس كولها حاسدتني عليه..واني هم طلعت غير شكل من الصالون..جنت حيل فرحانه بالزفة وبالبدلة البيضة..بس احس فرحتي..ناقصة..لان ..من سألت ضرار..كتله تحبني كال لامااحبج..اني ما اعرف..الحب..احس اكو مثل الغصة بصدري..لان هيج كلي..الموسيقى عاليه والزفه حلوة بس اني..كل شويه اتصفن افكر..اذا هو ميحبني ليش. تزوجني..او ليش حاول بكل الطرق يحصلني..وليش قبل..يبقى ويايه ويوكف بصفي..اذا ماكو بكلبه حب الي..زين وكل ذاك الحب..والدفه..والحنان الي حسيت بيه منه شنو معناه..شنو معنى معاملته الحلوة الحنينه..وياي..راح اتخبل..بس احاول افهمه مدا اكدر عبالك صندوك..جبيرمليان اسرار..ومقفول..ومفتاحة ضايع..واثناء الزفه حسيت هو انتبه اني جنت صافنه..وبالي شارد..كلت هسه يسألني ويكولي ليش صافنه؟بس مسأل..
بس كل شويه يلتفت عليه ويبتسم ابتسامه حلوةبيها فد معنى مدا افهمه..وخلصت الزفه..وصعدونه للغرفة بالفندق..بقينا وحدنا..اول مدخلت شال البركع وباسني بكصتي..وع خدي وكلي:
مبروك..يروحي!
دنكت..ما اعرف شكوله مبروك..عليه وعليك..لو اشكرك..حبيبي..لو شنو اكول بالضبط..فسكتت..هو هم ابتسم..يمكن حس اني مشغول بالي..فكلي:
شكدشفت بحياتي بس عروس هالكد تتصفن اني مشايف!
هااا..العفو..مو قصدي.
مو قصدج شنو تصفنين؟؟زين..بشنو صافنه بيش تفكرين!
عندي بس سؤال..واحد..
اي كولي:
انت..ليش تزوجتني!اذا..اذا متحبني!
ههههه..والله..والله اعرف...انت جنتي صافنه لهذا السبب..واعرف حجاياتي تحفر بكلبج..حفر..وممرتاحة..بس اني راح اجاوبج...واريحج:سألتيني..وكلتي انته تحبني لولا..واني كتلج..ما احبج..مو!؟
اي..كتلي ما احبج..وما اعرف الحب!
اي..صح..اني..ما اعرف الحب..اصلا..ما اعرف شنو واحد يحب بنيه..ويحس هيه تغنيه عن كل الدنيا..ما اعرف هاي الامور..لان مجنت..اعرفج كبل..تعرفين اني شنو احساسي..تجاهج!
لا..ما اعرف؟؟
احساسي..هو فد شي اكبر من الحب..احس الحب فد شي..زغير..فد شي قليل..بالنسبه لمشاعري..الج..لج..جمانه..اني ما احبج..اني اقدسج..واعتقد التقديس اكبر من الحب..ومعناه اوسع..جمانه انتي مسحتي..كل..دماغي..شلون الرام..من يتفرمت..ويبقى فارغ..وجيتي..كتبتي..بيه..كلمه..وحدة هي..جمانه..اخ..اخ ياجمانه..شسويتي بكلبي..لو اكعد للصبح اسولف هم ميخلص الحجي..الي بكلبي..
صدقه لعمرك..احجي حبيبي..اني اسمعك..منا..لبعد سنه
جمانه جان كلبي..مثل الصخر من طفولتي..واني كلبي..تجلد..بعد ما احب شي..اسمه..مره..
ليش..ليش
اني احجيلج..جنت..بالثالث متوسط..هستوني بدايه المراهقة مدلل..ولو اريد نجوم السما هم احصلها..وكح..عنيف..مزاجي محد يتحمله بسبب الدلال..حتى اصدقاء ماعندي لان كل اليصادقني يحس هو اقل مني فيعوفني الى ان تعاركت بالمدرسه..وعيروني..بعمتي..اي..جمانه عيروني..كلولي لو بيك..خير..مجان..عمتك..تركص بالملاهي..جانت..هالكلمات مثل الضربه القاضيه..هالعار هو الي..صقل...شخصيتي بطريقة غريبه كمت احس انه كل النسوان عار..وصرت..افكر اني عندي 3اخوات ازغر..مني..واحتمال هم يجيبلي العار..لان ابويه عنده اخت وحدة ومسيطر عليها..وجابتله العار..كبرت وهالفكرة ابالي..
اخواتي حبستهن..ولبستهن بوشي ومنعتهن يختلطن بالناس..حتى امي الي..هي اصلا عصبيه..عيشتها برعب..جنت اكولها اذا اخواتي يطلعن عن الطريق لو اشوف عليهن اقل زله اذبحهن..جنت اعتقد انه البنيه لازم تنحبس ومتشوف احد..والي زاد الطين بله وخله هالفكرة..تسيطر ع راسي..هو شغلي بمحل الذهب..تعرفين كم بنيه تجي للمحل..كم..بنيه..تعجبها شخصيتي..واناقتي..وشكلي..وتحاول تتقرب..مني بكل الطرق..كم رقم ينشمر..عليه بالمحل كم وحده تريد تسوي وياي علاقة لا..متعرفين..لان..مشايفه بعينج..ما اكولج..اني ..قديس ومجانت عندي علاقات..لا..جانت عندي كومه..علاقات..كعدات..وسهرات..وبنات..وشرب..بس..تخلص ونستي اكوم..اتقيأ..واكره نفسي..واتندم..لان نمت ويه وحده..واكول ..هاي اخر..مرة..وبعد ما اسويها..بس ارجع..واعيد نفس..السخافه..امي تلح عليه تزوج..وحدة من بنات خالتك..اكولها ما اريدهن..شوفلك..بت حلال اكولها ما اريد..لان اني بعقلي فكرة قافل عليها..ماكو..بنيه بهالدنيا..تسلم من الرذيلة..كل بنيه بيها جانب فاسد..وممستعد..اسلم لحيتي..واسمي لوحده..لو مهما..يكون..ومهما تكون مؤدبه وبت عائلة...لازم اكو طريقة تتقشمر..بيها..لو بالفلوس..لو..بالكلمة الحلوة..لو هي اساسا..تنعجب ببشخصيتي وبشكلي بدون ما..ابادر..
الى ان..دخلتي انتي..بحياتي..واحجيلج..الصراحة شفت صورتج..بجهاز..ابويه حيل عجبتيني..كلت اي..ضرار..هاي..
تفيدك..شابه وزغيرة وحلوة..وراح تعيش ابيتك..يعني شوكت..متريد..علاقة..هي جوه ايدك..ومترددت دفعت فلوس..واشتريتج..من ابويه..الي تكوليلي احترمه..واليوم وباجر وعكبه..هو ميستاهل الاحترام..المهم..حاولت وياح بكل الطرق..بالقوة..بالحجي الحلو..بالتهديد مفاد..حيل جنت..متعاند ويه نفسي..اله احصلج..لان حسيتج..فد شي صعب..وممنوع عليه ولازم احصلة..الى ان..شفتج..واكفه ع الميز..ومخليه الشال بركبتج..عقلي طار..كلت معقوله اكو بنيه..تعوف هالدنيا..وهالروح العزيزة ع مود..متعيش ..بالحرام..تعرفين بليلتها..منمت للصبح..اويلي انصدمت صدمة عمري..اكول لنفسي هاي الي اكول عليها بنت الحرام اشرف من كل البنات الي بالدنيا..لان البنيه الي تفضل الموت ع العار..هي بس الي تستاهلني..وتستاهل اقدسها..واخليها تاج ع راسي..تذكرين
.من اخذتج..من العرس..جنت ناوي..اكولج..اني احبج..اني..اريدج..الي..حبيبة..طول العمر..بس انتي دخلتيني بمتاهة ثانيه وخليتي فكرة ثانيه تسيطر..عليه من كلتيلي شنو هذه طريقة جديدة حتى تحصلني..رأسا فكرت احتمال هي صدوك..متجي بالقوة والتهديد..احتمال..الاهتمام..والحب..يجيب نتيجه..وجنت اريد فرصة انفرد بيها..وياج حتى اسوي الي ابالي..وفعلا..جيت بيوم السبعة كلت اجرب..بلكي تقنع..واحصلها..بس ردت فعلج جانت قويه كلتيلي..انتحر..اذا لمستني بالحرام..اخ..اخ..جمانه..احلى..
كلمات كلتيهن وانتي تصرخين..بوجهي وتبجين.وتكولين اني بنت حرام..بس ما اريد اعيش باقي حياتي بالحرام...بعد..مكدرت اتحمل..حسيت..نفسي كدام..قوتح..وصلابتج..ولاشي..وقررت بهاللحظة اتزوجج..لان..انتي الي اكدر انام..واني مرتاج..انه راح تكونين مخلصة الي..وانتي الي اتشرف تشيل اسمي..وتعيش بحضني طول العمر..هذا ياحب الي تحجين عليه..شنو من سؤال سخيف..تسأليه...الي وج اني ما احبج...وبس اني اقدسج..احترمج..اعشك..كل تفصيل من تفاصيلج..
هو هيج..يحجي.واني حسيت..حيغمى عليه من الفرحة..معقوله ضرار..هيج يحجي الف الحمد لله والشكر..ركضت عليه شبكته..هو هم شبكني:.
احبك..ضرار.. ما اعرف اسولف مثلك..بس احبك!
وهذا يكفيني يروحي..حبج..يكفيني..
جانت احلى ليلة بحياتي..لان حسيت بالامان اول مرة احس بالامان لان عرفت..هو مقتنع بزواجه مني..ويريدني..من كل كلبه وعقله..
بقينا 3ايام بالفندق وبعدين رجعنا للبيت..طبعا..امه متحجي ويانه..ولا حضرت العرس..زعلانه..لان مرايده هالعرس..يتم..بس..هو ممهتم..يكولي :.
لتشيلين هم امي لتشوفيها..عصبيه..ولسان لان هي اصلا..مكسورة جناح..وعاطفيه حيل..ومرت الايام ..عايشه بسعادة وي..حبيبي خصوصا من خلص..
الشتا وسافرنا لتركيا..الله الجو يخبل..حيل تونسنا..وعشنا احلى ايام..ورجعنا..من تركيا..هم نفس الشي..متحجي ويانه..رغم اني انزل واساعد البنات..بس هي ابد..كلمة متحاجيتي الى ان صار عرس..سلسبيل..وجتي سيارات الزفة ...بس هالمرة ضرار..محضر عرس مصطفى ..تحجج..كال عندي شغل اضطريت اصعد وياهن..واول مرة تحاجيني:
انتي اسمعي..مو تكولين حامل 3شهور..وتفضحينا الي تسألج..كوليلهن..هذا اول شهر!
ماشي..ماشي خاله
فرحت من حجت وياي
بس..رجعنا للبيت..حجيت لضرار..كتله امك..حجت وياي ضحك:
كلي
موكتلج..امي..طيبه وكلبها ابيض.معليج...عوفيها ع راحتها هي..تلين شويه..شويه..
ومرت الاشهر..وهي متحجي ويانه حيل..جنت ضايجة من هالموضوع واقترب موعد ولادتي كلت خلي اروح لغرفتها ابوس ايدها واكولها..اني معندي ام..وانتي بمكان امي..وقبل ولادتي باسبوع نزلت يمها..بست ايدها
.وكتلها:
خاله ام ضرار..اعرف انتي متحبيني بس اني معندي ام..الله يخليج..اوكفي وياي💔💔
فكالت بنتر!
ليش اوكف وياج..من قشمرتي ابني..ولعبتي بعقلة..وخليتي يعقد عليج..مفكرتي ..بيه!
هي..حجت هيج..واني دموعي نزلت طلعت من غرفتها..صعدت فوك..اجه ضرار. شافني ضايجه:
ها..يروحي شبيج..اليوم مغيمه.
فحجيتله صار عصبي كلي وليش ترحين..تذلين نفسج..وانتي ممسويه شي غلط..بعدين شنو توكف وياج بولادتج!؟.
ضرار اني معندي لا ام ولا اخت..حتى يوكفن وياي وشوفة عينك..اخواتك مراح يوكفن..وياي لان يخافن على زعل امك!
منريد احد يوكف وياج..اني اوكف وياج!
انته!؟
اي اني..شنو عجيبه..
واجه يوم ولادتي وفعلا جنت وحدي بالمستشفى دخلت لصاله الولادة..وحدي وضرار بقة واكف بالممرات خطيه جان حيل قلق..وحلكة يابس سوده عليه..ويوزع فلوس ع الممرضات والمعينات..وكلهن يتيمه ديرن بالجن عليها..
وفعلا دارني..وجبت..ولد صح جانت ولادتي صعبه بس الحمد لله الله لطف بحالي وجبت بالسلامه..وبقيت بالصاله هنه..يلبسني وعيني ع ابني يبجي ع السديه البصفي ..صدقه لله مدبدب حليو..توقعت يطلع ضعيف بس جان وزنه4كيلوات وربع..وطلعوني من الصاله لغرفة ثانيه..
الطفل بالسرير الزغير الي بصفي..دخل ضرار..عيونه تلمع من الفرح..حيل فرحان:
ها..خو..طلع ولد!.
اي طلع ولد..اني تعمدت ما اخذ سونار..كلبي جان..حاس.هو ولد...
طبعا كوه احجي لان حيل جنت تعبانه بس من شفت ضرار..فرحان تشجعت..وحجيت اجه يمي باسني بكصتي:
الحمد لله ع السلامة حبيبتي!
شكلت!
كلت حبيبتي!
الله..اول مرة تكول حبيبتي!
اويلي ع النسوان يموتن ع الحبجيات!
بعد..مرة كول حبيبتي..
حبيبتي وروحي وعمري كوله!
حبيبي..شوفه للولد..شكد حلو!.
اي اكيد ..يطلع حلو..ع امه!.
لا..اشو حلو ع ابوه..
ماشي..
هاي شبيك..شيله بوسه!
ههههه..لا يابوي..اني اشيلة..اصلا اخاف اشيلة اخاف ينجعص..بيدي..
ههههه..لاوالله لتخاف..هو سمين دبدوب ميخوف..
على مسؤوليتج؟؟
اي ع مسؤوليتي!
فهو شاله ع كيفة يباوع بوجهه..احس عيونه تلمع من الفرحة كلي:
لج...هذا صدوك...يخبل..
مو كتلك..حليو..يشبهك!
باسه وكال:
شنسميه!
ما اعرف..
ضرار..خلي امك..تسميه..خابرها وكولها اجاني ولد..
خابرها..مجاوبت..
متجاوب..ماشي خليها..اني راح اسمي..احمد!
اي حلو الاسم..
وسميناه احمد..طلعنا من المستشفى رجعنا للبيت..طبعا جانت ام ضرار..زعلانه علينه...هسه بالعكس ضرار الي زعل..لان..امه..حيل زودتها..ويا..يعني اني احس بيه حيل ضايج من تصرفها..خطيه اجاه ولد وفرحان بيه حتى عمو من شافه كام يبجي والبنات فرحانات بي وهي ولا كأنما شي صاير..وطلع الاربعين.وهي ولا...باوعت ع الطغل ولاتدري عنه شي..الى ان اجه يوم نزلت اسبح وعفته..فوك..دخلت للحمام..وتذكرت اني نسيت المنشفه مالتي رجعت صعدت شفتها فاتت..لغرفتنه كلت خلي اشوفها شنو..تسوي بدون متحس عليه..وحسيت كلبي..طار من الفرح من شفتها.شايلته وتشمشم..بيه..عيوني دمعت..معقوله هالمرة هيج...تسوي..يعني اذا تحبه ليش..تبوس بيه وتشمشم بيه..
بالختلات خو تبوسه كدامنه..ومن رجع ضرار..كتله بلي شفته..جان بعده ضايج..فكلي:.
ميهمني..واذا صعدت باسته بالبوكة..ليش متبوسه كدامنا شنو تستحي لو تستنكف!
كتله خطيه احنا هم..مسويها سكته..مهما يكون هي والده..ميصير نتجاهل مشاعرها.
وبقه الحال مثل ماهو الى ان صار عمر حمودي 5شهور..صدقه يخبل ..دبدوب..ويضحك للهوه..وبيوم من الايام كعدت الصبح لكيته مصخن صاير نار..اني ما اعرف..للطفل من يتمرض..سويتله كماده..فتح عيونه..اشو شويه وانكلبت عيونه..وتشنجت ركبته..كمت اصرخ..لزمت الموبايل بسرعةخابرت ع ضرار:
ضرار الحلكي حمودي مدري شبيه..شلته ونزلت افرفح..لغرفة ام ضرار:.
خاله الحكيلي..ابني راح يروح..مني
بسرعة لكفته من ايدي وكامت تنفخ بحلكة وتضرب يخدوده:.
بيبي...بيبي حمودي..وتحضن بيه ودموعها يجرن اني تخبلت شبيها تبجي شنو ابني..مات
خاله..ابني شبيه..خاله حمودي شبيه..خاله حاجيني ابني مات..حاجيني مات..ركضت بيه للشارع هديل ركضت وراها..
يوم..وين طالعة بدون عبايه.
ولج...لبسيني عباتي ركضت جابت العبايه لبستلها..حضنته..
وطلعت حافيه تركض..هديل ركضت جابتلي حجاب كالت :
ركضي وره امي طلعت شوفيها..لتروح توكع بالشارع
لبست الحجاب...اركض وراها..ودموعي بجرن..وشفت سياره ضرار..وكف يم امه..
شبيكم يوم شبيه حمودي؟؟
يمه..ما..ادري...يمكن انشمر..
صعدها بالسيارة:
كلي:
ارجعي جمانه:
بجيت.كتله:
ما ارجع..ابني مات..يمكن مات..
اصعدي..
صعدت وصلنا للمستشفى..خاله ام ضرار..حافيه..ولابسه بس عبايه بدون حجاب..واني لابسه..نفنوف مال بيت وحجاب ونعال مال حمام سفنج..وحالتنه حاله..شافه الدكتور ضربه ابره..وخلاله اوكسجين فتح..عيونه..الحمد لله...هي تبجي واني ابجي الدكتوركال:
لتخافون..شمرة مال صخونه..
كتبله علاج..بقينا بالمستشفى ضرار..يباوع ع امه..شافها حافيه طلع جابلها شحاطة ودنك..لبسها الشحاطة كعد بصفها باسها من كصتها:
يوم..جايه حافيه وتركضين بأبني!
هي بجت:
يوم..اعز الولد..ولد الولد!
يعني تحبي..لحمودي!
شلون ما احبه..ولك..ابنك..قطعه من كلبي..بس !
بس شنو يوم لان تزوجنا بالسر مقاطعتنا..ليش يوم انتي كم ولد عندج..يوم كلبي مورم..ميت قهر من وراج!
اسم الله ع كلبك..يمه..بس الصار مو سهل انت مخليتلي اعتبار
يوم..حبيتها..شسوي حبيتها..لجمانه..هسه انتي من حبيتي ابويه مو سويتي اشكال والوان حتى تاخذيه!
اي..وياريت غزر..بيه!
جمانه ادميه يوم..وصدكيني..هي اكثر مني ميته قهر عمودج..
شرايده منكم..الله يسعدكم..يوم..
اشكرج..يوم.
وباس..كصتها؛
والحمد لله..من ذاك اليوم صار كولشي طبيعي وحسيت نفسي اسعد انسانه بعيشتي..بهذا البيت..ورة سنه..ونص حملت وجبت ولد ثاني..سمته..خاله ام..ضرار..علي..وصارو عندي حمودي وعلاوي احلى طفلين من احلى اب..
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
