رواية خيانة لا تغتفر الفصل العاشر بقلم جمانه السعيدي
نجلاء...اول خطوه لازم نطلع مريم من البيت
نازك...بس بدون مايحس بسام اني عرفت بموضوع زواجه
نجلاء...شنو رائيج نكول البابا وهو يتصرف
نازك...لا بابا مراح يتحمل الخبر واحتمال يتعارك وياااا
مستحيل يسمع بسام مزوج عليه ويسكت
نجلاء...شلون لعد
نازك... انتي تتصلين بي وتكولين بابا باع البيوت ثنيينهن
لان يريد يدخل مشروع ومحتاج فلوسهن
ويستحي يفاتحك بلموضوع لان صديقك موجود بواحد من ذني البيوت
البيعه خلاص تمت والمشتري يريد البيوت خلال أسبوع
يفرغن لان يريد يزوج أولاده بيهن
نجلاء...خوش فكره وبعدين
نازك...خل يطلع من بيتي ويحير بمكان يخلي بي الهانم
وينكسم ضهر بلايجار
علما افكر شلون اطلع فلوسي منه
نجلاء...شكد حقير ونذل شلون يتصرف وياج هيج شكد صلف يعني يزوج عليج ووراها يسكنه بيتج
يعني هم يصرف عليه من فلوسج هم ساكنه بيتج
صدك وقح وماعندا ذرة رجوله
نازك....اذا مااخلي يتندم فلا اني نازك جمانه السعيدي باجر تتصلين علي وتاكدين علي يطلع صديقه من البيت بأسرع وقت ممكن
نجلاء...تمام بس اي شي اتسوينه انطيني خبر حتى
اساعدج
نازك...اكيد لازم تساعديني اخذ حقي منهم
العصر اجا بسام يطمن عليه يحاول يهتم بيه بزياده حتى يطلعني من هاي الازمه
مايدري هو أكبر ازمه بحياتي ولا زم اطلع منه
مو حبا بيه لا جان خال عينه على البيت يريد ياخذها مني
وكاعد يدبر هو وهاي الحيه شلون يقشمروني وياخذون البيت
بسام...حبيبتي شلون صرتي اليوم
نازك باوعت علي واني ضايجه ورديت من ورا خشمي احسن
بسام...حبيبتي اني مو كتلج مااريد اطفال اني مااريد اطفال انتي عندي تسوين الدنيا واهله
تريدين اوقعلج تعهد بعمري مراح اطالبج بطفل
بابا انتي احلى شي صار بحياتي انتي ماتتعوضين
نازك....باوعت علي وكلت بكلبي انت السبب لو ماانت جان هسه اني اسعد وحده بلدنيا
بسام..حبيبتي احجي وياي عوفي كلشي
شنو رائيج نطلع سفره تغيرين جو
نازك...مااكدر
بسام...شنو رائيج اخذج اشتريلج اي شي يعجبج
انتي بس اطلبي مايردج غير السانج
نروح للشمال لو تردين نسافر برا العراق ترا مايهون عليه زعلج هيج
نازك....تعبانه مااكدر اسافر
بسام...حبيبتي راح تبقين زعلانه مادام صار حمل لا تخافين راح يصير مره ثانيه
وهلمره تكعدين وتسكتين واني اخدمج بعيوني الاثنيبن
نازك... يمكن مايصير
بسام...اذا يصير هله بي واذا مايصير اني مااريد اطفال
يكفيني انتي موجوده بحياتي
نازك...راح تبقى تحبني حتلو ماكو أطفال
اخذ ايدي وباسه وحضني موبس احبج اموت عليج
انتي الحب الحقيقي بحياتي جمانه السعيدي
نازك....يكولون الذهب يذهب الحزن واني من يوم بعت ذهبي ما ارتاحيت اريد اشتري ذهب
بسام...بس هاي مو تدللين اني شتريدين ااشتريلج من عيوني الاثنيبن
نازك...لا مو هسه خل اصير احسن واني اروح اشتري على ذوقي
بسام...اكو ولد صايغ صديقي بنفس الشارع تعاي واني اخذج اله واشتري اي شي يعجبج
نازك...من اصير زينه انشاء الله
بسام...يفداج الذهب والياقوت ياروحي انتي
نازك...شكرا
بسام...شكرا لان انتي بحياتي مااعرف اذا انتي مو موجوده شلون راح اعيش من دونج
نازك....خاف تتغير عليه علمود الاطفال
بسام...تحجين صدك اصلا اني احمد ربي الصبح والعصر عليج لو خلو كل نسوان الارض كدامي
مراح اختار وحده غيرج ابد
نازك....اباوع علي واكول بنفسي صعب كلش صعب بعد تضحك عليه
روح سفطهن ذني على غيري
بسام...هسه تحتاجين شي لان اريد ارجع الشغلي
راسا رن تليفونه باوع علي وانطا رفض يمكن اتأخر عليه
لو ماتريده يكعد يمي ويحجي وياي
يمكن تحس هذا الوقت هواي عليه ومااستاهله
نازك...منو اتصل عليك
بسام...هيج مكالمه مو مهمه هسه اني اروح احتمال بليل امر عليج
حبيبتي جاي اشتاقلج يمته ترجعين وياي للبيت
نازك...بس اصير زينه ارجع للبيت
طلع بسام وهو مطمن من ناحيتي
شكد اكرها اكره كلامه واكره تصرفاته قبل اكول مستحيل الحب يتحول كره
هسه عرفت شلون الحب ممكن يتحول كره
بليل مااجا بسام يمكن منعته الحيه يجيني بس اتصل سئلني شنو محتاجه
ثاني يوم دزيت اوكي النجلاء تتصل علي وتنطي خبر يفرغ البيت
نجلاء....هلو بسام شلونك
بسام...اهلا وسهلا خوما نازك بيه شي
نجلاء...لا سلامته مابيه شي بس اريدك بموضوع ومحرجه منك
بسام...كولي بخدمتج
نجلاء...بابا داخل بمشروع جديد ومحتاج فلوس واني
ونازك اتنازلنا عن البيوت حتى يبيعهن تعرف هو اشتراهن النا ضمان وهسه احتاج فلوسهن
انشاء الله راح يشتريلنا غيرهن بالقرب فرصه
الي اشترا البيوت من بابا يريدهن فراغات خلال أسبوع واحد لان يريد يزوج ولده بيهن
ونازك تكول واحد من أصدقائك نازل بيتها
ممكن هذا صديقك يطلع لان بابا يريد ياخذ الرجال يشوف البيت
بسام...بس مايصير هيج انتم فاجئتوني شلون يطلع
بهاي السرعه وين راح يلكه بيت
غير تحجون قبل وقت اصلا استحي احجي ويااا
نجلاء...شنو تستحي فوك ماكاعد بلوشي لا فلس ولا عانه
بيتنا ونريده خل يدبر نفسه
بسام...خلاص اني اشوف حل
بسام سد التليفون منا واتصل على نازك منا
بسام...الووو نازك شنو هذا الحجي شنو ابوج باع البيت
هو مو بيتج شنو باعه على ياا اساس
هذا ضمان الج لازم ماتقبلين يبيعه
وبعدين هذا اي مشروع الي يحتاج هيج مبلغ
يبيع البيوت ثنيبنهن تعرفين شكد سعر الواحد هسه
العقارات نار
هسه ابوج بعد مال مشاريع رجال جبير يكعد ويسكت
نازك...انت ليش عصبي البيت هو اشترا وهسه يريد يبيعه
هو حر هاي فلوسه ويتصرف بكيفه
يفتح مشروع يسافر هو حر يتصرف بكيفه
بسام...اني محرج من صديقي لان كتله اكعد بكيفك شكد ماتريد شلون اكله اطلع هسه
نازك...عادي حبيبي هو كال فتره واطلع خوما يكعد العمر كله بلبيت
بسام...انتم فاجئتوني أسبوع مايكفي يحتاج وقت اكثر
نازك...بس البيت انباع خلاص
بسام....مايصير هيج
نازك...اكو بيت هنا يم اهلي فارغ خل يجون ياجرونه واني هم اريد اتعرف عليهم
اريد اشوف صديقك وزوجته
بسام...هااا خل اشوف
بهذا الاسبوع بسام كل يوم يجي مره وحده يطمن عليه
لان ملتهي يدور بيت
وين جان كاعد بيت حديث والمنطقه تخبل وما يدفع إيجار ووين هسه
البيوت بغداد ايجاراته غاليه جمانه السعيدي
عشر ايام يله لكه مشتمل زغير وناصي على الشارع
وبي ريحة مجاري
اخذ مريم تشوفه
مريم....شنو اني اكعد هنا
بسام...حبيبتي مؤقت منا لمن الكه مكان مناسب ترا تعبت واني ادور ماكو بهاي المنطقه بيوت
مريم...عوع وصخ وبي ريحه
بسام...اتحملي فتره
مريم.. خلي الغراض هنا موقت واني اكعد بيت اهلي مااكدر اكعد هنا شوف الريحه والحيطان تعبانه
بسام...شنو بيت اهلج هو بيت اهلج اتعس من هذا البيت
مريم...هااا كمت تصنف ماعاجبك بيت اهلي
بسام....اي دبري نفسج فتره علما نلكي بيت
مريم...انت صوجك ليش ماخليته تتنازلك عن البيت هاي الثوله
بسام.... جنت محتاج وقت دبرتله حجه اريد اكله اكبر شغلي حتى تتنازل عن البيت
طلعتلي هاي شغلت حمله صفح اني اصلا مااريد منه اطفال
مريم...هسه خوش ابوها رجع اخذ البيت لو مستعجل شويه وماخذه منه ومسجله بااسمي
جان هسه خليناها تضرب راسه بلحايط
بسام...اني ادري ابوها منيين طلعلي بسالفة بيع البيت
نازك اتصل عليه بسام العصر وهو ضايج
بسام...ولله اهلج اذوني ماكو بيوت للايجار بهاي المناطق القريبه كوه لكيت مشتمل ناصي وتعبان وبي ريحه
نازك...لكيت مشتمل وانت شنو علاقتك بلموضوع هو صديقك يدور انت شعليك عايف شغلك ودورله مشتمل
التهي بشغلك احسن
بسام...لا مو هو ووصاني ادورله بيت المشكله البيوت ايجاراته غاليه وهو يريد بهاي المنطقه مو بعيد
ماغير رائيه ابوج ليش مايشاركني بذني الفلوس
نازك... لا ماغير رائيه هسه صديقك نقل اغراضه من البيت
بسام...اليله ينقلهن
نازك....اني اريد فلوس اريد اروح للصالون واشتري ملابس وعطور دزلي فد مبلغ زين
بسام...صار تدللين شكد يكفيج
نازك....فد ٧٠٠ هيج
بسام...بسيطه وبعد شيطلب الحلو
نازك...باجر امر عليك تاخذني للصايغ اشتري ذهب
بسام...صار تدللين بس اتصلي قبل لا تجين حتى انتضرج
نازك...ميخالف
سديت التليفون اتصل خاف ماموجود بسام لو حتى تاخذ احتياطاتك انت ومريم
انشاء الله النهايه قربت
الصبح اتصلت على نجلاء وكتله تعاي الضربه القويه اجا
وكته جمانه السعيدي
اتفقنا نلتقي يم بسام بلشغل العصر
العصر بدلت وطلعت رحت على بسام بدون مااتصل بي
وصلت لكيته يسولف هو ومريم وشبه يتعاركون اعتقد المشتمل ماعاجبه
نازك...هلو حبيبي هلو مريم شلونج
بسام...الحمد لله
نازك....انتي شلون صديقه اجيتي بس مره وحده تزوريني
غير تسئلين عليه ترا الصديق وقت الضيق
مريم...مشغوله زوجج شامر الشغل عليه
نازك...الله يساعدج امج شلونه البنات
مريم...تمام الحمد لله بخير
نازك...نسيت اكلج اكو واحد موصي زوج نجلاء يريد زوجه
كون حلوه ونازكه كلش غني وأموره تمام
اني كلت ماكو غير مريم تستاهل واحد مثله
مريم...هااا لا اني كرهت الزواج بعد ماازوج ابد
نازك...شلون ماتزوجين بعدج شابه وحلوه احجي وياها بسام حرامات تبقى بدون زواج
بسام...واني شنو دخلي بلموضوع هي حره يمته ماتريد تزوج بكيفه قابل اني ادخل بحياته
نازك...شلون اكيد تكدر تأثر عليه بحكم انت مثل اخوها الجبير وتشتغلون سوا صار فتره
بسام...اني ماادخل
شويه واجت نجلاء
نجلاء...السلام عليكم خوما اتاخرت
نازك...لا اصلا اني توني وصلت
نجلاء...تمام
نازك....انطيني الفلوس الي كتلك عليهن واخذني للصايغ
اشوف الذهب
بس كلت كلمة ذهب مريم راسا خزرت بسام ماراضيه يشترلي ذهب
مع ان اني بعت ذهبي علمود يشتغل ويزوجه وهسه ماتقبل يشتري ذهب
طلع بسام من جيبه الفلوس وانطاني واخذني للصايغ يوصي عليه
شكرا لزيارتكم عالم روايات سكيرهوم
