رواية عشيق زيتونة الفصل العاشر
حورية…
حسيت اني عاوزة أنام وابتديت أحلم ب حلويات كتير عمري ما شوفتها وأنا بجري وبلعب وفرحانه وفجأة 😲..
أمي صحتني من النوم علشان تقولي قومي كلي أنتي لحد دلوقتي مأكلتيش أى حاجة ده أنتي عروسة لازم تاكلي وتتغذي كويس..
قولت لها ما أنا كنت هأكل وأنتي اللي صحتيني من النوم ياما
سبيني أنام بقي يمكن الاقي الأكل الحلو تاني..
ردت أمي وقالت ليا أكل إيه يابت فهميني..
قولت لها كنت نايمه ياما وشوفت حلم حلو أوي.. قال إيه أنا ماشيه وكل شويه ألاقي حلويات شكلها ملونه وحلوة أوى أول مرة أشوفها وسامعه حد بيقولي كلي منها خدي كل اللي يعجبك ولسه بمد أيدي واخد منها 😔 أنتي صحتيني ياما..
لقيت أمي بتزغرط وقالت يا صلاة النبي ده أكيد الملائكة اللي بتأكلك يا نور عيني… طول عمري بقول عليكي مبخته وحظك حلو.. يلا قومي كلي ونامي براحتك واسمعي يا حورية علشان بركاتك تزيد عليكي يا بنتي بالقرآن..
قولت لها حاضر ياما ده حتى فارس مأكد عليا بعد كل صلاة أقول المعوذات وأنا سمعت كلامه وبقولهم..
ردت أمي وقالت ليا شاطرة اسمعي كلام فارس طول عمره مؤدب وبيعرف ربنا وبيصلي وخلاص يابت كلها كام يوم وهيبقي جوزك.
ونزلت تحت مع امى ولسه بأكل سمعت صوت بيقولي افتحي الباب وساعدي الست… يلا بسرعه.
قومت جريت ع الباب ولقيت واحدة ست عمالة تبص في الأرض وتبكي!!!!
قولت لها في إيه يا ست مالك بتبكي ليه هو ضا'يع. منك حاجه ؟
ردت الست وقالت كان معايا عشرين جنيه ونزلت أشتري طلبات وببص دلوقتي مش لقياها وأنا ع أد حالي يابنتي.. دوري معايا يمكن الاقيها…
لقيت نفسي بقول فين فلوس الست ؟؟ اساعدها ازاى وأنا مش عارفه فين فلوسها وأنا مش معايا فلوس..
سمعت صوت بيقولي الفلوس بنتها تهاني اخدتها وهى راحه الدرس.
قولت للست هو أنتي عندك بنت إسمها تهاني ؟؟
قالت ليا اة هو أنتي تعرفيها!!!! قولت لها لأ
بس هى كانت قايله لكي ع فلوس علشان الدرس…
ردت الست وقالت أيوة صح.. أنا كنت ناسيه… أنتي مبروكة.. وفضلت تزغرط والجيران اتلمت والست فضلت تبوس أيدي وتقولي بركاتك يا مبروكة دى ساعدتني من غير ما تعرفني..
ولقيت الجيران اتلمت حواليا. وأمي وخالتي وقفوا جانبي وكانوا مستغربين زيي بالظبط. وكل واحدة بدأت تقولي ع حاجه ضا'يعة. منها والغريب إني كنت برد عليهم واوصف لهم كمان مكان وجودها وكأني كنت عايشة معاهم واعرف كل حاجه عنهم…
وفي وسط كل التهليل والزغاريد حسيت اني مش فاهمه إيه اللي بيحصلي… هو إحساس غريب جميل بس مقلق..
من جوايا نفسي أعرف مين اللي بيكلمني ويبلغني بكل كلمه اقولها وليه مظهرش من زمان وليه أنا يحصلي كدا قبل فرحي..
بس رغم كل اللي بيدور في رأسي إلا أنه شعور جميل أنك تكون مهم وتقدر تساعد كل الناس..
فارس…
أول ما دخلت البيت لقيت أمي برقت وفضلت تقول بسم الله الرحمن الرحيم وشكلها مخضوض..
قربت منها بسرعه أفهم في إيه بدأت تتكلم وتقولي حورية كانت بتكلمني وقالتلي أنك هتدخل دلوقتي وحتى قالتلي إمارة الديك اللي في الفريزر وده محدش يعرف حاجه عنه ولا حتى أبوك أنا كنت شيلاه لك لما ترجع البيت اعمله لك…
البت يا فارس كانت بتكلمني زى ما تكون شيفاني وشايفه كل حاجه في البيت هى مخاوية.. ولا انكشف عنها الحجاب/..
قولت لها أهدي يا حجه أنارشامنصور كنت عند حورية قبل ما اجيلك وهى عارفه أنى جاى ع البيت وبخصوص الديك أنا كنت معرفها انى ماليش في الطيور وان أنتي أكيد هتعملي ليا ديك بلدي أول ما أرجع..
متشغليش بالك كدا ويلا أنا تعبان وجعان هطلع أنام شويه وصحيني أول ما الأكل يجهز…
وأول ما دخلت اوضتي وقفت سرحان في كلام أمي.. لأول مرة أكذب. عليها… بس حبيت اهديها شويه
واتصلت على حورية أفهم منها في إيه ؟؟ وأول ما ردت سمعت صوت زغاريد وستات بتقولها الله أكبر عليكي يا مبروكة..
قولت لها إيه الدوشة دى وايه اللي بيحصل عندك فهميني..
وابتديت تحكيلي كلام أنا مش مستوعبه. وازاى قدرت تساعد الست وازاى ساعدت الجيران وهي فرحانه بكدا…
قولت لها اللي يفرحك يفرحني بس أنتي عرفتي الحاجات دي منين..
قالت في صوت بسمعه وبيقولي كل حاجه وساعات بشوف الحاجه قدامي كأني بتفرج ع التليفزيون…
قولت لها طيب خلي بالك من نفسك وافرحي مع الجيران وعقبال فرحنا وقفلت معاها وفضلت أفكر في كلامها.. حاسس أن في حاجه مش مظبوطه وقررت لما اصحى من النوم ابحث. ع النت يمكن يكون في ناس زيها…
ونمت وحلمت بالبحر وصوت الموسيقى وأميرة وشوفتها بترقص زى ما كانت بترقص في حفله عيد الميلاد…
وفجأة قربت مني وهي بتعمل حركات.. وأول ما مسكت أيدي صحيت على صوت الأذان…
فضلت استعيذ من الشيطان وقومت علشان اتوضئ واصلي ودعيت ربنا يبارك فى جوازى أنا وحورية ويبعد عنا شيا'طين. الإنس والجانn…
وفي وسط ما أنا بدعي افتكرت كلام حورية ومجرد ما خلصت الصلاة نزلت وروحت المسجد وسألت الشيخ عن كل الكلام اللي قالته ليا حورية…
رد وقالي مافيش الكلام ده.. ميعلمش الغيب غير ربنا وحده والشيا'طين.. بيحاولوا يتصنتوا. يمكن يعرفوا اى خبر من السماء وممنوع عنهم التقرب وإلا صعقواe من النجوم وملائكة السماء.
قولت له اومال اللي بيحصل لها ده من إيه واشمعني فجأة كدا..؟
لقيت الشيخ بيسألني إذا كانت بتصلي ولا لاء.. وبتقول الأذكار وبتقرأ القرآن ولا مشغولة بالاغاني بس..
قولت للشيخ أن حورية ملتزمة. ومن وهى لسه عندها خمس سنين بتصلي بس إحنا فرحنا قرب خلاص واكيد زى أى بنت بيشتغلوا أغاني بس أنا بسألها ع طول ع الصلاة والحمد لله مش بتسيب فرض..
رد الشيخ وقالي أنا مش خبير في الأمور دى بس كل اللي هقولك عليه أكد ع خطبيتك تبطل تبص في المرآيا وتلبس قدامها.. لأن في الغالب ده جنn عاشق. هو اللي بيكلمها والعلم عند الله..
أنت محتاج شيخ. يكون عالم في أمور السحرr والجنn بس أوعي تعرفها حاجه علشان متحصلش نتيجة عكسية..
مكنتش فاهم كلامه بس بدء يشرح ليا ومن بعدها أنا خو'فت. ع حورية…
طلعت ع بيت عمتى ولقيت في ناس قاعدين عندها وفي فطير وبيض وسمنه وفاكهة وحاجات كتير..
أخدت عمتى ع جنب قولت لها ليه تكلفي نفسك كل ده ما أنا قولتلك إحنا هنجيب كل حاجه…
واستغربت من كلام عمتى أن كل الحاجات دي من الجيران هديه ل حورية نظير ما ساعدتهم وعلشان ينالوا بركاتها..
قولت لها طب يلا ننزل نشتري الفستان وهاتي حوريه وعمتى نوال معانا وصممت ع الخروج علشان انفرد ب حورية بعيد عن الجيران وكانت حجتي إني هكون مشغول في توضيب شقتي والفرش ومعنديش وقت تاني…
وأول ما خرجنا مشيت أنا وحورية لوحدنا وعمتى سعاد ونوال ماشين ورانا وسألتها صليتي قبل ما نخرج..
لقيتها بتقولي أنا أول مرة مصليش الظهر والعصر انشغلت مع الناس بس أول ما اروح البيت هصليهم…
مسكت أيدها وفضلت أقول في سري آية الكرسي سبع مرات وخواتيم سورة البقرة طول ما إحنا بنتفرج ع المحلات..
وفجأة لقيتها بتسيب ايدي وقالت أنا اتخنقتt مافيش حاجه عجباني أنا عاوزة أروح البيت…
تأكدت أن في حاجه مع حورية وأن ممكن كلام الشيخ يكون صح وأول ما دخلنا محل مشغل أغاني وأنا بطلت أقول سور القرآن لقيتها بدأت تضحك وتتفرج ع الفساتين وهى فرحانه.. فضلت ساكت ومش عاوز اقول حاجه علشان متبقاش النتيجة عكسية. زى ما قالي الشيخ…
وفضلت أفكر في طريقه أتأكد منها وفي نفس الوقت احصن حورية من الشيا'طين…
بس لقيت الحل ومناسب جداا ومن غير ما حد يشكe في أى حاجه..
بس بعد ما يتم الزواج.. لأن أى تصرف دلوقتي هيبقي سمعة. وحشة ع حورية وأنا مش عاوز حد يعرف أى حاجة حتى أهلي..
وفضلت متابع حورية وعمتى نوال تزغرط لما خرجت حورية وهى بالفستان…
وأول ما خرجنا فضلت اضحك واهرج معاها وقولت لها أنى هجيب. صبe (سماعات) وهنشغل أغاني طول فترة إجازتي وهدلعك يا حورية قلبي..
وهى كانت مبسوطه ومن جوايا بقول مبقاش أنا إلا مخرجتك. من جسمهاe…
