رواية عروس منحوسه الفصل العاشر بقلم جمانه السعيدي
امنيه...وصلنا البيت سوسن
امنيه.. صباح الخير
سوسن...صباح الخيرات يمه دره الحلوه مشتاقتلها
امنيه...الله يجبر خاطرج مثل ما جاي اجبرين خاطرنا
سوسن...... اني فعلا احبها تعلقت بيها من كمتي تعوفيها عندي
امنيه...احسها تفتهم مو مثل قبل
سوسن...احضر ريوك
امنيه...لا تريكنا اني وياها قبل لا نطلع وين احمد
سوسن...راح يجيب الولد لان ما يندل بيتنا
امنيه....اني اريد اعرف شنو قضية هذا الولد حتى ارتاح
سوسن...خير انشاء الله
شويه ودخل احمد وياا ولد شاب تقريبا عمره ٣٥ سنه
احمد.. تعاي ام دره
امنيه...دفعت دره بلعربانه ودخلت عليهم سلمت وكعدت
منير...اهلا وسهلا شلونج ام دره
امنيه...الحمد لله
منير...انتي ما تعرفيني اني صار فتره ادور عليج رحت الرائد اخو مصطفى الله يرحمه سئلته عنج
انطاني عنوأن اهلج سئلت امج انطتني تليفون سوسن
اتصلت عليها رد عليه احمد سئلته عنج واجيت
امنيه...اهلا وسهلا
منير...هله بيج اني عندي اللج امانه من المرحوم مصطفى
امنيه...استغربت مصطفى امانه من مصطفى
منير....اي اني وياا اصدقاء الطفوله هو الحد السادس اعدادي
وعاف الدوام وكمل شغل الله رزقه وكام يبيع ويشتري خير من الله اني كملت دراستي
من تخرجت
اجيت اشتغل مالكيت شغل يناسبني قررت اسافر اشتغل برا
اكو جماعه اعرفهم طلعو قبلي وهم الي شجعوني
اطلع اشتغل برا جمانه السعيدي
بس ماكان عندي فلوس تكفي تعرفين السفر
يحتاج فلوس
من حجيت مشكلتي المصطفى شال مبلغ محترم وانطاني كال هذا المبلغ حتى تكدر تبدي شغل
وتكون نفسك المبلغ عشره مليون هذا المبلغ اني بوقتها حتى حلم مااحلم بي
كتله اا هذا هواي المبلغ ايجوز مااكدر ارجعه الك
رد عليه وكال اعتبرني شريك وياك بلعمل من تصير صاحب عمل
وتحصل فلوس اني وياك بلنص اني من هاي اللحظه صرت شريكك بلعمل اتفقنا
منير...رديت علي كتله واذا خسرت هذا المبلغ
كال اني مسامحك بي روح ولا تحجي بلخساره احجي
بس بلربح
اني اخذت المبلغ واني كان عندي مبلغ وسافرت
بلبدايه كانت الحياة كلش صعبه بلنسبه اليه وما حصلت شغل بسرعه بس هو كان يتصل بيه دائما يطمني
ويشد من عزيمتي ويكول اصبر راح تشتغل
اصبر وحاول لا تستسلم
كنت اتمنى اكدر احضر زواجكم بس ماكدرت ارجع للعراق
بوقتها
حصلت شغل وبديت اشتغل الله رزقني بعدين صار عندي مشروع خاص بيه وحدي اشتغلت خير من الله
صار ثمن سنوات اشتغل اني هسه صفيت شغلي برا
واجيت هنا فتحتلي مطعم بمكان راقي
قررت استقر هنا وازوج بعد ماارجع اسافر
جمانه السعيدي
اني اليوم طلعت حصت مصطفى الله يرحمه
وجبتها اللج اني مااكدر انسى فضله عليه لو ما هو مجان
كدرت اشتغل واطور نفسي
هذا المبلغ اللج انتي وبت مصطفى الله يرحمه
من سمعت خبر وفاته كلش اتاذيت مستحيل انسى هذا اليوم اسف يمكن اتاخرت عليج بس اني هسه يله
كدرت ارجع للعراق
امنيه...اني شريكه وياك بمشروعك مثل ماكال مصطفى
منير...اي هاي حصتج
العشره مليون هنا وارباحهن
امنيه...خليهن وياك خلي هاي الفلوس تشتغل وياك
بس اريد مستمسك يثبت اني شربكه بهذا العمل اني اذا اخذت هاي الفلوس مراح اعرف اشغلها مثلك
اني عندي طفله مريضه محتاجه عنايه مااكدر اعوفها
وحدها انت شغل فلوسي وياك وانطيني كل شهر
جزء من الارباح امشي بي نفسي
منير....اكيد انتي شريكه وياي اني اول واحد راح اوكف وياج واساعدج حتى اكدر ارد ولو جزء بسيط من فضل
مصطفى عليه
جمانه السعيدي
امنيه....مصطفى خسر كلشي بسبب واحد نصاب اخذ كلشي وانهزم من العراق
منير...اي اني عرف هاي القصه بوقتها جان عندي تواصل وياا مصطفى وكتله اصفي شغلي انطيك الفلوس
بس هو ما قبل هم بوقتها مشروعي جان زغير
وبعدني ما محصل ارباح منه
مصطفى ما قبل اوقف مشروعي علموده
ثاني يوم منير طلع اوراق تثبت اني شريكه بلعمل ويااا
والخسارة والربح بلنص
واخيرا صار عندي شغل وصار عندي مصدر رزق ثابت
الحمد لله على هاي النعمه
جمانه السعيدي
صار اكو بينا اتصالات بسبب العمل منير شخصيته حيل تشبه شخصية مصطفى
انسان محترم وكد كلمته
الكلام بينا اطور الحد ما تحول إلى إعجاب
كان يتصل عليه ويحجيلي كل تفاصيل يومه
حتى الاشياء الي صارت وياا بلغربه كلشي حجالي
اما اني حجيتله قصة عذابي من يوم مات مصطفى لليوم
مااعرف ليش كنت ارتاح للكلام ويااا
وهو هم يكول احس انتي اكبر من عمرج
واعيه وكلامج معقول استمرت علاقتنا ست اشهر
كل شهر يدزلي حصتي من الشغل
بعد هاي الفتره مات نعيم وامي بقت وحدها بلبيت
ماكدرت اعوفها وحدها كبرت وبعد مابيها حيل
اخذت دره ورحت عشت وياها بيت ابوي
صرت اني المسؤله عن البيت ومصاريفه ومسؤله عن علاج امي بلاخير هاي امي ماعندي غيرها
وهي ماعدها غيري
قررت انسى كلشي وابدي حياتي من جديد
الماضي بلنسبه اليه انتهى مااريد اذكره اريد اعيش
حياة جديده
امي دائما تكول سامحيني اني غلطت بحقج
اني ابد ماكرهتها اني مااعرف اكره ابد
حتى عماد وامه سامحتهم الي يغفر للناس بلدنيا أخطائهم ويااا بيوم القيامه رب العالمين يخلي الناس تسامحه لان هو يسامح ويغفر
اتمنى رب العالمين يسامحني ويغفرلي ويكتبلي السلامه
والسعاده بلدنيا.و الاخره جمانه السعيدي
بعد ثمن اشهر من معرفتي بمنير فاجئني
منير...ممكن تعيدين تجربة الزواج لو تعقدتي منها
امنيه....كنت فاهمه قصده بس حبيت اسمع منه
رديت علي اذا انسان محترم ويقدرني ويتحملتي اني وبنتي ليش لا
منير...انت تستاهلين كل التقدير والاحترام انسانه صبوره
تحملتي الناس كلها حتى تعيشين
وما قبلتي اضحين ببنتج الاجل سعادتج انتي الي تستحقين الاحترام والحب
امنيه....بس الكه هذا الشخص راح انطيك خبر بصفتك صديقي
منير...اني لكيته واني اضمنه ترا هو يحبج ومعجب بيج
امنيه...اذا انت اضمنه اني موافقه علي
منير....اني كدامج بلحمي وشحمي
امنيه....موافقه
منير...يمتى اجيب اهلي اني عندي خوات ثنيين مزوجات
وعندي اخ وحيد اكبر مني مزوج وساكن بيت اهلي
امنيه...نسكن بيت اهلي لان مااكدر اعوف امي
منير...ماكو مانع متفقين
اتفقنا على يوم المهر رحت للصالون وغيرت شكلي كله
كصيت شعري مدرج سويت خصل
وجبت فستان يخبل واشتريت بدله بيضه الدره
اجت ام نور وسوسن واحمد وابو نور ذوله اهلي
الي ساعدوني و كفو وياي لازم يكونون حاضرين بهيج مناسبه
وهو جاب خواته واخو وزوجته
كانت حفله تخبل عائليه حلوه
عقدلنا الشيخ بعدين منير عزمنا على المطعم مالته
جابولنا عشى فاخر
وصلني منير للبيت ثاني يوم رحنا عقدنا بلمحكمه
بدينا نعدل بلبيت اشترينا غرفة نوم تخبل
حجزنا اسبوع بااربيل وما سوينا حفلة عرس
واخيرا انفرجت عليه والفرح دك بابي التقيت بأحلى انسان بهاي الدنيا
حنيين وطيب وكريم هواي يشبه مصطفى بطبعه وتصرفاته
صار عندي ولد وحاليا حامل راح تجي اخت الدره
مطعم منير كبر وصار شغله احسن من قبل
دائما يكول انتي وجه الخير عليه
اول واحد يكول عني وجه الخير رغم الكل كان يكول عليه
انتي نحس
بعدني على تواصل وياا ام نور اني وياها صرنا صديقات
دائما تجيني للبيت ومرات اني اروح اشوفها
مااكدر انسى وكفت كل واحد شريف وكف وياي وساعدني اتخطى الازمه الي جنت اعاني منها
ان مع العسر يسرا ان مع العسر يسرا
كررها رب العالمين مرتين حتى يعلمنا على الصبر والثبات
حتى يعلمنا الازمات تخلص والفرج يجي بلاخير
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
