رواية كيد الرجال الفصل العاشر بقلم جمانه السعيدي
لطيف....شنو عيدي ماسمعت
سحر....مستعده اتنازل عن كلشي كلشي كلشي
البيت والذهب والفلوس والجهال بس طلكني فدوه ابوس ايدك طلكني اني بعد مااكدر اتحمل ابقى وياك
لطيف....خلاص انتي حيل تلحين بهذا الموضوع موافق
بس كلشي يصير كدام شهود ثنيبن وعلى ايد المحامي
وكلشي ماتاخذبن وياج من هذا البيت
سحر...اي موافقه
لطيف...روحي بدلي خل نوصل للمصرف اسحبي كل الفلوس الي بحسابج
سحر....اي دقيقه
لطيف...بسرعه قبل لا ينتهي الدوام
سحر...اي هسه طياره
لطيف...اخذنا الجهال ويانه وراحت سحبت كل الفلوس الي بلمصرف صار ثمن سنوات تاخذ مني وجمع حتى من انطيها مصرف اجمع حتى الفلوس الي اجتها على الولاده
هم وياهن شلون مبلغ محترم ومخليتني اركض وماكووو حتى ماتقبل اسوك فلوس المسواك تاخذهن
وناكل خبز وجبن
طلع مبلغ محترم ٥٠ مليون ناقصات ١٥٠
سحبتهن وانطتنياهن كلهن هنا والدفتر
رجعنا للبيت طلعت الذهب ونطتنيا
جمانه السعيدي
بقا البيت والجهال وذوله لازم أخذهم بلمحكمه والشهر العقاري حتى اثبت عليه ماترجع تأخذهم مني
لطيف...باجر باقي الاجرائات لان هسه كل دوائر الدوله
انتها الدوام بيها
سحر...من الصبح حتى نخلص من وكت
لطيف...تمام
دخلت للغرفه
اتصل علي عليه
علي...هااا اخوي
لطيف...كلشي تمام
علي...جاي تراسلني
لطيف...اي طمنها خطيه هههه
علي...خل اشوفها شتريد
علي...هااا سحر بشري
سحر...اي وافق انطيته الفلوس والذهب باجر نكمل الاجرائات وكلشي يخلص
علي...مبروك حبيبتي منتضرج على نار
سحر...بس تكمل كل الاجرائات اتصل عليك تجي تاخذني
علي...منتضرج
لطيف... طلعت ضميت الفلوس والذهب يم ابوي كتله هاي الجنطه امانه يمك ماسئلني شكو بيها
ضمها بلكنتور وياا غراضه
ثاني يوم اخذنا الجهال يم اختي و طلعنا للمحكمه عينت محامي اخذ منها وكاله
كتبت تنازل عن الاطفال والحاضر والغايب ووقعت
بحضور شهود اربعه مو ثنيين
بنفس الوكاله الي عند المحامي باعتلي البيت بيع شرا
اني كنت محضر كل اوارقي حتى الاجرائات تمشي بسرعه
بلنسبه للبيت بسرعه تحول
لان لا علي ضريبه ولا مطلوب ماي وكهرباء بسرعه تحول
باسمي وإجراءات الطلاك تمت على خير
لان ثنيينا حاضرين ومتفقين على الطلاك
كان طلاكنا اسرع طلاك بلتاريخ كله متفاهمين على كلشي
تم الطلاك بسرعه تامه
جمانه السعيدي
المحامي كال روح واني ادزلك ورقه الطلاك للبيت
كلشي تم بسرعه وعلى ايد محامي وشهود خاف تتراجع بكلامها
طلعنا من باب المحكمه راسا عافتني وراحت تمشي بسرعه
على مكان سيارات الاجره
لطيف....وجهالج ماتودعيهم
وهي تمشي بسرعه صاحت دير بالك عليهم
لطيف...الله وياج اخذتي حقج وزياده
رنيت على علي
لطيف...شكرا اخوي رجعلي حقي
علي...بلعافيه اكيد الحق لازم يرجع الاصحابه
لطيف...الفضل الر ب العالمين والك
علي..ماسويت شي
جاي تتصل عليه سحر
لطيف... احجيله الحقيقه خطيه ليش انضم عليها
علي...الووو
سحر....انت وين اني اطلكت وتنازلت عن كلشي واجيتك
حتى نزوج ونسافر اني وياك
علي.... اني مايشرفني ازوج وحده مثلج الي تبيع اطفالها
ابد مايصلح تكون ام وزوجه انتي مو انسانه انتي شيطانه
مايشرفني ادخلين بيتي اخذتي حقج وزياده
اني علي صديق لطيف وهذا كان مقلب تعيشين وتاكلين غيره بعد لا تتصلين عليه باااي
قبل لا ترد عليه غلقت التليفون وطلعت السيم كارت
كسرته خلاص انتهت اللعبه
لطيف.. امشي وافكر الفلوس والذهب اكمل بناء بيتي بيهن
لو افتح مشروع خاص بيا خوش مبلغ محترم
اما سحر من الهبطه اغمى عليه داخل السياره
والسايق وكف يم السيطره خايف متوقع ماتت
السايق...دخيلكم يمكن ماتت
الضابط فحصها لا عايشه اطلع للمستشفى بسرعه
اخذوها للمستشفى ٣ ايام وهي غايبه عن الوعي ماتعرف
نفسها وبن
اما لطيف اخذ الجهال وخلاهم يم اخته ام يحيى
طايره بيهم من السعاده حايره شلون تهتم بيهم
طبعا لطيف بعد ما طلك سحر راح البيت اهله وحجالهم كلشي صار وياي
لطيف...اني طلكت سحر
ام لطيف....ياا ليش
لطيف...قصة خيانه بعد مااريدها
بدا بحجليهم القصه من البدايه للنهايه
كانت صدمه بلنسبه الهم لان الي سوته سحر ابد مو قليل وتستاهل كلشي صار وياها
بعد ماوعت سحر من الغيبوبه كانت تصرخ جهالي اريد جهالي
اهلها دزو على لطيف حتى يسمح الها تشوف جهالها
لطيف رفض
لطيف...لو مو بلمستشفى لو على فراش الموت مااخليها تشوفهم سحر ماتستاهل اتصير ام
طلعت سحر من المستشفى وراحت الاهل لطيف حتى ياثرون علي بلكت يرجعها لو يسمحلها تشوف جهاله
لطيف...ابد هاي السالفه خلي تنساها هي الي باعتنا
واحنا اشترينا نفسنا اذا شفتها مره ثانيه اموتها خلاص
حقيره خلي الفلوس الي ركضت وراها وباعتنا على مودها تفيدها
جمانه السعيدي
كل محاولات سحر فشلت ما بقى احد مادزته على لطيف
كان طلبها الوحيد تشوف جهالها
بس لطيف رافض رفض قطعي
الحد ماطلع لطيف الصبح للدوام ولكاها تبجي بلباب
لطيف...قفلت الباب وطلعت وكانما مااشوفها
راسا دنكت باست رجلي وبقت لازمه رجلي وتبجي
سحر...فدوه اهي اهي فدوه بس اشوفهم الله يخليك
لطيف...تذكرين من طلعنا من المحكمه وكتلج
جهالج ماودعتيهم كلتي وانتي تمشين دير بالك عليهم
شنو هسه الي ذكرج بيهم
سحر...اني حقيره جلبه اعتبرني جلبه بس اشوف جهالي
اشتغل خدامه بيتك خدامه الجهالي
لطيف...عوفي رجلي انتي ماعندج جهال انسي انتي عندج جهال روحي شوفي واحد عندا فلوس اعرضي جسمج علي بلكت يصرف عليج
مو جنتي عايشه بيتي وتصرفين من خيري وزهكانه عليه
وانتي تعرضين جسمج لليدفع اكثر
روحي اشتغلي هاي الشغله بيها فلوس
سحر...اني موزينه وانت الزين ولله انت احسن واحد شفته بحياتي شكد تحملتي وصبرت عليه
فدوه كمل كرمك وطيب أخلاقك وياي وخل اشوف جهالي
الله يخليك اني ضعت
لطيف...عوفي رجلي انتي ضيعتي روحج اني مايشرفني
ام جهالي تكون وحده مثلج انت مرض انتي عثه بلمجمتع ولازم نتخلص منج
دفعته برجلي ومشيت عنها بقت كاعده بلكاع تشيل تراب وتشمر على راسها تملخ بشعرها
من كد حزنها على الي صار وياها وفقد اطفالها
والكل بحجي عليه كانت الصدمه جبيره وماكدرت تتحملها
بعدها عرفت اهلها حابسينها بغرفه وعلقها خف مو مثل قبل اهلها يخافون تفضحهم حابسيها مايخلوها
تطلع
اني بعت بيتي هذا لان بي ذكريات حزينه واشتريت بيت اكبر قريب على ببت اختي ام يحيى
الجهال كلش متعلقين بااختي ويصيحولها ماما
فات اربع سنوات على هاي الحادثه اهلي يلحون عليه
يردون ازوج بس اني خايف اعيد هاي التجربه مره ثانيه
انتهت قصة لطيف الي مليانه عبر وحكم
اني أقف احترام واجلال البطل القصه الي اتصرف بحكمه مو تهور وكدر ياخذ حقه من زوجته
لو كان متهور وضاربها من عرف هي خاينه ومنفصل وهي ماخذه كلشي منه
مجان نشرت هاي القصه لان الازواج المتهوربن هواي
الي يضيعون حقهم بلعصبيه وقصصهم نسمعه كل يوم
بس من قريت البطل مصرف بحكمه وعقل ومرجع حقه
قررت انشر هاي القصه لان قصه مختلفه
بلكت يعتبرون منها الرجال
واحب احيي صديقه علي هو هذا الصديق الحقيقي
استخدم ذكائه وشطارته وساعد صديقه
اما سحر اكو منها هواي بمجتمعنا الي ادمر حياته الزوجيه
علمود وعد من واحد ماتعرفه ولا تعرف اصله
بس لان كاللها اطلكي واني ازوجج وهو جاي يضحك عليها ويتسلى بيها
الي يسوي هيج شيطان مو بشر ورب العالمين راح يردها اله بعائلته
المره الاصيله هي الي توكف وياا زوجه بلحلوه والمره
وتحاول تعدي الصعب مو تروح تدور علاقات برأس زوجها
ولله شنو هاملني مامهتم بيه
عمي الله يساعدهم العيشه صعبه والوكت اغبر
واذا ماعاجبج زوجج او مامرتاحه ويا اطلكي بس لا تخونين
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
