رواية حب بعد الطلاق الفصل الحادي عشر بقلم جمانه السعيدي
نزلنا نركض لكينا بابا متقئ شي اصفر ولازم صفحته
سما...بابا شبيك بابا حاجيني
سجاد راح جاب سياره واخذا هو واخوي الجبير اني وامي بقينا نحوس
الدنيا ليل كل شويه نخابر ومحد يرد علينا
سجاد وصلنا والدكتور فحصه وكال مصران اعور لازم هسه كبل للعلمليات يدخل
.. رجعت امي اتصلت .هاااا سجاد
سجاد...مصران اعور ودخلو عمليه خاف ينفجر ابطنه
سما...اني وامي بدلنا ورحنا على زوج نور اخذنا بلسياره ورحنا ورا للمستشفى
وصلنا وبقينا برا منتضرين ساعه يله طلع والدكتور طمنه علي بس اني شني نفسي تلعب وتقيئت مرتين
امي....تباوع عليه نضرت شك واني تخربطت اموري
جان تكول سما شبيج
سما...لا مابيه شي
امي...ولله شكلج ماعاجبني ابد اكو شي احجي
سما...هسه مو وكتها خل نطمن على بابا بلاول
اني وماما رجعنا للبيت بعد ما اطمنا على بابا واخواني بقووو
يمه اول ما وصلنا للبيت امي سحبتني من ايدي ودخلتني الغرفه
جمانه السعيدي
امي...سما احجي الصدك انتي جاي تشوفين مصطفى لان مايلح هيج اذا ما ماخذ الاوكي منج
سما...الصراحه اي جاي اشوفه وهو ندمان ويريد يرجعني
امي...ياااا عزا هاي نهاية الثقه ليش هيج تسوووين
راسا اني نفسي لعبت وركضت تقيئت رجعت عليه جان توكف وتكول
امي...سما بس لا الي جاي افكر بي
سما...هزيت راسي وكمت ابجي امي ضربت على خدودها
ولج انتي شجاي تكولين سما
قربت عليه وجرتني من شعري ورفعت راسي وضربتني راشدي بس شني فرت راسي
طبعا ماما ابد ماتضربنا من جنا ازغار
واني طكيته بجيه حيل وهي مثل الي انصدمت وكعدت بدون ماتسوي اي ردت فعل
اجت زوجت اخوي مرعوبه على صوت العياط جان تكول شكوووو عمي بي شي
ضلت تلح بلسؤال امي انتبهت لا ماكو شي بس سما تبجي من الفرحه لان ابوها طلع سالم
اجت زوجت اخوي يمي وحضنتني واني كمت ابجي بلزايد
امي من هاي اللحضه قاطعتني وبعد ماحجت وياي ابد
بس كالت مع الاسف الثقه الي وثقته بيج هيج تنزلين راسنه بلطين
طلع بابا من المستشفى وبيتنا ابد مافرغ من الناس الي تجي تطمن على بابا واني امي ابد ماتحجي وياي حتى من اكول صباح الخير ماترد عليه
خابرني مصطفى بس سمعت صوته كمت ابجي
مصطفى...حبيبتي ليش تبجين ابوج بي شي
سما...لا ماما عرفت وماتقبل تحجي وياي
مصطفى...ميخالف حبيبتي هسه تهدء وبعدين صالحيه
سما...جان عندي امل تفهمني وتساعدني بس اني هسه كلوش خايفه
مصطفى...اني لكيت حل وانشاء الله هلمره ابوج يقبل
سما..الله عليك تحجي صدوك لوبس اطمني
مصطفى...وعيونج احجي صدك
سما...ولله اني تعبانه منا الوحم ومنا بيتنا هوسه من الناس ومنا الخوف الي مسيطر عليه
مصطفى...هانت حبيبتي
خلال اسبوعين اتحسنت حالة بابا وكدر يرجع للشغل
اما مصطفى بقه يسئل ويدور على انسان يكدر ياثر على ابو سما ومايردله طلب
اخير شي راح الاكبر شيخ عشيره بلناصريه يسمونه شيخ مشايخ يعني شيخ على العشاير
مو شيخ عشيره وحده
نسان مهيوب ومحد يردله
كلمه .. هذا الشيخ يلتقي كله بلوزراء والناس الكبار ..راحله وطلب يكعد وياااا وحدهم
وحجا كلشي صار وياااا من يوم اتزوج سما الى يومنا هذا
وكاله اني دخيل عندك
اذا ماتدخل هاي البنيه مصيرها الموت
جمانه السعيدي
والشيخ طمنه وكال انشاء الله اكدر احل مشكلتك وارجعلك زوجتك بس اريد رقم ابو سما
سما كاعدين نتعشى واني كوه ابلع اللكمه وامي كلساع تخزرني وكلما تجي عيني بعينه اموت الف موته واللعن الساعه الي قرب بيها مصطفى مني جان يدك تليفون بابا
وشفت بابا انخبص واهلا وسهلا وكل الهله
ويمته ماتجي اخليك على راسي
امي.....شكو شصاير انخبصت
بابا...ولج ياسر ال حمدان شيخ المشايخ يكول اريد اجي اشرب يمكم جاي باجر العصر
امي...شعجب شكووو شصاير معقوله عندا وقت يجينا للبيت ويه مشاغله كله
بابا...ولله اني هم مستغرب من هاي الجيه
ثاني يوم بابا ما راح للدوام وخبصنا خبص وجاب الفواكه والحلويات وحضر الكهوا حتى الشارع غسله غسل
الساعه بلاربعه العصر اجا الشيخ فد شخصيه ومهيوب
وويا اثنيين زلم والسايق وتشوفين ابوي يركض منا ويرجع منا مامصدك
بابا...يا اهلا وسهلا زارتنا البركه
الشيخ...اهلا وسهلا مشكور تفضل اكعد عندي موضوع وياك
واتمنى ماتردني
بابا...شيخ شلون اردك انت اليوم نورتنا واي شي تطلبه
اعتبره صار
الشيخ...والنعم منك ومن اصلك ياطيب والنا الشرف اتعرفنا على رجال طيب وكريم مثلك
بابا...اني اتشرف بيكم اغاتي
الشيخ...سمعتكم الطيبه جابتي وهذا الاستقبال الحلو اكدلي كل الحجي الي سمعته عنكم صحيح
اني جاي اطلب ايد بتكم المصون سما
بابا...بس هاي مو تدلل كبعها واخذها بس سما منفصله خاف متعرف
الشيخ....لاولله اعرف واذا تقدرني وتوافق على الزواج اكون ممنون
بابا...ولله ما اردك ابد سما بنتك وانت تفصل واني البس
الشيخ...ولله هذا من اصل طيبك والنعم منك ومن اصلك
بس اني جايب وياي الشيخ الي يعقد المهر واني واخوي ابو صالح الشهود ونريد هسه نعقد
بابا...ولو اني ماعرفت العريس بس اني اطيتك وما اردك ابد
الشيخ....هسه راح اخابر العريس يجي ونتمم العقد
اتصل الشيخ وكال هااا بويه تعال خل نعقد هسه بسرعه مو تتاخر
جمانه السعيدي
ابو سما بكد فرحتي بلشيخ بس فاجئني شلون راسا يعقد واني ماعرفت العريس والبنيه ماعدها خبر صرت محرج
بس اني انطيت كلمه وبعد ما اكدر ارجع بيها
...بس شيخنا ما عرفنا العريس
الشيخ...هسه تعرفه
دك تليفون الشيخ وكال اي اجيتك طلع شويه ورجع وبيده مصطفى
ابو سما...من شفت مصطفى ضجت وما اعرفت شسوي
الشيخ...هذا ابني مصطفى جاي يتقدم البتك المصون سما
ابو سما...بس شيخنا
الشيخ...لا بس ولا شي اني اتعهد كدامك ان مصطفى
يحافظ على سما ويخليه بعيونا وابد مايضربه ولا يزعلها بيوم من الايام واذا يوم اجتك سما زعلانه بس اتصل عليه واني اعرف اتصرف ويا هسه شكلت
نكول على الخير والبركه
ابو سما...لان انت تكفلت بي اني موافق
مصطفى تقدمت وبست ايد ابو سما ورجعت حضنت سجاد وعتذرت منه
ابو سما...بس ادخل اخذ موافقت البنيه وارجعلكم
سما اني كاعده على نار ودخل بابا
ابو سما بابا سما مصطفى جاي يتقدملج وهلمره متعهد يحافظ عليج انتي موافقه
سما هزيت راسي بمعنى موافقه
بابا زين عندج شروط قبل العقد
سما لا ماعندي اي شروط
بابا زين حضري نفسج للعقد
سما اي بابا هسه
راسا اتصلت بنور وكتلها تعاي بسرعه
اريدج تشاركيني فرحتي
نور اي هسه اجي
صعدت بدلت لبيت فستان اوف وايت ويااا شأل كريمي مطرز وخليت مكياج وعطر
ونزلت صارت امي كبالي
دنكت بست ايدها واعتذرت منها
سما ماما سامحيني اني غلطت وانتي كلبج جبير
ومحد غيرج يفهم وضعي ويسامحني
باستني ماما وكالت يله بسرعه اتاخرتي الناس تنتضر
عقدنا واني ما مصدكه رجعت المصطفى والله سترني
ونجاني من هاي الورطه
طلعو الزلم ومصطفى دخل عليه باركلي وتشكر من امي
وباسها من راسها
امي هاي اخر فرصه الك ممنوع تزعل سما
مصطفى ازعل نفسي وما ازعلها اخليها بعيوني
دخل بابا وسجاد اتشكر منهم مصطفى
مصطفى عمي اني محضر كلشي باجر اجيب فلوس المهر
وبس تكمل سما وجهز نفسها نزوج
بابا هاي هي انتم اتفقوا على الموعد
بعد اسبوعين تم الزواج وكانت احلى ليله بعمري
احلى من عرسي الاول
و تم الحمل على خير وجبت بنيه سميتها جنه
وهسه حامل للمره الثانيه وبيه ولد
حياتنا منتهى السعاده اني ومصطفى
بس مصطفى نقلني مدرسه حكوميه بس بنات يكول ما اريدج اداومين مدرسه بيها معلمين
هاي التجربه علمتني ما اقبل هديه من اي انسان غريب
ولا استعمل اي شي
الي يجيني من انسان ثقه او من اهلي
مصطفى اعرف الي صار بينا غلط وحرام بس اني ما كان نيتي اجاوز على سما
او اغدر بيه الله يعلم شكد احبها اتمنى رب العالمين يسامحنا ويغفر النا
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
