رواية جارتي الفصل الحادي عشر بقلم جمانه السعيدي
حنيبن....اني راح احجيلك الصراحه وانت بكيفك
تريد تقبل تريد ترفض وبلاخير الزواج قسمه ونصيب
خليل...اقبل اكيد اقبل اصلا اني مامصدك نفسي
معقوله اني بالجنه وراح اخذ حوريه
كولي اي شي يعجبج مستحيل اعوفج
حنيبن...بس شفتك عرفت انت رجال واكدر اعتمد عليك
خليل...طبعا رجال
حنيين...اني قبلك كنت مخطوبه الولد صديق اخوي
خليل...اي عادي جدا عادي كلشي قسمه ونصيب
حنيين...ممكن تخليني اكمل لان مااعرف منيين ابدي
خليل...اي كملي اسمعج
حنيبن...كنا عاقدين شيخ ومحددين موعد زواجنا بس محمكه بعدنا ماعاقدين همزين ماعدقنا محكمه جان اني هسه مطلقه
خليل...وبعدين غدر بيج
حنيين...اذا ما تسكت مااكمل حجي
خليل...العفو حبيبتي تفضلي
حنيين....مادام عاقدين شيخ يعني احنا مزوجين
واي تجاوز بينا مو حرام
خليل...اكيد يعني هو اجاوز عليج
حنيين....اكمل لا تقاطعني
خليل...مااكدر لان مركز وياج بلحجي تفضلي ياروحي انتي
حنيبن...قشمرني الحقير وكال احنا مزوجين
وأمام رب العالمين انتي زوجتي ضحك عليه
واستغل طيبتي وقرب عليه
خليل...لا يانذل وبعدين
حنيبن...من بعدها صارت مشاكل بين العائلتين ونفصخت خطوبتنا شكد كرهته لان طلع نذل
مو رجال اتخلى عني وعافني طبعا اهلي مايعرفون بهاي المصيبه
اني اكدر اسوي ترقيع واخدعك
بس اني حبيتك ومااكدر اغشك انت انسان محترم
مو مثل ذاك النذل
هسه اني كملت وحجيتلك كلشي عني تريد تكمل وياي
اهلا وسهلا
تريد تعوفني الله وياك اذا عفتني راح انقهر عليك
لان اني اتمنى التقي بإنسان مثلك
رجال كد المسؤليه بس امانه اذا عفتني
نبقى اني وياك اصدقاء حتى اطمن عليك
جمانه السعيدي
خليل...انتي مالج ذنب هذا الشيطان استغل طيبتج
واخذ الشي الي يريده
حددي موعد وياا اهلج حتى اجي اتقدملج
حنيبن...اني اسعد وحده بهاي الدنيا واخيرا حبيبي راح يصير من نصببي
خليل...انتي حبيبتي رب العالمين شكد يحبني خلاج بطريقي
حنيين....راح اكول اخو صديقتي شنو رائيك لان اني اهلي راح يسئلون شلون تعرفتي علي
خليل...بكيفج اخو صديقتج امها عمها بكيفج
حنيين...والسر الي حجيته الك يبقى بينا
خليل....لا تخافين محد راح يعرف بي
حنيين...زين عندك اخت تجي وياك للخطبه حتى اكول صديقتي
خليل...اي عندي بس جبيره مو بعمرج
حنيين...ميخالف احنا ويانا معلمات كبار بلعمر
خل احجي وياا اهلي وارجعلك خبر
خليل...منتضرج بسرعه لان مااكدر اتحمل هذا البعد
حنيين...سديت التليفون وحسيت نفسي وكعت بمصيبه اكبر
....اولا اني اكرها وهو بعيد عني
.....ثانيا اهلي شلون راح يقتنعون رجال جبير ومبين مو راحه
اخواني اذا سئلو عنه شلون بيه
ياربي اعرف اني غلطانه واستحق الموت على العمله السوده الي سويتها
بس اوكف وياي بس هلمره استرني يارب العباد
رحت على امي
حنيين...يمه اكو واحد يريد يطلب ايدي
امي...اي واخيرا اقتنعتي منيين شنو شغله
حنيين...موضف وضعه المادي زين وعنده بيت وحده
امي...اي خل يجي ويحجي ويا اخوانج
حنيين....بس؟؟؟؟؟
امي...بس شنوو جمانه السعيدي
حنيين...منفصل وعنده بنيه البنيه ويا امها
امي...وليش تاخذين واحد منفصل بعدج حلوه وزغيره
حنيين...يمه وشبي المنفصل وضعه المادي زين وراح اسكن وحدي الصراحه اني عاحبني
امي...بكيفج انت الي راح تزوجي مو اني
حنيين...وبعد اكو شي
امي...شنو بعد الله يستر
حنيين...عمره بالاربعين
امي...يااا تخبلتي اكيد تخبلتي شنو بالاربعين وانتي عمرج بالعشرين
حنيين...يمه احبه احسه راح يفهمني ومايقيدني
امي...انتي عفتي الشاب الي خطبج ذاك اليوم موضف وعنده مشتمل ومن عمرج وتريدين تاخذين شايب
لو الضابط لو هذا الولد الكهربائي
كلهم زينيين وشباب
حنيين...يمه فدوه احبه الله يخليج ساعديني
امي...اساعدج اذا الموضوع معقول بس ليش تاخذين واحد جبير ومنفصل انتي زغيره وحلوه وموضفه
حنيين...عقلي وكلبي يكولون هذا احسن واحد
ترا كلشي يصير بلعرك اله الزواج بلاتفاق
امي...خل يجي ويحجي وياا اخوانج بس هااا
الي يكولون علي اخوانج هو الي يمشي
كمت حتى اتصل علي وبكلبي اكول الله لا يوفقك احمد
خليتني اغلط والغلطه اجر غلطه
ماكلت الخليل اني حامل ومااعرف شراح يصير اذا اكتشف هذا الشي
وماكلت الامي عمره خمسين وسكير ودايح
بعد وبعد كل يوم جذبه جديده صرت انسانه ثانيه بسبب احمد هو عايش حياته واني حياتي صارت سوده بسببه
مااعرف راح اطلع من هاي المشكله مدري اغرك بلزايد
اتصلت على خليل واكدت علي يجيب ويا اخته
ولأن كدرت اقنع امي بعد بس خواني
امي فتحت الموضوع وياا اخواني من سمعو منفصل وعمره جبير تخبلو لا يجي ولا يدخل بيتنا
انتي شنو ناقصج وتاخذين واحد جبير
حنيين...اني جبيره وافتهم واني اختاريته
اعتقد اني ماادخلت من اختاريتو زوجاتكم
من حقي اختار شريك حياتي
بعد عرك وحجي وهذا زعلان وهذا ماراضي
قبلو يشوفون عريس الهنا
كنت خايفه بشكل مو معقول اكيد اذا شافو راح يرفضون
كعدت اطلب من رب العالمين يعمي عيونهم ومايشوفه
موزين
اتصلت علي طلبت منه يجي كاشخ ومرتب ويتعطر حتى ريحة الجكاير ماتبين
اجا هو واخته فتح الباب مرتضى بس شافه
نزل حواجبه
دخلهم جووووا
اجاني للمطبخ
مرتضى...شنو هذا ولج بكد جدي
حنيين....لا زغير بس هو تعبان
مرتضى...تعلميني شنو تعبان مبين مو راحه
حنيين ...ليش تحكم علي اكعد وياا انت وعلاوي وشوفو
مرتضى...شكله شلونك جدوووو 🤣🤣
حنيين...مرتضى فدوه اني موافقه لاتوكفون بطريقي
مرتضى...تعاي وراي حتى تشوفينه زين يمكن انتي ماشايفته عن قرب
حنيين...اي جايه جايه
كعدو علاوي ومرتضى ويااا طبعا ثنيبنهم ناصبين علي
وواحد يرفع وواحد يكبس سووو ميز ويلعبون علي
دخلت اني سلمت عليهم وكعدت
المشكله ماعرف اخته وهاي اول مره اشوفها
الي هي المفروض صديقتي بلمدرسه وداوم وياي
بس رحمه من الله المره كعدت وسكتت كلشي ما حجت
بس مجرد سلام
سئلو اخواني عن عمله وعن عنوان بيته وسبب انفصاله عن زوجته
كعد يفخفخ على اساس موخوش وحده
اني متأكده شردت منه مبين ما ينجرع
ربي طلع حوبتي بااحمد الي ضيع عليه كل الفرص الزينه
وخلاني اقبل بهاي الخلقه
جمانه السعيدي
اخواني طلبو منه وقت يسئلون عنه
بس طلع من البيت كامو يعيطون عليه
شنو هذا بيا مزبله لكيتي شلون تردين ترتبطين بي
شوفي شكله شوفي عمره
مبين يشرب ومو راحه
حنيين...خلصتو اني عاجبني واريده واذا رفضتو بعمري مراح ازوج غيره
اني اريده جاي تسمعوني أريده
دخلت للغرفه وطبكت الباب
أعرف كلام اخواني كله صحيح ويردون مصلحتي
بس همه مايعرفون المصيبه الي وكعت بيها
ماكو حل الها غير خليل
اخواني اتفقو يسئلون وجيبلولي معلومات عنه
حتى أكرها وابطل من هاي الزواجه
طبعا هو كل شويه داز مسج هااا شنو الاخبار
يتصل عليه واني مااجاوب
احترك ذيله خبصني خبص
دزيتله مسج اهلي ما موافقين بس اني جاي اقنع بيهم
انتضر منا الباجر وارجعلك الخبر النهائي
ثاني يوم بليل كعدنا على العشه
مرتضى... وين لكيتي هذا العريس
حنيين...شبي عاحبني
مرتضى...ولج الجوارين كلها تكرها يكولون زوجته شردت منه بليله ضلمه
بعد ما كتلها وفرج الناس عليها
الجوارين لا فيها بعبايه ودازيها البيت اهلها
مطلكها ويتهرب من النفقه
يشرب عرك وعنده علاقات نسائيه اخلاقه مو تمام
حنيين...زوجته غبيه وماعرفت تكسبه اني احبه وراح يعاملني غير جمانه السعيدي
علاوي...يعني مصممه علي
حنيين...اي لو تكول مجرم يذبح ويكتل هم اريده
مرتضى...لا انتي مو طبيعيه بابا شبيج
شابه زغيره وحلوه والف واحد يتمناج راجعه على هذا ليش
حنيبن...عود اذا رجعت عليكم مكتوله لا تدخلوني بلبيت
علاوي...شوفي حنيين انتي اختنا وعزيزه علينا ونريد مصلحتج وهذا الإنسان مو مناسب اللج
حنيين...اني جبيره وافتهم وبكامل قواي العقليه اريده
مرتضى...خلاص اخذي بس ممنوع تجين تبجين
كتلني سحلني شمرني بلشارع
حتلو يموتج خلاص
بعمري مراح اروح اكله ليش انتي اختاريتي
اتحملي اختيارج
انتي جبيره وتفتهمين
حنيبن...اي موافقه المهر باجر
علاوي...شنو بهلسرعه تردين بس تزوجين
حنيين....اي شعندي مااجله الموضوع
علاوي.. استغفر الله ربي بشرفي مو صاحيه
حنيين...باجر المهر بليل من اجهز نفسي نزوج
اني ماريد عرس بس اني ويااا
مرتضى...حنيين اكو شي صاير شي ليش مستعجله
هذا السكير مهددج بشي
حنيبن.. هو اني شعندي ويهددني مثلا
بس اني اريد عرس بسيط مااريد هوسه
علاوي ....براحتج الي تردي سوي
حنيين طفرت كبل على التليفون اتصلت بي وكتله باجر بليل المهر
ثاني يوم رحت اشتريت فستان ابيض عادي بس حلو مرتب
سويت شعري بلبيت وتمكيجت وتعطرت
اجاااهو واخته
جاب ويا سيد عقدلنا وانطاني مهري حتى اشتري بي ذهب وملابس
اخواني كل واحد ماد البوز شبر كلش مقهورين عليه
ثاني يوم رحت اشتريت كم قطعة ملابس وسيت نوم
وحلقه وضميت باقي الفلوس لان اني ماضامنه هذا الرجال
بعد المهر باربع ايام كان عرسنا
اسمه عرس بس هو موعرس مجرد لبست النفوف
الأبيض الي لبسته بلمهر ورحت للصالون
سويت تسريحه بسيطه ومكياج
رجعت للبيت اجا خليل بسيارته اخذني
امي بس تبجي اخواني مصدومين مني مستغربين ليش هيج جاي اسوي بنفسي
ليش نزلت نفسي الهيج مستوى
ليش ماكو حفلة مهر ولا حفله عرس
ليش مستعجله كل هاي الاسئله جانت ادور
بعقول اهلي واقاربي
المعلمات كتلهم انخطبت بس ماكلت اني انخطبت الخليل
لان متاكده راح يحجون عليه
ويكسرن كلبي اكثر ماهو مكسور
ماعزمتهم على عرسي كلهن زعلن عليه
ليش عرسي هيج سكته ليش ماكلت منو العريس
كلهن مستغربات
عرسي هذا ترك اكبر علامة استفهام بوجوه كل الناس الي تعرفني واعرفها
بعد وراي موضوع الحمل مااعرف شلون راح
اكشفه وشراح اسوي وشنو موقف خليل راح يكون من حملي
المهم تعدي هاي اليله تعدي على خير وبس
