رواية قيود امرأة الفصل الحادي عشر بقلم جمانه السعيدي
رويده.. دزيت الرساله وطلعت من الواتساب ورجعت اروج
المنتجات الشركه
ساعه تقريبا اجت ر ساله من استاذ هشام
هشام...اهلا وسهلا سلامتها الف سلامه
رويده...الله يسلمك
هشام...اذا محتاجه اي مساعده اني حاضر
رويده...تسلم الله بحفظك كلشي تمام صارت احسن
هشام...شكد عمرها
رويده....اربع سنوات ونص
هشام... الله يحفظها شنو اسمها
رويده...زهراء
هشام....شوفي اذا تحتاجين شي اني حاضر انتي تشتغلين باامانه ومااريد الضروف العائليه اتأثر على شغلج
رويده...لا انشاء الله ماكو اي شي يأثر على شغلي
هشام...اخذي راحتج
رويده...تسلم
طبعا هو كلامه كله رسمي وماحجه شي خارج او قل ادبه
بس اني هذا السؤال اثر بنفسي
لان محد قبل حاجي وياي قبل بهاي الطريقه
ومحد سائل عني
رجعت الشغلي تقريبا اربع ايام اني وياا ماحجينا اي شي
اني ولله الحمد المبيعات من يمي جاي تصعد
كله بفضل رب العالمين لان هو الوحيد الي يعلم بضروفي
جمانه السعيدي
اليوم الخامس دزيت رساله
استاذ هشام هذا الباودر نوعيته ممتازه بس البنات عدهم اعتراض السعر غالي عليهم
سعر القطعه ٤٠ صحيح هو اصلي والي يستخدمه
يتعجب بلنتائج
بس مو كل البنات نكدر تشتري احنا ممكن نزغر حجمه
ونرخص السعر
يعني القطعه ام ٤٠ نقسمها نصين ونغير العلبه مع تثبيت
علامة الشركه الاصليه
ونكول هذا التحديث الجديد للباودر هيج راح تنباع منه كميه اكبر مراح نخسر شي بس نخسر علبه ثانيه
لان راح نقسم الكميه بعلبتين
بس راح نبيع اكثر لان الفقيره والغنيه راح تشتري منه
كملت الرساله وطلعت من الواتساب
قفلت التليفون لان سمعت اياد رجع
تغدينا واياد نام لمن طلع للعصر يله فتحت التليفون
لكيت رساله من هشام
هشام.. خوش فكره اعرضها على الشركه واشوف رائيهم
انتي عبقريه
اقرا بلرساله واضحك اكول لو تشوف هاي العبقريه
ويامن عايشه وشتاكل وحياته شلون مخلصتها
المهم بعد اربع ايام اوخمسه دزلي رساله الشركه وافقت على
الفكره وراح ينفذوها انتي اوكي
النهاية الشهر نزل الباودر الجديد هو واعلانه
واني بديت اشتغل اكثر وبحماس اكبر
هلمره اني اجتني فلوس اكثر
تحولت لحسابي بلمصرف
هشام....وصلت الفلوس
رويده.. اي شكرا
هشام. ... تستاهلين انتي مثابره الشركه تريد عنوانج
تريد ادزلج بكج كامل بمنتجات الشركه هديه
رويده.. شكرا جزيلا
انطيت عنوان بيت ابو حيدر لان خاف يجي المندوب ويكون اياد موجود
هشام... خلال أسبوع توصل هديتج
رحت الام حيدر فهمته
ام حيدر.. عفيه عفيه ولله تستاهلين هديه احسن
تشتغلين ومثابره ومجتهده اني ادري اياد وين ضامه البخت اللج
رويده... انشاء الله بس اكون نفسي وتصير عندي فلوس
انفصل عنه واعيش وحدي
اني كلشي ما حصلت من اياد من يوم شفته لليوم بس الجوع والضيم
اني صابره ومتحمله علمود زهراء
ام حيدر...عفيه تستاهلين كل الخير
رويده....بس اريد طلب ام ابو حيدر
أم حيدر.. اي كولي
رويده...... اريد ١٠٠ الف من الفلوس بلمصرف اريد اشتري ملابس وشغلات ولله مليت من هذا شكلي
أم حيدر....مو تدللين باجر
لو اجيللج هسه من ابو حيدر وهو باجر يسحب مبلغ
رويده...لا باجر ماكو مشكله
ثاني يوم ابو حيدر جابلي ١٠٠ العصر طلبت من اياد اروح الاهلي بس اني مااريد اروح الاهلي
طلعت كبل للصالون حفيت وكصيت شعري وصبغته ورحت اشتريت ملابس اليه والزهراء وحلويات صار شكد ما ماكله حلويات
ورجعنا لكيت اياد ماكو طالع
جمانه السعيدي
ضميت الملابس والحلويات لبست دشداشه جديده
وزهراء لبستها ثوبها الجدبد
ردت اضمه بس كامت تبجي تريد تلبسه
اول مادخل اياد ماانتبهلي بس انتبه الثوب زهراء
اياد...هاي شنو الثوب الحلو ميلج
زهراء .... .ماما اشترتلي
رفع راسه باوع عليه حس اكو تغير حافه وشعري متغير
والثوب جديد
اياد...شكو شنو هذا التغير
رويده.. امي اخذتني يمهم بنيه عدها صالون كالت غيري
شويه من عرسج لسه مادخلتي صالون
وعلما خفيت راحت اشترتلي دشداشه وثوب الزهراء
اياد...شعجب امج اليوم مصخنه بيها شي
رويده.. ليش مصخنه شافت ماكو وراك فلوس
واني مبذهله اخذتني اغير شكلي
حتى نفسيتي تتحسن
اياد.. زين تسوي إذا عليها الفلوس خليها يوميه
تاخذج للصالون وتشتريلكم ملابس
رويده.. اي هي كالت بس تجين ثاني مره اشتريلج ملابس
انتي وزهراء اكو يمهم محل تنزيلات
أياد...زين يله وين العشى
رويده...دقيقه ويكون جاهز
تعشينا وزهراء نامت وهو بدا يقرب عليه عروس وبدون فلوس ليش لا
رويده...روح اسبح وفرج اسنانك
آياد.. بارده الدنيا
رويده.. بكيفك ريحتك تكتل لا تقرب عليه
اياد...دروحي عليمن هسه سابح اروح انام احسن
راد يطلع التفت وكال
اذا ماازوج واكسر خشمج فلا اني اياد
اعلمج على هاي سوالفج اذا مااخليج تبجين اني مو اياد
رويده...دروح على اساس ماخذه السلطان سليمان
روح الله وياك مااريد اخرب شعري وشكلي علمودك
ما تستاهل
علساس زعل راح نام بلهول
اي خفتا وراحه شنو انام وياا حاضنتلي صخل
بقيت كل شويه اباوع النفسي بلمرايه ولله طلع شكلي حلو
حرامات هذا الجمال مدفون وياا اياد
طلعت التليفون بس فتحته راسا رن واني كلبي طار
خفت لا اياد يسمع الصوت كبل رجعت قفلته
بدون مااشوف منو
رحت اتاكدت اياد نايم ورجعت فتحته
لكيتها مكالمه من هشام
كتبت ..اهلا استاذ هشام
هشام.. ليش ماتردين بعدين ارجع اكلمج مستعجل
انطيت التليفون كتم ورجعت اشتغل وعيني على الباب خاف اياد يكعد
جمانه السعيدي
تقريبا ساعم ونص رن التليفون
طبعا اني مااريد احجي خاف اياد يسمعني وتصير مشكله
بلا تليفون هو زعلان
رديت برساله...تفضل استاذ
هشام...ليش ماجاوبين
رويده.. عندي ضروف تفضل اني وياك
هشام... ماكو شي بس اكو منتج جديد راح تنزله الشركه
مالي خلك اكتب واشرح ردت احجي وياج اتصال
رويده...اعذرني ما اكدر عادي باجر الصبح
اني ارن عليك
هشام.. اي عادي لان الشغله دقيقه مو مال رساله
رويده. تمام اني الصبح ارن عليج
طفيت التليفون ونمت الصبح كعدت اياد داير وجها عني مايقبل يحجي وياي
حضرت الريوك ورجعت الغرفتي
اتريك وكام يتحجج عليه ووين ملابسي
ووين حذائي طبعا هي موحوده كدامه بس على اساس يضوجني
رحت خليتهم كدامه بدون مااحجي
ضل يسمعني حجي يغثني من الصبح عفيه رجال
لا يكل ولا يمل من المشاكل
يمتى اخلص منه ماادري
طلع واني واني رجعت الغرفتي طبعا اني مااتريك وياا
ابد لان يغثني من يكعد كبالي
واني اذا سمعت حجايه ابقى طول النهار ضايجه
رجعت نمت الساعه تسعه كعدت هو رجع
بس دخل كام يصيح
اياد...اي وين لاكيتها تنامين للضهر اكل ونوم لا شغل ولا عمل اني طايح حضي بلعيشه محد.يساعدني
رويده...اي عيشه هاي انت تحسبها عيشه
اياد...انجبي تاكلين وتنامين والسانج شطوله
هسه تجين وياي تنضفين المحصار وتعلفين الصخول
رويده.. مااروح وياك لو تكطعني لمن اكل مثل الناس البس مثل الناس اساعدك
اياد....انتي ليش هيج السانج طويل ومامربايه
جمانه السعيدي
طفر عليه لزمني من شعري وكام يضربني بكل مكان
زهراء كعدت على صوت العياط كامت تبجي وتضرب بابوها
وهو مايقبل يعوفني مستمر يضربني بكل قوته اريد اخلص نفسي ماكو
اياد...انتي مستهتره ايجوز عندج صاحب حتى نوم ما تقبلين تنامين وياي المن ماخذج بعد
رويده.. عوفني انت عقلك صاير مثل عقل الحيوانات
اني اشفت منك وانام وياك مشغلني خدامه بيتك بلاش
اصرف عليه واني اكون زوجتك
اسبح وتعطر وتعال انت شايف نفسك ريحتك ما تنقبل
اياد...اي ما مربايه بت شوارع اني اعلمج بسيطه
عافني واني شعري مكطع ووجهي مورم من الضرب
ايدي توجعني كنت اصد ببها ضرباته
كعدت وكمت ابجي وبتي مكابلتني وتبجي وياي
مسحت دموعها وشلتها دخلنا للغرفه وهو طلع من البيت
رويده...روح عساك لا رجعت
غطيتها وكمت ابجي إلى متى راح ابقى متحمله
بعد مااكدر كافي صبرت هواي صار خمس سنوات متحملته
انسان لا يطاق ما يتعاشر ابد
طلعت التليفون فتحته اريد اتصل بااختي لان محتاجه اي احد احجي ويااا احس نفسي اختنكت بعد مااكدر
بس فتحت التليفون رن عليه هشام
مارديت رجع رن مره ثانيه
فتحت الخط وحاولت اسيطر على نفسي
رويده...الوووو هلو استاذ هشام
هشام...شبي صوتج تبجين
هو كال تبجين واني انفجرت بلبجي اريد اسكت ماكو
هشام...ياستار شكو ليش تبجين
بتج مريضه
رويده.....اهيييي لا ماكو شي
هشام...هاي الدموع كلها وماكو شي
رويده.. اسفه ممكن نحجي مره ثانيه
هشام...ليش ماتحجين شكو ايجوز اكدر اساعدج عندج مشكله احجي ترا قلقتيني
رويده.... فدوه استاذ اصير زينه واحجي وياك
شكرا لزيارتكم عالم روايات سكيرهوم
