رواية زوجه ثانيه الفصل الثاني عشر بقلم جمانه السعيدي
رحيم نزلت مجاز وهلمره راح انهي كلشي بس كلبي ماجاي يطاوعني ابد
آريد اطلعه وادوس علي يحبه بعدا رغم كل المصايب الشافه بعينه بعدا يحبه ويريدها
طاح حضك من كلب ماتعرف تختار صح اول مره امل
وهسه فاطمه
ياربي مامكتوبلي ارتاح ابد
لو ادور سوالف نسوان وحرام مصار وياي هيج ابد
مارحت البيتنا طلعت كبل البيت اهلي اريد احجي ويه ابوي اريد اخذ رائيه شلون انحل هاي السالفه
دخلت وسلمت على امي وابوي زوجة اخوي بس شافتني
بملابسي العسكريه راحت جابتلي اكل
من صارت هاي المصيبه الهسه لا اشتهي اكل ولا احس بطعم الاكل ابد
اكلت شويه وكتله اريد جاي
رحيم بويه المهله خلصت باجر اخر موعد الهم شتكول انت
...... ولله ياوليدي اني هاي البنيه كلبي حبه ومآ اشوفها تسوي هيج شغلات
رحيم يابه اني لزمت التليفون بايدي والكلام الي بي ماينحجي
......الله يبين الحق ان شاء الله
دك تليفون رحيم
....هذا علي اخوها
....الووووو
...السلام عليكم ابو حسين
....عليكم السلام
...اريد اشكرك طولت بالك عليه اريد اشوفك واحجي وياك
قبل لاتصير كعدت العشيره
....ان شاء الله اني اليوم نزلت وبعدني مارايح للبيت
بليل خابرني ونكعد ونسولف
...تمام الله يقدم الي بي الخير
ابو رحيم شيريد علي
رحيم يريد يحجي وياي قبل الكعده
ابو رحيم جيبه وتعال هنا اريد الحجي يصير كدامي
رحيم ان شاء الله هسه اترخص منك تعبان اريد اروح اتمدد وارتاح
ابو رحيم انتضر هذا العلاج مالتي خلص اريدك اجيبلي وياك العصر من تطلع للسوك وبليل من تجي انت وعلي جيبه وياك
رحيم ان شاء الله تامرني بشي ثاني
ابو رحيم سلامتك
دخلت بشارعنا وشفت بيت فاطمه مكتوب علي الدار للبيع
كلت احسن اذا تبقى كدامي مراح اكدر انساها خليها تبعد احسن اليه واحسن الها
رحيم رجعت للبيت وتلكتني امل مبدله ومتمكيجه والعطر يشع متعطره بعطر فاطمه
بس شميت العطر روحي انمردت مرد
هي عود تريد تقلد فاطمه ماتدري بس شميت العطر كلش ضجت
امل الله يساعدك
رحيم اهلا وسهلا
امل احضر الاكل
رحيم اكلت يم اهلي هاج ملابسي اغسليهن واريد ملابسي السود حضريهن اليه بليل نكعد ونشوف منو نجيبه بلكعده
امل قررت اطلك خلاص
رحيم اي باجر ينتهي كلشي
امل اي خل نخلص منها
رحيم اطلعي وسدي الباب اريد انام تعبان بلاربعه كعديني اروح اجيب علاج الابوي
امل ان شاء الله
فاطمه كاعده اغلي المهله خلصت وراح اطلك
لو طلاك عادي ميخالف بس طلاك بفضيحه
اللاهي انت اعلم بلحال وماكو غيرك يسمعني
انت الي تكدر تخلصني من هذا الضلم
اني منتضره رحمتك ياربي
رحيم كعدت سبحت وبدلت وطلعت شغلت السياره
وصلت راس الشارع اذكرت ماماخذ وياي غلاف العلاج حتى اجيب مثله
شيرجع السياره خل انزل اتمشى اجيبه واجي
لكيت الباب بعدا مفتوح دخلت واسمع امل تسولف بلتليفون
بلاول ماركزت بكلامها بس سمعت جمله استوقفتني
سمعتها تكووول
سالم نجحت الخطه باجر يطلكونها وللك بشاره مني
انطيك الواعدتك بي وازيد ولك انت داهيه
( سالم اخوها )
وكفت ورا الباب وبقيت اسمع
امل رحيم صدك كلشي وكام يكرها كره العمى
كل يوم اخابرك اريد ابشرك بس انت ماترد
سالم تليفوني عاطل ودزيته للتصليح
وخفت كلساع اخابر خاف رحيم يحس بينا كلت بعد ما اخابر لمن تكمل الشغله وينتهي كلشي
امل باجر موبس تطلك لا راح تطلع بفضيحه جبيره
لعد شجانت متصوره تاخذ مني رجلي وتخلي يحبه
ولك كام مايشوفني بعيونه ميت عليها
رحيم واني انفجرت دخلت عليها هي شافتني وصرخت يمه رحيم شلون رجعت
لزمتها من شعرها وسحلتها سحل وبوكسات ودفرات
كامت تعيط بصوت عالي
ماعفتها غير الدم يجري من كل جسمها
جبتلها عبايه وكتلها هسه اطلعين من بيتي وماللج غير هاي العبايه
كامت تصرخ جهالي فدوه جهالي
اخذت التليفون منها وكتلها هذا التليفون بي برائت فاطمه
دفعتها بلشارع وسديت الباب
واني فحطان واللهث من العصبيه
طلعت كبل للترك وكمت ادك الباب حيل واصيح فاطمه وينج
افتحي الباب جبتلج دليل برائتج
فاطمه كاعده يم امي اوكل بيه وزهره اخذت جهالها وراحت الاهلها تشوفهم
سمعت صوت امل تصرخ الصراحه اول خفت على رحيم
راح بالي بعيد كلت خاف صار علي شي وامل تصرخ
اعرف هو اليوم ينزل
وعلي كال خابرته نازل وبليل اروح اتفق وياااا
رحت يم الترك اسمع شكوووو
سمعت رحيم اجا يمشي عصبي ويلهث
قرب على باب الترك وكام يدك حيل ويصيح
فاطمه افتحي الباب جبت دليل برائتج
اني جنت بنهاية الترك اتقدمت وفتحت الباب
وهو كبل حضني حيل
مو حضني حسيته شالني من الكاع شيل
يبوس بيه ويصيح اني اسف اني اسف حبيبتي اسف
تنكسر ايدي الي مديتها عليج
يحجي وهو يلهث وفحطان ويرتعش كله
اني اجتني لحظه من الذهول ساكته لان ما افتهمت اي شي منه
بس كلبي فرحان لا موبس فرحان طاير
لزم وجهي باديه اثنيينهن وخله عينه بعيني ويصيح اني اسف اني انخدعت
فاطمه ماسيطرت انفجرت من البجي
رجع حضني لاتبجين يروحي لاتبجين حبيبتي
اني بجيتج اني الله ياخذني
هاي امل الحقيره
طلعت هي الي مدبره كلشي تريد بس تفرقنا اني وياج
فاطمه انت ضلمتني وماسمعتني ابد
رحيم انعميت كمت ما اشوف عيوني بس انتي جانن يشوفنج من شفت التليفون والرسايل
راحن عيوني يوميه اموت من فراكج
ارجعي وياي فاطمه اني ما اكدر بدونج
وين علي خل اعتذرله
فاطمه علي موهنا راح العمي حتى يجون بليل عليك
رحيم ارجعي وياي فاطمه ولله احبج
فاطمه ما اكدر اني وياك مانرجع بعد انت ضربتني
وشكيت بيه ما اكدر اعيش وياك
رحيم اذا ماترجعين وياي اكتل نفسي وللج تمرضت من وراج فاطمه لاتعوفيني ولله احبج
فاطمه ابتعدت عنه وكتله روح لايجي علي ويشوفك هنا
رحيم اني اريد علي اريده يشوفني اريد اعتذر منه
فاطمه روح رحيم الي انكسر مو بسهوله يتصلح
لاتصور تجي تعتذر وخلاص ينتهي كلشي
رحيم اطلبي اي شي واني حاضر بس لاتعوفيني
فاطمه روح رحيم هسه ماعندي اي شي اكوله الك
الكلام الأخير العلي هو يقرر مصير هاي العلاقه
دفعته وسديت الباب
واني كلبي يكمز فرح الله سبحانه وتعالى رجعلي حقي
سديت الباب
وهو يصيح ولله احبج لاتعوفيني هسه اخابر علي اشوفه وين واجمع اهلي واجيكم
دنكت سجدت بلكاع سجدت شكر لله تعالى
واخيرا طلع حقي
بس هم ماعرفت امل شلون عرفت بروحتنه الكربلا
للمغرب وعلي بعدا ماراجع
ورحيم راح الاخو امل لكا شارد لان سمع العركه بين رحيم وامل الخط جان بعدا مفتوح
فرض على أهل امل كوامه ورجع
اذن اذان المغرب بابنا تكسر فتحته ومآ اشوف غير امل بوجهي
خطيه وجها صاير خارطه من الكتل
اني فتحتله الباب وهي نزلت على رجليه تبوس بيهن
فدوه اروحلج جهالي جهالي رحيم يكول ارفع عليج دعوه واطلكج وحتى الجهال ماتشوفيهم بعد
فدوه لاتخلينه يحرمني من جهالي
ولله اعرف انتي كلبج طيب وبت اصول
فدوه لاتخلينه يحرمني منهم
هسه هو دازهم يم اهله ذوله الزغار مايرهمون بدوني
دخلتها جوه وجبتله ماي
فاطمه كلشي تردي اسويلج بس سولفيلي شلون حكتي هاي المصيبه
امل ولله ادري اني غلطانه غيرتي عمتني اني من
خطبتج ماجنت متوقعه رحيم هلكد راح يحبج
جنت متوقعه علاقه عاديه
بس تخبلت من شفت حبج بعيونه
ولهفته عليج كلت خلاص راح يشمرني اني والجهال
بلشارع بعد مايريدني
كمت اسوي مشاكل بس هو ماهمته المشاكل كام يحبج اكثر
انتي هم غلطانه فاطمه
فاطمه شسويتلج ولج خادمتج انتي وجهاللج
هسه لو متهور رحيم ومطلع المسدس وكاتلني
لو علي مامصدكني وذابحني
ولج وين ترحين من الله لو اني ميته بسببج
امل انت غلطانه كمت تسوين كلشي يحبه ويريده جنج عايشه بكلبه
فاطمه موعلمتج وكتللج هيج سوي ويصير زين وياج
وانتي ماتسمعيني
يله احجي شلون دبرتي هاي الخطه
يوم بليل سمعته يكللج اني اسجل كلشي باسمج
كلت هاي هي راح يشمرنا بلشارع
ماكدرت انام بليلته
ثاني يوم كلتي اني رايحه للزياره واني صدكت
بس الله راد يكشف جذبتكم عليه انتي ورحيم
بت خالتي شافتك بلزياره وخابرتني
النار كامت تغلي بكلبي ليش تجذبون عليه
رحيم من يوم شافج وهو مايهتم بيه ابد
حتى الليله الي يجي ينام بيها يمي يجي من ورا خشمه
من غير مرات يتسحب ويروحللج
فاطمه زين ابدال هاي المشاكل فكري ليش يحبني وانت
تعرفين السبب
انتي ابدال ماتهتمين بي رحتي ورطتي نفسج بجهال وهوسه وكمتي ماتندلين راسج من رجليج
يله كملي خطتج الشيطانيه
امل رحت السالم وسولفتله كلشي صار وكتله اذا ماتلحكلي
يطردني رحيم اني والجهال
لان يريد يسجل البيت باسمها
وارجع عليكم اني وجهالي
وسالم دبرلي هاي الخطه كال اشتري تليفون جديد
وحاولي اجيبين هويت فاطمه اومستمسك منها نشتري بي خط باسمها
انتضرتج عبرتي على اهللج واخذت الجنسيه مالتج
انطيتها اله استنسخها ورجعها اليه
وصورت غرفتج
واني انطيته مواصفات جسمج حتى الشامه
ومواعيد طلعت رحيم ورجعته
كال اريد كم صوره الها اني من طلبت تليفونج اخذت منه ذني الصور
يوم رجع رحيم اتفقنا اخلي التليفون بلمجر
ومن يدخل للغرفه انطي اوكي حتى يدز رساله ويشوفها رحيم
والباقي انتي تعرفي فدوه لاتحرمني من جهالي
ولله ان جان قصدي بس يطلكج
اني ادري غلطانه سامحيني
فاطمه يا يطلكني وللج وسمعتي سمعتي هينه عليج
جان انفضحت فضيحه شكبرها
من ورا عقلج الزغير
هسه روحي منا ما اريد اشوف وجهج متندمه على اليوم الي عرفتج بي
امل وجهالي
فاطمه جهاللج انتي ماتستاهلين اتصيرين امهم بس اني اخلي رحيم يرجعهم اللج لان همه مالهم ذنب بكل الي صار
لليل رجع اجانا رحيم وجايب ابو واخو وعمه وجاي يعتذر من علي
علي شرط علي بيت وحدي يله يرجعني
واني كان شرطي لايحرم امل من جهاله
رحيم بس امل سوت هاي المصيبه حتى تخلص منج
فاطمه جهاله مالهم ذنب
راح رحيم وثاني يوم جاب عمال وقرر يقسم البيت بينا اثنيينه
كل وحده الها نص وكلمن بابها وحدها
جهال امل رجعهم الها وقرر مايرجعه اله يكمل البيت
وشرط على اهلها اي مشكله تسببها جديده
راسا يطلكها بدون تفاهم ابد
العمال بقو شهر يشتغلون بلبيت لا ن بنو حايط وصحيات ثانيه وتاسيس ماي وكهرباء وصبغ
كل يوم يجي بلليل يم الحايط ويصيح عليه بصوت ناصي
ويسولفلي شنو التعديلات الي اريدها بلبيت
طبعا هاي حجه حتى يشوفني ويحجي وياي
علي جان يعرف رحيم يجي بليل يسولف عليه بس غلس
واني كل اشويه اهدد راح اصيح علي
رحيم شبيج كلبج حجر وللج راح اموت عليج
فاطمه اتحمل شويه من الي اني تحملته
رحيم بشرفج تعاي شوفي العمال شنو سوو ايجوز لون الصبغ مايعجبج
فاطمه اي حتى بس اتصيح امي علي يطلع ويلكاني ماكوووو
رحيم خمس دقايق
فاطمه ولا دقيقتين
رحيم راح ازعل كلبج صاير قاسي
فاطمه ازعل مايهمني
رحيم هااا هيج زعلي هين عليج
فاطمه من اذكر شسويت بيه ودي اموتك
رحيم تعاي بله شلون تموتيني راسا صاح ااخ مدري شنو كرصني برجلي وكعد بلكاع
فاطمه اني الغشيمه راسا صدكت فتحت الباب وعبرت
دنكت عليه وووين ووين انكرصت خل اشوف
راسا حضني وتمدد بلكاع وخلاني على صدره
الله لوتدرين شكد مشتاقلج
فاطمه عوفني راح اصيح علي
رحيم شو صيحي بله منو عابر على الثاني اني عابر عليكم لو انتي عابره عليه اكله اختك ماتخليني انام
تتحرش بيه وكل شويه تصيحني
ترا تستحي منك ولا هي تريد تجي تنام بحضني
فاطمه ولله حيال عوفني صدك لايجي ويشوفني بهذا المنضر بعد ما اخلي عيني بعينه
رحيم لا اوكفي خل اني اصيحه بلكت يقفل هذا الباب وتنامين بحضني
فاطمه عوفني بسرعه لاتكعد امي
رحيم الله شوفي ريحة الشعر شكد طيبه
فاطمه هسه صدك تنكرص نايم على الكاع
رحيم اذا تبقين بحضني اقبل تكرصني حيه
فاطمه يااااا اسم الله
رحيم موتحبيني وتخافين عليه ليش عايفتني كولي احبك واني اعوفج
فاطمه احبك يله عوفني
عافني واني انهزمت بسرعه وقفلت الباب وهو كام كله تراب شعره وملابسه
وصل وضل يدزلي رسايل للصبح يله نمنا اثنينه
كمل بيتنا وكلمن كعد ابيته وامل كامت تخاف وابد بعد ماسببتلي اي مشكله
واني ارتاحيت من المشاكل ورحيم اخذني اشتريت اثاث على ذوقي وبيتي صار يخبل
اخذت الجزء القريب على اهلي اكمل شغلي واروح الامي
خمس سنوات مرن على زواجي وابد مافقدت الامل ان يصير عندي طفل ومانسيت الحلم الي حلمته ومنتضره يجي يوم ويتحقق
فاطمه إلى ان يوم وصفولي دكتوره شاطره بغداد واخذني رحيم الها وكالت انتي مابيج اي خلل
بس توقيت العلاقه بينكم يجي غلط
وحالتج النفسيه مسببتلج اختلال بلهرمونات
اربع اشهر اراجع عدها وماقصرت رب العالمين وحبلت
وفرحت رحيم اكبر من فرحتي
جبت ولد يخبل بس صار عمرا سنه تفاجئة اني حامل مره ثانيه وجبت ولد ثاني احلى من اخو
ذني الكلاصين مي الي شفتهن بلحلم
ابني الجبير عمرا ٦ سنوات والزغير خمسه وبعد ماصار عندي اطفال غيرهم الحمد لله كلش مقتنعه بيهم
امي توفت سنة ٢٠٢٠ وأبو طارق توفه سنة ٢٠١٧
عمي توفا سنة٢٠١٩
اختي مريم صارعدها اربع اطفال اثنيين بنات وثنيين ولد
عمتي ماعدها بس بتها زينب والحمد لله جاي تدرس كلية صيدله
وعلي صار عندا اربع ولد وبنيه وحده
يكوولون تشبهج
هاي القصه بلبدايه ردت اسميها
( ان مع العسر يسر )
لان شكد شافت فاطمه ضيم ومصايب بس ما اتخلت عن مبادئه ولاغيرت فكرها وكانت دائما معتمده على رب العالمين بكل شي
والحمد لله رب العالمين عوضها بلاخير وفرح كلبها
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
