 |
رواية دار الايتام الجزء الثالث (اللقاء المنتظر) الفصل الثاني عشر بقلم اميرة اسامة
المشاركه والدعم في كل مواقف الحياه بيفرقوا جداً في نفسيتنا
أحساس ان في حد بيقويك وواقف جمبك وديما في كل موقف او لحظه ضعف بتلاقيه كأنه بيقولك انا عنا انا جمبك
بيقويك حتي لو بالكلام في كلام
بيكون دافع قوي لتغيير شخصيه اللي قدامك اوعوا تبطلوا تكونوا دعم وقوه لأي شخص بيمر بلحظه بضعف👌👌👌
.................
خبطت السكرتيره مره تانيه ودخلت علي عامر.
عامر...خير يا نهي.
نهي.. مستر عامر في....قاطعت روكا كلامها ودخلت.
وقف عامر وهو مصدوم😳
عامر...روكااا
روكا...بأبتسامه ايه مفجأه
عامر...روحي انتي يانهي
بصت روكا علي نهي لحد ما قفلت الباب ورجعت بصتله وفضلت تمشي براحه لحد ما وقفت قدامه
لفت ايدها علي رقبته وبسرعه مسكها عامر من وسطها بحب.
روكا...وحشتني❣️
عامر....انتي كويسه؟
روكا...بضحكه مايعه فيك ايه يا عامر مالك مصدوم كده ليه.
عامر...بأبتسامه وباين عليه الصدمه حط ايده علي راسها
طيب انتي سخنه.
روكا...بضحك لا يا سيدي زي الفل انت اللي مالك هي المفجأه حلوه ولا وحشه.
عامر....انا فعلا متفاجئ انتي مش مكلماني من شويه وقولتي هترزحي هناك.
روكا....وغيرت رأيي يا سيدي وبعدين مالك كده عامل زي الإنسان الآلي امشي.
عامر...لأ تمشي ايه استني هنا روكا انا بجد والله مش مستوعب انك هنا انتي متخيله ان دي أول مره تيجي هنا متخيله اني سألتك قبل كده ليه مش جيتي الشركه عندي ولا مره قولتي عادي وكل مره بتجيلى بيكون بره الشركه وعمرك ما دخلتي.
روكا....يمكن عشان كنت حابه ان شغلك وشغلي يكونوا بعيد خالص عن علاقتنا ويمكن كمان عشان انا بقدر جداً الشغل ومش عيزاك تحس اني زي اي ست بتحب تروح لجوزها في شغله و تطب عليه كأنها عملاله كمين
عامر...بحب وايه اللي غير رأيك؟
ايه فكرتي تعملي زي باقي الستات و تعمليلي كمين.🤨
روكا...بضحك انت عارف اني مليش في شغل الستات ده وعارف كمان اني مش بحب الخنقه لا ليا ولا للي بحبهم بحب اسيب كل واحد علي راحته بس كل الحكايه انك بجد وحشتني ولقيت نفسي بجد عايزه اعمل كده انهارده طول النهار كنت علي بالي.
عامر...ليه ان شاء الله 🤨هي الايام اللي فاتت مكنتش باجي علي بالك ولا ايه.
روكا...مش كده بس انهارده بالذات بجد انت طول اليوم معايا شيفاك قدامي حاسه بيك تخيلت نفسي عندك في الشركه في مكتبك تخيلت نفسي واقفه معاك زي ما انا واقفه الوقت لدرجه اني تخيلت شكل مكتبك.
عامر...بأبتسامه طب وايه المكتب زي ما تخيلتيه 😉
روكا...بأبتسامه وهي بتبص علي المكتب مش هَكدب عليك و أقولك اني تخيلته بنفس الشكل ده بالظبط اه يمكن تخيلت ان الالوان تكون غامقه تخيلت انه هادي و رايق كده شبه مكتبك اللي في الڤيلا لكن بنفس الشكل ده صراحه لأ.
عامر...طيب وايه ده احلي ولا اللي كنتي متخيلاه.😉
روكا....اللي تخيلته شبه اللي في البيت اوي بس ده احلي كمان
عامر...عجبك يعني ولا اغيره لو عيزاني اغيره يتغير حالا يا باشا🤨
روكا...بضحك لا يا سيدي ده حلو
قرب عامر ايده من شعرها رجعه ورا ودنها تعرفي اني مبسوط اوي عشان جيتي بجد كانت مفجأه حلوه متخيلتهاش خالص
روكا....بحب لو مكنتش وحشتني اوي كده مكنتش هاجي.
عامر...انا قولت بقي روكا جايه حاجه من الاتين لا في مشكله كبيره لت جايه تطبي عليا وتقفشيني مع السكرتيره وكده😉
روكا....بضحك لا يا اخويا اطمن 🤨
عامر...بقولك ايه صحيح انا نفسي أسألك سؤال من زمان
روكا...أسأل؟
عامر...هو انتي مش بتغيري عليا خالص 🤨 علي فكره بقي انا خاربها مش راحم نفسي لا مع سكرتيره ولا مع اي ست
روكا...بضحك روكا النجار مش بتغير يا عامر يا ألفي
عامر...🤨ليه ان شاء الله مش بتحبيني ولا ايه.
روكا....مش يمكن بثق فيك زياده عن اللزوم يا عامر.
عامر...بابتسامه بتغلبينى بالكلام يعني❣️
روكا....خالص..بس دي حقيقه يا عامر انا بثق فيك اكتر من نفسي عارفه انك لو في وسط مليون ست مش هتعمل حاجه غلط
عامر....بس انا راجل برده والراجل عينه زايغه😉 انا مش بشكك فيا علي فكره عشان تغيري وكده🙄 بس دي حقيقه.
روكا....بضحك لو اني عارفه أنك بتعمل كده عشان اغير بس خليني ارد عليك اه الراجل عينه زايغه وميملاش عينه غير التراب ياقلبي ويحب يجرب بس اخرها ايه هتبص عينك هتزوغ هتعجب بشكل واحده فالاخر هيحصل ايه
عامر...مايمكن تعجبني واطلبها للجواز هتوافقي🤨
روكا....هقطع رقبتك ياعامر يالفي🤨🤨🤨
عامر...بضحكه واسعه الله بتغيري😂😂😂
روكا....مفيش ست مش بتغير علي جوزها يا عامر بس في فرق بين الغيره وبين الشك وبين الثقه وبين قله الكرامه🤨
عامر...ودول كلهم مالهم ببعض🤨
روكا...ازاي بس دول كلهم واحد. اني اغير عليك ده حقي وحقك زي ما الحب بيتحط في قلبنا من غير اي حسابات الغيره كمان بتتزرع جوانا من غير ما نحس وبتطلع برده من غير ما نحس يعني اكون معاك وواحده تيجي تسلم عليك بطريقه مش مريحه بالنسبالي حتي لو انت تمام بس غصب عني هغير وفي الوقت ده هبقي عايزه اخبيك جوايا منها
بس في المقابل مش هينفع اقلب حياتنا نكد عشان موقف زي ده و احول الغيره دي لشك يدمر حياتنا وأبدأ اشك غي كل حاجه وعيني عليك 24 ساعه وأفضل طول الوقت أسألك و أراقبك عشان حاجه هي مش في بالك اصلا ووارد شكي فيك يخليني ألفت نظرك وتبدأ انت اللي تبص وبدل ما هو كان مجرد شك جوايا بقي حقيقه وبأيدي انا
بس كمان مينفعش اكون معاك وعينك تزوغ ياقلبي علي واحده تانيه غيري و أعديها وأقول بلاش اشك فيه وعادي دي مجرده بصه عشان هو راجل والراجل عينه زايغه ساعتها هبقي معنديش كرامه لما اسمح انك تبص علي ست وانا معاك عشان بس مبوظش حياتنا.
عامر...اممممم وجهه نظر طيب وبالنسبه للثقه بقي دي فيا ولا فيكي.
روكا...زي ما قولتلك اكيد واثقه فيك بس كمان واثقه في نفسي اكتر عارفه يا عامر انك مهما تلف وتشوف هتتأكد ان مفيش زيي
عامر....مغرور بس قلبي بيحبك
روكا...بأبتسامه مش غرور صدقني بس بشوف ان من حق اي ست في الدنيا انها طول ما هي عامله كل حاجه حلوه للراجل اللي معاها
لازم تثق ان مفيش منها اتنين طول ماهي محسساه برجولته وماليه عينه وحاسه انها ست كامله بجد يبقي ايه المشكله انها تثق في نفسها .
عامر...وانتي بقي شايفه ياست روكا انك ست كامله بجد🤨
روكا....وانت شايف غير كده🤨
ناقصك حاجه ياسي عامر.
عامر...اه ناقصني اهم حاجه ياست روكا🤨
روكا...🙄ناقصك ايه.
عامر...بابتسامه😉ترقصيلي
روكا....بضحكه مايعه أرقصلك🙈
عارم...اه ترقصيلي..😉 من يوم ما اتجوزنا عمرك ما رقصتيلي ولا مره قاعده تديني محاضره عن الكمال بذمتك كده تبقي مقصره في حق جوزك ولا لأ ولا عيزاني عيني تزوغ علي رقاصه😉
روكا...بضحك بس انا مش بعرف😂😂🙈🙈
عامر...مش بتعرفي ولا بتتكسفي مني.
روكا...بجرأه قربت ايدها من شفايفه بدلع روكا وكسوف دونت ميكس خالص ياعامر انت عارف اني مش بتكسف من اي حاجه ولا من اي حد هتكسف منك انت بس بجد مش بعرف او مجربتش اني ارقص قبل كده
عامر...خلاص احنا فيها تجربي وسيبي الحكم ليا😉
روكا...انت عايزني اجرب في المكتب 😎
عامر....والله لو عليا انا عايز اشوفك حالا وانتي بترقصي بس اكيد مش هنا
روكا....بضحك ماشي نجرب ياسي عامر بقولك ايه هو انت بخيل ولا ايه🤨
عامر...انا ليه بس ياقلبي؟
روكا...مسألتنيش تشربي ايه
عامر...بحب حقك عليا والله أتفاجئت لما شوفتك بس احنا فيها تشربي ايه.
روكا....خلاص يا سيدي انا مش عايزه انا جايه اخدك ونمشي عشان نروح نشوف ريم.
عامر...بقولك ايه ما احنا هنشوفهم بكره عند نوني ما تيجي نروح علي الڤيلا عشان اشوف هتاخدي كام من عشره😉😎
روكا...بضحك اتلم يا عامر ويلا قدامي
عامر...طب ما تجيبي بوسه😉
قربت منه روكا بجرأه ولفت ايدها علي رقبته وقربت من شفايفه براحه باسته وقبل ما تبعد مسكها عامر اكتر بتملك وفضل مقرب من شفايفها وبعد وقت بسيط بعد عنها وسند راسه علي راسها وهو بيتنفس بسرعه.
عامر....انتي بتعملي فيا ايه بس.
روكا....بحبك ياعامر
عامر...بتنهيده خدها في حضنه بحبك يا روكا يا نجار❣️
..............
عند ادم وزهره.
حطت زهره القهوه لادم وقعدت جمبه.
ادم...تسلم ايدك يا قلبي تولين نامت.
زهره...اه في سابع نومه.
ادم....هشرب القهوه و ننام شكلك مرهقه.
زهره...لأ خالص يا حبيبي لو صاحي شويه هقعد معاك
ادم...لا خلينا ننام عشان نرتاح بكره كنان معزومين بره عشان منبقاش تعبانين
زهره...بتوتر وأرتباك ادم بقولك ايه.
ادم...قولي يا حبيبي.
زهره...هو لازم يعني عزومه بكره دي؟
ادم....ابه مش عايزه تروحي ولا ايه لو مش حابه خلاص بلاش نروح.
زهره...لا يا حبيبي مقصدش مينفعش ادام الناس قدرتك يعني و ليل قال ان بدر ده عزمك انت ونوح بس انا اقصد يعني روح انت وبلاش انا.
ادم...لو مش حابه تروحي يا قلبي انا معنديش مشكله هعتذر بشياكه كده وخلاص ومش هنروح لكن اكيد مش هينفع أروح من غيرك ساعتها شكلي مش هيبقي ظريف كل واحد رايح بمراته مينفعش يعني اروح من غيرك شكلها مش ظريف خصوصا ان دي مش مقابله شغل او عشاء عمل دي
عزومه بره الشغل خالص.
فا لو مش حابه خلاص بكره الصبح هقول لليل وهو يبلغ أعتذاري للراجل وخلاص.
زهره...لا لا يا حبيبي خلاص هاجي مينفعش تعتذر.
ادم...طيب ممكن الاول اعرف انتي مش حابه تروحي ليه.
زهره...بارتباك بصراحه مفيش سبب معين بس يعني من يوم ما اتجوزنا مش روحنا لأي حد منعرفهوش علاقتنا يمكن محدوده انا والبنات بنزور بعض وبس يعني
هما يجولنا احنا نروحلهم حاسه اني حابه الدنيا تمشي كده عايزه علاقتنا تكون محدوده زي ماهي كده مش عايزه حد يدخل حياتنا غيرنا احنا وبس.بخاف أتعامل مع اي حد بره عننا يا ادم انت فاهمني؟
ادم...بأبتسامه فاهمك يا حبيبتي بس ده تفكير غلط علي فكره
زهره....أزاي غلط بالعكس ده مريح جداً يعني مفيش اي حد يدخل حياتنا يبوظها ملناش غير ببعض بشوف انها حاجه جميله انك تكتفي في حياتك بناس معينه مش بيعملوا معاك اي حاجه غير انهم بيحبوك وفاهمينك وشبه بعض وبس.
ادم...يمكن معاكي حق في النقطه دي بس عادي اننا نقفل عالناس اللي بنحبها وبنفهمهم ويفهمونا لكن كمان نتعامل مع ناس غيرهم.
زهره....بس معرفه الناس يا ادم ديما بتكون مرهقه ونهايتها لازم تكون وجع.
ادم...مش ديما يا زهره!!
في ناس بنعيش طول عمرنا معاهم ونشوف انهم اهم حد في حياتنا وفجأه يحصل موقف يجر موقف تتفاجئى أنك بعد السنين دي كلها مكنتيش تعرفيهم تحسي أنهم اغراب عنك وفجأه تسمعي من ناس تانيه ان الناس دي طول عمرهم بيتكلموا عنك بيشوهوا صورتك بيستنزفوكى و بيأذوكي وانتي مش حاسه وتبدأي تفتكري مواقف بينك وبينهم وتربطيه بكلام الناس دي وقتها تتصدمي كانوا بيغلطوا فيها قدام عينك وعشان كنتي بتحبيهم كنتي بتعديها وتلتمسيلهم ألف عذر وتكدبي نفسك كنتي بتحسي وبتشوفي بعينك افعالهم وكنتي بتداري عنهم بدافع الحب اللي جواكي وتحسي انك كنتي بتقصدي تعمي نفسك عن افعالهم وتكتشفي بنفسك انهم مكانوش يستحقوا عشرتك ليهم..
وفي ناس يا زهره لما بتعرفيهم و بتتحطى قدامهم في مواقف صعبه تلاقيهم واقفين في دهرك
و ساندينك بجد رغم ان عمر علاقتكم ميتعداش حتي السنه بس بتحسي أن وقفتهم معاكي بقلبهم و تلاقي نفسك بتقولي ياريتني عرفتهم من زمان
صدقيني يا زهره في كل الاحوال معرفه الناس كنوز ودروس انتي الوحيده المستفاده منها سواء معرفتهم كانت تضر او تنفع.
زهره...طيب وانا ايه اللي يخليني اتعامل مع ناس تضرني لما انا في ايدي ابعد عنهم.
ادم...وهتعرفي أزاي ان معرفتهم تضر إلا لو جربتي تتعاملي معاهم
زهره...عشان كده بقولك اني مش حابه اتعامل مع حد خايفه يا ادم.
ادم...مش صح يا حبيبي لازم تتعاملي وانا من رأيي أنك لازم تجربي الوحش اكتر من الحلو كمان عارفه ليه الحلو معروف انه حلو بيدي حب وصدق ووفاء وطيبه وخوف من غير اي مقابل هو شخص ربنا بعتهولك عشان يكون سندك في الدنيا..لكن الوحش بيجي علي هيئه درس ربتا بيبعتهولك تتعلمي منه يمكن تتأثري تتوجعي ممكن يسيب جواكي أثر يوجع لكن لازم تعرفي انك لما تكتشفي ده بتخرجي من العلاقه دي اقوي و انضج و بتبقي قادره تقيمي بعد كده الشخص اللي قدامك اول ما تتعرفي عليه بيبقي جواكي كده حاجه جوه قلبك وعقلك عامله زي الحساس
في ناس لما تشوفيها قلبك يتقبض منهم من غير اي موقف وفي ناس تشوفيها عقلك يقولك اقفي متكمليش وده هتوصليله يا زهره لما تتعاملي وتجربي لما تتعرفي سرعه البديهه دي يا زهره رزق من عند ربنا تقيمك للشخص من خلال طريقته و اسلوبه وضحكته وحركه جسمه دي رزق يا زهره فهماني.
زهره....فهماك يا ادم وعارفه ان كلامك كله صح يمكن العيب فيا يمكن المواقف اللي مريت بيها كانت سبب في شخصيتي الوقت
مش عارفه.
ادم...اهي المواقف اللي مريتى بيها دي يا زهره المفروض تكون ليكي درس كبير تتعلمي منه وتعرفي تاخدي منها اللي يفيدك في تعاملاتك انا عارف يا زهره ان اللي مريتي بيه زمان مش سهل عارف كمان ان الاحداث اللي حصلت كلها قبل الجواز كانت صعبه وانها سبب في اللي انتي فيه بس مينفعش انها تكون نقطه ضعفك يا زهره بالعكس المفروض تقويكي وعلي فكره يا زهره انا شايف ان شخصيتك أتغيرت كتير عن الاول بقيتي اقوي بقيتي افدري تتعاملي مع اي حاجه مهما كانت صعوبتها افتكري يا زهره اول مره شوفتينا فيها كنتي عامله ازاي والوقت بقيتي ازاي انتي كنتي بتخافي تتكلمي مع اي حد غير عشق وتمارا ونور وعم محمد الله يرحمه كنت بحسك خايفه مهزوزه متوتره بتستني عشق وتمارا يبدأوا اي حاجه عشان تكملي وراهم لكن الوقت بقيتي تتعاملي وتتكلمي رأيك بقيتي تقوليه من غير توتر معني كده ان اللي حصل قواكي يا زهره.
زهره....بتأثر بجد يا ادم يعني انت شايف اني بقيت احسن.
ادم...بأبتسامه طبعا يا زهره يمكن انا حبيت زهره اللي بتخاف وتتوتر من اي حاجه حبيت زهره اللي عامله زي الطفل اللي تايه وخايف وقدرت كل ده وأحتويتك وحاولت أحسسك بالأمان بس صدقيني في ناس لما بتشوف شخص كده بتنتهز الفرصه وتستغله وتبقي شايفه انه سهل يضحك عليه عشان كده عايزك ديما تكوني قويه يا زهره انتي لو رفضتي انك تتعاملي مع اي حد وأقتصرتي معارفك علينا احنا بس غصب عنك هتلاقي مع الوقت انك مضطره تتعاملي يعني لما تولين تكبر وتدخل المدرسه علي الاقل هتتعاملي مع مدرسين مع اولياء امور ممكن تتصاحبي عليهم
وتحبيهم ممكن يكونوا كويسين وممكن تلاقيهم وحشين او طباعهم مش بتتناسب معاكي فا لو انتي عندك خبره كافيه في التعامل مع الناس هتقدري تفهمي الشخص ده من قبل ما تتعمقي معاه في العلاقه ولو زي ما انتي خايفه كده هتتوجعي يا زهره وانا مش عايزك تتوجعي يا زهره مش عايز خوفك وتوترك يتنقل لتولين لما تكبر وقتها هتتعبي وتعبك هيزيد الضعف وانتي شايفه تولين بتخاف لوحدها بتتوتر من الناس خايفه تقرب منهم فهماني انا عايز زهره تكون سند و ضهر وقوه لتولين عايزك تكوني قدوتها وتبقي شيفاكي من جواها قويه بطله لما تتوجع تجري عليكي عشان تديها ثقه في نفسها وتعلميها اصول التعامل مع الناس
فهماني يا زهره.
زهره...بأبتسامه بحبك يا ادم وصدقني يا ادم لو في حد في حياتي انا وتولين ضهر وسند وحمايه فاهو انت.
ادم....بحب وانا ديما موجود وفي ضهرك وضهر تولين عشان انتوا بناتي وعيلتي الصغيره اللي هفضل مسؤول عنها طول ما انا عايش❣️ بس كمان عايز بناتي يكونوا أقويا ومش بيخافوا وبيعرفوا يواجهوا مش بيهربوا
أتفقنا يازهره.
زهره....بثقه أتفقنا يا ادم ❣️
خدها ادم في حضنه بحب
ومسكت زهره فيه وكأن درع الامان و الحمايه بالنسبه ليها❣️
.................
سيلا....بص مراتك وقلت ادبها اول ما هتفوق تفوق علينا😡
ريم...بضحك يا بت انا كلمتك ولا قادره اتكلم اصلا.
روكا...ليه يا اختي ما انتي زي القرده اهو 😏
عامر...مالكوا مالها بس هي عملتلكم حاجه.
ريم...قولهم والنبي ريا وسكينه دول😒
بدر...بقول ايه انتوا صدعتوني قومي يلا عشان نروح عايز انام مش قادر.
ريم...خليكوا شويه والنبي انتوا وحشتوني اوي🥺
بدر...ما انتوا هتيجوا بكره وبعدين هصحي بدري عشان هروح مع دياب نشوف حوار الڤلل ده.
دياب...فكرتني صحيح امسك الورقه دي فيها عناوين كذا ڤيلا بمساحتها وفي صوره خارجيه كمان لكل ڤيلا.
بدر...انت مش جاي معانا ولا ايه🤨🤨
عامر...ياعم بلاش البصه دي جاي والله بس خايف انساها الصبح خليها معاك في ڤيلا صحيح قريبه منك اوي يعني تقريبا عشر دقايق
بينكم.
بدر....طيب تمام المهم تكون كويسه
عامر...هنشوف بقي احنا مع بعض بكره وهو يقرر.
بدر....خلاص ماشي.
روكا...ما كفايه رغي بقي ويلا نمشي.
بدر....😒😒بقالكم سنه بترغوا وتضربوا في بعض لما صدعتوني جات علي الكلمتين بتوعنا.
روكا...اه عاجبك ولا لا يا سي بدر.
بدر...لا مش عاجبني 🤨
روكا ..بضحك يا ساتر😂😂
سيلا....بضحك خوافه😂😂
روكا ...بت يا سيلا انتي عايشه معاه أزاي ده مبتخافيش منه😂
سيلا....بحب لا يا رخمه مش بخاف ده جميل خالص
عامر...بضحك قام وقف مش يلا با جميل😂😂
بدر....بص لسيلا😏😏 عاجبك قلت القيمه دي ابن اختك انا.
سيلا...بضحك خلاص وحش خااالص😂😂
يوسف...خافي علي نفسك يا سيلا واختاري كلامك ده ايده طارشه😂😂
ريم...علي نفسه يا حبيبي وراها جيش🤨🤨
بدر....😳😳انتي فيكي نفس تتكلمي لم مراتك يا چو.
يوسف...لا بقولك ايه انا مراتي تعبانه وتتكلم زي ما هي عايزه ويلا بقي من غير مطرود صدعتونا والله الشويه دول😂
روكا...بضحك احيه اتطردنا.
عامر....مانا بقولك من بدري نمشي ونحافظ علي كرامتنا😂
بدر...انت ياض بتطردنا🤨 بقولك ايه هات الشيكولاته دي والله خساره فيكم
ريم...لا سيب الشيكولاته والنبي انا بحب النوع ده😂😂
يوسف...الله سيكولاته ايه يا جدع انت قفشت ليه انا بهزر
بدر....مابتجوش غير بالعين الحمرا😒😒 يلا قدامي انتي كمان
سيلا...بضحك الله وانا مالي😂😂🙈🙈
بدر...ده جميل خالص صح😡
ضحكوا كلهم ومشيوا وسابوا ريم ويوسف بعد ما اطمنوا علي ريم.
..........
عند جاسر وتمارا.
كان جاسر ماسك موبايله وقاعد علي السرير.
خرجت تمارا وهي ماسكه القميص بتاعه.
تمارا...جاسر.
حاسر...وهو باصص للموبايل ايوه يا تمارا.
تمارا...هو ايه اللي علي قميصك ده يا حبيبي كنت بطلع اللبس بتاعك عشان الصبح اديهم للشغاله تغسلهم لقيت عليه اللون ده.
بصلها جاسر بأرتباك اه ده امبارح كان معايا عصير بس ووقع عليا
تمارا...طيب مش تخلي بالك ملاقتش غير الابيض ده و تبوظه كده يارب يطلع بقي.
جاسر....مخدتش بالي ياحبيبي بس عادي يعني لو مطلعش ارميه انا اصلا خلاص مش عايزه🙄
تمارا....بس انت كنت بتحبه القميص ده ان شاء الله هيطلع.
جاسر...ماشي يا حبيبي عموما متشغليش نفسك يعني لو مطلعش عادي و كمل في سره وهو بيجز علي سنانه 😡 ماشي يا عامر الكلب والله ما هسيبك😡
.................
في صباح يوم جديد.
لمار....حبيبي مش هتكمل فطارك
دياب...لا انا كده تمام اوي وبعدين مش عايز اتأخر علي بدر عشان نلحق نشوف حاجه كويسه
لمار...ان شاء الله هتلاقي يا حبيبي.
دياب...يارب يا لمار موضوع الڤيلا ده عاملي قلق في دماغي.
لمار..ليه بس كل حاجه بتيجي بوقتها ياحبيبي.
دياب...عارف بس عايز اطمن عليكم قبل ما انزل الشغل
لمار...حبيبي انت نازل الشغل يوم الاحد يعني بعد بكره فا حتي لو لقيت حاجه مناسبه اكيد مش هنلحق ننقل فيها قبل يوم الاحد.
ده حوار عايز وقت ولسه هنجيب فيها العفش وحجات كتير.
دياب...عارف يا حبيبي ان الموضوع محتاج وقت بس الڤيلا هي المشكله الكبيره حاليا لو جات الڤيلا كل حاجه بعدها هتيجي وهتبقي سهله وبصراحه بقي انا ناوي لو لقينا حاجه مناسبه انهارده واتفقنا عليها انزل بكره اشوف اوضه نوم واوضه لزين ونجيب مطبخ وبعد كده باقي الحاجه تشوفيها علي مهلك
لمار...🤨🤨نعم يا سي دياب انت عايز تكروتني ولا ايه لا بقولك ايه انا مش عايزه استعجال وانا اللي هختار كل حاجه بنفسي وبراحه
دياب...اكيد هتكوني معايا يا حبيبي مقصدش انا اقصد نجيب الاساسيات واللي هتحتاجيه وبعد كده الباقي براحتك بقي.
لمار....لا يا حبيبي تيجي الڤيلا وتتكل علي الله كده تشوف شغلك وسيبلي انا باقي المهمه اديني اسبوع ولا عشر ايام وهكون خلصت جزء كبير
دياب...هتعرفي تعملي لوحدك وزين في ايدك🤨
لمار...بأبتسامه اه هعرف انت مستقل بقدراتي ولا ايه ياحضره الظابط🧐
دياب...بضحك لا يا حبيبي انا واثق فيكي جدا جدا جدا.😉
لمار...بحب وانا هكون قد الثقه دي😍😍😍و هسلمك الڤيلا علي المفتاح انت ناسي اني مهندسه ولا أيه🤨🤨🤨
دياب....احلي مهندسه في الدنيا كمان يا قلبي😍😘
لمار...بحب طيب يلا عشان متتأخرش بقي.
دياب...هتعملي ايه الوقت.
لمار...ولا حاجه هقوم اظبط مكان الفطار واروق الدنيا كده هفتح لزين الكارتون واحطله لعبه قدامه واضحك عليه واشوف اللي ورايا.
دياب...ابقي جهزي اللبس بتاعنا عشان هخلص واجي يا دوب اخد شاور عشان نروح لبدر.
لمار...اطمن هتيجي تلاقي كله جاهز يا حبيبي❣️
دياب....خلوا بالكم من بعض ومش عايز شقاوه🤨
لمار...بضحك هلعب شويه صغيره مع زين وخلاص😂😂
دياب....لا مفيش لعب عشان تنسي نفسك واجي تقوليلي ملحقتش اخلص حاجه 🤨
لمار...وهي بتقرب ايدها منه هما شويه صغيرين اد كده👌
دياب...بضحك ماشي ياعيله لو احتاجتي اي حاجه كلميني علي طول.
لمار...حاضر يا حبيبي بقولك ايه زين عايز الڤيلا فيها بيسين وفيها جنينه كبيره عشان يجيب فيها لعب كتير🙄
دياب...بضحك زين بردو🤨 ماشي يا طفله عموما هوريكي كل حاجه ماشي.
لمار...ماشي يا حبيبي.
دياب...يلا باي يا حبيبي
لمار...باي قول لبابي باي يا زينو.
دياب...باي يا قلب بابي❣️
.................
خلص عامر لبس وظبط نفسه وحاول علي قد ما يقدر ما يعملش اي صوت عشان روكا كانت نايمه بعد ما لبس قرب من السرير
رفع شعر روكا براحه
عامر...روكا روكا انتي يا بت🤨
روكا...اممممم
عامر...انا خارج رايح لبدر اوك
روكا...بدر مين😴
عامر...بضحك الله يخربيت عقلك بدر يا روكا عشان رايحين مع دياب يشوف الڤيلا
روكا...الله يخربيت بدر علي دياب علي بيتك يا عامر😴
عامر...بضحك ليه وانا عملت ايه.
روكا...امشي يا عامر امشي وسبني انام😴
عامر...طيب انا غلطان اني بقولك باسها من خدها ورجع وقف
يلا باي.
روكا...😴😴😴😴
خرج عامر بهدوء وقفل النور والباب عليها.
.............
بعد وقت مش طويل إتقابلوا مع بعض وبعد السلام بدأوا يتفرجوا علي الڤلل.
..............
في أسكندريه.
لمار....يعني تعملي حسابك يا ست كوكي اليومين اللي جايين دول هتتعذبي معايا لحد ما افرش الڤيلا وهتختاري معايا كل حاجه.
كارمن....متقلقيش يا قلبي انا معاكي وان شاء الله هنفرشها مع بعض و هنختار احلي حاجه بس أعملي حسابك هتعمليلي اوضه فيها وهفرشها علي ذوقي كمان🥺
لمار...بأبتسامه طبعا يا كوكي والله من غير ما تقولي انا متفقه مع دياب علي كده احلي اوضه في الڤيلا هتكون ليكي عشان لما تيجوا اجازه تقعدوا معانا بس اقول عليكي ايه بوظتي المفجأه
كارمن.....بحزن وحشتيني يا رخمه اوي كنت هتجنن واشوفك
لمار...انتي اكتر والله معلش حقك عليا ماكنتش عارفه اكلمك ڤديو كول من وقت ما جينا وانا حاسه اني واكله علقه جسمي تاعبني و بنام كتير حتي زين بينام كتير معايا و مقضينها نوم في نوم
بس انهارده صاحيه فايقه شويه.
كارمن...انا كمان من يوم ما مشيتي وانا مكتئبه ومقضيه يومي نوم. ما صدقت شوفت رقمك خرجت بره بسرعه عشان أكلمك.
لمار...هو انس اجازه انهارده
كارمن...لا عنده شغل بس بليل مش الوقت فا نايم براحته.وفجأه برقت كارمن 😳 لمار زين ماسك ايه في ايده وبيحطه في بوئه
بصت لمار بسرعه لاقيته ماسك بطاريه بتاعت لعبه.
لمار...يالهوي انت بتعمل ايه بس دي بطاريه اللعبه🙈
كارمن...😡 لا بقولك ايه ركزي مع الواد بدل ما اجي اجيبك من شعرك يا لمار.
لمار...بضحك خلاص بلاش تتحولي كويس انك شوفتيه انا معرفش فكها ازاي دي.
كارمن...ارميها ومتحطيهاش تاني ادام فكها مره هيفكها تاني
لمار....حاضر يا ست كوكي وحشتيني يا رخمه🥺
كارمن...انتي اكتر والله بقولك ايه انتي ناويه تاكلي ايه انهارده انا مش عارفه😟
لمار...بغيظ انا معزومه بره عند اصحاب دياب🤪
كارمن....نعمممم😡 هو ايه اللي معزومه عند اصحاب دياب انتي ناويه تعرفي حد غيري وتحبيه اكتر مني🥺🥺
لمار...بأبتسامه حزن اكتر منك ايه يا هبله انتي هو انا ليا غيرك يا كوكي دي مجرد عزومه و مجامله يعني بما اننا لسه جايين مش اكتر
كارمن...ماشي يا لمار بس والله يالمار لو لقيتك بتصاحبي حد غيري لا هاجي اخدك من ايدك واجيبك تاني اسكندريه ويومك هيبقي اسود🥺🥺
لمار...بضحك والله مجنونه وعارفه انك تعمليها.
كارمن....يلا امشي بقي قفلتيني🥺
لمار...بضحك طيب خلاص مش هروح😂😂🙈🙈🙈
كارمن...لا خلاص روحي وأتبسطي بس متتكلميش مع حد 🥺
لمار...حاضر ياقلبي ليكي عليا لو حد كلمني ههز راسي وبس🤐
كارمن...ايوه كده شاطره🥺
كارمن...بقولك ايه انا هسيب الموبايل علي المطبخ واتكلمي عادي السماعات في ودني و هقوم اخلص اللي ورايا وانتي معايا
كارمن...بسعاده ماشي وانا كمان هقوم اشوف اللي ورايا معاكي😍
لمار...يلا بينا😘❣️
................
بعد لف علي خمس ڤلل
رجعوا تاني بصوا علي ثالث ڤيلا شافوها.
بدر...بقول ايه من الاخر كده الڤيلا دي احلي واحده شوفناها.
عامر...صراحه أنا كمان ده رأيي
دياب...هي بصراحه عجباني اوي و احلي حاجه فيها انها قريبه من الڤيلا عند بدر اوي
بدر...سيبك من القرب كلهم قريبين مني ابعد واحده بينا حوالي 30 دقيقه بس.. انا بتكلم عالشكل والمساحه والمميزات اللي فيها.
دياب...انا بعتهم كلهم للمار وهي قالتلي هتشوفهم وترد عليا معرفش انأخرت ليه.
بدر...استني سيبها براحتها انت عارف الستات في الحجات اللي زي دي اصلا بيشوفها بطريقه تانيه غيرنا.
عامر بقولك ايه اسمع مني هي هتعجبها دي بيسين وجنينه كبيره زي ما طلبت تقسيمتها من جوه مفيهاش غلطه 6 اوض أربعه في الدور اللي فوق يعني اوضه ليكم واوضه لزين واوضه للمربيه لو محتاجين وهيبقي في اوضه زياده فوق لو ناوين تجيبوا بيبي تاني وتحت في اوضتين واحده جمب المطبخ دي للشغاله لو محتاجين بردو وفي اوضه زياده بردو للضيوف لو مش هتستقيلوا ضيوف يبقي مبروك عليكم البيبي التالت😎
بدر...بضحك قصف الجبهة😂😂
دياب...بضحك الراجل صريح وجاب من الاخر وقسم الدنيا وهو واقف وريحني اقولك يارب تختارها😂😂😂
عامر...بقولك ايه متنساش الجنينه جامده فيها مكان للشوي وحفره في الارض للمندي شكل اللي صممها كان راجل أكيل ومزاجه عالي بقولك ايه من الاخر اسمع من مهندس معماري وشغال في المقاولات من سنين الڤيلا دي متتسابش😉 ولو هتسيبها انا هاخدها دخلت دماغي خلاص.
دياب...بضحك تصدق انا الوقت صدقت انها هتختارها هي كمان مهندسه وانا عرفت الدماغ دي😂😂😂
بدر...بضحك دماغ مهندسين أيش فهمك انت.
دياب...بقولكم ايه ماتيجي نصلي الجمعه في المسجد لحد ما ترد علينا.
بدر...يلا بينا في مسجد هنا قريب
عامر...تمام يلا❣️
..................
لمار....اخلصي قوليلي رأيك يا زفته دياب هيخرج من الصلاه يجبني من زوماره رقبتي🙈
كارمن...انا قولت رأيي خلاص ما تخلص يا انس اختار
انس...والله حلوه اوي دي انا رأيي زيكم.
لمار...بسعاده يعني خلاص دي تمام.
انس...اه والله قوليله يتكل علي الله جامده والله.
لمار...ماشي انا كمان بصراحه من اول ماشوفتها وخلاص تخيلت اني قاعده فيها😂🙈
كارمن....بضحك لمار انا هاخد الاوضه اللي تحت مليش دعوه🙈
لمار...بضحك خلاص اتفقنا
انس...والله انتوا جوز مجانين وانتي يا ست كوكي شايفك مبسوطه و بتضحكي انهارده🤨
لمار...طبعاً مش انا بكلمها 😎
انس...ما انا عاملها أراجوز من ساعت ما سافرتوا وهي ابدا 😒
كارمن...بضحك وانت غيران ليه😂😂
لمار...هما بيغيروا مننا اصلا🤪
انس...ماشي ياستي انتي وهي ربنا يهني سعيد بسعيده
كارمن...بضحك رايح فين هصلي مش كفايه سبتيني نايم ومصحتنيش انزل اصلي الجمعه في المسجد😡
كارمن...الحق عليا سبتك.تنام😂
لمار...بقولك ايه اقفلي دياب بيكلمني شكله خلص صلاه هكلمه وارجعلك.
كارمن...اوكي باي😘
لمار...باي...قفلت معاها بسرعه وردت علي دياب. الووو
دياب... بابتسامه اتمني تكون البرنسيس بتاعتي اختارت وخلصت الجو حر وشكلي هجيلك انتي وست كارمن اللي بتختار معاكي.
لمار...بضحك انس كمان كان بيختار علي فكره يعني صاحبك اللي عطلنا.
دياب...كمان انس ماشي يا ستي ها في حاجه عجبتك ولا عايزه تشوفي حاجه تانيه.
لمار...لا يا قلبي خلاص أخترت طبعا هقفل معاك وابعتلك اللي اختارتها.
دياب...طيب بسرعه الناس معايا عيب.🤨🤨
لمار..حالا😘😘😘😘
قفلت لمار وقرب منهم دياب ثواني وسمع صوت عالموبايل.
فتح الرساله وضحك وبص لعامر
دياب....اعذرنا بقي يا بشمهندس مش هتقدر تاخد الڤيلا😂
عامر...اختارتها صح عيب انا قولت من بدري لازم بس الكلام الكتير.
بدر....انت صح يا بشمهندس معلش متعصبش نفسك.😂
دياب...طب ايه تعالوا ندخل للسمسار ونشوف لو هينفع نخلص معاه انهارده.
بدر...يلا بينا.❣️
..........
في ڤيلا دياب.
نزلت سيلا من اوضتها كانت نوني في المطبخ.
سيلا...صباح الخير يا نوني.
نوني...صباح الخير ياسو البنات
سيلا....مصحتنيش ليه سيباني كل ده نايمه.
نوني....انا قولت اسيبك ترتاحي يا حبيبتي
سيلا....علي الاقل اساعدك في اللي بتعمليه ده.
نوني...انا مش بعمل حاجه كنت بجهز بس شويه عصاير وكنت بظبط الاطباق بتاعت السفره يعني بسلي نفسي انتي عارفه ان بدر صمم اني معملش اي حاجه وارتاح.
سيلا.....عنده حق بصراحه انتي يا نوني مش بتقعدي ابدا طول النهار واقفه علي رجلك
نوني....انا خدت علي كده يا سيلا القاعده بتتعبني واليوم بيكون طويل من قبل ما تتجوزي انتي وبدر كان طول اليوم بيبقي في شغله وانا قاعده زي ما انتي شايفه كده كنت اقوم افضل اتسلي في الاكل اقوم اظبط النيش وارجع ارص فيه تاني اخرج اراعي الزرع في الجنينه اهو اي حاجه تسلي الواحد وطبعا بعد ما اتجوزتوا اه طبعا الوضع بقي مختلف بس بردو انتي عندك شغلك فا بلاهي نفسي في شغل البيت.
سيلا...طيب قوليلي يانوني انتي ليه عمرك ما جبتي شغاله تساعدك او حتي تسليكي يبقي معاكي حد في البيت.
نوني...شغاله ايه وكلام فاضي ايه دول بيبهدلوا اكتر ما بينضفوا
سيلا...بضحك ازاي بس يا نوني
نوني...والله زي ما بقولك كده تلاقي الواحده عشان تنضف تفضل تشيل الحاجه وتخفيها في الادراج عشان تبان انها نضفت وروقت وتيجي انتي بقي تفضلي تدوخي لحد ما تلاقي اللي بتدوري عليه وبعدين ماهي لو جات عملت بدالي هلاقي نفسي فاضيه خالص ومش بعمل أي حاجه وهحس بالزهق انا بصراحه بحب اعمل كل حاجه بنفسي ومعرفش كمان اكل من ايد حد
سيلا....بصراحه يانوني انا كمان زيك روكا وسما كانوا يفضلوا يقولولي هاتي شغاله وكنت برفض
وبصراحه كمان انا اتعودت علي الاكل بتاعك مستحيل اعرف اكل من ايد شغاله.
نوني...شغاله ايه وبتاع ايه المهم
بدر كلمني من شويه و قاللى ان الاكل هيوصل علي الساعه سته
وقاللى كمان انه هيجيب الحلو وهو جاي تعالي يلا هعمل الفطار
قبل ما تروحي الكوافير.
سيلا...استني انا هعمله انتي فطرتي.
نوني...بابتسامه من زمان انا صاحبه الساعه عشره فطرت وشربت القهوه كمان
سيلا....طيب تشربي حاجه معايا
نوني...طيب تعالي اعمليلي معاكي قهوه و هسليكي وانتي بتفطري
سيلا...بأبتسامه اشطا😍
نوني...والنبي مش بدر كان خلاني اعمل انا الاكل بدل الزهق ده
سيلا...يانوني تاني يانوني بتكرهى الراحه انتي🤨 وبعدين ماشاء الله ده جاي عدد يعني صعب تعملي كل ده لوحدك ده عايز تحضير اسبوع🙈
نوني....اسبوع ايه و نيله ايه والنبي انتوا جيل ما يعلم بيه إلا ربنا 😒 فين ايام ما كنت بقوم بعزومه كامله لصحاب احمد الله يرحمه كانت بتبقي بال30 والاربعين فرد كانت حماتي تقف تشرف عليا وانا اقولها خليكي مرتاحه وابقي مبسوطه وانا بعمل كنت احضر شويه حجات من بليل واصحي من النجمه أبدأ أجهز ولا عزومات رمضان.
سيلا...بضحك انتي هيرو يا نوني😂😂😂
نوني...بضحك وانتوا جيل خرع 😂😂😂😂😂
...................
عند عامر رنت عليه روكا
عامر....حبيبي اخيرا صحيتي
روكا...انت فين ياسي عامر 🤨
عامر...يابت انتي هبله ماانتي عارفه اني رايح مع بدر عشان صاحبه.
روكا....ايوه عارفه بس كل ده وبعدين ماقولتليش ليه الصبح وانت خارج.
عامر ...🤨🤨انا بدأت أشك في نوع السجاير اللي بتشربيها هو انا مش صحيتك الصبح وقولتلك
روكا....محصلش🙄
عامر...بضحك والله قولتلك وشتمتي فيا انا وبدر وصاحب بدر وقولتيلي اخرج من الاوضه😂
روكا...بضحك والله مافاكره طيب قولي انت جاي امته.
عامر...خلاص يعني ساعه زمن او ساعه ونص بالكتير هما بيمضوا العقد وانا خرجت اجيبله حد يغيرله كوالين الڤيلا وكده يعني
روكا...طب وبتغيروا الكوالين ليه يعني.
عامر...ياستي تأمين ظباط ملناش دعوه بيه احنا المهم فطرتي
روكا...لا بشرب قهوه انا مش بفطر غير معاك وبس انما انا مليش في الفطار😎
عامر...طيب كلي حاجه عشان خاطري.
روكا...والله ماقادره انا بجهز اهو عشان راحه الكوافير اظبط شعري وضوافري مش هتأخر
عامر....تمام ياقلبي هكلمك لما اخلص اشوفك فين بش حاولي متتأخريش
روكا...لا مش هتأخر متقلقش انا حاجزه اصلا من امبارح يعني هخلص علي طول وهرجع عشان نلبس ونروح
عامر...ماشي ياقلبي خلي بالك من نفسك ومش عايز مياعه وقلت ادب🤨
روكا...بابتسامه حاضر يا حبيبي هبقي مؤدبه❣️
عامر...بحبك❣️
روكا...وانا بموت فيك😘 باي
عامر...باي ياحبيبي.
............................
نوح....ماتقومي يا نور تجهزي اللبس
نور....جهزته يا حبيبي من شويه بس سيباه في الدولاب.
نوح...طيب تمام.
نور...بقولك ايه هو احنا مش هناخد تاليا.
نوح...لا دي سهره كده رايقه سبيها مع الناني بتاعتها محدش اصلا هياخد حد من الولاد.
نور....طيب يا حبيبي هقوم انا بس اجهزلها اكلها بايدي عشان لو جاعت يبقي كله جاهز
نوح...انا عايز اعرف انتي شاغله دماغك ليه ماهي مامت معاهم
نور...ماشي يا حبيبي بس كمان عشق هتسيب زين واكيد ادم هيجيب تولين ومش عارفه تمارا هتجيب تيا مع الولاد ولا هيسيبوها مع طنط مني عشان ميبقاش حمل عليها حرام.
نوح...ماشي يا حبيبتي اللي تشوفيه المهم بس نعرف نهرب منها🙈
نور...متفكرنيش انا حامله هم الهروب😂😂 يارب تكون نايمه في الوقت ده.
نوح....يارب❣️
......................
عدي الوقت بسرعه رجع بدر بعد ما خلصوا كل حاجه.
وبدأ الجميع يجهز عشان اللقاء الاول اللي هيجمعهم..🏃🏃🏃
