رواية خواطر رجل الفصل الثالث عشر بقلم جمانه السعيدي
ياسر...يمكن اذا اكللكم هذا اليوم اسعد يوم بحياتي
حبيبتي يمي وماكو ناس تغثنا ولا اكو مسولية عمل
مو بس مرام اكتشفت وجهي الثاني الوجه الي كله حب وحنيه
اني هم اكتشفت اشياء حلوه بيه كنت مااعرفه قبل
برائته وعفويته وصدقه
ياسر...يله تعاي اطلعي طلعته وملابسه طابعه على جسمه
لان مبلله وشعرها مبلل ونازل على عيونه
رجعته ليوره وعصرت شعرها من المي
مرام...اذا اتمرض انت السبب
ياسر...يله امشي بدلي هو انتي صاحيه شلونج اله مريضه
شيخلصني
جمانه السعيدي
دخلنا للبيت هي اخذت دشداشه قصيره وراحت للحمام
واني بدلت بلغرفه
لبست فانيله تعلاكه وشورت
رجعت مبدله طلعت المشط وكامت تمشط
ياسر...تعاي اني امشطلج
مرام...يله بس مو تقطع شعري
ياسر كعدت كدامي واني حيل قربت عليه صارت بحضني
وكعدت امشط شعرها
مرام...تعرف ولا عبالك عشنا عشرين يوم سوا عبالك توني اتعرف عليك
ياسر...انتي جنتي حيل مشجنه بداية العرس حتلو اباوع عليج تنهزمين عبالك راح اذبحج
مرام...جنت خايفه منك احجيلك الصدك
ياسر...كولي اليوم يوم الاعترافات
مرام...اني الحد يوم زواجنا واني مامقتنعه بيك بس ملحة
احمد خلتني اوافق كلت ايجوز بعد الزواج اتعود عليه واحبه
ياسر...بس انتي جنتي شارده مني على طول بس اكعد بمكان تكومين بس ادخل للبيت تنهزمين للغرفه
خوب الكلام اسحبه منج بلكوه
بس اباوع عليج تدخلين وتنامين ترا زين وصبرت عليج هلكد صدكي لو حده ثانيه غيرج جان مابقيته دقيقه
بلبيت بس اني جنت حاس بيج وحاس بلتجربه الصعبه
الي مريتي بيه وكلت راح تتعود عليه شويه شويه
مرام...زين ليش ضربتني
ياسر...بهذا اليوم اجاني واحد يريد يرفع قضيه طلاك على زوجته بعد اسبوع واحد من زواجهم
جانت مثلج مانعه نفسه عنه واكتشف عدها علاقه سابقه ويه ابن الجيران ومعتدي عليه وعايفه
مرام...ضربت صدري ياااعزااا ولله خطيه
ياسر...بس سمعت قصته اذكرت انتي جنتي مخطوبه وعاقده قبلي وكلت ايجوز ابن عمه معتدي عليه وتخاف أقرب عليه
مرام... اني مو هيج ابد بس انت معذور حقك تجيك افكار هيج
ياسر...هسه سامحتيني
مرام...اكيد
ياسر...وبعد ماتعوفيني عفت المشط وحضنته من ورا صارت يم كلبي
مرام....موهيج راح تكسر عضامي
ياسر. انطيج عضامي بمكانهن
مرام...تسلم
جمانه السعيدي
نمنا بعد كل هذا الكلام والغزل والحب وحبيبتي صارت زوجتي وقررنا نفتح صفحه جديده
ثاني يوم الساعه عشره الصبح يله كعدنا
على صوت الهورن مال سيارة احمد
طلعنا برا احمد بس شافنا افتهم كلشي تمام
احمد. .هله بلعرسان
مرام...اليوم اخنكك شلون تعوفني وتروح
احمد...قابل اني وين عايفج عفتج يم اكثر واحد يحبج بهاي الدنيا
ياسر....هله بااخوي هله بلضلع الماينشلع
احمد....هله عضيدي جبتلكم مسواك وسمجه شكبرها
ياسر.. تعال خل نشويه ونتغدا هنا ونرجع وياك
احمد...بعد وكت ليش مستعجلين
ياسر...الشغل كله عليك ومحد يساعدك واختك تبجي من البك
احمد...من ترجع اريدك تروح وياي الاهلي لان اني حصلت رزاله من وراك وورا مرام
ياسر...حقهم يخافون عليه اني اروح واخذ مشيه هم
احمد...ابد مخاب ضني بيك انت احسن صديق واخ وترفع الراس
جمانه السعيدي
شوينا السمجه وتغدينا وشربنا جاي وجمعنا غراضنا ورجعنا احمد ومرام راحو البيتهم
واني طلعت الاهلي وحجيتلهم كلشي صار
سبحت وبدلت وخابرت عمامي وخوالي وأصدقائي اجمعنا
وقررنا نروح البيت مرام
اما مرام بس رجعت امه وابوها لزموها رزايل وحجي
احمد...لحد يحجي عليه هي ماتعرف بهاي السفره
اني وياسر خططنا اله
لان اني اكثر واحد يعرف ياسر ويعرف اخلاقه ابد ماجنت مقتنع بفكرة الطلاك واني الي اقترحت هاي الفكره
حتى يرجعون البعض
مااريد اختي تخسر رجال مثل ياسر
اذا تردون تحجون احجو عليه اني لان مرام ماله ذنب
وحضرو نفسكم ياسر راح يجيب مشيه ويجي
جمانه السعيدي
مرام...صعدت الغرفتي سبحت وبدلة وجمعت ملابسي وغراضي وتحضرت امي بس شافتني
امي.. شوف شوف العياره بعد ماجاي حضرت ملابسه
ليش مستعجله اثكلي شويه
مرام...المره ماله غير بيت زوجها
اجت المشيه وعتذر ياسر من ابو مرام وباس راسه
والناس كله طاحت علي ووافق يرجعون البعض
كل الزلم راحو بس ياسر بقه
ياسر.. اريد اعتذر من عمتي واصالحه
دخلت وبست ايدها وكتله حقج عليه وهاي الغلطه بعد ماتتكرر
ام مرام...اذا اجتني مرام بيوم زعلانه هلمره اكتلك وادخل السجن انت ماتعرف شكد غاليه عليه
ياسر.. اشرت على عيون وكتله اخليه بعيوني وعمري مراح ازعله
نزلت ايدي مااحس غير مرام مبدله وامتمكيجه وواكفه بصفي ولا زمه ايدي
باوعت عليه وابتسمت
اشرتلي دنك اريد احجي وياك
دنكة عليه
مرام...اني اروح وياك
ياسر...بس البيت رجع الاهله لان عقد الإيجار خلص
مرام...وين ماتروح اروح وياك حتلو بلسطح بيت اهلك
ياسر.. رفعت ايدها الي لازمه ايدي وبسته
...من رخصتكم اريد اخذ زوجتي وياي
ابو مرام....وين تاخذه غير تحضر سكن
مرام.. اي بابا نكعد بيت اهله علما نأجر بيت
ابو مرام...بكيفج
ياسر ...اخذته تعشينا بلمطعم وشتريتله ملابس نوم يخبلن
ورحنا أجرنا ٣ ايام بلفندق
هلمره عرسان من صدك
مااسولفلكم على يوم ولادته كلبت الدنيا بلعياط هي من ليلة العرس خايفه الولاده شلون
من كد ما عيطت توترت وكمت مااعرف شسوي
لازمه ايدي اله ياسر يدخل وياي الغرفة الولاده
كوه قنعته وبقيت برا
صارت عندي بنيه تخبل تشبه امه ودلوعه اكثر من امه
وبيتنا كمل ونتقلنا من بيت الايجار البيتنا
هسه اكله اريد بعد طفل
ماتقبل تكول اخاف اموت بلولاده
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
