رواية بنات نعمة الجزء الثاني (الدرويش) الفصل الثالث عشر والرابع عشر
صدام ، ودمار وتخطيطات متخرش المية .. الكبير غامض
جدا، والدرويش بدأ يظهر معدنه الحقيقي أما ناصر فبدأت
المصايب تنده وتقوله تعالى تعالى بصوت الست ام كلثوم
فؤاد لابد إنه يتمسك بالإتفاق والعهد .. ويوم الخميس في
الرواية غير أي خميس نعرفه لأن كل الخيوط بتتجمع عليه .
طب عشان محرقش الحلقة تعالو نشوف حصل ايه
______
في بيت نعمة
هدى .. ها ياناصر وادينا بقينا لوحدينا موضوع ايه ال عايزني فيه ؟!
ناصر .. بصراحة مش عارف ابدأ منين
هدي .. هي فذورة ولا إيه ؟!قول ياناصر !
ناصر .. بصراحة أنا عايز أتجوز ريهام على سنة الله ورسوله
هدي .. نعم ياخويا !! امال انت دلوقيت متجوزها على سنة مين !!؟
ناصر .. احنا أساسا لسه متجوزناش
هدى .. ياوقعتك سودة انت والمحروقة ريهام ! امال عايشين
مع بعض كيف !!!!
ناصر .. اقعدي ياهدى واسمعيني كويس انا وهدي عايشين
مع بعض من يوم ما هربنا من البلد لحد دلوقيت بس اتطمني
ورب الكعبة ملمسناش بعض
فجأة كده وقفت ريهام قدامهم وقالت
ريهام .. ايوا ياهدى والله ناصر ما لمسني
ناصر .. ريهام !!! انت كنتي سمعانا!
ريهام .. ايوة سمعاكم ومتخافيش ياهدى أختك مش رخيصة
قوي إكده
هدى .. وليه كدبتي عليا وقولتيلي إنه جوزك!
ريهام .. عشان دي الحاجة الوحيدة ال كانت هتخليكي
متقتليهوش
ناصر .. ياهدي انتي كل ال زعلك إن جوازنا مكانش حقيقي
وادينا ياستي بنقولك هنتجوز بما يرضي الله
ريهام .. ها ياهدى قولتي ايه
هدي .. قولت لا اله الا الله
ناصر .. خلاص كده يبقا تمام رتبي انتي بقا وإحنا هنمشي وراكي
هدي .. كتب الكتاب والفرح يوم الخميس إن شاء الله
ريهام .. هو انتي ناوية تعملي فرح !!
هدى .. امال عايزة تدخلي سوكيتي ولا ايه ! زي ما انا
وأختك اتعملنا فرح انتي كمان هيتعملك فرح وأجدع من
بتاعنا كمان
ريهام .. ربنا يخليكي ليا يارب ومحيرمنيش منك
هدى .. وأنت ياناصر بيه تتلقح في أوضة ابراهيم لحد ما
الجوازة تتم
ناصر .. هههههه بقا كده ماشي ياست هدي
هدى أسيبكم انا وانزل المحل وأنت ياناصر تيجي ورايا
عشان تستلم شغلك من هنا ورايح هتشتغل معانا
ناصر .. بجد تسلميلي 😍
هدى .. انا ماشية متتأخرش
____
ريهام .. انت مجنون 😁
ناصر .. لو ال عملته في حبك
اسمه جنون فأنا بعشق الجنون
ريهام .. ☺️انا مش مصدقة
ناصر .. تعبنا ياريهام والله تعبنا
ان الأوان بقا نرتاح
ريهام .. ربنا يقدم ال فيه الخير
ناصر .. بحبك ياريهام ❤️
ريهام .. وانا كمان ، اخلص بقا وروح ورا هدي قبل ما ترجع في كلامها😅
ناصر .. وانتي كمان ايه؟😍
ريهام .. إخلص ياناصر ☺️
ناصر .. قوليها والنبي رفقا بقلبي ياحاج😅
ريهام .. وانا كمان بحبك☺️
ناصر .. يالهواااااااااااي💙💙💙💙💙 اخيييييييييرا🥰
ناصر .. والنبي مرة كمان 😍
ريهام .. إخلص ياض بدل مقلبلك عالوش التاني
ناصر .. لااااا خليكي زي ما أنتي كده والنبي ، اديني هروح
ورا هدى ، هتوحشيني ياحبيبتي
ريهام .. ما تمشي يااااااد 😡
ناصر .. وربنا حتي وأنتي متعصبة بحبك💙
____________
في بيت مرسي
صفية .. سمعت ال حصل يامرسي ؟
مرسي .. تقصدي موضوع فرح بنت نعمة
صفية .. هو فيه غيره ، عيشنا وشوفنا الفرح بيتعمل بعد
الجواز ، قال ايه عايز تعلن الجوازة وتعمل لأختها فرح كبير
مرسي .. كفاكم لحد إكده خليكم بعيد دلوقيت عن الحية ال
اسمها هدي ، المرة ال فاتت ولعت في الوكالة والمحلات
المرادي هتيجي تولع فيكي انتي وولدك وانا اولكم
الدرويش .. فيه ايه يابوي يعني نوطي روسنا ونمشي زي
النسوان في البلد!بقا هو ده مرسي المغازي ال رجالة بشنبات
كانت بتوطي تبوس على ايده لاجل ما تنول رضاه
مرسي .. كااان ، اديك قلتها ،، كاااان ، مرسي المغازي خلاص
انتها ، ومفيش حد من صلبه يشبهه
الدرويش .. لساك متعرفش مين هو الدرويش يابوي بس
أوعدك هتشوف ال هعمله وهتتكيف
________________
عند الكبير
الكبير .. شوفتي ال حصل ياست نعمة ؟ بيقولو هدى هتعمل
فرح كبير لأختها هدى عشان تعلن فيه جوازها من ناصر
نعمة .. بجد 😍 جدعة يابت ياهدي كان نفسي أعمل كده
والله بس ربنا كتبهالي لأجل ما قلبي يرتاح من ناحية ريهام
الكبير .. بقالي شوية بجيبلك أخبار حلوة كتير أهوه عشان
متقوليش إني قصرت معاكي😅
نعمة .. طب قولي هترجعني ميتا لبيتي وبناتي ؟!
الكبير .. كل شيئ بأوانه ياست نعمة همي أنتي بس وأقفي
علي رجلك وال فيه الخير يقدمه ربنا
نعمة .. طب طمني وقولي. انت مين اديك شايف إني.
مملكش أضرك في حاجة
الكبير .. الصبر ياست نعمة خليكي صبورة قريب قوي هريح
قلبك
____________
والكبير ساب نعمة وراح عند فؤاد
فؤاد .. هه جاي تقتل ولا جاي تتسلا
الكبير .. هه ولا دي ولا دي
فؤاد .. امال عايز ايه ؟
الكبير .. جاي أخرجك
فؤاد .. ها !! تقصد ايه !!!؟ انت ناوي تخرجني بجد ولا تقصد
هتخرجني عالأخرة !
الكبير .. لا هتخرج بس هعمل معاك إتفاق
فؤاد .. ومالو نتفق
الكبير .. طب أسمعني زين وعايزك تطرطق ودانك معايا ومن
هنا ليوم الخميس تكون فهمت أنا عايز منك أيه وتطبقه
بالحرف الواحد
فؤاد .. اشمعنا يوم الخميس !!! وليه مش النهاردة !!
الكبير .. انت تسمع وبس ، قوم روح معاهم غير خلاقتك
وكلك لقمة وتعالى أفهمك على كل حاجة
فؤاد .. لااا أكل إيه وخلاقت ايه ، انا عايزك تحكيلي على كل
حاجة وتعرفني إيه ال بيدور في دماغك
الكبير .. تمام ، اسمعني زين ......
________________________
في محل نعمة
هدى .. اهلا ياناصر مبروك الشغل الجديد
ناصر .. الله يبارك فيكي ياست هدي
هدي .. بص ياسيدي انت هتمسك الحسابات و.....
ناصر .. هههههههه
هدي .. بتضحك علي ايه !!!!!
ناصر .. اصل وانا في القاهرة روحت اشتغلت في ورشة
وكانت مسكاها واحدة ست اسمها سمية ونفس الكلام
هتقوليه هي قالته ههههه
هدي .. تمام يعني عندك فكرة عن شغل الحسابات
ناصر .. ايوه متقلقيش
هدي .. طب شوفلك خط جديد حطه في تليفونك عشان
تقفله بعد الشغل لأنك لو خليت رقمك الخاص للشغل مش
مش هتعرف تنام عشان التجار عندينا مبيبطلوش رغي
رياض .. لا عادي معايا خط كنت راكنه هشغله
هدي .. تمام ،هروح انا مشوار شغل وانت بقا ورينا بقا همتك
رياض .. تمام ماشي
فعلا هدي مشيت وناصر طلع الخط القديم من محفظته
وشغله في تليفونه ، في نفس اللحظة سمية وصلتها رسالة
إن خط ناصر اشتغل تعالو نشوف حصل إيه
____________________
في القاهرة عند سمية
سمية وصلتها رسالة ( الرقم الذي حاولت طلبه متاح الان )
مسكت تليفونها مصدقتش عنيها وبسرعة راحت رنت على ناصر
ناصر شاف سمية بترن فكر لحظة كده وبعدها طنش الفون
راحت سمية رنت تاني وتالت ورابع لحد ما ناصر فتح
ناصر .. الو
سمية لسانها عاجز عن الكلام ودموعها بتهطل زي المطر
ناصر .. الو ! الو !!!؟
سمية .. ايوة😥
ناصر .. عايزة ايه ياسمية ؟!!
سمية .. 😥😥😥
ناصر .. مالك !!؟
سمية .. انا حامل 😥
ناصر .. نعم!!!
سمية .. بقولك انا حامل 😥
ناصر .. مبروك ، هو انتي رجعتي لجوزك تاني
سمية .. انا حامل منك ياناصر 😥
ناصر .. ها!!!!حامل مني ازاي!!! انتي بتقولي ايه !!!!؟!؟
سمية .. بقول ال انت سمعته!
ناصر .. إيمتا ده !! وازاي !! لالالا مش انا !
سمية .. انت بتتخلى عني ياناصر ! دا ابويا يروح فيها!
ناصر .. معرفش ! اقولك نزليه
سمية .. أنزل ايه ياناصر !! الدكتور قالي فات الأوان وبعدين
انا قربت أولد
ناصر .. معرفش اتصرفي ( وقفل المكالمة )
في نفس اللحظة كان فيه واحد من ال شغالين في المحل
بيتصنت على رياض وعلى الفور مسك تليفونه وحكا كل
حاجة ( للدرويش)
ايوه 👈للدرويش 👌
___________________ روايات أحمد حسن
ونروح عند رياض وفرحات
فرحات .. ببببيقولو ههدى هتعمل فرح لاختها رررريهام وناصر
رياض .. مين يقدر لهدى إن ال بتعملو ده لعب عيال بس مش
مشكلة اهو منها أعرف أشوف تغريد
فرحات .. يييالهوي انت ناوي تروح لهدى ببببرجليك
رياض .. لا مفيش فرصة أحسن من دي أشوف بيها تغريد
فرحات .. طبعا فففرحات حبيبك هيستناك هنا
رياض .. دا كلام برضو يافرحات دا محدش هيدخلني الفرح غيرك
فرحات .. يييالليلة سودة ياولاد 😳 يامعرفة مممطينة
بطين ، بقا ففففرحات هو ال هيدخلك الفففرح !!
رياض .. مالك يافرحات انت راجل ياض والرجالة مبتعملش كده
فرحات .. ممممين ال ضحك عععليك وقالك فرحات راجل
رياض .. امال انت ايه عاد 😡
فرحات .. ممممعزة انا معزة يارياض
رياض .. قفل على الموضوع ده لما ييجي يوم الخميس يحلها حلال
فرحات .. الا قولي ياخويا مممممراتك رأيها ايه في ممموضوعك
رياض .. تغريد عمرها ما تصدق فيا إن أكون خاين بس
هتعمل إيه مغلوبة على امرها
فرحات .. تسسستاهل مقولتش ليهم ليه سسسسبب وجودك
في المزرعة المممهجورة
رياض .. أنت اتجننت أقولهم ايه ! لا مينفعش واصل
فرحات .. طب ععععععلى الأقل قققول لفرحات حبيبك
رياض .. طب صب الشاي صب
______________
ونسيب رياض وفرحات ونروح على يوم الخميس
التحضيرات للفرح بدأت الفراشة والزينة والأنوار امتدت من
اقصى البلد لأقصاها تحضيرات مهولة
وناصر راح على بيت جدته توحيد وعمته نظيمة عشان
يخرجوا معاه من هناك ويحضرو معاه الفرح
في الناحية الأخرى رياض لبس لبس واحدة ست وبيستعد
عشان يتحرك مع فرحات على أساس إنه مراته رغم ان
فرحات أقصر منه بس مش مشكلة لاجل ما يشوف تغريد
كمان الكبير قاعد بيتفرج على فؤاد وهو بيلبس الساعة
والخواتم ويظبط نفسه وسلاحه في جيبه لأنهم كمان
هيحضرو الفرح
وأخيرا بقا الدرويش قاعد مع مصور الفرح وتقريبا بيظبط
معاه على كارثة كبيرة
