رواية إبن عمي دمر حياتي الفصل الثالث عشر بقلم جمانه السعيدي
زينب قريت الرساله واستغفرت ربي
إلى متى راح يبقى احمد وراي ولله تعبت منه
لأبي خير وشايف حياته
ولا عايفني بحالي ابد
على العموم اني علاء مامتقدملي ولا فتح موضوع الزواج وياي
واذا صار وفتح موضوع الزواج ساعته راح احجيله كلشي
صار وياي
وهو يقرر يريد يقبلني مثل مااني
يريد يرفض بكيفه
وساعته راح اسد كل الأبواب بوجه احمد
وبعد مايكدر يذلني بهاي الشغله ابد
خليت التليفون على الميز وتغطيت واني ادعي على احمد
الله يبتلي بلوه ويشغله عني
جمانه السعيدي
سمعت اجتني رساله على الوتساب
اجاهلته لان ضجت من احمد
بقيت اتكلب وماجاني النوم ابد
كعدت وفتحت التليفون لكيت رساله من رقم علاء
علاء نمتي لو بعد
زينب بعد شلون صرت
علاء احسن كعدتج من النوم
زينب كاعده
علاء امي بس تحجي بيج
زينب شتكول
علاء تكول حلوه وحبابه
زينب شكرا جزيلا عيونه الحلوه
علاء ليش كاعده
زينب بعد مايجيني نوم وانت
علاء اني النهار كله نايم وهسه ماانعس
زينب عندك طقوس خاصه للنوم لو عادي تخلي راسك وتنام
علاء لا بس اخلي راسي اروح بسابع نومه
زينب اني كلش نحسه بلنومه اله هدوء وضلمه وماكو شي افكر بي لو مضوجني يله انام
علاء ماعاش الي يضوجج انتي هم اضوجين
زينب عادي حالي حال كل الناس
علاء احسج حيل مسالمه وترحين بطريقج وترجعين بطريقج
زينب بهذا الزمان حتى الانسان المسالم الناس ماتعوفه بحاله
جمانه السعيدي
علاء اي ولله صح ممكن اسئلج سوال
زينب اكيد تفضل
علاء انتي مرتبطه
زينب تحسرت بكلبي وسكتت
علاء جاوبي
زينب لا
علاء شعجب وحده حلوه مثلج ومثقفه وشاطره ليهسه
كلشي ماكو
زينب قسمه اني أأمن بلقسمه والنصيب والشخص الي راح يكون من نصيبي مستحيل ياخذه غيري
علاء برائيج الزواج قسمه لو اختيار
زينب اثنيينهن لانسان الي تختاره رب العالمين يخلي بطريقك حتى تختاره ويكون من قسمتك
انت ليش الهسه مامزوج
علاء اني هسه عمري ٣٢ سنه من اول ماتخرجت قررت ماازوج اله اكون مستقبلي واكون مسول عن الانسانه الي اختارها وماانقص عليه اي شي
والعمل كان شاغل كل وقتي لمن مر الوقت وماحسيت بي ابد
زينب هنياله
علاء شنو
زينب اقصد كلام منطقي
علاء ترا سمعتج
زينب مرره هلمره الخاطري
علاء من الاخير اني حيل معجب بيج واريد اتقدملج
اني ماأحب اسلوب اللف والدوران
شنو رائيج توافقين
طبعا اني من اول مره وصلتج للبيت حسيت انتي راح تكونيين شريكة حياتي
وسئلة عليج بلمنطقه كله تحمد بيكم وباخلاقكم
زينب طبعا انسانه محضوضه الي ترتبط ببك
مثقف وشاطر وناجح بحياتك
بس
علاء بس شنو كملي
زينب احتاج وقت وارجعلك الجواب
علاء مو تكولين مامرتبطه
زينب اي مامرتبطه بس عندي شوية مشاكل بحياتي
بس احلهن اكيد ارجعلك الجواب
جمانه السعيدي
علاء زين انتضرج
زينب اوكي تصبح على خير
علاء وانتي من اهل ااخير
زينب اوكف دقيقه يمته ترجع للدوام
علاء يومين وتلكيني واكف كبالج
زينب ترجع النا بلسلامه
سديت التليفون وكلت هذا الكلام الحلو الي واحد بنام وهو مطمن مو احمد كلامه مثل السم ونزل عليه
ثاني يوم داومت وعقلي يجيب ويرجع بلافكار
خاف اصارح علاء بلحقيقه ويعوفني
واذا سويت عملية ترقيع وغشيته ااكيد احمد راح يوصله ويكله الحقيقه
الله لايوفقك احمد بكد ما اذيتني
قررت افتح كلبي الامي واحجيله كلشي صار وياي
طبعا اكبر غلطه بحياتي سويته ضميت على امي
لو حاجيتله من البدايه
جان وكفت وياي واساعدتني
بس هو قشمرني وخلاني ساكته لاتحجين لاتكولين اني راح اخطبج اني راح ازووجج منا لمن فات الوقت
واني الغبيه صدكته
بليل بعد العشى نضفت المطبخ وكلت الامي عندي موضوع كلش مهم اريد احجي اللج
اجت وياي الغرفتي
زينب اريد احجي وياج موضوع كلش مهم ويحدد مصيري
وانتي انسب وحده تساعدني
بس مااريدج تصيرين عصبيه
اهم شي الهدوء
امي خوفتيني شصاير
جمانه السعيدي
زينب اني من زغيره واحمد ابن عمو كريم دائما يكلي احبج وانتي زوجتي منا لمن صدكت بي وكمت احبه بجنون هذا الكلام من عمر ١٣ سنه العمر ١٥ سنه
وكل جياته للبيت علمود يشوفني
مرات تصير بعض التجاوزات بينا بس شغلات بسيطه يحضني لو يبوسني كان يستغل حبي وبرائتي
امي بسلا صار شي ببنكم
زينب اصبري ياست الحبايب
تذكرين من زعل وبقه عدنا اسبوع وانتي وبابا ترحون للدوام
...اي احجي خرعتيني
....بيوم رجع ماكو احد بلبيت بس اني وهو كدر يقشمرني ويضحك عليه ويستغل برائتي
امي راسا عاطت ولطمت على خدها
زينب فدوووه ماما اسمعيني
...يااا اسمعج ولج سوده بوجهج
زينب بعد ما اعتدا عليه كال لاتحجين اني راح اخطبج من عمي وكدر يسكتني بوكته
...يااا عز العزاني ولج ليش سكتي كل هذا الوكت ليش ماحجيتي
زينب ماما جنت زغيره وخايفه منكم
هسه مو هاي المشكله اني عندي مشكله غيره ومحتاجه مساعدتج
...يااا مشكله غير هاي شني وولج راسي كام بوجعني
زينب هسه اني مدير الشركه الي اشتغل بيه يريد يتقدملي حتى عرفني على امه
واحمد مهددني لو اقبل بي على عيبه
لو اي واحد يتقدملي يفضحني كدامه
جمانه السعيدي
...الله يطيح حضه فوك ماهو طايح هذا شنو من بشر
فوك المصيبه الي سووها النوب يهدد
ولله مااسكتله
زينب اهدي ماما اي كلام راح نحجي راح ياثر على سمعتي اني هسه محتاره
احجي كلشي العلاء لو اسكت واسوي عملية ترقيع
بس احمد اكيد مراح يسكت شنو رائيج
...اني من رائي تحجين كلشي العلاء اذا صدكج يعني يحبج صدك ومتمسك بيج
واذا عافج يعني مايحبج
مو يكولون الانسان اذا يحب يتغاضه عن كل العيوب الي
بحبيبه
