رواية المتعجرفة وانا الفصل الثالث عشر
وصل حمزه وتلا الفيلا
واول ما دخلو
تلا: يااااه بقالي كتير مجيتش هنا
فاكر اخر مره كنا هنا مع بعض
حمزه : فاكر
كان يوم كتب الكتاب تقريبا
صح
تلا : صح
ويوميها اظن انك كنت عايز تقتلني عشان حددت كتب الكتاب وكان مازن لسه عامل العمليه
حمزه : ده اقل واجب 😂
تلا: بقا كداااا يعني مكنتش بتحبني ساعتها
حمزه : الكدب خيبه
تلا: امممممم كنت بتكرهني صح ؟
هو انا كنت وحشه للدرجادي؟
حمزه : مش وحشه ومش بكرهك
لكن كنت بنغاظ منك بشكل يا تلا غريب
اكتر واحده غظتني في حياتي كلها
تلا: واكتر واحده حبيتها بعد كدا ولا ايه
حمزه : طبعا مفيش كلام في ديه
تلا: اييه الحاجه ال خلتك تحبني يا حمزه
حمزه : شقوتك
بحسك طفله شقيه وعنيده وعايزه كل حاجه تتمناها
سهل تضحك وسهل تعيط
تلا: عارف كنت متخيله ان عمر ما حد يقدر يرجعني تلا بتاعت زمان وعمر ما حد يقدر يسرق قلبي
وقربت منو ولفت ايدها حوالين رقبته
تلا: بس سيادتك جيت غيرت كل حاجه ولخبطت كل مفاهيمي
حمزه : هو انا اي حد ولا ايه يا بنتي
تلا بعدت عنه : انت رخم بوظت ام اللحظه الرومانسيه
انا غلطانه اصلا
حمزه : 😂😂
وشدها من اديها
حمزه : طب تعالي بس
تلا: عايز ايه
حمزه : بحبك يا توتي
تلا: بتثبتني هااا
تؤ بردو انا زعلانه
حمزه باسها : طب اسف
تلا: تؤ تؤ عشان تبقي تزعلني تاني😏
حمزه : انت قلبك قاسي
تلا: قلبي قاسي تؤ
دا انا طيوبه خالص انت ال مش حاسس بس
تعالي طيب افرجك علي الفيله
حمزه : الله حلوه جميله
فين اوضتنا يا توتي
تلا: اوضتنا فوق ليه ما هفرجك علي كل حاجه فوق اوضتنا واوضه بابا وماما وكل حاجه بقا
حمزه : اوضتنا احلي
اسمعي كلامي
تلا بعدم فهم: ما انا عارفه ان اوضتي احلي اوضه ف الفيله بس انت عرفت منين طيب تعالي اوريهالك طيب
حمزه : يا ربي علي الغباء
مش مهم
اهم حاجه نروح الاوضه
يلا يا حبي
تلا: يلا
وطلعو الاوضه فتحت النور
تلا:دي بقا مملكتي الخاصه فيها كل حاجه بتاعتي وعلي زوقي
حمزه حضنها من وراه : احلي حاجه فيها انها بتاعتك
تلا: انت بكاش اوي علي فكره
وبعدين وسع كدا بقا عشان اوريك بقيت الحاجه
حمزه : تؤ
انا شفت اهم حاجه في الاوضه خلاص
تلا:ايه اهم حاجه
حمزه : صاحبتها
تلا: بحبك
وطبعت بوسه علي خده
حمزه : بعشقك
سكتت شهرزاد عن الكلام الغير مباح
عند أسعد بيه وعلي
علي رايح جي بعصبيه : وبعدين يا بابا
احنا لازم منسكتش علي الاهانه دي
اسعد : واقعد لي علي كرسي المدير واكنها تكية ابوه
ماشي يا تلا ماشي يا حمزه اما ورتكم
علي : هتعمل ايه يعني
ما خلاص العروسه للعريس والجري للمتاعيس
اسعد بخبث: لا لسه
علي: ناوي علي اييه
اسعد : اسمع كويس ال هقولهولك عليه دا ونفذه ب الحرف الواحد
مفهوم ؟
علي : مفهوم
اسعد : ................
(يا ترا اسعد ناوي علي ايييه)
عند تلا
صحيت تلا بليل لقت حمزه لسه نايم
فضلت تلعب ف شعره لحد ما صحي
تلا: كفايه نوم بقا كدا
مش هنكمل اليوم نوم
حمزه : النوم جميييييل
تعالي نكمل نوم
تعالي بس
تلا: لاااا
يلا فوق عشان نحضر الاكل وناكل بقا
حمزه : نحضر!
قصدك احضر الاكل
تلا بدلع: تؤ يا روحي نحضر
ما انت هتيجي معايا نعمل الاكل مع بعض ولا هتسيب مراتك حبيبتك لوحدها تحضر الاكل
حمزه : يا ختي حلوه
لا طبعا اسيب مراتي في المطبخ لوحها
مينفعس
الحلل تعاكسها
تلا:بتتريق😂👊
يلا بقا قوم يلا انا جعااانه
حمزه : امري لله
صبرني يا رب
تلا: بتقول حاجه يا حبيبي
حمزه : لا يا قلبي
انجري قدامي يا بت خلينا ناكل
تلا: انجر !
طب مش هنجر شيلني لحد المطبخ
حمزه : ايه يا بت الالاطه ديه
تلا: انا حره جوزي وانا حره فيه 😂
يللا انجز😂
حمزه : وكمان انجز
طيب
وقام حمزه وشال تلا
حمزه : اديني هنجز
اما نشوف الشيف تلا هتعملنا ايه انهارده
تلا: هعملك مكرونه بالصوص الابيض وفراخ مشويه
حمزه : يااامييي
تلا: خلاص وصلنا نزلني بقا😂😂
حمزه : امرك يا فندم
نزلها حمزه
وبداو يعملو الاكل ويهزرو ويضحكو و حطو الاكل علي السفره وقعدو
تلا: زوماا بقولك ايه
حمزه : نعم يا حبيبتي
تلا: هو انت كنت حكيت لحد من اهلك عن سبب جوازنا
حمزه : اه
تلا ملامح وشها اتبدلت
تلا: يعني هما دلوقتي بيمثلو انهم بيحبوني وهما بيكرهوني عشان ال عملته
حمزه : لا
الي يعرف بس هي ماما
وماما سامحتك
لما لاقت التغير الشاسع ده في حياتنا
تلا: بجد
حمزه : ايوا بجد يا حبيبتي
تلا ابتسمت
تلا: طب ايه رايك ف الاكل😂
حمزه : تسلم ايدك يا حبيبتي
تلا: حلو يعني ولا بتجاملني
حمزه : لا بجد حلو
تسلم ايدك
تلا: تسلن يا حبيبي
انا خلصت اكل هحط الاطباق جوا واطلع االبس؟
حمزه : ماشي يا قلبي
وشالت تلا الاطباق وطلعت غيرت هدومها وخدت كام حاجه من لبسها ف شنطه ونزلت
تلا: مع اني مش عايزه اروح عشان عمتك بس مضطرين بقا
حمزه : معلش يا حبي
كلها يومين ونسافر
تلا: ياريت بقا قريب
حمزه : ان شاء الله
يلا بينا
تلا : يلا
وروحوا البيت
وعدي يومين عدوا بروتينه مع المزيد من غلاسى ريهام وامها
وجه يوم سفرهم الي حمزه حدده
تلا جهزت شنطهم ولبست بنطلون جينز وتيشرت اسود طويل بكم وشمرته تلتين ورفعت شعرها كحكه
تلا: انا جاهزه
حمزه : يلا
وطلع حمزه وتلا
حنين : ماشي يا عم الناس الي هتسافر يا سيدي
حمزه : اوبااااا حنين بصت في السفريه ربنا يستر
حنين : انا
ده انا غلبانه
حمزه : علي يدي
الكل : ههههههههههه
الام : تروحوا وترجعوا بالسلامه يا ولاد
خلوا بالكم من نفسكم
حمزه : حاضر يا ست الكل
امال فين عمتي
العمه طلعه من الاوضه هي وريهام
العمه : انا اهو يا حبيبي
حمزه : ايه ده يا عمتي انتو ريحين في حته
العمه : اه
رجعين البلد بقي ما خلاش شغلنا خلص
تلا بصوت واطي : قصدها شغلهم مشي
اه لو انط دلوقتي في كرشك ااااه
حمزه مس نفسه من الضحك بالعافيه
حمزن : توصلوا بالسلامه
تلا : مش يلا يا حمزه عشان منتأخرش
حمزه : يلا يا حبي
سلام عليكم
الام : وعليكم السلام
في رعاية الله
حنين : مالك يا ماما
شكلك قلقان كده ليه
هي اول مره حمزه يسافر
الام : لا
بس انا قلبي مقبوض اوي المره ديه
العمه : طبعا مش معاه البومه الي اسمها تلا ديه
حنين : اسمها ربنا يوصلهم بالسلامه يا عمتي
العمه : يلا يا ريهام نمشي
اصل احنا كلمنا بقي تقيل عليهم اوي
ريهام : يلا يا مامي
العمه : سلان عليكم
حنين والام : وعليكم السلام
عند تلا وحمزه
نزلو ركبو العربيه
تلا بحماس:yeeees اخيرااا هنسافررر
حمزه : طبعا يا حبيبتي
هو انا اقدر ازعلك
تلا: ربنا يخليك ليا يا روحي
حمزه : ويخليكي ليا يا حبيبتي
حمزه كان مركز في الطريق وتلا بتابع الانستجرام بتاعها
تلا: زوما بص ريهام عامله ف نفسها ايه
علي الانستا
حمزه : استغفر الله
خليني اركز في الطريق احسن اعمل حدثه واريح نفس
تلا: طب بص دي 😂😂 ولا مين ال معاها داااا
حمزه : بقولك ايه الحمد لله خلصنا منهم
مش هينطلنا في السفريه ديه كمان
تلا : اه مشيوا عشان شغلهم مشي وسافر
واخد بالك انت
حمزه : ههههه ده احنا بنغير بقي
تلا : حمزااااااااه
حمزه : خلاص خلاص
اهم مشيوا
تلا : يا رب ما يرجعولنا تاني
قوب امين
حمزه : امين هههه
تلا لاحظه ان فيه مشكله في العربيه
تلا : حمزه في ايه
حمزه : مش عارف اسيطر علي العربيه
تلا : طب وقفها
داس فرامل
مفيش فرامل
حمزه : مفييييش فرامل
وفجأه ظهرت عربيه قدامهم
حمزه معرفش يتفاداها
تلا : حااااااااسااااب
انخبطت العربيه و اتقلبت
