رواية علي اليتيم الفصل الرابع عشر بقلم جمانه السعيدي
علي...كانت نضرات زوجت ابوي اليه كلها حقد وانانيه
وابنها اكثر منها يمكن لو بيدا جان قتلني خلاص
بس البنيه كانت زينه وياي
سلمت عليا وكانت لطيفه بلتعامل وياي
المهم ثاني يوم ابوي باشر بمعاملة تصحيح نسب
وكل القضيه المحامي شاطر
وقرر ينقل نفوسي من بغداد الهاي المنطقه
بدا المحامي يشتغل
وابوي وياا اول بااول ماعايفه
ابوي كان مستعجل اكثر مني
يريد يشوف اسمي قبل اسمه
أنطوني غرفه تخبل بلبيت بالطابق الثاني
واثثوها احلى اثاث
خلال ساعتين الغرفه اجت ونصبت
وابوي جابلي ملابس كلها ماركه واحذيه وشغلات كلها كشخه
لا تكولون انت كيفت بلعز ونسيت امك امي ابد ما نسيتها ولا لحظه
بس كل هذا الخير اني أحق بي
ليش اعوف الناس الغريبه تاخذ حقي
واذا على ابوي رب العالمين اخذ حق امي منه
بعد هذا العقاب العادل من رب العالمين اني شراح اسوي اكثر بعدين هو اعترف بخطئه
بمكان ماازعل منه وادير وجهي واعوف كل هذا الخير الناس الغربه تعيش بي
انحرم من الخير وارجع اعيش فكر مثل قبل
وانحرم حتى من ريحانه
اني أولى بكلشي هذا العوض اجاني من رب العالمين
مو من ابوي والا اني بعمري ما مفكر
يطلع ابوي موجود عايش ويملك هذا الخير كله
بعد ما عبر عمري العشرين وكل الناس تسميني اليتيم
كل يوم يتصل مهدي يطمن عليه
وريحانه نفس الشي ثنيبنهم متفاجئين بلتطوارت الجديده
جمانه السعيدي
زوجت ابوي من تشوفني أدير وجها عني
عبالك كاتل ابوها وابنها ينكط سم
يتعمد يسمعني كلام يحسسني بلنقص لان يعرف قصتي الحقيقيه
ساعه يكول الناقص شيكمله
مرات يكول الفلوس ماتغير الماضي
يرجع يكول لو انسوي تحليل كلشي جائز بهاي الدنيا العجيبه
حتى يكول الابوي ليش صدكته بسرعه ووثقت بي
ايجوز يضحك عليك بسرعه سلمته كلشي
ابوي كان رده خلي يضحك عليه اني قابل
هنا فلوسي لو فلوسك
بس اني ساكت اريد اخذ كل حقوقي
مااريد اصير اي مشكله تخرب عليه
هو قصده نتعارك ويطلعني الغلطان
يعني اني ابن شوراع ومتعلم على المشاكل
مو مثله هو مثقف
بس اني ساكت ومتجاهله مادام ابوي وياي
شعليه بلناس الي تغار
جمانه السعيدي
الحد ماطلع ابوي بيوم للشغل وكال تعال وراي اريد اعلمك
على شغلنا
بدلت ونزلت سلمت على رنا بت زوجت ابوي
وطلعت بس وصلت للسياره اذكرت اني نسيت تليفوني
رجعت دخلت جان اسمع زوجة ابوي تحجي وياا ابنها
ام عامر....هسه شلون نسكت مو راح ياخذ كلشي
عامر...اني بعقلي نقتله ونخلص لان هذا جاي يريد ياخذ كلشي على الجاهز
ام عامر...لا ما تقتله واضيع نفسك سحر ٣٠٠ لو ٤٠٠
يتخبل ويصير غير مؤهل يستلم الورث
واحنا ناخذ كلشي
عامر...الله وايدج يله شمنتضره
علي...رجعت طلعت حتى تليفوني مااخذته
ذوله عصابه كلامهم يخوف لازم ابتعد عنهم
رحت للمكتب وبدأ ابوي يعلمني على الشغل بكل تفاصيله
الزغيره قبل الجبيره
ماحجيتله الي سمعته
رجعنا للبيت اني وياا بليل كنت تعبان صعدت الغرفتي انام
بس نمت شفت بلحلم شلون ابوي بمشي ويكول تعال وراي هو يمشي واني امشي ورا
راسا طلعت زوجت ابوي وكفت بيني وبينه اريد اصيح ابوي يوكف حتى ناخذها ويانه
راسا تحولت إلى حيه جبيره التفت عليه وخنكتني
طفرت من النوم اريد اتنفس مااكدر عبالك مختنك
اذكرت كلامها الصبح وشلون تتوعدلي كمت شربت مي وسميت ونمت
الصبح كعدت قبلهم ما تريكت طلعت كبل البيبي
لكيتها كاعده
فرحت من شافتني حيل حضرت الريوك وكعدنا نسولف اني وياها
حجيتلها كلشي صار وياي الكلام الي سمعته والحلم
بيبي...هاي ناويتها على شر
احسن شي تحجي الابوك عنها وهو يتصرف احسن منك ومني
رن تليفوني باوعت ابوي يتصل
محمد....وينك بابا ليش ماموجود بلبيت
علي...اشتاقيت البيبي هسه اطلع للمكتب كبل
محمد... منتضرك
وصل ابوي وقررت احجيله كلشي
علي...اريد احجيلك شغله مهمه
محمد...كول شنو
علي...سمعت زوجتك تتحلفلي هي وابنها هو يكول نقتله
وهي تكول لا نخليله سحر حتى يتخبل
هذا اجا يريد ياخذ الخير كله قصدهم اني
محمد...هااا هيج صارت تريد اتخبلك صارلها سنيين عايشه بهذا العز وهسه تريد تخلص منك
حتى بيت اشتريت وخليت بااسمها بعد شتريد مستكثره الفرح عليه لا تخاف اني ابوك محد يقرب عليك
جمانه السعيدي
راسا شال التليفون وانطا تعليمات للسائق اي مكان تروح
يكون عندا علم حتى يمنعها اذا سوت شي موزين
فعلا ثاني يوم اتصل السايق وكال دخلت على بيت واحد سحار صبي وهو جاي يراقبها
راسا ابوي صعد سيارته وراح للمكان الي هي بي
اتصل على الشرطه وانطاهم العنوان
وصل ابوي قبل الشرطه وبقى منتضرهم
اول ما وصلت القوات الامنيه اقتحمت البيت
طلعو كل الي بي وياهم زوجت ابوي
من طلعت وشافت ابوي واكف برا تخبلت بقت تتوسل
واني اجيت هنا بلغلط ومااعرف هذا سحار
ابوي رد عليها لا ولله الضاهر من زمان متعلمه على هاي السوالف
والنوب طلعت شكد مصايب مضمونه
مو سحار طلعت مصايب من هذا البيت ماصايره
ينام وياا النسوان بحجة السحر يثبت على نجاسه
ويصورهن ويبقى يبتز بيهن ويسحب منهن فلوس
انسجنت زوجت ابوي ست اشهر بقضية التشجيع على السحر هي وكل النسوان الي لزموهن
ابنها وبتها راحو سكنو بلبيت الي ابوي مسجله بااسمها
الولد يشتغل ويصرف على اخته منا لمن طلعت امهم
دزلها ابوي ورقة طلاكها
واخذ عليهم تعهد بلشرطه هي وابنها اي شي يصير عليه همه السبب حتى يامن شرهم
مدري اني دزني رب العالمين حتى احمي ابوي منها ومن شرها
مدري اني الله حماني من كيدها وكيد ابنها
وله شني الصدفه الي رجعتني وخلتني اسمع كلامهم
عليه اني محضوض رب العالمين دائما واكف وياي
كملت اوارقي وصرت رسميا علي محمد
الوريث الوحيد الهذا الخير كله
بقت شغله مهمه اخطب حبيبتي
علي....بابا اني اريد اخطب
محمد....شكلت عيد
علي...اريد اخطب
محمد ...لا الي قبلها
علي...بابا
محمد ...الله شكد حلوه هاي الكلمه تخبل ليش ماكلتها من زمان
علي...هسه يله حسيت بيها من شفتك ادافع عني
وتريد مصلحتي كنت اتمنى من زمان متعرف عليك
يمكن جان امي لسه عايشه
جمانه السعيدي
محمد.. الله يرحمها منو الي تخطبها كول بس أشر انت
علي...بنيه زميلتي كنا ندرس سوا رحت اتقدمتلها من كنت
يتيم وابوها طلب اجيب عمامي خوالي
حتى يقبل بهاي الخطوبه
محمد...يابويه اذا مااخلي المشيه من محافضتنا المحافظتهم مااسمي محمد
اتصل وحدد موعد باجر اذا مااخلي ابوها يحير بلزلم وين يخليهم مااسمي محمد
لزمت التليفون واتصلت على ربحانه
علي...حبيبتي باجر المشيه والمهر
ريحانه..هيج كبل
علي. خل ابوج يبني مضايف راح تجيكم ناس أسد عين الشمس
ريحانه...كول غيرها
علي...مااكول غيرها اني كلمتي وحده ماتصير ثنيين
ثاني يوم طلعت ويانه مشيه ماصايره ولا دايره
ماكدرت احسب السيارات شكد
كلها سيارات حديثه
طبعا دزيت سياره جابت مهدي من بغداد يروح ويانه
للمهر
بعمري مراح انسى فضله عليه ووكفته وياي
من وصلنا لكينا ابوها باني مضايف ثنيين من غير بيته
اتعجب من شاف الناس كلها ناس مناصب وواصله
شفتو عوض رب العالمين
اول مره رحت وحدي وكنت خجلان وماعندي اهل
وهلمره رحت واني رافع راسي وما خايف من مطالب ابوها
ولا خايف يكول وين عشيرتك
بسم الله الرحمن الرحيم
أن ينصركم الله فلا غالب لكم صدق الله العضيم
ابوها وإخوانها بقو يركضون منا ويرجعون منا
ما مصدكين كميه الناس الي اجتهم
طلبنا ايد ريحانه وابوي صمم نعقد بنفس اللحظه
طبعا ابوي مشتري ثنيبن تخم ذهب
اني استغربت ليش ثنيين
محمد...تعال اشاروك
علي...قربت علي وواحد ذهب ريحانه وواحد ذهب امل
لان اني من تزوجتها ما جبتلها ذهب
عقدنا وريحانه جانت طالعه حلوه بشكل مو معقول
ياربي جبرك احلى جبر
شكد بجيت واني احس راح افقدها وما بيدي حيله
واليوم هي زوجتي على سنة الله ورسوله
ازوجنا سنة ٢٠١٥ وبنفس السنه طلع التعيين
اني ماقبلت اعوف وضيفتي لان درست وتعبت
اليوم احنا عايشين وياا ابوي بنفس البيت
وعدنا ٣ اطفال ٢ ولد وبنيه
مهدي ازوج بعدي بسنه واني ساهمت بفلوس عرسه كلهن
وبعدني مااجازي على وكفته وياي
علاقتنا مستمره الحد هاي اللحظه
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
