رواية إبن عمي دمر حياتي الفصل الرابع عشر بقلم جمانه السعيدي
زينب كعدت ثاني يوم ولكيت امي مريضه وشاده راسه
والضاهر اليل كله تبجي
...شبيج ماما حبيبتي
امي اسفه حبيبتي كله بسببي كان لازم اكون حريصه
عليج اكثر عمت عيني بنيه وحده وماكدرت احافظ عليه
زينب حضنته لاتكولين هيج ماما انتي احسن ام بلدنيا
كله
الصوج مو بيج الصوج بلانسان الي انطينا ثقتنا ودخلنا بيتنا وغدر بينا
لاتبجين حبيبتي انشاء الله عدت هاي الازمه
لاتخافين اني قويه وراح اكدر اجاوز كلشي
هسه يله كومي بدلي ترحين للدوام
امي لا راسي يوجعني راح اتصل واطلب اجازه
زينب اخاف عليج
امي لاتخافين مابيه شي ابد
جمانه السعيدي
زينب بدلت ورحت للدوام بس وصلت ودخلت للغرفه
اجا علاء هلووو صباح الخير
زينب ابتسمت ياصباح الانوار هسه يله نورت الشركه
علاء منوره بيج
ممكن تجين عندي كلام وياج
زينب حاضر استاذ
رحت ورا للغرفه بس شافني كام من المكتب
علاء تدرين شكد مشتاقلج
زينب احنا بأوقات العمل والغزل ممنوع
علاء اني المدير واني الي اخلي القوانين بكيفي
زينب زين يامدير ممكن ارجع اخلص شغلي
علاء ممكن تفضلي
من خلص الدوام لكيته منتضرني باب الغرفه
علاء ست زينب اكو موضوع مهم اريد احجي وياج بي
زينب اني هم عندي موضوع اريد احجي وياك بي
علاء تقلبين اعزمج على الغدا
زينب بس اطمن على ماما واخذ رخصه منه
علاء براحتج
اتصلت بماما وكتله اني شويه اتاخر
صعدنا بلسياره ورحنا الارقى مطعم بغداد
طلبنا اكل
علاء ممكن تاخذين موعد من بابا اريد اجي اقابله
واطلب ايدج
زينب قبل لاتطلب ايدي اكو شغله مصيري لازم تعرفه عني
وبعدين قرر تخطبني لو لا
جمانه السعيدي
علاء تفضلي اسمعج
زينب اكو بنيه زغيره وبريئه ابن عمها ضحك عليه باسم الحب واستغل طفولته وبرائته
كان عمرها ١٣ سنه وهو يواعدها بلحب والزواج
ولمن كملت ١٥ سنه انفرد بيه بعيد عن عيون اهله واغتصبها وبعد مادمر حياته عافه مثل الطير المذبوح
نسا كل الوعود الي وعدها بيهن بلحب والزواج
وتخلى عنه وكالله انتي ماتصيرين زوجتي ابد
وراح ازوج وحده غيره
رب العالمين حب يشربه من نفس الكأس الي شرب منه بت عمه وزوجته خانته وحملت من واحد غيره
بعد ما اتأكد هو عقيم
وفضيحته صارت على كل اللسان
اكو اكثر من هيج لطف من رب العالمين
علاء وبعدين
زينب هسه راجع يريد يزوج بت عمه مع ان هو إنسان فاشل وعايش على اهله وبدون عمل
وبت عمه صارت مهندسه جبيره
ويهدده اذا ماتقبل بي يفضحه واي واحد يتقدمله
راح يحجي عن الماضي
شايف اكثر من هيج وقاحه يهدده بجريمته بحقه
شنو رائيك
علاء شكد نذل وحقير هذا
زينب هذا النذل ابن عمي
اني ابرئك من كل وعود الزواج والحب
ومن حقك تختار الشي الي يناسبك
وتعوف الشي الي ما يعجبك
هاي مشكلتي الي عايشه وياي صار ثمن سنوات
وراح اكدر اتغلب عليه
اني طلعته من حياتي وبديت حياة جديده
والحمد لله اكدر اعيش احسن عيشه عندي شهادتي
اعيش بيه ملكه
ولا ارجع الواحد حقير مثله
لا تستعجل فكر زين وعلاقتنا راح تبقى مثل ماهي ماتتغير
يمكن نكون اصدقاء او اخوه عادي
علاء ليش سكتي وما اخذتي حقج منه من زمان
زينب كنت طفله وكلشي مااعرف من الدنيا بس هو
وهو استغل هاي النقطه وضيعني
تعرف شنو اكثر شي ندمانه علي
ندمانه ليش سكتت ليش ماحجيت
بس هو بيومها كال بليل اجي اخطبج وضل ياجل الموعد بحجة ماكو شغل منا لمن اتهرب مني
وهسه راجع يريد يزوجني
لو ابقى بدون زواج العمر كله ماارجعله
علاء صدك نذل
زينب مكن تحتفظ بهذا السر علمودي لان اني صار ثمن سنوات محافظه علي ومحد يعرف بي
علاء انشاء الله يمته تحددلي موعد ويه ابوج
زينب لا تستعجل فكر زين الزواج مولعبه
علاء مستحيل اعوف وحده مثلج مو كتلج اول مره شغتج كلت انتي قسمتي
باجر خوش موعد
زينب انشاء الله
تغدينا ووصلني للببت
دخلت وكمت اكمز ماما خلصت مشكلتي خلصت
حجيت كلشي العلاء وقبل يتقدملي
بابا سمعنا واجه شنو مشكله
زينب لا ماكو هيج باجر يجون ناس يخطبوني
بابا اي بيه الخير انشاء الله اعرفه اني
زينب اي المدير مالتي استاذ علاء
بابا مبروك حبيبتي تستاهلين
جمانه السعيدي
ثاني يوم اخذت اجازه حتى احضر نفسي
اشتريت فستان ابيض حلو اريد حياتي تصير بيضه
وبعد ماكو اي غلط
بليل اجه هو امه حتى يتفقون بلبدابه على كل التفاصيل
طلعت اني وماما وكعدنا وياهم
بابا كال اني ماعندي اي طلبات هم كبار ويتفاهمون بيناتهم
اني ماادخل بينهم
حددنا حفلة المهر بعد اسبوع
بهذا الأسبوع يوميه نطلع نختار شي
ملابسنا والذهب وكلشي نحتاجه واختارينا الغرفه
والستائر والفرشات
بيوم المهر الصبح بابا دز على عمي يحضر المهر
بس عمي زعلان لان ماقبلت باحمد
الصبح من اجه علاء ياخذني للصالون بس طلعنا من الببت
واذا احمد بوجهي
ضحك ضحكت خباثه وكال هله بلنسيب
زينب هذا ابن عمي التحفه الي حجبتلك عنه
احمد اي شكتيله بلله
علاء مالك حجي وياها حجيك وياي اني وبس
اذا شفتك طالع بوجهي مره ثانيه اشمرك ورا الشمس
ماعوزي واحد جربوع مثلك
احمد ها هيج صارت
علاء خل يكون بعلمك كلشي اعرف عنك وعن نذالتك
واذا شفتك بوجهي اشتكي عليك
يله منا امشي من كدامي
جمانه السعيدي
زينب صعدنا ورحنا للصالون
واتفقنا بس اخلص يرجعلي
احمد رحت اشتريت تيزاب وحضرته بس تطلع من الصالون اشمره عليه
خل تشوه وماتتزوج واحد غيري
زينب كملت واتصلت بعلاء يجي ياخذني
لبست بدله وري على بنفسجي وشعري رتبته وسويت تسريحه تخبل
وعلاء لبس قاط كريمي
ابو زينب اجاني اتصال من واحد مااعرفه وكال احمد اشترا
تيزاب يمكن ناوي يخرب وجه زينب دير بالك منه
ابو زينب اتصلت بزينب وكتله لااطلعين من الصالون
واتصلت على علاء وكتله لاتروح هسه
بلغت الشرطه
وطلعنا اني والولد ثنيبنهم ورحنا المكان الصالون ولكينا
صاعد دراجه وواكف برا ينتضر
بيده علبة معجون زغيره وبيه تيزاب
الولد اجو من ورا وهو يريد يخلص نفسه جره الهم وجره اله انكلب التيزاب علي
وحترك نص وجه و كتفه وكام يصرخ بصوت عالي
اجت الشرطه ولزمته واخذو للتحقيق
وابو زينب سمعهم التسجيل الي اجا يحذره منه
اتأجل المهر ساعتين بسبب هاي المشكله
بعدين نقلو احمد للمستشفى
واخذو علي تعهد مايقرب البيت عمه كلهم
بعد مايخلص علاج راح ياحاكمونه
بس بلاخير عقدنا وصرنا زوجين رسميا
قررنا ورا العرس نروح شهر عسل الدبي
فعلا فرحتي ماتنوصف
فرق بين الي تاخذ انسان مثقف وواعي ويفهمه والي تاخذ واحد همجي متخلف
احلى ايام عشت وياا علاء
كل يوم احبه اكثر واكثر كل يوم يثبتلي ان الانسان الصح بحياتي
صار عدنا اطفال ثنيبن أنمار ودره
والحمد لله رب العاامين
الحكمه بابناتي اولا الازم الام تحافظ على ابنائه
وثانيا لازم نتعلم القوه نتعلم شلون ندافع عن حقنا
حتى الجلب اذا حس انت خايف راح بهاجمك
بس اذا وكفت وبينت قوتك راح ينهزم منك
صحيح كان لازم زينب تحجي وتفضح هاي السالفه
بس رب العالمين خلاها سكتت وتحملت الالم
حتى ماترتبط بواحد فاشل مثل احمد
وحتى تحصل شهاده عاليه وتحصل انسان متفهم مثل علاء
واهم شي تحصل اطفال ثنيين حلوين
مالين عليه الدنيا
لو فاضحه السالفه من البدايه جان هسه هي زوجت احمد الفاشل وحسره عليه كلشي ولا محصله شهاده ولا اطفال
مرات رب العالمين يمتحن صبرنا حتى نوصل الحياة احلى
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
