رواية قيود امرأة الفصل الرابع عشر بقلم جمانه السعيدي
رويده....مااكذب عليكم ماكدرت انام مقهوره من اياد
مو حب بس احساسي بقلت التقدير من جهة اياد
فاطمه نفس نوعيته المفروض هو يزوج وحده مثل فاطمه من زمان حرامات عمري ضاع ويااا
هسه بد الجد لازم اشتغل على نفسي اكثر لازم اطلع من هذا البيت واشتغل اعيش
اني ماضلمت اياد هو الي ضلمني طلبت شي بسيط من حقوقي علي بس بخله راح يخلي يخسرني للابد
ماكدرت انام بقت احوس
وهو اخذ فاطمه ونام بغرفتي واني بقيت مثل الجلب
كاعده برا
دزيت رساله الهشام
....كاعد
شويه ورد عليه
هشام...اي كاعد خير شكو
رويده...محتاجه احد احجي وياا كون يفهمني مو يكعد يلومني
هشام...اسمعج كولي
رويده... اياد ازوج
هشام...زوجج
رويده....اي اكو غيره
هشام... اطلكي انتي ليش متحملته ما يستاهاج
رويده....مو بهلسهول تنحل المواضيع اني مااكدر اروح اعيش بيت اهلي لازم اسكن وحدي
يعني ايجار ومصرف ايجوز ماادبرها صحيح هو مايصرف علبه بس اسمه رجالةكدام الناس وعايشه
بيته ماادفع ايجار
هشام...اني اساعدج
رويده...ما حجبتلك حتى تساعدني حجيتلك لان مختنكه
هشام...تحبي
رويده... بعمري ما حبيته ولا اطيقه اياد فرضته الضروف عليه
هشام...راح تبقين عايشه ويااا بنفس البيت
رويده...لا راح ادور سكن مناسب واطلع اذا قبل يطلكني
هشام....ممكن اكول شي
رويده.. اي كول
هشام....ممكن تفصلين بسرعه لان اني احبج واريد ارتبط بيج اني وياج نتشابه بشغلات هواي
تعرفين وضعي واعرف وضعج اني مستعد اقدملج
اي مساعده تحتاجيها اذا انفصلتي عنه
رويده. طبعا اني عندي مشاعر اتجاه هشام بس كنت مااعرف احدد هاي المشاعر
باي جهه صايره جهزت الاهتمام لو الحب لو تسد النقص العاطفي الي بداخلي
جمانه السعيدي
هشام...ليش سكتي اني احبج من اول مره حجينا سوه
بس كنت ساكت بحكم انتي مزوجه
وماردت اخرب حياتج عليج بس مادام اجت منج اني اريدج اني شاريج ومستعد الكل طلباتج
انتي ماتعرفين شكد احس براحه من احجي وياج
اذا يوم يمر بدون ما نحجي احس ناقصني شي
رويده... ممكن ناتجل هذا الكلام لمن الكه حل المشكلتي
هشام...من باجر ادورين سكن وطلعين من البيت
رويده.. مو بهلسهوله احتمال الكه سكن بيومين وايجوز شهر اريد مكان زغير ايحاره قليل
هشام...لا تفكرين بلايجار اني مسؤل عنه منا لمن
تنحل مشكلتج
رويده...باجر اوصي ابو حيدر يسئل الدلالين على سكن
هشام...اني راح ادخل على مكاتب العقارات واسئل
لا تخافين اني وياج منا لمن تخلصين من اياد
قفلت التليفون ونمت الصبح كعدت لكيتهم ثنيبنهم ماكو
ماخذ فاطمه وعابر للمحصار حتى تساعده
طبعا هي عدها خبره بهيج شغل لان اصلا اهلها يشتغلون بلحلال ماعندي شي اطبخ نضفت البيت
وتصلت على ام حيدر
رويده...اريد اطلب منج طلب ماعندي غيرج اربد مشتمل زغير اليه اني وبتي
أم حيدر...ليش ياستار شكو
رويده. البارحه اياد ازوج واريد اطلع من البيت وارفع علي قضية طلاك
ام حيدر....لا ياجلب على هاي الدكه صدك ناقص
رويده.. ماعندي احد غيركم يساعدني
ام حيدر....اليوم اوصي ابو حيدر
رويده...بسرعه فدوه اني هم راح أدور بلمكاتب وراح انشر بلفيس
ام حيدر...اي بسيطه
رويده...فدوه اريد ريوك خلي علوش يجي انطي فلوس يشتريلنا
أم حيدر...اي هسه تدللين
اتريكنا اني وبتي ونشرت بلفيس أدور سكن
قربت جيت اياد قفلت التليفون وضميته بس نشرت بعدني ماشايفه التعليقات
جمانه السعيدي
دخل وفاطمه ورا خطبه تمشي تسحل بروحها مبينه تعبانه
طبعا اني كملت شغلي وسبحت وبدلت وتعطرت
لان ماكو طبخ اليوم
اول مادخل اياد باوع عليه بعدين صاح وين الغده
رويده. ووين المسواك من البارحه وانت تعرف ماعدنا مسواك
اياد...ماكو غده
رويده .. اكيد ماكو مسواك ماكو اكل
اياد...هاج هذا بيذنحان وطماطه بسرعه سوي اكل
ثنيبنهن كعدو بنفس ملابسهم لا غسلو ولا بدلو
كليت باذنجان وطماطه وغسلت الخضره كعدو ياكلون
واني وبتي كعدنا على صفحه لان تونا اكلنا
اياد...ما تاكلين
رويده...بعد اشوي اكل اريد احجي وياك بموضوع
اياد...اي بس لا تكولبن اريد فلوس
رويده...اريدك اطلكني
رفع راسه باوع عليه ليش اطلكج
رويده...انت ازوجت وفاطمه خوش بنيه وشايله مسؤليتك
بعد اني شعندي باقيه هنا
اياد...وين ترحين
رويده...اعيش وحدي ااجر مشتمل واكعد اني وبتي
اشتغل واعيش
اياد..هيج بكل سهوله
رويده...وليش أصعب الموضوع وهو سهل
اياد...بس اني مااطلك
رويده....ليش ما طلك باقين يمك شسوي بينا بس تصرف علينا عوفنا نشتغل ونعيش
اياد...لا مااطلك سدي هذا الموضوع انتي لان ازوجت عليج تردين تطلكين
رويده....لا مو هذا السبب اني وياك ما متفاهمين ليش نبقى سوا
اياد....لا ماكو طلاك
رويده.. اتنازل عن كلشي بس اريد بتي اخذ بس زهراء واطلع كلشي مااريد منك
اياد...ولو ماكو طلاك
رويده...ليش انت ماتحبني واني هم مااحبك مامرتاحين سوا انت ازوجت الله يهنيك خل اشوف حياتي
رفع راسه باوع عليه
اياد...منو كال مااحبج
رويده الصراحه تفاجئت من ردت فعله
اتحبني شلون تحبني وانت معيشني بلضيم انت تعرف شنو حب يعني اهتمام يعني كلمه حلوه
جمانه السعيدي
اياد...فاطمه كومي اريد جاي
بس كامت فاطمه اجا كعد بصفي اخذ زهراء بحضنه
اياد...اذا انتي زعلانه لان ازوجت اني ازوجت حتى احرك كلبج بس اني احبج
رويده.. اذا تحبني صدك طلكني لان اني مستحيل اكدر احبك
عافني وراح غسل ودخل بلغرفه
فاطمه اخذت الجاي وراحت ورا شويه وطبكو باب الغرفه
نامو بنفس ملابسهم الي جانو يشتغلون ببها بلمحصار
فتحت التليفون لكيت كم وحده معلقات بس بيوت جبيره
الايجار غالي
دزلي هشام رساله
راح اجي اني ادور بيت بعد مااكدر اصبر اكثر
رويده...لا تجي بس يحس اياد اكو شي مستحيل يطلك
اصبر لمن تفرج من رب العالمين
بعد يومين ماحجينا اني واياد بس هو يحاول يتوددلي
يخاف من لا اطلك ولله عجيب اذا يحبني ليش هبج يعاملني مااعرف يمكن حس راح يفقدني
اسبوع وحصلت شقه طابق ثاني حضرت ملابسي بس طلع اياد هو وفاطمه اخذت ملابسي ورحت
اجت وياي ام حيدر خطبه جابتلي فراش ومواعين وهيتر
دزبت رساله الهشام
...لكيت شقه اليوم انتقلت الابجار ٣٠٠ وياا النت
هشام...باجر ادزلج ايجار ٣ اشهر بس استعجلي بلطلاك
رويده...باجر ارفع علي قضيه بلمحكمه
فعلا ثاني يوم اجو وياي ام احيدر وابو حبدر رفعت علي قضيه طبعا هو من رجع وما لكاني متخبل باقي يدور عليه
ام حيدر كالتله انتقلت بيت وحدها
رايد العنوان بس اني أكدت على ام حيدر ممنوع تنطي
العنوان .. وصل البلاغ بس رفض يحضر للمحكمه
هشام كاعد على نار كل شويه يتصل
رويده....ماحضر للمحكمه
هشام...اريد رقم تليفونه مستعد ادفعله اي مبلغ بس بطلك
رويده...بس تتصل علي ؤعاند بلزايد ويفضحني كدام العالم
هشام...مبين راح يطلع كلبي
رويده....اذا مايطلك ارفع علي قضية خلع
هشام... بسرعه كل يوم يضيع من عمرنا حرامات
رويده قررت اروح اتفاهم ويااا
رحت للبيت لكيته موجود هو وفاطمه
رويده...السلام عليكم مارد عليه السلام
اني مطالبه منك شي بس اطلكني واتنازل عن كل حقوقي بس زهراء مااتنازل عنه انت وفاطمه ماتكدرون تخافضون عليها لان عدكم شغل واي وقت تريد تشوفها كدامك
اياد...مااطلك
رويده....طلك لان اني اكدر ارفع عليك قضيه خلع ساعته اطلك غصبا ماعليك بس الخاطر العشره طلكني اني وياك مستحيل نعيش سوا
طلعت من يمه وهو مايقبل يطلك بعدين دزيت علي ابو حيدر وبقى يضغط علي يله وافق يطلكني اتنازل عن كلشي في سبيل اطلك
بقيت فترة العده كاعده بلشقه من خلصت العده
اجا هشام عقدنا بشقتي ماحضر العقد غير ابو حيدر وأم حبدر واخو هشام
بعد العقد سافرنا الاربيل ازوجنا بسنة ٢٠١٨
عايشين كلنا سوا بيت واحد اني وأمه وبناته وزوجته
بقيت اراجع اربع سنوات يله حملت بسبب حب المانع الي اخذته
سنة ٢٢ صار عدنا ولد
بعد مارجعت المحافضتي ولا شفت اياد ولا شافني
بس متواصله وياا اختي وياا ام حبدر بلتليفون
المراه القويه تصنع المستحيل
بدون ما تفرط بنفسها
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
