رواية جارتي الفصل الرابع عشر بقلم جمانه السعيدي
حنيين....الضريف بلموضوع اني ساجنه خليل وكاعده بيته
لان ماعندي مكان اروحله
وصيت صديقاتي بلمدرسه اذا وحده تعرف مكان اسكن بي
وخليت خبر يم كم دلال
بعد اسبوع لكيت مشتمل طابق ثاني
شلت غرفة النوم وملابسي والأشياء الي تخصني
خليل تخبل شلون كاعد بلسجن
دز على اولاد اخته وحتى يجون يتفاوض وياي
بس اني ما قبلت اريد كل حقوقي كامله
بعدين قررو يستقطعون من راتبه كل شهر مبلغ المهر
الغايب لان اني مستلمه الحاضر
يتحول المبلغ من راتبه كل شر لحسابي بلمصرف
صممت يكتب تعهد مايقرب عليه
لو تعرضت الاي أذى هو السبب
طلعت من بيت خليل واني منتصره علي وماخذه حقي منه
بعدها خليل لا قرب عليه ولا شفته يخاف يرجع للسجن
هو ماصدك طلع دايخ على الشرب
من هاي اللحظه قررت اتبع اخبار احمد لازم انتقم منه
كلشي صار وياي بسببه حياتي ادمرت بسببه
اكو بنيه بيتها قريب عليهم
سمعتها تسولف على خطبته سامعه من اهله
دققت وياها عرفت هو خاطب بنيه مو منا من مركز المحافظه قررت اتبع اخباره اكثر
سئلت هاي البنيه اذا راح يزوج بيت اهله كالت لا يزوج يم اهل العروس
بقيت اسئل كلما اسئل يكولون بعده مامزوج
بعده يريد سكن الحد ماازوج واستقر ضليت اسئل
كل واحد يعرفه ووين سكن الحد ماعرفت عنوانه
اجيت الهذا الشارع الي هو ساكن بي
٣ اشهر واني افتر بهذا الشارع اريد بيت فارغ ماكووو
كل جمعه اجي اسئل بلكت اكو بيت فارغ
ايست دورت بلشارع الي وراكم وماكوووو اتلث اشهر
واني ادور طاحن رجليه
الحد مالكيت هذا البيت دفعت ايجار ٣ أشهر ليكدام الحد
ما اشوف مدرسه قريبه وانقل
بلكوه لكيت مدرسه تقبلني اخذت من المدرسه قبول
ونقلت بلنسبه اليه اهم شي ادخل بيت احمد واعرف كل اخباره واخرب حياته
دخلت عليج بحجة الجوارين
حنيين...تعرفين شنو أكثر شي صدمني
واحد حيوان حقير من احمد ياخذ وحده مثلج
من تعرفت عليج ضجت اكثر احمد ما يستاهل وحده مثلج ابد انتي راقيه وحنينه وطيبه
حبيتج من عاشرتج بس من جنتي تحجين عن احمد اضوج حيل بديت اراسله واهدده بابنه
كنت اكول عايش ويسئل عنك لان هو مايعرف عني اي شي ولا يعرف اني سقطت الطفل
جمانه السعيدي
رنده....اني لو مكانج اسوي اكثر بس بلاخير احنا بشر
ومراح نكدر ننتقم عوفي الانتقام الرب العالمين
هو الي مراح يضيع عنده حق هو الي راح ياخذ حقج من احمد
مو شرط تاخذين حقج هسه ايجوز بعد شهر أو سنه ايجوز بلاخره مو بلدنيا صفي كلبج
وعيشي الباقي من حياتج لان ضيعتي عمرج ادفعين ثمن غلطه ما مقصوده والباقي من عمرج تردين تبقين اطاردين احمد وهيج انتي لا عشتي الماضي ولا تستفادين
من المستقبل عوفي احمد الرب العالمين هو العادل
مايضيع حقج يمه وحاولي تزوجين وتكونين اسره
بعدج زغيره وحلوه ونادره حرامات يضيع عمرج هيج
انتي محتاجه اسره بعد ما تخلو اخوانج عنج
اتصلت ام رنده لان رنده اتاخرت والجهال تعبوها
رجعت رنده البيت اهلها وحنيين كعدت تفكر بكلام رنده
لان كلام واقعي مايصير تخلص عمرها وهي تحاول ادمر حياة احمد وتكون ضيعت كل حياتها وماعاشت مثل باقي البنات
بالاضافه هي السبب الرئيس بهاي المشكله
اخر يوم من الاجازه اجا احمد على رنده
دخل بيتهم كعد اجت رنده كعدت ويااا
حجتله كلشي سمعته من حنيين
رنده....انت ليش هيج سويت وياها دمرت حياتها ضيعت مستقبلها حتى اهلها مايردوها
احمد...جذابه مااعرفها
رنده....وابنك الي نسخه منك على فكره اني شفت ابنك
راسا احمد دنك وسكت
رنده...ترا اني اعرف الجذاب من الي يحجي صدك وحنيين جانت صادقه بكل حرف تحجي
احمد...هي السبب
رنده...لان حبتك ووثقت بيك هي هاي مشكلتها
احمد...اسئلج بلله اذا تحبين احد اجيبي البيتكم
وتخلي هيج يسوي ترا هي موخوش بنيه
رنده...اذا احبه وواثقه منه ليش لا اني احبه وهو يعرف هذا الشي بقت هو واخلاقه اذا هو خوش انسان
راح يحترمني ويحترم نفسه واذا هو عنده نيه موزينه
راح يمشي بيها
احمد...هي رخيصه شسويلها مثلا
رنده...اذا هي رخيصه صير انت غالي ابتعد عنها لا تعشمها
بلحب وبعدين تضحك عليها
احمد...اني مراح اعترف بهذا الطفل اني ماعندي غير علي وابراهيم وخليها تضرب راسها بلحايط
رنده...ابنك مات
رفع عينه باوع عليه
رنده...اي ابنك مات قتله زوج حنيين انت مو بس اذيت حنيين حتى ابنك مات بسبك
احمد...انتي هسه شتريدين ازوجها وتصير شريجتج
لو اطلكج وازوجها حتى اكفر عن غلطتي فهميني شنو تريدين
رنده...اريدك اطلكني انت انسان غير مؤتمن واكيد حوبت هاي المسكينه راح تطلع بيك اتمنى رب العالمين ماياخذ حقها من جهالي
احمد...مااطلك لو تموتين مااطلك لا تصيرين عاطفيه وفكري بجهالج شلون تحرميهم من ابوهم
رنده...اريد احميهم من ابوهم وأفعاله
احمد...انت بعدج متأثر بحجي حنيين حنيين غسلت دماغج اني رايح للدوام فكري زين فكري بجهالج
قبل لا تفكرين بنفسج
طلع احمد وهلمره حزين وضايج لان انكشف كدامي
جمانه السعيدي
رنده....اني محتاره اذا عليه اني كرهت احمد وكرهت تصرفاته اتخيل نفسي بمكان حنيين واكرها اكثر
بس أطفاله شنو ذنبهم يعيشون يتامى وابوهم موجود
المره الي بعدها نزل احمد واجا يصالحني بس ما قبلت اروح ويااا
اجرلي بيت بصف اهلي كلش اني وأهلي الحايط على الحايط ونقل كل غراضي
دزلي رساله
احمد...اني اسف اعترف غلطت جنت طايش ومتهور
ماخذني طيش الشباب جنت احس حنيين رخيصه
تركض وراي ومستسلمه على الاخر هذا السبب خلاني استغلها وهي هم مامانعت من قربت عليها
اني مااغتصبتها هي جانت موافقه هي شريكه بهاي الجريمه لا تسوي نفسها بريئه
انتقلي الهذا البيت انتي وجهالج
اعرف انتي مامرتاحه بيت اهلج راح ادفع الإيجار
ادزلج مصرف مراح أقرب عليج اله ترضين عليه
احلفلج اني بطلت هاي السوالف من يوم ازوجنا لليوم
عرفت معنى المسؤليه من يوم صار عندي اطفال
اني ماحبيت وحده حب حقيقي غيرج فكري زين
لا تهدمين حياتنا فكري بعلي وابراهيم
جمانه السعيدي
رنده...انتقلت للبيت الجديد احمد يدز مصرف للجهال
وكل مايجي يمر عليهم يشوفهم ويطمن عليهم
ويروح بيت اهله
جنت محتاجه وقت افكر حتى اخذ القرار الصحيح
بقيت على تواصل وياا حنيين اطمن عليها بين فتره والثانيه كلشي ماحجيت عن علاقتي اني واحمد
مااريدها اضوج
بعد ست اشهر من انتقالنا للبيت الجديد
حنيين دزتلي صورة ايدها بيها حلقه
رنده...مبروك الف مبروك تستاهلين كل خير
حنيين....وحده من المعلمات بهاي المدرسه خطبتني الاخوها
أرمل وعنده بنيه عمرها ست سنوات
مهندس مدني عنده بيت وسياره
صار فتره نحجي سوه انسان محترم ومثقف
زواجنا بعد شهر تقريبا
رنده...الف مبروك تستاهلين كل خير
حنيين...قررت اتلاحك عمري واعيش الباقي منه واعوف
احمد هو ورب العالمين ياخذلي حقه منه
رنده...زين تسوين العبد الضالم مايكدر علي غير ربه
رنده...ست اشهر واحمد بمكان واني بمكان دزلي الف رسالة اعتذار اهلي ضغطو عليه نرجع اني وياا وانطي فرصه
اخيره الخاطر جهاله
مشاعري اتجاه احمد مو مثل قبل قبل كنت احبه اموت علي بس هسه كلما اشوفه حنيين توكف بينا
رجعت حتى الحياة تمشي وحتى جهالي مايعيشون
أيتام وابوهم موجود جمانه السعيدي
ازوجت حنيين دزلتي صور عرسها هلمره عرس
وزفه مبينه فرحانه بزوجها عيونها مليانه حب
الإنسان بس ينسى الحقد والكره يعيش سعيد
الحقد والحسد تاخذ من عمر الإنسان ومن صحته
ملاحظه احمد التزم بلصلا والصوم ويطلع صدقه كل يوم جمعه الواحد فقير واي واحد محتاج يساعده
يكول مااخاف على نفسي
اخاف رب العالمين يعاقبني باطفالي
انتهت قصتنا اتمنى تكون قصه مفيده وبيها عبره ودرس
للبنات الي تصدك بلحب وتمشي ورا
الحب زواج الحب ارتباط
التسليه والطلعه والمكالمات مو حب هاي ونسه
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
