رواية هدية الشيخ هشام الفصل الخامس عشر 15 بقلم التميمية

(احساً احساس انو عاشكك كلبي من سنين من قبل لا تجيبك امك❤❤)

مدلها ايده الثانية تشكل البصمة

الثانية..شكلتها اله...وكرص خدها وكلها شكراً...ابتسمتله ببراءة وكالت العفو بخدمتك....

هشام رجع كرص خدها وخر ايده ودنك على وجهها يبوس خدها وباسه وبقت مصنمة وماعترضت...رجع دنك على وجهها وباس خدها الثاني...

وخر عنها وهي وجهاا حسته شعل نار من بوساته..واستحت ترفع راسها بعد...

هشام ضحك:شكلهن عجبنج البوسات..دنك عليها وهمس بذانها..يابت الناس تراني ما مصنوع من حجر..بس خفت عليج ناطيج مجال..وخر عنها...

حوراء دوروها ماتلكونها حتى غبارها... تبخرت من الخجل على خوف وتوتر...راحت ركض للحمام..ولزمت خدودها شاعلات نار...

وظلت اتداري دكات كلبها تريد تسيطر عليهن ماكووو..وتحسه يدك بكل انحاء جسمها...

هشام صاح عليها:يالله بسرعة بدلي...

تنهد ودكات كلبه تسارعن وماهدأن..اول مرة شفته تلامس خدودها..من باسها اول مرة طمع بالثانية..وحتى ميفقد سيطرته على نفسه ويطمع بشي ثاني ابتعد وصار يقنع نفسه كل هاي مجرد رغبة بيها لا اكثر لأنها حلاله وكدام عينه...

راح طلع من الغرفة وهو يفكر بمشاعره ويقارنها...ويضحك على نفسه بالكلام ويكول الأكبر منها ماعشكت انوب هالبنية الي اصغر من ابني وتصير نص طولي...

حوراء طلعت وهي مبدلة ملابس المدرسة ولبست عباية الراس وجنطة كتبها..ومستحية تروح تصعد وياه بعد بوسات الخد الي اخذتهن منه...روحها هايمة بعشكه...

صحتها طيحة معدلة..الحوش متروس مي وزاهي وزلكت بي وطاحت وصارت الا طحين بالطيحة..وتبللت ملابسها وعبايتها...

حوراء صااحت: اااخخخ نسمه وعمه هسة وقت غسل طارمة من الصبح بهالبرد حلمانة بالوصخ انتي

نسمه ضحكت وكومتها:ههههههه ولج هاي شبيج شسويلج انتي فاهية وين جان بالج

حوراء بفهاوة:بالشيخ أ أ أ اقصد رايحة المدرسة ويه الشيخ ينتظرني وسرعت بالمشي

نسمة خربت ضحك:هع هع اي توه مر من هنا وراح يمكن ينتظرج..روحي...فديتو لو اندل بيتو هههههه

حوراء:هو احنه نندله بيتو بس مشكلة مانعرف نفتح عقليتو..على الصخام الي خانك ريتو

نسمة غمزت:هلووو صايرة شاعرة حوري عيني..وهذا منو الي خانك ريتو بس لا الي توه طاح وفضح نفسيتو هههههههههه

حوراء:تف عابت..يالله هسة شلون تبللت وتأخرت كون هسة اغطسج بالماي..وظلت ترجف من البرد..شكلي راح اكل رزالة من الشيخ..خل اكله ماروح تبللت..ويه حجيها دخل البيت...

هشام:شصار يابه جاي انتظر وانتي هنا تسولفين..وباوعلها مبلله وشفايفها صارن حمر من البرد.. هاي شصارلج مبلله ههههه روحي رجعي بدلي لا تتمرضين

حوراء دنكت خجل منه:اسفة..بسبب نسمة طحت بالماي

نسمة:عمو هي فاهية اجت وفاتت متباوع كدامها..مادري شنو شاغل بالها ههههه

حوراء:عندي امتحان وجنت اراجع بكتابي

هشام ابتسم:وين الكتاب ماشوفه..هههه يالله روحي بدلي بسرعة.....

حوراء راحت ركض تبدل ملابسها وضاجت يضحكون عليها نسمة والشيخ...

بدلت وطلعت وراحت شافته مشغل السيارة وينتظر..صعدت وهي نظرها ليكدام ماتريد تباوع عليه تخجل..وتكول هاي بوسات خد موتني هيج لو يبوس شفتي....

واستحت تكمل حتى بخيالها..مشه وتباوع لأيده على الدركسون بس ماتكدر ترفع نظرها اكثر...

هشام لاحظها:شبيج وجهج احمر ههههه

حوراء لزمت وجهها بخجل:هاااا ماكو بس بردت شوي

هشام:وانتي كله بردانة ههههه..شكلج تردين حضنه.. وشلون هسة احنه بالشارع 

حوراء تريد تبجي من الخجل:لاااء مو هيج و....وسكتت ودموعها تجمعت من الخجل....

هشام ضحك:بويه اشاقه وياج..لا تخجلين مني..شسالفة هالخجل انهجم بيته شحال لو صار بينه شي

حوراء غطت وجهها بيديها من الخجل...هشام:ههههه لا شكلج راح اطيحين عليه من الخجل..يالله نسد السيرة..شلون المدرسة

حوراء تحب اهتمامه من يسأل عنها:الحمدلله.....

راحت المدرسة حوراء وهناك حتى ماستمعت لأي درس وتفكيرها كله بالشيخ الي أخذ كلبها ومايرجع الها بعد....

العصر كاعد بديوانه واجوله ناس وحزرو منو وياهم 😃...

اي اي مخلدو 😂😂 قرر يجي يطلب البطة 🦆الجميلة صاحبة لدغة الراء...

هي تعشق هالبطة 🦆🦆🦆🦆 ماعرف ليش😂 لأن يدزونها الها اغلب صديقاتها...

تكلهن حقيرات تتقصدن ادزنها الي لان كصيرة...وظلت كل ماتحط حالة بالواتس تحطها كتلها ليش كالت خيتي احبها تذكرني بنفسي😂😂🦆🦆🦆🦆🦆...

اي المهم اليوم مخلد جاي يخطب رقية وحاط كلبه بشيشة بس يرفض هشام وابوها تنكسر وايطيح كلبه بالارض المسكين...قصص وروايات عراقية كرار صلاح

كعدوو الزلم وفاتحو الشيخ بالموضوع وكلوله رايدين بتكم لأبنه...

هشام كلهم والنعم منكم وتشرفونه بنسبكم..بس لازم نسأل البنية ونسأل عنكم هذا زواج مو لعب...

وكلوله حقكم واخذو راحتكم بالسؤال....

ومخلد كاعد وصاير ملاك كدام الشيخ هشام 😂...وجلطه هشام بكلامه كللهم احنه اهم شي عدنه انسان خير يصلي ويصوم ويخاف ربه...ماندور مقامات وماديات...

مخلد بلع ريجه وكال من هسة راح يطير النصيب..يريد رجال خير..ويكول لا انه الخير من يشوفني يشرد..ماظلت بنية ما زحفت عليها....

مخلد بكلبه:ياربي سامحني واغفرلي والله تبت عن الزحف بس تصير رقية اليه..والله راح اصلي صلاتي بعد ولا افوت فرض ..واصوم فوك رمضان اسبوعين بس لا تنسد بوجهي..اريدها ياربي...

صدك ضحكني 😂😂😂😂 خطية صدك يحبها...

راحو وهشام ودعهم وكلهم ابقو عالعشه ماقبلو وراحو...

بقه كاعد بديوانه واتكأ على مخدة من مخاد الجلسة وحط رجل على رجل..وسبحته بيده ويفكر بسالفة رقية...

وشوي شو لكه نفسه يفكر بحوراء وخجلها منه مساع الصبح...وكطع هل الافكار صوت ولا يحبه ابداً...

ايمان:اكدر احاجيك بموضوع

هشام عدل كعدته:خيير صاير شي

ايمان كعدت كباله:ماصاير شي بس اريد احاجيك..برأيك هذا حالنه لشوكت

هشام:وشبي حالنه بالله

ايمان بجدية:هشام انه مرتك على سنة الله ورسوله هالشي مو عادل بحقي..انته يم مرتك هذيج وماتفكر بيه ابد..برايك هذا مو ظلم وانته تعرف الحلال والحرام

هشام:اهااا رجعتي لنفس السالفة الي تعرفين رأيي بيها كلش زين..سمعيني عدل يابت الناس عزام جان مو بس اخوي..عزام نصي الثاني وروحي..لو تفهمين شنو اخوي نصي الثاني..جان عمرج ماجيتي وكعدتي هالكعدة كبالي واطالبين بحق انه مو قابل بي وكتلج اياه قبل لا اعقد عليج..انه وياج مايصير بينه علاقة زوج وزوجته..افتهمتي لو اعيد

ايمان: بس هالشي ظالم بحقي..وانته كل همك هالزعطوطة..انه ماقابلة بهالحال ابداً

هشام:والله محد زعطوط الا تفكيرج..هالزعطوطة على كولتج احسن من تفكيرج المحدود..قبلتي ولا ماقبلتي مستحيل اقرب ناحية مرة جانت ويه اخوي..عندج الانفصال تردين تنفصلين ماعندي مشكلة..وتعيشين حياتج وجهال اخوي يمي..وحتى لا اظلمج

ايمان سكتت وماردت واشتعلت نار الغضب داخلها والغيرة من حوراء عمت كلبها...

ايمان صدك انقهرت على نفسها: ماريد انفصل عنك ومو مشكلة ابقه هيج

هشام كسرت خاطره وطيبة كلبه:صدك حجيج انه ظلمتج يوم عقدت عليج وماسمحتلج تزوجين براحتج منو ماتردين..بس الظروف جبرتني واصرار عمامي عليه..بس هسة الج كل الحرية..بكل الأحوال الكل يعرف مابينه شي..ماريدج مو عيب بيج يابت الناس..اخوي هذا تفهمين اخوي

ايمان الا شوي تريد تبجي:كلت ماريد انفصل عنك مو حب والله بس وين اروح محد يحتويني غيركم لا اهل ولا مكان واخاف اتزوج بعد ويطلع كلب ساعتها منو يساعدني..وكامت..مو مشكلة اعتبرني ماكلتلك شي وانسه..وان شاء الله تهنيك الزعطوطة حور...

وراحت طلعت من الديوان وكلبها محروك ومقهورة من حوراء كلش..لدرجة راحت دخلت داخل وتدور وين حوراء...راحت لغرفتها ودخلت بدون ما ادك الباب وتفاجأت حوراء جاي تدرس شافت ايمان دخلت داخل الغرفة وشكلها معصبة....

ايمان لزمت كتاب حوراء وشككته وحوراء تهسرت على كتابها وانقهرت ومو فاهمة ايمان شبيها هيج جاية الها...

ظلت تجر الكتاب وتصيح عليها تحاول تاخذه بس ماتكدرلها وشككت نص اوراقه وتشمر بالأرض...

ايمان بحركة كلب:انتي شنو بيج عجب هشام هااا فهميني..اشو زعطوطة وفاهية وماتعرفين لا تكشخين ولا تلبسين ولا حتى ترتبين شكلج..ترا لا يغرج شكل هشام يبين بعده شباب بعد جم سنة تتندمين من تشوفينه يكبر ويصير شايب عليج راح تتحسرين على شبابج الي راح يضيع وياه

حوراء انقهرت من حجيها وميهمها عمره ابداً المهم هي تحبه وتعشكه..وكلشي تغير بيها بسبب حبها اله...

حوراء عصبت على كتابها وحجيها:انتي شتردين هسة وجايه وشككتي كتابي ليش هيج

ايمان دفعتها بقهر:فهميني شنو بيج حتى متمسك بيج..وحطت ايدها بصدرها..حتى صدرج مايترس جف ايده..وجهج معبس وتافهة حتى ماتعرفين تحجين وفاهية لو لأن انتي بت شيوخ....

كاطعها دخلت هشام:ايماااااان..لسانج لزمي لا وروح اخوي اكصه الج...

وهو سمع كل حجيها من البداية جان جاي يدخل لغرفته وكف وسمع كل حجيها...

ايمان:كلي بس شعجبك بيها..شنو عدها 

هشام:الي عدها اخلاق وتربية مو صلافة ولسان

ايمان:يعني انه مامتربية 

هشام:رحم الله امرئ عرف قدر نفسه

ايمان ماتت قهر وغيره وحقد وطلعت تجر بخيباتها...

حوراء انقهرت حيل على كتابها ولمت الاوراق المشككه والا شوي تبجي عليه...قصص وروايات عراقية كرار صلاح

باوعلها وانقهر عليها وشلون تلم اوراق كتابها وتريد تبجي...

هشام:ترا البجي ميرجعه ههههه

حوراء:هاي شبيها عليه وشككت كتابي..انه ماضريتها بشي

هشام:ترا هي مشكلجية عادي كل البيت متعود عليها..مشيها وتحمليها هاي مو اول مشكلة تشوفينها منها ولا الأخيرة

حوراء:اي اتحملها لعيونك ياشيخ الارملة السوداء..ولزمت حلكها..اسفة

هشام تذكر اخوه وانكلب مزاجه..وكام وعافها وطلع...وهي انقهرت من نفسها ضوجته بحجايتها...

يوم ثاني العصر كاعد بالصالة وهو يفكر بسالفة رقية..هو سأل عن هاي الناس وكالو خوش ناس..وسأل عمامه وكلهم رقية طلبوها وكل لأبوه من البارحة...

كلوله عمامه اذا ناس زينة وهي قابلة انطيها..حتى ابوه كله انته اعرف بمصلحة اختك وهشام مكايللها ليهسة طلبوج...

شاف حوراء عبرت عليه..صاحلها وكلها سوي كهوة وراحت للمطبخ تسويله وهي مشغول بالها من البارحة ضوجته بحجايتها من كالت عن ايمان الارملة السوداء...

جاي تسوي الكهوة وصارت تتفنن بسوايتها لخاطر عيونه بس...

اجت الحية ايمان ولا كأنها البارحة شككت الكتاب مالها وعاركتها...

ايمان:شتسوين هاي

حوراء بدون ماتباوعلها:كهوة الشيخ..وهمست..مريضة نفسية والله

ايمان عوجت حلكها:اي اي هل ايام اشوف تسويله كلشي..مهتمة حبيبتي هواي بي

حوراء:مو زوجي وانتي ليش مقهورة هل كثر لأن ما معبرج

ايمان بقهر:اكلي تبن وبلعي لسانج..اليوم طالعلج لسان عشتوو وتحجي الفاهية...وليش مقهورة عيوني بالعافية عليج زوجج شبعي بشبابه هسة..زيحي شوي....

ودفعت حوراء بيدها وفتحت الكاونتر الي فوك راس حوراء تريد تطلع الكهوة وشافت الدارسين المطحون وفكرت بفكرة خبيثة...

تدري هشام مايحب الدارسين..سوت نفسها تبحوس بالكاونتر وفتحت علبه الدارسين المطحون وفرغت الشيشة مالته وانكلب على راس حوراء كله....

حوراء شهكت:هاي شبيج ماتشوفين شنو عمية

ايمان بجذب:اوبس مادري بدون قصد فلت مني وانكلب هههههه..شكلج صار يضحك

حوراء نكتت الدارسين من عليها كله وظلت تنكت حيل وميته قهر منها...

حوراء بينها وبين نفسها:ياحقيرة شكد لعينة تكول مادري كون جدري وصخونة وعمه العماج..ونكتت وجها وغسلته بالسنك...

وراحت تودي الكهوة لهشام وتروح تسبح من الدارسين...

دنكت تنطي هشام الكهوة وهو ابتسم الها وشم بيها ريحة دارسين...

هشام بأبتسامة:هو شكلي هونت عن الكهوة اريد جاي دارسين 

حوراء صارت حمرة من الخجل بسبب ريحتها دارسين:صار ياشيخ هسة اسوي

هشام أبتسامته ذوبتها:بس لا تحطيله شكر ترا حالي بدون شكر انوب يصعد السكر عندي والله يعينك ياشيخ

حوراء كلشي مافاهمة عبالها صدك بي مرض السكري...ماتدري يقصدها هههههه😂😂...

حوراء:صار ياشيخ بس جاي الدارسين شلون ينجرع بدون شكر..وهو منيله شكر ياشيخ

هشام:ههههه لا عادي يخبل بدون شكر مو كتلج بي شكر كلشي بي شكر..وابتسم..

حوراء الفاهية:شلون هاي ياشيخ دارسين بي شكر اول مرة اسمع.. منين جايبينه هاي من زحل ههههه..خل اسوي واشوف بالله تكدر تجرعه بدون شكر.....

راحت وضحك على فطرتها ويكول..تكبر بت الشيخ تكبر محد يبقه صغير...

مرت جم يوم وبين الحلوة والمرة..حوراء شكد تحبه لهشام بس تشوفه تعامله عادي مثل اب وبنته...

ايمان الخباثة صاعدة عدها وشتسوي بحوراء...

ام هشام اشتغلت بالسؤال حوراء مصار شي عندج وحوراء ماتعرف شتكول وتكلها لا ماكوو شي...

نسمة تحس على حوراء تحبه لهشام ودوم تصفن بي من يكعدون كل اهمه بالصالة..بس تدري بيها ماراح تسولف الي بكلبها..بس تفرح الها وتكول الحمدلله واحد من اهلي عندي...

حوراء تروح لأها نص نهار وتضوج وتحس بالغربة بلا ماشوف هشام وترجع..وامها تجيها ساعات العصريات وتكعد تاكل كلبها وتكلها عدلة نفسج...

هي اصلاً رقية علمتها كلشي حتى علمتها تحط شوي مكياج بسيط بس هيج للترتيب...

ورقية قبل هشام على مخلد وسأل رقية كلها موافقة..كالت ماعرف انته شتشوف...

وهو يضحك ويكلها ترا مو انه الي راح اتزوج انتي..وكالت افكر..وكالت الا اشلع كلبه لمخلد المنحرف شوي...وبعدها مانطت موافقتها...

كرار يكلها واح تعوسين ولج وقيه..راح تعرسين ولج رقية...تكله اي مو بس انته تزوج انه هم اشطح لبيت مشعول النية...

اليوم راحت للسوك وكوراء وصتها على جم شغلة وعلى ملابس تستحي تكل لهشام وتروح وياهم للسوك..اما ايمان كاضيتها تفتر...

حطت العلاليك الجابتهن الها رقية على الجورباية دخلت الحمام سبحت وخلصت وتذكرت مجايبة الها ملابس لفت نفسها بالمنشفة وطلعت وشعرها مبلل...

تذكرت العلاليك حتى مشافت الملابس البيهن راحت كعدت عالجورباية وفتحتهن وشافتهن كلهن حلوات عجبنها وعلى وقياسها...

كامت تريد تبدل جان ينفتح الباب ويدخل هشام وملابس لا عكال ولا شماغ وجهه احمر صاير...وشكله معصب...

من شافته ظلت صافنه ومن التوتر نست نفسها هي بس بالمنشفة...وظلت تباوع لطوله وبفهاوة...

هو بقه بمكانه واكف ويباوعلها وميعرف شصارله وهو يشوفها بهالمنظر..كلبه ظل يدك حيل وهنوب شعرها المبلل ناطيها شكل حلو...هاي اول مرة يشوفها هيج...

اتجه الها بخطوات واثقة وهي توترت وتذكرت هي بلا ملابس بس بالمنشفة..حطت ايدها على صدرها وتريد تروح تدخل الحمام لزمها ورجعها عليه بسرعة....

وهي ذابت من الخجل تريد الكلمة تطلع منها ماتطلع ورجليها تبنجن وهي تباوع بوجهه الوسيم...

هشام حط اصابعه على عيونها:عيونج من اشوفهن ماعرف شيصيرلي ويتيهني بعالم ثاني..خيال بخيال ومابي بس انتي..كليلي يابت الشيوخ شسويتي بكلبي

حوراء ذابت خجل ومو مصدكه هشام الي تعشقه يكلها هالحجي..ذابت بصوته الرجولي وهي تباوع لفرق الطول بينها وبينه....قصص وروايات عراقية كرار صلاح

ماعرفت شتكول..رادت تروح مايخليها لازمها قوي..حتى لاحظت اصابعه مغروزات بخصرها ومتملكها...

هشام بعشق:كلشي بيج يجذبني ويعجبني برغم فرق السن بينج وبيني..بس وحق روح اخوي الشهيد عشكتج يبت الناس..وبهل اللحظة لو ماتردين قربي مو مشكلة ومستعد اصبر عليج لمن ترتاحيلي..بس ترا للصبر حدود

حوراء مو مصدكه هشام يكلها اعشكج ظلت مصنمة وصافنه بوجهه وتحرك شفايفها تريد تحجي ماتكدر...

ماحست غير بلمس لحيته على وجهه..وبوسته الي طيرتها لعالم ثاني..وهامت بعشكه وبحبه...وهاي اول مرة يبوسها...

ماتدري شكم ثانية بقه يبوسها بهيام وهي مستسلمة لحبه تماماً....

وماحست غير هي جواه وعالسرير..واتجه لركبتها باسها بهدوء بالبداية..وشوي صارت لمسته قوية.........

من شافت المنشفة انسحبت منها وصارت صدك حست راح يصير الي ماصار بأول ليلة.......

الفصل السادس عشر من هنا 

شكرا لزيارتكم عالم روايات سكيرهوم