رواية المتشردة والغيور الفصل السابع عشر بقلم مرج البحر
ﺑﺪﻟﺖ ﻭﻃﻠﻌﻨﺎ ﺍﻧﻲ ﻭﻳﺎ ﻛﻠﺒﻲ ﻳﺪﻙ ﻭﻭﺟﻬﻲ ﺍﺻﻔﺮ ﺭﻳﻜﻲ ﻣﺎﻳﻨﺒﻠﻊ ﺩﺧﻨﺎ ﺑﻤﻨﻄﻘﺘﻨﺎ ﺍﺗﺬﻛﺮﺕ ﺍﻟﻠﻴﻠﺔ ﺍﻟﻄﻠﻌﺖ ﺑﻴﻬﺎ ﻣﻦ ﺍﻟﺒﻴﺖ ﻭﻛﻤﻴﺔ ﺍﻟﺮﻋﺐ ﺍﻟﺠﻨﺖ ﺷﺎﻳﻠﺘﻪ ﺑﺲ ﻣﻮ ﻣﺜﻞ ﻣﻦ ﺩﺧﻠﻨﺎ ﺑﻔﺮﻋﻨﺎ ﺍﻧﻘﺒﺾ ﻛﻠﺒﻲ ﻭﺧﻔﺖ ﻭﺑﻨﻔﺲ ﺍﻟﻮﻗﺖ ﺑﺠﻴﺖ ﺣﻨﻴﺖ ﻻﻫﻠﻲ
ﻧﺰﻝ ﺣﻤﺰﺓ ﻭﺩﻙ ﺍﻟﺒﺎﺏ ﻧﺰﻟﺖ ﻭﺭﺍﺀﻩ ﺍﻣﺴﺢ ﺑﺪﻣﻮﻋﻲ ﻭﻫﻮ ﻳﻮﺻﻴﻨﻲ ﺍﺻﻴﺮ ﻗﻮﻳﺔ ﻭﻣﺎﺍﺑﺠﻲ ﻛﺪﺍﻣﻬﻢ ﺣﺘﻰ ﻻ ﻳﻜﻮﻟﻮﻥ ﺗﺨﺎﻑ ﻣﻦ ﻋﻨﺪﻧﺎ ﺍﻧﺘﻲ ﺑﺸﺠﺎﻋﺘﺞ ﺧﻮﻓﻴﻬﻢ ﻭﻭﻭﻭ ﻣﻦ ﻫﺬﺍ ﺍﻟﺤﺠﻲ ﺷﻮﻱ ﻭﺍﻧﻔﺘﺢ ﺍﻟﺒﺎﺏ ﻭﺷﻔﺖ
ﺭﻳﺎ ......... ﻭﺻﻠﻨﺎ ﻟﻠﺒﺎﺏ ﻣﺎﻝ ﺍﻟﺒﻴﺖ ﻭﺩﻛﻴﻨﺎ ﺍﻟﺒﺎﺏ ﻭﺍﻧﻲ ﺍﺭﺟﻒ ﻭﺧﺎﻳﻔﺔ ﻭﻻﺯﻣﺔ ﺍﻳﺪ ﺣﻤﺰﺓ ﻭﻫﻮ ﻳﺪﻙ ﺑﺎﻟﺒﺎﺏ
ﻓﺘﺢ ﺍﻟﺒﺎﺏ ﺳﻴﻒ ﻛﺎﻝ
ﺳﻴﻒ ........ ﻫﺎﻱ ﺍﻧﺘﻮ ﻧﻌﻢ
ﺣﻤﺰﺓ ....... ﺍﺳﺘﻐﻔﺮ ﺍﻟﻠﻪ ﺍﺑﻮ ﻋﺴﻞ ﻭﻳﻦ
ﺳﻴﻒ ....... ﻣﺎﻣﺎﻟﻴﻦ ﻋﻴﻨﻚ ﺍﺣﺠﻲ ﺷﺘﺮﻳﺪ
ﺣﻤﺰﺓ ........ ﻣﺎﺟﺎﻱ ﺍﺗﻌﺎﺭﻙ ﺻﻴﺤﻠﻲ ﺍﺑﻮ ﻋﺴﻞ ﻫﻮ ﻳﺪﺭﻱ ﺑﺠﻴﺘﻲ
ﺭﻳﺎ ....... ﻳﺘﻌﺎﺭﻛﻮﻥ ﻭﻛﻠﺒﻲ ﻃﻠﻊ ﻣﻦ ﺍﻟﻘﻬﺮ ﻣﻌﻘﻮﻟﺔ ﻫﺬﻭﻝ ﺍﺧﻮﺍﻧﻲ ﺷﻮﻱ ﻭﻃﻠﻊ ﺑﺎﺳﻞ ﺳﻠﻢ ﻋﻠﻰ ﺣﻤﺰﺓ ﻭﺭﺣﺐ ﺑﻲ ﻭﺩﺧﻠﻨﺎ ﻟﻼﺳﺘﻘﺒﺎﻝ ﻳﺴﻮﻟﻒ ﻭﻳﻀﺤﻚ ﻭﻳﺴﺄﻝ ﻋﻠﻰ ﺣﻤﺰﺓ ﻭﺍﻧﻲ ﺍﺑﺪ ﻣﺎﺑﺎﻭﻋﻠﻲ ﺣﻤﺰﺓ ﻛﺎﻝ
ﺣﻤﺰﺓ ......... ﺍﺑﻮ ﻋﺴﻞ ﺭﻳﺎ ﻋﻨﺪﻫﺎ ﺍﻏﺮﺍﺽ ﺗﺮﻳﺪ ﺗﺎﺧﺬﻫﻦ
ﺑﺎﺳﻞ ........ ﺍﻟﺠﺎﻳﻴﻦ ﻋﻠﻴﻪ ﺑﻌﺪﻩ ﺑﻤﻜﺎﻧﻪ ﺧﻠﻴﻬﺎ ﺗﺪﺧﻞ ﺗﺎﺧﺬﻫﻦ
ﺭﻳﺎ ........ ﺍﻧﻘﻬﺮﺕ ﻳﻀﻴﻔﻮﻧﻲ ﺣﺎﻟﻲ ﺣﺎﻝ ﺍﻟﻀﻴﻮﻑ ﻭﺍﻧﻲ ﺟﻨﺖ ﺍﻟﻜﻞ ﺑﺎﻟﻜﻞ
ﻛﻮﺗﻠﻪ ﺣﻤﺰﺓ ﻛﻮﻡ ﻭﻳﺎﻱ ﻣﺎﺍﺩﺧﻞ ﻭﺣﺪﻱ
ﺣﻤﺰﺓ ....... ﻛﻮﻣﻲ ﺍﻧﺘﻈﺮﺝ ﻫﻨﺎ ﻭﻣﺤﺪ ﻳﻜﺪﺭ ﻳﺤﺎﺟﻴﺞ
ﺭﻳﺎ ......... ﻟﻮ ﺗﻜﻮﻡ ﻭﻳﺎﻱ ﻟﻮ ﻧﺮﺟﻊ ﻟﻠﺒﻴﺖ
ﺑﺎﺳﻞ ﻋﺮﻓﻨﻲ ﻛﺎﻝ
ﺑﺎﺳﻞ ....... ﺣﻤﺰﺓ ﺍﺩﺧﻞ ﺍﻟﺒﻴﺖ ﺑﻴﺘﻚ ﺗﻔﻀﻞ
ﺭﻳﺎ ......... ﻳﺤﺠﻲ ﻭﺍﺑﺪ ﻭﻻ ﻋﺒﺎﻟﻚ ﺍﺧﺘﻬﻢ ﺍﻧﻲ ﻭﻻ ﻋﺒﺎﻟﻚ ﻛﺎﻋﺪﺓ ﺍﺻﻼ ﺑﺎﺳﻞ ﺍﺑﺪ ﻣﻮ ﻣﺜﻞ ﺳﻴﻒ ﺳﻴﻒ ﻋﺼﺒﻴﺘﻪ ﻋﻴﺎﻁ ﻭﺿﺮﺏ ﻭﻗﺘﻞ ﺑﺲ ﺑﺎﺳﻞ ﻋﺼﺒﻴﺘﻪ ﺑﻬﺪﻭﺀ ﻭﺑﺰﻋﻞ ﺛﻜﻴﻞ ﻧﺰﻟﻦ ﺩﻣﻮﻋﻲ ﻭﺍﻧﻲ ﺍﺩﺧﻞ ﻟﻠﺒﻴﺖ ﻭﺍﺷﻮﻑ ﺩﻳﻜﻮﺭ ﺍﻟﺒﻴﺖ ﻛﻠﻪ ﻣﻐﻴﺮﻳﻨﻪ
ﻏﺮﻓﺔ ﻣﺎﻣﺎ ﻣﻘﻔﻮﻟﺔ ﻇﻠﻴﻨﺎ ﺍﻧﻲ ﻭﺣﻤﺰﺓ ﻭﺍﻛﻔﻴﻦ ﺍﺟﺖ ﻋﺴﻮﻟﺔ ﺑﻨﺖ ﺑﺎﺳﻞ ﺟﺎﺑﺖ ﺍﻟﻤﻔﺘﺎﺡ ﻓﺘﺤﺘﻬﺎ ﻭﺩﺧﻠﺖ ﻣﺘﺖ ﻗﻬﺮ ﻭﺑﺠﻲ ﺗﺬﻛﺮﺕ ﺍﻣﻲ ﻭﺍﺑﻮﻳﺔ ﻓﺘﺤﺖ ﺍﻟﻜﻨﺘﻮﺭ ﺗﺨﺒﻠﺖ ﻣﺎﺑﺎﻗﻴﺔ ﻗﻄﻌﺔ ﻣﻼﺑﺲ ﻟﺒﺎﺑﺎ ﻭﻣﺎﻣﺎ ﺗﺨﺒﻠﺖ ﺭﺩﺕ ﺍﻃﻠﻊ ﺍﺣﺎﺟﻴﻬﻢ ﻟﻴﺶ ﻣﻨﻄﻴﻦ ﻣﻼﺑﺲ ﺑﺎﺑﺎ ﻭﻣﺎﻣﺎ ﺣﻤﺰﺓ ﻛﺎﻝ
ﺣﻤﺰﺓ ........ ﺭﻳﺎ ﺍﺫﺍ ﺑﻘﻦ ﻣﻼﺑﺴﻬﻢ ﻣﺎﺭﺍﺡ ﻳﺮﺗﺎﺣﻮﻥ ﻫﺴﺔ ﺍﻛﻴﺪ ﺍﻟﻼﺑﺴﻬﻦ ﻳﺪﻋﻴﻠﻬﻢ
ﺭﻳﺎ ......... ﺣﻤﺰﺓ ﺍﻧﺖ ﺷﺘﻜﻮﻝ ﻣﻨﻮ ﻳﻜﻮﻝ ﺍﻧﻄﻮﻫﻦ ﻳﻤﻜﻦ ﺷﻤﺮﻭﻫﻦ ﺑﺎﻟﺰﺑﺎﻟﺔ ﺣﻤﺰﺓ ﻭﺧﺮ ﻻﺑﻮ ﺍﻟﺨﻠﻔﻬﻦ ﺑﻨﺎﺕ ....
ﺣﻤﺰﺓ ﺧﻠﺔ ﺍﻳﺪﻩ ﻋﻠﻰ ﺣﻠﻜﻲ ﻭﻛﺎﻝ
ﺣﻤﺰﺓ ........ ﻭﻟﺞ ﺍﻡ ﻟﺴﺎﻥ ﺷﺒﻴﺞ ﺍﻧﻬﺪﻳﺘﻲ ﻭﺍﻟﻠﻪ ﺑﺎﺳﻞ ﻛﺎﻝ ﺧﺎﻑ ﺗﺴﺄﻝ ﻛﻮﻟﻠﻬﺎ ﻧﺪﻳﻨﺎﻫﻦ ﻟﻠﻤﺤﺘﺎﺟﻴﻦ
ﺭﻳﺎ ......... ﺩﻓﻌﺖ ﺍﻳﺪﻩ ﻭﺭﺣﺖ ﻟﻠﻜﻨﺘﻮﺭ ﻃﻠﻌﺖ ﺟﻨﻄﺔ ﺟﺒﻴﺮﺓ ﻭﻛﻤﺖ ﺍﻟﻢ ﺑﺎﻟﻤﻼﺑﺲ ﻭﺍﺑﭽﻲ ﺩﻣﻮﻋﻲ ﻳﻨﺰﻟﻦ ﻭﺍﺷﻬﻚ ﻭﺍﺑﭽﻲ ﻟﻤﻴﺖ ﻣﻼﺑﺴﻲ ﺍﻟﺼﻴﻔﻴﺔ ﻧﺼﻬﻦ ﻭﻣﻼﺑﺲ ﺍﻟﻤﺪﺭﺳﺔ ﻭﻛﻢ ﺗﺮﺍﻙ ﺑﻬﺎﺭﻳﺎﺕ ﻳﻌﻨﻲ ﻻ ﺻﻴﻔﻲ ﻭﻻ ﺷﺘﻮﻱ ﻣﻼﺑﺲ ﺍﻟﻘﺪﻳﻤﺔ ﻛﻠﻬﺎ
ﺍﻟﺒﺎﺏ ﺟﺎﻥ ﻣﻔﺘﻮﺡ ﻭﻧﻮﺭ ﻭﺟﻤﺎﻧﺔ ﺍﻟﺤﻘﻴﺮﺍﺕ ﻻﺑﺴﺎﺕ ﻣﻼﺑﺲ ﻣﺎﺍﻧﺰﻝ ﺍﻟﻠﻪ ﺑﻬﺎ ﻣﻦ ﺳﻠﻄﺎﻥ ﺟﺴﻤﻬﻦ ﻛﻠﻪ ﻣﺒﻴﻦ ﻣﻦ ﺍﻟﺘﺮﺍﻛﺎﺕ ﻭﻋﻮﺩ ﻻﺑﺴﺎﺕ ﺣﺠﺎﺏ ﺷﻌﺮﻫﻦ ﻣﻦ ﻭﺭﺍﺀ ﻛﻠﻪ ﻃﺎﻟﻊ ﻣﻦ ﺿﻬﺮﻫﻦ ﻭﻳﻔﺘﺮﻥ ﻛﺪﺍﻡ ﺍﻟﺒﺎﺏ ﻭﺣﻤﺰﺓ ﻛﺎﻋﺪ ﻋﻠﻰ ﺍﻟﺠﺮﺑﺎﻳﺔ ﻭﻣﺪﻧﻚ ﺑﺘﻠﻔﻮﻧﻪ ﺍﺑﺎﻭﻋﻠﻬﻦ ﻳﺒﺎﻭﻋﻨﻠﻪ ﻭﻳﺼﻌﺪﻥ ﻭﻳﻨﺰﻟﻦ ﻳﺒﺎﻭﻋﻨﻠﻪ
ﺑﺲ ﻧﺰﻟﺖ ﺳﻬﻰ ﺑﻨﺖ ﺧﺎﻟﺘﻲ ﻣﻴﻌﺎﺩ ﻭﻛﻞ ﺷﻮﻱ ﺻﺎﻋﺪﺓ ﻧﺎﺯﻟﺔ ﻭﺗﻄﻠﻊ ﺻﻮﺕ ﺑﻨﻌﺎﻟﻬﺎ ﻣﻦ ﺗﻨﺰﻝ ﺣﺘﻰ ﻳﻨﺘﺒﻬﻠﻬﺎ ﺗﺨﺒﻠﺖ ﺍﻧﻲ ﺍﺑﺠﻲ ﻭﺍﺷﻬﻚ ﻭﺍﺯﻳﺪ ﺑﺎﻟﺒﺠﻲ ﻣﻦ ﺍﺷﻮﻓﻬﻦ ﻫﻴﺞ ﻳﺴﻮﻥ ﺍﻟﺒﺎﺏ ﻣﻔﺘﻮﺡ ﺭﺣﺘﻠﻪ ﺭﺩﺕ ﺍﺳﺪ ﺍﻟﺒﺎﺏ ﺑﺲ ﺧﺎﻑ ﻳﻜﻮﻟﻦ ﺣﺮﻛﻨﺎ ﻛﻠﺒﻬﺎ
ﺭﺣﺖ ﻳﻤﻪ ﻟﺰﻣﺖ ﺍﻳﺪﻩ ﻭﻛﻮﺗﻠﻪ ﺑﻌﺼﺒﻴﺔ ﻛﻮﻡ ﻫﻮ ﺗﻔﺎﺟﺄ ﻭﻛﺎﻝ
ﺣﻤﺰﺓ ....... ﻫﺎﺍﺍ ﺷﺒﻴﺞ
ﺭﻳﺎ ........ ﻛﻮﻡ ﺣﻤﺰﺓ ﻻ ﺍﺟﺮﻡ ﺑﻴﻚ ﻭﺑﻴﻬﻦ
ﺣﻤﺰﺓ ........ ﻭﻟﺞ ﺷﺒﻴﺞ ﺗﺴﻮﺩﻧﺘﻲ
ﺭﻳﺎ .......... ﻛﻮﻡ ﺍﻛﻌﺪ ﻫﻴﺞ ﻋﻠﻰ ﻫﺬﺍﻙ ﺍﻟﻜﺮﺳﻲ ﻛﻮﻡ
ﺍﻟﻜﺮﺳﻲ ﺻﺎﻳﺮ ﺑﺼﻒ ﺍﻟﻜﻨﺘﻮﻯ ﻳﻌﻨﻲ ﺍﻟﻴﻌﺒﺮ ﻣﺎﻳﺸﻮﻑ ﺍﻟﺒﻬﺎﻱ ﺍﻟﺼﻔﺤﺔ ﻻﻥ ﺯﺍﻭﻳﺔ ﺍﻟﺒﺎﺏ ﻫﻮ ﺑﺎﻭﻉ ﻟﻠﺒﺎﺏ ﺷﺎﻓﻬﻦ ﻳﺘﺨﺎﻃﻔﻦ ﻭﺷﺎﻑ ﺳﻬﻰ ﻛﺎﻋﺪﺓ ﻋﻠﻰ ﺍﻟﻘﻨﻔﺎﺕ ﻛﺪﺍﻣﻪ ﻫﻮ ﺿﺤﻚ ﻛﺎﻝ
ﺣﻤﺰﺓ ....... ﻫﺎﺍﺍﺍﺍ ﺍﻟﺴﺎﻟﻔﺔ ﻫﻨﺎ ﻭﺍﻧﻲ ﺍﻛﻮﻝ ﺷﻨﻮ ﻫﺎﻱ ﺭﻳﺤﺔ ﺍﻟﺸﻌﻮﺍﻁ ﻭﺍﻟﺪﺧﺎﻥ ﻃﻠﻌﺖ ﻣﻨﺎ
ﺭﻳﺎ ...... ﻳﺄﺷﺮ ﻋﻠﻰ ﻛﻠﺒﻲ ﻭﺧﺮﺕ ﺍﻳﺪﻩ ﻛﻮﺗﻠﻪ ﻭﺍﻧﺖ ﻓﺮﺣﺎﻥ ﻳﺒﺎﻭﻋﻨﻠﻚ ﺍﻟﺤﻴﺔ ﻭﺍﺧﺘﻬﺎ
ﺣﻤﺰﺓ ........ ﻫﻬﻬﻬﻬﻬﻪ ﻭﻟﺞ ﺍﻧﺘﻲ ﻣﺨﺒﻠﺔ ﻭﺍﻟﻠﻪ ﺷﺒﻴﺞ ﺧﻞ ﻳﻮﻟﻦ
ﺭﻳﺎ ....... ﺣﻤﺰﺓ ﻳﺎﻟﻠﻪ ﺍﺭﻳﺪ ﺍﺧﻠﺺ ﻟﻢ ﺍﻟﻤﻼﺑﺲ ﻓﻮﺕ ﺍﻛﻌﺪ ﻫﻨﺎ ﺧﻠﺼﻨﻲ
ﻫﻮ ﺭﺍﺡ ﺳﺪ ﺍﻟﺒﺎﺏ ﺑﺲ ﺍﻟﺒﺎﺏ ﻣﺎﻝ ﻏﺮﻓﺔ ﻣﺎﻣﺎ ﻣﺎ ﻳﻨﺮﺩ ﺍﻻ ﺗﻄﺒﻜﺔ ﺍﺫﺍ ﺭﺩﻳﺘﻪ ﻳﺮﺟﻊ ﻳﻨﻔﺘﺢ ﻣﺎﻳﻄﺒﻚ ﻋﺎﺩ ﺣﻤﺰﺓ ﺭﺩ ﺍﻟﺒﺎﺏ ﻭﺍﺟﺔ ﻟﺰﻣﻨﻲ ﻣﻦ ﺧﺼﺮﻱ ﻭﻛﻌﺪ ﻋﻠﻰ ﺍﻟﺠﺮﺑﺎﻳﺔ ﻭﻛﻌﺪﻧﻲ ﺑﺤﻈﻨﻪ ﻭﻛﺎﻝ
ﺣﻤﺰﺓ ........ ﺗﻐﺎﺭﻳﻦ ﻋﻠﻴﺔ
ﺭﻳﺎ ....... ﺧﻔﺖ ﻣﻨﻪ ﻛﻮﺗﻠﻪ ﺣﻤﺰﺓ ﺧﻞ ﺍﻛﻤﻞ ﻟﻢ ﻣﻼﺑﺲ ﺣﺘﻰ ﻧﺮﻭﺡ ﻋﻮﻓﻨﻲ ﺧﻞ ﺍﻛﻮﻡ
ﺍﺣﺠﻲ ﻭﺍﺭﺟﻒ ﺍﻟﺤﺠﺎﻳﺔ ﻛﻮﺓ ﺗﻄﻠﻊ ﻣﻨﻲ ﻫﻮ ﺑﺎﺳﻨﻲ ﻭﻭﺧﺮ ﻭﻛﺎﻝ
ﺣﻤﺰﺓ ....... ﺗﺮﺩﻳﻦ ﺗﻜﻮﻣﻴﻦ ﻣﻮ ﺍﻟﺒﺎﺏ ﺍﻧﻔﺘﺢ ﻭﺍﻟﻤﻀﻐﻮﻃﺎﺕ ﺟﺎﻱ ﻳﺒﺎﻭﻋﻦ
ﺭﻳﺎ ........ ﻣﻦ ﻛﺎﻝ ﻫﻴﺞ ﻛﺒﻞ ﺣﻈﻨﺖ ﺭﺍﺳﻪ ﺑﺲ ﺍﺳﺘﺤﻲ ﺍﺑﻮﺳﻪ ﺑﺸﻔﺘﻪ ﺑﺴﺘﻪ ﺑﺨﺪﻩ ﺑﻌﺪﻧﻲ ﻛﺎﻋﺪﺓ ﺑﺤﻈﻨﻪ ﻭﺣﺎﻇﻨﻪ ﻭﺟﻬﻪ ﻭﻣﺎﺍﺳﻤﻊ ﺍﻻ ﺍﻟﺒﺎﺏ ﺍﻧﻀﺮﺏ ﻗﻮﻱ ﻣﺜﻞ ﺍﻟﺮﻓﺴﻪ ﻓﺰﻳﺖ ﻭﻛﻤﺖ ﻣﻦ ﺣﻈﻦ ﺣﻤﺰﺓ ﻫﻮ ﻫﻢ ﻛﺎﻡ ﺑﺲ ﻣﺎ ﻣﻬﺘﻢ ﺷﻔﻨﺎ ﺳﻴﻒ ﺍﻟﻀﺮﺏ ﺍﻟﺒﺎﺏ ﻭﻛﺎﻝ
ﺳﻴﻒ ....... ﻓﺎﺗﺤﻠﻲ ﺩﻋـ ......... ﻫﻨﺎ ﻟﺞ ﺑﻨﺖ ﺍﻻﻭﺍﺩﻡ ﺷﻨﻮ ﻫﺎﺍﺍﺍﺍﺍﺍﻱ
ﺣﻤﺰﺓ ......... ﺧﻴﻴﻴﻴﺮ ﻳﺎﺑﺔ ﺷﻨﻮ ﻫﺬﺍ ﺍﻟﺼﻴﺎﺡ ﺳﺎﻟﻤﻴﻦ ﺷﻜﻮ
ﺳﻴﻒ ....... ﺍﻧﺖ ﻣﺎﺗﺴﺘﺤﻲ ﺷﻨﻮ ﻫﺎﻱ ﺗﺒﻮﺱ ﺍﺧﺘﻲ ﻭﺑﺒﻴﺘﻲ
ﺭﻳﺎ ....... ﺧﻔﺖ ﻣﻦ ﻋﻴﺎﻃﻪ ﺧﺘﻠﺖ ﻭﺭﺍﺀ ﺿﻬﺮ ﺣﻤﺰﺓ
ﺟﺎﻭﺑﻪ ﺣﻤﺰﺓ ﻛﺎﻝ
ﺣﻤﺰﺓ ...... ﻭﺍﺫﺍ ﺑﺒﻴﺘﻚ ﺑﺒﻴﺖ ﻏﻴﺮ ﻫﻲ ﺯﻭﺟﺘﻲ ﺑﻌﺪ ﺷﻜﻮ ﻋﺴﻰ ﻣﺎﺍﺑﻮﺳﻬﺎ ﺑﺎﻟﺸﺎﺭﻉ ﺍﻧﺖ ﻳﺎﻫﻮ ﻣﺎﻟﺘﻚ
ﺭﻳﺎ ....... ﺳﻴﻒ ﺩﻓﺮ ﺍﻟﺒﺎﺏ ﻭﻃﻠﻊ ﺻﻮﺗﻪ ﻋﺎﻟﻲ ﻭﻳﺪﺭﺩﻡ ﻭﻳﻌﻴﻂ ﻋﺎﺏ ﺷﻜﻠﻪ ﺻﺪﻙ ﺧﻔﺖ ﻋﺎﺩ ﺣﻤﺰﺓ ﺍﻧﺪﺍﺭﻟﻲ ﻭﺍﺑﺘﺴﻢ ﻭﻛﺎﻝ
ﺣﻤﺰﺓ ....... ﻭﺗﻜﻤﻠﻴﻦ ﻟﻮ ﺍﻛﻤﻞ
ﺭﻳﺎ ........ ﺑﺴﺮﻋﺔ ﺭﺣﺖ ﺟﻤﻌﺖ ﺍﻟﻤﻼﺑﺲ ﺟﻨﺖ ﺍﺳﻔﻂ ﻫﺴﺔ ﻛﻤﺖ ﺍﺷﻤﺮﻫﻦ ﺑﺪﻭﻥ ﻣﺎﺍﺳﻔﻂ ﺟﻤﻌﺖ ﻛﺘﺒﻲ ﻭﻫﻮ ﻳﻀﺤﻚ ﻭﻳﻜﻮﻝ
ﺣﻤﺰﺓ ...... ﻫﻬﻬﻬﻬﻪ ﻟﻮ ﺍﺩﺭﻱ ﻣﻦ ﻣﺴﺎﻉ ﻭﺑﺎﻳﺴﺞ ﻭﻣﺨﻠﻴﺞ ﻫﻴﺞ ﺳﺮﻳﻌﺔ ﺍﺣﺴﻦ ﻣﺎﺍﺑﺎﻭﻉ ﺑﻮﺟﻮﻩ ﻣﺎﺗﺴﻮﺓ
ﺭﻳﺎ ...... ﻳﺒﻮﻭﻭﻭ ﺷﻜﺪ ﺟﺮﻳﺊ ﻭﺍﻟﻠﻪ ﻣﺪﻧﻜﺔ ﻭﻭﺟﻬﻲ ﺍﺣﺴﻪ ﺍﺧﺘﻤﺮ ﻭﺭﺍﺡ ﻳﻨﻔﺠﺮ ﻣﻦ ﻛﺜﺮ ﺧﺠﻠﻲ ﻫﻮ ﺍﺟﺔ ﻭﻛﻒ ﻳﻤﻲ ﺍﺳﻮﻱ ﺭﻭﺣﻲ ﺍﺳﺪ ﺑﺎﻟﺠﻨﻄﺔ ﻭﻣﺨﺒﻮﺻﺔ ﺑﺲ ﺑﺎﻟﻲ ﻳﻤﻪ ﻫﻮ ﺿﺤﻚ ﻭﺷﺎﻝ ﺍﻟﺠﻨﻄﺔ ﻫﻲ ﻣﺎﺗﻨﺸﺎﻝ ﺳﺤﺒﻬﺎ ﺳﺤﺐ ﻭﻟﺰﻡ ﺍﻳﺪﻱ ﻭﻃﻠﻌﻨﺎ ﻭﺍﻟﺤﻘﻴﺮﺍﺕ ﺍﻟﺸﺮ ﻳﺘﻄﺎﻳﺮ ﻣﻦ ﻋﻴﻮﻧﻬﻦ
ﺣﻤﺰﺓ ﻛﺎﻝ ﻟﺒﺎﺳﻞ ﻣﻦ ﻭﺻﻠﻨﺎ ﻟﻠﺒﺎﺏ
ﺣﻤﺰﺓ ....... ﺍﺑﻮ ﻋﺴﻞ ﺍﻧﻲ ﺍﺧﺎﺑﺮﻙ ﻋﻠﻰ ﺍﻟﻌﻘﺪ ﺧﺎﻑ ﻧﺤﺘﺎﺟﻚ
ﺑﺎﺳﻞ ....... ﻣﺎﺷﻲ
ﺭﻳﺎ ......... ﻃﻠﻌﻨﺎ ﺑﺲ ﺍﻧﻲ ﺑﺲ ﺍﺑﺠﻲ ﻣﻦ ﺍﺷﻮﻑ ﺗﻌﺎﻣﻞ ﺍﺧﻮﺍﻧﻲ ﺍﻛﻮﻝ ﻏﻴﺮ ﻫﺬﺍ ﺣﻤﺰﺓ ﻭﺍﺣﻤﺪ ﻭﻣﺤﻤﺪ ﻳﺨﺒﻞ ﺗﻌﺎﻣﻠﻬﻢ ﻭﻱ ﻧﻮﺭ ﻭﺯﻫﺮﺍﺀ ﺷﺒﻴﻬﻢ ﺍﺧﻮﺍﻧﻲ
ﺭﺟﻌﻨﺎ ﻟﻠﺒﻴﺖ ﻭﺑﻌﺪ ﺑﺲ ﻳﻮﻣﻴﻦ ﻭﺗﺨﻠﺺ ﺍﻟﻌﻄﻠﺔ ﺧﻠﺼﺘﻬﻦ ﻇﻮﺟﺔ ﺑﺲ ﺣﻤﺰﺓ ﺟﺎﺑﻠﻲ ﺗﻠﻔﻮﻥ ﻭﺷﺮﻳﺤﺔ ﻭﺗﻠﻔﻮﻧﻲ ﻓﺮﻣﺘﺘﻪ ﺑﻌﺪ ﻣﺎ ﻧﻘﻠﺖ ﺍﻟﺼﻮﺭ ﻟﺘﻠﻔﻮﻥ ﻣﺎﻣﺎ ﻭﺍﻧﻄﻴﺘﻪ ﻻﺑﻦ ﻣﺮﺍﺩ ﻳﻠﻌﺐ ﺑﻲ ﺧﻠﺼﻦ ﺍﻟﻴﻮﻣﻴﻦ ﻭﺻﺒﺎﺡ ﺍﻻﺣﺪ ﻛﻌﺪﺕ ﺏ 6 ﺣﻤﺰﺓ ﺑﺎﻟﻜﻮﺓ ﺷﻠﻌﻨﻲ ﻣﻦ ﺍﻟﻤﺨﺪﺓ ﻟﻤﻦ ﻏﺴﻞ ﻭﺟﻬﻲ ﻭﺍﻧﻲ ﺑﻔﺮﺍﺷﻲ ﻳﺎﻟﻠﻪ ﻛﻤﺖ
ﺗﻮﺿﻴﺖ ﻭﺻﻠﻴﺖ ﻭﺳﻮﻳﺖ ﺭﻳﻮﻙ ﻋﻠﻰ ﺍﻟﺴﺮﻳﻊ ﺟﺎﻱ ﻭﺑﻴﺾ ﺳﻠﻚ ﻭﻋﻨﺪﻧﺎ ﺟﺒﻦ ﻃﻠﻌﺘﻪ ﺣﻤﺰﺓ ﻫﻢ ﻋﻨﺪﻩ ﺩﻭﺍﻡ ﺑﺲ ﺟﺎﻣﻌﺘﻪ ﻗﺮﻳﺒﺔ ﺑﺪﻟﺖ ﺑﺴﺮﻋﺔ ﻭﺧﻠﻴﺖ ﻛﺘﺒﻲ ﺑﺎﻟﺠﻨﻄﺔ ﺗﺮﻳﻜﻨﺎ ﺍﻧﻲ ﻭﺣﻤﺰﺓ ﻭﻃﻠﻌﻨﺎ ﻗﻔﻞ ﺍﻟﺒﺎﺏ ﻭﺍﺧﺬﻧﻲ ﻟﻤﺪﺭﺳﺘﻲ ﻭﺭﺟﻊ ﻟﺠﺎﻣﻌﺘﻪ
ﺩﺧﻠﺖ ﻟﻠﻤﺪﺭﺳﺔ ﺷﻔﺖ ﺻﺪﻳﻘﺎﺗﻲ ﺳﻠﻤﺖ ﻋﻠﻴﻬﻦ ﺷﺎﻓﻦ ﺍﻟﺤﻠﻘﺔ ﺑﻴﺪﻱ ﺗﻌﺠﺒﻦ ﺳﺄﻟﻨﻲ ﺑﺘﻌﺠﺐ ﺷﻨﻮ ﻫﺎﻱ ﻛﻮﻟﺘﻠﻬﻦ ﺗﺰﻭﺟﺖ ﺍﺟﺖ ﻭﺣﺪﺓ ﻭﻳﺎﻧﺎ ﻣﻦ ﺻﺪﻳﻘﺎﺗﻲ ﻫﻢ ﻋﺮﺑﻴﺔ ﻻ ﻛﺮﺩﻳﺔ ﻭﻻﺗﺮﻛﻤﺎﻧﻴﺔ ﺍﺧﺬﺗﻨﻲ ﻋﻠﻰ ﺟﻬﺔ ﺍﺳﻤﻬﺎ ﻧﻴﭭﻴﻦ ﻛﺎﻟﺖ
ﻧﻴﭭﻴﻦ ...... ﺭﻳﺎ ﺑﺼﺮﺍﺣﺔ ﺍﻧﺘﻲ ﺍﻧﻘﻠﺒﺖ ﺣﺎﻟﺘﺞ ﻣﻦ ﻭﻓﺎﺓ ﺍﺑﻮﺝ ﻟﺞ ﺷﻨﻮ ﺻﺎﺭ ﻭﻳﺎﺝ ﺳﻮﻟﻔﻲ
ﺭﻳﺎ ...... ﺻﺪﻛﻲ ﻧﻴﭭﻴﻦ ﻣﺼﺎﺭ ﻭﻳﺎﻳﺔ ﺷﻲ ﺑﺲ ﺣﺒﻴﺖ ﻭﺍﺣﺪ ﻭﺑﺎﻟﻌﻄﻠﺔ ﺗﺰﻭﺟﻨﺎ
ﻧﻴﭭﻴﻦ ....... ﻭﺷﻠﻮﻥ ﺗﺰﻭﺟﺘﻲ ﺍﻧﺘﻲ ﻃﺎﻟﺒﺔ
ﺭﻳﺎ ....... ﺍﻳﻲ ﺑﺲ ﻛﻮﺗﻠﺞ ﺣﺒﻴﺘﻪ ﺷﻠﻮﻥ ﻳﻌﻨﻲ
ﻧﻴﭭﻴﻦ ...... ﻫﻮ ﺷﻨﻮ ﻭﺿﻌﻪ ﻃﺎﻟﺐ ﻟﻮ ﺧﺮﻳﺞ ﻟﻮ ﺷﻨﻮ
ﺭﻳﺎ ........ ﻃﺎﻟﺐ ﻣﺮﺣﻠﺔ ﺭﺍﺑﻌﺔ ﺣﻴﻜﻤﻞ ﻫﺎﻱ ﺍﻟﺴﻨﺔ ﺍﻥ ﺷﺎﺀ ﺍﻟﻠﻪ
ﻧﻴﭭﻴﻦ ....... ﻣﻦ ﺍﺭﺑﻴﻞ ﻣﻮ ﻟﻮ ﻣﻦ ﺍﺧﻮﺍﻟﺞ ﺑﺒﻐﺪﺍﺩ
ﺭﻳﺎ .......... ﻻ ﺍﺭﺑﻴﻞ ﻭﻻ ﺑﻐﺪﺍﺩ ﻣﻦ ﺍﻟﺒﺼﺮﺓ
ﻫﻲ ﺷﻬﻜﺖ ﻭﺿﺮﺏ ﺻﺪﺭﻫﺎ ﻭﻛﺎﻟﺖ
ﻧﻴﭭﻴﻦ ........ ﻣﻦ ﺍﻟﺒﺼﺮﺓ ﻟﺞ ﺷﻴﻮﺩﻳﺞ ﻟﻠﺒﺼﺮﺓ
ﺭﻳﺎ ........ ﺭﺩﻳﺖ ﻋﻠﻴﻬﺎ ﺑﻜﻞ ﺫﻛﺎﺀ ﻛﻮﻟﺘﻠﻬﺎ ﻫﻮ ﻳﺎﺧﺬﻧﻲ
ﻫﻲ ﻫﺰﺕ ﺍﻳﺪﻫﺎ ﻭﻏﻤﺘﻨﻲ ﻛﺎﻟﺖ
ﻧﻴﭭﻴﻦ ........ ﻭﻟﺞ ﻣﻮ ﺣﻠﻮﻳﻦ ﻟﻴﺶ ﺗﺮﻭﺣﻴﻦ
ﺭﻳﺎ ........ ﺭﺟﺎﺀﺍ ﻻﺗﺤﺠﻴﻦ ﻋﻠﻴﻬﻢ ﻛﻠﻬﻢ ﺍﻟﺒﺼﺮﺓ ﻛﻠﻬﺎ ﻻﻥ ﻣﺎﻛﻮ ﻣﻨﻬﻢ
ﻧﻴﭭﻴﻦ ........ ﻟﺞ ﻣﺎﻳﺘﻌﺎﻣﻠﻮﻥ ﻭﻱ ﺍﻟﻤﺮﺓ ﺑﺸﻜﻞ ﺻﺢ ﻳﻀﺮﺑﻮﻥ ﻭﺍﻟﻠﻪ ﺍﻧﻲ ﺍﻗﺮﺃ ﻋﻠﻴﻬﻢ ﺑﺎﻟﻘﺼﺺ ﻭﻫﻢ ﺷﺎﻳﻔﺘﻬﻢ ﺑﺎﻟﺘﻠﻔﻮﻥ
ﺭﻳﺎ .......... ﻛﻤﺖ ﻣﻨﻬﺎ ﻭﻛﻮﻟﺘﻠﻬﺎ ﺍﻭﻭﻭﻭﻭ ﻧﻴﭭﻴﻦ ﻻ ﺗﺤﺠﻴﻦ ﺭﺟﺎﺀﺍ ﻫﺬﻭﻝ ﺍﻟﻤﻮﺯﻳﻨﻴﻦ ﺍﺫﺍ ﻃﻠﺒﺘﻲ ﻣﻨﻬﻢ ﺷﻐﻠﺔ ﻳﻮﻛﻔﻮﻟﺞ ﻗﺒﻞ ﺍﻫﻠﺞ ﺭﺟﺎﺀﺍ ﻻﺗﺠﻴﺒﻴﻦ ﺳﻴﺮﺗﻬﻢ ﺑﺸﻲ ﻳﺰﻋﺠﻨﻲ ﺗﺮﺓ ﻣﺎﺍﻗﺒﻞ
ﻋﻔﺘﻬﺎ ﻭﺭﺣﺖ ﻟﻠﺸﻌﺒﺔ ﺷﻜﺪ ﻇﺠﺖ ﻻﻥ ﺍﻧﻲ ﺟﻨﺖ ﻣﺎﺧﺬﺓ ﻧﻔﺲ ﺍﻟﻨﻈﺮﺓ ﻋﻨﻬﻢ ﺑﺲ ﻃﻠﻌﻨﺎ ﺍﺣﻨﺎ ﺍﻟﻤﻮﺯﻳﻨﻴﻦ
ﺭﺟﻌﺖ ﻟﻠﺸﻌﺒﺔ ﻭﺩﺭﺳﻨﺎ ﻧﻴﭭﻴﻦ ﺍﻋﺘﺬﺭﺕ ﻣﻨﻲ ﻻﻥ ﺣﺠﺖ ﻋﻠﻰ ﺍﻫﻞ ﺍﻟﺒﺼﺮﺓ ﻭﺳﺄﻟﺘﻨﻲ ﻋﻠﻰ ﺍﺳﻢ ﺯﻭﺟﻲ ﻛﻮﻟﺘﻠﻬﺎ ﺣﻤﺰﺓ ﻫﻲ ﻛﺎﻟﺖ
ﻧﻴﭭﻴﻦ ........ ﺟﻨﺘﻲ ﺗﻘﺮﺭﻳﻦ ﺷﻨﻮ ﺗﺮﻳﺪﻳﻦ ﻳﻄﻠﻊ ﺍﺳﻢ ﺯﻭﺟﺞ ﻫﺴﺔ ﻃﻠﻊ ﺍﺳﻤﻪ ﺣﻤﺰﺓ
ﺭﻳﺎ ........ ﻧﻴﭭﻴﻦ ﺭﺟﻌﻨﺎ ﺷﻨﻮ ﻫﻲ ﻋﻔﻴﺔ ﺷﻨﻮ ﻻﺗﺤﺠﻴﻦ ﻋﻠﻴﻬﻢ ﺍﺫﺍ ﻣﺎﺗﺮﺩﻳﻨﻬﻢ ﺍﻧﻲ ﺍﺣﺒﻬﻢ ﺍﺣﺘﺮﻣﻴﻨﻲ
ﻧﻴﭭﻴﻦ ........ ﺍﺳﻔﺔ ﺍﺳﻔﺔ ﻣﺎﺗﻨﻌﺎﺩ ﻭﺍﻟﻠﻪ
ﺭﻳﺎ ........ ﺍﻣﺸﻲ ﺧﻨﺮﻭﺡ ﻳﻢ ﺍﻟﺒﻨﺎﺕ
ﺭﺣﻨﺎ ﻭﺳﻮﺍﻟﻒ ﻭﺿﺤﻚ ﺧﻠﺺ ﺍﻟﺪﻭﺍﻡ ﺑﻴﻦ ﺻﺪﻳﻘﺎﺗﻲ ﻭﺑﻴﻦ ﺍﻟﺪﺭﻭﺱ ﻃﻠﻌﺖ ﺷﻔﺖ ﺣﻤﺰﺓ ﻭﺍﻛﻒ ﺑﺴﻴﺎﺭﺗﻪ ﻭﺑﺼﻔﻪ .....
