رواية المتعجرفة وانا الفصل السابع عشر
تلا سابت علي وركبت عربيتها وكانت مروحه لكن ف نص الطريق حست بوجع جامد ف بطنها ودوخه جامده
ركنت علي جمب و نزلت من العربيه رجعت
فضلت حوالي نص ساعه ف العربيه مش قادره تتحرك فقررت تتصل بحمزه يجي يا خدها
عند حمزه
كان حمزه قاعد مع اصحابه بيضحكوا وفجأه الموبيل رن
حمزه : الو
تلا بتعب:ايوا يا حمزه
حمزه : ايوه يا تلا
تلا : حمزه ممكن تيجي تاخدنيي
انا تعبانه اوي ومش قادره اسوق
حمزه : انتي بره البيت
تلا بوجع: اة يا حمزه مش هبقي ف البيت اكيد واقولك تعالي خدني
حمزه : انتي فين
تلا:انا ف...........
حمزه : طيب انا جيلك حالا
تلا: تمام
وقفلت معاه وفضلت سانده راسها علي الدركسيون
في خلال ربع ساعه حمزه وصل
نزل حمزه من عربيته وركب جنب تلا وانخض من لون وشها الشاحب
حمزه : مالك يا تلا
في ايه
تلا بتعب: مفيش انا كويسه انا بس عايزه اروح ومش قادره اسوق
حمزه : طب تعالي
ونزلها من العربيه وركبوا عربية حمزه
كان باين علي وشها التعب جامد ف خدها علي المستشفي
تلا بتعب : يوووه يا حمزه انت جيبتني هنا ليه
انا كويسه
انا بس محتاجه ارتاح
حمزه : نطمن عليكي
علي الاقل نبقي متأكدين انك كويسه وان ده مجرد ارهاق
يلا انزلي
تلا: يا حمزه مش قادره.
روحني مش قادره اتحرك
حمزه : تلا متخلنيش اشك ان فيه حاجه وانتي مخبياها عليا
اصرارك ان تروحي ده مش مريح
تلا : يعني هكون مخبيه عليك ايه يعني
انا بس مش شايفه ان ليها لازمه
حمزه : يبقي تريحني وانزلي نكشف
علي الاقل اطمن يا ستي
نزل حمزه من العربيه وفتحلها الباب وساعدها انها تنزل
حمزه : لو سمحتي كنت عايز اسأل عن دكتورة نسا الي موجوده دلوقتي
الاستقبال : دكتوره ساره في الدرو التاني يا فندم
حمزه: شكرا
طلع حمزه وتلا ودفعوا حجز مستعجل ومفيش ربع ساعه ودخلوا
وخبطو
حمزه: مساءالخير
الدكتوره: مساء النور اتفضلو
خير
ايه سبب الزياره
حمزه : المدام تعبت فجأه وحبينا نطمن عليها
الدكتوره : طب انتي بتعاني من فقر الدم
تلا : لا
الدكتوره: طيب اتفضلي اكشف عليكي عشان نطمن
وراحت تلا نامت علي سرير الكشف وكشفت عليها الدكتوره
وتلا كانت لسه بتعدل هدومها
طلعت الدكتوره لحمزه
الدكتوره: مبروك يا فندم المدام حامل
حمزه بسعاده : حامل ؟؟
الدكتوره : ايوه يا فندم حامل في الشهر التاني
حمزه : الشهر التاني ؟!
ازاي ؟!
احنا كنا عملين حادثه قريب
الدكتور : الحمد لله ان محصلش مضاعفات للبيبي
وده سبب كافي يخلي الدكاتره ميحطوش في عين الاعتبار حاجه زي ديه
كتب الدكتوره الروشته
الدكتور : هي تاخد الادويه ديه وتهتم بصحتها
حمزه : تمام
شكرا يا فندم
الدكتوره :العفو
و الف مبروك
طلع حمزه وتلا من عند الدكتوره وتلا منطقتش بكلمه من ساعتها
ركبوا العربيه وحمزه عقله بيودي ويجيب
وفحأه وقف العربيه علي جنب
تلا : وقفت ليه
حمزه : مسمعتش صوتك من ساعة ما خرجنا من عند الدكتوره
تلا : وعيزاني اقول
حمزه : قولي اي حاجه
ده ابنك انتي زي ما هو ابني انا كمان
تلا:ابني ال هيجي بين اب وام مطلقين
ابني ال هيجي من جوازه كلها مصلحه
المفروض اني افرح ب ابني واطير من الفرحه وانا عارفه هو هيعيش ايه لما يتولد
حمزه : تلا بلاش استعباط وفكك من التمثيليه السخيفه ديه
مش وقتها تماما
تلا:تمثيليه ايه انت مجنون وانا هعمل تمثيليه عليك ليه اصلا
حمزه روحني
حمزه : هو انتي كل ما تتزنقي معندكيش غير يا حمزه روحني
مفيش مرواح يا تلا الا لما الموضوع ده يخلص هنا وحالا
تلا: موضوع ايه ال يخلص بقاا
حمزه : متعمليش عبيطه يا تلا
انا عارف كل حاجه
تلا اتوترت بس حاولت تبان طبيعيه
تلا: كل حاجه ال هي ايه بقا
حمزه مردش ودور العربيه ومشي في طريق غير البيت
تلا: انت رايح فيين دا مش طريق البيت
حمزه : مردش
تلا بعصبيه: رد عليا انا بكلمك انت واخدني علي فين
حمزه : علي شقتنا
تلا: شقه مين
ما دا مش طريق الشقه
رد عليا هو انا بتكلم هندي
حمزه : شغله بالك بأيه يا تلا
انا جوزك يعني مش هخطفك
اشغلي بالك في حاجه اهم
ودوريلك علي حجه تتطلعي بيها نفسك من بين اديه
ده هيكون افيدلك
تلا: اطلع نفسي من بين ايديك
انا تلا الهلالي يا حمزه متنساش دا مش محتاجه حجج اطلع بيها
حمزه : هنشوف
وصل حمزه لعماره فخمه في حي راقي
حمزه : انزلي
تلا: طيب
ونزلت معاه وطلعو الشقه
اول ما دخلت الشقه اعجبت بيها و زوقها حلو اوي
بس مبينتش داا
تلا:وانت جايبني هنا ليه بقا ان شاء الله
حمزه : عشان مش عايز اتخانق معاكي قدام امي وحنين
دلوقتي احنا في بتنا ولوحدنا ويا ريت بقي كل واحد يطلع الي جواه
تلا: لو انت ناوي تتخانق انا مش ناويه انا تعبانه وداخله انام
حمزه مسكها من ايديها وشدها
حمزه : مفيش نوم يا تلا الا لما اعرف انتي ناويه علي ايه
تلا: سيب ايدي هكون ناويه علي ايه يعني ناويه اطلق
حمزه بعصبيه : تلا انا عارف انك مش فاقده الذاكره ولا نيله وكل الي انتي بتعمليه ده تمثيليه
ممكن افهم بقي ليه كل ده
تلا: انت بتألف حكايات ف دماغك وبتصدقهاا
حمزه بعصبيه : امال ايه الحقيقه
ايه تفسيرك انك عارفه كل حاجه بتنرفزني وبتعميليها ايه تفسيرك لما عرفتي مكان ملف مازن الي انا بنفسي نسيته
ايه تفسيرك انك حامل ولسه طلعه من المستشفي مفيش اسبوع معقوله مخدوش بلهم انك حامل
ولا عرفوا وقلولك وكتمتي علي الموضوع
ماهو مش ممكن تعدي عليهم كده ده انتي كنتي في غيبوبه
ولا ديه كمان كانت من ضمن التمثيليه
ولا يكنش الحدثه كلها تمثيليه و انا مش واخد بالي
ها
ردي عليا يا تلا هانم
سمعيني صوتك
فين لسانك الي كان اد كده من شويه ايه كالته القطه
تلا بصوت عالي وعصبيه : اة يا حمزه كنت عارفه من يوم ما كنت ف المستشفي وانا ال اتفقت مع الدكتور يقولك كداا وميقولكش اني حامل
حمزه بعصبيه : ليييبه
ليه بتعذبني ليييبه
ليه خبيتي عليا اني هبقي اب
تلا :متقنعنيش يا حمزه انك تكون عايزني عشان شخصيتي وعشاني انا بس مش عشان فلوسي
اذا كان امي ال هي امي بتكلمني كل ما تعوز فلوس وبسس
وعمي ال انا من دمه بردو عايزني عشان الفلوس انا محدش حبني ولا هيحبني الا ابويا يا حمزه
حمزه بعصبيه: فوقي بقي يا شيخه من ام الوهم الي انتي عايشه فيه ده
انا مش عايز منك لا فلوس ولا غيره وشركتك بكره الصبح هرجعهالك تاني باسمك بس يا ريت يا تلا بقي نخلص من ام القرف ده وتقتنعي ان انا بجد بحبك مش بحب فلوسك
لاني خلااااص تعبت تعبت ومش قادر استحمل
تلا : وانا كمان تعبت
مش قادره احدد مين معايا ومين ضددي😭😭
حمزه : انتي الي عامله في نفسك كده
تلا: انا يا حمزه انا
هو حد هيعوز لنفسه المشاكل
حمزه : وهي في وحده تعمل الي انتي عملتيه ده في جوزها
ياشيخه حرام عليكي
مفكرتيش ردت فعلي هتبقي عامله ازاي لما اعرف انك كدبتي عليا
مفكرتيش فيه وانا بشيط من كتر الغضب وانا شايفك مع الزفت علي ده
تلا : حمزه انااااا.....
حمزه : انا نازل مشوار وراجع تاني
هنبات هنا انهارده
سلام
نزل حمزه وهو في قمة غضبه من تلا
وخد العربيه وفضل يتمشي بيها بيحاول يهدي
عند تلا
انهارت تلا من العياط
تلا : انا غبيه غبيه
انا هخسر كل حاجه بسبب غبائي ده
انا هخسر اكتر شخص خبيته في حياتي واكتر شخص حسيته راجل وواقف جنبي بسبب غروري وكبريائي ده
فينك يا بابا انا محتجاك جنبي دلوقتي
