رواية دخيل في بيتنا الفصل السابع عشر بقلم جمانه السعيدي
سعاد...من تخلصين امتحانات نتفق على يوم
بس لأول لازم يكون ابوج عنده علم
والأهم تنتبهين الدراستج اتفقنا
ايه...انتي احجي ويااا
ثاني يوم ابوها دزها للكليه ورجع
سعاد...اكو موضوع اريد احجي وياك بي
علي...شنو
سعاد...ايه اكوو ولد يدرس طب عام يريد يتقدملها
علي...صدك تحجين ايه كبرت وتربد ترتبط
اني بتي ماازوجها ماكو واحد يستاهلها
سعاد...ياااا هههه تريد تبقيه يمك ماتزوج
علي...بس جيبلي واحد يستاهل ياخذها هاي ماسه
ياقوته ماانطيها
سعاد...الولد يحبها ومادام يريد يتقدملها يعني صادق وياها اني اعرف ايه مو بسهوله تقبل باي واحد
انت علمته على عزت النفس
علي...يابويه انهبت شلون انطي بتي اني مااريدها تزوج
سعاد....خل نشوف الولد وبعدين نقرر
اني اتفقت وياها اذا مايعجبنا ماكو ارتباط
علي...وهو شدعوه هلكد مستعجل خل تخلص كليه
سعاد..اني اتفقت وياها ماكو اي ارتباط قبل لا تخلص كليه وجيب الشهاده بايدها
علي...بعد وكت
سعاد...يريد يحجزها خاف تروح من ايدا
علي...شوفي مو كتلج بنتي ماكو منها
سعاد... ايه عاقله واني اثق بتصرفاته
جمانه السعيدي
علي... بعمري مافكرت ايه تزوج وتعوفني
سعاد...كل البنات تزوج شمعنا ايه
علي...انتي ماتعرفين اني شكد احبها
سعاد...الله يحفظك اله
كانت هاي فترة امتحانات وايه مانزلت بهاي الايام
شكد.دراسته صعبه
لمن خلصت الامتحانات اني من يمي القلق اخذني عليه
طبعا ابوها كل اسبوع يروح يشوفها ويجي
يكول مااكدر اتحمل فراكه
شلون اذا ازوجت بغداد
يمكن يروح يسكن يمها
حسن هنا عرف عن طريق بيت عمي اكو واحد يريد يتقدم الايه
كان طمعان بيها راح تصير صيدلانية
اجانا للبيت اني استغربت من جيته شعجب هو مايجبنا ابد
كعد وكال اني سمعت ايه جايها واحد يتقدمله
ترا اني اريدها العلاوي
طبعا علاوي اكبر منها ١٢ سنه
وما مكمله دراسته وكاعد عطال بطال
سعاد...شنو يعني تريدها هي لعبه
حسن...اي اني خالها وهو ابن خالها يعني اولى من الغريب
سعاد...انت تحجي صدك ابنك ووين هي ووين
بتي تاخذ بكيفها
الي هي تريدا وترغبه
روح شوف ناس غيرنا واخطب منهم
جمانه السعيدي
حسن...شنو بتج احسن من ابني علي ليش ساكت ماتحجي
علي...خويه لا تزعل ابنك مامخلص دراسته والبنيه
انشاء الله كم سنه وتتخرج دكتوره
هذا الزواج مايصير
حسن...ترا أنهى عليه
سعاد...شتريد تسوي سوي بتي تاخذ الي احنا نقتنع بي
وين بعد اكو نهوه
حسن...هاا هيج شايفين نفسكم علينا
سعاد...هذا حق مابي زعل
طلع حسن زعلان لو تنطيني ايه الابني
لو ازعل
واني وين عقلي اخلي بنتي تصير جنه عد غفران
قبل كدر يزوجني غصب لان جنت لا حول ولا قوه
بس هسه مااسمح الاي احد يغصب ايه على شي ماتريده
مستعده اخسر كل الاهل والاقارب
بس ايه تعيش سعيده
راح ودفع امي عليه حتى تقنعني بهاي الزواجه
بس اني رفضت
لو مو امي ابد ابد ماانطي ايه الابن حسن
غفران راحت وكامت تحضر بعمي وخالتي على علي
اسمعو ستكول على ابه
تمشي بغداد بكيفه كل يوم مصاحبتلها واحد
بنيه ومتيهينها وحدها
امها تشجعها محد كبل كدر السعاد
وهسه بتها طالعه عليها
هسه تجي حبله وسعاد اطمطم الها
رايحه جايبتنلنا واحد مدري منيين مامنيين وماتقبل تنطيها العلاوي
شنو هذا الي جايها احسن من علاوي
نسوان تمشي بكيفه
مااعتب عليها اعتب على اخوي الشفيه لا يحل ولا يربط
يمشي بكيفها
هسه انشاء الله تطلك وترجع عليهم
اله احني اديه اذا تطلكت ايه ورجعت الاهلها
جمانه السعيدي
سعاد...علي راح البيت عمي ورجع متخبل من كلام غفران
شكد حاقده علينا
مايهمني غفران ولا حسن
اهم شي سعادة بنتي
المهم حددنا يوم للتعارف اهل هذا الولد راح يجون
حتى نتعارف على بعض
رحت جبتلها فستان ناعم حلوو تركواز فاتح
وحجاب بيج رتبنا البيت وجبنا حلويات وكرزات
بقينا ننتضرهم
اندكت الباب علي وإخوانها طلعو استقبلوهم
اجا حمودي ....ماما طلعو كرايبنا
سعاد...كرايبنا شلون
حمودي...بابا يكول تعاي سلمي عليهم
سعاد...اي اجيت
لبست عباتي ورحنا اني وايه
دخلت جان انصدم محمود وزوجته وابنه
بقيت واكفه مامصدكه محمود بعد كل هاي السنيين
صار شكد ماشايفته ايجوز ٢٨ سنه اني مشايفته
نسيت اسلم
بقيت جامده بمكاني
علي...هاي شبيج انصدمتي اني هم انصدمت مثلج
مامتوقع الولد ابن محمود
سعاد..انتبهت النفسي السلام عليكم
ابتسم ورد السلام علبكم السلام شلونج ام حمودي
سعاد...الحمد لله انت شلونك
رائد...همزين طلعنا اقارب يعني ايه طلعت بت عمي
بت عمتي
علي...اني بعدني ماموافق ايه مااريد ازوجها
رائد...عمو لاتخاف نكعد على كلبك
سعاد.. سلمت على زوجت محمود وكعدت مجاي اكدر استوعب الموقف
معقوله الزمان يدور ويرجع يجمعنا سوا
ماقسملنا نرتبط بس قاسم الابنائنا يرتبطون
شنو هاي المصادفه العجيبه
يمكن لو شايفه هاي اللقطه بفلم جانت كلت شنو هاي المبالغه
ماكو هيج صدفه ابد
جمانه السعيدي
حيل اذكرت كل ذيج الايام الي مرت
انتبهت محمود يحجي وياي
محمود...شلونج ام حمودي انشاء الله بخير
سعاد...تسلم الحمد لله
انت شلونك سمعت تعبان
محمود...من الجكاير حيل أثرت عليه
سعاد....سلامتك الف سلامه
محمود...الله يسلمج بعد كبرنا خلاص العمر مشى بينا بسرعه
علي...شعجب عفت الحياة هناك ورجعت للعراق
محمود...خفت اموت هناك وابقى غريب ومدفون بارض غربه
الغربه ماتنراد ابد
بعدين ولدي اريدهم يعيشون ويتعلمون على العراق
جذب احد يكول الغربه حلوه
الغربه مرض وما تتعالج منه اله ترجع الاهلك ووطنك
سعاد...ولله عجيبه هاي الدنيا ما متوقعه واحد بلالف ممكن التقي بمحمود مره ثانيه
لا مو لقاء عادي ابنه يحب بنتي
بقيت كل الكعده واني مصدوه ومااعرف احجي
بس الصراحه ابنه مبين مرتب
كلامه حلووو
وأهم شي ايه تحبه اني قررت ابد مااعيد الشي الي صار وياي
بتي تاخذ الانسان الي تحبه ومقتنعه بي
حتلو طلع اختيارها غلط هي تتحمل نتائج هذا الاختبار
اهم شي تكون مقتنعه
كلما ارفع عيني الكه محمود عينه عليه ومبتسم
يمكن مامصدك الضروف رجعت جمعتنا مره ثانيه
لا وراح نصير نسايب
على العموم اني الماضي كله نسيته بس مصدومه
من هاي المفاجئه
تمت الخطبه على خير وابد ماقصرو وياا ايه
المهم بنتي فرحانه وسعيده
باقي الأشياء مو مهمه
جمانه السعيدي
بقت ايه مخطوبه لمن خلصت كليه
يعني لمدت ٣ سنوات
اني ماقبلت تزوج منا لمن تكمل دراسته
تخرجت اية سنة ٢١ من الكليه واتزوجت بداية ٢٢
السنه بداية ٢٤ صار عدنا حفيد مشترك اني ومحمود
حفيد مشترك اني ومحمود ياسبحان الله
من لحظة الخطوبه اعتبرت محمود اخ عزيز عليه
وخاصه بعد ماتقدم ابنه وخطب بتي
اني مزوجه واحب زوجي وتمسكه بعائلتي كلش
الماضي راح وندثر احنا اولاد اليوم
أولادي ازوجو ثنيينهم ازوجو قبل ايه
الجبير ساكن بيت قريب علينا
والزغير ويانا بلبيت
قبل لا تتخرج ايه بسنه وحده امي توفت
اما شلون اكتشفنا امي سجلت البيت الحسن
بعد وفاة امي أكرم طالب بحصته ساعته اكتشفنا البيت باسم حسن
كلنا تعاركنا ويااا انسان استغلالي هو وزوجته
يردون يحصلون كلشي وحدهم
بلكوه قبل ينطي حصه الااكرم واحنا البنات كلشي ماحصلنا منه
خلي ياخذ حصصنا بلدنيا ووين يروح من رب العالمين بلاخره
فرغت نفسي للصلا قضيت كل الصلا الي بذمتي
التزمت بصلات اليل
التسبيح والاستغفار طول النهار
دائما اني وعلي نروح للزياره رحنا للعمره اكثر من مره
كل يوم اتمسك بعلي واولادي اكثر
الحمد لله اعتقد كدرت اتمم رسالتي
ماقصرت وياا اي احد منهم
بلاخير مو كلشي نتمنا نحصله
ولا كلشي نحبه ونريده يكون بي مصلحتنا
ماكل مايتمناه المرء يدركه
تجري الرياح بما لا تشتهي السفن
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
