رواية عشق الريان الفصل الثامن عشر
في مكتب مراد – مديرية الأمن
مراد وهو ماسك الملف، ملامحه متشددة جدًا:
مراد: الصفقة دي لو تمت… البلد كلها هتتضر.
بيتحرك علي بخطوات ثابتة:
علي: فعلاً يا باشا، واسم "أدهم" ده مش طالع صدفة، الراجل ده بيتحرك بذكاء… وكل خيوط القضية وراه
مراد بعصبية هادية:
مراد: عشان كده لازم نلعبها صح… مش أي حد ينفع يدخل المهمة دي.
بيفتح التليفون وبيكلم ريان:
مراد: حضره الرائد انت و رائد مهاب عايزك عندي في المكتب حالًا
---
في مكتب مراد
ريان ومهاب دخلوا، لقوا مراد وعلي مستنيينهم
مراد: الملف ده فيه تفاصيل خطيرة جدًا عن "أدهم"، ااجل ده هدفنا الجديد… بس اللعب معاه نار
مهاب بحماس: نار إيه يا باشا؟ إحنا ولاد النار
ريان بيبص له بحدة: ركز يا مهاب، الموضوع أكبر هزارك
علي: عندنا معلومة إنه في صفقة كبيرة هتتم خلال أسبوع… ولازم نحدد مكانها قبل ما تتم
مراد بحزم: وده معناه إنكم العملية دي… ومش هقبل أي غلطة
---
: نفس الوقت
المجهول ، بيكلم حد في التليفون:
المجهول: متقلقش… كله ماشي زي ما خططنا. امبارح كانت فرحة بالنسبة لهم… بس الأيام اللي جاية هخليها تتحول لكابوس
وبيقفل الخط وهو مبتسم بخبث
---
في القسم
مراد واقف قدام الطاولة، وعلي واقف جنبه بيسرد المعلومات:
ريان : يا فندم… بعد التحريات، طلع إن “أدهم” مش هو الرأس الكبيرة. هو مجرد واجهة… المنفذ
مراد باستغراب: واجهة؟! أمال مين اللي وراه؟
علي: في حد بيلقبوه "البُص الكبير". محدش يعرف اسمه الحقيقي… بس هو اللي بيحرك كل الخيوط من ورا الستار
مهاب وهو مهزوز للحظة: يعني كل اللي عملناه كان مع واحد كلب صغير؟!
مراد بحدة: بالظبط… وإحنا مش هينفع نتحرك للخطوة التانية غير لما نعرف مين البُص الكبير ده
ريان وهو بيقلب في الملف: في ورقة غريبة هنا… مش مفهومة، بس شكلها شيفرة
علي: دي اتجمعت من مكالمة مشفرة… واللي باين منها إن في عملية ضخمة جدًا جاية، وأدهم مجرد ترس صغير فيها
اللوا مراد: عشان كده أنا عايز عينكم على "أدهم" خطوة بخطوة… لأنه لو وقع، هنقدر نوصل للي فوقه
___
في قصر الالفي
الجد سليمان بفرحه: الواحد مبسوط اووي من ليله امبارح
ليلي و هي مبسوطه: ايوا يا عمي كانت ليله حلوه و الكل كان مبسوط و سجده و دنيا كانوا زي القمرات
هدي بابتسامة: فعلا معاكي حق
الجد سليمان: بفكر اروح انهارده الشركه
ليلي: بس حضرتك تعبان يا عمي
الجد سليمان بابتسامة و فرحه: تعبان ايه بس يبنتي و بعدين انا بقيت كويس و مبسوط.. و هروح معا السواق.. و بيمشي
نور: وانا كمان يا ماما هروح لعمار
شهيره: و هتروحي تعملي ايه ان شاءلله واحد في شغله
هدي بحده: رايحه لخطبها يا شهيره ايه المانع بقا
شهيره و هي بتقوم: ولا حاجه
-----
في شركه الشرقاوي_ (شركه عمار)
سكرتيره بتدخل بمياعه: دا ملف يا عمار بيه
عمار بجديه: تمام اخرجي
سكرتيره و تدعي مي: امم ماشي.. و لكن بتقف لما بتلمح علي شاشه الكاميرات دخول نور.. و فجأه بتقعد علي حجر عمار و تبوسه
بيتصدم عمار و لسه هيزقها.. بيلاقي نور واقفه و دموع مغرقه وشها
عمار و هو بيبلع ريقه: نور اسمعيني و الله هي
بتجري نور و تخرج بره شركه
بيجري عمار وراها بس قبل مايطلع بيبص ل مي
عمار بفحيح: انا هوريكي يا زباله
عمار و هو بيجري وراها
عمار: نور اهدي اسمعيني
نور و هي بتجري علي طريق: ابعد عني
عمار بخوف عليها: طب اهدي والله هفهمك.. و مكملش الجمله و كانت في عربيه هتخبط نور.....
--------
في قصر البحيري
هنا: يلا يا بنات نسمع فلم سوا
دنيا بحماس: اشطاا
سجده بضحك: وانا هحضر مقرمشات
هنا: وانا هشغل الفلم
دنيا: امم و انا هجيب المشروبات
هنا: يبقا اتفقنا
و كل واحد عمل حاجه.. و اتفرجو علي الفلم في جو من ضحك و الهزار
دنيا: هيحح خلص هطلع بقا ارن علي هوبا
سجده بضحك: يبقا انا هرن علي ريان
هنا بمرح: ولا دا ولا دا يا حلوه انتي و هي يلا علي المطبخ نحضر الغدا سوا الخدم اجازه النهارده
دنيا برفعه حاجب: و ليه بس كده يا هنوون الله.. مش لازم اطمن علي قره عيني
هنا بنفس رفعه الحاجب: والله يختيي
دنيا: دا حتي ابنك يعني
هنا بسخريه: يلا يحبيبتي انتي و هي علي مطبخ بلا ابني ولا بتاع
بتنفجر سجده من ضحك عليهم..
سجده: لا لا مش قادره.. يلا يلا نلحق نعمل اكل قبل ما يجوا
-----:
في القسم.. عند مهاب و ريان
مهاب بتعب: مكنتش اعرف ان المهمه دي صعبه كده
ريان بسخريه: لحقتي تعيبتي يا بيضه
مهاب برفعه حاجب: يبني انا مش عارف بتجيب صحتك دي منين
ريان: بتقر عليا.. طب اسكت عشان عينك وحشه
مهاب: لا لا انا اروح اكل مش قادر و ارجع تاني.. ما تيجي معايا
ريان باستغراب: طب ما نتطلب اكل بدل ما نروح المشوار دا
مهاب بابتسامة: لا ما دنيا وحشتني و عايز اشوفها
ريان: وانا كمان سجده وحشتني بردو
مهاب بسخريه: ايه يا بابا في ايه مالك انا موجود قدامك ولا شفاف راعي اني اخوها حتي
ريان: اسكت يا حبيبي اسكت
مهاب و هو بيقوم: طب انا رايح هتيجي ولا ايه
ريان بابتسامة: تمام مفيش مشكله..
و هما خارجين شافوه علي
علي باستغراب: رايحين فين
مهاب بابتسامة: هناكل تيجي معانا
علي بضحك: هتاكلو فين
ريان بضحك: في القصر عنده
علي بصدمه: بجد.. هتروحو المشوار دا كله.. طب ما نتطلب اكل
مهاب بتوتر: لا اصل مش بعرف امل غير من ايد هنوون حبيبتي
علي بسخريه: امم وانت يا سي ريان مش بتعرف تاكل غير من ايد هنون بردو
ريان: لا يا ظريف رايح اشوف خطيبتي
علي بضحك: طب يلا ربنا معاكم
مهاب: يلا يا حبيبي هتيجي معانا يا يباشا
علي بنفي و ضحك: لا لا ما انا سنجل البائس في الموضوع
مهاب: يا عم انجز يلا و بيزقوه..
---
في قصر البحيري
بيوصل مراد
مراد: مساء الخير
الكل: مساء النور
هنا باستغراب: مهاب فين
مراد: في القسم و عنده شغل كتيرر.. بيقطعه رنه تلفونه
مراد: ثانيه واحده و بيرد
مراد: ايه يا حيوان
مهاب بضحك: يالهوي مبتعملش حاجه في حياتك غير انك تشتمني
مراد: انجز ياض
مهاب: قول لهنون ان انا و ريان و علي جايين نتغدا و وقعين من جوع
مراد: ماشي يا زفت
مراد: مهاب جاي و معا علي و ريات هيتغدوا هنا يا بنات
سجده بضحك: بجد
مراد بضحك: بجد
سجده: طيب يلا سلاموز بقا هطلع احضر نفسي خطيبي جاي... يلا يبت يا دنيا تعالي
هنا بضحك: واقعين واقعين يعني
مراد: سيبك منهم.. و بيكمل بغمزه انتي عامله ايه وحشتيني يا هنوون
هنا بخجل: الولاد ممكن يجو في اي لحظه لازم اكمل بقيت الاكل و بتجري علي مطبخ
بيضحك مراد عليهااا
---
بعد شويه بيوصلو الشباب
هنا بابتسامة: يا نرحب يا مرحب نورتنا يا شباب
علي و ريان: بنورك يا هنون
مهاب: بنورك يمزه
هنا برفعه حاجب: لا انا برحب بيهم هما و مش برحب بيك.. وبعدين بطل اسلوبك دا
ريان بسخريه: سرسجي
مراد: اهلا يا شباب نورتو
ريان و علي: بنورك يباشا
هنا: يلا يا شباب الاكل علي سفره
مهاب و ريان في صوت واحد فين دنيا /فين سجده
مراد بخبث: قولتلهم محدش ينزل
ريان و مهاب بصدمه: نعم دا احنا جايين عشانهم
بيضحك علي عليهم
علي: يا اغبياء وقعكم
مراد: اه يا ولاد ***سايبين شغلكم و جايين للبنات
مهاب: انا مليش دعوه ريان هو اللي قالي
ريان: انا يا حيوان
مهاب: ايوا يا ريان هتكدب
بتقطعهم هنا.. يلا يا شباب اقعدو بس الاول و بعد كده اتخانقوه
ريان: والله لهوريك.. بيقطعه نزول سجده
سجده بخجل و ابتسامه: اهلا بيكو نورتنا
ريان بابتسامه: دا بنورك يا حبيت.. و بيقطعه مهاب
مهاب: كمل الجمله كمل كده
ريان بغيظ: يبني انت عايز مني ايه انت مالك
دنيا بضحك من وراه مهاب..
دنيا: دا بيحشر نفسه في اي حاجه
مهاب: بقا كده و انا اللي سايب شغلي و جاي اشوفك
مراد بسخريه: اتنيلو اطفحو يلا
ريان: بقولك يا علي.. بيسكت لما يلاقي علي مفترس الاكل
ريان بسخريه: ايه يبني دا
علي: اسكت يعم الواحد بطنه عفنت من اكل بيت
بتضحك كل من سجده و دنيا
هنا بابتسامة: كل يا حبيبي و سيبك منهم
و بياكلوه في جو من الهزار و ضحك و مناغشه مهاب و ريان
