رواية المتشردة والغيور الفصل التاسع عشر بقلم مرج البحر
ﺭﻳﺎ ...... ﺟﻨﺖ ﺑﻐﺮﻓﺔ ﻣﻬﺎ ﺍﺗﻌﻠﻢ ﺷﻠﻮﻥ ﺍﺧﻠﻲ ﻣﻜﻴﺎﺝ ﻭﺗﻜﻮﻟﻲ ﻫﻴﺞ ﺳﻮﻱ ﻭﻫﻴﺞ ﺳﻮﻱ ﺟﺎﻱ ﺗﻌﻠﻤﻨﻲ ﻋﻠﻰ ﺍﻻﻳﻼﻳﻨﺮ ﺟﺮﻳﺖ ﻋﻴﻦ ﺑﺲ ﻣﻮ ﻋﺪﻟﺔ ﺍﺟﻴﺖ ﺍﺟﺮ ﺍﻟﺜﺎﻧﻴﺔ ﺳﻤﻌﺖ ﺗﻠﻔﻮﻧﻲ ﺑﺎﻟﻐﺮﻓﺔ ﺍﻟﺜﺎﻧﻴﺔ ﻳﺪﻙ ﻋﺮﻓﺘﻪ ﺣﻤﺰﺓ ﻛﻤﺖ ﺭﻛﻀﺖ ﺷﻔﺘﻪ ﻫﻮ
ﻓﺘﺤﺖ ﺧﻂ ﺳﻤﻌﺘﻪ ﺻﺎﺡ
ﺣﻤﺰﺓ ....... ﺣﺒﻴﺒﻲ ﻓﻴﺼﻞ ﻣﻤﻨﻮﻧﻠﻚ ﻣﺎﺗﻘﺼﺮ
ﺭﻳﺎ ......... ﺷﺒﻲ ﻫﺬﺍ ﺍﻟﻮﻭﻭ ﺣﻤﺰﺓ ﻫﺎﻱ ﺍﻧﻲ ﺭﻳﺎ
ﺣﻤﺰﺓ ....... ﻻ ﺟﺎﻳﻚ ﺟﺎﻳﻚ ﺍﻥ ﺷﺎﺀ ﺍﻟﻠﻪ ﺍﻳﻲ ﺑﺎﻟﻠﻴﻞ
ﺭﻳﺎ ....... ﺣﻤﺰﺓ ﻫﺎﻱ ﻭﻳﺎﻣﻦ ﺗﺤﺠﻲ
ﺣﻤﺰﺓ ....... ﺍﻟﻮﻭﻭ
ﺭﻳﺎ ....... ﻭﻳﺎﻙ ﺣﻤﺰﺓ ﻭﻳﺎﻣﻦ ﺟﻨﺖ ﺗﺤﺠﻲ
ﺣﻤﺰﺓ ........ ﻫﺎﺍ ﺷﻮﻛﺖ ﻓﺘﺤﺘﻲ ﺧﻂ
ﺭﻳﺎ ........ ﻣﻦ ﻛﻮﻟﺖ ﺣﺒﻴﺒﻲ ﻓﻴﺼﻞ
ﺣﻤﺰﺓ ....... ﺍﻳﻲ ﻫﺬﺍ ﻭﻟﺪ ﺻﺎﺣﺒﻲ ﻋﺰﻣﻨﻲ ﺍﻧﻲ ﻭﺍﻟﻮﻟﺪ ﺷﻠﻮﻧﺞ ﺍﻧﺘﻲ
ﺭﻳﺎ ...... ﺗﻤﺎﻡ ﺍﻧﺖ ﺷﻠﻮﻧﻚ
ﺣﻤﺰﺓ ........ ﺍﻭﻭﻭﻭﻑ ﻋﻠﻰ ﺍﻟﻠﻪ
ﺭﻳﺎ ........ ﺣﻤﺰﺓ ﺷﻜﺎﻟﻮ
ﺣﻤﺰﺓ ....... ﻛﺎﻟﻮ ﺍﻟﻜﺎﻟﻮ ﻣﺎﻋﻠﻴﺞ ﺑﻴﻬﻢ ﻣﺎﺍﻋﻮﻓﺞ ﻭﺍﻟﻌﺮﺱ ﻭﺭﺍﺀ ﻣﺎﻧﺨﻠﺺ ﺍﻣﺘﺤﺎﻧﺎﺕ
ﺭﻳﺎ ........ ﺣﻤﺰﺓ ﻭﺍﻫﻠﻚ ﺷﻠﻮﻥ
ﺣﻤﺰﺓ ....... ﻏﻴﺮ ﺍﻫﻠﻲ ﻭﻳﺎﻱ ﺑﻌﺪ ﺷﻜﻮ
ﺭﻳﺎ ........ ﺍﻗﺼﺪ ﻋﻤﺎﻣﻚ
ﺣﻤﺰﺓ ....... ﻳﺎﻫﻮ ﺍﻟﻴﺘﺰﻭﺟﺞ ﺍﻧﻲ ﻟﻮ ﻋﻤﺎﻣﻲ ﻣﺎﻟﺞ ﺷﻐﻞ ﺑﻴﻬﻢ
ﺭﻳﺎ ....... ﺭﺍﺡ ﻳﺼﻴﺒﻚ ﻭﺟﻊ ﺭﺍﺱ ﻣﻨﻲ
ﺣﻤﺰﺓ ....... ﻭﺍﻧﺘﻲ ﺷﻌﻠﻴﺞ
ﺭﻳﺎ ....... ﺍﻧﻲ ﺍﻟﺴﺒﺐ ﺣﻤﺰﺓ ﺧﻠﻴﻨﻲ ﻳﻄﺒﻨﻲ ﻣﺮﺽ
ﺣﻤﺰﺓ ...... ﺭﻳﺎ ﺍﻧﻲ ﻭﻛﻔﺖ ﻛﺪﺍﻡ ﻋﻤﺎﻣﻲ ﻭﺻﺤﺖ ﻭﺑﻌﺎﻟﻲ ﺻﻮﺗﻲ ﻭﻛﻠﺘﻠﻬﻢ ﺍﺣﺒﻬﺎ ﻭﺍﺭﻳﺪﻫﺎ ﻭﺷﺘﺴﻮﻭﻥ ﺳﻮﻭ ﻭﻣﺎﻋﻮﻓﻬﺎ ﻭﺍﻧﺘﻲ ﺗﻜﻮﻟﻴﻦ ﻋﻮﻓﻨﻲ ﺭﻭﺣﻲ ﺭﻳﺎ ﺍﻟﻜﻼﻡ ﻭﻳﺎﺝ ﻳﺴﺪ ﺍﻟﻨﻔﺲ ﺑﺎﻟﻌﺒﺎﺱ
ﺭﻳﺎ ........ ﻗﻔﻞ ﺍﻟﺨﻂ ﺑﻮﺟﻬﻲ ﻛﻌﺪﺕ ﻣﺤﺘﺎﺭﺓ ﺷﺴﻮﻱ ﺍﻭﻭﻭﻑ ﺍﻟﻠﻪ ﻳﺨﻠﺼﻚ ﺣﻤﺰﺓ ﻣﻦ ﻫﺬﺍ ﺍﻟﻬﻢ ﺍﻟﺠﺒﺘﻪ ﻟﻨﻔﺴﻚ ﻛﻤﺖ ﻃﻠﻌﺖ ﻳﻢ ﻣﻬﺎ ﺍﺣﺎﻭﻝ ﺍﻏﻴﺮ ﻣﻦ ﻧﻔﺴﻴﺘﻲ ﺑﺎﻟﺴﻮﺍﻟﻒ ﻭﻳﺎﻫﺎ ﻭﻛﻞ ﺷﻮﻱ ﺍﺗﺼﻞ ﻳﻨﻄﻴﻨﻲ ﺭﻓﺾ ﺑﺎﻻﺧﻴﺮ ﺻﺎﺭ ﻳﻜﻮﻝ ﻣﻐﻠﻖ
ﻟﻞ 12 ﺑﺎﻟﻠﻴﻞ ﺍﺑﺎﻭﻉ ﻟﻠﺸﺎﺭﻉ ﻣﻦ ﺍﻟﺸﺒﺎﻙ ﻓﺮﻍ ﻣﻦ ﺍﻟﻌﺎﻟﻢ ﻣﻬﺎ ﺭﺍﺣﺖ ﻧﺎﻣﺖ ﻭﻗﻔﻠﺖ ﺍﻟﺒﺎﺏ ﺍﺧﺎﻑ ﺍﻧﺎﻡ ﻻﻥ ﺍﺣﻨﺔ ﺑﺲ ﺑﻨﺎﺕ ﺍﻧﻲ ﻭﻣﻬﺎ ﻛﺎﻡ ﻋﻘﻠﻲ ﻳﺠﻴﺐ ﻭﻳﺨﻠﻲ ﻛﺪﺍﻣﻲ ﻫﺴﺔ ﻳﺪﺧﻞ ﺣﺮﺍﻣﻲ ﻭﺍﺭﺟﻊ ﺍﻛﻮﻝ ﺍﻟﺤﺮﺍﻣﻲ ﺷﻤﺪﺭﻱ ﻣﺎﻛﻮ ﺭﺟﺎﻝ ﺑﻌﺪﻳﻦ ﺍﻛﻮﻝ ﺍﻛﻴﺪ ﺍﻟﺤﺮﺍﻣﻲ ﻣﺮﺍﻗﺒﻨﺎ ﻭﺍﻛﻴﺪ ﻫﺴﺔ ﻳﺪﺧﻞ ﺍﺟﺖ ﺭﺳﺎﻟﺔ ﻟﺘﻠﻔﻮﻧﻲ ﻛﻤﺰﺕ ﺧﺎﻳﻔﺔ ﻣﻦ ﺍﻟﺼﻮﺕ
ﻓﺘﺤﺘﻬﺎ ﻟﻜﻴﺘﻬﺎ ﻣﻦ ﺍﻟﺸﺮﻛﺔ ﺭﺍﺳﻠﻴﻠﻲ ﺭﻗﻢ ﺣﻤﺰﺓ ﻭﻛﺎﺗﺒﻴﻦ ﻣﺘﺎﺡ ﺣﺎﻟﻴﺎ ﺑﺴﺮﻋﺔ ﺍﺗﺼﻠﺖ ﻋﻠﻴﻪ ﻫﻮ ﻣﺎﻳﺮﺩ ﺍﻛﺜﺮ ﻣﻦ 5 ﻣﻜﺎﻟﻤﺎﺕ ﻳﺎﻟﻠﻪ ﺭﺩ ﻓﺘﺢ ﺧﻂ ﻭﻛﺎﻝ
ﺣﻤﺰﺓ ........ ﻫﺎﺍﺍﺍ ﻋﻨﺪﺝ ﺣﺠﺎﻳﺔ ﺗﻐﺚ ﻣﺎﻛﻮﻟﺘﻴﻬﺎ
ﺭﻳﺎ ....... ﺣﻤﺰﺓ ﻭﺍﻟﻠﻪ ﻣﻮ ﻗﺼﺪﻱ ﺑﺲ ﻟﺨﺎﻃﺮﻙ ﻭﺍﻟﻠﻪ
ﺣﻤﺰﺓ ....... ﺍﻟﻠﻪ ﻳﺴﻠﻢ ﺧﺎﻃﺮﺝ ﺍﺣﺪ ﻣﻮﺩﻱ ﻋﻠﻴﺞ ﺗﺪﻭﺭﻳﻦ ﺧﺎﻃﺮﻱ
ﺭﻳﺎ ...... ﺣﻤﺰﺓ ﻣﺎﺍﺭﻳﺪﻙ ﺗﺘﺄﺫﺓ ﺑﺴﺒﺒﻲ
ﺣﻤﺰﺓ ........ ﺍﻧﺘﻲ ﺍﻟﺤﺠﻲ ﺿﺎﻳﻊ ﻭﻳﺎﺝ ﺭﺍﺡ ﺍﺭﻭﺡ ﻻﻥ ﻧﻌﺴﺎﻥ
ﺭﻳﺎ ....... ﻻ ﻻ ﻻ ﻋﻔﻴﺔ ﺧﺎﻳﻔﺔ ﻭﺍﻟﻠﻪ ﺷﻠﻮﻥ
ﺣﻤﺰﺓ ...... ﺷﺒﻴﺞ ﻟﻴﺶ ﺧﺎﻳﻔﺔ
ﺭﻳﺎ ....... ﻣﺎﺍﺩﺭﻱ ﺧﺎﻳﻔﺔ ﻣﺎﺍﻛﺪﺭ ﺍﻧﺎﻡ
ﻫﻮ ﺍﺣﺘﺎﺭ ﻭﻛﺎﻝ
ﺣﻤﺰﺓ ....... ﻫﺴﺔ ﺷﻠﻮﻥ ﺷﺒﻴﺞ ﺧﺎﻳﻔﺔ ﺍﻛﻮ ﺷﻲ ﻣﺨﻮﻓﺞ
ﺭﻳﺎ ....... ﻻ ﺑﺲ ﺍﻧﻲ ﺧﺎﻳﻔﺔ ﻣﺎﺍﻛﺪﺭ ﺍﻧﺎﻡ ﺷﻠﻮﻥ ﻭﺍﻟﻠﻪ ﺭﺍﺡ ﺍﺑﺠﻲ
ﻭﺑﺠﻴﺖ ﻫﻮ ﻛﺎﻝ
ﺣﻤﺰﺓ ...... ﺭﻳﺎ ﺷﺒﻴﺞ ﻻﺗﺸﻠﻌﻴﻦ ﻛﻠﺒﻲ ﺗﺪﺭﻳﻦ ﺑﻴﺔ ﻣﺎﺍﻛﺪﺭ ﺍﺟﻲ ﻻﺗﺸﻠﻌﻴﻦ ﻛﻠﺒﻲ ﻋﻠﻴﺞ ﻛﻮﻟﻲ ﺷﺒﻴﺞ
ﺭﻳﺎ ...... ﺧﺎﻳﻔﺔ ﻻﻳﺪﺧﻞ ﻋﻠﻴﻨﺎ ﺣﺮﺍﻣﻲ
ﺣﻤﺰﺓ ...... ﺍﻧﺘﻲ ﻭﺣﺪﺝ ﻧﺎﻳﻤﺔ
ﺭﻳﺎ ...... ﺍﻱ
ﺣﻤﺰﺓ ....... ﺭﻭﺣﻲ ﻳﻢ ﻣﻬﺎ ﻭﺍﻗﻔﻠﻮ ﺍﻟﺒﺎﺏ ﻭﺍﻣﻨﻲ ﻳﺎﺑﺔ ﺍﻟﻠﻪ ﻣﻮﺟﻮﺩ
ﺭﻳﺎ ...... ﺧﺎﻑ ﻋﻴﺐ ﻣﻦ ﻣﻬﺎ
ﺣﻤﺰﺓ ......... ﻻ ﻋﺎﺩﻱ ﻛﻮﻟﻴﻠﻬﺎ ﺍﺧﺎﻑ ﺧﻞ ﺍﻧﺎﻡ ﻳﻤﺞ ﻭﺭﺍﺡ ﺍﺳﺪﻩ ﻭﺍﺧﺎﺑﺮﺝ ﻋﻨﺪﻱ ﻣﺠﺎﻧﻲ
ﺭﻳﺎ ...... ﻣﺎﺷﻲ
ﻗﻔﻞ ﺍﻟﺨﻂ ﺍﺷﻮ ﺑﺴﺮﻋﺔ ﺧﺎﺑﺮ ﻓﺘﺤﺖ ﺧﻂ ﻛﻮﺗﻠﻪ ﻏﻴﺮ ﺍﺭﻭﺡ ﻳﺎﻟﻠﻪ ﺗﺨﺎﺑﺮ
ﺣﻤﺰﺓ ...... ﻻ ﺧﻠﻲ ﺍﻟﺨﻂ ﻣﻔﺘﻮﺡ ﻣﺎﻟﺞ ﻋﻼﻗﺔ ﺑﻲ ﺭﻭﺣﻲ ﻭﻫﻮ ﺑﻴﺪﺝ
ﺭﻳﺎ ....... ﻛﻤﺖ ﻭﺳﻔﻄﺖ ﺍﻟﻔﺮﺍﺵ ﻭﺧﻠﻴﺘﻪ ﺑﺒﺎﺏ ﺍﻟﻐﺮﻓﺔ ﻭﺩﻛﻴﺘﻬﺎ ﻃﻠﻌﺖ ﻣﻬﺎ ﻏﺎﻓﻴﺔ ﻭﻛﻮﺓ ﻣﻔﺘﺤﺔ ﻛﺎﻟﺖ
ﻣﻬﺎ ....... ﻫﺎﺍﺍ ﺭﻳﺎ ﺑﻴﺞ ﺷﻲ ﺑﺲ ﻻ ﺍﺧﺘﻨﻜﺘﻲ
ﺭﻳﺎ ...... ﻻ ﺑﺲ ﺧﺎﻳﻔﺔ ﺍﻧﺎﻡ ﻭﺣﺪﻱ ﺧﻞ ﺍﻧﺎﻡ ﻳﻤﺞ
ﻣﻬﺎ ...... ﺍﻳﻲ ﺗﻌﺎﻟﻲ ﻓﻮﺗﻲ ﻓﻮﺗﻲ
ﺭﻳﺎ ....... ﺩﺧﻠﺖ ﻭﻓﺮﺷﺖ ﻓﺮﺍﺷﻲ ﺭﺍﺩﺗﻨﻲ ﺍﻧﺎﻡ ﻳﻤﻬﺎ ﻛﻮﻟﺘﻠﻬﺎ ﺑﺎﻟﻜﺎﻉ ﺍﺣﺴﻦ ﻧﺴﻴﺖ ﺣﻤﺰﺓ ﻋﻠﻰ ﺍﻟﺨﻂ ﺳﻤﻌﺘﻪ ﻛﺎﻝ
ﺣﻤﺰﺓ ...... ﻫﺎﺍﺍﺍ ﺭﻳﺎ ﻭﻳﻨﺞ
ﺭﻳﺎ ....... ﻫﺎﺍ ﺣﻤﺰﺓ ﺍﺟﻴﺖ ﻳﻢ ﻣﻬﺎ
ﺣﻤﺰﺓ ...... ﺯﻳﻦ ﺍﺫﺍ ﻣﻬﺎ ﻛﺎﻋﺪﺓ ﺧﻞ ﺗﺴﻮﻳﻠﺞ ﻭﺍﺗﺴﺎﺏ
ﺭﻳﺎ ...... ﺍﻧﻲ ﺍﻋﺮﻑ
ﺣﻤﺰﺓ ....... ﺳﻮﻱ ﺣﺘﻰ ﺍﺧﺎﺑﺮﺝ ﻓﻴﺪﻳﻮ
ﺭﻳﺎ ........ ﺳﻮﻳﺘﻪ ﺗﻘﺮﻳﺒﺎ 5 ﺩﻗﺎﻳﻖ ﺻﺎﺭ ﺷﻮﻱ ﺧﺎﺑﺮﻧﻲ ﻓﻴﺪﻳﻮ ﻓﺘﺤﺖ ﺧﻂ ﻫﻮ ﺍﺑﺘﺴﻢ ﻭﻛﺎﻝ
ﺣﻤﺰﺓ ....... ﻣﺸﺘﺎﻗﻠﺞ
ﺭﻳﺎ ....... ﻫﻬﻪ ﻭﺍﻧﻲ ﻫﻢ ﺍﺷﺘﺎﻗﻴﺘﻠﻚ
ﺟﺎﻱ ﺍﺣﺠﻲ ﻭﻳﺎ ﻣﻬﺎ ﻛﺎﻟﺖ
ﻣﻬﺎ ...... ﻫﺎﺍﺍ ﺭﻳﺎ ﺑﻴﺞ ﺷﻲ ﻭﻳﺎﻣﻦ ﺗﺤﺠﻦ
ﺭﻳﺎ ...... ﻫﺎﺍﺍ ﻣﻬﺎ ﺿﻮﺟﺘﺞ؟ ﺟﺎﻱ ﺍﺣﺠﻲ ﻭﻱ ﺣﻤﺰﺓ ﺍﺫﺍ ﺿﻮﺟﺘﺞ ﺍﺭﻭﺡ ﺑﻬﺬﻳﺞ ﺍﻟﻐﺮﻓﺔ
ﻣﻬﺎ ...... ﻻ ﺑﺲ ﻋﺒﺎﻟﻲ ﺑﻴﺞ ﺷﻲ ﺧﻔﺖ ﻋﻠﻴﺞ
ﺭﻳﺎ ....... ﻻ ﻣﺎﻋﻨﺪﻱ ﺷﻲ ﺑﺲ ﺟﻨﺖ ﺧﺎﻳﻔﺔ
ﺭﺟﻌﺖ ﺍﺳﻮﻟﻒ ﻭﻱ ﺣﻤﺰﺓ ﻇﻠﻴﻨﺎ ﻧﺴﻮﻟﻒ ﻝ 1 ﻭﻧﺺ ﻧﻌﺴﺖ ﻛﻮﺗﻠﻪ ﺣﻤﺰﺓ ﻧﻌﺴﺖ ﺍﺭﻳﺪ ﺍﻧﺎﻡ
ﺣﻤﺰﺓ ...... ﺍﻳﻲ ﻧﺎﻣﻲ ﺷﻌﻠﻴﺞ ﺑﻴﺔ
ﺭﻳﺎ ....... ﻳﺎﻟﻠﻪ ﺭﻭﺡ ﺍﻧﺖ ﻫﻢ ﻧﺎﻡ
ﺣﻤﺰﺓ ....... ﻣﺎﻧﻌﺴﺎﻥ ﺧﻠﻲ ﺍﻟﺘﻠﻔﻮﻥ ﻋﻠﻰ ﻭﺟﻬﺞ ﺛﺒﺘﻲ ﻋﻠﻰ ﻓﺪ ﺷﻲ ﻭﻧﺎﻣﻲ
ﺭﻳﺎ ........ ﺛﺒﺘﺖ ﺍﻟﺘﻠﻔﻮﻥ ﻋﻠﻰ ﺍﻟﻤﻴﺰ ﻭﺻﺎﺭ ﻛﺪﺍﻡ ﻭﺟﻬﻲ ﻫﻮ ﻇﻞ ﺻﺎﻓﻦ ﻭﺍﻧﻲ ﻛﻮﺗﻠﻪ ﺗﺼﺒﺢ ﻋﻠﻰ ﺧﻴﺮ
ﺣﻤﺰﺓ ....... ﻭﺍﻧﺘﻲ ﺍﻟﺨﻴﺮ ﻛﻠﻪ
ﺭﻳﺎ ....... ﻣﺎﺍﺩﺭﻱ ﻧﻈﺮﺍﺗﻪ ﻃﻴﺮﺕ ﺍﻟﻨﻮﻡ ﻣﻦ ﻋﻴﻨﻲ ﻏﻄﻴﺖ ﺭﺍﺳﻲ ﻫﻮ ﻛﺎﻝ
ﺣﻤﺰﺓ ....... ﻏﻄﻴﺘﻲ ﻭﺟﻬﺞ ﺍﺷﻮﻑ ﺟﺪﻱ ﺟﺎ ﺍﻟﻤﻦ ﻓﺎﺗﺤﺔ ﺍﺑﺎﻭﻉ ﺑﺎﻟﺒﻄﺎﻧﻴﺔ ﻭﺧﺮﻳﻬﺎ ﻭﻟﺞ
ﺭﻳﺎ ....... ﻭﺧﺮﺗﻬﺎ ﻛﻮﺗﻠﻪ ﺣﻤﺰﺓ ﺍﺳﺘﺤﻴﻴﻲ
ﻫﻮ ﻋﺾ ﺷﻔﺘﻪ ﻭﻫﺰ ﺭﺍﺳﻪ ﻭﻛﺎﻝ
ﺣﻤﺰﺓ ...... ﻧﺎﻣﻲ ﻧﺎﻣﻲ
ﺭﻳﺎ ....... ﻇﻠﻴﺖ ﺻﺎﻓﻨﺔ ﺑﻮﺟﻬﻪ ﻭﻫﻮ ﺻﺎﻓﻦ ﺑﻮﺟﻬﻲ ﻣﺎﻧﺴﻮﻟﻒ ﺑﺲ ﻋﻴﻮﻧﻨﺎ ﺗﺴﻮﻟﻒ ﻣﺎﺍﺩﺭﻱ ﺷﻮﻛﺖ ﻏﻔﻴﺖ ﻣﺎﺣﺴﻴﺖ ﺍﻻ ﻋﻠﻰ ﺭﻛﻌﺔ ﻋﻠﻰ ﺭﺍﺳﻲ ﺑﺲ ﺗﻮﺟﻌﺖ ﺣﻴﻴﻞ ﺭﻓﻌﺖ ﺭﺍﺳﻲ ﻭﺷﻔﺖ
ﺍﭬﻮﻧﻲ ﻳﻠﻌﺐ ﺑﺘﻠﻔﻮﻧﻲ ﻭﻭﻛﻊ ﻋﻠﻰ ﺭﺍﺳﻲ ﺑﺲ ﻳﻤﻜﻦ ﻋﻨﺠﺮ ﺭﺍﺳﻲ ﻛﻤﺖ ﺷﻔﺘﻬﺎ ﺏ 7 ﻭﻣﻬﺎ ﻧﺎﻳﻤﺔ ﺗﻮﺿﻴﺖ ﻭﺻﻠﻴﺖ ﻭﺭﺟﻌﺖ ﺗﻤﺪﺩﺕ ﺑﻔﺮﺍﺷﻲ ﻭﺻﺎﻓﻨﻲ ﻫﻴﺞ ﺑﺪﻭﻥ ﺍﻓﻜﺎﺭ ﺑﻌﺪﻳﻦ ﺑﻴﻨﻲ ﻭﺑﻴﻦ ﻧﻔﺴﻲ ﺷﺠﺎﻱ ﻳﻜﻮﻟﻮﻥ ﻋﻠﻴﺔ ﺍﺧﻮﺍﻧﻲ ﻣﻘﻬﻮﺭﻳﻦ ﺑﺪﺍﺧﻠﻬﻢ ﻋﻠﻴﺔ ﻫﻴﺞ ﻛﻤﺖ ﺍﺧﺮﺑﺞ ﺟﻨﺖ ﻧﺎﻳﻤﺔ ﻋﻠﻰ ﺿﻬﺮﻱ ﺍﺟﺔ ﺍﭬﻮﻧﻲ ﻛﻌﺪ ﻋﻠﻰ ﺑﻄﻨﻲ
ﻇﻠﻴﺖ ﺍﺩﻏﺪﻏﺔ ﻭﻫﻮ ﻳﻀﺤﻚ ﻋﻠﻰ ﺻﻮﺕ ﺍﻟﻀﺤﻚ ﻛﻌﺪﺕ ﻣﻬﺎ ﻛﺎﻟﺖ
ﻣﻬﺎ ....... ﺻﺒﺎﺡ ﺍﻟﺨﻴﺮ
ﺭﻳﺎ ...... ﺻﺒﺎﺡ ﺍﻟﻨﻮﺭ
ﻣﻬﺎ ...... ﻭﻟﺞ ﻟﻴﺶ ﻣﺎﻛﻮﻟﺘﻴﻠﻲ ﻓﺎﺗﺤﺔ ﻛﺎﻣﻴﺮﺍ ﻭﻱ ﺣﻤﺰﺓ
ﺭﻳﺎ ....... ﻟﻴﺶ
ﻣﻬﺎ ....... ﻣﻮ ﻛﻤﺖ ﻟﻠﺤﻤﺎﻡ ﺏ 3 ﺑﺎﻟﻠﻴﻞ ﻭﺍﺷﻮﻑ ﺍﻟﻮﻟﺪ ﺻﺎﻓﻦ ﺑﺴﺮﻋﺔ ﺭﺟﻌﺖ ﻣﺎﻃﻠﻌﺖ ﺑﺎﻟﻜﺎﻣﻴﺮﺍ ﺟﺎﻥ ﺷﺎﻓﻨﻲ ﻭﺍﻧﻲ ﻣﻜﻔﺸﺔ ﻭﻣﺰﻧﺪﺓ
ﺭﻳﺎ ...... ﻣﺎﻋﺒﺎﻟﻲ ﻳﺒﻘﻰ ﻛﺎﻋﺪ ﻝ 3 ﺏ 1 ﻭﻧﺺ ﻧﻤﺖ ﻭﻫﻮ ﻛﺎﻝ ﺧﻠﻲ ﺍﻟﺘﻠﻔﻮﻥ ﻣﻔﺘﻮﺡ ﻭﻧﺎﻣﻲ
ﻣﻬﺎ ....... ﺍﻣﻤﻤﻢ ﻫﻬﻬﻬﻬﻪ
ﺭﻳﺎ ....... ﻛﻤﻨﺎ ﺳﻮﻳﻨﺎ ﺭﻳﻮﻙ ﻭﺗﺮﻳﻜﻨﺎ ﺍﻟﻌﺼﺮ ﺧﺎﺑﺮﺕ ﺣﻤﺰﺓ ﻫﻢ ﻋﺼﺒﻲ ﻭﻣﺤﺎﺟﻲ ﻋﻤﺎﻣﻪ ﻭﺯﻋﻼﻧﻴﻦ ﻳﻜﻮﻟﻮﻟﻪ ﻣﺎﻧﻌﺮﻑ ﻟﻴﺶ ﺍﺧﻮﺍﻧﻬﺎ ﻃﺮﺩﻭﻫﺎ ﻭﻳﻤﻜﻦ ﻣﺴﻮﻳﺘﻠﻬﺎ ﻣﻜﺴﻮﺭﺓ ﻭﻣﺎﻛﻮ ﺩﺧﺎﻥ ﺑﺪﻭﻥ ﻧﺎﺭ ﻭﺍﻟﻠﻪ ﺍﻟﻨﺎﺭ ﻭﺩﺧﺎﻧﻬﺎ ﺑﺼﺪﺭﻱ ﻣﻦ ﺍﺳﻤﻊ ﻫﻴﺞ ﺣﺠﻲ
ﻭﻫﻢ ﻋﺒﺮ ﺍﻟﻠﻴﻞ ﻭﻧﻤﺖ ﺑﻐﺮﻓﺔ ﻣﻬﺎ ﺍﻟﻔﺠﺮ ﺣﺴﻴﺖ ﻭﺍﺣﺪ ﻳﻤﺴﺢ ﻋﻠﻰ ﺭﺍﺳﻲ ﻓﺘﺤﺖ ﻋﻴﻮﻧﻲ ﻣﻐﻮﺷﺎﺕ ﺑﺲ ﻫﺬﺍ ﺭﺟﺎﻝ ﺩﻧﻚ ﺑﺎﺳﻲ ﻭﺍﻧﻲ ﺩﻓﻌﺘﻪ ﻭﻟﻤﻴﺖ ﻧﻔﺴﻲ ﻭﺍﺻﻴﺢ ﻣﻬﺎ ﺍﻛﻌﺪﻱ ﺣﺮﺍﻣﻲ ﻟﺞ ﺍﻛﻌﺪﻱ ﺩﺧﻞ ﺣﺮﺍﻣﻲ
ﺑﺴﺮﻋﺔ ﺍﺟﺔ ﺣﻤﺰﺓ ﻭﺧﻠﺔ ﺍﻳﺪﻩ ﻋﻠﻰ ﺣﻠﻜﻲ ﻭﻛﺎﻝ
ﺣﻤﺰﺓ ...... ﺷﺒﻴﺞ ﻫﺬﺍ ﺍﻧﻲ ﺣﻤﺰﺓ ﺷﻤﺎﻟﺞ ﺍﺳﻜﺘﻲ ﻓﻀﺤﻴﺘﻨﺎ
ﺭﻳﺎ ....... ﺧﻮﻓﺘﻨﻲ ﺷﻮﻛﺖ ﺍﺟﻴﺖ
ﺣﻤﺰﺓ ....... ﻫﺴﺔ ﺍﺟﻴﺖ ﺗﻌﺎﻟﻲ ﻧﻨﺰﻝ ﻋﻴﺐ ﻣﻦ ﻣﺮﺍﺩ ﺧﻞ ﻳﺎﺧﺬ ﺭﺍﺣﺘﻪ
ﺭﻳﺎ ........ ﺭﻭﺡ ﺍﻧﺖ ﺍﻧﻲ ﻧﻌﺴﺎﻧﺔ ﺍﻛﻤﻞ ﻧﻮﻣﺘﻲ ﻭﺍﻧﺰﻝ
ﺣﻤﺰﺓ ....... ﻛﻮﻣﻲ ﻳﻤﻌﻮﺩﺓ ﻋﻴﺐ
ﺭﻳﺎ ...... ﻛﻤﺖ ﺑﺎﻟﻜﻮﺓ ﺷﻠﺖ ﺟﻨﻄﺘﻲ ﻣﺎﻝ ﺍﻟﻤﻼﺑﺲ ﻧﻌﺴﺎﻧﺔ ﺍﻟﺠﻨﻄﺔ ﻣﻔﺘﻮﺣﺔ ﻭﺍﻟﺮﺩﻥ ﻣﺎﻝ ﺍﻟﺒﺪﻱ ﻃﺎﻟﻌﺔ ﻭﺗﺴﺤﻞ ﺑﺎﻟﻜﺎﻉ ﻭﺣﻤﺰﺓ ﻻﺯﻡ ﺍﻳﺪﻱ ﻭﺍﻧﻲ ﺍﻣﺸﻲ ﻣﻄﻔﻴﺔ ﺟﺘﻰ ﻣﺎﺍﺩﺭﻱ ﻣﻨﻮ ﻛﺪﺍﻣﻲ ﻧﺰﻟﻨﺎ ﻋﻠﻰ ﺍﻟﺪﺭﺝ ﻫﻮ ﻻﺯﻡ ﺍﻳﺪﻱ ﻭﺍﻧﻲ ﻣﻄﻔﻴﺔ ﻭﺍﺳﺤﻞ ﺑﺎﻟﺠﻨﻄﺔ
ﻟﻤﻦ ﺩﺧﻠﻨﻲ ﻟﻠﻐﺮﻓﺔ ﺭﺣﺖ ﺑﺴﺮﻋﺔ ﺭﺩﺕ ﺍﻧﺎﻡ ﻫﻮ ﻛﺎﻝ
ﺣﻤﺰﺓ ....... ﻣﺎﺗﺼﻠﻴﻦ؟ﺗﺮﺓ ﻣﺄﺫﻥ ﺻﻠﻲ ﻭﻧﺎﻣﻲ
ﺭﻳﺎ ....... ﻣﺎﺷﻲ ﺭﺣﺖ ﺗﻮﺿﻴﺖ ﻭﺻﻠﻴﺖ ﺑﺲ ﺍﺭﻳﺪ ﺍﺭﺟﻊ ﻟﻔﺮﺍﺷﻲ ﺣﺘﻰ ﺍﻧﺎﻡ
ﺑﺲ ﻛﻤﺎﺕ ﺻﻼﺓ ﺭﺣﺖ ﺗﻤﺪﺩﺕ ﺑﻔﺮﺍﺷﻲ ﺑﻌﺪﻧﻲ ﻣﺎﻏﺎﻓﻴﺔ ﻭﺻﺎﺭ ﻋﻨﺪﻱ ﺍﻟﻢ ﻣﻮ ﻃﺒﻴﻌﻲ ﺑﺒﻄﻨﻲ ﻣﺜﻞ ﺍﻟﻤﻐﺺ ﻋﺮﻓﺘﻪ ﺷﻨﻮ ﻣﺎﻝ ﺍﻟﺸﻬﺮﻳﺔ ﻇﻠﻴﺖ ﺍﻟﻮﺏ ﺑﻤﻜﺎﻧﻲ ﺍﻻﻟﻢ ﺑﻲ ﻭﻣﺎﻳﺰﻳﺪ ﺍﻧﻲ ﻣﻦ ﺗﺮﻳﺪ ﺗﻨﺰﻝ ﺍﻟﺸﻬﺮﻳﺔ ﻗﺒﻞ ﻳﻮﻡ ﻳﺼﻴﺮ ﻋﻨﺪﻱ ﺍﻻﻟﻢ
ﺷﺼﺎﺭ ﺑﻴﺔ ﻛﻤﺖ ﺍﺗﻜﻠﺐ ﺑﻔﺮﺍﺷﻲ ﻣﺜﻞ ﺍﻟﺴﻤﺠﺔ ﺑﺎﻟﻄﺎﻭﺓ ﻣﺎﺍﺗﺤﻤﻞ ﺍﻟﻢ ﺑﻄﻨﻲ ﻭﺟﻬﻲ ﺻﺎﺭ ﺍﺻﻔﺮ ﺭﻭﺣﻲ ﺍﻧﺴﺤﻨﺖ ﻝ 9 ﺍﻟﺼﺒﺢ ﻭﺍﻻﻟﻢ ﻳﺰﻳﺪ ﺩﻭﺍﻡ ﻣﺎﺭﺣﺖ ﺍﺟﺔ ﺣﻤﺰﺓ ﺏ 7 ﻭﺷﺎﻓﻨﻲ ﻛﻮﺗﻠﻪ ﻣﺎﺍﺩﺍﻭﻡ ﻭﻫﻮ ﻣﺎﺭﺍﺩ ﺭﻳﻮﻙ ﺭﺍﺡ ﻟﻠﺠﺎﻣﻌﺔ ﻭﺍﻧﻲ ﺑﻘﻴﺖ
ﻟﻠﻈﻬﺮ ﻭﺍﻧﻲ ﻧﻔﺲ ﺣﺎﻟﺘﻲ ﻭﻫﺎﻱ ﺍﺩﺭﻱ ﺭﺍﺡ ﺍﺑﻘﻰ ﻫﻴﺞ ﺍﻟﻰ ﺍﻥ ﺗﻨﺰﻝ ﺍﻟﺸﻬﺮﻳﺔ ﻳﺎﻟﻠﻪ ﺍﺭﺗﺎﺡ ﺍﺳﻤﻌﻪ ﻳﻔﺘﺮ ﺑﺎﻟﺒﻴﺖ ﺷﻮﻱ ﻭﺍﺟﺔ ﻟﻠﻐﺮﻓﺔ ﺷﺎﻓﻨﻲ ﺍﻟﻮﺟﻪ ﺍﺻﻔﺮ ﻭﺍﻟﻜﻔﺸﺔ ﺷﻜﺒﺮﻫﺎ ﻣﻦ ﻛﺜﺮ ﻣﺎﺍﺗﻜﻠﺐ ﺑﻔﺮﺍﺷﻲ ﺻﺎﺭ ﺷﻌﺮﻱ ﺳﻴﻢ ﻭﻻﺯﻣﺔ ﺑﻄﻨﻲ ﻭﻛﺎﻋﺪﺓ ﻫﻮ ﺍﻧﺼﺪﻡ ﺑﻤﻨﻈﺮﻱ ﺍﺟﺔ ﻳﻤﻲ ﺳﻠﻢ ﺭﺩﻳﺖ ﺍﻟﺴﻼﻡ ﻛﻮﺓ ﻋﻠﻴﺔ ﻫﻮ ﺍﺳﺘﻐﺮﺏ ﻛﺎﻝ
ﺣﻤﺰﺓ ....... ﺷﺒﻴﺞ ﺭﻳﺎ ﻟﻴﺶ ﻫﻴﺞ ﺣﺎﻟﺘﺞ
ﺭﻳﺎ ...... ﺑﻄﻨﻲ ﺗﻮﺟﻌﻨﻲ
ﺣﻤﺰﺓ ......... ﻣﺎﻛﻠﺔ ﺷﻲ ﺧﺎﻑ ﻣﺘﺴﻤﻤﺔ
ﺭﻳﺎ ...... ﻻ ﻣﺎﺑﻴﺔ ﺷﻲ
ﺣﻤﺰﺓ ....... ﺟﺎ ﺷﺒﻴﺞ ﺷﻮﻓﻲ ﻭﺟﻬﺞ ﺍﺻﻔﺮ
ﺭﻳﺎ ...... ﺣﻤﺰﺓ ﻋﻮﻓﻨﻲ ﻭﺍﻟﻠﻪ ﻣﺎﺑﻴﺔ ﺷﻲ ﻫﺴﺔ ﺍﻧﻲ ﺍﺻﻴﺮ ﺯﻳﻨﺔ ﻭﺣﺪﻱ
ﻫﻮ ﻇﻞ ﻳﺒﺎﻭﻋﻠﻲ ﻣﺴﺘﻐﺮﺏ ﻭﺍﻧﻲ ﺍﺗﻠﻮﺓ ﻣﻦ ﺑﻄﻨﻲ ﻛﺎﻝ
ﺣﻤﺰﺓ ....... ﺍﺧﺬﺝ ﻟﻠﻤﺸﺘﺸﻔﻰ ﺍﺳﻮﻳﻠﺞ ﺷﻲ ﻛﻮﻟﻲ ﺷﻮﻓﻲ ﻭﺟﻬﺞ ﺍﺻﻔﺮ ﺧﺎﻑ ﺑﻴﺞ ﺷﻲ
ﺭﻳﺎ ....... ﻻ ﻻ ﺍﻧﻲ ﻭﺣﺪﻱ ﺍﺻﻴﺮ ﺯﻳﻨﺔ
ﻫﻮ ﻣﻞ ﻣﻨﻲ ﻭﺭﺍﺡ ﺑﺪﻝ ﻣﻼﺑﺴﻪ ﻃﺒﻌﺎ ﻣﺎﻃﺎﺑﺨﺔ ﻏﺪﺍﺀ ﺭﺍﺡ ﺧﻄﻴﺔ ﺑﺪﻭﻥ ﻣﺎﻳﺤﺠﻲ ﺟﺎﺏ ﺍﻛﻞ ﻣﻦ ﺑﺮﺓ ﻭﺟﻬﺰﻩ ﻫﻮ ﻭﺻﺎﺣﻠﻲ ﺍﺗﻐﺪﺓ ﻛﻮﺗﻠﻪ ﻣﺎﺍﺷﺘﻬﻲ ﻟﺢ ﻋﻠﻴﺔ ﻗﻔﻠﺖ ﻛﻮﺗﻠﻪ ﻣﺎﺍﺭﻳﺪ ﻣﺴﺪﻭﺩﺓ ﻧﻔﺴﻲ ﻋﺎﺩ ﻫﻮ ﺗﻐﺪﺓ ﻭﻛﻌﺪ ﻳﺪﺭﺱ ﺑﺎﻻﺑﺘﻮﺏ ﻳﻜﻤﻞ ﺍﻟﺒﺤﺚ
ﺍﻧﻲ ﺗﺬﻛﺮﺕ ﻣﺎﻋﻨﺪﻱ ﺍﻟﺸﻐﻠﺔ ﻣﺎﻝ ﺍﻟﺸﻬﺮﻳﺔ ﻛﻤﺖ ﺍﺭﻛﺾ ﻛﻮﺗﻠﻪ ﺣﻤﺰﺓ ﺍﺭﻳﺪ ﺍﺭﻭﺡ ﻟﻼﺳﻮﺍﻕ ﻛﻮﻡ ﺍﺧﺬﻧﻲ
ﻫﻮ ﺍﺗﻔﺎﺟﺄ ﻛﺎﻝ
ﺣﻤﺰﺓ ....... ﺍﻧﺘﻲ ﻣﻮ ﻣﺮﻳﻀﺔ ﺗﻮﺝ ﺟﻨﺎﺯﺓ ﺍﻧﻲ ﻛﻮﻟﺖ ﻫﺴﺔ ﺍﻛﻤﻞ ﺍﻟﺒﺄﻳﺪﻱ ﻭﺍﻛﻮﻡ ﺍﺩﻓﻦ ﻭﻳﻦ ﺭﺍﻳﺤﺔ
ﺭﻳﺎ ....... ﻛﻮﻡ ﺍﺭﻳﺪ ﺷﻐﻠﺔ ﻣﻬﻤﺔ ﻣﻦ ﺍﻻﺳﻮﺍﻕ
ﺣﻤﺰﺓ ...... ﻣﺎﻛﻮ ﺩﺍﻋﻲ ﺗﺮﻭﺣﻴﻦ ﻛﻮﻟﻲ ﺷﻨﻮ ﺍﻟﺸﻐﻠﺔ ﻭﺍﻧﻲ ﺍﺟﻴﺒﻬﺎ ﺷﺘﺴﻮﻳﻦ ﺭﺍﻳﺤﺔ
ﺭﻳﺎ ......... ﻻﺍﺍﺍﺍﺍ ﺍﻧﻲ ﺍﺭﻭﺡ ﻣﺎﻳﺼﻴﺮ ﺍﻻ ﺍﻧﻲ ﺍﺭﻭﺡ ﺍﺟﻴﺒﻬﺎ
ﺣﻤﺰﺓ ........ ﻟﻴﺶ ﻳﺎﺑﺔ ﺷﻐﻠﺘﺞ ﺯﻋﻼﻧﺔ ﻋﻠﻴﺔ ﻭﻣﺎﺍﺩﺭﻱ ﺣﺘﻰ ﻣﺎﻳﺼﻴﺮ ﺍﻻ ﺍﻧﺘﻲ ﺗﺠﻴﺒﻴﻬﺎ
ﺭﻳﺎ ....... ﺣﻤﺰﺓ ﺑﺪﺍﻋﺔ ﺍﻟﻐﻮﺍﻟﻲ ﻛﻮﻡ ﺍﺧﺬﻧﻲ ﻭﺍﻟﻠﻪ ﻫﻲ ﺍﺟﻴﺐ ﺍﻟﺸﻐﻠﺔ ﻭﻧﺮﺟﻊ
ﺣﻤﺰﺓ ...... ﺍﻣﺮﻱ ﻟﻠﻪ ﺭﻭﺣﻲ ﺑﺪﻟﻲ
ﺭﻳﺎ ...... ﺑﺴﺮﻋﺔ ﺑﺪﻟﺖ ﺑﺲ ﻣﻦ ﺍﻻﻟﻢ ﺍﺩﻭﺥ ﻛﻤﺖ ﺑﺲ ﻣﻴﺨﺎﻟﻒ ﺍﻟﻤﻬﻢ ﺍﺷﺘﺮﻱ ﻭﺍﺟﻲ
ﺍﺧﺬﻧﻲ ﻟﻼﺳﻮﺍﻕ ﻫﻮ ﺍﺷﺘﺮﻯ ﻛﻬﻮﺓ ﻭﻋﺼﻴﺮ ﻭﻣﺎﺍﺩﺭﻱ ﺷﻨﻮ ﺑﻌﺪ ﻭﻳﻔﺘﺮ ﻭﺭﺍﻱ ﻣﻦ ﺟﻬﺔ ﻟﺠﻬﺔ ﻛﻮﺗﻠﻪ ﺭﻭﺡ ﻫﻨﺎﻙ
ﺣﻤﺰﺓ ........ ﻳﺎﻟﻠﻪ ﺷﻮﻓﻲ ﺷﻨﻮ ﺷﻐﻠﺘﺞ ﺣﺘﻰ ﻧﺎﺧﺬﻫﺎ ﻭﻧﺮﺟﻊ ﺧﻠﺼﻴﻨﻲ ﺍﻧﻲ ﻣﺎﺍﺭﻳﺪ ﺷﻲ ﺑﻌﺪ
ﺭﻳﺎ ...... ﺣﻤﺰﺓ ﻭﺍﻟﻠﻪ ﺩﺍﻳﺨﺔ ﻭﺍﻧﺖ ﺗﻔﺘﺮ ﻭﺭﺍﻱ ﺭﻭﺡ ﻫﻨﺎﻙ ﺷﻮﻑ ﺧﺎﻑ ﺗﺮﻳﺪ ﺷﻲ ﻭﻧﺎﺳﻲ
ﺣﻤﺰﺓ ........ ﺧﻠﺼﻴﻨﻲ ﺭﻳﺎ ﺍﺭﻳﺪ ﺍﻛﻤﻞ ﺍﻟﺒﺤﺚ ﺍﺧﺬﻱ ﺷﻤﺤﺘﺎﺟﺔ ﻳﺎﻟﻠﻪ
ﺭﻳﺎ ....... ﻇﻞ ﻳﻔﺘﺮ ﻭﺭﺍﻱ ﺷﻠﻮﻥ ﺑﺎﻟﻠﻪ ﻭﺻﻠﻨﺎ ﻳﻤﻬﻦ ﺍﺭﻳﺪ ﺍﺧﺬ ﺑﺲ ﺣﻤﺰﺓ ﻭﺍﻛﻒ ﻭﺑﺲ ﺍﻛﻮﻟﻪ ﺭﻭﺡ ﻳﺰﻣﺦ ﺑﻴﺔ ﺷﻠﻮﻥ ﺑﺎﻟﻠﻪ ﺟﺎﻥ ﺣﻤﺰﺓ ﻧﺰﻝ ﺟﻴﺲ ﺑﻲ ﻫﻮﺍﻱ ﻟﻮﻧﻪ ﺍﺯﺭﻕ ﻭﻛﺎﻝ
ﺣﻤﺰﺓ ....... ﻣﻮ ﻭﺍﻟﻠﻪ ﺍﺩﺭﻱ ﻋﻠﻴﻤﻦ ﻻ ﺍﻧﺘﻲ ﻣﺎﺧﺬﺗﻬﻦ ﻭﻻ ﺍﻧﺘﻲ ﺣﺎﺟﻴﺔ ﺍﺫﺍ ﻋﻠﻴﺞ ﻧﻈﻞ ﻭﺍﻛﻔﻴﻦ ﻟﻠﻴﻞ
ﺭﻳﺎ ...... ﻳﺒﻮﻭﻭﻭﻭ ﻫﺬﺍ ﺷﻤﺪﺭﻱ ﻋﺰﺍ ﻭﺍﻟﻠﻪ ﻓﺸﻠﺔ ﻳﺒﻮﻭﻭﻭ ﻭﺍﻟﻠﻪ ﻋﻴﺐ ﻋﺰﺍ ﺑﻌﻴﻨﻲ ﻭﺍﻟﻠﻪ ﺑﻮﺩﻱ ﺍﻟﻜﺎﻉ ﺗﻨﺸﻚ ﻭﺗﺒﻠﻌﻨﻲ ﺣﻴﻞ ﺍﺳﺘﺤﻴﺖ
ﻫﻮ ﺍﺧﺬ ﺍﻻﻏﺮﺍﺽ ﺣﺎﺳﺐ ﻭﻃﻠﻌﻨﺎ ﻟﻠﺴﻴﺎﺭﺓ ﺍﺑﺪ ﻣﺎﺣﺠﻴﺖ ﺣﺘﻰ ﺍﻟﻨﻔﺲ ﻛﻄﻌﺘﻪ ﺍﺭﻳﺪ ﺍﺧﺘﻔﻲ ﻣﻦ ﻛﺪﺍﻣﻪ ﻭﻻ ﻫﺎﺍﻟﻔﺸﻠﺔ ﻫﻮ ﺍﻧﺘﺒﻬﻠﻲ ﺿﺤﻚ ﻭﻛﺎﻝ
ﺣﻤﺰﺓ ....... ﻋﺎﺩﻱ ﻋﺎﺩﻱ ﻏﻠﺴﻲ ﻳﺎﺑﺔ
ﺭﻳﺎ ....... ﻛﻮﻟﺖ ﺑﻜﻠﺒﻲ ﺷﻐﻠﺲ ﺍﻧﺖ ﻏﻠﺲ ﻣﻮ ﺍﻧﻲ ﻇﻠﻴﺖ ﺩﺍﻳﺮﺓ ﻭﺟﻬﻲ ﻋﻠﻰ ﺍﻟﺠﺎﻡ ﺣﺘﻰ ﻭﺟﻬﻲ ﻃﺎﺑﻌﺘﻪ ﺑﺎﻟﺠﺎﻣﺔ ﺍﺭﻳﺪ ﺍﻃﻠﻊ ﺣﺘﻰ ﺍﻻﻟﻢ ﻣﻦ ﺍﻟﻔﺸﻠﺔ ﺭﺍﺡ ﻫﻮ ﻛﺎﻝ
ﺣﻤﺰﺓ ........ ﻋﻠﻴﻤﻦ ﻟﻮ ﻛﺎﻳﻠﺘﻠﻲ ﻳﺎﺑﺔ ﺍﺭﻳﺪ ﺀﺀﺀﺀﺀﺀﺀﺀﺀ ﻭﺍﺟﻴﺒﻠﺞ
ﺭﻳﺎ ....... ﺣﻤﺰﺓ ﻛﺎﻓﻲ ﻭﺍﻟﻠﻪ ﻋﻴﺐ
ﺣﻤﺰﺓ ....... ﻭﺍﻧﻲ ﺷﻌﻠﻴﺔ ﻳﺎﺑﺔ ﻛﻮﻟﻲ ﻟﻨﻔﺴﺞ
ﺭﻳﺎ ....... ﺑﺠﻴﺖ ﻣﻦ ﺍﻟﻔﺸﻠﺔ ﻭﺍﻟﻠﻪ ﻫﻮ ﺿﺤﻚ ﻭﻛﺎﻝ
ﺣﻤﺰﺓ ....... ﻫﻬﻬﻬﻪ ﻭﻟﺞ ﺷﺒﻴﺞ ﺗﺒﺠﻴﻦ ﻳﺎﻟﻠﻪ ﻻﺗﺒﺠﻴﻦ ﺑﻌﺪ ﻣﺎﺍﺣﺠﻲ ﻭﻋﺒﺎﻟﻚ ﻣﺎﺍﺩﺭﻱ ﺑﺲ ﺍﺳﻜﺘﻲ
ﺭﻳﺎ ....... ﻭﻟﺼﻠﻨﺎ ﻟﻠﺒﻴﺖ ﻛﺒﻞ ﻧﺰﻟﺖ ﻭﺑﻮﺟﻬﻲ ﻟﻠﻐﺮﻓﺔ ﺧﺘﻠﺖ ﺑﻴﻬﺎ ﻭﺍﻟﻐﺮﺍﺽ ﺑﺎﻟﺴﻴﺎﺭﺓ ﻫﻮ ﻧﺰﻟﻬﻦ ﻋﺼﺎﻳﺮ ﻭﺣﻠﻮﻳﺎﺕ ﻭﺍﻟﺸﻐﻠﺔ ﺍﻟﻔﻀﻴﺤﺔ ﺟﺎﻥ ﻫﻮ ﺻﺎﺡ
ﺣﻤﺰﺓ ........ ﺭﻳﺎﺍﺍﺍﺍ ﺗﻌﺎﻱ ﺳﻮﻳﻠﻲ ﻛﻬﻮﺓ ﺭﺣﻤﺔ ﻻﻫﻠﺞ
ﺭﻳﺎ ....... ﻃﻠﻌﺖ ﻭﺭﺣﺖ ﻟﻠﻤﻄﺒﺦ ﺍﻟﻌﻼﻟﻴﻚ ﻣﻮﺟﻮﺩﺓ ﻛﻠﻬﺎ ﻋﻠﻰ ﺍﻟﻤﻴﺰ ﺭﺩﺕ ﺍﺳﻮﻱ ﻛﻬﻮﺓ ﺭﺟﻊ ﺻﺎﺡ
ﺣﻤﺰﺓ ...... ﻻﺗﺴﻮﻳﻦ ﺭﻳﺎ ﻻﺗﺴﻮﻳﻦ ﺭﺍﺡ ﺍﻧﺎﻡ
ﺭﻳﺎ ....... ﻋﺮﻓﺘﻪ ﻳﺮﻳﺪ ﻳﻜﻮﻟﻲ ﺍﺧﺬﻱ ﺍﻟﺸﻐﻠﺔ ﺑﺲ ﺑﻐﻴﺮ ﻃﺮﻳﻘﺔ ﺍﺧﺬﺕ ﺍﻟﻌﻼﻛﺔ ﻭﺭﺣﺖ ﺿﻤﻴﺘﻬﺎ ﺑﺎﻟﻜﺘﻨﻮﺭ ﻇﻠﻴﺖ ﻛﺎﻋﺪﺓ ﻧﺎﻋﻨﺪﻱ ﺷﻲ ﻭﻣﺎﺍﺩﺭﻱ ﺑﺎﻟﺪﺭﻭﺱ ﺭﺍﺳﻠﺖ ﺍﻟﺒﻨﺎﺕ ﻣﺎﻓﺎﺗﺤﺎﺕ ﻧﺖ
ﻛﻮﻟﺖ ﻋﻠﻰ ﻣﺎﻳﻔﺘﺤﻦ ﻧﺖ ﻭﻳﻨﻄﻨﻲ ﺍﻟﺪﺭﻭﺱ ﺍﻛﻮﻡ ﺍﺷﻮﻑ ﺷﺄﺳﻮﻱ ﺭﺣﺖ ﻟﻠﻤﻄﺒﺦ ﺩﻭﺭﺕ ﺑﺎﻟﺤﻠﻮﻳﺎﺕ ﺍﻟﺠﺎﻳﺒﻬﺎ ﺷﻔﺖ ﺟﺎﻳﺐ ﻛﺎﺭﺗﻮﻧﺔ ﺣﻠﻘﻮﻡ ﻭﺭﺣﺖ ﻃﻠﻌﺖ ﺑﺴﻜﺖ ﻃﺒﻜﺖ ﺍﻟﺤﻠﻘﻮﻡ ﺑﺎﻟﺒﺴﻜﺖ ﺍﺣﺐ ﻫﻴﺞ ﺍﻛﻠﺔ ﻇﻠﻴﺖ ﺍﻛﻞ ﻭﺧﻠﻴﺖ ﻟﺤﻤﺰﺓ ﻭﻳﺎﻱ
ﺑﻌﺪﻳﻦ ﺟﺎﻭﺑﺘﻨﻲ ﻫﻨﺪ ﻭﺍﻧﻄﺘﻨﻲ ﺍﻟﺪﺭﻭﺱ ﻭﺑﺪﻳﺖ ﺍﺩﺭﺱ ﻟﻠﻤﻐﺮﺏ ﻛﻌﺪ ﺣﻤﺰﺓ ﺻﻠﻰ ﻭﺍﻧﻲ ﺗﻮﺿﻴﺖ ﻫﻢ ﺍﺭﻳﺪ ﺍﺻﻠﻲ ﺭﺣﺖ ﺟﺒﺖ ﺍﻟﺘﺮﺑﺔ ﻫﻮ ﺷﺎﻓﻨﻲ ﺍﺳﺘﻐﺮﺏ ﻭﻛﺎﻝ
ﺣﻤﺰﺓ ....... ﺍﻧﺘﻲ ﺗﺼﻠﻴﻦ
ﺭﻳﺎ ...... ﻫﺎﺍﺍﺍ ﺍﻳﻲ
ﻳﺒﻮﻭﻭ ﻋﺒﺎﻟﻪ ﻧﺎﺯﻟﺔ ﻫﻲ ﻭﻳﻨﻬﺎ ﻏﻴﺮ ﺗﻨﺰﻝ ﻭﺗﺨﻠﺼﻨﻲ ﺻﻠﻴﺖ ﻭﺳﻮﻳﺖ ﻋﺸﺎﺀ ﻭﺗﻌﺸﻴﻨﺎ ﺍﻧﻲ ﻭﺣﻤﺰﺓ ﺑﺲ ﻣﺎﺍﻛﻠﺖ ﻫﻮﺍﻱ ﻣﻦ ﺍﻟﻢ ﺑﻄﻨﻲ ﻭﺍﺳﺘﺒﺮﺩﺕ ﻣﻊ ﺍﻟﻌﻠﻢ ﺍﻧﻲ ﻣﺎﻣﺘﺮﻳﻜﺔ ﻭﻻ ﻣﺘﻐﺪﻳﺔ
ﻛﻤﺖ ﻟﻔﺮﺍﺷﻲ ﻧﻤﺖ ﻛﻌﺪﺕ ﻗﺒﻞ ﺻﻼﺓ ﺍﻟﺼﺒﺢ ﺣﺴﻴﺘﻬﺎ ﻧﺰﻟﺖ ﻛﻤﺖ ﺳﺒﺤﺖ ﻭﺑﺪﻟﺖ ﻭﺭﺟﻌﺖ ﻧﻤﺖ ﻛﻌﺪﺕ ﺏ 6 ﻭﻧﺺ ﻋﻠﻰ ﺻﻮﺕ ﺣﻤﺰﺓ ﻳﻜﻌﺪﻧﻲ ﺍﺻﻠﻲ ﻛﻤﺖ ﺑﺲ ﺳﻮﻳﺖ ﺭﻳﻮﻙ ﻭﺑﺪﻟﻨﺎ ﻫﻮ ﺍﺧﺬﻧﻲ ﻟﻠﻤﺪﺭﺳﺔ ﻭﺭﺍﺡ ﻟﺠﺎﻣﻌﺘﻪ
ﺍﺑﺪ ﻣﺎﺟﺎﺏ ﻃﺎﺭﻱ ﺍﻫﻠﻪ ﻭﻋﻤﺎﻣﻪ ﺑﺲ ﻋﺮﻓﺖ ﻛﺎﻳﻠﻴﻠﻪ ﻟﻮ ﺗﻌﻮﻓﻬﺎ ﻟﻮ ﻻﺗﺤﺎﺟﻴﻨﺎ ﻣﺮﺍﺩ ﻣﺴﻮﻟﻒ ﻟﻤﻬﺎ ﻭﻫﻮ ﺑﺎﻗﻲ ﻳﻌﻴﻂ ﻣﺎﺍﻋﻮﻓﻬﺎ ﻭﺷﺘﺴﻮﻭﻥ ﺳﻮﻭ ﻋﻤﺎﻣﻪ ﻛﺎﻳﻠﻴﻠﻪ ﺍﻧﺖ ﻏﻠﻄﺎﻥ ﻭﻳﺎﻫﺎ ﻭﻫﻞ ﻣﺠﻠﺐ ﺑﻴﻬﺎ ﻫﻮ ﻛﺎﻳﻠﻠﻬﻢ ﻣﺎﺣﺎﺟﺔ ﺍﺑﺮﺭ ﺍﻟﺒﻨﻴﺔ ﻛﺎﺍﻋﻮﻓﻬﺎ ﻻﻥ ﺍﻧﻲ ﺍﺣﺒﻬﺎ ﻭﺷﺘﻔﻜﺮﻭﻥ ﻓﻜﺮﻭ ﻫﻮ ﺩﺍﺋﻤﺎ ﻳﺨﺎﺑﺮ ﺍﻫﻠﻪ ﻭﻳﺴﻮﻟﻒ ﻭﻱ ﺍﺑﻮ ﻋﻠﻰ ﻫﺎﻱ ﺍﻟﺴﺎﻟﻔﺔ ﻭﻳﻌﺼﺐ
ﻭﻋﻤﺎﻣﻪ ﻣﺎﻳﻌﺮﻓﻮﻥ ﺍﻧﻲ ﻭﻳﺎ ﺑﻨﻔﺲ ﺍﻟﺒﻴﺖ ﻻﻥ ﻣﺮﺍﺩ ﻛﺎﻳﻠﻠﻬﻢ ﻛﺎﻋﺪﺓ ﺑﺒﻴﺘﻲ ﻣﻮ ﻋﻨﺪ ﺣﻤﺰﺓ ﻭﻫﻢ ﻣﺎﻣﻘﺘﻨﻌﻴﻦ ﺑﺸﻬﺎﺩﺓ ﻣﺮﺍﺩ ﻣﻦ ﻛﺎﻳﻠﻠﻬﻢ ﺍﺟﺖ ﺑﺎﻟﻠﻴﻞ ﺗﺒﺠﻲ ﻭﻣﻀﺮﻭﺑﺔ ﻣﻦ ﺍﺧﻮﺍﻧﻬﺎ ﺑﺴﺒﺐ ﻓﺘﻨﺔ ﻋﻤﺎﻣﺔ ﻛﺎﻳﻠﻴﻠﻪ ﻟﻮ ﺍﻧﺖ ﻏﻠﻄﺎﻥ ﻭﻳﺎﻫﺎ ﻳﺎ ﺍﻫﻠﻬﺎ ﻻﺯﻣﻴﻨﻬﺎ ﻭﻱ ﻭﺍﺣﺪ ﺻﺪﻙ ﺍﻟﻤﻬﻢ ﻣﺎﻣﺼﺪﻛﻴﻦ ﻭﺣﻤﺰﺓ ﻛﻠﺶ ﻇﺎﻳﺞ ﻣﻦ ﻫﺎﻱ ﺍﻟﺴﺎﻟﻔﺔ
ﺩﻭﺍﻣﻲ ﻋﺎﺩﻱ ﺻﺪﻳﻘﺎﺗﻲ ﺍﺗﻮﺍﺻﻞ ﻭﻳﺎﻫﻦ ﺑﺲ ﻋﻠﻰ ﺍﻟﺪﺭﻭﺱ ﺍﺷﻮﻓﻬﻦ ﻫﻮﺍﻱ ﻳﺘﻐﺰﻟﻦ ﺑﺤﻤﺰﺓ ﻭﺍﻇﻮﺝ ﺑﺲ ﻫﻦ ﻳﺘﺸﺎﻗﻦ ﻳﻜﻮﻟﻦ ﻧﺮﻳﺪ ﻧﻐﻮﺭﺝ ﻭﻧﺰﻳﺪ ﻣﺤﺒﺘﻪ ﺑﻜﻠﺒﺞ ﻳﺴﺎﻋﺪﻧﻲ ﺑﻬﻮﺍﻱ ﺩﺭﻭﺱ ﻳﻌﻨﻲ ﻳﺸﺮﺣﻨﻠﻲ ﺍﻟﺪﺭﻭﺱ ﻭﺍﺑﺪ ﻣﺎﻳﺴﺘﻨﻜﻔﻦ ﻣﻨﻲ ﺣﺘﻰ ﺑﻮﻗﺖ ﺍﻟﻔﺮﺻﺔ ﻳﺸﺮﺣﻨﻠﻲ ﻳﻜﻮﻟﻦ ﺍﻧﺘﻲ ﻣﺘﺰﻭﺟﺔ ﻭﻋﻨﺪﺝ ﻭﺍﺟﺒﺎﺕ ﺭﺟﺎﻝ ﻻﺯﻡ ﻧﺴﺎﻋﺪﺝ ﻋﺮﻓﺖ ﺍﻟﺼﺪﺍﻗﺔ ﻣﻮ ﺑﺘﻌﺪﺩ ﺍﻟﺴﻨﻮﺍﺕ ﻭﻻ ﺑﺎﻟﻄﻮﻝ ﺍﻟﻤﺪﺓ ﺍﻟﺼﺪﻳﻖ ﺍﻟﺤﻘﻴﻘﻲ ﺍﻟﻴﺴﺎﻋﺪﻙ ﻣﻦ ﺗﺤﺘﺎﺟﻪ
ﺍﻣﺘﺤﻨﺖ ﺷﻔﻬﻴﺎﺕ ﻭﻛﻌﺪﺕ ﺍﻗﺮﺃ ﺣﻤﺰﺓ ﻫﻢ ﻳﻘﺮﺃ ﻳﻜﻮﻝ ﺍﺭﻳﺪ ﺍﺧﻠﺺ ﻣﻦ ﻇﻴﻢ ﺍﻟﻘﺮﺍﻳﺔ ﻻﻥ ﻣﺎﺑﻴﺔ ﻳﻮﻣﻴﺔ ﺗﻌﺎﻝ ﺍﻗﺮﺍ ﻭﻋﻴﺪ ﺧﻞ ﺍﺧﻠﺺ ﻣﻦ ﻫﺴﺔ ﻫﻮﺍﻱ ﺍﻧﺘﺒﻬﻠﻪ ﻳﺼﻔﻦ ﺑﻴﺔ
ﺑﺼﺮﺍﺣﺔ ﺍﻧﻲ ﻫﻢ ﺍﺣﺐ ﺣﻤﺰﺓ ﻭﻣﻦ ﺍﺷﻮﻑ ﻭﺣﺪﺓ ﺗﺒﺎﻭﻋﻠﻪ ﺍﻣﻮﺕ ﻣﻦ ﺍﻟﺤﺮﻛﺔ ﺍﺣﺲ ﻫﻮ ﻣﺎﻟﺘﻲ ﺍﻟﻲ ﻣﺎﺍﻗﺒﻞ ﻳﺒﺎﻭﻋﻮﻟﻪ ﺍﻟﺒﻨﺎﺕ ﺩﺍﺋﻤﺎ ﻧﻄﻠﻊ ﺍﻧﻲ ﻭﻳﺎ ﻧﻔﺘﺮ ﻭﻧﺘﻮﻧﺲ ﻗﺒﻞ ﺍﻻﻣﺘﺤﺎﻧﺎﺕ ﺏ 4 ﺍﻳﺎﻡ ﺟﺎﻥ ﺷﻬﺮ ﺷﻌﺒﺎﻥ ﺍﻟﻌﺎﻟﻢ ﺗﺘﺠﻬﺰ ﻟﺮﻣﻀﺎﻥ ﻃﻠﻌﻨﺎ ﻧﻔﺘﺮ ﻭﻧﺘﻮﻧﺲ ﻣﺜﻞ ﻛﻞ ﻣﺮﺓ
ﻃﻠﻌﻨﺎ ﻟﻠﺤﺪﺍﺋﻖ ﻧﺘﻤﺸﻰ ﻭﻧﺴﻮﻟﻒ ﻫﻮ ﻻﺯﻡ ﺍﻳﺪﻱ ﻭﻧﻀﺤﻚ ﺳﻮﺍﻟﻔﻨﺎ ﻛﻠﻬﺎ ﻋﺎﺩﻳﺔ ﺑﺲ ﺣﻠﻮﺓ ﻳﺴﻮﻟﻔﻠﻲ ﻋﻨﻪ ﻭﻋﻦ ﻃﻔﻮﻟﺘﻪ ﻭﻋﻦ ﻣﺮﺍﻫﻘﺘﻪ ﺟﺎﻥ ﻭﻛﺢ ﻭﻣﺎﻳﻨﻜﺪﺭ ﻣﺮﺓ ﺣﺎﺭﻙ ﻧﺎﻳﻠﻮﻥ ﺑﺤﺪﻳﻘﺘﻬﻢ ﻭﻣﺸﺘﻌﻠﺔ ﺍﻟﺤﺪﻳﻘﺔ ﻭﻣﺨﻠﻲ ﺍﻟﻌﺎﻟﻢ ﻃﻔﺎﺭ ﻳﺮﻛﻀﻮﻥ ﻫﻴﺞ ﻭﻳﺮﺟﻌﻮﻥ ﻫﻴﺞ
ﻭﻣﺮﺓ ﻛﺎﺗﻞ ﺍﺑﻦ ﺟﻴﺮﺍﻧﻬﻢ ﻭﻛﺎﺳﺮ ﺳﻨﻪ ﻻﻥ ﻛﺎﻳﻠﻪ ﺟﻴﺐ ﻃﻮﺑﺘﻚ ﻧﻠﻌﺐ ﻭﺍﻟﻮﻟﺪ ﻣﺎﻗﺎﺑﻞ ﻛﺎﻳﻠﺔ ﺍﺑﻮﻱ ﻣﺎﻳﻘﺒﻞ ﺍﻃﻠﻊ ﺍﻟﻄﻮﺑﺔ ﺑﺎﻟﺸﺎﺭﻉ ﺣﻤﺰﺓ ﻻﺯﻡ ﺍﻟﻮﻟﺪ ﻣﻜﺴﺮﺓ ﺗﻜﺴﺮ ﻛﺎﻳﻠﺔ ﺗﺨﺎﻑ ﻣﻦ ﺍﺑﻮﻙ ﻣﺎﺗﺨﺎﻑ ﻣﻨﻲ ﻭﺗﺎﻟﻲ ﺣﻤﺰﺓ ﻣﻨﻬﺰﻡ ﻟﻠﺠﻮﺍﺭﻳﻦ ﺧﺎﺗﻞ ﺑﺒﻴﺘﻬﻢ ﺣﺘﻰ ﻻﻳﻠﺰﻣﻮﻧﻪ ﺍﺑﻮ ﻭﻋﻤﺎﻣﻪ ﻫﻮ ﻳﺴﻮﻟﻒ ﻭﺍﻧﻲ ﻓﻄﺴﺖ ﻣﻦ ﺍﻟﻀﺤﻚ
ﻛﻮﺗﻠﻪ ﺣﻤﺰﺓ ﺍﻧﺖ ﺑﻠﻮﺓ ﻣﻦ ﺟﻨﺖ ﺻﻐﻴﺮ
ﺣﻤﺰﺓ ...... ﻳﺎﺑﻠﻮﺓ ﻭﻟﺞ ﻣﺴﻮﺩﻫﻦ ﺑﺎﻟﻌﺒﺎﺱ ﺍﻣﻲ ﻋﺎﻳﻔﺔ ﺍﺧﻮﺍﻧﻲ ﻛﻠﻬﻢ ﻭﺗﻔﺘﺮ ﻭﺭﺍﺀ ﺑﺲ ﺗﻐﻔﻞ ﻋﻨﺪﻱ ﺣﺴﺒﻲ ﺻﺎﺭﺕ ﻣﺼﻴﺒﺔ ﻣﺮﺓ ﺍﻣﻲ ﺗﻐﺴﻞ ﻣﻼﺑﺲ ﻭﺍﺣﻤﺪ ﺻﻐﻴﺮ ﻋﻤﺮﻩ ﺍﺷﻬﺮ ﻭﺍﻧﻲ ﺍﻛﻞ ﺑﺮﺗﻘﺎﻝ ﻋﻮﺩ ﻋﺎﻗﻞ ﺑﺲ ﻛﺎﻣﺖ ﺍﻣﻲ ﺟﺒﺖ ﺍﻟﻜﺸﻮﺭ ﻭﺍﺩﺣﺲ ﺑﺤﻠﻚ ﺍﺣﻤﺪ ﻭﺍﻟﻜﺸﺮ ﺣﺎﺭ ﺍﺧﺘﻨﻚ ﺍﺣﻤﺪ ﻭﺍﻣﻲ ﻛﺎﻣﺖ ﺗﺪﻙ ﻋﻠﻰ ﺭﺍﺳﻬﺎ ﻭﺗﺼﺮﺥ
ﻭﺗﺪﻙ ﻋﻠﻰ ﻇﻬﺮ ﺍﺣﻤﺪ ﻭﺍﺣﻤﺪ ﻏﺎﺹ ﺑﺎﻟﻜﺸﺮ ﻭﺍﻧﻲ ﻋﻔﺘﻬﻢ ﻭﻧﻔﺲ ﻛﻞ ﻣﺮﺓ ﺍﻓﻠﺖ ﺑﺎﻟﻘﻄﻌﺔ ﻣﺎﻝ ﺟﺮﻳﺎﻧﻨﺎ ﻟﺤﺪ ﺍﻻﻥ ﻣﺎﻳﺪﺭﻭﻥ ﺟﻨﺖ ﺍﺧﺘﻞ ﺑﺎﻟﻘﻄﻌﺔ ﺍﺷﻮﻓﻬﻢ ﻛﺪﺍﻣﻲ ﻳﺘﺮﺍﺩﻣﻮﻥ ﻋﻤﺎﻣﻲ ﻭﺍﺑﻮﻱ ﻳﺮﺩﻭ ﺑﺲ ﻳﻠﺰﻣﻮﻧﻲ ﻻﻥ ﻛﻞ ﻣﺼﻴﺒﺔ ﻭﻻ ﺍﻟﺜﺎﻧﻴﺔ ﺗﺴﻮﺩﻧﻮ ﻣﻨﻲ
ﺭﻳﺎ ....... ﻫﻬﻬﻬﻬﻬﻬﻬﻪ ﺣﻤﺰﺓ ﻛﺎﻓﻲ ﻛﺎﻓﻲ ﻭﺍﻟﻨﺒﻲ ﻣﺎﺍﺗﺤﻤﻞ ﺑﻌﺪ ﺍﻧﺖ ﺗﺤﺠﻲ ﺻﺪﻙ
ﺣﻤﺰﺓ ....... ﻭﺍﻟﻠﻪ ﻭﻣﺼﺎﻳﺒﻲ ﻭﻱ ﻧﻮﺭ ﻭﺯﻫﺮﺍﺀ ﺍﻭﻭﻭﻭﻭ ﻭﺣﺪﺓ ﻛﻠﺒﺘﻬﺎ ﻣﻦ ﺍﻟﺤﺠﻠﺔ ﻭﻭﺣﺪﺓ ﻏﺼﺼﺘﻬﺎ ﺑﺮﻣﺎﻥ ﻣﺼﻴﺒﺔ ﺍﻧﻲ
ﻣﺮﺓ ﺷﺎﻳﻞ ﻧﻮﺭ ﺍﻣﻲ ﺗﻔﺘﺮ ﻭﺭﺍﻱ ﺣﻤﺰﺓ ﻋﻮﻑ ﺍﻟﺒﻨﺖ ﺣﻤﺰﺓ ﺫﺏ ﻧﻮﺭﺓ ﻣﻦ ﺍﻳﺪﻙ ﻛﻮﻟﺘﻠﻬﺎ ﻳﻤﺔ ﺍﻧﻲ ﺷﺎﻳﻠﻬﺎ ﻏﻴﺮ ﻫﻲ ﺍﺧﺘﻲ ﺟﺎﻥ ﻋﻤﺮﻱ 7 ﺳﻨﻮﺍﺕ ﻭﻧﻮﺭ ﻋﻤﺮﻫﺎ ﺳﻨﺔ ﺑﺲ ﺗﺄﺧﺮﺕ ﻣﺎﺗﺰﺧﻒ ﻭﻻ ﺗﻤﺸﻲ ﻟﻴﺶ ﻣﺎﺭﺣﺖ ﺍﺷﺘﺮﻱ ﻭﺍﻋﻮﻓﻬﺎ ﺑﺎﻟﺪﻛﺎﻥ ﻭﺭﺣﺖ ﺍﻟﻌﺐ ﻃﻮﺑﺔ ﺳﺎﻋﺔ ﻫﻴﺞ ﻭﺭﺟﻌﺖ ﻟﻠﺒﻴﺖ ﺍﻣﻲ ﺷﺎﻓﺘﻨﻲ ﺳﺄﻟﺘﻨﻲ ﻋﻠﻰ ﻧﻮﺭﺓ
ﻛﻮﻟﺘﻠﻬﺎ ﻣﺎﺍﺩﺭﻱ ﻛﺎﻣﺖ ﺗﻠﻄﻢ ﻭﺗﺪﻭﺭ ﻭﺍﻧﻲ ﻧﺴﻴﺖ ﻭﻳﻦ ﺧﻠﻴﺘﻬﺎ ﻟﻤﻦ ﺍﺟﺖ ﺍﻡ ﺍﻟﺪﻛﺎﻥ ﻛﺎﻟﺖ ﺍﻟﺒﻨﻴﺔ ﻧﻄﺖ ﻣﻦ ﺍﻟﺒﺠﻲ ﻭﺍﻧﺘﻈﺮﺕ ﺣﻤﺰﺓ ﻳﺠﻲ ﻭﻣﺎ ﺍﺟﺔ ﻭﺟﺒﺘﻬﺎ ﺑﻴﻮﻣﻬﺎ ﺻﺎﺩﻭﻧﻲ ﻣﺎﻛﺪﺭﺕ ﺍﺷﺮﺩ ﻭﺍﻧﻜﺘﻠﺖ ﻣﻦ ﺍﺑﻮﻱ ﺑﺲ ﻣﺎﺗﺒﺖ ﺯﺩﺕ ﺻﺪﻛﻲ ﺑﺎﻟﺴﺎﺩﺱ ﺍﻋﺪﺍﺩﻱ ﻳﺎﻟﻠﻪ ﺷﻮﻱ ﺧﻠﺼﻮ ﻣﻦ ﻣﺸﺎﻛﻠﻲ ﻭﺣﺘﻰ ﻣﻦ ﺭﺣﺖ ﻟﻌﻤﺎﻣﻲ ﻋﻠﻤﻮﺩ ﺳﺎﻟﻔﺘﺞ ﻛﺎﻟﻮﻟﻲ ﺣﻤﺰﺓ ﺻﺎﺭﻟﻨﺎ 5 ﺳﻨﻴﻦ ﻣﺮﺗﺎﺣﻴﻦ ﺭﺩﻳﺘﻠﻨﺎ ﺑﺒﻼﻭﻳﻚ ﻣﻮ ﺗﻮﻧﺎ ﺗﻨﻔﺴﻨﺎ
ﺭﻳﺎ ...... ﻓﻘﺪﺕ ﻣﻦ ﺍﻟﻀﺤﻚ ﻳﻌﻨﻲ ﻣﺎﻛﻮ ﻫﻴﺞ ﻛﺎﻣﺖ ﺩﻣﻮﻋﻲ ﺗﺼﺐ ﻣﻦ ﻛﺜﺮ ﺍﻟﻀﺤﻚ ﻭﺑﻄﻨﻲ ﺗﻮﺟﻌﻨﻲ ﻣﻦ ﺍﻟﻀﺤﻚ ﻛﻮﺗﻠﻪ ﻛﺎﻓﻲ ﻋﻠﻴﻚ ﺍﻟﻠﻪ ﺑﺲ ﺍﺭﺗﺎﺡ ﺑﻄﻨﻲ ﺗﻘﻠﺼﺖ ﻭﻛﺎﻣﺖ ﺗﻮﺟﻌﻨﻲ ﻛﺎﻋﺪﻳﻦ ﻧﻀﺤﻚ ﻭﻧﺴﻮﻟﻒ ﻭﺍﺟﺖ ﺑﻨﻴﺔ .............
