رواية لست خائنه الفصل العشرون 20 بقلم انين الليل

//////////////////////////

سلام 

صرت يوميه اروح للمزرعه اوصل الضحى اخذالها لفه وجاي واعوفها شويه وارجع اخليها تروح للحمام 

بعدين ارجعها واقفل عليها الغرفه وانا اشوفها شلون تغيررت بهاي الشكم يووم احس بيها ضعفت واسمرت 

خصوصا وانا ما مخلي يمها بس مروحه ارضيه بحر البصره او وجودها بمزرعه مفتوحه 

احنا ما نحجي ابد المحامي يتصل يريد يقسم التركه وانا كتله هي سافرت 

فد يوم رحت الضحى وصلت اخذت الها لفة جبن وفتحت الباب شفتها نايمه من شافتني كعدت انا انطيتها اللفه 

وخليت يمها كوب الجاي وطلعت ظليت اتمشى ورجعت وره ربع ساعه راحت للحمام ورجعت قفلت عليها الغرفه

ما اعرف شنو سبب سكوتها ما تحجي لو كلمه 

قبل ما اطلع باوعت الها وكلت 

::تره المحامي يسال يمته تتنازلين على مود اطلكج

هي بقت ساكته ما جاوبتني ردت الزمها واكسرها بس كلت خلي اسكت هالايام بلكي تفكر طلعت لكيت ام 

عادل منتظرتني وكالت

يمه سلام اريد اروح البتي وارجع العصر اذا تكدر تمر عليه

انا هزيت راسي شفتها شايله علاكتين وصلتها ورجعت الشغلي جانت اكو طلبيه ظلوالعمال يحملون 

اجاني فارس كلي 

- - سلام خابرت ابو ربيع على مود دين فواز كلي المحامي خابرني ويكول لا تسد الاي احد لان اكو 

قضية ورث بعدهي ما محلوله 

انا كتله : عادي فارس هسه انت اتوقف وانا استفسر من المحامي 

فارس /؛ها هي سلووم براحتك 

اشوف كلام بوجه فارس انا اتقصدت اسوي روحي ما اعرف سالته 

::فارس شخيرك خو ما كو شي 

هو جر حسره /:لا سلام سلامتك ماكو شي 

اريد احجي اتصلو علي شاف المتصل باوعلي كلي /:هذا عمي رعد ما راح اجاوبه 

انا باستغراب ::ليش فارس ما تجاوب 

فارس /؛يمعود انا صار اكثر من خمس تشهر ما شايف احد منهم 

::مي خالف فارس شوفه اخاف بي شي محتاج شي

اتصل مره ثالثه جاوب فارس 

- - الو اهلا عمي 

#الو شلونك فارس 

- - هلا عمي شلونك 

#الحمد لله بخير 

- - دووم عمي سلامات 

#الله يسلمك فارس ليش ما تسال وتجي علينه 

- -والله عمي مشاغل خير ابو ضياء 

#اريد اشوفك فارس محتاج اشوفك تعال 

- - عمي انت زين 

#اتصدك فارس انا مو زين 

فارس /:على كيفك خلص عمي تعالي للشقه متتظرك

راح فارس وانا كملت شغلي ورجعت للبيت لاكتني كوثر وكلتلي 

- الله يساعدك حبيبي 

::هلا كوثر حضريلي الحمام 

كوثر /:اي هسه اصبلك غدا 

::حبيبتي اتغديت ويه العمال 

كوثر حجت بعصبيه /:هاي شنو سلام منتبه انت ولا يوم كابلتني ع السفره لا غدى لا عشا لا ريوك 

: كوثر تعرفين شكد ملتهي وتعبان

كوثر /:واذا تعبان يعني حقي عليك هسه لا طلعه لامشيه تكول ملتهي وبس تفرغ بس ما يصير كله تاكل بره

رحت يمها وكرصت خدها وخليت ايدي على جتفها ودنيتها الصدري وكتلها

::ولك ياحلو مو يوميه اجيب لك حلويات لو فواكه على مود تصير دنفووش ونكعد ناكل سووا 

هي ضحكت وكالت /:اي بس كلام شقابضه 

::راح تقبضين وقريبا جدا

سبحت وطلعت رحت على ام عادل اخذها للمزرعه صعدت ام عادل عدها علاكه مالت الصبح حركت السياره 

باوعتلي وكالت //يمه سللام اريدد تمرني على بيتكم 

::هاا خاله خيير 

- - خير يمه ان شالله من رحت الاهلي بالناصريه صوغني الحبايب وضميت شويه دهن حر وسمسم وكلت

اجيبه الكم 

::خاله شنو هالزحمه 

ام عادل /:لا يمه ماكو زحمه 

::يالله هسه اوديج بس مو نتاخر لان عندي شغل 

ام عادل /: يمه من الباب بس اسلم واطيهن الصويغه ونرد

وصلت ام عادل انا اعرف ما راح تحجي على الي يصير بالمزرعه هي دخلت للمطبخ واجتها عطاء وعمي 

صاحب ودخلوها للصاله واجن سهير وكوثر سلمن 

عطاء لزمت بيها خاله ابقى باتي يمنا هي ما قبلت وگالت لازم تروح وسيارة ابنها عاطله بالتصليح 

او وعدت عطاء تجي وتبات يمها فد يوم وبدورها عطاء رحبت بيها 

اما ذنيج الثنين ساكتات ما يحجن بس مجرد ردن السلام من طلعت انا وام عادل نزلت اخذت فواكه اوصيت 

المطعم يسوي تشكيلة مشاوي وصلنا ونزلت الغراض بيد ام عادل الي ما قبلت تاخذهن بعدين سوت صينيه

 زغيره احذتها الرضوى وفتحت الباب لكيتها متمدده على صفحتها هي حست بوجودي كعدت جان التعب 

مبين على وجهه وتراب الغرفه مالي ملابسها

خليت كدامها الاكل وطلعت وربع ساعه ورجعت عليها اخذت الصينيه هي ما ماكله اهواي وفتحت باب الغرفه

 دخلت للحمام وطلعت وكانما تعرف انو هذا سجنها من ردت اقفل الباب هي كلتلي 

- - جيبلي ماي 

انا سمعت صوتها شلون مكسور من شفتها بهذا المنظر حسيت بفرح اريدها بعد تنكسر وتنذل بس اهم 

شي توقع ع الاوراق وبعدها ما اطلگها لا اعلنها خدامه الكوثر هذا الشي الي يشفي غليلي رحت جبتلها

 جكاية ماي وطلعت بدون ما احجي وياها رحت كعدت يم عادل سالته ع الشغل وطلعت وانا بالطريق ما اعرف

شلون تذكرت ساره وين صارت

 وصلت للمحل طلعت الفون ورحت ع رقمها ردت اتصل بعدين كلت

::لا ما اتصل من يمته وانا ما شايفها 

بعدين اتصلت بفارس ::الو فارس 

- هلا سلام 

::شكو شراد عمك 

فارس /:ما راد شي اخلاص طالبه الطلاك ويريدني احجي وياها 

::هاي شتريد ما تجوز 

فارس /:ما تعرف شتريد سلام 

::وشكتله 

فارس /:المشكله سلام عمي يحبها وانوب صار ولد منها هذا متخبل 

::وهسه فارس 

فارس /:كتله مي خالف انا احجي وياها وبحضورك 

::زين تسوي 

فارس /:بس قبلها سلام لازم اخطب انوار بت عمي رحمن واعقد عليها حتى اخلاص تقطع الامل واخليها

امام الامر الواقع 

::اي فارس اليوم اخابره واتفق ويا وباجر حضر نفسك 

فارس /:ليش هو انطاك الموافقه 

::اي كلي قبل كم يوم 

فارس بفرح /:وضام عليه 

::لا والله بس ردتهم يحضرون روحهم 

فارس /:زين سلام انا راح اكل العمي جواد هو ومرته وانت خلي واحد من عمامك يجي 

::صار اخابر صاحب وخالتي ام بهاء واتفق ويه عمي رحمن 

فارس /:اي سلام ونحضر السيد يعقد وخلي ام بهاء تروح تتفق ع المهر 

::يامهر هذا لو شيطلبون يجرالهم ومني 

فارس /:تسلم ياخوي مايصير منك 

::شنو ما يصير اخوي وانا اتكفل بعرسه بس ليش ما تكل الرعد 

فارس /:لا سلام ما اريد اخلاص تسمع هاي ممكن كل شي تسوي 

::اي هم صحيح هسه ان شالله باجر الساعه بتلاثه العصر تحضر وانا راح اتصل باصدقائنا انت ابد 

لا تهم بكل شي 

فارس /:الله يديمك ما اعرف شكلك 

::كل شيءلا تكول الك الصافي انا راح اكل العمي رحمن وما اخلي باجر يجي للشغل 

فارس/:تسلم ابو اسد الله لا يخليني منك 

::فارس انت اخوي --انا اتذكرت فواز كوه حبست دموعي --فارس حس بيه كلي 

- - سلام انا اخوك اخوك للموت

حضنته وگوه داريت دمعتي ما نزلت وخابرت عمي رحمن واتفقت ويا ع الساعه تلاثه العصر وكتله لايجي 

باجر للمحل وخابرت رشيد صديقنا وزاهر 

كتلهم ترحون ويانا وحاجيت حسين كتله يجيب كيك وعصائر ويدزهن الصبح البيت عمي رحمن وخابرت 

خالتي ام بهاء وكتلها كالت صار اجي انا ومرت بهاء يستاهل فارس 

صارت الدنيا وره المغرب بشويه ورحت للبيت ما متعود ارجع من وكت خليت السياره بره ما دخلتها لان بعد 

وكت ودخلت للبيت وفتحت باب المطبخ لكيت سهير وام صلاح كاعدات يسولفن من شافني ارتبكن وبدلن بسرعه

وكالن

- - الله يساعدك سلام 

هلا ام انمار- ودرت على صبيحه -اشلونج عمه 

صبيحه مرتبكه /:هلا عمه الله يسلمك كوثر كوثر رجلج اجه 

اجت كوثر اشوفها مو على بعضها هاي شبيها 

كوثر /؛الله يساعدك سلام شعجب من وكت 

::خلصت شغل واجيت خو ما ضايقتج 

كوثر /:شنو هالحجي سلام على شنو تضايقني

رحت دخلت للغرفه لكيت ريحه مالت حرك والغرفه مليانه دخان صحت على كوثر اجت 

—ها سلام 

::شنو هذا الدخان الي بالغرفه شجاي تسوين 

كوثر /:هذا بخور بخرت الغرفه 

انا باستغراب ::ها والبخور بس الغرفتي ليش مو بالبيت بعدين هذا ريحة دخان مو بخور 

هي بارتباك /: سلام متوهم ريحة بخور 

انا من شفتها مرتبكه كتلها ::وينه ؟

كوثر //شنو سلام 

انا ::البخور وينه 

كوثر/:هاا طلعته 

اتقربت منها لزمتها من ايدها وكلبي صار يدك حييل ::جاي اكلج وينه 

كوثر/:شنو سلام انت جاي على وكت تتعارك 

::لا تعلين صوتج

صار كلبي يدك ما خليتها تحجي ظليت اباوع للغرفه دورت ع مكان الحرك حتى الثلاجه فتحتها بعدين نزلت جوه 

الجربابه لكيت صينيه بيها شمعه وملفوفه عليها ورقه ويمها مبخره زغيره بيها بقايا دخان انا شلتها وكتلها 

::جاي تسويلي سحر كوثر 

هي رادت تحجي انا كتلها 

::اششش ولا كلمه 

طفيت الشمعه جانت خالتها بصينيه زغيره طلعت علاكه وخليتهن بدون ما اخربهن ورحت طلعت من باب 

المطبخ وانا اباوع باستهزاء صعدت بسيارتي ورحت على خالتي ام بهاء وراويتها

ام بهاء /:تتذكر سلام من كتلك دير بالك من صبيحه وبتها امك الله 

يرحمها ليش ما تريد كوثر مو لان تحب رضوى لا لان تعرف

صبيحه اكبر سحاره وما تهاب وما تخاف وتمشي ومستعده كل شي

تسوي بس المهم تاخذ الي تريده

::خاله هنه ليش يسوون هيج 

ام بهاء/:مبينه خاله صبيحه تريدك تصير ويه كوثر مثل ما طاهر وياها 

شتكله يكلها تم ما تشوفه عمك من يدخل علينه عبالك نسر ويمها لو تكله هذا اللبن لونه اسود يكلها اي 

انا رديت ::بس شايفته خاله اذا لزمها وجرم بيها اكبر واحد ما يهدها منه 

ام بهاء /:اي صدك بس دوره لفته يفش

خالتي راحت شويه ورجعت صاحت على بهاء وكلتله //يمه بهاء روح اخذ اخوك السيد ،،، وخلي نشوف شيكول 

بهاء /:خلي اخابره اخاف طالع 

ام بهاء /:توني خابرت مرته وكالت خلي يجوون ومن تكملون جيب سلام وتعالو بهاء انت سوق روح بسيارتك 

سلام ما له خلك

واخذني بهاء للسيد رغم ما چنت اعتقد بقضايا السحر وغيرها وصلنه يم السيد بهاء خلاني وطلع اعرف

بي ايكول هاي اسرار 

انا سولفت للسيد وراويته العلاكه 

هو باوع وشافهن هو حتى ما سالني على اسمي الظاهر خالتي منطيته كل الاوليات كلي 

- - تحس بخنكه مو وكلبك يدك حيل وريكك يابس حتى لو توك شارب ماي 

انا جاوبته ::اي سيد 

السيد /:سلام حاجيني بصراحه انت ما تحب زوجتك وردت تطلكها بس ما كدرت 

هزيت راسي باي 

السيد /: زين انت ويه زوجتك دائما مشاكل الاتفه الاسباب 

:: ايي ومرات توصل اضربها واكفر بيها 

 هز راسه // خلي هذني يمي وباجر الصبح تجيني ضروري بدون ريوك 

هسه من تروح قبل لاتنام اتوضى وشكد ما تكدر تقرا اية الكرسي والمعوذتين تماام

انا جاوبته ::ماشي بامرك سيد 

السيد /:صيح اخوك 

انا صحت بهاء لكيته كاعد على كرسي بره اجه السيد كله 

بهاء باجر تجي ويا وتجيب هذني الي كتبتهن اريدهن كاملات 

بهاء /:ان شالله مولاي 

من طلعت مديت ايدي على جيبي هو ما قبل كلي - - رووح عمي اكمل وتطيب وعود جيبلي هديه

رجعت ويه بهاء توضيت ونمت وثاني يوم كعدتني خالتي ما تريكت مثل ما كلي السيد وبهاء طلع 

ورجع كلي //يالله سلام خلي نروح للسيد 

::ماشي بس اخذ السياره اخليها بالمحل 

ام بهاء /:لا سلام تجي اهنا وافتهم منك وبعدين رووح 

::صار خاله وانتي مو تنسين اليوم نروح نخطب الفارس يالله بهاء امشينا 

ورحنا للسيد وصلنه خليت التلفون ع الصامت بهاء انطا الشغلات السيد باوعلي كلي 

السيد/:سلام البارحه نمت 

::اي سيد نمت نوم عميق 

السيد طلع بطل من الثلاجه وصب ماي بكلاص كلي اشربه واكعد 

انا شربته ماي عادي السيد كعدني بالكاع وصار السيد يقرا ايات قرانيه انا صار كلبي يدك اختنكت والسيد يقرا يقرا 

ايات قرانيه وانا كلبي يدك والسيد بقى يقرا مره يعلي صوته ومره ينصي حسيت نفسي صارت تلعب وراسي ثكل

 السيد اشر البهاء جان اكو باديه زغيره بالباب جابها بهاء السيد دنا وبقى يقرا يقرا فجاه انا اتقيات وبقى السيد يقرا

 انا شويه هدات ما كدرت اظل كاعد تمددت وره تقريبا ربع ساعه 

السيد انطاني ماي كلي اسبح بي ورش غرفتك وملابسك لو مره وحده بس رش اكثر شي بالزواياوداخل الكنتور

وعلى فراشك وهذا البخور اشعله ولازم تفتح قران دائما 

انا رجعت رحت الخالتي سوتلي ريوك وانا سولفت الها كل شي 

كالت /:اي خاله مشرباتك صدك انا اعرفهن 

جاوبتها ::انا اعلمهن الحقيرات 

ام بهاء/:يمه سلام لا تبين شي على كيفك خلي كل شي بوكته 

::خاله مليت باالله كليلي منين الكاها فهميني 

ام بهاء/:يمه ادري بيك الله يساعد كلبك اتحمل وداعتك ما تشوفها الا انحلت

خالتي سوتلي ريوك واتريكت وبعدين سلمت عليها واكدت على موعد فارس وكتلها يجيبج بهاء لان يروح ويانه

 طلعت اريد اروح للمحل اتذكرت ساره ما اعرف ليش هالايام تجي على بالي فريت السياره ورحت للدائره الي 

تداوم بيها دخلت سالت موظف الاستعلامات 

::السلام عليكم 

- - عليكم السلام اتفضل 

::العفو وين الكى ست ساره ،،

ياساره !

::ساره ام علي

- - هاا رايد ام علي ؟

::اي والله 

- - اعذرني استاذ عدنا بالدائره تلث سارات ثاني غرفه ع اليمين 

::شكرا استاذ ما قصرت

ورحت وصلت للغرفه دخلت شفت تلث موظفات بس هي ما موجوده وحده كلتلي /:اتفضل خويه رايد من 

::العفو رايد ست ساره ام علي 

الموظفه /:الغرفه الي بصفنا 

::شكرا جزيلا

وصلت للغرفه ما اعرف احساس بين الخجل والتردد هاي صار شكد ما سائل ولا شايفها دكيت الباب سمعت 

صوتها اتفضل فتحت الباب لكيت يمها مراجعين هي جانت تكتب شالت راسها وشافتني 

هي اتغير وجهها بقت صافنه بعدين كامت من وره الميز واجت يمي اباوع الها لابسه اسود بس مبين لابسه

بدلت حوامل طلعت قبلي وطلعت وراها 

وكفت ودارت علي

- - شلونك سلام 

::الحمد لله ساره انتي شلونج 

- - عايشه مثل ما تشوف 

::ليش لابسه اسود 

- - امي توفت -وحبست دمعه-

::اسف ساره البقيه بحياتج 

باوعتلي //بحياتك الباقيه شعجب اتذكرتنا 

::دائما ع البال لكن اعذري ظروفي 

- - معذور سلام ما صار شي 

::شخبارج 

- - الحمد لله وانت سلام 

اتحسرت :: عايش 

خيير سلام مبين عليك التعب 

جريت نفس :: اهواي صارت امور اذتني 

ساره // قلقتني خير ان شااللهر

:: اخوي اتوفه 

هي نشغت // البقيه بحياتك صدگ صدمه الله يصبركم 

:: رحم الله والديك وانتي 

اتنفست // انا سلام رجعت الطليقي الخاطير ابني احسنله يعيش بين امه وابو 

انا رفعت تك حاجب ::رجعتي وانتي ما تحبي 

ساره هزت راسها /:اي سلام رجعت شنو حصلت من الحبيته -ودنكت -

انا ما اعرف حسيت بخجل شديد ::ساره انا جنت ا،،،

قاطعتني /:سلام صدكني والله ما جاي الومك بس اكلك انا حبيتك وادري بيك انت ما تحبني ورغم هذا قبلت 

بس انت رفضتني وهذا حقك ليش ابقى اركض ورا سراب ما منه امل واشوف ابني يكبر كدام عيني جان امامي 

حلين يااما احفظ بقايا كرامتي وما بيوم اصير بعين نفسي خاينه 

او ابقى وياك وتاخذ مني كلشي وادري بيك تباوعلي على اني رخيصه

انا جاوبتها بهدوء ::ساره عمري ما باوعت الج على انج خاينه او رخيصه

ساره بابتسامه باهته /:بشرفك سلام ولد شاب وبغرفة مره ومنفصله وماتشوفني رخيصه 

ومن حقك تتصورني كل شي لذلك قررت ارجع الزوجي حتى احافظ على كرامتي وكرامة ابني صحيح 

خطات بس الله كريم 

انا :: لكن انتي ماتحبي وهو فضل عليج وحده 

هزت راسها //اي صحيح لكن انا هم ماجنت وفيه لاويه نفسي ولا ويه ابني لذلك راح اعيش بس حتى اربي اولادي

ابتسمت :: ساره انتي خوش انسانه صدكي يمكن لو متلاكين بغير ظرف جا اتزوجنا وعشنا حياتنا 

هي ضحكت بس مبينه مقهوره /:لا سلام لا تجذب كلبك وعقلك مو وياي شوف انت تريد منو ومتعلق بيها 

تدري سلام يمكن فقدانك الاخوك تعبك لكن انت تعبان ومحتار ومقهور لان اتصور ما لان مضيع حب حياتك 

رووح سلام اذا موجوده وما متزوجه روح اخذها ولا تضيعها

انا اول مره احجي ويه ساره بخصوصياتي ::ما اكدر ارجع الها لان خانتني لان ذلتني ويه اقرب الناس 

واعزهم عدي 

ساره بكل هدوء/:على كيفك سلام لا تشوف الحقيقه بس من وجهة نظرك اسمع للجانب الاخر وبعدين احكم 

::ساره انتي انسانه طيبه وتستاهلين كل خير 

ساره /:وانت اخ عزيز 

::ربي يخليج واي شي تحتاجينه الله عليج لا تتردين لحظه تطلبينه مني 

- - شكرا الك ربي يخليك ويبرد كلبك

سلمت على ساره وطلعت رحت للبيت جانت الساعه تقريبا وحده الظهر دخلت ما لكيت احد اول مره اجي 

وما الكه صبيحه رحت الغرفتي لكيت كوثر نايمه بس سديت الباب هي كعدت انا جريت نفس باوعتلها وحجيت 

وانا متنك 

::روحي صبيلي غدا بين ما اخذ حمام سويلي زلاطه طماطه وبصل وخلي ليمون فوكها سويها ناعمه 

هي كامت كالت /:صار هسه 

انا اتعمدت هيج احجي على مود ارش الغرفه وملابسي بس طلعت قفلت الغرفه ورشيتها ورشيت ملابسي 

والزوايا وخليت المرش داخل الميز وقفلته ودخلت للحمام بعد ان فتحت قفل الباب وسبحت وانا امشط جابتلي الغدا 

جانت مركة باميا وتمن باوعت وكتلها ::شبيه اشو جنت جوعان هسه ما اشتهي

كوثر كالت //سلام ليش ما تاكل شبيك 

::ما اعرف اشو ما اشتهي معدتي تاذيني 

كوثر /:رووح للطبيب 

::اي ان شالله بس هسه لازم اطلع زحمه اروح انا وعمي صاحب نخطب الفارس خلي ارمش علي ينزل 

كوثر /:يا اليوم تخطبون الفارس منو 

::بت عمي رحمن 

هاا بيها الخير 

انا وكفت وكتلها ::كوثر يجوز اتاخر بالليل لا يظل بالج زين حبببتي 

هي متعجبه تجاوبني /:اي عادي

طلعت لكيت عمي صاحب منتظرني بالصاله ورحنا وتممنا الخطبه والعقد عمي رحمن محضر گرايبه 

وبسرعه تممنا الخطبه وخلينه فارس يم عروسته ورجعنا انا رجعت للمحل وعمي صاحب نزل

 بالسوك دخلت للمحل اليوم كله انا ما واصله خليت المفاتيح والنقال باوعت لكيته ع الصامت يعني 

من رحت للسيد بعد ما رجعته عام شفت ام عادل متصله وعادل هم متصل 

حاولت اتصل مغلق الجهاز انا ركبت سيارتي ورحت للمزرعه مو عبالكم نسيت رضوى لا اتعمدت 

هالمره كلت ::خلي تحسب نفسها صايمه 

وانا بالسياره رجعت اتصلت على عادل 

::الو ها عادل خير 

هلا سلام لا ماكو شي انت وين 

::جاي للمزرعه شويه واوصل 

هلا بيك 

::عادل متصل عليه خير 

عادل /:كل الخير سلام ردت تجيبلي شغله وياك من ما جاوبت وصيت عليها بيت حجي مهدي وجابوها 

::اعذرني بس ناسي التلفون صامت وهسه شفته 

عادل /:ما صار شي كله سهل

وصلت للمزرعه لكيت ام عادل كاعده يم البيت ركنت السياره ونزلت لاكتني ام عادل انا من شفتها سلمت عليها

::اشلونج خاله 

ام عادل /:هلا يمه سلام اشلونك انت 

::الحمد لله خير خاله متصله علي وعادل هم شصاير 

ام عادل /:ماكو بس الخير بس رايدتك بشغله 

::اي خاله تدللين شويه وارجع لج 

ام عادل /:لا يمه هسه ما راح يصير شي من تسمعني 

انا بتافف ::اي خاله تفضلي اسمعج 

ام عادل // تعال يمه للبيت خلي نكعد ونسولف 

ودخلنا البيتهم وگعدت بالديوان هي باعتلي وسالت /: يمه اسويلك جاي 

::لا خاله جنت بخطبة صاحبي وشربنا عصير وجاي تسلمين 

ام عادل /:الله يسلمك 

::خير خاله متصله علي صاير شي 

ام عادل /: والله يمه انا اتصلت وعادل اتصل وانت ما رديت 

::خاله جان عدي شغل وناسي تلفوني صامت خير خاله 

ام عادل/:كل الخير يمه ان شالله خير 

::وانا اسمعج 

ام عادل/:شوف يمه سلام انا اعتبرك مثل ابني عادل ومعزتك الله شاهد من معزة عادل 

جاوبتها بقلة صبر :... انا الادري بس فهميني 

ام عادل /:يمه اسمعني للاخير وتالي سوي الي تريده اليوم الصبح رحت صوب الحجره وشفت مرتك تتلوى 

وسمعتها كامت تذب من راسها وتصيح خاله الحكيني 

اتصلت بيك كلت تجي تفتح الباب ناخذها للطبيب انت ماكو شفتها طاحت انا خفت عليها طلبت من عادل 

يكسر الباب 

انا وكفت على حيلي واحس نار تطلع من عيوني ::وطبها الم شلون هيج تسوين هذا الي ائي اامنكم هيج تح...

ام عادل قاطعتني ورفعت ايدها يعني خلي اكمل /:اطيني مهله خاله على كيفك واذا ما تريدنا اطردنا العيشه يم الله

 تره حتى عادل ما رضى يكسر الباب بس انا كتله اكسره لاجل شفت مرتك طاحت خفت كلت خاف كرصتها عكرب

لومتسممه تموت يصير عليها شي شنكلك ما راح تعاتبنا 

انا :: عساها بالموت 

ام عادل ولا كانما سمعتني استردفت /:كلت العادل ياخذنه بسيارته وهو يخابر وانت ما ترد واخذتها للمستشفى 

الطبيبه شافتها كالت سويلها تحليل حمل 

انا بعصبيه ::شنو خاله شنو تحليل حمل انتي شتحجين 

ام عادل /:يمه سلام اطيني مهله مرتك كالت للطبيبه انا مو حامل بس الطبيبه رادت تتاكد واخذتها وسوينا وطلع

ما كو حمل 

انا جريت نفس وياها حسره كتلها :وهسه شصار هي وين 

ام عادل /:من جبت التحليل شو الطبيبه خلت وفحصت مرتك وكالتلها

ماما انتظري بره من طلعت بره الطبيبه نشدتني 

حجيه المريضه شتعودلج 

انا جاوبتها كتلها بتي 

الطبيبه سالتني /: خاله بتج شكد صار الها متزوجه 

انا كتلها /:دكتوره اظن شهر شويه اكثر 

الطبيبه كالت --وسكتت ام عادل --انا كتلها بدون صبر

::خاله كولي شكالت الطبيبه شبيها رضوى 

يمه كالت ،،،وهم سكتت 

انا بعصبيه ::خاله تره شعلتي اسلافي فهميني شكو 

ام عادل بسرعه حجت /:خاله سلام الطبيبه كلتلي بتج بعدهي باكر محد جايسها

انا نشدتها /:دكتوره انتي متاكده 

الطبيبه /:اي خاله واذا تردين تتاكدين اخذيها العشر اطباء غيري راح يكلولج نفس الكلام 

هسه انت يمه سلام انكول ما جايسها لان يجوز تتذكر اخوك ونفسك ما تطيعك بس فواز الي بقت ويا اكثر من 

ست تشهر شنو يمه شلقضيه انا يمه كلت ابلغك وانا لاحجيت ويا مرتك ولا نشدتها والطبيبه ضربتها ابره 

ومن رديت انا وياها نزلتها يمي ابيتنا هي ما رضت تخاف منك بس انا كتلها انا احجي وياك ومن اجت الهسه 

ما خلت لكمه بحلكها بس نايمه ومصخنه توها كبل لا تجي ركدت معدتها النهار كله وهي تذب من راسها

انا سمعت كلام ام عادل حسيت السكف يريد يطيح عليه والحياطين صارن يدنن علي يردن يخنكني 

حتى النفس احس انقطع عني كمت اجر النفس كوه شافتني ام عادل كامت جابت ماي غسلت وجهي 

لان احس اطرافي يبسن 

وام عادل تسمي وتسبح شربت شويه ماي وباوعت لام عادل كتلها 

::خاله وينها

يمه ابحجرتي 

::اريد اروح اشوفها سويلي طريق 

راحت ام عادل وانا بعدني بكعدتي ما اعرف بشنو افكر بس كلام ام عادل يرن باذني 

وكفت ورحت امشي الحجرة ام عادل وصلت لكيت ام عادل بالباب سالتها وينها 

هي وخرت من الباب شفت وحده نايمه انا تقربت منها وبرجلي دفرتها هي باوعتلي انا لزمت ايدها من معصمها 

كامت ورحت امشي وهي وراي اخذتها للبيت مو للغرفه اباوع الها هي حافيه والتعب مبين عليها دخلنه وقفلت الباب 

جريتها للغرفه وهي تباوعلي خايفه لزمتها وشمرتها ع الكاع جانت مفروشه زوليه كعدت ولزمتها من شعرها وانا 

صاك اسنوني 

::فلم جديد هذا رضوى خاتون هالمره بطلته انتي وام عادل 

لزمتها وشكيت الثوب الي لابسته هي خلت اديها على صدرها واتقربت يمها وقربتها اليه وانا اكلها باستهزاء 

::شنو هاي العفه والخجل (عضيتها بركبتها وانا اكلها )

:...ها ولج عضتي لو عضة فواز اقوى 

وبستها من شفايفها وانا اكلها /:الله عليج شكم مره فواز بايسهن والشعر دووم يشمه مو 

 نيمتها واحجي وياها ::وهذا الجسم شكم مره شايفه هيج بدون ملابس 

هي ساكته وبس تبجي وانا اشوفها شلون جسمها يخبل ما اعرف شنو بذيج اللحظه شنو سويت الي اتذكره 

اني اغتصبتها اغتصبتها بوحشيه وانا احجي وياها بتشفي 

:: شكد انطيتي لام عادل شنو سوتلج عمليه بس الي شفته فاجاني خلاني اتمنى الموت بذيج اللحظه لكيتها باكر 

ومحد لا مسها وشلون تنزف جواي بكل قوه شفتها وهي بس دموع بدون كلام 

يالله شكد احتقرت نفسي كعدت على حيلي ولبست ملابسي وطلعت للهول وصرت ابجي واگول 

ياربي شنو هذا الي يصير وياي انا بحلم لو بعلم 

ورحت على ام عادل صحت عليها اجتني كتلها وانا ارجف

::خاله روحي شوفي رضوى تحتاج ادزها للمستشفى 

هي راحت وشافني عادل واجه سلم عليه وكلي كلمه صحتني 

- - سلام كل شي ينحل بالهدوء على كيفك ويه نفسك راجعها وراح تشوف الصح من الخطا 

انا واكف لمن ما ام عادل اشرتلي رحت كلتلي مرتك ما تقبل تروح والنزف ماخذها ادخل طيب خاطرها بكلمتين 

اناكتلها:: لا خاله احس بنفسي راح اموت ما اكدر انتي ابقي يمها واذا تحتاج اخذيها للطبيب 

طلعت فلوس من جيبي وانطيتهن وركبت بالسياره وطلعت وانا ما اعرف شنو الي صار 

فواز يم رضوى بالشورت وبالليل وبعدين تزوجو فواز بكل علاقاته ومعرفته بالنسوان ما لامس رضوى 

زين اذا عدهم علاقه ليش ما لامسها شنو السبب 

ظليت ماشي بالسياره وانا اتذكر فواز بالمستشفى لمن يكلي اتزوجها شريفه بريئه 

وكفت السياره وبقيت اضرب على الاستيرن واگول 

::غبي انت سلام غبي بس شيسوي يمها بالليل شيسوي وياها ومن اتزوجو ليش ما لامسها 

معقوله دنت نفسه عليها لا لو دانيه نفسه ما خلاها انا اعرف فواز بشغلة النسوان 

جا شنو شنو شنو ولك سلام رضوى محد لامسها يعني فواز اذا يريد رضوى ليش عايفها 

ولك سلام شسويت رضوى ضحيه ضحية لعبه جبيره منو سواها وليش لازم اعرف 

ومن اعرف ياويلهم بس منو كوثر 

هزيت راسي :: لا بيومها وياي هي واهلها بالمزرعه منو سلام منو سووا بالرضوى هاي المصيبه ونزلها من عيني

صار ليل وانا ما اعرف شسوي لمن ما ام عادل اتصلت انا كلبي ظل يدك بس لا صاير بيها شي 

::الو ها خاله 

- - يمه سلام تعال يم مرتك ما تقبل اخذها للطبيب ولا اكلت وحتى ماي ما شربت 

::اي خاله جاي ان شالله 

ام عادل /:اكلك سلام احنا سوينه عشا الوجه الله اگلك يمه تعال 

(اشو نصت صوتها )مر ع الصيدليه وسولف للبنيه الصيدلانيه وهي تطيك دوا 

اتصدكون انا ابتسمت ام عادل عدها حل الكل شي 

انا بالسوك اخذت فواكه وحلويات ومريت ع الصيدليه طلبت حبوب وجع راس واجت يمي الصيدلانيه دكتوره انا 

اعرفها سلمت عليها وشرحت الها الحاله هي راحت وجابت كبسول وابر كالت 

ضروري تعرضها على طبيبه بس هاي خلي تاخذ كبسولتين الصبح واثنين باليل وهاي ابره الصبح وابره بالليل اذا 

ما صار نتيجه لازم طبيبه وممنوع بالوقت الحاضر تتقرب الها

اخذت العلاج واتشكرتها ورحت كبل للمزرعه وكوثر كل شويه اتصال انة حاجيتها 

كوثر /:انت وين سلام مو قلقت عليك 

::لا تقلقين هسه جنت اريد اخابرج 

- خير سلام 

::كل الخير بس هذوله اصدقائنه انا وفارس عزمونه لان اليوم عقد وراح نسهر وياهم 

كوثر /:ادري سلام هم كول مرتي والها حق عليه

::حقج كوثر بس بعد انتي تعرفين فارس وكفاته وياي 

كوثر ء/:يالله حبييي فرفش وافرح 

::انا اذا كدرت اجي اجي 

- - لا حبيبي براحتك علوا تغير جو وترتاح 

::ياالله حبيبتي لا تنتظريني نامي زين 

- ان شالله

انا اعرف ليش كوثر هيج تحجي وياي بنعومه وادب لان لكيت السحر وما حاجيتها 

فهي تسوي هيح على مود تبرد الموضوع وتنسيني حتى من احجي راح تنكر هذا اذا ما طلعتني انا الي

 مسويلها السحر وصلت للمزرعه ولاكتني ام عادل هي باستني وكالت //سلام لو ما فواز عزيز عليه جا ظليت 

للصبح اهلهل 

انا ابتسمت بخجل ::ها وليش خاله هذا زواجي الثاني 

ام عادل تلم بحلگها وتعوج بي //زواجه الثاني ابو زواج هو انا شفت الفرحه بوجهك من يوم عرسك ذاك الهسه 

توني يالله شفتها 

::صدك خاله 

- وداعتك ياالله رووح غسل وروح يم الزلم وعادل ذبح طلي وعزم الجوارين خاله احنا شكم سلام عدنا 

::اي هسه بس

لا تبسبس ولا تتعب دروح واتعشى ومالك غرض 

::مو الدوه 

- - ما كاتلك الدوه تريد تظل يمها روح وانا اعشيها واطيها الدوه 

::والابر 

- - يبووي منك الابر مرت عادل تضربها روح انت

اشوف بعيون ام عادل فرحه لا ن تزوجت رضوى واتذكر من تزوجت كوثر ام عادل 

حتى ما اجت ولا باركت 

رحت يم الزلم ولكيت عادل عازم جماعته الي بالمزارع اليمه لان ذابحين ذبيحه كعدت اكلت شويه رغم 

جوعان بس ما كدرت اكل لان افكر برضوى واتذكر منظرها وانى اغتصب بيها وشلون تبجي وما تكدر 

تحجي وياي كملت وشربت جاي واستاذنت كتلهم اريد ارجع البيتنا ورحت اتمشى وصلت دخلت للبيت لاكتني 

ام عادل وهي تكلي

- - انا مرتك عشيتها ومرت عادل ضربتها ابره وانطيتها الحبوب يمه سلام ادخل المريتك طيب خاطرها

بكلمه 

طلعت ام عادل وانا بقيت كاعد بالصاله ما اعرف شنو شعوري وبس ادخن وقررت ادخل واتواجه ويه 

رضوى الي انظلمت وانا ظلمتها واذيتها بس هم محتاج احد يفهمني دخلت ولكيتها متمدده على صفحتها 

يعني ما تشوفني انا كلبي يدك اتقربت وانا روحي خاليه ما مصدك نفسي انا اخذت رضوى وهي هي 

ملكي كعدت ع حافة الجربايه وخليت ايدي على جتفها وكتلها 

::رضوى قبل لا احجي اي شي اريدج تسامحيني ادري بيج تسمعيني احس بيج ما نايمه لان اعرفج 

سامحيني شلون تردين اعتذاري انا مستعد بس تسامحيني 

حسيت بنفسها صار قوي يعني تسمعني هي بدون ما تدور وجهها عليه كالت 

=سلام طلكني وراح اتنازل عن كل شي 

انا من سمعتها شلون تحجي وهي مقهوره درتها الي حطت ايدها على عيونها مثل واحد نايم عرفت 

ما تريد تشوفني 

انا كتلها ::رضوى منو كال اطلكج حتى لو ما ماخذج وتتنازلين ما اطلكج انتي حلم حياتي الي انحرمت منه 

وهسه من لزمته بين اديه تكليلي طلكني 

شفت دموع نزلن من عيونها على خدا انا دنيت ايدي ومسحتهن هي بقن شفايفها يرجفن ودموع يوكعن 

لزمتها وكعدتها ::وج رضوى انا ما اكدر افاركج 

=لا كدرت واتهمت 

::حقي الي شفته مو قليل 

هي صارت تشهك =ما اريدك طلكني 

انا وكفت ء/:رضوى شنو يرضيج اسوي اموت روحي وما اطلكج افتهمتي انا حقير انا نذل انا كلب بس طلاك 

ما اطلك انا غبي رضوى غبي لان ما انطيتج فرصه انا جنت اتعذب بكد عذابج واكثر

بعدين من شفت كسرتها واتذكرت معاناتها ما تحملت وكفت وصرت اضرب راسي بالحايط واكول

::رضوى انا غبي سامحيني غبي غبي وانضحك عليه

وصرت اضرب براسي بالحايط ما احس الا بيها لزمتني وحظنتني من يم ظهري وهي تكلي

=يابعد روحي اذيت نفسك كافي انت شنو تريد انا اسوي والله انت الحبيب وانت العمر الي راح 

والبقى والعين الي اشوف بيها والهوى الي اتنفسه

سمعتها تبجي ::لا رضوى خليني اموت مو تكولين لو يبقى بس هو ما اخذه بس والله الي شفته موقليل

اخوي وحبيبتي 

رضوى =حقك ياروحي بس لا تاذي روحك انا حجيت هجي على مود احرك كلبك كافي لا تعتب لان العتب 

ما يفيد انت هسه صرتلي امر واقع (واتحسرت )مثل ما كوثر امر واقع 

حضنتها ::رضوى كل شي سهل بس اعرف الحقيقه بس سامحيني ولج والله من يوم 

الحادث الهسه ماعرفت طعم للراحه ولا للنوم هيج امشي كدام الناس

خذتني وكعدتني ع الجربايه رغم هي متاذيه وانا وجهي بصدرها انا ابجي وهي تبجي وانا حاضنها وما مصدك 

رضوى عدي ويمي وملكي اشم انفاسها وهي نايمه على ايدي 

الصبح هي فتحت عيونها لكتني حاضنها ما نايم صدكوني ما نمت لان حلم حياتي تحقق كاعد الليل كله وانا اباوع الها 

باوعتلي ورجعت غمضت وانوب فتحت عيونها كلتلي 

=شجاي تسوي 

اشم بشعرها ::جنت حارس على احلامج 

هي بنعاس :... ما تشوف اتاخرت 

::اي اتاخرت هواي وبعد ما اعوفج لو ادري اموت 

هي بعتب =ليش صدكت عيونك وما صدكتني 

::عساهن بالعمى عيوني 

مدت ايدها على حلكي وكلتلي =اسم الله عليك 

شفت السوار والعلك لزمتها من ايدها وسالتها ::ما نزعتيهن ؟

=وانت مو العلك والمحبس بيدك 

لزمتهن بايدي ::اي ذني من اشتاقلج اظل اشم بيهن 

رضوى =ما كاللك رضوى بريئه 

هزيت راسي واتحسرت ::اي كاللي لكن الجذبه محبوكه وما بيها اي ثغره (مسحت على راسها وانا اگول )

::ياالله ياعمري اكعدي خابرت خالتي ام بهاء وهسه تجي وانتي سولفيلي على كل شي بيوم الحادث 

رضوى خلت ايدها على عيونها كانما اتذكرت شي يخوفها =خليني تعبانه اريد ابقى انام 

انا اشم برگبتها ::عليج الله تعبانه لو مشتاقه 

هي جرت حسره وكالت =مشتاقه ومقهوره ومهضومه 

::ادري بيج وداعتج رضوى اله اعرف الحقيقه وتشوفين سلام شيسوي 

وبقت بحضني وهي تسولفلي على ابسط الاشياء وشلون غلبها النوم وكعدت وشافت فواز 

::يعني رضوى فواز وين جان ويامن ؟

=ما اعرف سلام 

::يعني بالبيت انتي وصبيحه وسهير معقوله اخوي دنت نفسه عليج 

هي باوعتلي وهزت راسها = مستحييل فواز ما يشوفني اله اخت لو دنت نفسه جان سووا المستحيل حتى 

ياخذني 

::شلوون يعني يجوز جان يم الجوارين استغفر الله بس يم منو 

=ما اعرف سلام الي اعرفه هذا الشي الي صار بضدي انا انا الخاسر الاكبر 

باوعت الها ولزمتها من حنچها ::حبيبتي انتي الفائز الاكبر صدكي العقاب راح يكون عسير وما راح ارحم احد 

بس اريدج وياي وتتحمليني وتصبرين ومن اعرف الحقيقه مو بس حقج راح ارجعه وحقي ودموع امج وهضمتها 

الي ظلمنا هو الي بدا