رواية هدية الشيخ هشام الفصل العشرون 20 بقلم التميمية

ﻣﺮﺕ ﻳﻮﻣﻴﻦ ﻭﺣﻮﺭﺍﺀ ﻧﻔﺲ ﺣﺎﻟﺘﻬﺎ ﻻ ﺯﺍﺩﺕ ﺍﺻﻼً ... ﻋﻤﺘﻬﺎ ﺗﻜﻠﻬﺎ ﺍﺧﺬﺝ ﻟﻠﻤﺴﺘﺸﻔﻰ ﻛﻠﺘﻠﻬﺎ ﻻ ﺑﺲ ﻣﻌﺪﺗﻲ ﺩﻭﻡ ﻣﺎ ﺗﺘﺤﻤﻞ ﺷﻲ ....

ﺍﻟﻌﺼﺮ ﻫﺸﺎﻡ ﻛﻠﻬﺎ ﺑﺪﻟﻲ ﻭﻟﺒﺴﻲ ﻋﺒﺎﻳﺘﺞ ﺍﺧﺬﺝ ﻟﻠﻤﺴﺘﺸﻔﻰ ...

ﻭﻣﺎﻋﺘﺮﺿﺖ ﻛﺎﻣﺖ ﺑﻼ ﻛﻼﻡ ﻭﺗﺮﻳﺪ ﺗﺒﺪﻝ ﺍﺳﺘﺤﺖ ﻣﻨﻪ .. ﻣﻬﻤﺎ ﻳﻜﻮﻥ ﻣﺎﺗﻌﻮﺩﺗﻪ ﻭﻫﻮ ﻣﺎﻟﻤﺴﻬﺎ ﻏﻴﺮ ﻣﺮﺓ ﻭﺣﺪﺓ ...

ﻫﺸﺎﻡ ﻻﺣﻈﻬﺎ ﻭﺍﻛﻔﺔ ﻳﻢ ﺍﻟﻜﻨﺘﻮﺭ : ﺧﻴﺮ ﺑﻮﻳﻪ ﺑﻴﺞ ﺷﻲ

ﺣﻮﺭﺍﺀ ﻛﻠﺒﻬﺎ ﺩﻙ ﺣﻴﻞ ﺻﺎﺭﻟﻪ ﺷﻜﺪ ﻣﻴﻜﻠﻬﺎ ﻫﺎﻟﻜﻠﻤﺔ : ﻻ ﻣﺎﺑﻴﻪ ﺷﻲ ﺑﺲ .. ﺑﺲ .. ﻭﺑﻜﻮﺓ ﻧﻄﻘﺘﻬﺎ .. ﺩﻳﺮ ﻭﺟﻬﻚ ﺧﻞ ...

ﻫﺸﺎﻡ ﻛﺎﻃﻌﻬﺎ : ﺗﺨﺠﻠﻴﻦ ﻣﻨﻲ ﺑﻌﺪﺝ .. ﻭﺑﺎﻭﻋﻠﻬﺎ ﺑﻨﻈﺮﺍﺕ ﺷﻜﺪ ﺗﺤﺒﻬﺎ .. ﻭﺷﺎﻓﻬﺎ ﻣﺎﺗﺮﺿﻰ ﺗﺒﺪﻝ ﺍﻻ ﻳﺪﻳﺮ ﻭﺟﻬﻪ ...

ﻫﺸﺎﻡ : ﻭﻫﺎﻱ ﺩﺭﺕ ﻭﺟﻬﻲ ...

ﻭﻛﻌﺪ ﻋﺎﻟﺴﺮﻳﺮ ﻭﻧﻄﺎﻫﺎ ﻇﻬﺮﻩ ...

ﻭﻫﻲ ﻧﺰﻋﺖ ﺍﻻﺑﺴﺘﻬﻦ ﻋﻠﻰ ﻛﻴﻒ ﻣﺎﺑﻴﻬﺎ ﺣﻴﻞ ﺧﻤﻮﻝ ﻭﺗﻌﺐ ﻭﻣﻨﺎ ﺧﻮﺍﺻﺮﻫﺎ ﻣﺘﺸﻨﺠﺔ ﻣﻦ ﺍﻟﺘﻘﻴﺄ ...

ﻭﻣﺎﺗﺪﺭﻱ ﺑﻌﻴﻮﻧﻪ ﺗﺮﺍﻗﺒﻬﺎ ﻣﻦ ﺍﻟﻤﺮﺍﻳﺔ ﺍﻟﻲ ﻛﺒﺎﻟﻪ .. ﻣﻦ ﺗﻌﺒﻬﺎ ﻭﻓﻬﺎﻭﺗﻬﺎ ﻣﺎﻣﻨﺘﺒﻬﺔ ﺍﻟﻪ ...

ﻫﺸﺎﻡ ﺟﺎﻱ ﻳﻨﺘﻈﺮﻫﺎ ﻭﻧﺎﻃﻴﻬﺎ ﻇﻬﺮﻩ ﻭﻫﻲ ﺟﺎﻱ ﺗﺒﺪﻝ ﻭﺭﺍﻩ ... ﻭﻣﻌﻜﻮﺳﻪ ﺑﺎﻟﻤﺮﺍﻳﺔ .. ﺗﻨﻬﺪ ﻭﻧﺰﻝ ﺭﺍﺳﻪ ﺑﻬﻢ .. ﻭﻫﻤﺲ ﻟﻨﻔﺴﻪ ﺷﻜﺜﺮ ﻣﺸﺘﺎﻗﻠﺞ ﻳﺎﺑﻪ .....

ﺑﺪﻟﺖ ﻭﺧﻠﺼﺖ ﺭﺍﺣﺖ ﻋﺪﻟﺖ ﺣﺠﺎﺑﻬﺎ ﻭﻫﻮ ﻳﺮﺍﻗﺒﻬﺎ ﺣﺮﻛﺘﻬﺎ ﺑﻄﻴﺌﺔ ﺷﻜﺜﺮ ﺗﻌﺒﺎﻧﺔ ﻟﻌﺪ ...

ﻫﺸﺎﻡ ﺑﻬﺪﻭﺀ : ﺧﻠﺼﺘﻲ

ﺣﻮﺭﺍﺀ ﺑﻬﺪﻭﺀ : ﺍﻱ ﺷﻴﺨﻲ .. ﻭﻟﺒﺴﺖ ﻋﺒﺎﻳﺘﻬﺎ ..

ﻫﺸﺎﻡ ﻛﺎﻡ : ﻻ ﺗﺤﻄﻴﻦ ﻋﻄﺮ ﻭﻳﺎﻟﻠﻪ ﻟﺤﻜﻴﻨﻲ ... ﻭﻃﻠﻊ ﻭﻃﻠﻌﺖ ﻭﺭﺍﻩ

ﻭﺻﺎﺭﺕ ﺑﻮﺟﻬﻢ ﺍﻳﻤﺎﻥ : ﻫﺎﺍﺍ ﻋﻴﻮﻧﻲ ﻋﻠﻰ ﻭﻳﻦ .. ﻭﺍﻟﻠﻪ ﺷﻜﻠﻜﻢ ﺣﻠﻮ ﺛﻨﺎﺋﻲ ﻳﺨﺒﻞ .. ﺷﺎﻳﺐ ﻭﺯﻋﻄﻮﻃﺔ .. ﺷﻨﻮ ﺭﺍﻳﺤﻴﻦ ﻣﻜﺎﻥ

ﻫﺸﺎﻡ : ﺍﻱ ﻟﻠﻤﻜﺒﺮﺓ ﻧﺪﻓﻦ ﺍﺣﺴﺎﺳﺞ ﺗﺮﺣﻴﻦ ﺗﻮﺩﻋﻴﻨﻪ ﻭﻳﺎﻧﻪ

ﺍﻳﻤﺎﻥ : ﺩﻓﻨﺘﻪ ﻗﺒﻠﻜﻢ .. ﺍﻟﺤﻚ ﺍﺣﺴﺎﺳﻚ ﺷﻴﺨﻲ .. ﺗﺮﺍ ﻛﺒﺮﺍﻥ ﺍﻧﺘﻪ ﺣﻴﻞ ﺷﻮﻑ ﺍﻟﺸﻴﺐ ﻣﻠﻪ ﻟﺤﻴﺘﻚ

ﻫﺸﺎﻡ ﺑﺜﻘﺔ : ﺍﻟﺸﻴﺐ ﻭﻗﺎﺭ ﻣﻮﺏ ﻋﺎﺭ ... ﻭﻋﺎﻓﻬﺎ ﻭﻣﺸﻪ ... ﻭﺣﻮﺭﺍﺀ ﻟﺤﻜﺘﻪ ﻭﻋﺒﺮﺕ ﻋﻠﻰ ﺍﻳﻤﺎﻥ ﻭﻛﺮﺻﺘﻬﺎ ﺣﻴﻴﻞ .. ﻭﺑﺎﻭﻋﺘﻠﻬﺎ ﺑﺄﺳﺘﻐﺮﺍﺏ ... ﻭﺗﻜﻮﻝ ﻫﺎﻱ ﺷﺒﻴﻬﺎ ...

ﺻﻌﺪﺕ ﺍﻟﺴﻴﺎﺭﺓ ﻭﻳﻪ ﻫﺸﺎﻡ ﻭﻫﻲ ﺳﺎﻛﺘﻪ .. ﻭﺗﺒﺎﻭﻉ ﻋﺎﻟﺠﺎﻣﻪ ﻭﺍﻳﺪﻫﺎ ﻋﻠﻰ ﺧﺪﻫﺎ ... ﺍﻟﺘﻔﺘﺖ ﺗﺒﺎﻭﻉ ﻟﺸﻴﺨﻬﺎ ﻳﺴﻮﻕ .. ﺷﻜﺪ ﻫﻴﺒﺔ ﺑﻨﻈﺮﻫﺎ .. ﻭﺩﻛﺎﺕ ﻛﻠﺒﻬﺎ ﺗﻬﺘﻒ ﺑﺤﺒﻪ ﺍﻟﻒ ﻣﺮﺓ ....ﺣﻮﺭﺍﺀ ﺑﻜﻠﺒﻬﺎ ﻭﺑﺤﺰﻥ : ﻫﺎﺍﺍ ﻳﺸﻴﺨﻲ ﺷﻮ ﺟﻨﻚ ﻫﻮﻧﺖ ﻋﻦ ﻋﺸﻜﻚ .. ﺻﺎﻳﺮ ﻗﺎﺳﻲ ﻣﺘﻌﺒﺮﻧﻲ .. ﻟﻴﺶ ﻣﻮ ﺭﺍﺿﻲ ﺍﺗﺼﺪﻙ ﺍﻧﻪ ﺑﺮﻳﺌﺔ ﻭﻣﻈﻠﻮﻣﺔ .. ﺍﻟﻠﻪ ﻳﻨﺘﻘﻢ ﻣﻦ ﺍﻟﻈﺎﻟﻤﻴﻦ ﺍﻟﻲ ﺧﻠﻮ ﻣﺴﺎﻓﺔ ﺑﺤﺮﺭ ﺑﻴﻨﺎﺗﻨﻪ .. ﺍﻟﻠﻪ ﻳﻬﺪﻱ ﻛﻠﺒﻚ ﻋﻠﻴﻪ

ﻫﺸﺎﻡ ﺍﻟﺘﻔﺖ ﻋﻠﻴﻬﺎ ﺗﺒﺎﻭﻋﻠﻪ .. ﻭﺭﺟﻊ ﻋﻴﻨﻪ ﻋﻠﻰ ﺍﻟﻄﺮﻳﻖ .. ﻭﺫﺏ ﺣﺴﺮﺓ ﺷﻜﺒﺮﻫﺎ .. ﺣﺘﻰ ﺧﻠﺖ ﻛﻠﺒﻬﺎ ﻳﺘﺄﻟﻢ ...

ﺍﻟﺪﻣﻮﻉ ﻣﻠﺖ ﻋﻴﻨﻬﺎ ﻭﺗﺤﺲ ﻫﺬﺍ ﻣﻮ ﻫﺸﺎﻡ ﺗﻐﻴﺮ ﺣﻴﻞ ﺻﺎﻳﺮ ﺟﺒﻞ ﻣﺎﻳﻬﺘﻢ .. ﺟﺎﻧﺖ ﺗﺤﺲ ﺑﺪﻓﻮ ﺣﻨﻴﺘﻪ ﺑﺼﻮﺗﻪ ﺑﻤﻠﺲ ﺍﻳﺪﻩ ﻟﺨﺪﻫﺎ ...

ﻭﺻﻠﻮ ﺍﻟﻌﻴﺎﺩﺓ ﻫﻲ ﻣﻮ ﺑﻌﻴﺪﺓ ﻗﺮﻳﺒﺔ . ﻣﺎ ﺍﺧﺬﻫﺎ ﻣﺴﺘﺸﻔﻰ ﺍﻟﻌﺼﺮ ﺑﺲ ﻃﻮﺍﺭﺉ ... ﻭﻧﺰﻟﻮ ﻭﺩﺧﻠﻮ ﺟﻮﻯ ..

ﺩﺧﻠﻮ ﺩﻛﺘﻮﺭ ﻷﻥ ﺩﻛﺘﻮﺭﺓ ﻧﺴﺎﺋﻴﺔ ﺑﺲ ﻣﺎﻛﻮ ﺩﻛﺘﻮﺭﺓ ﺑﺎﻃﻨﻴﺔ .. ﻛﺎﻝ ﻣﻮ ﻣﺸﻜﻠﺔ ﺩﻛﺘﻮﺭ ...

ﻭﻫﻮ ﺩﻛﺘﻮﺭ ﺟﺒﻴﺮ ﺑﺎﻟﻌﻤﺮ ﻭﺷﺎﻳﺐ .. ﺟﺮﺍﺡ ﻣﺨﺘﺺ ﻭﺩﻛﺘﻮﺭ ﺧﺒﺮﺓ ﻃﻮﻳﻴﻠﺔ ...

ﺍﻟﺪﻛﺘﻮﺭ : ﺗﻔﻀﻠﻲ ﺑﺎﺑﺎﺗﻲ .. ﺷﻨﻮ ﺍﺳﻤﺞ

ﺣﻮﺭﺍﺀ : ﺍﺳﻤﻲ ﺣﻮﺭﺍﺀ ﺣﺴﻴﻦ .. ﻭﻋﻤﺮﻱ 18

ﺍﻟﺪﻛﺘﻮﺭ : ﺍﻱ ﺑﻨﺎﺗﻲ ﺷﻨﻮ ﻋﻨﺪﺝ

ﺣﻮﺭﺍﺀ : ﺩﻛﺘﻮﺭ ﺑﻄﻨﻲ ﻛﻠﺶ ﺗﻮﺟﻌﻨﻲ .. ﻭﻋﻨﺪﻱ ﺣﺎﻟﺔ ﺗﻘﻴﺄ ﺻﺎﺭ ﺍﻳﺎﻡ ﻭﻛﻠﻪ ﺩﺍﻳﺨﺔ ﺧﻤﻮﻝ ﻣﻮ ﻃﺒﻴﻌﻲ ﻭﺗﻌﺐ ﻣﻮ ﺩﺍﺋﻤﺎً ﻣﺎﻛﺪﺭ ﺍﻭﻛﻒ ﻋﻠﻰ ﺣﻴﻠﻲ

ﺍﻟﺪﻛﺘﻮﺭ : ﺍﻫﺎﺍ ﻭﻣﺘﺰﻭﺟﺔ ﺑﻨﻴﺘﻲ .. ﻭﺟﻬﺞ ﺍﺻﻔﺮ ﻫﻮﺍﻱ

ﺣﻮﺭﺍﺀ : ﺍﻱ ﺩﻛﺘﻮﺭ ﻣﺰﻭﺟﺔ .. ﻭﺑﺎﻭﻋﺖ ﻟﻬﺸﺎﻡ ﺍﻟﺴﺎﻛﺖ ..

ﺍﻟﺪﻛﺘﻮﺭ ﻛﺘﺒﻠﻬﺎ ﻭﺭﻗﺔ : ﺳﻮﻱ ﺗﺤﻠﻴﻞ ﺩﻡ .. ﻧﺴﺒﺔ ﺩﻣﺞ ﻭﺗﺤﻠﻴﻞ ﺣﻤﻞ .. ﺗﺴﻮﻳﻦ ﺗﺤﻠﻴﻞ ﺟﺮﺛﻮﻣﺔ ﺍﻟﻤﻌﺪﺓ ﻭﺑﻌﺪﻫﺎ ﻧﺸﻮﻑ ﺗﺤﺘﺎﺟﻴﻦ ﺳﻮﻧﺎﺭ ..

ﺧﺬﻩ ﺍﻟﻮﺭﻗﺔ ﻫﺸﺎﻡ ﻭﻃﻠﻌﻮ ﺳﻮﻭ ﺍﻟﺘﺤﺎﻟﻴﻞ ﺑﺎﻟﻤﺨﺘﺒﺮ ﻭﻛﻌﺪ ﻋﺎﻟﻜﺮﺳﻲ ﻳﻢ ﺍﻟﻤﺨﺘﺒﺮ ﻭﻫﻲ ﺑﺼﻔﻪ ....

ﺣﻮﺭﺍﺀ ﻻﺯﻣﺔ ﺣﻠﻜﻬﺎ ﻭﺑﺎﻭﻋﺖ ﻟﻬﺸﺎﻡ : ﺷﻴﺨﻲ

ﻫﺸﺎﻡ ﻓﻬﻤﻬﺎ ﺭﺍﺡ ﺗﺘﻘﻴﺄ ... ﻭﺩﺧﻠﻬﺎ ﺍﻟﺤﻤﺎﻡ ﺍﻟﻲ ﺑﺎﻟﻤﺨﺘﺒﺮ ﻭﺑﻌﺪﻫﺎ ﻃﻠﻌﺖ ﻭﺣﺎﻃﻪ ﻛﻠﻴﻨﺲ ﻋﻠﻰ ﺣﻠﻜﻬﺎ ﻭﺧﺸﻤﻬﺎ ...

ﻭﺑﻌﺪﻫﺎ ﺧﻠﺺ ﺍﻟﻮﻗﺖ ﻭﻃﻠﻌﻦ ﺍﻟﻨﺘﺎﺋﺞ ... ﻭﺭﺍﺣﻮ ﻟﻠﺪﻛﺘﻮﺭ ﻭﻫﻮ ﻳﻘﺮﺍﻫﻦ ...

ﺍﻟﺪﻛﺘﻮﺭ : ﺟﺮﺛﻮﻣﺔ ﺑﺎﻟﻤﻌﺪﺓ ﻣﺎﻋﻨﺪﺝ .. ﻭﻋﺎﻟﺨﻴﺮ ﺭﺍﺡ ﺗﺼﻴﺮﻳﻦ ﺍﻡ ﺣﻮﺭﺍﺀ .. ﺍﻟﻠﻪ ﻳﺘﻤﻤﻠﺞ .. ﺑﺲ ﺩﻣﺞ ﻧﺎﺯﻝ ﺑﻨﺎﺗﻲ

ﻫﺸﺎﻡ ﺗﻔﺎﺟﺄ ﻣﺎﺗﺼﻮﺭ ﺗﻄﻠﻊ ﺣﺎﻣﻞ ﻛﻠﺶ ﻣﺎﺗﻮﻗﻊ ﺣﻤﻞ ﻣﻦ ﺟﺎﺑﻬﺎ ﻋﺒﺎﻟﻪ ﺑﻴﻬﺎ ﺷﻲ ﻭﺧﺎﻑ ﻋﻠﻴﻬﺎ ....

ﻭﻻ ﻫﻲ ﺗﻮﻗﻌﺖ ﺣﻤﻞ ﺍﺻﻼً ﻭﻣﺎﺗﻌﺮﻑ ﺷﻨﻮ ﺗﺤﺲ ﺑﺎﻟﻈﺒﻂ ﻓﺮﺣﺖ ﻭﻣﺎﻓﺮﺣﺖ .. ﺧﺎﻓﺖ ﻻ ﻫﺸﺎﻡ ﻣﻴﺼﺪﻙ ﺍﺑﻨﻪ ﻫﺬﺍ ﻷﻥ ﻣﺎﻟﻤﺴﻬﺎ ﻏﻴﺮ ﻣﺮﺓ ...

ﻫﺸﺎﻡ : ﺩﻛﺘﻮﺭ ﻣﺘﺄﻛﺪ ﺍﻛﻮ ﺣﻤﻞ

ﺍﻟﺪﻛﺘﻮﺭ : ﺍﻱ ﻫﺎﻱ ﺍﻟﺘﺤﻠﻴﻞ ﻳﻜﻮﻝ ﻭﻧﺴﺒﺔ ﺍﻟﻬﺮﻣﻮﻥ ﻫﺎﻱ ﻫﻲ .. ﻭﻫﺎﻱ ﺍﻋﺮﺍﺿﻬﺎ ﻋﺎﺩﻳﺔ ﺑﺎﻟﻨﺴﺒﺔ ﻟﻠﺤﻤﻞ ﻳﻌﻨﻲ ﻣﺎﻛﻮ ﺷﻲ ﻣﻮ ﻃﺒﻴﻌﻲ ﻛﻠﺸﻲ ﺗﻤﺎﻡ

ﻫﺸﺎﻡ ﻣﻮ ﻣﺼﺪﻙ ﻭﻣﺎﻳﻌﺮﻑ ﻳﻔﺮﺡ ﻟﻮ ﻳﺤﺰﻥ ﺭﻏﻢ ﺣﺰﻧﻪ ﻫﺬﺍ ﺍﻟﻄﻔﻞ ﺍﻟﻲ ﺟﺎﻥ ﺑﺤﺴﺮﺗﻪ ﻃﻮﻝ ﺍﻟﺴﻨﻴﻦ .. ﺧﻤﺴﺔ ﻣﺎﺗﻮ ﻣﺎﻟﺤﻚ ﻳﻔﺮﺡ ﺑﻴﻬﻢ .. ﻭﻫﺴﺔ ﺍﺟﺎﻩ ﻃﻔﻞ ...

ﺍﺧﺬ ﻭﺭﻗﺔ ﺍﻟﻌﻼﺝ ﻭﻫﻮ ﺳﺎﻛﺖ .. ﻭﺣﻮﺭﺍﺀ ﺧﺎﻓﺖ ﻣﻦ ﺍﻟﺴﻜﻮﺕ ﻫﺬﺍ .. ﻭﺗﻜﻮﻝ ﻳﺎﻭﻳﻠﻲ ﻟﻮ ﻫﺸﺎﻡ ﻋﺼﺐ ﻭﺷﻚ ﻫﺬﺍ ﻣﻮ ﺍﺑﻨﻪ .. ﺷﺴﻮﻱ ﺑﻬﺎﻟﺤﺎﻟﺔ ....

ﻛﻠﻬﺎ ﻛﻌﺪﻱ ﻋﺎﻟﻜﺮﺳﻲ ﺍﺟﻴﺐ ﺍﻟﻌﻼﺝ ﻭﺍﺭﺟﻊ .. ﻭﺭﺍﺡ ﻭﻫﻲ ﺧﺎﻳﻔﺔ ﺷﺎﻳﻔﺘﻪ ﺳﺎﻛﺖ ﻭﻣﻴﺘﻪ ﺧﻮﻑ ....

ﺍﺧﺬﻭ ﺍﻟﻌﻼﺝ ﻭﺭﺍﺣﻮ ﻟﻠﺪﻛﺘﻮﺭ ...

ﺑﻌﺪﻫﺎ ﻃﻠﻌﻮ ﻭﺻﻌﺪﻭ ﺍﻟﺴﻴﺎﺭﺓ ﻭﻫﻲ ﻇﻠﻦ ﻳﺮﺟﻔﻦ ﺭﺟﻠﻴﻬﺎ ﻣﻦ ﺍﻟﺨﻮﻑ ﻭﺍﻟﺮﻫﺒﺔ .... ﻭﻫﺸﺎﻡ ﺻﻌﺪ ﺍﻟﺴﻴﺎﺭﺓ ...

ﺑﺎﻭﻋﺘﻠﻪ ﺑﻮﺟﻪ ﻣﺨﻄﻮﻑ .. ﻭﻫﻮ ﺑﺎﻭﻋﻠﻬﺎ ﻭﺳﺎﻛﺖ ...

ﺣﺮﻙ ﺍﻟﺴﻴﺎﺭﺓ ﻭﺑﻌﺪﻩ ﺳﺎﻛﺖ .. ﺑﺪﺕ ﺗﺘﺠﻤﻊ ﺩﻣﻮﻋﻬﺎ ﺑﻌﻴﻮﻧﻬﺎ ﻭﺗﻜﻮﻝ ﻣﺎﻓﺮﺡ ﺍﺑﺪﺍً ﻣﻌﻨﺎﻫﺎ ﻳﺸﻚ ﺑﻴﻪ ... ﻭﺻﻠﻮ ﺍﻟﺒﻴﺖ ﻭﺭﺍﺣﺖ ﻟﻠﻐﺮﻓﺔ ﻭﻧﺰﻋﺖ ﻋﺒﺎﻳﺘﻬﺎ ﻭﻛﻌﺪﺕ ﻋﺎﻟﺴﺮﻳﺮ ...

ﻭﻫﻮ ﺩﺧﻞ ﻭﺭﺍﻫﺎ ﺑﻘﻪ ﻭﺍﻛﻒ ﻭﻳﺒﺎﻭﻉ ﻋﻠﻴﻬﺎ ﻟﺤﻈﺔ ﻭﺭﻓﻊ ﺍﻳﺪﻩ ﻭﻛﻠﻬﺎ .. ﺣﺎﻣﻞ ﻣﺎﺣﺠﻴﺘﻲ .. ﻣﺎﺗﺪﺭﻳﻦ ﺑﻨﻔﺴﺞ ...

ﺣﻮﺭﺍﺀ ﺑﺼﻮﺕ ﺭﺍﺟﻒ : ﺷﻜﻠﻚ ﻣﺎﻓﺮﺣﺖ ﺑﺄﺑﻨﻚ .. ﺷﻨﻮ ﻣﺎﺗﺼﺪﻙ ﺑﻲ

ﻫﺸﺎﻡ ﺗﻨﻬﺪ : ﻭﻟﺞ ﺍﻧﺘﻲ ﺻﺪﻙ ﻋﻘﻠﺞ ﻋﻘﻞ ﺟﺎﻫﻠﺔ .. ﺍﺷﻚ ﺑﻲ ﻭﺍﺧﻠﻴﻚ ﻋﺎﻳﺸﺔ .. ﺍﻟﻤﻮﺿﻮﻉ ﻣﻮ ﻫﻴﻦ ﻭﺗﻈﻨﻴﻦ ﻫﻴﻦ ﻋﻠﻴﻪ

ﺣﻮﺭﺍﺀ ﺑﺒﺠﻲ : ﻟﻴﺶ ﺻﺮﺕ ﺍﻧﺎﻧﻲ ﺍﻧﺘﻪ ﺗﻔﻜﺮ ﺑﻨﻔﺴﻚ .. ﻣﺎﻛﻠﺖ ﺷﻜﺪ ﺻﻌﺐ ﻋﻠﻴﻪ ﺍﻧﻪ .. ﺷﺒﻌﺖ ﻇﻠﻢ ﻭﻇﻴﻢ ﻭﻓﻮﻛﻬﺎ ﺍﻧﺘﻪ ﻭﺍﻟﺪﻧﻴﺎ ﻋﻠﻴﻪ

ﻫﺸﺎﻡ : ﺑﻌﺪﺝ ﺻﻐﻴﺮﺓ ﻭﻣﺎﺗﻔﻬﻤﻴﻦ ﻫﺎﻟﺸﻲ ﻣﻮ ﻫﻴﻦ ﻣﻮ ﺷﻮﻥ ﻣﺎ ﺟﺎﻥ .. ﻛﻮﻟﻲ ﺍﻧﺎﻧﻲ ﻛﻮﻟﻲ ﻣﺎﻋﻨﺪﻱ ﺍﺣﺴﺎﺱ ﺑﺲ ﺟﺎﻱ ﻳﺤﺘﺮﻙ ﻛﻠﺒﻲ ﻭﻳﺎﺝ ﻭﻋﻠﻴﺞ

ﺣﻮﺭﺍﺀ ﺑﺒﺠﻲ : ﻣﺎﺩﺭﻱ ﺻﻮﺝ ﺑﻴﻪ ﻣﺎﺩﺭﻱ ﺑﺎﻟﺪﻧﻴﺎ ﻣﺎﺩﺭﻱ ﺑﺎﻟﺒﺸﺮ ﺍﻟﻤﺎﺗﺮﺣﻢ .. ﻛﺮﻫﺖ ﻧﻔﺴﻲ ﻭﻛﺮﻫﺖ ﺣﻴﺎﺗﻲ ﻭﻛﺮﻫﺖ ﻛﻠﺸﻲ ﺑﻴﻬﺎ .. ﺑﺲ ﺍﻧﺘﻪ ﺷﻲ ﺛﺎﻧﻲ ﺟﺎﻱ ﺍﻋﻴﺶ ﺑﻴﻚ .. ﺑﺲ ﺭﺍﺡ ﺍﺑﻘﻪ ﻣﺎﻟﻴﻖ ﺑﺎﻟﺸﻴﺦ .. ﺭﺍﺡ ﺍﺑﻘﻪ ﻭﺣﺪﺓ ﻭﺻﺨﺔ ﺩﻧﺴﻮ ﺷﺮﻓﻬﺎ ﻭﺩﺍﺳﻮ ﻋﻠﻴﻪ .....

ﻛﺎﻃﻌﻬﺎ ﻫﺸﺎﻡ ﺳﺪ ﺣﻠﻜﻬﺎ ﺣﻴﻞ : ﻻ ﺍﺳﻤﻊ ﻫﺎﻟﺤﺠﻲ ﻳﺤﺮﻙ ﻛﻠﺒﻲ ﻭﻳﻮﺫﺭﻩ ﻭﺻﻞ ﻭﺻﻞ .. ﺍﻧﺘﻲ ﺑﺖ ﺭﻭﺡ ﺍﻟﺸﻴﺦ ﻭﻛﻠﺒﻪ

ﺣﻮﺭﺍﺀ ﺑﺒﺠﻲ : ﺻﺮﺕ ﺗﻜﺮﻫﻨﻲ ﺍﻧﻪ ﺍﺩﺭﻱ ﻭﺣﺎﺳﻪ ﺑﺸﻌﻮﺭﻙ .. ﺑﺲ ﻭﺭﺑﻲ ﺍﺣﺒﻚ ﺍﻧﺘﻪ ﻭﺑﺲ .. ﻭﺍﻋﺮﻑ ﺍﻟﺴﺎﻟﻔﺔ ﺍﻛﺒﺮ ﻣﻦ ﻣﺸﺎﻋﺮ ﻣﺮﺍﻫﻘﺔ ﺯﻋﻄﻮﻃﺔ ﻓﺎﻫﻴﺔ

ﻫﺸﺎﻡ ﺍﺧﺬﻫﺎ ﻟﺼﺪﺭﻩ ﻭﺣﻀﻨﻬﺎ ﺣﻴﻴﻞ : ﻣﻨﻮ ﻳﻜﺮﻫﺞ ﻫﺬﺍ ﻋﻤﺖ ﻋﻴﻮﻧﻪ ﻛﻮﻥ ﻭﻻ ﺗﻬﻨﻪ ﺑﻨﻮﻣﻪ ﻭﻻ ﻛﻌﺪﻩ ﺍﺫﺍ ﻣﺮﺕ ﺩﻗﻴﻘﺔ ﺑﻄﻞ ﻣﻦ ﺣﺒﺞ

ﺣﻮﺭﺍﺀ ﺗﻤﺴﻜﺖ ﺑﻲ ﺣﻴﻞ ﺷﻜﺪ ﻣﺸﺘﺎﻗﻪ ﻟﻬﻞ ﺍﻟﺤﻀﻦ ﺍﻟﺪﺍﻓﻲ ﻭﺣﻨﻴﺘﻪ ...

ﺣﻮﺭﺍﺀ : ﺗﺮﺍ ﻣﺎﺟﻨﺖ ﺍﻋﺮﻑ ﺑﺎﻟﺤﻤﻞ ﺗﻔﺎﺟﺌﺖ ﻭﺍﻟﻠﻪ ﻣﺎﻋﺮﻑ ﺷﻲ ﺍﻧﻪ

ﻫﺸﺎﻡ ﻭﺧﺮﻫﺎ : ﺗﻔﺎﺟﺄﺕ ﺑﻲ

ﺣﻮﺭﺍﺀ : ﺷﻨﻮ ﻣﺎﻓﺮﺣﺖ ﺑﻲ

ﻫﺸﺎﻡ : ﺷﻠﻮﻥ ﻣﺎﻓﺮﺣﺖ ﺑﻲ ﺷﻨﻮ ﻗﺎﺑﻞ ﻋﻨﺪﻱ ﻋﺸﺮﺓ ﻫﻮ ﻭﺍﺣﺪ ﺑﺲ

ﺣﻮﺭﺍﺀ ﺑﻌﻴﻮﻥ ﻛﺴﻴﺮﺓ : ﻳﻌﻨﻲ ﺳﺎﻣﺤﺘﻨﻲ

ﻫﺸﺎﻡ : ﻭﺷﻨﻮ ﺳﻮﻳﺘﻲ ﺣﺘﻰ ﺍﺳﺎﻣﺤﺞ ﻋﻠﻰ ﺷﻨﻮ ﻣﺎ ﺍﺳﺎﻣﺤﺞ .. ﻛﺘﻠﺞ ﻣﺎﺗﻔﻬﻤﻴﻦ ﺍﻧﺘﻲ ﺷﻲ .. ﻭﺍﻧﺘﻲ ﻣﻈﻠﻮﻣﺔ ﻭﺍﻟﻠﻪ ﻋﻠﻰ ﻛﻞ ﻇﺎﻟﻢ

ﺣﻮﺭﺍﺀ ﻣﺴﺤﺖ ﺩﻣﻮﻋﻬﺎ ﻭﺑﺄﺑﺘﺴﺎﻣﺔ ﺣﺰﻥ : ﺷﻴﺨﻲ

ﻫﺸﺎﻡ ﺑﻠﻬﻔﺔ : ﻋﻴﻨﺎﻱ

ﺣﻮﺭﺍﺀ : ﺭﺍﺡ ﺍﺻﻴﺮ ﺍﻡ ﻷﺑﻨﻚ

ﻫﺸﺎﻡ : ﺍﻱ ﻭﺷﻨﻮ ﺭﺍﺡ ﺍﺭﺑﻴﻜﻢ ﺛﻨﻴﻨﻜﻢ ..ﻣﻦ ﻫﺴﺔ ﺭﺍﺡ ﺍﺣﻀﺮﻟﻲ ﻛﻠﺒﻴﻦ .. ﻭﺑﻌﺪ ﻭﺭﺍﻱ ﺟﻬﺎﻝ ﻛﺮﺍﺭ

ﺣﻮﺭﺍﺀ ﺿﺤﻜﺖ ﺻﺎﺭﻟﻬﺎ ﺷﻜﺜﺮ ﻣﻜﺒﻮﺕ ﻛﻠﺒﻬﺎ ...

ﻫﺸﺎﻡ ﻭﺧﺮ ﻋﻨﻬﺎ : ﺍﻥ ﺷﺎﺀ ﺍﻟﻠﻪ ﺍﺩﻭﻡ ﺍﻟﻀﺤﻜﺔ ﻭﺭﺍﻋﻴﺘﻬﺎ .. ﻭﻳﺮﻳﺪ ﻳﻄﻠﻊ ...

ﺣﻮﺭﺍﺀ ﺿﺎﺟﺖ : ﻭﻳﻦ ﺭﺍﻳﺢ ﺍﺑﻘﻪ ﻳﻤﻲ

ﻫﺸﺎﻡ : ﺭﺍﻳﺢ ﺍﻓﺮﺡ ﺍﻣﻲ ﻭﺍﺑﻮﻱ .. ﺧﻄﻴﺔ ﺍﻣﻲ ﻛﻞ ﻳﻮﻡ ﺍﺳﻤﻌﻬﺎ ﺗﺴﺄﻟﺞ ﻣﺎﻛﻮ ﻃﻔﻞ .. ﻭﺭﺍﺡ ﻃﻠﻊ ...

ﺣﻮﺭﺍﺀ ﻋﺒﺴﺖ ﻭﺣﺴﺖ ﺑﻬﺸﺎﻡ ﻳﺤﺎﺟﻴﻬﺎ ﻭﺑﻜﻠﺒﻪ ﺳﻮﺍﻟﻒ ﻛﺜﻴﺮﺓ .. ﻟﺰﻣﺖ ﺑﻄﻨﻬﺎ .. ﻭﺗﻜﻮﻝ ﻣﺎﺻﺪﻙ ﺭﺍﺡ ﺍﺻﻴﺮ ﺍﻡ ﺍﺑﻦ ﺷﻴﺨﻲ ﻭﺣﺒﻴﺒﻲ ...

ﻭﺭﺍﺡ ﻫﺸﺎﻡ ﻛﻞ ﻷﻣﻪ ﻭﺍﺑﻮﻩ .. ﺍﻣﻪ ﻣﻦ ﺍﻟﻔﺮﺣﺔ ﻇﻠﺖ ﺗﻬﻠﻬﻞ .. ﻭﻫﻮ ﻓﺮﺡ ﻟﻔﺮﺣﺘﻬﺎ ﻭﻇﻞ ﻳﺒﺘﺴﻤﻠﻬﺎ ﻭﺭﺍﺡ ...

ﺭﻗﻴﺔ ﺍﺟﺖ ﻫﻲ ﻭﻧﺴﻤﺔ ﺭﻛﺾ ﻋﻠﻰ ﺻﻮﺕ ﺍﻟﻬﻼﻫﻞ ...

ﺭﻗﻴﺔ : ﺧﻴﺮ ﺷﺼﺎﻳﺮ ﺷﻨﻮ ﻛﺮﻳﺮ ﻋﺮﺱ ﻣﺮﺓ ﺛﺎﻧﻴﺔ

ﻧﺴﻤﺔ ﺩﻓﻌﺘﻬﺎ : ﻋﺎﺑﺖ ﺷﻬﺎﻟﺘﻔﺎﻭﻝ .. ﻭﻣﻜﺴﺮ ﻣﺎﻝ ﻋﺮﺱ

ﺭﻗﻴﺔ : ﺷﻌﺮﻓﻨﻲ ﻫﻬﻬﻬﻬﻪ ﺳﻤﻌﺖ ﺍﻣﻲ ﺗﻬﻠﻬﻞ ﻟﻮ ﻫﺸﺎﻡ ﺭﺍﺡ ﻳﻌﺮﺱ ﻣﺮﺓ ﺭﺍﺑﻌﺔ ﻟﻮ ﻛﺮﻳﺮ ﻫﻬﻬﻬﻬﻪ

ﺍﻳﻤﺎﻥ ﺍﺟﺖ : ﺧﻴﺮ ﺷﻜﻮ ﺷﻨﻮ ﻣﻨﻮ ﻋﺮﺱ ﻛﺮﺍﺭ ﺍﺧﺬ ﺍﻟﺜﺎﻧﻴﺔ ﺍﻥ ﺷﺎﺀ ﺍﻟﻠﻪ

ﺭﻗﻴﺔ ﺑﺎﻭﻋﺖ ﻟﻨﺴﻤﺔ : ﺷﻮﻓﻲ ﻣﻮﺑﺲ ﺍﻧﻪ .. ﺍﺳﻢ ﺍﻟﻠﻪ ﻭﻟﻴﺶ ﻳﺘﺰﻭﺝ ﻭﻋﻨﺪﻩ ﻛﻤﺮ

ﺍﻳﻤﺎﻥ ﻣﺎﺟﺎﻭﺑﺖ : ﺍﻱ ﻣﺎﻛﻠﺘﻮﻧﻪ ﻟﻴﺶ ﺍﻟﻬﻼﻫﻞ ﻋﻤﺘﻲ

ﺍﻡ ﻫﺸﺎﻡ ﺑﻔﺮﺣﺔ : ﻫﺸﺎﻡ ﺭﺍﺡ ﻳﺠﻲ ﻃﻔﻞ ﺍﺧﻴﺮﺍً .. ﻳﻤﻪ ﻣﻮ ﻣﺼﺪﻛﻪ ﻛﻮﻥ ﺍﻟﻠﻪ ﻳﻜﺘﺒﻪ ﺍﻟﻬﻢ ﻭﻳﺤﻔﻈﻪ

ﺍﻳﻤﺎﻥ ﺍﻧﺼﺪﻣﺖ : ﺣﻮﺭﺍﺀ ﺣﺎﻣﻞ

ﺭﻗﻴﺔ ﺑﻔﺮﺣﺔ : ﻳﺎﺍﺍﺍﺍﻱ ﺭﺍﺡ ﻳﺼﻴﺮ ﻋﺪﻧﻪ ﺻﻐﻴﺮﻭﻥ .. ﺧﺪﻭﺩ ﻭﺑﻮﺱ ﻭﻋﺾ ﻟﻬﺎﻳﺎﺕ ﻭﻣﻼﺑﺲ ﻋﻨﻮﻧﻪ .. ﻳﻤﻪ ﻳﺒﻮﻭﻭﻭ ﻓﺪﻳﺘﻬﺎ ﻟﺤﻮﺭ .. ﺭﺍﺡ ﻳﺼﻴﺮ ﻋﻨﺪ ﻛﺮﻳﺮ ﺍﺧﻮ

ﻧﺴﻤﺔ : ﻫﻬﻬﻪ ﻓﺪﻳﺘﻮ ﺣﺒﻴﺒﻲ ﺭﺍﺡ ﻳﺠﻴﻪ ﺍﺥ ﺍﻭﻳﻠﻲ ﺷﻜﺪ ﺭﺍﺡ ﻳﻔﺮﺡ

ﺍﻳﻤﺎﻥ ﺑﺨﻴﺒﺔ : ﻳﻌﻨﻲ ﺣﻮﺭﺍﺀ ﺭﺍﺡ ﺗﺠﻴﺐ ﻟﻬﺸﺎﻡ ﻃﻔﻞ ... ﻋﺎﻓﺘﻬﻢ ﻭﺭﺍﺣﺖ ﻟﻐﺮﻓﺘﻬﺎ ﻭﻇﻠﺖ ﺗﻔﻜﺮ ﺑﺨﺒﺚ ... ﻫﻮ ﻣﻮ ﻳﻜﺮﻫﻬﺎ ﺷﻠﻮﻥ ﻫﺴﺔ ﺻﺎﺭﺕ ﺣﺎﻣﻞ .. ﻫﺎﻱ ﺍﺫﺍ ﺟﺎﺑﺘﻪ ﺣﻮﺭﺍﺀ .. ﻭﻫﺴﺔ ﺍﻧﻪ ﺷﻌﻠﻴﻪ ﺗﺠﻴﺒﻠﻪ ﻃﻔﻞ ....

ﻭﺑﻘﺖ ﺗﺤﺎﺟﻲ ﻧﻔﺴﻬﺎ ﻭﺳﺎﻋﺔ ﺍﺗﺨﻄﻂ ﺗﻘﺘﻞ ﺣﻮﺭﺍﺀ ﻭﺳﺎﻋﺔ ﻫﺸﺎﻡ ﻭﺳﺎﻋﺔ ﺗﺘﺨﺒﻞ ﻭﺳﺎﻋﺔ ﺗﻜﻮﻝ ﺷﻌﻠﻴﻪ ...

ﺍﻣﺎ ﻫﺸﺎﻡ ﻛﻌﺪ ﺑﺎﻟﺪﻳﻮﺍﻥ ﻭﻣﺘﻜﻲ ﻋﻠﻰ ﺍﻟﺠﻠﺴﺔ ﻭﻳﻔﻜﺮ ﺑﺤﻮﺭﺍﺀ ﻭﻳﻜﻮﻝ ﻫﻲ ﻣﺎﻟﻬﺎ ﺫﻧﺐ ﺑﺸﻲ ﻟﻴﺶ ﺍﻋﺎﻗﺒﻬﺎ ﻋﻠﻰ ﺷﻲ ﻣﺎﻟﻬﺎ ﺫﻧﺐ ﺑﻲ ...

ﻭﻫﻲ ﺭﺍﺡ ﺗﺼﻴﺮ ﺍﻡ ﺍﺑﻨﻲ .. ﺍﻧﺴﻪ ﻳﺎﺷﻴﺦ ﺍﻧﺴﻪ ﺍﻧﺘﻪ ﺗﺤﺒﻬﺎ ﻭﻣﺎﻳﻬﻢ ﺷﻲ ﺛﺎﻧﻲ ...

ﺭﻗﻴﺔ ﺭﺍﺣﺖ ﻟﻜﺮﺍﺭ : ﻛﺮﻳﺮ ﻋﻨﺪﻱ ﺍﻟﻚ ﻣﻔﺎﺟﺄﺓ

ﻛﺮﺍﺭ : ﺷﻌﻨﺪﺝ ﺑﺲ ﻻ ﺍﻟﻔﻘﺔ ﻣﺎﻟﺘﺞ ﺭﺍﺡ ﻳﺘﺰﻭﺟﺞ ﻗﺮﻳﺒﺎً

ﺭﻗﻴﺔ : ﻋﺎﺑﺖ ﺍﻧﺘﻪ ﺍﻟﺪﺏ ﺍﻟﻘﻄﺒﻲ ﻟﻌﺪ ﻟﻴﺶ ﺗﻘﻠﺪ ﻋﻠﻰ ﺧﻄﻴﺒﻲ .. ﺑﻌﺪ ﻣﺎﻛﻠﻚ ﺍﻟﺒﺸﺎﺭﺓ

ﻛﺮﺍﺭ : ﻳﺎﻟﻠﻪ ﻭﻻ ﺍﺯﻋﻠﻴﻦ ﺍﻷﻣﻠﺢ ﻣﺎﻟﺘﺞ .. ﻛﻮﻟﻲ ﺷﻌﻨﺪﺝ .. ﺷﻨﻮ ﻧﺴﻮﻣﻪ ﺣﺎﻣﻞ

ﺭﻗﻴﺔ : ﺷﺘﺴﻮﻱ ﺍﺫﺍ ﺍﻛﻠﻚ ﻧﺴﻤﺔ ﺣﺎﻣﻞ

ﻛﺮﺍﺭ : ﻣﻦ ﺍﻟﻠﺤﺎﻑ ﻣﻨﻴﻦ ﻳﻌﻨﻲ ﺍﺷﻮ ﻣﻌﺰﻝ ﺻﺎﺭﻟﻲ ﺷﻜﺜﺮ ﻣﺎﻋﺮﻓﻪ ﻭﻻ ﺗﻌﺮﻓﻨﻲ .. ﺍﺷﻮ ﻛﺎﺿﻴﻬﺎ ﺑﺲ ﺑﻮﺳﻪ ﺣﺘﻰ ﺣﻀﻦ ﻣﺎﻛﺪﺭ ﺍﺣﻀﻨﻬﺎ

ﺭﻗﻴﺔ ﺧﺮﺑﺖ ﺿﺤﻚ : ﺍﻟﻠﻪ ﻳﻠﻌﻦ ﺑﻠﻴﺴﻚ ﻭﻟﻚ ﺷﻜﺪ ﻣﻨﺤﺮﻑ

ﻛﺮﺍﺭ : ﺗﺤﺠﻴﻦ ﺷﻌﻨﺪﺝ ﻟﻮ ﻃﻠﻌﻲ ﺑﺮﻩ

ﺭﻗﻴﺔ ﺗﻠﻌﺐ ﺑﺄﻋﺼﺎﺑﻪ : ﺍﺣﺰﺭﺭﺭﺭﺭ ﺷﻨﻮﻭﻭﻭ

ﻛﺮﺍﺭ : ﻃﻠﻌﻲ ﺑﺮﻩ ﻻ ﺑﺎﻟﺠﺒﺲ ﻋﻠﻰ ﺭﺍﺳﺞ ﻗﻨﻴﻨﺔ

ﺭﻗﻴﺔ ﺿﺤﻜﺖ : ﻭﻟﻚ ﻣﺨﺒﻞ ﺭﺍﺡ ﻳﺼﻴﺮ ﻋﻨﺪﻙ ﺍﺧﻮ ...

ﻛﺮﺍﺭ ﺳﻤﻊ ﺭﺍﺡ ﻳﺼﻴﺮ ﻋﻨﺪﻩ ﺍﺥ ﻣﺎﺻﺪﻙ ﻭﻃﺎﺭ ﻓﺮﺣﺔ : ﺷﻨﻮ ﻭﻟﺞ ﻋﺎﺍﺍﺍ ﺷﻨﻲ ﺍﻟﻤﺼﻨﻊ ﺑﻌﺪﻩ ﺷﻐﺎﻝ ﻫﻬﻬﻬﻪ .. ﻭﻟﺞ ﻣﻨﻴﻦ ﺟﺒﺘﻲ ﻫﺎﻟﺴﺎﻟﻔﺔ

ﺭﻗﻴﺔ : ﺍﻣﺪﺍﻙ ﺷﻜﺪ ﺻﺎﻳﺮ ﺳﺨﻴﻒ .. ﻣﻨﻴﻦ ﺟﺒﺘﻬﺎ ﺍﻟﺴﺎﻟﻔﺔ ﻣﻦ ﺍﺑﻮﻙ ﻏﻴﺮ .. ﻫﻮ ﺍﻟﻴﻮﻡ ﺍﺧﺬﻫﺎ ﻟﻠﻄﺒﻴﺐ

ﻛﺮﺍﺭ ﺑﻔﺮﺣﺔ : ﻳﻌﻨﻲ ﺭﺍﺡ ﻳﺠﻲ ﻋﺰﺍﻡ ﻟﻠﺪﻧﻴﺎ ﺍﺧﻴﺮﺍً

ﺭﻗﻴﺔ : ﺍﻱ ﻓﺪﻳﺘﻪ ﻭﺍﺫﺍ ﺑﻨﻴﺔ ﻭﻟﻚ ﺷﻨﻮ ﻣﺎﺗﺮﻳﺪﻫﺎ

ﻛﺮﺍﺭ : ﻻ ﺗﻔﺼﻤﻴﻦ ﻗﻨﻴﻨﻪ ﺷﻨﻮ ﻣﺎﺭﻳﺪﻫﺎ .. ﺑﺲ ﺍﺑﻮﻱ ﻛﻠﻲ ﺍﺫﺍ ﺍﺟﺎﻙ ﺍﺥ ﺍﻧﺘﻪ ﺗﺴﻤﻲ .. ﻭﺍﺫﺍ ﻭﻟﺪ ﺍﺳﻤﻲ ﻋﺰﺍﻡ ﻭﺍﺫﺍ ﺑﻨﻴﺔ ﺭﺯﺍﻥ

ﺭﻗﻴﺔ ﺻﻐﺮﺕ ﻋﻴﻮﻧﻪ : ﻭﺷﻤﻌﻨﻪ ﺭﺯﺍﻥ ﻭﻟﻚ ﺧﺎﻑ ﺣﺒﻴﺒﺘﻚ ﺍﻻﻭﻟﻰ ﻫﺎﻱ

ﻛﺮﺍﺭ : ﺑﺪﻳﻨﻪ ﻭﺯﺍﻥ ﺍﻱ ﻭﺯﺍﻥ .. ﺍﻧﻪ ﺣﺒﻴﺒﺘﻲ ﺍﻻﻭﻟﻰ ﻭﺍﻻﺧﻴﺮﺓ ﻧﺴﻤﺔ .. ﻭﺭﺯﺍﻥ ﻫﻴﺞ ﺣﺎﺏ ﺍﺳﻤﻲ ﺍﺧﺘﻲ ﺭﺯﺍﻥ .. ﻛﻴﻔﻲ ﺍﺧﺘﻲ ﺑﻌﺪ ﺍﻧﺘﻲ ﺷﻌﻠﻴﺞ .. ﺧﺎﻑ ﻋﺒﺎﻟﺞ ﺍﺳﻤﻴﻬﺎ ﻋﻠﻴﺞ ﺗﺤﻠﻤﻴﻦ

ﺭﻗﻴﺔ : ﻫﻬﻬﻬﻬﻬﻪ ﺍﺩﺭﻱ ﻫﻲ ﺑﺖ ﻫﺸﺎﻡ ﺍﻧﺘﻪ ﺷﻜﻮ ﻣﺪﺧﻞ ﺭﻭﺣﻚ ﻋﻮﺩ ﺳﻤﻲ ﺑﺘﻚ ﺭﺯﺍﻥ .. ﺍﻧﻪ ﺍﺳﻤﻴﻬﺎ ﺍﺫﺍ ﺑﻨﻴﺔ ﻭﺍﺳﻤﻴﻬﺎ ﺭﻗﻴﺔ ﻓﺪﻳﺘﻨﻲ

ﻛﺮﺍﺭ : ﺣﺘﻰ ﺗﻄﻠﻊ ﺑﻄﻞ ﻣﻲ .. ﻛﻮﻣﻲ ﻳﺎﻟﻠﻪ ﻭﻟﻲ ﺑﺮﻩ .. ﺗﺴﻤﻴﻬﺎ ﺭﻗﻴﺔ ﻧﺎﻗﺼﻨﻪ ﺍﻗﺰﺍﻡ ....

ﺭﻗﻴﺔ ﺿﺤﻜﺖ ﻭﺭﺍﺣﺖ ﺧﺎﺑﺮﺕ ﻣﺨﻠﺪ ....

ﻣﺨﻠﺪ : ﺍﻟﻴﻮﻡ ﻋﺴﻮﻟﺘﻲ ﻓﺮﺣﺎﻧﺔ ﺧﻴﺮ

ﺭﻗﻴﺔ : ﺍﻱ ﻭﺍﻟﻠﻪ ﺣﻴﻴﻞ .. ﺍﺧﻮﻱ ﺭﺍﺡ ﻳﺼﻴﺮ ﻋﻨﺪﻩ ﻃﻔﻞ ﻋﻨﻮﻧﻲ ﻳﻤﻪ ﺍﺧﺮﺏ ﻋﺎﻟﺠﻬﺎﻝ ﻭﺧﺼﻮﺹ ﺍﻫﻞ ﺍﻟﺨﺪﻭﺩ .. ﻭﺻﺎﺭﻟﻨﻪ ﺟﻢ ﺳﻨﺔ ﻣﺤﺮﻭﻣﻴﻦ ﻣﻦ ﺟﻬﺎﻟﻪ ﻋﻨﺪﻩ ﺑﺲ ﻛﺮﺍﺭ ﻫﻮ

ﻣﺨﻠﺪ : ﺍﻱ ﺍﻟﻒ ﻣﺒﺮﻭﻙ ﻳﻮﻡ ﻷﻟﻨﻪ ﺍﻥ ﺷﺎﺀ ﺍﻟﻠﻪ

ﺭﻗﻴﺔ : ﺷﻨﻮ ﻳﻮﻡ ﻷﻟﻨﻪ ﺷﻮﻛﺖ ﺍﺯﻭﺟﻨﻪ

ﻣﺨﻠﺪ : ﺍﻱ ﻟﻮ ﺍﺯﻭﺟﻨﻪ .. ﻳﺎﻟﻠﻪ ﺍﻧﻪ ﺑﻬﺎﻟﻤﻨﺎﺳﺒﺔ ﺟﺎﻱ ﺍﺑﺎﺭﻛﻠﺞ ﻭﺍﺑﺎﺭﻙ ﻟﻠﺸﻴﺦ

ﺭﻗﻴﺔ : ﻫﻬﻬﻬﻪ ﺍﻧﻪ ﺷﻌﻠﻴﻪ ﺗﺒﺎﺭﻛﻠﻲ .. ﺑﺎﺭﻛﻠﻲ ﺑﺎﻟﺘﻠﻔﻮﻥ

ﻣﺨﻠﺪ : ﺷﻜﻠﺞ ﻣﺎﺗﺮﺩﻳﻨﻲ ﻭﺍﻧﺘﻲ ﻣﻮ ﻋﻤﺘﻪ ﻏﻴﺮ ﻧﺒﺎﺭﻛﻠﺞ ﻋﻴﻨﻲ ﺳﺖ ﺭﻗﻴﺔ .. ﺑﺲ ﻣﺒﺎﺭﻛﺎﺕ ﻣﺨﺘﻠﻔﺔ ﺍﻟﺞ ﻭﺑﺲ

ﺭﻗﻴﺔ : ﻫﻬﻬﻬﻬﻬﻪ ﺍﺑﻮ ﺩﺭﻭﺏ ﺷﻨﻮ ﻣﺎﺭﻳﺪﻙ ﺑﺲ ﻫﺎﻱ ﺗﺒﺮﻳﻜﺎﺗﻚ ﻣﺎﺭﻳﺪﻫﺎ ﻟﺘﺼﻴﺮ ﻟﻮﺗﻲ ﺗﺮﺍ ﺍﺧﺖ ﻭﺑﺖ ﺍﻟﺸﻴﺦ ﺍﻧﻪ

ﻣﺨﻠﺪ : ﻓﺪﻳﺘﻬﺎ ﻟﻠﻌﺸﻴﺮﺓ ﻣﺎﻟﺘﺞ ﻛﻠﻬﺎ ﻏﻴﺮ ﺗﺴﻤﻂ ﺳﻤﻂ .. ﻳﺎﻟﻠﻪ ﺟﺎﻱ ﺍﻧﻪ ... ﺑﻴﺒﺎﻱ ...

ﻭﺷﻮﻱ ﻭﺍﺟﻪ ﻣﺨﻠﺪ ﺩﻙ ﺍﻟﺠﺮﺱ ... ﻛﺎﻡ ﻫﺸﺎﻡ ﻳﻔﺘﺢ ﺍﻟﺒﺎﺏ .. ﻭﺷﺎﻑ ﻣﺨﻠﺪ ﺑﺎﻟﺒﺎﺏ ...

ﻣﺨﻠﺪ ﺑﺄﺑﺘﺴﺎﻣﺔ : ﺳﻼﻡ ﻋﻠﻴﻜﻢ ﺷﻴﺦ .. ﻭﺳﻠﻢ ﻋﻠﻴﻪ ...

ﻫﺸﺎﻡ : ﻭﻋﻠﻴﻜﻢ ﺍﻟﺴﻼﻡ .. ﻫﻼ ﻭﻣﺮﺣﺒﺎ ﻣﺨﻠﺪ .. ﻭﺑﺎﻭﻉ ﻟﻮﺟﻬﻪ ﻣﺎﺧﺬ ﺧﻴﻂ ﻟﺤﻮﺍﺟﺒﻪ ﻭﺷﻌﺮﻩ ﻋﺎﻟﻲ ﻭﻟﺒﺴﻪ ﺿﻴﻚ ﺍﻻ ﺷﻮﻱ ﻳﻄﻔﺮﻥ ﺍﺯﺭﺍﺭ ﺍﻟﻘﻤﻴﺺ ﻭﻫﻮ ﺟﺴﻤﻪ ﻣﻌﻀﻞ ...

ﻫﺸﺎﻡ ﺭﻓﻌﻠﻪ ﺣﺎﺟﺐ : ﺑﺲ ﺳﺆﺍﻝ ﻣﺨﻠﺪ .. ﻭﺩﺧﻠﻪ ﻭﻣﺸﻪ ﻭﻳﺎﻩ ﻟﻠﺪﻳﻮﺍﻥ ...

ﻣﺨﻠﺪ : ﺗﻔﻀﻞ ﺷﻴﺨﻲ

ﻫﺸﺎﻡ : ﻣﺎﻟﻜﻴﺖ ﻗﻴﺎﺳﻚ ﺑﺎﻟﻤﺤﻞ ﻻﺑﺲ ﻫﺎﻟﻘﻤﻴﺺ

ﻣﺨﻠﺪ ﺿﺤﻚ : ﻻ ﺷﻴﺨﻨﻪ ﻫﺬﺍ ﺳﺘﺎﻳﻞ

ﻫﺸﺎﻡ : ﺍﻋﺮﻑ ﺑﺮﺑﻚ ﻫﻴﺞ ﻫﻮ .. ﻋﻠﻰ ﺍﻟﻌﻤﻮﻡ ﺑﺮﺍﺣﺘﻚ ﻣﺎ ﺍﻧﺘﻘﺪﻙ ﻫﺎﻱ ﺣﺮﻳﺘﻚ ﺍﻟﺸﺨﺼﻴﺔ ﻭﻋﺎﻳﺶ ﺑﺠﻴﻠﻚ ﻭﻣﺠﺘﻤﻌﻚ

ﻣﺨﻠﺪ : ﻓﺪﻳﺘﻚ ﺷﻴﺨﻨﻪ ﺑﺲ ﻟﻮ ﺍﺑﻨﻚ ﺍﻟﻈﺎﺑﻂ ﻳﺼﻴﺮ ﺷﻮﻱ ﻣﻨﻚ

ﻫﺸﺎﻡ ﺩﺧﻠﻪ ﺍﻟﺪﻳﻮﺍﻥ : ﻫﺴﺔ ﻳﺠﻴﻚ ﻃﻴﺎﺭﺓ ﻻ ﺗﺠﻴﺐ ﺍﺳﻤﻪ

ﻛﺮﺍﺭ ﺟﺎﻱ ﻷﺑﻮﻩ ﻳﺒﺎﺭﻛﻠﻪ ﻋﻠﻰ ﺍﻟﻄﻔﻞ : ﻫﻼ ﻫﺎﻱ ﺍﻟﻔﻘﻤﺔ ﻫﻨﺎ .. ﺳﻼﻡ ﻋﻠﻴﻜﻢ

ﻫﺸﺎﻡ ﻭﻣﺨﻠﺪ : ﻭﻋﻠﻴﻜﻢ ﺍﻟﺴﻼﻡ

ﻣﺨﻠﺪ : ﻫﻼ ﺑﺎﻟﻈﺎﺑﻂ ﻛﺮﺍﺭ ﻫﻬﻬﻬﻪ

ﻛﺮﺍﺭ : ﻭﻟﻚ ﻋﺠﺒﻨﻲ ﻭﺍﻟﻠﻪ ﻳﻤﻜﻦ ﺍﺣﻮﻝ ﻋﺴﻜﺮﻳﺔ

ﻣﺨﻠﺪ : ﻻ ﺑﺮﺑﻚ ﻣﺎﻳﻠﻮﻙ ﻋﻠﻴﻚ ﻏﻴﺮ ﺩﻛﺘﻮﺭ ﺍﺳﻨﺎﻥ ﺧﻠﻲ ﺍﻟﻌﺴﻜﺮﻳﺔ ﻷﻫﻠﻬﺎ

ﻛﺮﺍﺭ ﻏﻤﺰﻟﻪ : ﺧﻴﺮ ﻣﺨﻠﺪ ﻓﻘﻤﺔ ﺍﺷﻮﻓﻚ ﻫﻨﺎ .. ﺧﺎﻑ ﻋﺒﺎﻟﻚ ﺗﺠﻴﻚ ﺭﻗﻴﻮ ﺍﺳﺤﻠﻬﺎ ﺳﺤﻞ ﻭﻋﻠﻲ

ﻫﺸﺎﻡ ﺿﺤﻚ ﻭﻛﺎﻡ : ﺑﻮﻳﻪ ﻋﻠﻰ ﻛﻴﻔﻚ ﻭﻳﻪ ﺧﻄﻴﺐ ﻋﻤﺘﻚ ﻣﻴﺼﻴﺮ .. ﺍﺳﺘﺄﺫﻥ ﻣﺨﻠﺪ ﻫﺬﺍ ﺑﻴﺘﻚ .. ﺭﺍﻳﺢ ﻟﻠﻤﺴﺠﺪ

ﻛﺮﺍﺭ : ﺍﻟﻠﻪ ﻭﻳﺎﻙ ﺑﻮﻳﻪ .. ﺍﻱ ﺻﺪﻙ ﻣﺎﻛﺘﻠﻚ ﻣﺒﺮﻭﻙ ﻳﺎﺑﻪ ﻋﻠﻰ ﺍﺧﻮﻱ ﺍﻟﺼﻐﻴﺮ

ﻫﺸﺎﻡ : ﻣﺒﺮﻭﻙ ﺍﻟﻚ ﺍﻧﺘﻪ ﻣﺎﻋﺪﺕ ﻭﺣﻴﺪ ﺑﻌﺪ ﺍﺑﻮﻙ

ﻣﺨﻠﺪ : ﻣﺒﺮﻭﻙ ﺷﻴﺦ ﻋﻠﻰ ﺍﻟﺸﻴﺦ ﺍﻟﺼﻐﻴﺮ

ﻫﺸﺎﻡ : ﻳﺒﺎﺭﻙ ﺑﺤﻴﺎﺗﻚ .. ﻳﺎﻟﻠﻪ ﺳﻼﻡ ... ﻭﺭﺍﺡ ﻫﺸﺎﻡ ﻃﻠﻊ ...

ﻭﺑﻘﻪ ﻛﺮﺍﺭ ﻳﻢ ﻣﺨﻠﺪ .. ﻭﺷﻮﻱ ﻛﻞ ﻟﺮﻗﻴﺔ ﺗﻌﺎﻱ ﺑﻌﺪ ﻣﺎ ﺻﻠﻮ ... ﻭﻛﺮﺍﺭ ﻃﻠﻊ ﻭﻳﺴﻮﻳﻠﻪ ﺣﺮﻛﺔ ﺍﺻﺎﺑﻌﻪ ﺑﻌﻴﻮﻧﻪ .. ﺑﻤﻌﻨﻰ ﺍﺭﺍﻗﺒﻚ ...

ﺭﻗﻴﺔ ﺧﺮﺑﺎﻧﺔ ﺿﺤﻚ ...

ﻣﺨﻠﺪ : ﺍﻟﺤﻤﺪﻟﻠﻪ ﺭﺍﺡ ﺍﻟﻈﺎﺑﻂ .. ﻭﺍﺩﻧﻪ ﻋﻠﻰ ﺭﻗﻴﺔ .. ﻫﻼ ﺑﻌﺪ ﺑﻴﺘﻲ ﻣﺸﺘﺎﻗﻠﺞ .. ﻭﺑﺎﺱ ﺧﺪﻫﺎ ...

ﺭﻗﻴﺔ ﻭﺧﺮﺕ : ﻫﺎﻱ ﺷﺒﻴﻚ ﺍﺣﻨﻪ ﺑﺎﻟﺪﻳﻮﺍﻥ ﻭﺑﺎﻱ ﻟﺤﻈﺔ ﻳﺪﺧﻞ ﻫﺸﺎﻡ ﻫﻨﺎ

ﻣﺨﻠﺪ : ﻭﺷﻤﺴﻮﻱ ﺷﻨﻮ ﻧﺎﻳﻢ ﻓﻮﻛﺞ .. ﻫﻲ ﺑﻮﺳﺔ ﺧﺪ ﻭﻧﻤﺸﻲ ﺍﻟﺤﺎﻝ ﺑﻴﻬﺎ ﻭﻫﻢ ﻣﻤﻨﻮﻋﺔ

ﺭﻗﻴﺔ ﻏﻄﺖ ﻋﻴﻮﻧﻬﺎ : ﺗﺨﻴﻴﻴﻒ

ﻣﺨﻠﺪ : ﺍﻭﻳﻠﻲ ﻓﺪﻳﺖ ﺍﻟﺨﺠﻼﻥ ﻳﻨﻮﻛﻠﻦ ﺧﺪﻭﺩﻩ ﻣﻦ ﻳﺨﺠﻞ

ﻫﺸﺎﻡ ﺗﺤﻢ ﺣﻢ ﻭﺩﺧﻞ ... ﻭﻣﺨﻠﺪ ﺍﺑﺘﻌﺪ ﻛﻠﺶ ﻭﺟﻬﻪ ﻋﺒﺲ ﻭﻳﻜﻮﻝ ﺑﻜﻠﺒﻪ .. ﺭﺍﺡ ﺍﻛﻀﻴﻬﺎ ﻫﻴﺞ ﻟﻤﻦ ﺍﺯﻭﺟﻬﺎ .. ﺧﺮﺭﺭﺏ ﺣﻀﻲ .. ﺑﺎﻭﻉ ﻟﻴﺴﺎﺭﺓ ﻭﻳﻜﻞ ﻟﻠﺸﻴﻄﺎﻥ ﺭﻭﺡ ﺭﻭﺡ ﺑﻌﺪ ﺷﻌﻨﺪﻙ ﻭﺍﻛﻒ ﻫﻨﺎ ﺍﻟﺤﻜﻮﻣﺔ ﻣﺎﻟﺘﻬﺎ ﻭﺍﺟﺖ ...

ﻫﺸﺎﻡ : ﺭﻗﻴﺔ ﻛﻮﻣﻲ ﺟﻴﺒﻲ ﺟﺎﻱ .. ﻛﻬﻮﺓ ﺑﻌﺪ ﺍﺧﻮﺝ

ﺭﻗﻴﺔ ﻛﺎﻣﺖ ... ﻭﺭﺍﺣﺖ ﺟﺎﺑﺖ ﺍﻟﻬﻢ ﺟﺎﻱ .. ﻭﺑﻘﻪ ﻣﺨﻠﺪ ﻟﻠﻌﺸﻪ ﻣﺎﺧﻼﻩ ﻫﺸﺎﻡ ﻳﺮﻭﺡ .. ﻭﺑﻌﺪ ﺍﻟﻌﺸﻪ ﻋﺎﻓﻬﻢ ﻫﺸﺎﻡ ﻭﺭﺍﺡ ﺩﺍﺧﻞ ﺍﻟﺒﻴﺖ ...

ﺍﻣﻪ ﺷﺎﻓﺘﻪ : ﻳﻤﻪ ﻫﺸﺎﻡ ﺗﻌﺎﻝ

ﻫﺸﺎﻡ : ﺧﻴﺮ ﻳﻤﻪ ﺷﺼﺎﻳﺮ

ﺍﻡ ﻫﺸﺎﻡ : ﻳﻤﻪ ﺍﻳﻤﺎﻧﻮ ﻣﺎﺩﺭﻱ ﺷﺒﻴﻬﺎ ﺗﺨﺒﻠﺖ ﻃﻠﻌﺖ ﺟﻬﺎﻟﻪ ﻣﻦ ﺍﻟﻐﺮﻓﺔ ﻭﺗﻜﻠﻬﻢ ﺭﻭﺣﻮ ﻣﺎﺭﻳﺪﻛﻢ ﻭﺍﺟﻮ ﻳﻤﻲ ﻳﺒﺠﻮﻥ

ﻫﺸﺎﻡ : ﺧﻴﺮ ﺷﺒﻴﻬﺎ ﺑﻌﺪ .. ﻳﻤﻪ ﺭﺩﺕ ﺍﺣﺎﺟﻴﺞ ﺍﻧﺘﻲ ﻭﺍﺑﻮﻱ ﺑﺨﺼﻮﺹ ﺍﻳﻤﺎﻥ .. ﻣﺎﻳﺼﻴﺮ ﻫﻴﺞ ﺣﺎﺟﺰﻫﺎ ﺍﻧﻪ ﻭﺣﺮﺍﻡ ﺍﻟﻠﻪ ﻣﺎﻳﺮﺿﻪ .. ﺍﻧﺘﻢ ﺗﻌﺮﻓﻮﻥ ﻣﺎﺑﻴﻨﻲ ﻭﺑﻴﻨﻬﺎ ﻭﻻ ﺷﻲ .. ﺭﺍﺡ ﺍﻓﺼﻠﻬﺎ ﻣﻨﻲ ﻭﺍﻧﻄﻴﻬﺎ ﺣﺮﻳﺘﻬﺎ

ﺍﻡ ﻫﺸﺎﻡ : ﺑﺲ ﻭﺟﻬﺎﻝ ﺍﺧﻮﻙ ﻳﻤﻪ

ﻫﺸﺎﻡ : ﺷﻨﻮ ﻋﻠﻴﻬﻢ ﻳﻌﻴﺸﻴﻮﻥ ﻳﻤﻲ ﻭﻫﺎﻱ ﺍﻧﺘﻲ ﻣﻮﺟﻮﺩﺓ ﻭﺍﻟﻠﻪ ﻳﻄﻮﻝ ﻋﻤﺮﺝ .. ﺭﻗﻴﺔ ﻣﻮﺟﻮﺩﺓ ﻫﺴﺔ ﻭﻣﻨﺎ ﻟﺰﻭﺍﺟﻬﺎ ﻭﻗﺖ .. ﻭﺣﻮﺭﺍﺀ ﺍﺩﺍﺭﻳﻬﻢ ﻫﻲ ﻣﺎﻋﺪﻫﺎ ﻻ ﻣﺪﺭﺳﺔ ﻭﻻ ﺷﻲ

ﺍﻡ ﻫﺸﺎﻡ : ﻭﻣﺮﺗﻚ ﺻﻐﻴﺮﺓ ﺷﺘﻔﺘﻬﻢ ﺍﻟﻬﻢ ﻭﻫﻲ ﻫﻢ ﺭﺍﺡ ﻳﺼﻴﺮ ﻋﺪﻫﺎ ﺻﻐﻴﺮﻭﻥ ﻭﻳﻦ ﺗﻠﺤﻚ ﻋﻠﻴﻬﻢ

ﻫﺸﺎﻡ : ﺍﻟﻠﻪ ﻣﻮﺟﻮﺩ ﺷﺴﺎﻟﻔﺔ ﺻﻌﺒﺘﻴﻬﺎ ﻋﻠﻴﻪ ﻳﻤﻪ .. ﺍﺣﺠﻲ ﻭﻳﺎﻫﺎ ﻭﻛﻠﻴﻠﻬﺎ ﺭﺍﺡ ﺍﻧﻄﻴﻬﺎ ﺣﺮﻳﺘﻬﺎ

ﺍﻡ ﻫﺸﺎﻡ : ﺍﻟﻠﻪ ﻛﺮﻳﻢ .. ﺍﺣﺎﺟﻴﻬﺎ ﺍﻣﺮﻱ ﻟﻠﻪ

ﻫﺸﺎﻡ : ﻋﻦ ﺍﺫﻧﺞ .. ﻭﺭﺍﺡ ﺩﺧﻞ ﻟﻐﺮﻓﺘﻪ .. ﻭﺳﻤﻊ ﺻﻮﺕ ﺍﻟﻤﺎﻱ ﺑﺎﻟﺤﻤﺎﻡ .. ﺭﺍﺡ ﻓﺘﺢ ﺍﻟﺒﺎﺏ ﻋﻠﻴﻬﺎ .. ﺟﺎﻱ ﺗﺴﺒﺢ ... ﺧﺠﻠﺖ ﻭﻏﻄﺖ ﻧﻔﺴﻬﺎ ...

ﻭﻫﺸﺎﻡ ﺳﺪ ﺍﻟﺒﺎﺏ : ﻋﺒﺎﻟﻲ ﺟﺎﻱ ﺗﺴﺘﻔﺮﻏﻴﻦ .. ﺷﻠﻮﻧﺞ ﺍﻟﻴﻮﻡ

ﺣﻮﺭﺍﺀ : ﺍﻟﺤﻤﺪﻟﻠﻪ ... ﺳﺒﺤﺖ ﻭﺧﻠﺼﺖ ﻭﻃﻠﻌﺖ ﻭﻻﺑﺴﺔ ﻓﺴﺘﺎﻥ ﻗﺼﻴﺮ ﻭﺭﺑﻊ ﺭﺩﻥ ...

ﻭﻛﻔﺖ ﺗﺒﺎﻭﻉ ﺍﻟﻪ ﻭﻛﺎﻋﺪ ﺑﺪﺍﺷﺘﻪ ﺑﺪﻭﻥ ﺷﻤﺎﻏﻪ ....

ﻫﺸﺎﻡ : ﺷﺒﻴﺞ

ﺣﻮﺭﺍﺀ : ﻣﺎﺑﻴﻪ ﺷﻲ .. ﻣﺘﻐﻴﺮ ﺷﻴﺨﻲ

ﻫﺸﺎﻡ : ﺷﺘﻐﻴﺮ ﺑﻴﻪ

ﺣﻮﺭﺍﺀ ﺻﻔﻨﺖ ﻋﻠﻴﻪ : ﻣﺎﻛﻮ ﺷﻲ ﺷﻴﺨﻲ .. ﻭﺭﺍﺣﺖ ﺗﻤﺸﻂ ... ﻭﺗﻬﺒﺖ ﻭﻫﻲ ﺗﻤﺸﻂ ﺷﻌﺮﻫﺎ ...

ﻫﻮ ﺭﺍﺡ ﺍﺧﺬﻟﻪ ﺣﻤﺎﻡ ﻭﻃﻠﻊ ﻭﻧﺎﻡ ﻋﺎﻟﺴﺮﻳﺮ .. ﺷﺎﻓﺘﻪ ﺭﺍﺡ ﻳﻨﺎﻡ ﻳﻤﻬﺎ ﺷﻮﻱ ﺍﻃﻤﻨﺖ ﺍﻧﻮ ﻫﻮ ﺟﺎﻱ ﻳﻨﺴﻪ ﺍﻟﻤﻮﺿﻮﻉ ... ﻭﻫﻲ ﺧﻠﺼﺖ ﺗﻤﺸﻴﻂ ﻭﻧﺎﻣﺖ ﺑﻄﺮﻑ ﺍﻟﺴﺮﻳﺮ ﻭﺗﺒﺎﻭﻋﻠﻪ ﻭﺑﺲ ﺗﻴﺐ ﻟﻤﺒﺔ ﻣﺸﻌﻮﻝ ...

ﺣﻮﺭﺍﺀ ﺑﺄﺑﺘﺴﺎﻣﺔ : ﺍﻟﻠﻴﻠﺔ ﺍﻟﺸﻴﺦ ﺿﻴﻔﻲ ﻋﺎﻟﺴﺮﻳﺮ

ﻫﺸﺎﻡ ﺍﺑﺘﺴﻢ ﺭﻏﻢ ﺧﻨﻜﺘﻪ : ﻟﻴﺶ ﻧﺎﻳﻤﺔ ﺑﻌﻴﺪ ﻋﻨﻲ ﻟﻌﺪ .. ﻭﻓﺘﺢ ﺍﻳﺪﻳﻪ .. ﺗﻌﺎﻱ ﺑﺤﻀﻨﻲ ...

ﺭﺍﺣﺖ ﺑﺪﻭﻥ ﺗﺮﺩﺩ ﻭﺣﻀﻨﺘﻪ ﺣﻴﻞ ﻭﺭﺍﺳﻬﺎ ﺑﺼﺪﺭﻩ ... ﻭﺣﺘﻰ ﺗﺴﻤﻊ ﺩﻛﺎﺕ ﻛﻠﺒﻪ ﺍﻟﺴﺮﻳﻌﺔ .. ﺭﻓﻌﺖ ﻭﺟﻬﻬﺎ ﻭﺑﺎﺳﺖ ﻟﺤﻴﺘﻪ .. ﻭﺍﺑﺘﺴﻤﺘﻠﻪ ...

ﻫﺸﺎﻡ : ﺩﻭﺭﻱ ﻭﺍﻧﻄﻴﻨﻲ ﻇﻬﺮﺝ ... ﺩﺍﺭﺕ ﻭﺟﻬﻬﺎ ﻭﺣﻀﻨﻬﺎ ﻭﺍﻳﺪﻩ ﺍﺑﻄﻨﻬﺎ .. ﻫﺬﺍ ﺍﻟﻄﻔﻞ ﺣﻮﺭﺍﺀ ﺩﻳﺮﻱ ﺑﺎﻟﺞ ﻋﻠﻴﺞ ﻭﻋﻠﻰ ﻧﻔﺴﺞ .. ﻣﺎﺷﻲ ﺑﻮﻳﻪ

ﺣﻮﺭﺍﺀ : ﺍﻛﻴﺪ ﻣﺎﺗﻮﺻﻲ ﻫﻮ ﺍﺑﻨﻲ .. ﻭﺍﻟﻠﻪ ﻣﺘﺸﻮﻗﻪ ﻟﺸﻜﻠﻪ ﺍﺭﻳﺪﻩ ﻳﺸﺒﻬﻚ ﺗﻤﺎﻣﺎً ...

ﻫﺸﺎﻡ ﻣﺎ ﺟﺎﻭﺑﻬﺎ ﻭﺳﺎﻛﺖ .. ﻭﻣﺠﺎﻱ ﻳﺘﺮﺣﻚ ﺍﺣﺴﺎﺳﻪ ﺍﻟﻬﺎ ﺑﺎﻟﺮﻏﻢ ﻫﻲ ﺑﺤﻀﻨﻪ .. ﺟﺎﻥ ﻣﻦ ﺗﻨﺎﻡ ﺑﺤﻀﻨﻪ ﺑﺎﻟﻜﻮﺓ ﻳﻠﺰﻡ ﻧﻔﺴﻪ ﻣﺎﻳﺘﻬﻮﺭ ... ﺑﺲ ﻫﺴﺔ ﻣﺎﻳﻌﺮﻑ ﺷﺠﺎﻩ ﺍﺣﺴﺎﺳﻪ ﻣﻴﺖ ...

ﻏﻤﺾ ﻋﻴﻮﻧﻪ ﻳﻨﺎﻡ ﺑﺲ ﻣﺎﻛﺪﺭ ﻳﻐﻔﻪ ﻭﻫﻲ ﺑﺤﻀﻨﻪ ﻣﺰﻋﻮﺝ .. ﻭﺳﺤﺐ ﺍﻳﺪﻩ ﻭﺩﺍﺭ ﻭﺟﻬﻪ ﻭﺍﻧﻄﺎﻫﺎ ﻇﻬﺮﻩ ﻭﻧﺎﻡ ...

ﺣﻮﺭﺍﺀ ﺣﺴﺖ ﺑﻲ .. ﻭﺣﺰﻧﺖ ﻛﻠﺶ ﻭﻓﻬﻤﺖ ﺷﻌﻮﺭﻩ .. ﻭﻫﻲ ﻫﻢ ﺍﺑﺘﻌﺪﺕ ﻋﻨﻪ ﻭﺗﻜﻮﻝ ﺍﻟﻠﻪ ﻛﺮﻳﻢ ﺭﺑﻲ ﺍﺭﺣﻢ ﺑﻌﺒﺎﺩﻩ ....... 

الفصل الواحد والعشرون من هنا 

شكرا لزيارتكم عالم روايات سكيرهوم