رواية بنات نعمة الجزء الثاني (الدرويش) الفصل الثاني والعشرون بقلم احمد حسن
رياض .. وبعدين معاك يافرحات تليفونك اتقفل مرة ليه ؟!!
هات العواقب سليمة يارب
شوية ورياض قاعد عالسطح لقي عربية وقفت فجأة قدام البيت وجماعة ماسكين فرحات منزلينه من العربية والضرب باين علي وشه وبيشاور ليهم على البيت بتاعه وبيقولهم رياض هنا
على الفور نزل رياض من ورا البيت وهرب وبالفعل شافوه رجالة الدرويش وطلعو وراه بس ملحقوش ، كلمو الدرويش وعرفوه وقالهم يسيبو فرحات لأنه كده خلاص ملوش لازمة
________
في بيت سمية
الشيخ .. وأخيرا نورتي بيتك يابنتي
سمية .. يااااه مكنتش مصدقة اني ممكن ارجع البيت تاني
ناصر .. حمدلله عالسلامة ياسمية
سمية .. الله يسلمك ياناصر مش عارفة اقولك ايه على وقفتك جنبي ياناصر
ناصر .. في ايه يابت دا انتي مراتي وام ابني مقفش جنبك ليه
سمية .. انا مش مصدقة نفسي ياناصر معقول انا بقيت ام وكمان حبيبي واقف قدامي
ناصر .. اهم حاجة بقا تخلي بالك من نفسك وترتاحي شوية بقا زي الدكتور ما قال
سمية .. ربنا يخليك ليا ياناصر
ناصر .. ويخليكي لينا ياسمية
_______________
في محل نعمة
فؤاد .. ياهدي سيبي المخزن وتعالي في تاجر شكله مهم وعايزك
هدى .. السلام عليكم
،، وعليكم السلام
هدي .. ممكن نتعرف بحضرتك
،، انا المعلم عبد القادر السوداني
هدي .. تشرفنا يامعلم اؤمر
عبد القادر .. بصراحة انا سمعت عنكم سمع خير في الأمانة وكمان بضاعتكم نضيفة
هدى .. الحمدلله ربنا يديمها نعمة
عبد القادر .. كنت عايز منكم طلبية واتمني تقدري توفريها
هدي .. ان شاء الله هنقدر ان شالله تكون عايز ب20الف خير ربنا كتير
عبدالقادر .. مليون
هدي .. ايه 😨
عبد القادر .. ايه مالك اتخضيتي ليه 😄
هدي .. احسن معلم في السوق بياخد ب10الاف في اليوم اما مليون !!!!؟
عبدالقادر .. هههههه لا انا بصدر للخارج
هدي .. بس السيولة معايا !
عبدالقادر .. هات ياواد الشنطة اديها للمعلمة
هدي .. ايه دول !!
عبدالقادر .. المليون جنيه مقدم
هدي .. انت ازاي واثق فينا كده !! وبعدين اشمعنا احنا!!
عبدالقادر .. قلتلك انا عارف انا جاي لمين وهتعامل مع مين وعارف اني فلوسي عندكم تزيد
وبعدين ياستي ابقا اخد وصل بيهم دا لو مش هتزعلي يعني
هدى .. ربنا يخليك يامعلم ، لا ياسيدي من حقك طبعا ، هكتبلك بيهم وصل حالا
عبد القادر .. ها قوليلي بقا البضاعة هتبقا جاهزة ايمتا ؟
هدي .. في أقرب وقت أن شاء الله
____________
فؤاد .. هنجيب البضاعة منين 😳
هدى .. متقلقش انا عندي معارف كويسة في كذا مكان هبقا اسافر ليهم بكرة وال فيه الخير يقدمه ربنا
________________
في بيت نعمة
في اليوم التالي
هدي .. شدي حيلك شوية ياريهام القطر هيفوتني
نعمة .. ماكان بلاها يابنتي الصفقة دي
هدي .. قلتلك متقلقيش ياأمي انا كده كده حطيت الفلوس في البنك ومعايا الفيزة اول ما هشتري البضاعة هاخد صاحبها واطلع بيه على البنك اسحبهم واديهمله يعني انا مش همشي بفلوس متقلقيش عليا ادعيلي انتي بس
تغريد .. خلي بالك من نفسك يااختي محافظة البحيرة بعيدة خليكي واعية لروحك
هدي .. انا كل ال شاغل بالي ولدي كامل ياريت تخلي بالك منه ياتغريد
تغريد .. يابت ابنك ده انا ال مربياه وروحي متعلقة بيه خلي بالك انتي بس من نفسك ومتشغليش بالك
ابراهيم .. طب عالأقل كنتي خدتي معاكي كام راجل من رجالة المحل
هدي .. متقلقش عليا ياهيما اختك قدها وقدود وبعدين دول كلهم يومين
نعمة .. كتير قوي يومين يابتي
هدي .. انتي عارفة ياامي اني هرجع مع الحاويات ال هتنقل البضاعة ودي لوحدها بتاخد وقت ادعي انتي بس ترسي على يومين مش أكتر
_________
بالفعل فطرت هدي واتوجهت على المحطة وهناك ركبت القطر ال اتحرك فور وصولها
هدي بصت من الشباك لقيت فؤد بيجري قصاد القطر وطالع عينه عشان يركب وبالعافية لحق القطر وركب
_______
هدى .. انت ايه ال جابك 😡
فؤاد .. اصبري اخد نفسي🥴
هدي .. انطق يابارد قولي ايه ال جابك 😡
فؤاد .. مش هينفع تسافري لوحدك
هدي .. وانت مالك هو انا اشتكيتلك!!
فؤاد .. خفت عالقمر بتاعنا حد يدايقه وهو مسافر
هدي .. ولاااا😡
فؤاد .. خلاص بقا ياهدي القطر كله بيتفرج عليا وانتي بتغسليني
وبعدين ياستي اعتبريني مش موجود
هدى .. استغفر الله العظيم ربنا يفوت الرحلة دي على خير مش عايزة اسمع نفسك بقا طول الرحلة سمعتني !!؟
فؤاد .. ماشي
________________
طالت الساعات وهدي راحت في النوم وضي شمس الصيف الحارقة كانت تغازل جمالها فتتململ هدى من لسعة الشمس على وجهه ليفيق فؤاد الجالس امامها بجوار الشباك هو ايضا من نومه ليرى هدى بهذه الحالة
وعلى الفور سد بكفه عين الشمس ليظلل على عينها
استعان فؤاد بكتاب من احد الطلاب وحاول يثبت الكتاب على الشباك وكأن الكاتب حالف ما يثبت وبعد فشل محاولات فؤاد في تثبيت الكتاب اضطر يمسك الكتاب بإيده ويضلل على هدى لتنعم هدى بالنوم وليتعذب فؤاد برفعة يده لاكثر من ساعتين
وأخيرا هدى فاقت من نومها بصت لقيت فؤاد مادد ايده ناحية شباكها انزعجت ودون أن تدري ماذا كان يدور ضربته بالقلم ثم تركته واستبدلت مقعدها مع إحدى الفتيات
وعمنا فؤاد بقا خد القلم من هنا ومن الصدمة مقدرش حتى يبص حواليه ولا حتى يفهمها أنها اسائت الظن
وكله كوم والبنت ال جت قعدت مكان هدى كوم تاني بدأت تاخد وتدي مع فؤاد في الكلام
البنت .. معلش ياخويا متزعلش نفسك هي الولية دي تبقا مراتك ؟!
فؤاد .. نعم !!
البنت .. ياسيدي احكي ادينا بنسلي بعضينا السكة طويلة قولي بقا هي الولية المخبولة دي تبقا مراتك ؟!
فؤاد .. مسكها من ايدها بعنف وقالها ، مين ال مخبولة ياوليه انتي 😡 ماتعدلي لسانك عاد ولا تقومي من هنه😡
البنت .. اااه ، عنيف اوي وبصراحة انا بحب الراجل الحمش ال زي كده 😂😂😂
فؤاد .. اللهم طولك ياروح
البنت .. خلاص ياسيدي انا كان غرضي يعني انها لو مزعلاك نكلمها ونحاول نصلح ما بينكم
فؤاد .. عارفة ال انتي شايفاها دي لو فكرتي بس تروحي هناك عندها تكلميها هتعمل فيكي ايه ايه ؟!
البنت .. ايه ياخويا !!
فؤاد .. هتحط وشك الحلو ده ياقمر تحت عجلات القطر
البنت .. يالهوي 😳
فؤاد .. ايوه خافي منها بقا لا تسمعك
البنت .. انا اقصد يالهوي انت انت قولتلي ياقمر😍
فؤاد .. هههههه يابنت المجنونة
البنت .. هههههههههه ايوه كده اضحك ياخويا محدش واخد منها حاجة خدلك شوية سوداني امسك
طبعا في اللحظة دي هدي قاعدة وسامعة الحوار كله بس عادي ولا فرق معاها
شوية وراجل عجوز قاعد جنبها كان متابع ال حصل كلمها وعرفها انها غلطت وإن فؤاد ميستهلش ال حصل منها وإنها أسائت الظن
هدى بعد ما سمعت الشيخ حست إنها ظلمت فؤاد وحست بالذنب اكتر لما هو حتى ماخدش موقف رغم انه اتظلم
في النهاية هدى كانت قاعدة حاسة بالذنب ونفسها تراضيه بكلمتين المهم انها كل ما تفكر تروح تسمع صوت ضحك فؤاد والبنت عالي
في النهاية هدي خدت قرار انها تقوم وترجع مكانها عند فؤاد
وبالفعل طلبت من البنت تقوم عشان هي تقعد في مكانها
بس في اللحظة دي حصلت مفاجئة غريبة ..
