رواية المتشردة والغيور الفصل الثاني والعشرون بقلم مرج البحر
ﺭﻳﺎ ....... ﻣﺮ ﺍﻻﺳﺒﻮﻉ ﻭﺍﻧﻲ ﺍﻃﻠﻊ ﺍﺟﻬﺰ ﻭﺍﺭﺟﻊ ﻭﻛﻠﻪ ﺑﻌﻠﻢ ﺣﻤﺰﺓ ﻳﻮﻣﻴﺔ ﺍﺧﺎﺑﺮﻩ ﻭﻧﻈﻞ ﻧﺴﻮﻟﻒ ﻟﻨﺺ ﺍﻟﻠﻴﻞ ﻭﻳﻈﻞ ﻳﺘﻐﺰﻝ ﻭﻳﺴﻮﻟﻒ ﺳﻮﺍﻟﻒ ﻛﻠﺶ ﺗﺨﺠﻠﻨﻲ ﻭﺣﺘﻰ ﻣﺮﺍﺕ ﺍﻃﻔﻲ ﺍﻟﺘﻠﻔﻮﻥ ﻭﻳﺮﺟﻊ ﻳﺨﺎﺑﺮ ﻭﻳﻜﻮﻝ ﺑﻌﺪ ﻣﺎﺍﺳﻮﻟﻒ ﻫﻴﺞ ﺑﺲ ﻳﺮﺟﻊ ﻭﻫﻴﻴﻴﻴﺞ ﻧﺨﻠﺺ ﺍﻟﻠﻴﻞ ﺍﻟﻰ ﺍﻥ ﺍﻧﻌﺲ ﻭﺍﻧﺎﻡ
ﻭﺑﻴﻮﻡ ﺍﻟﻌﺮﺱ ﻛﻌﺪﺕ ﺑﺼﻼﺓ ﺍﻟﺼﺒﺢ ﺻﻠﻴﺖ ﻭﻣﺎﺭﺟﻌﺖ ﻧﻤﺖ ﻣﻐﺼﺔ ﺑﺒﻄﻨﻲ ﻭﺧﻮﻓﺔ ﻣﻦ ﺍﻟﻌﺮﺱ ﻇﻠﻴﺖ ﻛﺎﻋﺪﺓ ﺑﻔﺮﺍﺷﻲ ﻭﺑﺲ ﺍﻓﺮﻙ ﺑﺄﺩﻳﺔ ﻭﻛﻞ ﺷﻮﻱ ﺍﺭﻳﺪ ﺍﺧﺎﺑﺮ ﺣﻤﺰﺓ ﻭﺍﻛﻮﻟﻪ ﻧﺄﺟﻞ ﺍﻟﻌﺮﺱ ﻛﻠﺶ ﺧﺎﻳﻔﺔ ﺑﺲ ﻣﺎﺗﺮﻫﻢ
ﻝ 7 ﺩﺧﻠﺖ ﺧﺎﻟﺔ ﺩﻻﻝ ﺗﻌﻴﻂ ﻭﻛﻌﺪﺗﻨﺎ ﻛﻠﻨﺎ ﻣﻦ ﺷﺎﻓﺘﻨﻲ ﻛﺎﻋﺪﺓ ﻛﺎﻟﺖ
ﺩﻻﻝ ....... ﻳﺎﺍﺍﺍ ﻛﺎﻋﺪﺓ ﺟﺎ ﻣﺎﺗﻜﻮﻣﻴﻦ ﻭﻟﺞ ﺭﺍﺡ ﺍﻟﻮﻗﺖ ﻋﻠﻴﺞ ﺭﺍﺡ ﺗﺘﺎﺧﺮﻳﻦ
ﺭﻳﺎ ....... ﺧﺎﻟﺔ ﺧﺎﻳﻔﺔ
ﺩﻻﻝ ....... ﻣﻨﻴﻦ ﺧﺎﻳﻔﺔ
ﺭﻳﺎ ......... ﻣﺎﺍﺭﻳﺪ ﺍﺗﺰﻭﺝ
ﺩﻻﻝ ....... ﻛﻮﻣﻲ ﺧﺎﻟﺔ ﻛﻮﻟﻲ ﻳﺎﻟﻠﻪ ﻫﺎﻱ ﺷﻐﻠﺔ ﻋﺎﺩﻳﺔ ﺍﻱ ﻋﺮﻭﺱ ﺗﺨﺎﻑ ﺑﺲ ﻣﺎﻛﻮ ﺷﻲ ﻳﺨﻮﻑ ﻛﻮﻣﻲ ﺍﺗﻜﻠﻲ ﻋﻠﻰ ﺍﻟﻠﻪ ﻭﻛﻮﻣﻲ ﻳﺎﻟﻠﻪ ﺣﺒﻴﺒﺘﻲ
ﺭﻳﺎ ........ ﻛﻤﺖ ﺍﻟﺒﻴﺖ ﻫﻮﺳﺔ ﻣﻊ ﺍﻧﻪ ﻣﺎﻛﻮ ﺍﺣﺪ ﺑﺲ ﻫﻢ ﺑﺲ ﻣﺨﺒﻮﺻﻴﻦ ﻫﺬﺍ ﻳﻜﻮﻝ ﺍﺭﻳﺪ ﺭﻳﻮﻙ ﻭﻫﺬﺍ ﻳﻜﻮﻝ ﺍﺭﻳﺪ ﻣﻼﺑﺲ ﻭﻫﺎﻱ ﺗﻜﻮﻝ ﺍﻟﺸﺎﻣﺒﻮ ﻭﻳﻦ ﻭﻭﻭﻭﻭﻭ ﺧﺒﺼﺔ ﻭﺍﺟﻦ ﺧﺎﻻﺕ ﺣﻤﺰﺓ ﻭﺍﺧﻮﺍﻟﻪ ﺍﻟﺒﺎﻗﻴﻦ ﺍﻧﺨﺒﺺ ﺍﻟﺒﻴﺖ ﻭﺍﻧﻲ ﻭﺟﻬﻲ ﻛﺮﻛﻢ ﻭﺧﺎﻳﻔﺔ ﻭﺑﻄﻨﻲ ﻣﻤﻐﻮﺻﺔ ﻭﺑﺲ ﺍﻓﺮﻙ ﺑﺄﺩﻳﺔ
ﺑﺎﻟﻜﻮﺓ ﺷﺮﺑﺖ ﺟﺎﻱ ﺷﻮﻳﺔ ﻭﻃﻠﻌﻨﺎ ﻟﻠﺼﺎﻟﻮﻥ ﺍﺧﺬﺗﻨﺎ ﺧﺎﻟﺔ ﺣﻤﺰﺓ ﺍﻧﻲ ﻭﻧﺴﺮﻳﻦ ﻭﺳﺮﺍﺏ ﻭﺭﺅﻯ ﻛﺎﻟﺖ ﺗﺠﻲ ﻭﺭﺍﻧﺎ ﺑﺲ ﺗﻜﻤﻞ ﺷﻐﻠﻬﺎ ﻭﺧﺎﺑﺮﻭﻧﺔ ﻣﻦ ﺍﻟﺒﺼﺮﺓ ﻛﺎﻟﻮ ﺍﺟﻴﻨﺎ ﻭﺍﻟﺰﻓﺔ ﺗﺼﻴﺮ ﻟﻠﻔﻨﺪﻕ ﺭﺣﻨﺎ ﻟﻠﺼﺎﻟﻮﻥ ﺍﻧﻲ ﺍﻭﻝ ﻭﺣﺪﺓ ﻻﻥ ﺣﺎﺟﺰﺓ ﻭﺧﺎﻟﺔ ﺩﻻﻝ ﻣﺴﻮﻟﻔﺘﻠﻬﺎ ﺣﺘﻰ ﺗﺨﻠﻴﻨﻲ ﺍﻭﻝ ﻭﺣﺪﺓ ﻛﺎﻳﻠﺘﻠﻬﺎ ﻟﻠﺒﺼﺮﺓ ﺍﻟﺰﻓﺔ
ﺍﻟﻤﻬﻢ ﺑﺲ ﺩﺧﻠﺖ ﺍﺳﺘﻠﻤﺘﻨﻲ ﺣﻔﺘﻨﻲ ﻭﻛﺎﻣﺖ ﺗﺤﺠﻲ ﻻﻥ ﻣﺎﺣﺎﻓﺔ ﻗﺒﻞ ﻭﻗﺖ ﻭﻟﺒﺴﺖ ﺍﻟﺒﺪﻟﺔ ﻭﺧﻠﺘﻠﻲ ﺍﻟﻤﻜﻴﺎﺝ ﻭﺳﻮﺗﻠﻲ ﺗﺴﺮﻳﺤﺔ ﺍﻧﻲ ﺑﺲ ﻣﻐﻤﻀﺔ ﻭﻫﻲ ﻋﺒﺎﻟﻬﺎ ﻏﻔﻴﺖ ﻓﺘﺤﺖ ﻋﻴﻮﻧﻲ ﻛﺎﻟﺘﻠﻲ
ﺍﻡ ﺍﻟﺼﺎﻟﻮﻥ ........ ﻫﺎﺍﺍﺍ ﺷﻠﻮﻧﻪ ﻣﻜﻴﺎﺟﺞ
ﺭﻳﺎ ........ ﺗﻌﺠﺒﺖ ﺍﺑﺪ ﻣﻮ ﺷﻜﻠﻲ ﻋﺒﺎﻟﻚ ﻭﺣﺪﺓ ﺛﺎﻧﻴﺔ ﻏﻴﺮ ﺭﻳﺎ ﺿﺤﻜﺖ ﻛﻮﻟﺘﻠﻬﺎ ﻫﺎﻱ ﺍﻧﻲ
ﺍﻡ ﺍﻟﺼﺎﻟﻮﻥ ........ ﻫﻬﻬﻬﻬﻪ ﻫﺎﻱ ﺍﻧﺘﻲ ﻫﻴﺞ ﺍﺳﺘﻐﺮﺑﺘﻲ ﻟﻌﺪ ﺍﻟﺮﺟﺎﻝ ﺷﻠﻮﻥ
ﺭﻳﺎ ....... ﻳﻤﻜﻦ ﻳﻜﻌﺪ ﻳﺪﻭﺭ ﻋﻠﻴﺔ
ﺍﻡ ﺍﻟﺼﺎﻟﻮﻥ ........ ﻫﻬﻬﻬﻪ ﺍﻭﻝ ﻭﺣﺪﺓ ﺗﺠﻴﻨﻲ ﻣﺎﺗﺒﺠﻲ ﺑﻌﺮﺳﻬﺎ ﻻﺯﻡ ﻋﻠﻰ ﺣﺐ
ﺭﻳﺎ ....... ﻻ ﺑﺲ ﺷﺒﻌﺖ ﺑﺠﻲ
ﺍﻡ ﺍﻟﺼﺎﻟﻮﻥ ﻣﺎﺍﻓﺘﻬﻤﺖ ﻭﺳﻜﺘﺖ ﻭﺍﻧﻲ ﻛﻤﺖ ﻛﻌﺪﺕ ﺑﺎﻭﻋﺖ ﺍﻟﺴﺎﻋﺔ ﺏ 11 ﺣﻴﻴﻴﻞ ﻭﺍﻧﻲ ﻣﻦ 8 ﺍﺳﺘﻠﻤﺘﻨﻲ ﺍﻡ ﺍﻟﺼﺎﻟﻮﻥ
ﺍﺟﺖ ﺧﺎﻟﺔ ﺩﻻﻝ ﺟﺎﻳﺒﻬﺎ ﺍﺑﻦ ﺧﺎﻝ ﺣﻤﺰﺓ ﺍﻟﺜﺎﻧﻲ ﺑﺴﻴﺎﺭﺗﻪ ﻭﺭﺟﻌﻨﺎ ﻭﺍﻡ ﺍﻟﺼﺎﻟﻮﻥ ﺍﻧﻄﺘﻨﺎ ﺍﻟﺒﺪﻟﺔ ﺍﻟﺒﻴﻀﺔ ﺑﺎﻟﺠﻨﻄﺔ ﺣﺘﻰ ﺍﻟﺒﺴﻬﺎ ﻣﻦ ﺩﺧﻠﺖ ﺷﻔﺘﻬﻢ ﺟﺎﻳﻴﻦ ﻣﻦ ﺍﻟﺒﺼﺮﺓ ﻭﺍﺻﻠﻴﻦ ﻭﺍﻟﺒﻴﺖ ﻫﻮﻭﻭﻭﻭﻭﻭﻭﻭﺳﺔ ﻋﻮﺩ ﻣﺎﻛﻮ ﺟﻬﺎﻝ ﺑﺲ ﻧﺴﻮﺍﻥ ﻛﻠﻬﺎ ﺗﺤﺠﻲ ﺳﻮﺓ ﻭﻭﺣﺪﺓ ﻣﺎﺍﻋﺮﻓﻬﺎ ﻣﻨﻮ ﺑﻌﺪﻧﻲ ﺍﻣﺸﻲ ﺍﺭﻳﺪ ﺍﻛﻌﺪ ﻋﻠﻰ ﺍﻟﻜﺮﺳﻲ ﺭﻓﻌﺖ ﺍﻟﺒﺮﻧﺺ ﻣﺎﻝ ﺍﻟﺒﺪﻟﺔ ﺑﺎﻭﻋﺘﻠﻲ ﻭﻧﺰﻟﺘﻪ ﺣﺘﻰ ﺍﺟﻴﺖ ﺍﻭﻛﻊ
ﺑﺲ ﻭﺻﻠﺖ ﻳﻢ ﺍﻟﻜﺮﺳﻲ ﺍﺟﺖ ﻋﻤﺘﻲ ﺍﻡ ﻣﺤﻤﺪ ﺗﻬﻮﺱ ﻳﻤﻲ ﺍﺑﺘﺴﻤﺘﻠﻬﺎ ﻭﺳﻠﻤﺖ ﻋﻠﻴﺔ ﻭﺧﻠﺖ ﺑﺄﻳﺪﻱ ﻗﺮﺃﻥ ﺻﻐﻴﺮ ﻭﺷﺮﺑﺘﻨﻲ ﻣﺎﻱ ﻣﻘﺮﻱ ﻋﻠﻴﻪ ﻭﺍﺟﻦ ﻧﻮﺭ ﻭﺯﻫﺮﺍﺀ ﻭﺭﻭﺍﻥ ﺳﻠﻤﻦ ﻋﻠﻴﺔ ﻭﺍﺟﻦ ﻋﻤﺎﺕ ﺣﻤﺰﺓ ﻭﻧﺴﻮﺍﻥ ﻋﻤﺎﻣﻪ ﻭﺑﻨﺎﺕ ﻭﺧﻮﺍﺕ ﻭﺷﻜﺜﺮ ﻧﺴﻮﺍﻥ ﻭﺯﻫﺮﺍﺀ ﺗﻌﺮﻓﻨﻲ ﻋﻠﻴﻬﻦ ﺣﺮﺍﻡ ﺍﺫﺍ ﻋﺮﻓﺖ ﻭﺣﺪﺓ ﺑﺲ ﺍﺑﺘﺴﻢ ﺑﻮﺟﻬﻬﻦ
ﺷﻮﻱ ﻭﺍﺫﻥ ﻫﻦ ﺭﺍﺣﻦ ﻳﺼﻠﻦ ﻭﺻﺒﻮ ﻏﺪﺍﺀ ﻛﻠﻪ ﺟﺎﻳﺒﻲ ﻣﻦ ﺍﻟﻤﻄﻌﻢ ﻣﺎﻃﺒﺨﻮ ﻛﻤﻠﻮ ﻏﺪﺍﺀ ﻭﺍﺷﺘﻐﻞ ﺍﻟﻬﻈﻢ ﺷﻐﻠﻦ ﺩﻳﺠﻲ ﻭﺍﻟﺮﻛﺺ ﺍﺷﺘﻐﻞ ﺍﺷﻜﺎﻝ ﺍﻟﻮﺍﻥ ﺍﻟﺘﻌﺮﻑ ﺗﺮﻛﺺ ﺧﻴﺮ ﻋﻠﻰ ﺧﻴﺮ ﻭﺍﻟﻤﺎﺗﻌﺮﻑ ﺗﻈﻞ ﺑﺲ ﺗﻨﻄﺢ
ﻣﻦ ﺍﻟﺴﺎﻋﺔ ﺏ 1 ﻭﻧﺺ ﻟﻞ 4 ﺍﻟﻌﺼﺮ ﻫﻦ ﻋﻠﻰ ﻓﺪ ﺭﻛﺼﺔ ﺍﺑﺪ ﻭﻻﺗﻌﺒﻦ ﺯﻫﺮﺍﺀ ﻻﺑﺴﺔ ﻛﻌﺐ ﺫﺑﺖ ﻓﻠﻚ ﻭﻧﻮﺭ ﺷﺎﻛﺔ ﺑﻨﻔﺴﻬﺎ ﺣﺎﻣﻞ ﻣﺎﺭﻛﺼﺖ ﻫﻮﺍﻱ ﻭﺭﻭﺍﻥ ﺍﺑﻨﻬﺎ ﺑﺲ ﻳﺒﺠﻲ ﺑﺲ ﺑﻨﺎﺕ ﺗﻢ ﺣﻤﺰﺓ ﺫﺑﻦ ﻓﻠﻚ ﻋﺒﺎﻟﻚ ﻋﺮﺱ ﺍﺧﻮﻫﻦ ﻭﺍﻧﻲ ﺍﻛﻮﻟﻬﺎ ﻣﻮ ﻣﺤﺒﺔ ﺑﻲ ﺑﺲ ﻫﻦ ﻋﻠﻤﻮﺩ ﺍﻟﺮﻛﺺ
ﺍﻟﻤﻬﻢ ﺻﺎﺭﺕ ﺏ 4 ﺻﻌﺪﺕ ﻭﻟﺒﺴﺖ ﺍﻟﺒﺪﻟﺔ ﺍﻟﺒﻴﻀﺔ ﻭﺍﻟﻮﻟﺪ ﺳﻮﻭ ﺣﻔﻠﺔ ﺑﺮﺓ ﻫﻴﺞ ﺑﺲ ﻣﺸﻐﻠﻴﻦ ﺩﻳﺠﻲ ﺣﻤﺰﺓ ﻣﺴﻮﻱ ﺣﻔﻠﺔ ﺣﻨﺔ ﻫﻨﺎﻙ ﺑﺎﻟﺒﺼﺮﺓ ﻭﻋﺎﺯﻡ ﻋﻠﻴﻬﺎ ﻳﻤﻜﻦ ﺍﻟﺒﺼﺮﺓ ﻛﻠﻬﺎ ﺑﻌﺪﻳﻦ ﺷﻔﺖ ﺍﻟﺘﺼﻮﻳﺮ ﺍﻟﻘﺎﻋﺔ ﻣﻠﻴﺎﻧﺔ ﻧﺎﺱ ﻭﻛﻠﻬﺎ ﺗﺼﻴﺢ ﺣﻤﺰﺓ
ﺍﻟﻤﻬﻢ ﻟﺒﺴﺖ ﺍﻟﺒﺪﻟﺔ ﺍﻟﺒﻴﻀﺔ ﻭﻧﺰﻟﺖ ﻣﺎﺍﻋﺮﻑ ﻣﻨﻮ ﻛﺎﻡ ﻳﺮﻣﻲ ﺍﺣﺘﺮﻙ ﺍﻟﺠﻮ ﺣﺮﻙ ﺟﻨﺖ ﺍﻧﺰﻝ ﻋﻠﻰ ﺍﻟﺪﺭﺝ ﻋﻠﻰ ﻛﻴﻒ ﻭﺑﻨﺰﺍﻛﺔ ﺳﻤﻌﺖ ﺻﻮﺕ ﺍﻟﺮﻣﻲ ﻭﺍﻧﻲ ﺿﺮﺑﺘﻬﺎ ﺭﻛﻀﺔ ﺍﻧﻌﻞ ﺍﺑﻮ ﺍﻟﻨﺰﺍﻛﺔ ﻭﺍﻓﻠﺖ ﻟﻠﻬﻮﻝ ﻳﺮﺩﻥ ﻳﻠﺤﻜﻦ ﺑﻴﺔ ﻣﺎﻛﻮ
ﻛﻌﺪﺕ ﺑﻤﻜﺎﻧﻲ ﻭﺍﻟﺒﻨﺎﺕ ﻳﺮﻛﺼﻦ ﻭﺍﻟﺪﻳﺠﻲ ﻣﻦ ﺍﻏﻨﻴﺔ ﻻﻏﻨﻴﺔ ﻣﺎﻳﺨﻠﻦ ﺍﻟﻤﻌﺰﻓﺔ ﺗﻜﻤﻞ ﻋﻠﻰ ﺍﻟﻨﺺ ﻭﺗﺠﻲ ﻭﺣﺪﺓ ﺗﻜﻮﻝ ﻏﻴﺮﻭﻫﺎ ﻣﺎﻋﺠﺒﺘﻨﻲ ﻭﻳﻐﺮﻳﻨﻬﺎ ﻭﺍﻧﻲ ﻛﺎﻋﺪﺓ ﻭﻻﺑﺴﺔ ﺍﻟﺒﺪﻟﺔ ﻭﺍﻟﺒﻨﺎﺕ ﻛﻠﻬﻦ ﻳﺮﻛﺼﻦ ﻭﻓﺮﺣﺎﻧﺎﺕ ﻭﺍﻧﻲ ﺻﺎﻓﻨﺔ
ﺗﺬﻛﺮﺕ ﺍﻫﻠﻲ ﺍﻧﻲ ﻭﻳﻦ ﻭﺍﻫﻠﻲ ﻭﻳﻦ ﻟﻴﺶ ﺍﻧﻲ ﻭﺣﺪﻱ ﻻ ﺍﻡ ﻭﺍﻛﻔﺔ ﻳﻤﻲ ﻭﻻ ﺍﺧﺖ ﻭﻻ ﻭﺣﺪﺓ ﻣﻦ ﺍﻗﺎﺭﺑﻲ ﻭﺣﺪﻱ ﻫﻨﺎ ﻏﺮﻳﺒﺔ ﺑﻴﻨﻬﻢ ﻛﻮﻟﺖ ﺑﻨﻔﺴﻲ ﺻﺪﻙ ﭼﺬﺏ ﻳﺎ ﺭﻳﺎ ﺻﺪﻙ ﻫﺬﺍ ﺍﻟﺮﺩﺗﻲ ﻣﺎﻛﻮ ﺫﺭﺓ ﻓﺮﺡ ﺑﮕﻠﺒﻲ ﻣﻮ ﻫﺬﺍ ﺍﻟﺤﻠﻤﺖ ﺑﻲ ﻭﻻ ﺍﻟﻌﺮﺱ ﺍﻟﺮﺳﻤﺘﻪ ﺑﺒﺎﻟﻲ ﻭﻻ ﻫﺬﺍ ﻓﺎﺭﺱ ﺍﺣﻼﻣﻲ ﺍﻟﺠﻨﺖ ﺍﺭﺳﻤﻪ ﺑﺒﺎﻟﻲ
ﺍﺣﻼﻣﻲ ﻛﻠﻬﺎ ﺭﺍﺣﺖ ﻛﻠﻬﺎ ﺗﻄﺸﺮﺕ ﻻ ﺍﻡ ﻭﻻ ﺍﺏ ﻭﻻ ﺍﺧﻮﺍﻥ ﻭﻻ ﺍﺧﻮﺍﺕ ﻭﻻ ﺍﻟﺸﺨﺺ ﺍﻟﺤﻠﻤﺖ ﺑﻲ ﻛﻠﻬﻢ ﻣﺎﻣﻮﺟﻮﺩﻳﻦ ﻋﺮﺳﻲ ﺻﺎﺭ ﺑﺒﻴﺖ ﻧﺎﺱ ﻣﺎﺍﻋﺮﻓﻬﻢ ﻭﻻ ﺍﻟﻲ ﺻﻠﺔ ﺑﻴﻬﻢ ﻭﻻﺯﻡ ﺍﻧﺴﻰ ﻛﻠﺸﻲ ﻭﺍﻧﺴﻰ ﻛﻞ ﺍﻫﻠﻲ ﻭﺍﺣﻼﻣﻲ ﻭﺍﺭﺿﻰ ﺑﻮﺍﻗﻌﻲ
ﻟﻴﺶ ﻫﻴﺞ ﺍﻟﺪﻧﻴﺎ ﻋﻜﺴﻲ ﻟﻴﺶ ﻳﺎﺭﺑﻲ ﻟﻴﺶ ﺷﻮﻱ ﻭﺻﺎﺭ ﺻﻮﺕ ﻭﻫﻮﺳﺔ ﻭﻧﺎﺱ ﺗﺤﺠﻲ ﻭﺻﻮﺕ ﻋﺎﻟﻲ ﺍﺟﺖ ﺯﻫﺮﺍﺀ ﺗﺮﻛﺾ ﻭﺗﺪﻙ ﻋﻠﻰ ﺧﺪﻫﺎ ﻭﻛﺎﻟﺖ
ﺯﻫﺮﺍﺀ ........ ﻳﻤﺔ ﻳﻤﺔ ﺍﻟﺤﻜﻲ ﺍﺧﺬﻭ ﺣﻤﺰﺓ
ﺍﻡ ﺣﻤﺰﺓ ...... ﻭﻟﺞ ﻳﺎﻫﻮ ﺍﻻﺧﺬﻩ
ﺯﻫﺮﺍﺀ ....... ﻳﻤﺔ ﺍﻟﺸﺮﻃﺔ ﺍﺧﺬﺕ ﺣﻤﺰﺓ ﻭﺍﺧﺬﻭ ﺧﺎﻟﻲ
ﺍﻡ ﺣﻤﺰﺓ ...... ﻭﻟﺞ ﻟﻴﺶ ﺍﺧﺬﻭﻫﻢ
ﺯﻫﺮﺍﺀ ....... ﻣﺪﺭﻱ ﻳﺎﻫﻮ ﺍﻟﺮﻣﺔ ﻭﺍﺟﺖ ﺍﻟﺸﺮﻃﺔ ﻭﻛﺎﻟﻮ ﻧﺎﺧﺬ ﺍﻟﻌﺮﻳﺲ ﻭﺍﺑﻮ ﺍﻟﻌﺮﻭﺱ ﻭﺍﺧﺬﻭ ﺧﺎﻟﻲ ﻭﺣﻤﺰﺓ
ﺍﻡ ﺣﻤﺰﺓ ........ ﻳﻌﻌﻌﻌﻊ ﻭﻟﺠﻦ ﺩﻫﺮ ﺻﺎﺑﻨﻲ ﻭﻟﺠﻦ ﺍﻧﻄﻨﻲ ﻋﺒﺎﻳﺔ ﺧﻞ ﺍﻃﻠﻊ ﻭﻳﻨﺠﻦ
ﺭﻳﺎ ........ ﺑﻬﺘﺖ ﻭﺍﻧﻬﺪ ﺣﻴﻠﻲ ﻣﻦ ﺍﻟﺴﻤﻌﺘﻪ ﻻ ﻳﺮﺑﻲ ﺷﻨﻮ ﻫﺎﻟﺤﻆ ﺍﻟﻌﻨﺪﻱ ﺣﺘﻰ ﺍﻟﺮﺟﺎﻝ ﺍﻧﺴﺠﻦ ﻭﺍﻟﻠﻪ ﻳﺮﺑﻲ ﺍﺳﺘﻐﻔﺮ ﺍﻟﻠﻪ ﻣﺪﺭﻱ ﺍﺑﺠﻲ ﻣﺪﺭﻱ ﺍﺿﺤﻚ ﻋﻠﻰ ﻧﻔﺴﻲ ﻭﺍﻟﻠﻪ ﻳﺎﻟﻠﻪ ﻫﻦ ﻇﻠﻦ ﻳﺘﺮﺍﺩﻣﻦ ﻭﺣﺪﺓ ﻫﻴﺞ ﺗﻜﻮﻝ ﻭﻭﺣﺪﺓ ﻫﻴﺞ ﺗﻜﻮﻝ ﻭﻛﻠﻬﻦ ﻛﻌﺪﻥ ﻭﻃﻔﻦ ﺍﻟﺪﻳﺠﻲ
ﻇﻠﻴﺖ ﺑﺎﻫﺘﺔ ﺷﺴﻮﻱ ﺻﺤﺖ ﻋﻠﻰ ﺭﺅﻯ ﻛﻮﻟﺘﻠﻬﺎ ﺍﺭﻳﺪ ﺗﻠﻔﻮﻧﻲ ﺟﺎﺑﺘﻠﻴﺎ ﺍﺗﺼﻠﺖ ﻋﻠﻰ ﺣﻤﺰﺓ ﻣﺎﻛﻮ ﻣﺎﻳﺮﺩ ﺍﺗﺼﻞ ﻣﺎﻛﻮ ﺷﻮﻱ ﻭﺍﺟﺖ ﻋﻤﺘﻲ ﻣﺸﻌﻮﻃﺔ ﺍﻟﺸﺮﻃﺔ ﻣﺎﺧﺬﻳﻦ ﺣﻤﺰﺓ ﻻﻥ ﺻﺎﻳﺮ ﺭﻣﻲ ﺑﺎﻟﻌﺮﺱ ﻭﺍﻟﻌﺎﻟﻢ ﻣﺨﺒﻮﺻﺔ ﺗﺮﺓ ﻭﺍﻟﻠﻪ ﻣﺎﻛﻮ ﻫﻴﺞ ﺣﻆ ﺍﻟﺮﺟﺎﻝ ﺍﻧﺴﺠﻦ ﺷﻨﻮ ﻣﻦ ﻛﺼﺔ ﻋﻨﺪﻱ
ﺍﻟﻌﺎﻟﻢ ﻛﻠﻬﺎ ﺗﺴﻮﻟﻒ ﺍﺳﻤﻌﻬﻦ ﻳﻜﻮﻟﻦ ﻻ ﻫﺎﻱ ﻫﻴﺔ ﻛﺼﺘﻬﺎ ﺗﺨﺒﻞ ﻭﻭﺣﺪﺓ ﻣﻦ ﺑﻨﺎﺕ ﻋﻢ ﺣﻤﺰﺓ ﻛﺎﻟﺖ ﻟﻮﺣﺪﺓ ﻭﺍﻛﻔﺔ ﺑﺼﻔﻬﺎ ﻳﻤﻜﻦ ﻫﻢ ﺑﻨﺖ ﻋﻢ ﺣﻤﺰﺓ ﻛﺎﻟﺘﻠﻬﺎ
ﺯﻳﻨﺐ ...... ﻓﻄﻮﻣﺔ ﻛﺼﺘﺞ ﺗﺨﺒﻞ
ﻓﺎﻃﻤﺔ ....... ﻫﻬﻬﻬﻬﻬﻪ ﺩﻫﺮ ﺻﺎﺑﺞ ﻭﺷﺒﻴﺔ ﺍﻧﻲ
ﺯﻳﻨﺐ ...... ﻏﻴﺮ ﻓﻜﺮﺗﻲ ﺍﻟﺰﻟﻤﺔ ﺑﻴﻮﻡ ﻋﺮﺳﻪ ﺟﺎ ﺍﻧﺴﺠﻦ ﻭﺑﻴﻮﻡ ﻋﺮﺳﻪ ﻭﺍﻟﻠﻪ ﺣﺘﻰ ﻣﺎﺻﺎﺭﺕ ﻋﻨﺪﻧﺎ ﺍﺑﺪ
ﻓﺎﻃﻤﺔ ......... ﻫﻬﻬﻬﻬﻬﻬﻬﻬﻬﻪ ﻭﻟﺞ ﺑﺴﺞ ﺑﺴﺞ ﺍﻱ ﻭﺍﻟﻠﻪ ﺷﺴﻮﻱ ﺍﺫﺍ ﺍﻧﻲ ﻛﺼﺘﻲ ﻣﻮ ﺧﻴﺮ ﻭﻓﻜﺮ
ﺭﻳﺎ ....... ﻭﺍﻟﻠﻪ ﻋﺮﻓﺘﻬﻦ ﻳﺴﻮﻟﻔﻦ ﻋﻠﻴﺔ ﺩﺭﺕ ﻭﺟﻬﻲ ﻋﻨﻬﻦ ﺍﻟﺪﻣﻌﺔ ﺑﻌﻴﻨﻲ ﺑﺎﻟﻲ ﻳﻢ ﺣﻤﺰﺓ ﻭﻛﻠﺒﻲ ﻣﺤﺘﺮﻙ ﻛﻞ ﻭﺣﺪﺓ ﻭﺍﻛﻔﺔ ﺑﺼﻔﺤﺔ ﺗﺴﻮﻟﻒ ﻋﻠﻴﺔ ﻭﻋﻠﻰ ﺍﺑﻮ ﻓﻜﺮ ﻭﻓﻜﺮﺓ ﺍﻟﺮﺟﺎﻝ ﻣﻮ ﻣﻦ ﺣﻘﻲ ﺍﺣﺠﻲ ﺍﺑﺪ ﻭﻻ ﺍﺿﻮﺝ ﺑﺼﻔﺘﻲ ﻣﻨﻮ ﻭﺍﺣﺠﻲ ﺣﺘﻰ ﻣﺎﻋﻨﺪﻱ ﻭﺣﺪﺓ ﻣﻦ ﺍﻫﻠﻲ ﺗﻮﻛﻒ ﻭﻳﺎﻱ ﻣﻦ ﺍﺣﺠﻲ
ﻧﻮﺭ ﻭﺯﻫﺮﺍﺀ ﻭﻋﻤﺘﻲ ﻣﻠﺘﻬﻴﺎﺕ ﻭﻣﺨﺒﻮﺻﺎﺕ ﻭﺍﻟﺒﻨﺎﺕ ﺭﺅﻯ ﻭﻧﺴﺮﻳﻦ ﻭﺳﺮﺍﺏ ﻭﻧﻮﺭﺱ ﻭﻛﻠﻬﻦ ﻫﻢ ﻣﺨﺒﻮﺻﺎﺕ ﻭﺑﺎﻟﻤﻄﺒﺦ ﺑﺲ ﻋﻤﺎﺗﻪ ﻭﻧﺴﻮﺍﻥ ﻋﻤﺎﻣﻪ ﻭﺑﻨﺎﺗﻬﻦ ﻳﻤﻲ ﻭﻭﺣﺪﺓ ﺗﺮﻓﻊ ﻭﻭﺣﺪﺓ ﺗﻜﺒﺲ ﺩﺧﻠﺖ ﻋﻤﺘﻲ ﺻﺎﺣﺖ ﻋﻠﻴﻬﺎ ﻋﻤﺔ ﺣﻤﺰﺓ ﺍﻡ ﺟﻌﻔﺮ ﻛﺎﻟﺖ
ﺍﻡ ﺟﻌﻔﺮ ....... ﺷﻨﻮ ﺍﻟﺴﺎﻟﻔﺔ ﺧﻴﺔ ﺟﻨﺘﺞ ﺟﺴﺤﺖ ﺍﻟﻮﻟﺪ ﺑﻴﻮﻡ ﻋﺮﺳﻪ
ﺍﻡ ﻣﺤﻤﺪ ...... ﺷﻠﻬﺎ ﻏﺮﺽ ﺍﻟﺒﻨﺖ ﻫﻢ ﺣﻈﻬﺎ ﻫﺬﺍ ﻛﻮﻣﻲ ﻳﻤﺔ ﻛﻮﻣﻲ ﻓﻮﺗﻲ ﺑﺎﻟﻐﺮﻓﺔ ﺟﻮﺓ ﻫﺴﺔ ﺭﺍﺡ ﻳﺠﻮﻥ ﻃﻠﻌﻮ ﺣﻤﺰﺓ ﻣﺎﺍﺩﺭﻱ ﻳﺎﻣﺴﻤﻮﻁ ﺭﻣﺔ ﺑﺎﻟﻜﻮﺓ ﻃﻠﻌﻪ ﻋﻤﺞ ﻭﺟﺎﻳﻴﻦ ﺑﺎﻟﺪﺭﺏ ﻛﻮﻣﻲ ﺍﺭﺗﺎﺣﻲ ﺑﺎﻟﻌﺮﻓﺔ ﺷﻮﻳﺔ
ﺭﻳﺎ ....... ﻛﻤﺖ ﻟﻠﻐﺮﻓﺔ ﺍﻧﻔﺠﺮﺕ ﺑﺎﻟﺒﺠﻲ ﺭﺍﺩﻥ ﻳﺴﻜﺘﻨﻲ ﻣﺎﻛﻮ ﺍﻟﺘﻤﻦ ﻋﻠﻴﺔ ﺍﻟﺒﻨﺎﺕ ﻇﻠﻦ ﻳﻬﻔﻦ ﻋﻤﺘﻲ ﺭﻛﻀﺖ ﺟﺎﺑﺖ ﺗﺮﺑﺔ ﻣﺎﺍﻋﺮﻑ ﻣﻦ ﻳﺎ ﺍﻣﺎﻡ ﻭﺷﺮﺑﻨﻨﻲ ﻭﻋﻤﺘﻲ ﺷﻤﺮﺕ ﻋﻠﻰ ﺻﺪﺭﻱ ﻫﺪﺍﺕ ﺷﻮﻳﺔ ﻭﺧﺎﻟﺔ ﺩﻻﻝ ﺗﻘﺮﺃ ﺍﻳﺎﺕ ﻭﺗﻨﻔﺦ ﺑﻮﺟﻬﻲ ﻋﻤﺘﻲ ﻓﺮﻓﺤﺖ ﻭﻛﺎﻣﺖ ﺗﺪﻙ ﻋﻠﻰ ﺭﺟﻠﻴﻬﺎ ﻭﻛﺎﻟﺖ
ﺍﻡ ﻣﺤﻤﺪ ...... ﻭﺍﻟﻠﻪ ﻋﻴﻦ ﻣﺎﺻﻠﺖ ﻋﻠﻰ ﺍﻟﻨﺒﻲ ﻭﺍﻟﻠﻪ ﺻﺎﺑﺘﻬﻢ ﻋﻴﻦ ﻭﺍﻟﻠﻪ ﺻﺎﺑﺘﻬﻢ ﻋﻴﻦ
ﺩﻻﻝ ....... ﻛﻮﻣﻲ ﺧﻴﺔ ﺍﻡ ﺣﻤﻮﺩﻱ ﻫﺎﻱ ﻣﺎﺑﻴﻬﺎ ﺷﻲ ﺭﻳﺎ ﻛﻮﻣﻲ ﻛﺎﻓﻲ ﺭﻳﺎ ﺧﺎﻟﺔ ﻻﺗﺒﺠﻴﻦ ﻋﻤﺘﺞ ﻓﺮﻓﺤﺖ ﻛﺎﻓﻲ
ﺭﻳﺎ ...... ﻫﺪﺋﺖ ﺑﺲ ﻇﻠﺖ ﺷﻬﻜﺔ ﺑﻴﺔ ﻭﻛﻞ ﺷﻮﻱ ﺍﺑﺠﻲ ﻭﻳﺴﻜﺘﻨﻲ ﻧﺴﺮﻳﻦ ﻛﻠﺶ ﺷﺎﻃﺮﺓ ﺑﺎﻟﻤﻜﻴﺎﺝ ﺟﺎﺑﺘﻠﻲ ﻣﻜﻴﺎﺟﻬﺎ ﻭﻋﺪﻟﺖ ﻣﻜﻴﺎﺟﻲ ﻻﻥ ﺗﺨﺮﺑﻂ ﻣﻦ ﺍﻟﺒﺠﻲ ﺷﺮﺑﺖ ﻣﺎﻱ ﺑﺎﺭﺩ ﻏﺴﻠﺖ ﺍﺩﻳﺔ ﻭﺭﺟﻠﻴﺔ ﺑﻤﺎﻱ ﺑﺎﺭﺩ ﻋﻤﺘﻲ ﺟﺎﺑﺖ ﻛﻼﺩﺓ ﻧﻮﺭ ﻋﻴﻦ ﺯﺭﻛﺔ ﻟﺒﺴﺘﻨﻴﺎﻫﺎ
ﺭﺟﻌﺖ ﻟﻠﻬﻮﻝ ﻣﺎﺍﺭﻳﺪ ﺍﺷﻮﻑ ﺷﻜﻮﻟﻬﻦ ﺑﺲ ﺷﺴﻮﻱ ﺭﺟﻌﺖ ﻛﻌﺪﺕ ﺷﻮﻱ ﻭﻛﺎﻟﻦ ﺍﺟﺔ ﺣﻤﺰﺓ ﺍﻧﻘﻬﺮﺕ ﻭﺭﺩﺕ ﺍﺑﺠﻲ ﺑﺲ ﺗﻤﺎﺳﻜﺖ ﻭﺍﺟﻦ ﺟﺎﺑﻦ ﺍﻟﺒﺮﻧﺺ ﻟﺒﺴﻨﻨﻴﺎ ﻭﺩﺧﻠﻮ ﺣﻤﺰﺓ ﻭﺍﺑﻮ ﻭﻣﺎﺍﻋﺮﻑ ﻣﻨﻮ ﻭﻳﺎ ﺑﻌﺪ
ﻋﻤﻮ ﺣﺎﻣﺪ ﻫﻮ ﺧﻠﺔ ﺍﻳﺪﻱ ﺑﺄﻳﺪ ﺣﻤﺰﺓ ﻇﻠﻴﺖ ﺍﺑﺠﻲ ﻭﺍﻧﻲ ﻣﺪﻧﻜﺔ ﻭﻣﺎﻳﺪﺭﻭﻥ ﺑﻴﺔ ﻃﻠﻌﻨﺎ ﻣﻦ ﺑﻴﺘﻬﻢ ﻭﺭﻛﺒﺖ ﺍﻟﺴﻴﺎﺭﺓ ﻣﺎﻟﺖ ﺣﻤﺰﺓ ﻻ ﻭﻳﺎﻱ ﺍﻡ ﻭﻻ ﻋﻤﺔ ﻭﻻ ﺧﺎﻟﺔ ﻭﻻ ﻭﺣﺪﺓ ﻣﻦ ﺍﻫﻠﻲ ﻭﺣﺪﻱ ﻫﺎﻱ ﺍﻟﻌﺎﻟﻢ ﻛﻠﻬﺎ ﻟﺤﻤﺰﺓ ﻭﺍﻧﻲ ﻟﻮﺣﺪﻱ ﻛﻠﻬﺎ ﻓﺮﺣﺎﻧﺔ ﻟﺤﻤﺰﺓ ﻭﻛﻠﻬﻢ ﺍﻫﻠﻪ ﻭﻧﺎﺳﻪ ﻭﺍﻧﻲ ﻣﺤﺪ ﻓﺮﺣﻠﻲ ﻃﺒﻌﺎ ﻋﺰﻣﻨﺎ ﻣﻬﺎ ﻭﻣﺮﺍﺩ ﻭﻫﻢ ﻣﺎﺍﺟﻮ ﻭﺣﻤﺰﺓ ﺯﻋﻞ ﻋﻠﻴﻬﻢ
ﺍﻟﻤﻬﻢ ﺻﻌﺪﻧﺎ ﺑﺎﻟﺴﻴﺎﺭﺓ ﻣﺎﻟﺖ ﺣﻤﺰﺓ ﺍﻟﻴﺴﻮﻕ ﻣﺤﻤﺪ ﻭﺍﻟﻜﺎﻋﺪ ﺑﺎﻟﺼﺪﺭ ﻋﻢ ﺣﻤﺰﺓ ﺍﻟﺠﺒﻴﺮ ﺍﻓﺘﺮﻳﻨﺎ ﺷﻮﻳﺔ ﻭﺍﺧﺬﻧﺎ ﺻﻮﺭ ﻭﺯﻓﻮﻧﺎ ﻟﻠﻔﻨﺪﻕ ﻧﺴﻮﺍﻥ ﻣﻮ ﻫﻮﺍﻱ ﺍﺟﻦ ﺑﺲ ﻋﻤﺔ ﺣﻤﺰﺓ ﺍﻟﺠﺒﻴﺮﺓ ﻭﺯﻭﺟﺔ ﻋﻤﻪ ﺍﻟﺠﺒﻴﺮ ﻭﻋﻤﺘﻲ ﺍﻡ ﻣﺤﻤﺪ ﻭﺧﺎﻟﺔ ﺩﻻﻝ ﻭﻧﻮﺭ ﻭﺭﻭﺍﻥ ﻭﺯﻫﺮﺍﺀ ﺑﺲ ﺍﻟﺰﻟﻢ ﻛﻠﻬﺎ ﺍﺟﺖ ﺑﺎﻗﻲ ﺍﻟﻨﺴﻮﺍﻥ ﻛﻠﻬﺎ ﺭﻛﺒﻮﻫﺎ ﺑﺎﻟﺴﻴﺎﺭﺍﺕ ﻭﺭﺟﻌﻮ ﻟﻠﺒﺼﺮﺓ ﻭﺭﺍﺀ ﺯﻓﺘﻲ ﻭﺍﻟﺒﻘﻮ ﻛﻢ ﻭﺍﺣﺪ ﻋﻤﺎﻡ ﺣﻤﺰﺓ ﻭﻭﻟﺪ ﻋﻢ ﺍﺑﻮ ﻫﻴﺞ ﻗﻠﻴﻠﻴﻦ ﻛﺎﻟﻮ ﻧﺰﻭﺭ ﻭﺑﺎﻟﻠﻴﻞ ﻧﺮﺟﻊ
ﺻﻌﺪﻧﻮﻧﻲ ﻟﻠﻐﺮﻓﺔ ﺍﻟﺤﺎﺟﺰﻳﻬﺎ ﺍﻟﻨﺎ ﻭﺣﻤﺰﺓ ﺑﻘﻰ ﺟﻮﺓ ﻭﺍﻟﻨﺴﻮﺍﻥ ﺻﻌﺪﻥ ﻭﻳﺎﻱ ﻧﻮﺭ ﻃﻠﻌﺘﻠﻲ ﺍﻟﺴﻴﺖ ﻭﻛﺎﻟﺘﻠﻲ
ﻧﻮﺭ ....... ﺑﺎﻋﻲ ﺭﻳﺎ ﻫﺬﺍ ﺍﻟﺒﺴﻲ ﻣﻦ ﺗﻨﺰﻋﻴﻦ ﺍﻟﺒﺪﻟﺔ
ﺭﻳﺎ ....... ﻻ ﻣﻮ ﻫﺬﺍ ﺍﺭﻳﺪ ﺍﻟﺘﺮﺍﻙ ﺍﻻﺣﻤﺮ ﻣﺎﺧﻠﺘﻪ ﺭﺅﻯ ﻋﻮﺩ ﻛﻮﻟﺘﻠﻬﺎ
ﻫﻦ ﺻﻔﻨﻦ ﻭﻛﺎﻟﻦ ﺷﻨﻨﻨﻮﻭﻭﻭ ﻳﺎﺗﺮﺍﻙ ﺗﻌﺠﺒﺖ ﻋﻠﻴﻬﻦ ﻭﻟﺰﻣﺘﻨﻲ ﻋﻤﺘﻪ ﻭﻋﻤﺘﻲ ﻭﻋﻠﻤﻨﻲ ﻋﻠﻰ ﺍﻟﻠﻴﻠﺔ ﻳﻤﻤﻤﻤﻤﺔ ﻃﻠﻌﺖ ﻫﻴﺞ ﺍﻟﺴﺎﻟﻔﺔ ﺗﺨﺒﻠﺖ
ﻛﻮﻟﺘﻠﻬﺎ ﻋﻤﺔ ﺍﻧﻲ ﻣﻮ ﻣﺜﻞ ﻫﺬﻥ ﺍﻟﺒﻨﺎﺕ ﺍﻧﻲ ﻣﺎﺍﻗﺒﻞ ﻻ ﻋﻤﺔ ﺷﻨﻮ ﻫﻲ ﻋﻴﺐ
ﺍﻡ ﻣﺤﻤﺪ ...... ﻳﺎ ﺑﻨﺎﺕ ﻭﻟﺞ ﺍﺳﻜﺘﻲ ﻭﻻﺗﺤﺠﻴﻦ ﺷﻲ ﺣﺒﻴﺒﺘﻲ ﻛﻞ ﺍﻟﻤﺘﺰﻭﺟﻴﻦ ﻫﻴﺞ ﻳﺼﻴﺮ ﺑﻴﻨﻬﻢ
ﺭﻳﺎ ....... ﻫﻦ ﻳﺴﻮﻟﻔﻦ ﻭﻳﻘﻨﻌﻦ ﺑﻴﺔ ﻭﺍﻧﻲ ﺍﻧﺮﻋﺒﺖ ﻭﺍﺭﻳﺪ ﺍﺭﻭﺡ ﻭﻳﺎﻫﻦ ﺑﻌﺪ ﻣﻦ ﺩﺧﻞ ﺣﻤﺰﺓ ﻫﻦ ﺳﻠﻤﻦ ﻭﻃﻠﻌﻦ ﺣﻤﺰﺓ ﻗﻔﻞ ﺍﻟﺒﺎﺏ ﻭﺍﻧﻲ ﻛﺎﻋﺪﺓ ﺍﺭﺟﻒ ﻣﺜﻞ ﺍﻟﺴﻌﻔﺔ ﺑﺎﻟﻌﺎﺻﻔﺔ
ﻫﻮ ﺍﺟﺔ ﻳﻤﺸﻲ ﺑﺄﺗﺠﺎﻫﻲ ﻭﺍﻧﻲ ﺍﺭﺟﻒ ﻭﻣﻴﺘﻪ ﺧﻮﻑ ﻭﻛﺎﻋﺪﺓ ﻋﻠﻰ ﺍﻟﺠﺮﺑﺎﻳﺔ ﻫﻮ ﻛﻌﺪ ﻭﻟﺰﻡ ﺍﻳﺪﻱ ﺷﺎﻓﻨﻲ ﺍﺭﺟﻒ ﻛﺎﻝ
ﺣﻤﺰﺓ ....... ﻫﺎﻱ ﺷﺒﻴﺞ ﻟﻴﺶ ﺗﺮﺟﻔﻴﻦ
ﺭﻳﺎ ........ ﺷﻜﻮﻟﻪ ﻫﺴﺔ ﻛﻮﺗﻠﻪ ﻣﺎﺍﺭﻳﺪ
ﺣﻤﺰﺓ ........ ﻫﻮ ﺷﻨﻮ ﺍﻟﻤﺎ ﺗﺮﺩﻳﻨﻪ
ﺭﻳﺎ ......... ﻻﺗﻘﺮﺑﻠﻲ ﻭﺭﺟﻌﻨﻲ ﻻﺭﺑﻴﻞ ﻣﺎﺍﺭﻳﺪ ﺍﺗﺰﻭﺝ
ﺣﻤﺰﺓ ......... ﻫﺎﺍﺍﺍﺍ ﻫﺎﻱ ﺷﺒﻴﺞ ﻟﻴﺶ ﺧﺎﻳﻔﺔ
ﺭﻳﺎ ....... ﻭﻛﻔﺖ ﻭﻫﻮ ﻫﻢ ﻭﻛﻒ ﺍﺟﺔ ﻳﻤﻲ ﻛﻮﺗﻠﻪ ﻻﺗﻘﺮﺏ ﻭﺍﻟﻠﻪ ﺍﻇﻞ ﺍﻋﻴﻂ ﻭﺍﻟﻢ ﺍﻟﻨﺎﺱ ﻋﻠﻴﻚ ﺭﺟﻌﻨﻲ ﻻﺭﺑﻴﻞ ﻭﺍﻧﻲ ﺍﺣﻴﺮ ﺑﻨﻔﺴﻲ ﺍﻧﺖ ﺿﺤﻜﺖ ﻋﻠﻴﺔ ﻣﺎﻛﻮﺗﻠﻲ ﻫﻴﺞ ﺍﻟﺰﻭﺍﺝ
ﺣﻤﺰﺓ ........ ﺍﻭﻭﻭﻭﻑ ﻫﺎﻱ ﺍﻣﻲ ﺷﻜﺎﻟﺘﻠﺞ ﻭﻫﻴﺞ ﻣﺴﻮﺩﻧﺘﺞ ﻋﻠﻴﺔ ﻭﺍﻟﻠﻪ ﻣﺎﺍﺳﻮﻳﻠﺞ ﺷﻲ ﺑﺲ ﺗﻌﺎﻱ ﺑﺪﻟﻲ ﻭﺭﺍﺡ ﻳﺠﻴﺒﻮﻥ ﻋﺸﺎﺀ ﺍﻛﻴﺪ ﻣﻦ ﺍﻟﺼﺒﺢ ﻣﺎﻣﺎﻛﻞ ﺗﻌﺸﻲ ﻭﻧﺎﻣﻲ ﻫﺎﻱ ﻛﻞ ﺍﻟﺴﺎﻟﻔﺔ
ﺭﻳﺎ ........ ﻻ ﺍﻣﻚ ﻣﺎﻛﺎﻟﺖ ﻫﻴﺞ ﻻﺗﺠﺬﺏ ﻋﻠﻴﺔ
ﺣﻤﺰﺓ ....... ﻣﺎﻋﻠﻴﺞ ﺑﺄﻣﻲ ﺗﻌﺎﻱ ﻳﺎﻟﻠﻪ ﻻﺗﺨﺎﻓﻴﻦ
ﺭﻳﺎ ........ ﻣﺎﺗﺴﻮﻳﻠﻲ ﺷﻲ؟
ﺣﻤﺰﺓ ....... ﻛﻠﺸﻲ ﻣﺎﺍﺳﻮﻳﻠﺞ ﺷﺒﻴﺞ ﻟﻮ ﺍﺭﻳﺪ ﺍﺳﻮﻳﻠﺞ ﺷﻲ ﺟﺎﻥ ﺳﻮﻳﺖ ﻗﺒﻞ ﺷﻬﻮﺭ ﻣﻮ ﻫﺴﺔ ﺗﻌﺎﻱ ﻳﺎﻟﻠﻪ
ﺭﻳﺎ ........ ﺭﺣﺖ ﻳﻤﻪ ﻫﻮ ﻟﺰﻡ ﺍﻳﺪﻱ ﻭﺣﻈﻨﻲ ﻛﻮﺗﻠﻪ ﻻﺗﺴﻮﻳﻠﻲ ﺷﻲ ﻋﻔﻴﺔ ﺍﻟﻠﻪ ﻋﻠﻴﻚ
ﺣﻤﺰﺓ ....... ﻻﻧﺨﺎﻓﻴﻦ ﻛﻠﺸﻲ ﺑﺮﺿﺎﺗﺞ ﻣﺎﺍﺟﺒﺮﺝ ﻳﺎﻟﻠﻪ ﺑﺪﻟﻲ ﺭﺍﺡ ﻳﺼﻌﺪﻭﻥ ﺍﻟﻌﺸﺎﺀ
ﺭﻳﺎ ....... ﺑﺪﻟﺖ ﺑﺎﻟﻜﻮﺓ ﻓﺘﺤﺖ ﺍﻟﺴﺤﺎﺏ ﻣﺎﻝ ﺍﻟﺒﺪﻟﺔ ﻫﻮ ﻧﺰﻝ ﺟﻮﺓ ﻟﺒﺴﺖ ﺍﻟﺴﻴﺖ ﻭﺍﻟﺮﻭﺏ ﻭﻓﺘﺤﺖ ﺍﻟﺘﺴﺮﻳﺤﺔ ﻫﻮ ﺩﺧﻞ ﺟﺎﻥ ﻻﺑﺲ ﺗﺮﺍﻙ ﻭﻣﺒﺪﻝ ﻣﺎﺍﻋﺮﻑ ﻭﻳﻦ ﻭﺟﺎﻳﺐ ﻋﺸﺎﺀ ﺑﺎﻭﻋﺖ ﺍﻟﺠﺮﺑﺎﻳﺔ ﻋﺒﺎﺭﺓ ﻋﻦ ﻣﺎﺷﺎﺕ ﻳﻤﻤﻤﻤﺔ ﺍﻛﻮﻝ ﺍﻡ ﺍﻟﺼﺎﻟﻮﻥ ﺍﺧﺬﺕ 350 ﺍﻟﻒ ﺍﺛﺎﺭﻱ ﻟﻠﻤﺎﺷﺎﺕ ﺍﻟﻤﺨﻠﻴﺘﻬﻦ ﻣﻦ ﺩﺧﻞ ﺣﻤﺰﺓ ﺍﺑﺘﺴﻤﻠﻲ ﻭﻛﺎﻝ
ﺣﻤﺰﺓ ...... ﺗﻌﺎﻱ ﺗﻌﺸﻲ
ﺭﻳﺎ ........ ﺍﻱ ﻭﺍﻟﻠﻪ ﺍﺟﺔ ﺑﻮﻗﺘﻪ ﻻﻥ ﺍﻧﻲ ﺑﺪﻭﻥ ﺭﻳﻮﻙ ﻭﺑﺪﻭﻥ ﻏﺪﺍﺀ ﺳﻮﻳﺖ ﻧﻔﺴﻲ ﻣﺴﺘﺤﻴﺔ ﻻﺯﻡ ﺍﺛﻜﻞ ﻭﻣﺎﺍﻛﻞ ﺑﺴﺮﻋﺔ ﻫﻮ ﻳﺎﻛﻞ ﻭﻳﻮﻛﻠﻨﻲ ﻛﻤﻞ ﺍﻛﻞ ﻭﻛﺎﻡ ﺍﻧﻲ ﺟﻮﻋﺎﻧﺔ ﺑﺲ ﻋﻴﺐ ﻫﻢ ﻛﻤﺖ ﻫﻮ ﻛﺎﻝ
ﺣﻤﺰﺓ ....... ﻛﻤﻠﻲ ﻛﻤﻠﻲ ﻟﻴﺶ ﻛﻤﺘﻲ
ﺭﻳﺎ ........ ﻻ ﺷﺒﻌﺖ
ﻛﻤﺖ ﻏﺴﻠﺖ ﺣﻤﺰﺓ ﻛﺎﻝ
ﺣﻤﺰﺓ ........ ﺍﻟﻈﻬﺮ ﺻﻠﻴﺘﻲ
ﺭﻳﺎ ....... ﻻ
ﺣﻤﺰﺓ ........ ﻫﺴﺔ ﺍﺗﻮﺿﻲ ﻭﺻﻠﻲ ﻗﻀﺎﺀ ﻭﺻﻠﻲ ﺍﻟﻤﻐﺮﺏ ﻭﺍﻟﻌﺸﺎﺀ
ﺭﻳﺎ ........ ﺻﻠﻴﺖ ﺑﺲ ﺗﻌﺒﺎﻧﺔ ﺑﺎﻟﻜﻮﺓ ﺻﻠﻴﺖ ﺭﺩﺕ ﺍﻛﻮﻡ ﺍﻧﺎﻡ ﻫﻮ ﺍﺟﺔ ﻓﺮﺵ ﻣﺼﻼﻳﺔ ﻭﻛﺎﻝ
ﺣﻤﺰﺓ ........ ﺻﻠﻲ ﻭﺭﺍﻱ
ﺭﻳﺎ ......... ﻣﻮ ﻛﻤﻠﺖ ﺻﻼﺓ ﻭﻧﻌﺴﺎﻧﺔ ﻭﺍﻟﻠﻪ
ﺣﻤﺰﺓ ........ ﺍﻳﻴﻲ ﻫﻲ ﺑﺲ ﺭﻛﻌﺘﻴﻦ ﺻﻠﻲ ﻭﻧﺎﻣﻲ
ﺭﻳﺎ ....... ﻣﺎﺷﻲ
ﺻﻠﻴﺖ ﻭﻳﺎ ﻛﻤﻠﻨﺎ ﻫﻮ ﺭﺍﺡ ﺗﻤﺪﺩ ﻭﺻﺎﺣﻠﻲ ﺭﺣﺖ ﺗﻤﺪﺩﺕ ﺩﺭﺕ ﻭﺟﻬﻲ ﻋﻠﻴﻪ ﻛﻮﺗﻠﻪ ﻣﺎﺗﺴﻮﻳﻠﻲ ﺷﻲ ﺍﻧﺖ ﻛﻮﻟﺖ
ﺣﻤﺰﺓ ....... ﺍﻳﻴﻲ ﻣﺎﺍﺳﻮﻳﻠﺞ ﺷﻲ ﻧﺎﻣﻲ
ﺭﻳﺎ ....... ﺩﺭﺕ ﻭﺟﻬﻲ ﻭﺍﻧﻄﻴﺘﻪ ﻇﻬﺮﻱ ﺑﺲ ﺍﻟﻨﻌﺎﺱ ﻛﻠﻪ ﻃﺎﺭ ﻣﻦ ﻋﻴﻨﻲ ﻻﻥ ﺧﺎﻳﻔﺔ ﻫﻮ ﻧﺎﻳﻢ ﻭﺭﺍﺀ ﻣﺎﺍﻋﺮﻑ ﺷﻴﺴﻮﻱ ﻟﻮ ﺷﻴﻔﻜﺮ ﻧﺎﻡ ﻟﻮ ﻛﺎﻋﺪ ﻣﻐﻤﺾ ﻟﻮ ﻓﺎﺗﺢ ﻋﻴﻮﻧﻪ ﻋﺎﺻﺮﺓ ﺍﻳﺪﻱ ﻗﻮﻱ ﻭﺍﺻﺎﺑﻊ ﺭﺟﻠﻴﺔ ﻋﺎﺻﺮﺗﻬﻦ ﻭﻧﻤﺖ ﺑﺎﻟﺮﻭﺏ ﻣﺎﻧﺰﻋﺘﻪ ﻭﻫﻦ ﻣﺎﺟﺎﻳﺒﺎﺗﻠﻲ ﺑﺲ ﺳﻴﺖ ﺍﻟﻨﻮﻡ ﺍﻻﺑﻴﺾ ﻭﺍﻟﺮﻭﺏ ﻣﺎﻟﺘﻪ ﻭﺑﺪﻟﺔ ﺍﻟﺼﺒﺎﺣﻴﺔ
ﻇﻠﻴﺖ ﺳﺎﻋﺔ ﺗﻘﺮﻳﺒﺎ ﻫﻮ ﻣﺎﺗﺤﺮﻙ ﻋﺒﺎﻟﻲ ﻧﺎﻡ ﻫﺪﺃﺕ ﺷﻮﻱ ﻭﺍﻣﻨﺖ ﺭﺩﺕ ﺍﻏﻔﻰ ﺣﺴﻴﺖ ﺑﻲ ﻟﺰﻙ ﺟﺴﻤﻪ ﻭﻱ ﺟﺴﻤﻲ ﺑﺴﺮﻋﺔ ﻓﺰﻳﺖ ﺭﺩﺕ ﺍﻛﻮﻡ ﻫﻮ ﻟﻒ ﺍﻳﺪﻩ ﻋﻠﻰ ﺧﺼﺮﻱ ﻭﻫﻤﺲ ﻳﻢ ﺍﺫﻧﻲ
ﺣﻤﺰﺓ ....... ﻣﻦ ﻛﻞ ﻋﻘﻠﺞ ﺍﻋﻮﻓﺞ ﻏﺒﻲ ﺍﻧﻲ ﻻﺗﺨﺎﻓﻴﻦ ﺑﺲ ﺍﻫﺪﻱ ﻭﺳﻠﻤﻴﻨﻲ ﻧﻔﺴﺞ ﻭﺍﻧﻲ ﻣﺎﺍﺫﻳﺞ
ﺭﻳﺎ ....... ﺣﻤﺰﺓ ﻣﻮ ﻛﻮﻟﺖ ﻣﺎﺍﺳﻮﻳﻠﺞ ﺷﻲ ﻋﻔﻴﺔ ﻋﻮﻓﻨﻲ
ﺣﻤﺰﺓ ...... ﻻﺗﺨﺎﻓﻴﻦ ﺷﺒﻴﺞ ﻣﺎﺗﺘﺄﺫﻳﻦ ﺑﺲ ﺍﻫﺪﺃﻱ ﻭﺭﺧﻲ ﻧﻔﺴﺞ ﺣﺒﻴﺒﺘﻲ
ﺭﻳﺎ ........ ﻇﻞ ﻳﺘﻐﺰﻝ ﺑﻴﺔ ﻭﻳﺤﺠﻲ ﻛﻼﻡ ﻫﺪﺍﻧﻲ ﺷﻮﻳﺔ ﻭﻇﻞ ﻳﺒﻮﺳﻨﻲ ﺍﻟﻰ ﺍﻥ ﺗﻢ ﺯﻭﺍﺟﻨﺎ ﺟﺎﻥ ﻫﺎﺩﺉ ﻭﻳﺎﻱ ﺑﺲ ﺗﺄﺫﻳﺖ ﻛﻠﺶ ﻇﻠﻴﺖ ﺍﺑﭽﻲ ﻫﻮ ﻛﺎﻝ
ﺣﻤﺰﺓ ........ ﺣﺒﻴﺒﺘﻲ ﻟﻴﺶ ﺗﺒﺠﻴﻦ ﺗﺮﺓ ﺍﻟﺼﺎﺭ ﻋﺎﺩﻱ ﻳﺼﻴﺮ ﺑﻴﻦ ﺍﻱ ﺛﻨﻴﻦ ﻣﺘﺰﻭﺟﻴﻦ ﻟﻴﺶ ﻣﻌﻀﻤﺘﻬﺎ
ﺭﻳﺎ ....... ﻭﺧﺮ ﻋﻨﻲ ﻭﺧﺮ ﺍﻧﺖ ﻛﻮﻟﺖ ﻣﺎﺍﺳﻮﻳﻠﺞ ﺷﻲ ﻟﻴﺶ ﺗﺠﺬﺏ ﻋﻠﻴﺔ
ﺣﻤﺰﺓ ........ ﺍﺳﻒ ﺣﺒﻴﺒﺘﻲ ﻭﻟﺞ ﻏﻴﺮ ﻣﻦ ﺣﺒﻲ ﺍﻟﺞ ﻭﺍﻟﻠﻪ ﻳﺎﻟﻠﻪ ﻛﻮﻣﻲ ﺍﺳﺒﺤﻲ ﻭﺍﻧﺘﻲ ﺗﺮﺗﺎﺣﻴﻦ
ﺭﻳﺎ ....... ﻛﻤﺖ ﺳﺒﺤﺖ ﻭﻃﻠﻌﺖ ﺍﺟﺔ ﺣﻤﺰﺓ ﻭﺭﺍﻱ ﻫﻢ ﺳﺒﺢ ﺍﻧﻲ ﻃﻠﻌﺖ ﺑﺎﻟﺒﺮﻧﺺ ﻣﺤﺘﺎﺭﺓ ﺷﻠﺒﺲ ﻣﺎﻋﻨﺪﻱ ﺷﻲ ﻇﻠﻴﺖ ﺑﺎﻟﺒﺮﻧﺺ ﻭﺍﻟﺨﺎﻟﻮﻟﻲ ﻻﻓﺔ ﺷﻌﺮﻱ ﻛﺒﻞ ﺗﻤﺪﺩﺕ ﻭﻧﻤﺖ ﻣﻦ ﺍﻟﺘﻌﺐ
ﻟﻠﺼﺒﺢ ﻛﻌﺪﺕ ﻋﻠﻰ ﺻﻮﺕ ﺣﻤﺰﺓ ﺑﺲ ﻓﺘﺤﺖ ﻋﻴﻮﻧﻲ ﺑﺎﺳﻨﻲ ﻭﻛﺎﻝ
ﺣﻤﺰﺓ ........ ﺻﺒﺎﺡ ﺍﻟﻌﺴﻞ ﻳﺎﻋﺴﻞ
ﺭﻳﺎ ....... ﺻﺒﺎﺡ ﺍﻟﺨﻴﺮ
ﺣﻤﺰﺓ ....... ﻳﺎﻟﻠﻪ ﺣﺒﻴﺒﺘﻲ ﻛﻮﻣﻲ ﺍﻟﺴﺎﻋﺔ ﺏ 9 ﻫﻢ ﻳﺎﻟﻠﻪ
ﺭﻳﺎ ......... ﺭﺩﺕ ﺍﻛﻮﻡ ﺍﻧﺘﺒﻬﺖ ﺍﻟﺒﺮﻧﺺ ﻣﻔﺘﻮﺡ ﻭﻇﺎﻟﺔ ﻫﻴﺞ ﺑﺴﺮﻋﺔ ﺳﺪﻳﺘﻪ ﺑﺎﻭﻋﺖ ﻟﺤﻤﺰﺓ ﺷﻔﺘﻪ ﻣﺒﺘﺴﻢ ﻭﺭﺍﻓﻊ ﺣﺎﺟﺒﺔ ﻛﻤﺖ ﺑﺴﺮﻋﺔ ﻟﻠﺤﻤﺎﻡ ﺳﺒﺤﺖ ﻭﺗﻮﺿﻴﺖ ﻭﻃﻠﻌﺖ ﻟﺒﺴﺖ ﺑﺪﻟﺔ ﺍﻟﺼﺒﺎﺣﻴﺔ ﺩﺭﺍﻋﺔ ﺑﻴﻀﺔ ﻭﺑﻴﻬﺎ ﺫﻫﺒﻲ ﻛﻠﺶ ﺣﻠﻮﺓ ﻃﻠﻌﺖ ﻫﻮ ﺑﻌﺪﻩ ﻛﺎﻋﺪ ﻋﻠﻰ ﺍﻟﺠﺮﺑﺎﻳﺔ ﻭﻳﻠﻌﺐ ﺑﺎﻟﺘﻠﻔﻮﻥ ﻭﺍﻧﻲ ﻛﻠﺶ ﻣﺴﺘﺤﻴﺔ ﻣﻨﻪ ﻋﻠﻰ ﺍﻟﺼﺎﺭ ﺍﻟﺒﺎﺭﺣﺔ ﻭﺍﻟﻠﻪ ﺍﻋﻠﻢ ﺷﻤﺴﻮﻱ ﻭﺍﻧﻲ ﻧﺎﻳﻤﺔ
ﺭﺩﺕ ﺍﺧﻠﻲ ﻣﻜﻴﺎﺝ ﺑﺲ ﻛﻮﻟﺖ ﻻ ﺧﻞ ﺍﺻﻠﻲ ﺻﻼﺓ ﺍﻟﺼﺒﺢ ﻣﺎﻣﺼﻠﻴﺔ ﺻﻠﻴﺖ ﻭﻛﻤﻠﺖ ﻫﻮ ﻛﺎﻝ
ﺣﻤﺰﺓ ........ ﻫﺎﻱ ﺷﺘﺼﻠﻴﻦ
ﺭﻳﺎ ........ ﺻﻼﺓ ﺍﻟﺼﺒﺢ ﻣﺎﻣﺼﻠﻴﺔ ﻟﻴﺶ ﻣﺎﻛﻌﺪﺗﻨﻲ
ﺣﻤﺰﺓ ....... ﺍﻧﺪﺭﻱ ﺑﻴﺞ ﺍﻛﻌﺪﺝ ﻟﻠﺼﻼﺓ ﺗﻜﻮﻟﻴﻠﻲ ﺣﻤﺰﺍﻭﻱ ﻣﺎﺍﺻﻠﻲ ﺑﺲ ﺑﻮﺳﻨﻲ ﻭﺍﺣﻈﻨﻲ ﺍﺳﺘﻐﻔﺮﺕ ﺭﺑﻲ ﺭﺩﺕ ﻣﺎﻛﻮ ﻣﻌﺎﻧﺪﺓ ﺍﻧﺘﻲ
ﺭﻳﺎ ...... ﻓﺘﺤﺖ ﻋﻴﻮﻧﻲ ﻋﻠﻰ ﻭﺳﻌﻬﻦ ﻛﻮﺗﻠﻪ ﺍﻧﻴﻴﻴﻴﻴﻴﻲ ﻭﺍﻟﻠﻪ ﻭﻻ ﺣﺎﺟﻴﺔ
ﺣﻤﺰﺓ ......... ﺷﻨﻲ ﻣﺠﺬﺏ ﻋﻠﻴﺞ
ﺭﻳﺎ ......... ﻳﻤﻤﻤﻤﺔ ﻭﺍﻟﻠﻪ ﻭﻻ ﺣﺎﺟﻴﺔ
ﺣﻤﺰﺓ ...... ﺍﻟﻤﻬﻢ ﺧﻠﻴﺘﺞ ﻧﺎﻳﻤﺔ ﻛﻮﻟﺖ ﻻﺗﻄﻠﺐ ﻏﻴﺮ ﺷﻲ ﻭﺍﻧﻲ ﺭﺟﺎﻝ ﺧﺎﻑ ﺍﻟﻠﻪ ﻣﺼﻠﻲ ﻭﺻﺎﻳﻢ ﻭﺍﻧﺘﻲ ﺗﺘﺤﺎﺭﺷﻴﻦ ﻋﻔﺘﺞ ﻭﺭﺣﺖ ﺻﻠﻴﺖ
ﺭﻳﺎ ...... ﻋﻔﺘﻪ ﻭﻛﻤﺖ ﻟﻠﺤﻤﺎﻡ ﻳﺒﻮﻭﻭ ﺷﻜﺪ ﻓﺸﻠﺔ ﻭﺍﻟﻠﻪ ﻋﻴﺐ ﺑﺲ ﻻ ﺻﺪﻙ ﺍﻧﻲ ﻫﻴﺞ ﺣﺎﺟﻴﺔ ﻳﺒﻮﻭﻭﻭ ﻋﺰﺍ ﺑﻌﻴﻨﺞ ﺭﻳﺎ
ﻃﻠﻌﺖ ﻭﻫﻮ ﺩﺧﻞ ﻟﻠﺤﻤﺎﻡ ﻳﻀﺤﻚ ﺍﻧﻲ ﻣﻔﺘﺸﻠﺔ ﻭﻣﻦ ﺍﻟﺨﺠﻞ ﻭﺍﻟﻠﻪ ﻋﻴﻨﻲ ﺩﻣﻌﺖ ﺣﺘﻰ ﻣﻜﻴﺎﺝ ﻣﺎﻟﻠﻲ ﻧﻔﺲ ﺍﺧﻠﻲ ﺑﺎﻟﻜﻮﺓ ﺗﻤﻜﻴﺠﺖ ﻭﻃﻠﻊ ﻫﻮ ﺑﺪﻝ ﻭﺟﻤﻌﻨﺎ ﺍﻏﺮﺍﺿﻨﺎ ﻭﺧﻼﻫﻦ ﺑﺎﻟﺴﻴﺎﺭﺓ ﻭﺍﻧﻲ ﻛﺎﻋﺪﺓ ﺑﺎﻟﻐﺮﻓﺔ ﻻﻥ ﻛﺎﻝ ﺍﻧﺘﻈﺮﻱ ﻻﺗﻨﺰﻟﻴﻦ ﺷﻮﻱ ﻭﺍﺟﺔ ﻭﺑﻴﺪﻩ ..............
شكرا لزيارتكم عالم روايات سكيرهوم
