رواية هدية الشيخ هشام الفصل الثالث والعشرون بقلم التميمية
ﺻﺒﺎﺡ ﺍﻟﺨﻴﺮ 🤤🤤🤤
ﻃﺒﻌﺎ ﺍﺣﺘﺎﺭﻳﺖ ﻭﺍﻟﻠﻪ ﺍﻛﻮ ﻧﺎﺱ ﺗﻜﻠﻲ ﻗﻠﻠﻲ ﺣﻮﺍﺭﺍﺕ ﻭﻛﺜﺮﻱ ﺍﺣﺪﺍﺙ ﻭﺍﻛﻮ ﻧﺎﺱ ﺗﻜﻠﻲ ﻗﻠﻠﻲ ﺍﺣﺪﺍﺙ ﻭﻛﺘﺒﻲ ﺗﻔﺎﺻﻴﻞ ﻭﺣﻮﺍﺭﺍﺕ 🤤
ﺷﺴﻮﻱ ﻫﺴﺔ ﻛﻠﻮﻟﻲ 😂
ﻭﻫﺴﺔ ﻣﻨﻮ ﻣﺘﺤﻤﺲ ﻟﻠﺒﺎﺭﺕ 😃 ﺗﺮﺍ ﺻﺪﻙ ﻫﻴﺞ ﻭﺟﻬﻲ ﻫﺴﺔ 😃😃😃😃😃😃😃😃😃😃😃😃😃 ﻭﺍﺭﻳﺪ ﻣﺜﻞ ﺍﻣﺲ ﺗﺮﺳﻮﻩ ﺗﻌﻠﻴﻘﺎﺕ ﺑﻴﻦ ﺍﻟﻔﻘﺮﺍﺕ
ﺍﻟﺒﺎﺭﺕ 23
ﺭﻓﻊ ﻣﺴﺪﺳﻪ ﻋﻠﻴﻪ : ﺍﺗﺸﺎﻫﺪ ﻋﻞ ﺭﻭﺣﻚ ﻳﺎﺷﻴﺦ ﻫﺸﺎﻡ .... ﻭﺭﻣﺎﻩ ﺑﻄﻠﻘﺔ ... ﻭﺍﺟﺖ ﺑﺼﺪﺭﻩ ﺍﻟﻄﻠﻘﺔ ....
ﻣﺎﺷﺎﻑ ﻃﻮﻝ ﻫﺬﺍ ﺍﻟﺮﺟﺎﻝ ﺣﺘﻰ ﻏﺒﺎﺭﻩ ... ﻭﺑﺎﻭﻉ ﻷﻳﺪﻩ ﻋﻠﻰ ﺻﺪﺭﻩ ﻭﻛﻠﻬﺎ ﺩﻡ ... ﻧﺰﻝ ﺩﻣﻪ ﻳﻐﺰﺍﺭﺓ .... ﺻﺎﺭﺕ ﻇﻠﻤﺔ ﺑﻌﻴﻨﻪ ﺍﻟﺪﻧﻴﺎ ﻭﻛﻊ ﻋﺎﻷﺭﺽ ﻳﻨﺰﻑ ....
ﻫﺸﺎﻡ : ﺷﻜﺪ ﺣﺠﻤﺞ ﺻﻐﻴﺮ ﻭﺗﺨﻠﻴﻦ ﺩﻣﻲ ﻳﻨﺰﻝ .. ﺍﻟﺪﻛﺘﻮﺭ ﻳﺪﺍﻭﻱ ﻧﺰﻓﺞ .. ﻧﺰﻳﻒ ﺍﻟﺮﻭﺡ ﻣﻨﻮ ﻳﻄﻴﺒﻪ ..........
( ﻫﺬﺍ ﻛﻼﻡ ﺭﻭﺣﻪ ﻣﻮ ﻟﺴﺎﻧﻪ )
ﺷﺎﻓﻪ ﻭﺍﺣﺪ ﺑﺎﻟﺸﺎﺭﻉ ﻭﻋﺮﻓﻪ ﺍﻟﺸﻴﺦ ﻫﺸﺎﻡ ﻭﺷﺎﻓﻪ ﻏﺮﻛﺎﻥ ﺑﺪﻣﻪ ﺍﻧﻔﺠﻊ ﺑﺎﻟﻤﻨﻈﺮ .. ﻭﺍﺟﻮ ﺟﻢ ﻭﺍﺣﺪ ﻣﻦ ﺍﻟﻮﻟﺪ ﺑﺎﻟﻤﻨﻄﻘﺔ ..
ﻭﺭﺃﺳﺎ ﻭﺩﻭﻩ ﺍﻟﻤﺴﺘﺸﻔﻰ .. ﻭﺷﻮﻱ ﺍﺟﻮ ﻭﻟﺪ ﻋﻤﻪ ﻋﺮﻓﻮ ﻭﺍﺟﻪ ﺣﺎﺯﻡ ﻗﺒﻠﻬﻢ ﻭﻣﺨﺒﻮﺹ ﺧﺒﺺ ﻋﻠﻴﻪ .. ﻭﻛﻠﻮﻟﻪ ﻟﻜﻴﻨﺎﻩ ﺑﺎﻟﺸﺎﺭﻉ ﻭﺩﻣﻪ ﺑﻄﻮﻟﻪ ....
ﺣﺎﺯﻡ ﻏﻀﺒﺎﻥ ﻭﻋﺮﻑ ﻫﺎﻱ ﺳﻮﺍﻳﺔ ﻣﻨﻮ .. ﻛﺎﻝ ﺍﻻ ﺍﻗﺘﻠﻪ ﺍﻟﺠﺒﺎﻥ .. ﻃﺒﻌﺎً ﺍﻟﻲ ﺳﻮﻯ ﻫﻴﺞ ﺍﻳﻤﻦ ﻭﻗﺘﻠﻪ ﻭﺷﺮﺩ ﺑﺮﻩ ﺍﻟﺪﻳﺮﺓ ﺭﺍﺡ ﻣﺤﺎﻓﻈﺔ ﺛﺎﻧﻴﺔ ....
ﺣﺎﻟﺔ ﻫﺸﺎﻡ ﺧﻄﺮﺓ ﻫﻮﺍﻱ ﻧﺎﺯﻑ ﺩﻡ .. ﻛﺮﺍﺭ ﺧﺎﺑﺮﻟﻪ ﺣﺎﺯﻡ ﻭﻛﻠﻪ ﻟﺘﻜﻮﻝ ﻟﺠﺪﻙ ﻭﺑﻴﺒﻴﺘﻚ ﻟﺤﺪ ﻳﻌﺮﻑ ﻭﺗﻌﺎﻟﻲ ﺑﺎﻟﻤﺴﺘﺸﻔﻰ ...
ﻛﺮﺍﺭ ﺗﺨﺒﻞ ﻋﻠﻰ ﺍﺑﻮﻩ ﻭﻇﻞ ﻣﺎﻳﻨﺪﻝ ﻃﺮﻳﻘﻪ ﻭﻻ ﻳﺸﻮﻑ ﻭﻳﺮﻛﺾ ﻣﻨﺎ ﻭﻣﻨﺎ ﻳﺮﻳﺪ ﻳﻮﺻﻞ ﻟﻠﺴﻴﺎﺭﺓ ﻣﺎﻳﻌﺮﻑ ﺷﻠﻮﻥ ﻣﻦ ﺍﻟﻔﺠﻌﺔ ...
ﺣﺘﻰ ﻧﺴﻪ ﺷﻠﻮﻥ ﻳﺸﻐﻠﻬﺎ ﻭﺷﻠﻮﻥ ﻳﺴﻮﻕ ﻭﺍﻧﺸﺪﻩ ﺑﺎﻟﻪ .. ﺭﺍﺡ ﻟﺤﺎﺯﻡ ﺑﺎﻟﻤﺴﺘﺸﻔﻰ ﻭﺍﺗﻠﻜﺎﻩ ﺣﺎﺯﻡ ...
ﻛﺮﺍﺭ ﺑﺨﺮﻋﺔ : ﺷﺒﻲ ﺍﺑﻮﻱ ﻋﻤﻲ ﺣﺎﺯﻡ ﻣﻨﻮ ﺳﻮﻩ ﻫﻴﺞ .. ﺷﻠﻮﻧﻪ ﻭﻳﻨﻪ ﻭﺍﻟﻠﻪ ﻣﺎﺍﻧﺪﻟﻪ ﻃﺮﻳﻘﻲ ﻛﻤﺖ
ﺣﺎﺯﻡ : ﻭﻟﻚ ﺍﻫﺪﺃ .. ﻫﻮ ﺍﻥ ﺷﺎﺀ ﺍﻟﻠﻪ ﻣﺎﺑﻲ ﺷﻲ ﻭﺍﺣﺪ ﺣﻴﻮﺍﻥ ﻭﺳﺎﻓﻞ ﻣﺘﻌﺮﺿﻠﻪ ﺑﺎﻟﺸﺎﺭﻉ ﻭﻫﻮ ﻃﺎﻟﻊ
ﻛﺮﺍﺭ ﺑﻐﻀﺐ : ﻭﻣﻨﻮ ﻫﺬﺍ ﺍﻻ ﺍﺷﺮﺏ ﻣﻦ ﺩﻣﻪ ﺍﻟﻜﻠﺐ
ﺣﺎﺯﻡ : ﻣﺎﺩﺭﻱ ﻣﻨﻮ ﺑﺲ ﺷﺎﻙ ﺑﺸﺨﺺ ﻭﺍﺫﺍ ﻫﻮ ﺍﻧﻪ ﺍﻟﻲ ﺭﺍﺡ ﺍﺷﺮﺏ ﻣﻦ ﺩﻣﻪ .. ﻫﺴﺔ ﺧﻞ ﻧﺸﻮﻑ ﺍﺑﻮﻙ .. ﻭﺷﻨﻮ ﺣﻴﺼﻴﺮ
ﻛﺮﺍﺭ ﺑﺨﻮﻑ : ﺍﺑﻮﻱ ﻋﻤﻲ ﻣﺎﻋﻠﻴﻪ ﺷﻲ ﻣﻮ
ﺣﺎﺯﻡ : ﺍﻟﻠﻪ ﻛﺮﻳﻢ ﺑﻴﺪ ﺍﻟﻠﻪ .. ﺍﻧﺪﻋﻴﻠﻪ ....
ﺑﻘﻮ ﺣﺎﺯﻡ ﻭﻛﺮﺍﺭ ﻟﻨﺺ ﺍﻟﻠﻴﻞ ﺑﺎﻟﻤﺴﺘﺸﻔﻰ .. ﻭﺍﻛﻔﻴﻦ ﻋﻞ ﺍﻋﺼﺎﺑﻬﻢ ﻭﻛﺮﺍﺭ ﺧﻄﻴﺔ ﻳﺘﺨﻴﻞ ﻳﻔﻘﺪ ﺍﺑﻮﻩ ﻣﺜﻞ ﻣﺎ ﻓﻘﺪ ﺍﻣﻪ ﻭﻋﻤﻪ ...
ﻭﻇﻞ ﻳﻨﺪﻋﻲ ﻳﺎﺭﺑﻲ ﻻ ﺗﺤﺮﻣﻨﻲ ﺍﺑﻮﻱ ﻣﺎﻋﻨﺪﻱ ﻏﻴﺮﻩ ﻻ ﺑﻘﺎﻟﻲ ﻋﻢ ﻭﻻ ﺍﻡ ﻭﺣﺘﻰ ﺍﺧﻮﺍﻥ ﻣﺎﻋﻨﺪﻱ .. ﻫﻮ ﺍﺑﻮﻱ ﻭﺍﺧﻮﻱ ﻭﺻﺪﻳﻘﻲ ﻭﻋﺰﻳﺰ ﺭﻭﺣﻲ ...
ﺣﻮﺭﺍﺀ ﺍﻓﺘﻘﺪﺕ ﻫﺸﺎﻡ ﻛﺎﻟﺖ ﻫﻮ ﻃﻠﻊ ﻣﻦ ﻳﻤﻲ ﻭﺣﺘﻰ ﻟﻮ ﻣﺘﺨﺎﺻﻤﻴﻦ ﻳﺠﻲ ﻟﻠﻐﺮﻓﺔ ﻳﻨﺎﻡ .. ﻫﻤﻪ ﺟﺎﻧﻮ ﻣﺘﺤﺎﺟﻴﻦ ﻫﻲ ﻭﻳﺎﻩ ﻳﻌﻨﻲ ﺻﺎﺭ ﺑﻴﻨﻬﻢ ﻧﻘﺎﺵ ﺣﺎﺩ ﻇﻠﺖ ﺗﻔﻜﺮ ﺑﻲ ﻭﻃﻠﻌﺖ ﺑﺘﻌﺐ ﻭﻣﺸﺖ ﻟﻠﺪﻳﻮﺍﻥ ﻭﺭﺍﺣﺖ ﻣﺎﻟﻜﺘﻪ ﻫﻨﺎﻙ .. ﻭﺗﻜﻮﻝ ﻭﻳﻦ ﻃﺎﻟﻊ ﻟﻬﻞ ﺍﻟﺴﺎﻋﺔ .. ﺷﺎﻓﺖ ﻧﺴﻤﻪ ﻛﺎﻋﺪﺓ ﻭﻛﻞ ﺷﻮﻱ ﺗﻄﻠﻊ ﺑﺮﻩ ﻭﺗﺪﺧﻞ .. ﻭﻫﺴﺔ ﺑﺎﻟﻮﺣﺪﺓ ﺍﻟﻔﺠﺮ ...
ﺣﻮﺭﺍﺀ ﺭﺍﺣﺘﻠﻬﺎ : ﻧﺴﻤﺔ ﺷﺒﻴﺞ ﻭﻟﺞ
ﻧﺴﻤﺔ ﺗﻮﺗﺮﺕ ﻣﺎﺗﺮﻳﺪ ﺗﻜﻠﻬﺎ ﻭﺗﺨﺮﻋﻬﺎ ﻭﻫﻲ ﺗﺪﺭﻱ ﻣﻦ ﺣﺎﺯﻡ ﺧﺎﺑﺮ ﻛﺮﺍﺭ ﺟﺎﻥ ﻳﻤﻬﺎ ﻭﺍﻧﺨﺒﺺ ﻭﺭﺍﺡ ﻟﻠﻤﺴﺘﺸﻔﻰ ﻭﻛﻠﻬﺎ ﺍﺑﻮﻱ ﻣﺘﺼﻮﺏ ﺑﻄﻠﻘﺔ ...
ﻭﻫﻲ ﻟﻄﻤﺖ ﻭﺟﻬﻬﺎ ﻭﻧﺨﺮﻁ ﺣﻴﻠﻬﺎ ﻣﻦ ﺍﻟﺨﻮﻑ ... ﻛﻠﻬﺎ ﻻ ﺗﺤﺠﻴﻦ ﻟﺒﻴﺒﻲ ﻭﺟﺪﻱ ... ﻭﻻ ﺣﻮﺭﺍﺀ ﺍﺫﺍ ﺳﻤﻌﺖ ﺧﺎﻑ ﺗﺨﺘﺮﻉ ﻭﻳﺼﻴﺮﻟﻬﺎ ﺷﻲ ...
ﻭﻫﺴﺔ ﺍﺩﻙ ﻋﻠﻴﻪ ﻣﺎﻳﺮﺩ ﻋﻠﻴﻬﺎ ﻭﺗﻨﺘﻈﺮﻩ ﺑﻠﻜﻲ ﻳﺠﻲ ﻭﻳﻄﻤﻨﻬﺎ ... ﻛﻠﺒﻬﺎ ﺷﺎﻋﻞ ﻧﺎﺭ ....ﺣﻮﺭﺍﺀ : ﻧﺴﻤﺔ ﻣﻮ ﺍﺣﺎﺟﻴﺞ ﺷﺒﻴﺞ ﻭﺟﻬﺞ ﻣﺨﻄﻮﻑ ﻭﺗﺮﻭﺣﻴﻦ ﻭﺗﺮﺟﻌﻴﻦ ﺑﺮﻩ
ﻧﺴﻤﻪ : ﻫﺎﺍ ﻣﺎﻛﻮ ﺷﻲ ﺑﺲ ﻛﺮﺍﺭ ﺗﺄﺧﺮ ﺑﺮﻩ
ﺣﻮﺭﺍﺀ ﺷﻜﺖ ﺑﺤﺎﻝ ﻧﺴﻤﻪ : ﻭﺣﺘﻰ ﻫﺸﺎﻡ ﻣﻮ ﺑﺎﻟﺒﻴﺖ ﻟﻬﻞ ﺍﻟﺴﺎﻋﺔ ﺷﻨﻮ ﻃﻠﻌﻮ ﺳﻮﻯ ﺷﻔﺘﻴﻬﻢ ﺍﻧﺘﻲ ﺳﻮﻳﻪ
ﻧﺴﻤﺔ ﺑﺨﻮﻑ ﻭﺗﻮﺗﺮ : ﻫﺎﺍﺍ ﻻ ﻣﺎﺷﺎﻓﺖ ﻛﺮﺍﺭ ﻭﻳﻪ ﻋﻤﻲ .. ﻻ ﻳﻤﻜﻦ ﻃﺎﻟﻌﻴﻦ ﺳﻮﻳﻪ .. ﻭﺧﺎﻳﻔﺔ ﻋﻠﻰ ﻛﺮﺍﺭ ﻟﻬﻞ ﺍﻟﺴﺎﻋﺔ ﻃﺎﻟﻊ
ﺣﻮﺭﺍﺀ : ﺷﻨﻮ ﻣﺎﺷﻔﺘﻴﻬﻢ ﺳﻮﻯ ﺷﻨﻮ ﻳﻤﻜﻦ ﺳﻮﻯ .. ﻧﺴﻤﺔ ﺷﺒﻴﺞ ﻣﺘﻮﺗﺮﺓ ﻛﺮﺍﺭ ﺑﻲ ﺷﻲ
ﻧﺴﻤﻪ : ﻻ ﻻ ﻣﺎﺑﻲ ﺷﻲ .. ﺧﻞ ﺍﺭﻭﺡ ﻟﻐﺮﻓﺘﻲ ﻭﺍﻧﺎﻡ ﻫﺴﺔ ﻫﻮ ﻋﻠﻰ ﺟﻴﻪ .. ﺗﺼﺒﺤﻴﻦ ﻋﻠﻰ ﺧﻴﺮ ... ﻭﻋﺎﻓﺘﻬﺎ ﻭﺩﺧﻠﺖ ...
ﻭﺣﻮﺭﺍﺀ ﺿﺎﺟﺖ ﻭﻇﻠﺖ ﺗﻔﻜﺮ ﺑﻬﺸﺎﻡ .. ﻭﺭﺍﺣﺖ ﺩﺧﻠﺖ ﺟﻮﻯ ﻭﺩﻛﺖ ﻋﻠﻴﻪ ﺟﻢ ﻣﺮﺓ ﻣﺎﻳﺠﺎﻭﺏ .. ﺍﻟﺘﻠﻔﻮﻥ ﻳﻢ ﺣﺎﺯﻡ ﻭﻳﺸﻮﻑ ﺍﺳﻢ ﺍﻡ ﻋﺰﺍﻡ ...
ﻳﺪﺭﻱ ﺑﻴﻬﺎ ﻫﺎﻱ ﻣﺮﺗﻪ ﻟﻬﺸﺎﻡ ﻭﻳﻤﻜﻦ ﻇﻠﺖ ﻗﻠﻘﻠﺔ ﻭﺟﺎﻱ ﺍﺩﻙ ﻋﻠﻴﻪ ...
ﺣﺎﺯﻡ : ﻛﺮﺍﺭ ﻫﺎﻱ ﻣﺮﺕ ﺍﺑﻮﻙ ﺟﺎﻱ ﺍﺩﻙ ﻣﻮ
ﻛﺮﺍﺭ ﻣﺎﻟﻪ ﺧﻠﻚ ﺷﻲ : ﺍﻱ ﺳﺪﻩ ﻋﻤﻲ ﻗﻔﻠﻪ ﺍﺫﺍ ﻋﺮﻓﺖ ﺗﻨﺠﻠﻂ ﺍﻟﻤﺴﻜﻴﻨﺔ ﻭﺗﻮﻟﺪ ﻫﺎﻟﺜﻼﺛﺔ ﺑﻬﺎﻟﺴﺎﻋﺔ ﻣﻦ ﺍﻟﺨﺮﻋﺔ
ﺣﺎﺯﻡ : ﻭﺍﻟﻠﻪ ﺧﺎﻳﻒ ﻋﻠﻰ ﻋﻤﻲ ﻭﻋﻤﺘﻲ ﻣﻦ ﻳﺴﻤﻌﻮﻥ .. ﻫﺴﺔ ﺗﻔﻘﺪﻩ ﺍﻡ ﻋﺰﺍﻡ ﺍﻛﻴﺪ ﻭﺭﺍﺡ ﺗﻜﻠﻬﻢ ﻛﺮﺍﺭ ﻟﻮ ﺗﺮﻭﺡ ﻭﺍﻃﻤﻨﻬﺎ ﺑﺄﻱ ﺷﻲ ﺍﻟﻤﻬﻢ ﻣﺎﺗﻜﻠﻬﻢ
ﻛﺮﺍﺭ ﻭﺟﻬﻪ ﻣﺨﻄﻮﻑ : ﻻ ﻣﺎﻋﻠﻴﻚ ﻏﻠﺲ ﻭﺳﺪ ﺍﻟﺠﻬﺎﺯ .. ﻣﺼﻴﺮﻫﻢ ﻳﻌﺮﻓﻮﻥ ﺧﻠﻲ ﻫﺴﻪ ﻫﺎﺩﻳﻦ .. ﺑﻠﻜﻲ ﻳﻄﻠﻊ ﺩﻛﺘﻮﺭ ﻳﻄﻤﻨﻪ ....
ﺣﺎﺯﻡ ﻗﻔﻞ ﺟﻬﺎﺯ ﻫﺸﺎﻡ .. ﻫﻮ ﻣﻦ ﺍﺟﻮ ﺍﻟﻮﻟﺪ ﺍﻟﻲ ﺟﺎﺑﻮ ﻫﺸﺎﻡ ﺭﺩﻭ ﻋﻠﻰ ﺣﺎﺯﻡ .. ﻣﻮ ﻫﻮ ﺍﺗﺼﻞ ﻋﻠﻴﻪ ﻭﺟﺎﻥ ﻳﻨﺘﻈﺮﻩ ﺑﻴﺖ ﻋﻤﻪ ﺍﻟﻲ ﺟﺎﻥ ﺭﺍﻳﺤﻠﻪ ﻫﺸﺎﻡ ....
ﺗﺄﺧﺮ ﻭﻓﻘﺪﻩ ﻭﺩﻙ ﻋﻠﻴﻪ ﻭﺭﺩ ﻭﻟﺪ ﻭﻛﻠﻪ ﻫﻮ ﺑﺎﻟﻤﺴﺘﺸﻔﻰ ﻭﻫﻮ ﺧﻄﻴﺔ ﺍﻧﻔﺠﻊ ﺣﺘﻰ ﻃﺎﻟﻊ ﺑﺲ ﺗﻠﻔﻮﻧﻪ ﺑﺠﻴﺒﻪ .. ﻭﻣﻦ ﺍﺟﻪ ﺍﻧﻄﺎﻩ ﺍﻟﻮﻟﺪ ﺗﻠﻔﻮﻥ ﻫﺸﺎﻡ ... ﻭﺣﺘﻰ ﺩﻙ ﻋﻠﻰ ﻛﺮﺍﺭ ﻳﺠﻴﻪ ....
ﺣﻮﺭﺍﺀ ﻫﻨﻮﺏ ﻇﻠﺖ ﺍﺩﻙ ﻋﻠﻰ ﻛﺮﺍﺭ ﻭﻣﺎﻳﺮﺩ ﻭﻳﺮﺩ ﺷﻴﻜﻠﻬﺎ ﻭﻳﺨﺎﻑ ﺗﻨﺼﺪﻡ ﺑﺎﻟﺨﺒﺮ ﻭﺗﻮﻟﺪ ﻋﻠﻴﻬﻢ ﻭﻫﻲ ﺑﻌﺪﻫﺎ ﻣﺎﺩﺧﻠﺖ ﺍﻟﺴﺎﺑﻊ ﺣﺘﻰ ....
ﻣﺎﻧﺎﻣﺖ ﺍﺑﺪﺍً ﻭﺗﻔﻜﺮ ﺑﻬﺸﺎﻡ ﻭﺧﺎﻳﻔﺔ ﻭﻣﺎﻛﻮ ﻣﺎﻳﺮﺩ ﻭﻫﻨﻮﺏ ﻏﻠﻖ ﺗﻠﻔﻮﻧﻪ ﻭﻛﺮﺍﺭ ﻣﺎﻳﺮﺩ ﻋﻠﻴﻬﺎ ﻭﻣﺎﺭﺟﻊ ﺣﺴﺖ ﺍﻛﻮ ﺷﻲ .. ﻭﻇﻠﺖ ﺗﺮﻭﺡ ﻭﺗﺠﻲ ﻟﻠﺼﺒﺢ .. ﻭﺳﻴﺎﺭﺗﻪ ﺗﺸﻮﻓﻬﺎ ﺑﺎﻟﺒﻴﺖ ﺗﺘﺨﺒﻞ ﺍﻛﺜﺮ ﻭﺗﻜﻮﻝ ﺷﺒﻲ ﻫﺸﺎﻡ ﻭﻳﻦ ﺭﺍﻳﺢ ...
ﻭﻫﻲ ﻛﻠﺒﻬﺎ ﺷﺎﻋﻞ ﻧﺎﺭ ﻋﻠﻰ ﻫﺸﺎﻡ ﺗﻌﺮﻑ ﺍﻛﻮ ﺷﻲ ﺻﺎﻳﺮ ﻫﺸﺎﻡ ﻣﺎﻳﺒﺎﺕ ﺑﺮﻩ ﺍﻟﺒﻴﺖ ﺍﻻ ﻳﺴﺎﻓﺮ ﺑﺮﻩ ﺍﻟﻤﺤﺎﻓﻈﺔ .. ﻭﺗﻜﻮﻝ ﺣﺘﻰ ﻟﻮ ﺑﺴﺒﺐ ﺍﻟﻲ ﺑﻴﻨﻪ ﻳﻨﺎﻡ ﺑﺎﻟﺪﻳﻮﺍﻥ ﻣﺎﻳﺒﺎﺕ ﻏﻴﺮ ﻣﻜﺎﻥ ...
ﺭﺍﺣﺖ ﻃﻠﻌﺖ ﺑﺮﻩ ﻛﻌﺪﺕ .. ﺗﺬﻛﺮﺕ ﻧﺴﻤﻪ ﻭﻛﺎﻟﺖ ﺍﺷﻮﻑ ﻛﺮﺍﺭ ﻣﺎ ﺍﺟﻪ ﻭﻟﻴﺶ ﻣﺎﻳﺮﺩ ﻋﻠﻴﻪ .. ﻭﺭﺍﺣﺖ ﻭﺗﺮﻳﺪ ﺍﺩﻙ ﺍﻟﺒﺎﺏ ﺳﻤﻌﺖ ﻧﺴﻤﻪ ﺗﺤﺠﻲ ﺑﺎﻟﺘﻠﻔﻮﻥ ...
ﻧﺴﻤﻪ ﺑﺒﺠﻲ : ﻛﺮﺍﺭ ﺷﻠﻮﻧﻪ ﻋﻤﻲ ﻃﻤﻨﻲ
ﻛﺮﺍﺭ : ﻭﺍﻟﻠﻪ ﻣﺎﻋﺮﻑ ﺑﺲ ﻃﻠﻊ ﺩﻛﺘﻮﺭ ﻭﻳﻜﻮﻝ ﻣﺎﻋﻠﻴﻪ ﺷﻲ ﺍﻥ ﺷﺎﺀ ﺍﻟﻠﻪ ﻭﻣﺎﺷﻔﻨﺎﻩ ﻟﻴﻬﺴﺔ
ﻧﺴﻤﺔ : ﺧﻄﻴﺔ ﺣﻮﺭﺍﺀ ﻇﻠﺖ ﺗﺴﺄﻝ ﻭﺷﻜﺖ ﺑﺎﻟﻤﻮﺿﻮﻉ ﻣﺎﻋﺮﻓﺖ ﺷﻜﻠﻬﺎ ﻇﻠﻴﺖ ﺍﺟﻔﺺ
ﻛﺮﺍﺭ : ﻻ ﺗﻜﻠﻴﻠﻬﺎ ﺷﻲ ﻫﺴﺔ
ﻧﺴﻤﺔ : ﻭﺗﺘﻮﻗﻊ ﻏﺒﻴﺔ ﻫﻲ ﺍﻛﻴﺪ ﻣﺎﺭﺟﻊ ﺍﻟﺒﻴﺖ ﻭﻫﺴﺔ ﺗﻘﻠﻖ ﻭﺗﺨﺎﺑﺮﻟﻪ ﻣﺎﻛﻮ ﺗﺘﺨﺒﻞ .. ﺍﺧﺎﻑ ﺍﻃﻠﻊ ﻭﺗﺸﻮﻓﻨﻲ ﻛﺎﻋﺪﺓ ﻭ ..... ﻣﺎﻛﻤﻠﺖ ...
ﺣﻮﺭﺍﺀ ﺩﺧﻠﺖ ﻣﺮﻋﻮﺑﻪ : ﻧﺴﻤﻪ ﺷﺒﻲ ﻫﺸﺎﻡ
ﻧﺴﻤﺔ : ﻳﺎﻟﻠﻪ ﺳﻤﻌﺖ ﻛﺮﺍﺭ ﺳﻤﻌﺖ .. ﻋﻤﺮﻱ ﺍﻫﺪﻱ ﻣﺎﺑﻲ ﺷﻲ ﻫﻮ ...
ﻛﺎﻃﻌﺘﻬﺎ ﺣﻮﺭﺍﺀ ﺑﺼﻴﺤﺔ : ﺟﻨﺖ ﺍﻋﺮﻑ ﺑﻲ ﺷﻲ ﻛﻠﺒﻲ ﻧﻘﺰﻧﻲ .. ﺷﺒﻲ ﻧﺴﻤﻪ ﺍﺣﺠﻲ .. ﺍﻧﻄﻴﻨﻲ ﻛﺮﺍﺭ
ﻛﺮﺍﺭ : ﺟﺎﻳﻜﻢ ﺍﻧﻪ ... ﻭﺳﺪﺍﻩ ...
ﺣﻮﺭﺍﺀ ﺑﺒﺠﻲ ﺧﺬﺕ ﺍﻟﺘﻠﻔﻮﻥ : ﻛﺮﺍﺭ ﺍﺑﻮﻙ ﺷﺒﻲ .. ﺷﺎﻓﺖ ﻣﺎﻛﻮ . ﺍﺣﺠﻲ ﻧﺴﻤﻪ ﺍﺣﺠﻲ ﺷﺒﻲ ﺍﻟﺸﻴﺦ
ﻧﺴﻤﺔ : ﻫﻮ ﺑﺨﻴﺮ ﻣﺎﺑﻲ ﺷﻲ ﺑﺲ ﻣﺴﻮﻱ ﺣﺎﺩﺙ ﺑﺴﻴﻂ ﻫﺴﺔ ﻭﺍﻟﻠﻪ ﺑﺨﻴﺮ ﺗﻮﻩ ﻛﺮﺍﺭ ﻛﻠﻲ .. ﺍﻫﺪﻱ ﻻ ﻳﺼﻴﺮﻟﺞ ﺷﻲ
ﺣﻮﺭﺍﺀ ﺑﺒﺠﻲ : ﺍﺟﺬﺑﻴﻦ ﻋﻠﻴﻪ ﻳﺎﺣﺎﺩﺙ ﻭﺳﻴﺎﺭﺗﻪ ﺑﺎﻟﺒﻴﺖ ﺷﻨﻲ ﺟﺎﻫﻞ ﻛﺪﺍﻣﺞ .. ﺷﺒﻲ ﻫﺸﺎﻡ ﺍﺣﺠﻴﻠﻲ ﻧﺴﻤﻪ ﺷﺒﻲ
ﻧﺴﻤﺔ ﻛﺎﻣﺘﻠﻬﺎ ﻭﺗﻬﺪﻳﻬﺎ : ﺍﻧﺘﻲ ﺍﻫﺪﻱ ﻭﺍﻟﺤﺴﻴﻦ ﻣﺎﺑﻲ ﺷﻲ ﻫﻮ ﺑﺎﻟﻤﺴﺘﺸﻔﻰ ﻡ ....
ﻛﺎﻃﻌﺘﻬﺎ ﺣﻮﺭﺍﺀ ﺑﺼﺮﺧﺔ : ﺷﺒﻲ ﻟﻴﺶ ﺍﺟﺬﺑﻴﻦ ﻋﻠﻴﻪ ....
ﺭﻗﻴﺔ ﻭﺍﻟﺤﺠﻲ ﻭﺍﻟﺤﺠﻴﺔ ﻛﻌﺪﻭ ﻋﻠﻰ ﺻﻮﺕ ﺻﺮﺧﺔ ﺣﻮﺭﺍﺀ ﻭﺭﻗﻴﺔ ﻛﺎﻣﺖ ﺭﻛﺾ ﻣﻔﺠﻮﻋﺔ ﻋﺒﺎﻟﻬﺎ ﺳﻘﻄﺖ ﺣﻮﺭﺍﺀ ﻣﻦ ﺧﻮﻓﻬﺎ ...ﻭﺭﺍﺣﺖ ﻟﻐﺮﻓﺔ ﻧﺴﻤﺔ ﻭﺗﺸﻮﻑ ﺣﻮﺭﺍﺀ ﻣﻨﻬﺎﺭﺓ ﺑﺎﻟﺒﺠﻲ ﻭﻧﺴﻤﺔ ﺗﻬﺪﻱ ﺑﻴﻬﺎ ...
ﺭﻗﻴﺔ ﺑﺨﻮﻑ : ﺷﺼﺎﻳﺮ ﺷﺒﻴﻜﻢ ﺣﻮﺭﺍﺀ ﺷﺒﻴﺞ ....
ﻭﺍﺟﺖ ﺍﻟﺤﺠﻴﺔ ... ﻭﺍﻟﻜﻞ ﻋﺮﻑ ﻫﺸﺎﻡ ﻣﺼﻮﺏ ﻭﺑﺎﻟﻤﺴﺘﺸﻔﻰ ... ﻭﺣﻮﺭﺍﺀ ﺳﻮﺗﻬﺎ ﻣﻨﺎﺣﺔ ﻭﺗﻜﻮﻝ ﻭﺩﻭﻧﻲ ﺍﻟﻪ ... ﻭﺷﻮﻱ ﺍﺟﺎﻫﻢ ﻛﺮﺍﺭ ...
ﻭﺍﻟﺤﺠﻴﺔ ﺻﻌﺪ ﻇﻐﻄﻬﺎ ﻣﻦ ﺍﻟﺨﺮﻋﺔ ﻭﺣﺘﻰ ﺍﺑﻮ ﺧﻄﻴﺔ ﺷﺼﺎﺭ ﺑﻲ ﻭﻛﺎﻳﻢ ﻋﻠﻰ ﺣﻴﻠﻪ ﻳﻜﻞ ﻟﻜﺮﺍﺭ ﺍﺧﺬﻧﻲ ﺍﻟﻪ .
ﻭﻛﺮﺍﺭ ﻳﻬﺪﻱ ﺑﻴﻬﻢ ﻭﻳﻜﻠﻬﻢ ﻣﺎﺑﻲ ﺷﻲ ﻫﻮ ﻫﺴﺔ ﺯﻳﻦ ﻭﻃﻠﻌﻮ ﺍﻟﺮﺻﺎﺻﺔ ﻭﺍﻟﺤﻤﺪﻟﻠﻪ ﺿﺮﺭﻫﺎ ﻣﻮ ﺟﺒﻴﺮ ﻭﻳﺘﻌﺎﻓﻪ ﺍﻥ ﺷﺎﺀ ﺍﻟﻠﻪ ...
ﺣﻮﺭﺍﺀ ﺗﺨﺮﺑﻄﺖ ﻛﻠﺶ ﻭﺻﺎﺭ ﻋﺪﻫﺎ ﻧﺰﻳﻒ ﺑﺲ ﻣﻮ ﻗﻮﻱ .. ﻭﺍﺧﺬﻭﻫﺎ ﻟﻠﻤﺴﺘﺸﻔﻰ ﻛﺎﻟﺖ ﺍﻟﺪﻛﺘﻮﺭﺓ ﺑﻌﺪ ﻣﺎﺗﺘﺤﺮﻙ ﻭﺑﺲ ﺗﺪﺧﻞ ﺍﻟﺴﺎﺑﻊ ﻳﺴﻮﻟﻬﺎ ﺍﻟﻌﻤﻠﻴﺔ ﻭﺗﻮﻟﺪﻫﺎ ....
ﻫﻲ ﻣﺎﺑﺎﻗﻲ ﺍﻳﺎﻡ ﻭﺗﺪﺧﻞ ﺍﻟﺸﻬﺮ ﺍﻟﺴﺎﺑﻊ .. ﻛﻠﺘﻠﻬﻢ ﺑﺲ ﻋﻠﻰ ﺍﻷﻛﺜﺮﻳﺔ ﺗﻔﻘﺪ ﻣﻦ ﺍﻷﻃﻔﺎﻝ ﺛﻨﻴﻦ ﻭﻳﻤﻜﻦ ﻣﺎﻳﻌﻴﺸﻮﻥ ﺗﻼﺛﺘﻬﻢ .. ﻛﻠﺸﻲ ﺗﻮﻗﻌﻮ ﻣﻦ ﻫﺴﺔ ﻭﻗﻮﻭ ﻛﻠﺒﻜﻢ .. ﻭﺑﻌﺪ ﺑﻴﺪ ﺍﻟﻠﻪ ...
ﺣﻮﺭﺍﺀ ﻣﺎﻛﻠﻮﻟﻬﺎ ﺍﻟﺒﻨﺎﺕ ﺍﺣﺘﻤﺎﻝ ﻣﺎﻳﻌﻴﺸﻮﻥ ﺍﻻﻃﻔﺎﻝ ﻭﻻ ﺭﺍﺡ ﻳﻜﻠﻮﻟﻬﺎ ﻣﺎﻳﺮﺩﻭﻥ ﻳﺨﻮﻓﻮﻧﻬﺎ ﺍﻛﺜﺮ ﻭﻫﻲ ﺑﻴﺎ ﺣﺎﻝ ...
ﻭﻳﻮﻡ ﺛﺎﻧﻲ ﻳﺎﻟﻠﻪ ﺳﻤﺤﻮﻟﻬﻢ ﻳﺰﻭﺭﻥ ﻫﺸﺎﻡ ﻭﺭﺍﺡ ﻳﺎﺧﺬﻫﻢ ﻛﺮﺍﺭ ﻳﺰﻭﺭﻧﻪ ﻭﺣﻮﺭﺍﺀ ﺑﻨﻔﺲ ﺍﻟﻤﺴﺘﺸﻔﻰ ﻣﻨﻮﻣﻴﻬﺎ ﺍﻟﻴﻮﻣﻴﻦ ﻫﺎﻱ .. ﻣﺎﺗﺘﺤﺮﻙ ﻻﺯﻡ ...
ﻭﻣﻌﺎﻧﺪﻩ ﺍﻻ ﺗﺮﻭﺡ ﺗﺸﻮﻑ ﻫﺸﺎﻡ ﻭﺭﻗﻴﺔ ﺑﺎﻗﻴﺔ ﻳﻤﻬﺎ ﻭﺍﻣﻬﺎ ﺍﺟﺘﻬﺎ ﻭﺑﺎﻗﻴﺔ ﻳﻤﻬﺎ .. ﺣﺘﻰ ﺍﺑﻮﻫﺎ ﺍﺟﻪ ﺷﺎﻓﻬﺎ ﻛﻠﻮﻟﻪ ﻣﺮﻳﻀﺔ ﻭﺍﺟﻪ ﻳﺸﻮﻓﻬﺎ ﻭﻫﻮ ﺟﺎﻥ ﺳﺎﻣﻊ ﺑﻬﺸﺎﻡ ﻭﺍﺟﺎﻩ ﻣﻔﺠﻮﻉ ...
ﻣﺎﺑﻘﻪ ﻭﺍﺣﺪ ﻣﺎ ﺍﺟﻪ ﺯﺍﺭ ﻫﺸﺎﻡ ﻭﺣﺘﻰ ﺷﻴﺦ ﺣﺴﻴﻦ ﺑﺎﻗﻲ ﻳﻢ ﻛﺮﺍﺭ ﻭﺣﺎﺯﻡ ﻣﺎﺗﺮﻛﻬﻢ ﻭﻫﻢ ﺑﺎﻟﻪ ﻳﻢ ﺣﻮﺭﺍﺀ ﺧﺎﻳﻒ ﻋﻠﻴﻬﺎ ....
.. ﻭﻟﺪ ﻋﻤﻪ ﻛﻠﻬﻢ ﻭﺧﺒﺼﻪ ﻛﻞ ﺷﻮﻱ ﺟﺎﻱ ﻭﺍﺣﺪ ﻳﺰﻭﺭﻩ ...
ﺣﺎﺯﻡ ﺭﺍﺡ ﻳﺪﻭﺭ ﺍﻳﻤﻦ ﻭﺩﻭﺭﻩ ﻟﻤﻦ ﺗﻌﺐ ﺣﺘﻰ ﺭﺍﺡ ﺑﻴﺘﻬﻢ ﺳﺄﻝ ﻋﻨﻪ ﻣﺎﻛﻮ .. ﻛﻠﻮﻟﻪ ﺍﻳﻤﻦ ﻣﺴﺎﻓﺮ ﺻﺎﺭﻟﻪ 3 ﺍﻳﺎﻡ ﻫﻮ ﻛﺎﻳﻞ ﻷﻫﻠﻪ ﺭﺍﺡ ﺍﺳﺎﻓﺮ ﻳﺠﺬﺏ ﻋﻠﻴﻬﻢ ﺣﺘﻰ ﻻ ﻳﻨﻠﺰﻡ ﻋﻠﻴﻪ ﺷﻲ ...
ﻭﻫﻮ ﺑﺎﻻﺻﻞ ﻳﺮﻭﺡ ﻳﺒﺎﺕ ﻳﻢ ﺟﻤﺎﻋﺘﻪ ﺍﻻﻧﺠﺎﺱ ﺍﻣﺜﺎﻟﻪ ﻭﺷﺮﺏ ﻭﺑﻨﺎﺕ ﻭﺍﺷﻜﺎﻝ ﻋﺼﻴﺎﻥ ﻟﻠﻪ ...
ﻭﻫﻮ ﺟﺎﻥ ﻃﻮﻝ ﺍﻟﻴﻮﻡ ﻳﺮﺍﻗﺐ ﻫﺸﺎﻡ ﻳﺮﻳﺪﻩ ﻣﻦ ﻳﺼﻴﺮ ﺑﺤﺪﻩ .. ﻭﻣﻦ ﺷﺎﻓﻪ ﻃﻠﻊ ﺑﺎﻟﻠﻴﻞ ﻓﺮﺻﺘﻪ ﻭﻇﻞ ﻣﻼﺣﻜﻪ ﻟﻤﻦ ﻏﺪﺭﻩ ﺍﻟﻜﻠﺐ ...
ﺣﺎﺯﻡ ﺣﻠﻒ ﻳﺠﻴﺒﻪ ﻟﻮ ﻣﻦ ﺣﻠﻚ ﺍﻟﺴﺒﻊ .. ﻭﻳﻜﻮﻝ ﻣﺎﻛﻮ ﻏﻴﺮﻩ ﻏﺪﺭ ﻫﺸﺎﻡ .. ﻭﺟﺰﺍﺗﻪ ﻋﻨﺪﻱ ﻭﻫﻞ ﻣﺮﺓ ﻻ ﻟﻠﺮﺣﻤﺔ ﺑﺤﻘﻪ ...
ﺍﻟﺸﺮﺓ ﺑﺎﻟﻤﺴﺘﺸﻔﻰ ﺍﺟﻮﻭﻭ ﻭﺻﺎﺭ ﺍﺳﺘﺠﻮﺍﺏ ﻟﻠﻲ ﺟﺎﺑﻮﻩ ﻭﺍﻟﻮﻟﺪ ﻭﻳﺴﺎﻟﻮﻥ ﺣﺎﺯﻡ .........
ﺑﻐﺮﻓﺔ ﻧﺎﻳﻢ ﺑﻴﻬﺎ ﺟﺒﻞ .. ﺟﺒﻞ ﻏﻴﺮﻩ ﻭﺟﺒﻞ ﻫﻴﺒﺔ ﻭﺟﺒﻞ ﺣﻨﻴﺔ ﻭﻃﻴﺒﺔ .....
ﻛﺎﻡ ﻳﻤﺸﻲ ﻭﻳﺎﺧﺬﻩ ﻛﻠﺒﻪ ﻟﻤﻜﺎﻥ ﻭﺟﻮﺩﻫﺎ ... ﺩﺧﻞ ﺍﻟﺒﻴﺖ ﻛﻠﻪ ﻇﻠﻤﺔ ﻭﻣﺎﺷﺎﻑ ﺍﺣﺪ .. ﻳﺴﻤﻊ ﺿﺤﻜﺎﺕ ﺍﻟﻲ ﺧﺬﺕ ﻛﻠﺒﻪ ﺑﺼﺒﺎﻫﺎ ﻭﺻﻐﺮ ﺳﻨﻬﺎ ...
ﻇﻞ ﻳﻤﺸﻲ ﺣﻴﻞ ﻣﺘﻠﻬﻒ ﻳﺸﻮﻑ ﺻﺎﺣﺒﺔ ﺍﻟﻀﺤﻜﻪ ﻭﻳﻜﻠﻬﺎ ﺍﺭﻳﺪﺝ ﻭﻣﻴﻬﻤﻨﻲ ﻛﻠﺸﻲ ﺻﺎﺭ ...
ﻳﺮﻳﺪ ﻳﻜﻠﻬﺎ ﺍﺣﺒﺞ ﻭﻣﺎﺭﺍﺡ ﺍﺣﺐ ﻏﻴﺮﺝ .. ﻭﺍﺻﻼً ﻣﺎﺣﺒﻴﺖ ﻣﺜﻠﺞ ﺣﺘﻰ ﺍﻡ ﺍﺑﻨﻲ ﻭﻋﺸﺮﺓ ﻭﻳﺎﻱ 20 ﻣﺎﺣﺒﻴﺘﻬﺎ ﺑﺎﻟﻄﺮﻳﻘﺔ ﺍﻟﻲ ﺣﺒﻴﺘﺞ ﺑﻴﻬﺎ ...
ﺩﺧﻞ ﺍﻟﻐﺮﻓﺔ ﻣﺎﺷﺎﻓﻬﺎ ﻭﻳﺴﻤﻊ ﺿﺤﻜﻬﺎ .. ﺍﻟﺘﻔﺖ ﻭﺷﺎﻑ ﻫﺬﺍ ﺍﻟﻌﺎﺭ ﻻﺯﻡ ﻃﻔﻠﺔ ﺑﻄﺮﻳﻘﺔ ﺧﻠﺘﻪ ﻳﺘﻘﺰﺯ ﻣﻦ ﺷﻲ ﺍﺳﻤﻪ ﻧﺰﻭﺓ ﻭﺭﻏﺒﺔ .....
ﺻﺎﺡ ﺑﻌﻠﻮ ﺻﻮﺗﻪ .. ﻧﺠﺴﺴﺲ ﺍﺗﺮﻛﻬﺎ .. ﺍﻻ ﺍﻛﺘﻢ ﻧﻔﺴﻚ ﺑﻴﺪﻱ .. ﻭﺭﻛﺾ ﺍﻟﻬﺎ ﻭﻳﺮﻳﺪ ﻳﻨﻘﺬﻫﺎ ... ﻃﻔﻠﺔ ﺑﻴﻦ ﺍﻳﺪﻳﻨﻪ ﻭﺗﺼﺮﺥ ....
ﻭﻳﺮﻳﺪ ﻳﻮﺻﻠﻬﺎ ﻣﺎﻳﻜﺪﺭ ﻭﻳﺼﻴﺢ ﺑﻌﻠﻮ ﺻﻮﺗﻪ ﻭﺑﻬﺴﺘﺮﻳﺎ ﻭﻫﻲ ﺗﺼﺮﺥ ﻭﺗﺴﺘﻨﺠﺪ ﻭﻣﺎﻛﻮ ﺍﺣﺪ ﻳﺴﺎﻋﺪﻫﺎ ...ﻓﺘﺢ ﻋﻴﻮﻧﻪ ﻭﺭﺟﻊ ﺳﺪﺍﻫﻦ .. ﻭﻓﺘﺤﻬﻦ ﻣﻦ ﺟﺪﻳﺪ ﻭﺷﺎﻑ ﺍﻣﻪ ﺑﻮﺟﻬﻪ ﻭﺗﺒﺠﻲ ﻭﺗﺤﺎﺟﻲ .. ﻳﺴﻤﻊ ﺻﻮﺗﻬﺎ ﻣﺘﻜﻄﻊ ﻭﻛﺄﻧﻪ ﺑﻌﻴﺪ ...
ﺣﺮﻙ ﻟﺴﺎﻧﻪ ﻳﺮﻳﺪ ﻳﺤﺠﻲ .. ﺣﺲ ﺑﺄﻟﻢ ﻣﻮ ﻃﺒﻴﻌﻲ ﺑﺼﺪﺭﻩ .. ﻭﺗﺬﻛﺮ ﺍﻟﻲ ﺻﺎﺭ ﻭﻣﻦ ﺗﺼﻮﺏ .. ﻭﺗﺬﻛﺮ ﺍﻳﻤﻦ ﺍﻟﻲ ﺻﻮﺑﻪ ﺑﺎﻟﺮﻏﻢ ﻣﻠﺜﻢ ﻋﺮﻓﻪ ...
ﻭﺗﺨﻴﻞ ﺑﻌﺪ ﻣﺎﺻﻮﺑﻪ ﺍﻳﻤﻦ ﺭﺍﺡ ﻟﺤﻮﺭﺍﺀ ﻭﺣﺮﻳﻤﻪ ﺑﺎﻟﺒﻴﺖ .. ﻭﻗﺘﻞ ﻛﺮﺍﺭ ..
ﺑﺲ ﺷﺎﻑ ﻛﺮﺍﺭ ﻛﺒﺎﻟﻪ ﻭﺍﻟﺒﻨﺎﺕ ﻛﻠﻬﻦ ﺍﺭﺗﺎﺡ .. ﺣﺘﻰ ﺧﻮﺍﺗﻪ ﺟﺎﻳﺎﺕ .. ﻭﺩﻭﺭ ﻭﺟﻬﻬﺎ ﺑﻴﻨﻬﻢ ﻣﺎﺷﺎﻓﻬﺎ ...
ﻣﺎﺩﺧﻠﻮ ﻛﻠﻬﻢ ﺑﺲ ﺍﻡ ﻫﺸﺎﻡ ﻭﺍﺑﻮﻩ ﻭﻛﺮﺍﺭ ﻭﺭﻗﻴﺔ .. ﺍﻣﺎ ﻧﺴﻤﺔ ﻳﻢ ﺣﻮﺭﺍﺀ ...
ﺍﻡ ﻫﺸﺎﻡ ﺑﺒﺠﻲ : ﻳﻤﻪ ﻛﺮﺍﺭ ﺍﺑﻮﻙ ﻓﺘﺢ ﻋﻴﻮﻧﻪ .. ﻭﺭﻗﻴﺔ ﻋﻴﻮﻧﻬﺎ ﻳﺼﺒﻦ ﺩﻣﻮﻋﻬﺎ v...
ﻛﺮﺍﺭ ﺑﻔﺮﺣﺔ : ﺍﻱ ﺑﻴﺒﻲ ﺍﻟﺤﻤﺪﻟﻠﻪ ﻫﻮ ﺑﺨﻴﺮ .. ﻳﺎﺑﻪ ﺍﻟﺤﻤﺪﻟﻠﻪ ﻋﻠﻰ ﺳﻼﻣﺘﻚ .. ﻫﺎﻱ ﺣﺘﻰ ﺟﺪﻱ ﺍﺟﺎﻙ ﻳﺎﺑﻪ
ﻫﺸﺎﻡ ﻳﺮﻳﺪ ﻳﺤﺠﻲ ﻣﺎﺑﻲ ﻳﻮﺟﻌﻪ ﺻﺪﺭﻩ ﺣﻴﻴﻞ ... ﻭﺍﺳﺘﺠﻤﻊ ﻗﻮﺗﻪ ﻭﺣﺠﻪ ﺑﺎﻟﻜﻮﺓ ﻣﻦ ﺍﻟﻢ ﺻﺪﺭﻩ ...
ﻫﺸﺎﻡ ﺑﺄﻟﻢ ﻭﺑﻜﻮﺓ ﻳﻄﻠﻌﻦ ﺍﻟﺤﺮﻭﻑ : ﺡ ﺡ ﺣﻮ ﺭﺍﺀ .. ﺑﺢ ﺑﺢ ﺩﻫﺎ ..( ﺣﻮﺭﺍﺀ ﺑﺤﺪﻫﺎ )
ﺍﻡ ﻫﺸﺎﻡ ﺑﺒﺠﻲ : ﻳﻤﻪ ﻫﻲ ﻫﻨﺎ .. ﺑﺲ ﻣﺎﺟﺖ ﻭﻳﺎﻧﻪ ﻣﺎﻻﺯﻡ ﺗﺘﺤﺮﻙ
ﻫﺸﺎﻡ ﺑﺄﻟﻢ : ﻝ .. ﻝ .. ﻟﻴﺶ .. ﺷﺸﺒﻴﻬﺎ
ﺍﻡ ﻫﺸﺎﻡ : ﻣﺎﺑﻴﻬﺎ ﺷﻲ .. ﻳﻤﻪ ﻣﻮ ﺗﺪﺭﻱ ﻫﻲ ﺻﻌﺒﺔ ﺣﺮﻛﺘﻬﺎ ﺷﻮﻱ .. ﻻ ﺗﺨﺎﻑ ﻋﻠﻴﻬﺎ ﻣﺎﺑﻴﻬﺎ ﻏﻴﺮ ﺍﻟﻌﺎﻓﻴﺔ .. ﺧﻠﻴﻚ ﺗﺮﺗﺎﺡ ﺍﻧﺘﻪ ﻭﻧﺠﻴﺒﻬﺎ ﺍﻟﻚ ﺗﺸﻮﻓﻚ ......
ﺑﻘﻮ ﻳﻤﻪ ﻭﻫﻮ ﻣﺎﺑﻲ ﻳﺤﺠﻲ ﻭﻻ ﻳﺘﺤﺮﻙ .. ﻭﻛﺎﻝ ﺟﻴﺒﻮ ﺣﻮﺭﺍﺀ ﺍﺣﺎﺟﻴﻬﺎ ...
ﻛﺮﺍﺭ ﻛﻠﻪ ﺻﺤﺘﻚ ﻣﺎﺗﺴﻤﺢ ﺗﺤﺠﻲ ﻻ ﺗﺤﺠﻲ .. ﻭﺑﻘﻪ ﻣﻌﺎﻧﺪ ﻭﻛﺎﻝ ﺟﻴﺒﻮ ﺣﻮﺭﺍﺀ ﺍﺣﺎﺟﻴﻬﺎ .. ﻛﻠﻪ ﺻﺎﺭ ﻳﺎﺑﻪ ﺑﺲ ﻻ ﺗﻌﺐ ﻧﻔﺴﻚ ...
ﻭﻫﻲ ﻛﺎﺿﻴﺘﻬﺎ ﺑﺠﻲ ﻭﺗﺤﺠﻲ ﻋﻠﻴﻬﺎ ﺍﻟﺪﻛﺘﻮﺭﺓ ﻭﻧﺴﻤﻪ ﻛﺬﻟﻚ .. ﻣﺎﻛﻮ ﻣﻘﻔﻠﺔ ﻋﺎﻟﺒﺠﻲ ﻭﺧﺎﻳﻔﺔ ﻋﻠﻰ ﻫﺸﺎﻡ ﻭﻫﻢ ﺧﺎﻳﻔﺔ ﻋﻠﻰ ﺍﻟﻲ ﺍﺑﻄﻨﻬﺎ ﻭﺧﺎﻳﻔﺔ ﺭﺍﺡ ﻳﻮﻟﺪﻭﻧﻬﺎ ﻣﺎﺑﻘﻪ ﺷﻲ ...
ﻳﻮﻡ ﺛﺎﻧﻲ ﻛﻠﻮﻟﻬﺎ ﺭﺍﺡ ﻧﺎﺧﺬﺝ ﻟﻬﺸﺎﻡ ﻟﻮ ﻇﻠﺖ ﺗﻨﺤﺐ ﺍﻛﺜﺮ .. ﻭﺍﺧﺬﻭﻫﺎ ﻧﺴﻤﺔ ﻭﺭﻗﻴﺔ ﻭﻛﺮﺍﺭ ﻛﻠﻬﻢ ﻣﺎﻃﻮﻝ ﺷﻮﻱ ﻫﻮ ﺗﻌﺒﺎﻥ ﻣﺎﻳﻜﺪﺭ ﻳﺤﺠﻲ ...
ﺩﺧﻠﺖ ﻋﻠﻴﻪ ﻭﻫﻲ ﺩﻣﻮﻋﻬﺎ ﺑﻌﻴﻮﻧﻬﺎ ﻭﻣﻐﻄﻴﺎﺕ ﺷﻮﻓﻬﺎ ﻣﺎﺷﺎﻓﺖ ﻏﻴﺮ ﻏﻮﺍﺵ .. ﺗﺬﻛﺮﺕ ﻣﻦ ﺩﺧﻞ ﻋﻠﻴﻬﺎ ﺑﻠﻴﻠﺔ ﻋﺮﺳﻬﻢ ...
ﻣﻦ ﻋﻴﻮﻧﻬﺎ ﺍﻧﺘﺮﺳﺖ ﺩﻣﻮﻉ ﻭﻣﺎﺷﺎﻓﺘﻪ ﻋﺪﻝ ﻭﻣﻦ ﺷﺎﻓﺘﻪ ﺍﻧﺼﺪﻣﺖ ﺑﻲ ﻫﻮ ﻧﻔﺴﻪ ﺍﻟﻲ ﻧﻘﺬﻫﺎ ...
ﻃﺎﺣﻦ ﻫﺎﻟﺪﻣﻮﻭﻉ ﻭﺷﺎﻓﺖ ﺍﻟﻲ ﻋﺸﻜﺘﻪ ﺑﺄﻭﻝ ﻟﻴﻠﺔ ﺷﺎﻓﺘﻪ ﺩﺧﻞ ﻋﻠﻴﻬﺎ ﻭﻣﻦ ﺍﻭﻝ ﺗﻌﺎﻣﻞ ﺣﻨﻴﺔ ﻭﻳﺎﻫﺎ ... ﺷﺎﻓﺘﻪ ﻣﻤﺪﻭﺩ ﻋﺎﻟﺴﺮﻳﺮ ﻭﺻﺪﺭﻩ ﻣﻠﻔﻮﻑ ...
ﻭﺟﻬﻪ ﺷﺎﺣﺐ .. ﻧﺰﻟﻦ ﺩﻣﻮﻋﻬﺎ ﺍﻛﺜﺮ .. ﻭﺍﺗﺠﻬﺖ ﺍﻟﻪ ﺑﺘﻌﺐ .. ﻭﻫﻮ ﻳﺒﺎﻭﻉ ﻟﻄﻮﻟﻬﺎ ﻫﻲ ﻭﺩﻣﻮﻋﻬﺎ ﻭﺑﻄﻨﻬﺎ ﺍﻟﻲ ﺷﺎﻳﻠﺔ 3 ﻗﻄﻊ ﻣﻦ ﺭﻭﺣﻪ ....
ﺑﺎﻭﻉ ﺍﻟﻬﺎ ﻭﻣﺎﻳﻜﺪﺭ ﻳﺤﺠﻲ ﻭﻻ ﻳﻤﺪﻟﻬﺎ ﺍﻳﺪﻳﻪ ﺣﺘﻰ ﺗﺠﻲ ﻭﻳﺤﻀﻨﻬﺎ ... ﻟﺼﺪﺭﻩ ﺍﻟﻤﺼﻮﺏ .. ﻭﺍﻟﻴﻨﺰﻑ ..
ﺣﻮﺭﺍﺀ ﺑﺒﺠﻲ ﻭﻟﺰﻣﺖ ﺍﻳﺪﻩ : ﺑﻴﻪ ﻭﻻ ﺑﻴﻚ ﺷﻴﺨﻲ ﻋﻴﻮﻧﻲ ﺍﻧﺘﻪ .. ﺳﻼﻣﺘﻚ ﻳﺎﺭﻭﺣﻲ
ﻫﺸﺎﻡ ﺑﺘﻌﺐ : ﻋﻴﻨﺎﻱ .. ﺑﻮﻳﻪ ﺍﺳﻢ ﺍﻟﻠﻪ
ﺣﻮﺭﺍﺀ ﺑﺒﺠﻲ : ﻳﻤﻪ ﻓﺪﻭﺓ ﺭﺣﺘﻠﻚ ﺷﻴﺨﻲ .. ﺍﻣﻮﻭﺕ ﻭﻻ ﺍﺷﻮﻓﻚ ﻧﺎﻳﻢ ﻫﺎﻟﻨﻮﻣﺔ .. ﺍﺳﻢ ﺍﻟﻠﻪ ﻋﻠﻰ ﻃﻮﻟﻚ ﻭﺍﺳﻤﻚ ﻭﻋﻴﻮﻧﻚ .......... ﻳﺘﺒﻊ
ﻭﻫﻨﺎ ﻏﻔﻴﺖ 👆👆😂😂 ﺑﻌﺪ ﻣﺎﻛﺪﺭ ﺍﻛﻤﻞ ﺍﺩﺭﻱ ﻗﺼﻴﺮ ﺍﺣﺴﻦ ﻣﺎ ﺍﺧﻠﻴﻜﻢ ﺑﻼ ﺑﺎﺭﺕ
ﻣﻨﻮ ﻳﺬﻛﺮﻫﺎ 🥺 ﺍﻧﺘﻪ ﻛﻠﺒﻚ ﻧﺴﺎﻧﻲ 👇
ﺍﺣﻤﺪ ﺍﻟﺴﺎﻋﺪﻱ 🎶 | ﺗﺼﻤﻴﻤﻲ | ﻻﺗﻨﺴﻮﺍ 👍 ﻭﺭﺩﺍﺗﻲ
هدية_الشيخ_هشام
الكاتبه التميميه
#ﺗﻜﻤﻠﺔﺑﺎﺭﺕ٢٣
( ﻣﻼﺣﻈﺔ ﻛﻼﻡ ﺍﻟﺸﻴﺦ ﺑﺼﻌﻮﺑﺔ ﻟﺬﻟﻚ ﺭﺍﺡ ﺍﺣﻂ ﺑﻴﻨﻪ ﻧﻘﻂ ﻓﻮﺍﺻﻞ )
ﺑﺎﻭﻉ ﺍﻟﻬﺎ ﻭﻣﺎﻳﻜﺪﺭ ﻳﺤﺠﻲ ﻭﻻ ﻳﻤﺪﻟﻬﺎ ﺍﻳﺪﻳﻪ ﺣﺘﻰ ﺗﺠﻲ ﻭﻳﺤﻀﻨﻬﺎ ... ﻟﺼﺪﺭﻩ ﺍﻟﻤﺼﻮﺏ .. ﻭﺍﻟﻴﻨﺰﻑ ..
ﺣﻮﺭﺍﺀ ﺑﺒﺠﻲ ﻭﻟﺰﻣﺖ ﺍﻳﺪﻩ : ﺑﻴﻪ ﻭﻻ ﺑﻴﻚ ﺷﻴﺨﻲ ﻋﻴﻮﻧﻲ ﺍﻧﺘﻪ .. ﺳﻼﻣﺘﻚ ﻳﺎﺭﻭﺣﻲ
ﻫﺸﺎﻡ ﺑﺘﻌﺐ : ﻋﻴﻨﺎﻱ .. ﺑﻮﻳﻪ .. ﺍﺳﻢ .. ﺍﻟﻠﻪ
ﺣﻮﺭﺍﺀ ﺑﺒﺠﻲ : ﻳﻤﻪ ﻓﺪﻭﺓ ﺭﺣﺘﻠﻚ ﺷﻴﺨﻲ .. ﺍﻣﻮﻭﺕ ﻭﻻ ﺍﺷﻮﻓﻚ ﻧﺎﻳﻢ ﻫﺎﻟﻨﻮﻣﺔ .. ﺍﺳﻢ ﺍﻟﻠﻪ ﻋﻠﻰ ﻃﻮﻟﻚ ﻭﺍﺳﻤﻚ ﻭﻋﻴﻮﻧﻚ
ﻫﺸﺎﻡ ﺭﻓﻊ ﺍﻳﺪﻩ ﺍﻟﻬﺎ ﺑﺄﻟﻢ : ﺗﻌﺎﻱ
ﺣﻮﺭﺍﺀ ﺑﺪﻣﻮﻉ ﺍﻗﺘﺮﺑﺖ ﻭﺑﺎﺳﺖ ﺟﺒﻴﻨﻪ : ﺍﺳﻔﺔ ﺣﻴﻞ ﻋﻠﻰ ﻫﺬﻳﺞ ﺍﻟﻠﻴﻠﺔ
ﻫﺸﺎﻡ ﺍﺑﺘﺴﻢ ﻭﺑﻜﻮﺓ ﻳﺤﺠﻲ : ﺯﻋﻄﻮﻃﺔ .. ﺷﺴﻮﻳﻠﺞ ..
ﺣﻮﺭﺍﺀ ﺿﺤﻜﺖ ﺑﺪﻣﻮﻋﻬﺎ : ﻻ ﺷﻴﺨﻲ ﻛﺒﺮﺕ .. ﺍﻧﺘﻪ ﻛﺒﺮﺗﻨﻲ ﻭﻫﺎﻱ ﺑﺴﻨﺔ ﻭﺣﺪﺓ ﺑﺲ ﺻﺮﺕ ﺍﻛﺒﺮ ﻣﻦ ﻋﻤﺮﻱ .. ﻋﻠﻤﺘﻨﻲ ﺍﻟﺤﺐ ﻭﺍﻟﺤﻨﻴﺔ .. ﻭﺍﻷﺑﺘﺴﺎﻣﺔ ﺍﻧﺘﻪ ﺳﺒﺒﻬﺎ .. ﻭﺍﻟﻀﺤﻜﻪ ﻣﺎﺷﻔﺘﻬﺎ ﻏﻴﺮ ﺍﻟﻚ .. ﻭﻣﻬﻤﺎ ﻳﺼﻴﺮ ﻭﻻ ﺷﺎﻳﻠﺔ ﺑﻜﻠﺒﻲ ﺣﺘﻰ ﻟﻮ ﻣﺎﺗﺘﻘﺒﻠﻨﻲ .. ﻭﺍﺑﻘﻪ ﻟﻮ ﺷﻴﺼﻴﺮ .. ﻭﺿﺤﻜﺖ ﺑﺪﻣﻮﻉ .. ﺑﺲ ﺑﻌﺪﻧﻲ ﻣﻌﺼﺒﺔ ﻋﻠﻰ ﺫﻭﻝ ﺍﻟﺜﻼﺛﺔ
ﻫﺸﺎﻡ ﻣﺎﺑﻲ ﻳﻀﺤﻚ ﺑﺲ ﻳﺒﺘﺴﻢ : ﻧﻮﺯﻋﻬﻢ .. ﻭﻻ .. ﻳﻬﻤﺞ
ﺣﻮﺭﺍﺀ ﻣﺴﺤﺖ ﺩﻣﻮﻋﻬﺎ ﻭﻳﻨﺰﻟﻦ : ﻫﻬﻪ ﻭﺍﻟﻤﻦ ﻧﻨﻄﻴﻬﻢ
ﻫﺸﺎﻡ ﺑﺄﻟﻢ : ﻟﻜﺮﺍﺭ .. ﻭﺍﺣﺪ .. ﻭﺭﻗﻴﺔ ... ﻭﺍﻟﺤﺠﻴﺔ
ﺣﻮﺭﺍﺀ : ﻫﻬﻪ ﺷﺒﻘﺎﻟﻚ ﻟﻌﺪ ﺷﻴﺨﻲ
ﻫﺸﺎﻡ : ﺍﻧﺘﻲ
ﺣﻮﺭﺍﺀ ﻟﺠﻢ ﻛﻠﺒﻬﺎ ﺍﻛﺜﺮ : ﻳﺎﺭﺑﻲ ﻛﻮﻥ ﺍﻳﺪﻩ ﺗﻨﻜﻄﻊ ﺍﻟﻲ ﺳﻮﻯ ﻫﻴﺞ ﺑﻴﻚ ﻭﻋﺴﺎﻩ ﻳﺘﻌﺬﺏ ﺩﻧﻴﺎ ﻭﺁﺧﺮﺓ
ﻫﺸﺎﻡ : ﺣﻮﺭ .. ﻻﺗﺒﻘﻴﻦ .. ﺑﺤﺪﺝ .. ﺻﺎﺭ .. ﺑﻮﻳﻪ
ﺣﻮﺭﺍﺀ : ﻻ ﻭﺅﻥ ﺍﺑﻘﻪ ﺑﺤﺪﻱ .. ﻫﻞ ﺍﻻﺳﺒﻮﻉ ﺭﺍﺡ ﻳﺴﻮﻳﻠﻲ ﺍﻟﻌﻤﻠﻴﺔ .. ﺟﻬﺎﻟﻚ ﺭﺍﺡ ﻳﺠﻮﻥ ﻟﻠﺪﻧﻴﺎ ﺷﻴﺨﻲ .. ﺍﺧﻴﺮﺍً ﺭﺍﺡ ﺗﺸﻮﻑ ﻭﺟﻮﻫﻢ
ﻫﺸﺎﻡ ﺿﺎﺝ : ﻟﻴﺶ .. ﻫﺴﺔ .. ﻣﻮ .. ﺑﻌﺪ .. ﻭﻗﺖ ﺍﻟﻬﻢ ..
ﺣﻮﺭﺍﺀ : ﻧﺎﺯﻟﻴﻦ ﻫﻮﺍﻱ ﻭﻻﺯﻡ ﻳﻄﻠﻌﻮﻥ ﻣﺎﻳﺼﻴﺮ ﻳﺒﻘﻮﻥ ﺍﻛﺜﺮ .. ﺷﻴﺨﻲ ﺍﺫﺍ ﻣﺘﺖ ﺑﺎﻟﻌﻤﻠﻴﺔ ﻻ ﺗﻨﺴﺎﻧﻲ ﺍﺑﺪ ....
ﻛﺎﻃﻌﻬﺎ ﺍﻳﺪﻩ ﺑﺤﻠﻜﻪ : ﻻ ﺗﻌﺼﺒﻴﻨﻲ ... ﻭﺗﺄﺫﻳﻨﻲ ..
ﺑﻬﺎﻟﻜﻼﻡ .. ﻭﻧﺰﻝ ﺍﻳﺪﻩ ﺻﺪﺭﻩ ﻛﺎﻡ ﻳﻮﺟﻌﻪ ..
ﻭﺑﺎﻭﻋﻠﻬﺎ ﺑﻨﻈﺮﺍﺕ ﺃﻟﻢ ﻭﻋﺎﻗﺪ ﺣﻮﺍﺟﺒﻪ .. ﺑﻌﺪ ﺧﻠﺼﺖ ﻃﺎﻗﺘﻪ ﻣﺎﻳﻜﺪﺭ ﻳﺤﺠﻲ ﺻﺪﺭﻩ ﻳﻮﺟﻌﻪ ...
ﺣﻮﺭﺍﺀ ﺑﺪﻣﻮﻉ : ﺳﻼﻣﺘﻚ ﺷﻴﺨﻲ .. ﺍﻟﻲ ﻻﺯﻡ ﻳﻨﺎﻡ ﻫﻨﺎ ﺍﻟﻲ ﺳﻮﻯ ﺑﻴﻚ ﻫﻴﺞ .. ﻭﻻ ﺣﺘﻰ ﻳﺴﺘﺎﻫﻞ ﻫﺎﻟﻨﻮﻣﺔ ﻛﻮﻥ ﺗﺎﺑﻮﺕ ﻭﺟﻨﺎﺯﺓ
ﻛﺮﺍﺭ ﺩﻙ ﺍﻟﺒﺎﺏ ﻭﺩﺧﻞ : ﻳﺎﻟﻠﻪ ﺑﻮﻳﻪ ﻛﺎﻓﻲ .. ﺍﻧﺘﻲ ﺗﻌﺒﺎﻧﺔ ﻭﻫﻮ ﻫﻤﻴﻦ ﻣﺎﻳﻜﺪﺭ ﻳﺤﺠﻲ
ﻫﺸﺎﻡ ﺍﺷﺮﻟﻪ ﻳﺎﺧﺬﻫﺎ ﻭﻳﻮﺩﻳﻬﺎ ...
ﺣﻮﺭﺍﺀ ﺑﺪﻣﻮﻉ : ﻓﺪﻭﺓ ﻛﺮﺍﺭ ﺧﻠﻲ ﺍﺯﻭﺭﻩ ﻛﻞ ﻳﻮﻡ ﻟﻮ ﺳﻮﻳﺖ ﺍﻟﻌﻤﻠﻴﺔ ﺍﺗﻘﻴﺪ ﺑﻌﺪ
ﻛﺮﺍﺭ : ﺻﺎﺭ ﻛﻞ ﻳﻮﻡ ﺍﻧﺠﻴﺒﺞ ﺍﺫﺍ ﻗﺒﻠﺖ ﺩﻛﺘﻮﺭﺗﺞ ﺍﻛﻴﺪ
ﺣﻮﺭﺍﺀ : ﺍﻋﺮﻑ ﻣﺎﺭﺍﺡ ﺗﻘﺒﻞ ﺍﻧﺘﻪ ﺣﺎﺟﻴﻬﺎ
ﻛﺮﺍﺭ : ﺍﻟﻠﻪ ﻛﺮﻳﻢ .. ﺑﺲ ﻟﻮ ﺗﻜﺪﺭﻳﻦ ﻛﻞ ﻳﻮﻡ ﺍﺟﻴﺒﺞ ﺍﻟﻪ .. ﻳﺎﻟﻠﻪ ﺗﻌﺎﻱ .. ﺍﻧﺘﻈﺮﺝ ﺑﺮﻩ ﺍﻧﻪ .. ﻭﻃﻠﻊ ﻭﺳﺪ ﺍﻟﺒﺎﺏ ...ﺣﻮﺭﺍﺀ ﺑﺎﻭﻋﺘﻠﻪ ﺑﺪﻣﻮﻉ : ﺍﻟﻠﻪ ﻭﻳﺎﻙ ﺷﻴﺨﻲ ﺧﺎﻑ ﻣﻴﺨﻠﻮﻧﻲ ﺑﺎﺟﺮ ﺍﺯﻭﺭﻙ .. ﻭﺑﺎﺳﺖ ﺟﺒﻴﻨﻪ ﻣﺮﺓ ﺛﺎﻧﻴﺔ .. ﺳﻼﻣﺘﻚ ﻭﻋﻨﺪﻙ ﺍﻟﻌﺎﻓﻴﺔ
ﻫﺸﺎﻡ ﺍﺷﺮﻟﻬﺎ : ﻣﺴﺤﻲ .. ﺩﻣﻮﻋﺞ .. ﻛﺎﻓﻲ
ﺣﻮﺭﺍﺀ ﻣﺴﺤﺘﻬﻦ : ﻭﻫﺎﻱ ﻣﺴﺤﺘﻬﻦ .. ﻳﺎﻟﻠﻪ ﺍﺷﻮﻓﻚ ﻣﺮﺓ ﺛﺎﻧﻴﺔ .. ﻭﻫﻤﺴﺘﻠﻪ .. ﺍﻫﻮﺍﻙ ﺷﻴﺨﻲ ...
ﻭﺭﺍﺣﺖ ﻣﺸﺖ ﺑﺜﻜﻞ ﻭﻃﻠﻌﺖ ﻭﻛﺮﺍﺭ ﺑﺮﻩ ﻭﺭﻗﻴﺔ ﻭﻧﺴﻤﺔ ... ﻟﺰﻣﻮﻫﺎ ﻭﺍﺧﺬﻭﻫﺎ ﻟﻠﻐﺮﻓﺔ ﺍﻟﻲ ﻫﻲ ﺑﻴﻬﺎ ...
ﻧﺎﻳﻤﺔ ﻋﺎﻟﺴﺮﻳﺮ ﻭﻫﻲ ﺗﻔﻜﺮ ﺑﺤﺒﻴﺐ ﺭﻭﺣﻬﺎ .. ﻭﻛﻞ ﺷﻮﻱ ﺗﺴﺄﻝ ﻋﻨﻪ ﺍﻟﺒﻨﺎﺕ ...
ﻇﻠﺖ ﺗﺘﺨﻴﻞ ﻳﻜﻮﻡ ﻫﻮ ﺑﺎﻟﺴﻼﻣﺔ ﻭﻫﻲ ﺗﻮﻟﺪ ﻭﻳﺠﺘﻤﻌﻮﻥ ﺳﻮﻳﻪ ﻭﻣﺎﻛﻮ ﺷﻲ ﻳﺒﻌﺪﻫﻢ ﻭﺍﺣﺪ ﻋﻦ ﺍﻟﺜﺎﻧﻲ .....
ﻏﻤﻀﺖ ﻋﻴﻮﻧﻬﺎ ﺗﺘﺨﻴﻴﻞ ....
ﻧﺎﻣﻮ ﺑﻌﺪ ﺗﻌﺐ ﻭﺣﻴﻠﻬﺎ ﻧﻬﺪ ﻭﻳﻪ ﻫﺎﻟﺜﻼﺛﺔ ... ﻏﻔﺖ ﻭﻫﻲ ﻋﻠﻰ ﺍﻳﺪﻫﺎ ﺍﻟﻴﻤﻴﻦ ﻭﺍﺣﺪ ﻭﺛﻨﻴﻦ ﺑﺼﻔﻬﺎ ﻋﻠﻰ ﻳﺴﺎﺭﻫﺎ ...
ﻏﻔﺖ ﻭﻫﻲ ﻋﻠﻰ ﺍﻳﺪﻫﺎ ﺍﺑﻨﻬﺎ .. ﻭﻧﺎﻳﻤﺔ ﺑﻌﻤﻖ ﻟﺘﻜﻮﻝ ﺳﻨﻴﻦ ﻣﻨﺎﻳﻤﺔﺍﺟﻪ ﺩﺧﻞ ﺑﻄﻮﻟﻪ ﻭﺑﺎﻭﻉ ﻟﻠﻲ ﻧﺎﻳﻤﻴﻦ ﻋﻠﻰ ﺍﻟﺴﺮﻳﺮ ﺗﻼﺛﺘﻬﻢ ﻭﺑﻨﺼﻬﻢ ﺍﻟﻲ ﺧﺬﺕ ﻛﻠﺒﻪ ﻋﺸﻚ ...
ﺍﺑﺘﺴﻢ ﺑﺤﺐ ﺍﻟﻬﻢ ... ﻭﺭﺍﺡ ﺗﺴﻠﻞ ﺑﻬﺪﻭﺀ ﺑﺎﺳﻬﻢ ﻭﺍﺣﺪ ﻭﺍﺣﺪ .. ﻭﺻﻞ ﻟﺤﺒﻴﺒﺘﻪ ... ﺗﺴﺴﻞ ﻓﻮﻛﻬﺎ ﻭﻇﻞ ﻳﺸﻤﻬﺎ ﺑﻠﻬﻔﺔ ﻭﻋﺸﻚ ...
ﺑﻮﺳﻬﺎ ﺑﺤﻨﺠﻬﺎ ﻭﺑﺨﺪﻭﺩﻫﺎ ﻭﻫﻲ ﻭﻻ ﺗﺘﺤﺮﻙ ﻣﻦ ﺍﻟﺘﻌﺐ ﻧﺎﻳﻤﺔ ﻣﺘﺪﺭﻱ ﺑﺎﻟﺪﻧﻴﺎ ...
ﺿﺤﻚ ﻭﻫﻤﺲ ﺍﻟﻬﺎ ... ﺍﻋﺸﻜﺞ ﻳﺎﻧﺒﺾ ﻛﻠﺒﻲ .. ﻭﺑﻮﺳﻬﺎ ﺑﻴﻦ ﻋﻴﻮﻧﻬﺎ ... ﻭﺭﺍﺡ ﻛﺎﻡ ....
ﻭﻫﻲ ﻓﺰﺕ ﻭﺣﺴﺖ ﺑﻲ ﺍﺟﻪ ... ﻭﻛﺎﻣﺖ ﻋﺎﻓﺖ ﻫﺎﻟﺜﻼﺛﺔ ﻧﺎﻳﻤﻴﻦ ﻋﺎﻟﺴﺮﻳﺮ ... ﻭﺗﺮﻳﺪ ﺗﻄﻠﻊ ﻣﻦ ﺍﻟﻐﺮﻓﺔ ﺻﺎﺭ ﺑﻮﺟﻬﻬﺎ ...
ﻫﺸﺎﻡ : ﻫﻼ ﺑﻌﺪ ﻋﻴﻨﺎﻱ ﺷﻨﻮ ﻓﺰﺯﺗﺞ
ﺣﻮﺭﺍﺀ : ﻻ ﻳﻌﻤﺮﻱ ﺍﻧﺘﻪ ﺣﺴﻴﺖ ﺑﻴﻚ ﺍﺟﻴﺖ ﻭﻓﺰﻳﺖ ﻣﺎﺷﻔﺘﻚ ﺿﺠﺖ ﻛﻠﺶ .. ﻋﺒﺎﻟﻲ ﺭﺣﺖ ﺑﻌﻴﺪ
ﻫﺸﺎﻡ : ﻫﺎﻱ ﺍﻧﻪ ﻣﺎﺭﺣﺖ ﻣﻜﺎﻥ ﻳﻤﺞ
ﺣﻮﺭﺍﺀ : ﻻ ﺗﺮﻭﺡ ﻣﻜﺎﻥ ﺑﻌﺪ ﺍﺑﻘﻪ ﻳﻤﻲ ﻻ ﺗﻔﺘﺮﻛﻨﻲ ﻭﻻ ﻟﺤﻈﺔ
ﻫﺸﺎﻡ : ﻭﻻ ﺭﺍﺡ ﺍﺗﺮﻛﺞ ﻟﺤﻈﺔ ...
ﻓﺰﺕ ﻣﻦ ﺗﺨﻴﻼﺗﻬﺎ ﻭﻇﻠﺖ ﺩﻣﻮﻋﻬﺎ ﺗﻨﺰﻝ .. ﻭﺗﻜﻮﻝ ﻫﺎﻱ ﺷﺒﻴﻪ ﻫﻮ ﻋﻨﺪﻱ ﻭﺍﺗﻤﻨﺎﻩ ﻟﻴﺶ ﻫﻴﺞ .. ﺁﺧﺨﺦ ﻛﻠﺒﻲ ﻳﻮﺟﻌﻨﻲ ...
ﺍﻟﺪﻧﻴﺎ ﻗﺴﻤﺖ ﻛﻠﺒﻲ ﺍﺟﺰﺍﺀ ﻣﻮ ﺑﺲ ﻗﺴﻤﻴﻦ .. ﻳﺎﺭﺑﻲ ﺗﻌﺒﺖ ﻫﻮﻧﻬﺎ ﻋﻠﻴﻪ ﻛﻠﺶ ﺿﺎﻗﺖ ﺑﻴﻪ ﻫﺎﻟﻮﺳﻴﻌﺔ .. ﺍﺧﺬﻧﻲ ﻋﻨﺪﻙ ﺍﺫﺍ ﺑﻌﺪ ﺭﺍﺡ ﺍﺷﺒﻊ ﻇﻴﻢ ...
ﺍﺳﺘﻐﻔﺮ ﺍﻟﻠﻪ .. ﺍﻟﺤﻤﺪﻟﻠﻪ ﻋﻠﻰ ﺣﺎﻝ .. ﻭﺣﻄﺖ ﺍﻳﺪﻫﺎ ﻋﻠﻰ ﺑﻄﻨﻬﺎ .. ﻭﺗﺮﺩﺩ .. ﻳﺎﺭﺑﻲ ﺍﺣﻔﻈﻬﻢ ﺍﻟﻲ ﻭﻓﺮﺡ ﻛﻠﺒﻨﻪ ﺑﻴﻬﻢ ﺍﻧﻪ ﻭﺍﺑﻮﻫﻢ ... ﻭﻛﻮﻣﻪ ﺑﺎﻟﺴﻼﻣﺔ ....
ﻧﺎﻣﺖ ﻭﺟﻪ ﺍﻟﻔﺠﺮ ﻭﻫﻲ ﺗﻔﻜﺮ ﺑﻬﺸﺎﻡ ﻭﻛﻞ ﺷﻮﻱ ﺗﻔﺰ ﻭﺗﺴﺎﻝ ﺭﻗﻴﺔ ﺧﺎﻑ ﺻﺎﺭﻟﻪ ﺷﻲ .. ﻭﺗﻜﻠﻪ ﻧﺎﻣﻲ ﻣﺎﺑﻲ ﺷﻲ ﻫﻮ ...
ﺍﻳﻤﺎﻥ ﺑﺎﻟﻤﺴﺘﺸﻔﻰ ﻭﻣﻌﺘﺰﻟﺔ ﻋﻦ ﺍﻟﺠﻤﻴﻊ ﻭﻣﺎﺗﺤﺠﻲ ﻭﻻ ﻛﻠﻤﺔ .. ﻭﺍﻟﺪﻛﺘﻮﺭ ﺟﺎﻱ ﻳﺤﺎﻭﻝ ﻳﺴﺎﻋﺪﻫﺎ ﺑﺲ ﻳﻌﺮﻓﻮﻥ ﻫﺎﻱ ﺣﺎﻯﺘﻬﺎ ﻣﻴﺆﻭﺱ ﻣﻨﻬﺎ ...
ﻣﺮﺕ ﻋﺸﺮﺓ ﺍﻳﺎﻡ ﺗﻌﺐ ﻭﺣﺰﻳﻨﺔ ﻋﻠﻰ ﺣﻮﺭﺍﺀ .. ﻭﻋﻠﻰ ﻫﺸﺎﻡ ... ﻭﻃﻠﻊ ﻣﻦ ﺍﻟﻤﺴﺘﺸﻔﻰ ﻫﻮ ﻭﺗﻌﺎﻓﻪ ﺷﻮﻱ ... ﻭﻫﻲ ﺑﺎﺟﺮ ﻋﻤﻠﻴﺘﻬﺎ ...
ﺟﺎﻧﺖ ﻛﻞ ﻳﻮﻡ ﺗﺨﻠﻴﻬﻢ ﻳﻮﺩﻭﻧﻬﺎ ﺍﻟﻪ ﻭﻣﺎﺗﻘﺒﻞ ﻳﻮﻡ ﻣﺎﺗﺸﻮﻓﻪ ﺗﻜﻠﺒﻬﺎ ﻓﺎﺗﺤﺔ ﺑﺎﻟﺒﺠﻲ ... ﻭﻫﻮ ﻳﻮﻡ ﻣﺎﻳﺸﻮﻓﻬﺎ ﻳﻨﻘﻤﺖ ﻭﻳﺤﺲ ﺍﻟﻌﻼﺝ ﻣﺎﻣﻨﻪ ﻓﺎﻳﺪﺓ ...
ﻣﺎﺗﺼﺪﻛﻮﻥ ﺑﻬﺎﻟﻌﺸﺮﺓ ﺍﻳﺎﻡ ﻟﻜﻮ ﺍﻳﻤﻦ ﺑﻤﺤﺎﻓﻈﺔ ﺛﺎﻧﻴﺔ ﻣﻘﺘﻮﻝ ﻭﻳﻪ ﺑﻨﻴﺔ ﺑﻮﺿﻊ ﻣﺨﺰﻱ ﻭﻣﻘﺘﻮﻟﻴﻦ ﺛﻨﻴﻨﻬﻢ ...
ﻭﺍﻟﺪﻧﻴﺎ ﻧﺨﺒﺼﺖ ﺑﻬﺎﻟﻤﻜﺎﻥ .. ﻃﻠﻌﻮ ﺍﻫﻞ ﺍﻟﺒﻨﻴﺔ ﻛﺎﺗﻠﻴﻨﻬﺎ ﻫﻲ ﻭﻳﺎﻩ ﺑﺴﺒﺐ ﺧﻴﺎﻧﺘﻬﺎ ﺍﻟﻬﻢ ﻭﺑﻬﻞ ﺍﻟﻮﺿﻊ ﺍﻟﻤﺨﻞ ...
ﺍﻟﻠﻪ ﻳﺴﺘﺮ ﻋﻠﻴﻨﻪ ﻳﺎﺭﺏ .. ﻳﻌﻨﻲ ﺣﻮﺑﺔ ﺣﻮﺭﺍﺀ ﻭﺣﻮﺑﺔ ﻫﺸﺎﻡ ﻣﺎﺭﺍﺣﺖ ﻭﺣﺎﺷﺘﻬﻢ ... ﻭﺻﻞ ﺍﻟﺨﺒﺮ ﻷﻫﻠﻪ ﻭﺍﻟﻜﻞ ﻋﺮﻑ ﻛﻞ ﺍﻟﺪﻳﺮﻩ ....
ﻭﺣﺎﺯﻡ ﻳﻜﻮﻝ ﺍﻟﻠﻬﻢ ﻻ ﺷﻤﺎﺗﻪ ﺑﺲ ﻫﺬﺍ ﺟﺰﺍﺗﻪ ﺍﻟﻜﻠﺐ ﺍﻷﺟﺮﺏ ﺍﻟﻐﺪﺍﺭ .. ﻏﺪﺭ ﺑﺄﺳﺪ ﻭﻟﻮ ﻳﻌﻴﺶ ﺍﻟﻔﻴﻦ ﺳﻨﺔ ﻣﺎﻳﻮﺻﻞ ﺭﺑﻌﻪ ...
ﺗﺤﺴﻨﺖ ﺷﻮﻱ ﺣﺎﻟﺔ ﻫﺸﺎﻡ ﻭﻃﻠﻊ ﻧﺪﻣﻦ ﺍﻟﻤﺴﺘﺸﻔﻰ ﻭﻣﺎﺑﻘﻪ ﺍﺣﺪ ﻣﺎﺟﺎﻩ .. ﻭﺍﻟﺒﻴﺖ ﻣﺎﻳﻔﺮﻍ ﻣﻦ ﺍﻟﺨﻄﺎﺭ ...
ﻭﺣﻮﺭﺍﺀ ﻣﻦ ﻃﻠﻊ ﻣﺎﺗﺸﻮﻓﻪ ﺍﺑﺪ ﺣﺘﻰ ﺑﺎﻟﻠﻴﻞ ﻳﻤﻪ ﺍﻟﻮﻟﺪ ﻭﺣﺎﺯﻡ ﻳﺒﻘﻪ ﻳﺒﻘﻪ ﻳﻤﻪ ﻣﺎﻳﺘﺮﻛﻪ ... ﺑﺲ ﺑﺎﻟﻠﻴﻞ ﻣﻦ ﻳﺮﻳﺪ ﻳﻨﺎﻡ ﻳﺮﺍﺳﻠﻬﺎ ﺷﻮﻱ ...
ﻭﻫﻲ ﻛﻠﺶ ﺗﻌﺒﺎﻧﺔ ﻭﺍﺻﻠﺔ ﺣﺪﻫﺎ ﻭﺍﻟﻠﻴﻠﺔ ﺍﺧﺮ ﻟﻴﻠﺔ ﺣﺎﻣﻞ ﺑﻴﻬﺎ ﺑﺎﺟﺮ ﻋﻤﻠﻴﺘﻬﺎ ...
ﻭﻣﺨﻠﺪ ﻛﻠﻪ ﻫﻨﺎﻙ ﻳﻤﻬﻢ .. ﻭﺧﺎﺑﺮ ﺭﻗﻴﺔ ﻛﻠﻬﺎ ﺗﻌﺎﻱ ﻭﺭﻩ ﺍﻟﺒﻴﺖ ﺍﺭﻳﺪﺝ .. ﻭﺑﺎﻟﻜﻮﺓ ﻣﻘﻨﻌﻬﺎ ﺗﺠﻲ ...
ﺭﺍﺣﺘﻠﻪ ﻭﻫﻮ ﻛﺎﻋﺪ ﻋﻠﻰ ﺍﻋﺼﺎﺑﻪ ﻭﻛﺎﻋﺪ ﺑﺎﻻﺭﺽ ﻭﻳﻌﺰ ﺭﺟﻠﻪ ﺑﻌﺼﺒﻴﺔ ...
ﺭﻗﻴﺔ ﺗﺨﺼﺮﺕ : ﻫﺎﺍﺍ ﺷﺘﺮﻳﺪ .. ﻛﻮﻣﺔ ﻧﺴﻮﺍﻥ ﻭﺷﻐﻞ ﻋﺪﻧﻪ
ﻣﺨﻠﺪ ﻛﺎﻡ ﻭﺿﺮﺑﻬﺎ ﺑﺮﺍﺳﻬﺎ : ﻫﻴﺞ ﺗﺤﺎﺟﻴﻨﻲ ﺗﻌﺎﻱ ﺍﺧﺬﻳﻠﺞ ﺩﻓﺮﻩ ﺣﺒﻲ .. ﻭﺍﻻ ﺍﺗﻮﺳﻞ ﻳﺎﻟﻠﻪ ﺗﺠﻴﻦ ﺑﺖ ﺍﻟﺸﻴﺦ
ﺭﻗﻴﺔ ﺿﺤﻜﺖ : ﻳﺎﻋﻤﺮﻱ ﻏﻴﺮ ﻣﺸﻐﻮﻟﺔ ﻭﺍﻟﻠﻪ ﺑﻴﺘﻨﻪ ﻣﺎﻳﺨﻠﻰ ﻣﻦ ﺍﻟﻨﺴﻮﺍﻥ ﻭﻣﺮﺕ ﻭﺍﻧﻪ ﻭﻣﺮﺕ ﻛﺮﻳﺮ ﻛﻠﻪ ﻧﺮﻛﺾ ﺭﻛﺾ ﻣﺮﺕ ﺍﺧﻮﻱ ﻣﺎﺗﻜﺪﺭ ﺗﺸﺘﻐﻞ .. ﻭﺑﺎﻟﺮﻏﻢ ﻫﺎﻱ ﺍﺣﻨﻪ ﻣﺎﻧﻄﺒﺦ ﻣﻠﻪ ﺑﻨﺎﺕ ﻋﻤﺎﻣﻲ ﺍﻟﻜﺒﺎﺭ
ﻣﺨﻠﺪ ﺍﻗﺘﺮﺏ : ﺍﻱ ﻋﻠﻰ ﻛﻴﻔﻬﻢ ﻭﻳﻪ ﺣﺒﻴﺒﻲ ﺿﻌﻔﺎﻥ .. ﻭﻛﺮﺹ ﺧﺼﺮﻫﺎ ...ﺭﻗﻴﺔ : ﺍﺥ ﻭﺍﺣﺪ ﺷﻜﻮﻝ ﻋﻨﻚ .. ﺍﺳﻜﺖ ﺍﺣﺴﻦ
ﻣﺨﻠﺪ : ﺍﻱ ﺣﺒﻲ ﺳﻜﺘﻲ ﻭﺗﻌﺎﻱ ﺍﻧﻄﻴﻨﻲ ﺑﻮﺳﻪ
ﺭﻗﻴﺔ ﻭﺧﺮﺕ ﻋﻨﻪ : ﻫﻬﻬﻬﻬﻬﻪ ﻭﺍﻧﺘﻪ ﺻﺎﻳﺤﻠﻲ ﻋﻠﻰ ﻫﺎﻱ .. ﺳﺨﺨﻴﻴﻴﻒ .. ﺧﻠﻲ ﺍﺭﻭﺡ ﺍﺣﺴﻦ
ﻣﺨﻠﺪ ﺳﺤﺒﻬﺎ : ﻣﻨﻮ ﺳﺨﻴﻒ ﻭﻟﺞ .. ﺗﻌﺎﻱ ﺍﻻ ﺍﺣﺮﻛﻬﻢ ﻛﻠﻬﻢ
ﺭﻗﻴﺔ : ﻫﻬﻬﻬﻬﻪ ﺍﻫﻠﻚ ﻏﻴﺮ ﺍﻱ ﺍﺣﺮﻛﻬﻢ ﻋﺎﺩﻱ
ﻣﺨﻠﺪ : ﻭﺍﻫﻠﺞ ﻋﺎﻟﻮﺍﻫﺲ .. ﺧﺼﻮﺹ ﺍﻟﻈﺎﺑﻂ
ﺭﻗﻴﺔ : ﺧﻄﻴﺔ ﻋﻮﻓﻪ ﺑﺤﺎﻟﻪ ﻣﺎﻳﻔﺎﺭﻙ ﺍﺑﻮﻩ ﻣﻮ ﻣﺼﺪﻙ ﻣﺎﺑﻲ ﺷﻲ ﻭﻃﻠﻊ ﺑﺎﻟﺴﻼﻣﺔ
ﻣﺨﻠﺪ : ﻫﻬﻬﻬﻬﻪ ﺍﻱ ﻭﻟﺞ ﻫﺬﺍ ﻟﺴﺎﻧﻪ ﻣﺘﺒﺮﻱ ﻣﻨﻪ ﻭﺷﻠﻮﻥ ﻳﺸﺎﻗﻪ ﻭﻳﻪ ﺍﺑﻮﻩ ﻟﺘﻜﻮﻝ ﺍﺧﻮﻩ ﻣﺎﻋﺮﻑ ﺷﻠﻮﻥ ﺳﺎﻛﺘﻠﻪ ﺍﻟﺸﻴﺦ
ﺭﻗﻴﺔ : ﻫﻬﻬﻬﻬﻪ ﺍﻱ ﻫﺎﻱ ﻫﻮ ﻧﺎﻃﻲ ﻣﺠﺎﻝ ﻭﻫﻮ ﻣﻨﺤﺮﻑ ﻛﺮﻳﺮ ﻛﻠﺶ ﻣﺜﻠﻚ ﺗﻤﺎﻣﺎً
ﻣﺨﻠﺪ ﻋﺾ ﺷﻔﺘﻪ : ﺟﻨﺖ ﺧﻮﺵ ﻭﻟﺪ ﻭﺍﻟﻠﻪ ﻣﻦ ﺷﻔﺘﺞ ﺍﻧﺤﺮﻓﺖ
ﺭﻗﻴﺔ : ﺍﻱ ﺟﻨﺖ ﺍﻣﺎﻡ ﺟﺎﻣﻊ ﻫﻬﻬﻬﻬﻬﻪ .. ﻭﺍﻟﺒﻨﺎﺕ ﻣﻨﻮ ﺟﺎﻥ ﻳﺰﺣﻒ ﻋﻠﻴﻬﻦ
ﻣﺨﻠﺪ : ﺍﻃﻠﻌﻠﺞ ﺭﺟﻠﻴﻪ ﻭﺍﻳﺪﻳﻪ ﻃﺎﺑﻦ ﻣﻦ ﺍﻟﺰﺣﻒ ﻭﺣﻘﺞ ﻫﻬﻬﻬﻬﻬﻬﻪ
ﺭﻗﻴﺔ : ﺍﻱ ﻓﺪﻳﺘﻚ ﺻﺎﻳﺮ ﻋﺎﻗﻞ ﻛﻠﻪ ﻋﻠﻤﻮﺩﻱ
ﻣﺨﻠﺪ : ﺍﻱ ﻳﺎﺑﻪ ﻋﻠﻤﻮﺩﺝ ﻭﺍﺑﻴﻌﻬﻢ ﻛﻠﻬﻢ ﻋﻠﻤﻮﺩﺝ
ﺭﻗﻴﺔ ﺑﺄﺑﺘﺴﺎﻣﺔ : ﻣﻨﻮ ﻫﻤﻪ
ﻣﺨﻠﺪ ﺑﺎﺑﺘﺴﺎﻣﺔ : ﺟﻤﺎﻋﺘﻲ ... ﺃ ﺃ ﺍﻗﺼﺪ ﺍﻟﺪﻧﻴﺎ ﻛﻠﻬﺎ ﻫﻬﻬﻬﻬﻬﻪ
ﺭﻗﻴﺔ ﺑﻨﺺ ﻋﻴﻦ : ﻓﻠﺘﺖ ﻣﻨﻬﺎ .. ﻳﺎﻟﻠﻪ ﺍﺭﻳﺪ ﺍﺭﻭﺡ ﺍﺗﺮﻛﻨﻲ .. ﻭﺗﺮﻳﺪ ﺗﺮﻭﺡ ﺳﺤﺒﻬﺎ ﻭﻃﺒﻊ ﺑﻮﺳﻪ ﺑﺸﻔﺎﻳﻔﻬﺎ ...
ﻣﺨﻠﺪ : ﺗﺮﺣﻴﻦ ﺑﺪﻭﻧﻬﺎ ﻣﺎ ﻳﺼﻴﺮ
ﺭﻗﻴﺔ ﺧﺠﻠﺖ : ﻭﺍﻟﻠﻪ ﺗﺨﻴﻴﻒ ... ﻭﺷﺮﺩﺕ ﻃﻠﻌﺖ ﻣﻦ ﻭﺭﻩ ﺍﻟﺒﻴﺖ ﻛﺮﺍﺭ ﺷﺎﻓﻬﺎ ...
ﻛﺮﺍﺭ : ﺍﻟﻴﻮﻡ ﺍﺷﻌﻠﻬﻢ ﺷﻌﻞ ﻭﻟﺞ ﻭﻗﻴﺔ ﺷﺴﻮﻳﻦ ﻭﺭﻩ ﺍﻟﺒﻴﺖ ﻳﻢ ﺍﻻﻣﻠﺢ ﻣﺎﻟﺘﺞ ﻣﻮ .. ﺍﻟﻴﻮﻡ ﺍﺷﻌﻞ ﺑﺨﺖ ﺑﺨﺘﻪ
ﺭﻗﻴﺔ ﺿﺤﻜﺖ : ﻭﺍﻟﻠﻪ ﺳﺤﻠﻨﻲ ﺳﺤﻞ
ﻛﺮﺍﺭ : ﺍﻱ ﺩﺧﻞ ﻳﻢ ﺍﻟﻨﺴﻮﺍﻥ ﻭﺳﺤﻠﺞ .. ﻭﺍﻟﻠﻪ ﺍﻧﺘﻦ ﺍﻟﻨﺴﻮﺍﻥ ﻳﻤﻪ ﻣﻨﺠﻦ .. ﻳﺘﻤﻨﻌﻦ ﻭﻫﻦ ﺍﻟﺮﺍﻏﺒﺎﺕ
ﺭﻗﻴﺔ : ﺍﻧﺠﺐ ﻛﺮﻳﺮ ﻋﻤﺘﻚ ﺍﻧﻪ ﻫﻬﻬﻬﻬﻬﻪ
ﻛﺮﺍﺭ : ﺩﺧﻠﻲ ﺩﺍﺧﻞ ﻻ ﺍﻧﻪ ﺍﺳﺤﻠﺞ ﻭﺍﻋﻠﻜﺞ ﺑﺎﻟﺒﻨﻜﻪ ﺍﻧﺘﻲ ﻭﺍﻷﻣﻠﺢ ﻣﺎﻟﺘﺞ .. ﺍﻻ ﺍﺧﻠﻴﻬﺎ ﺣﺴﺮﺓ ﺑﻜﻠﺒﻪ ﺷﻮﻓﺘﺞ
ﺭﻗﻴﺔ ﺿﺤﻜﺖ ﻭﺩﺧﻠﺖ ﺩﺍﺧﻞ ...
ﻭﺑﺎﻟﻠﻴﻞ ...
ﺣﻮﺭﺍﺀ : ﺭﻗﻴﺔ ﺍﺭﻳﺪ ﺍﺷﻮﻑ ﺍﻟﺸﻴﺦ ﻗﺒﻞ ﻣﺎﺭﻭﺡ ﺑﺎﺟﺮ ﻟﻠﻤﺴﺘﺸﻔﻰ .. ﺍﺧﺎﻑ ﻫﺎﻱ ﺷﻮﻓﻪ ﺍﻟﻲ ﻭﻣﺎ ﺻﺤﻰ ﻣﻦ ﺍﻟﻌﻤﻠﻴﺔ
ﺭﻗﻴﺔ : ﺍﺳﻢ ﺍﻟﻠﻪ ﻋﻠﻴﺞ ﺷﻬﻞ ﺍﻟﺤﺠﻲ ﻭﺍﻟﻠﻪ ﺍﺿﻮﺝ ﻣﻦ ﺗﺸﺎﺋﻢ ﻣﺎﻟﺘﺞ .. ﺍﻥ ﺷﺎﺀ ﺍﻟﻠﻪ ﺭﺑﻲ ﻳﻜﻮﻣﺞ ﻭﺗﺮﺟﻌﻴﻦ ﻭﻳﺎﺝ ﺍﻟﺜﻼﺛﺔ ﺍﻟﺤﻠﻮﻳﻦ
ﺣﻮﺭﺍﺀ : ﺍﻟﻠﻪ ﻛﺮﻳﻢ .. ﺍﺭﻳﺪ ﺑﺲ ﺍﺷﻮﻓﻪ ﺍﺧﺮ ﻟﻴﻠﺔ
ﺭﻗﻴﺔ : ﻫﻢ ﺭﺟﻌﺖ ﻛﺎﻟﺖ ﺍﺧﺮ ﻟﻴﻠﺔ .. ﻭﺑﻌﺪﻳﻦ ﺷﻠﻮﻥ ﺗﺸﻮﻓﻴﻨﻪ ﻭﻫﻮ ﻣﺎﻳﺨﻠﻪ ﺍﻟﺪﻳﻮﺍﻥ ﻣﻦ ﺍﻟﺰﻟﻢ ﻭﺣﺘﻰ ﻟﻮ ﻳﺮﺣﻮﻥ ﺍﻟﻮﻟﺪ ﻭﻳﺎﻩ ﻭﺣﺎﺯﻡ ﺍﺑﻦ ﻋﻤﻲ ﻳﻤﻪ ﻳﺒﺎﺕ
ﺣﻮﺭﺍﺀ : ﻣﺎﻋﻠﻴﻪ ﺍﺭﻳﺪ ﺍﺷﻮﻓﻪ .. ﻭﺍﻟﻠﻪ ﻣﺸﺘﺎﻗﺘﻠﻪ
ﺭﻗﻴﺔ : ﺍﻟﻠﻪ ﻛﺮﻳﻢ ﺧﻞ ﺍﺷﻮﻑ ﻛﺮﻳﺮ ﻭﻧﺤﺎﺟﻲ ﻭﻣﻦ ﻳﺮﻭﺡ ﺍﻟﻜﻞ ﻭﻧﺸﻮﻑ ﻳﺸﻮﻑ ﺣﺎﺯﻡ
ﺣﻮﺭﺍﺀ : ﺍﻱ ﻓﺪﻭﺓ ﺍﻧﻪ ﺍﺳﺘﺤﻲ ﻣﺎﻛﻞ ﻟﻜﺮﺍﺭ .....
ﺑﻌﺪﻳﻦ ﺧﻠﻪ ﺍﻟﺪﻳﻮﺍﻥ ﻣﻦ ﺍﻟﻨﺎﺱ ﻭﺣﺎﺯﻡ ﺍﺳﺘﺄﺫﻥ ﻣﻦ ﻫﺸﺎﻡ ﻳﺮﻭﺡ ﺑﻴﺘﻪ ﺷﻮﻱ ﻭﻳﺮﺟﻊ ﺍﺑﻨﻪ ﻣﺴﻮﻱ ﻣﺸﻜﻠﺔ ﺍﻟﻴﻮﻡ ﻭﻳﺮﻳﺪ ﻳﺸﻮﻓﻪ ...
ﻭﺑﻘﻮ ﻳﻤﻪ ﻭﻟﺪ ﻋﻤﻪ ﺛﻨﻴﻦ ﻭﻛﺮﺍﺭ .. ﻭﻫﻢ ﺭﺍﺣﻮ ﺑﻌﺪﻳﻦ .. ﻭﺑﺎﻟﻮﺣﺪﺓ ﺑﺎﻟﻠﻴﻞ ﺣﻮﺭﺍﺀ ﺗﻨﺘﻈﺮ ﺗﺸﻮﻑ ﺍﻟﺸﻴﺦ ﻭﺧﺎﻳﻔﺔ ﻭﻣﺘﻮﺗﺮﺓ ﻣﻦ ﺑﺎﺟﺮ ...
ﻭﺣﺘﻰ ﺗﺒﺎﻭﻉ ﻷﻳﺪﻳﻬﺎ ﻳﺮﺟﻔﻦ ﺭﺟﻔﺔ ﺧﻔﻴﻔﺔ ﻣﻦ ﺍﻟﺨﻮﻑ ﻭﺷﻮﻱ ﺟﺎﻥ ﺗﺠﻴﻬﺎ ﺭﻗﻴﺔ ﻛﻠﺘﻠﻬﺎ ﻫﺸﺎﻡ ﻳﺮﻳﺪ ﻳﺤﺎﺟﻴﺞ .. ﺑﺪﻭﻥ ﻣﺎﺗﻜﻠﻬﻢ ﺭﻗﻴﺔ ﻫﻮ ﻫﺸﺎﻡ ﻛﻠﻬﻢ ﺻﻴﺤﻮ ﻟﺤﻮﺭﺍﺀ ﺍﺭﻳﺪ ﺍﺣﺎﺟﻴﻬﺎ ...
ﻭﻫﻲ ﻣﺎﺻﺪﻛﺖ ﻛﻠﻮﻟﻬﺎ ﻫﻴﺞ ﻛﺎﻣﺖ ﺑﺘﻌﺐ ﻭﺛﻜﻠﻪ ...
ﻭﺭﺍﺣﺖ ﺍﺗﺠﻬﺖ ﻟﻠﺪﻳﻮﺍﻥ ﻣﺤﺪ ﺍﻛﻮ ﻭﺗﺮﻳﺪ ﺗﺪﺧﻞ ﻛﺮﺍﺭ ﻋﺒﺮ ﻋﻠﻴﻬﺎ ﻭﻳﺸﺎﻗﻪ ﻭﻳﻜﻠﻬﺎ ﺩﻳﺮﻱ ﺑﺎﻟﺞ ﻋﻠﻰ ﻛﻠﺐ ﺍﺑﻮﻱ ﻣﻮ ﻧﺎﻗﺼﻨﻪ ﻳﺼﻴﺮ ﺑﻲ ﺟﻠﻄﺔ ﻫﻬﻬﻬﻬﻬﻬﻬﻪ ....
ﻭﻫﻲ ﺧﺠﻠﺖ ﻭﺗﻀﺤﻚ ﺗﺪﺭﻱ ﻳﺸﺎﻗﻪ ... ﺩﺧﻠﺖ ﺩﺍﺧﻞ ﺷﺎﻓﺘﻪ ﻣﺘﻤﺪﺩ ﻭﻛﺎﻋﺪ ﻋﺎﻟﻨﺺ ﻣﺘﻜﻲ ﻋﻠﻰ ﻣﺨﺎﺩ ﻭﺭﺍﻩ .. ﺷﻜﺪ ﻭﺟﻬﻪ ﺍﺻﻔﺮ ...
ﺭﺍﺣﺘﻠﻪ ﺑﺜﻜﻞ ﺗﻤﺸﻲ ﻭﻫﻮ ﺍﺑﺘﺴﻢ ﺍﻟﻬﺎ .........
